قسمي معاشج وعن خبرة مع @ الرسامة @

[أغلى حبيبه]

رد : قسمي معاشج وعن خبرة مع @ الرسامة @

امس قلت حق زوجي شرايك انيمع لنا جم فلس حق البيت
شوف اختك حاطه 50الف غير ال70 على بيتها
لا واهيا تشتغل عيل انا اللي مااشتغل من وين بنبني البيت
يقولي معاشي عنها اهيا وزوجها
بالله شقوله
لا وشهر 4 راح يقرون 200 علاوة المهندسين
يعني المعاش الحمدالله وايد راهي بس موراضي

 

[رفرف]

رد : قسمي معاشج وعن خبرة مع @ الرسامة @

الصراحة رسامة انا مانفعت معاي هالطريقة ..
دام المعاش كله في المتناول كله يطير ...
لين سويت طريقة ثانية يمكن اتفيدكم ...
فتحت حساب ثاني اوكي ؟
وخاشة الكرت ومضيعه الرقم السري ...
وقمت كل شهر اخلي اللي يكفيني واحول فيه مبلغ من المعاش اللي اهوه المبلغ اللي اوفره ...
وخلااااااص اللي يتحول مايرجع لو شنو .. لو اضطر اتسلف بس ماسحب من الحساب الثاني ...
وفعلا قام يتيمع ... لأني حتى لو بغيت اسحبه ماقدر لازم اروح البنك وعباله ...

 

[أنا وين ؟؟]

رد : قسمي معاشج وعن خبرة مع @ الرسامة @

عيل تدرون ان انا كان اييني معاش من يوم وانا بالثانويه ؟؟!! (( لأن ابوي متوفي ))

يعني من سنة 92 وعقب تزوجت واشتغلت ومعاشي كان راااااااااااااااااااهي .... وقولو جم يمعت ؟؟؟
















ولالالالالالالالالالاشي


ولي يومكم وانا ودي ايمع بس الاقي الفلوس طارت ما ادري شلون.... سويت ميزانيات وجربت طرق ماكو فايده فيني متعوده على الصرف ما احب مبلغ يكون عندي وما اخلصه مايصير

 

[معلمه متميزه]

رد : قسمي معاشج وعن خبرة مع @ الرسامة @

تسلمين يالرسامه امين انشاء الله ..

رفرف سويت طريقتج قبل فتحت لي حساب توفير على ايام الحسابات دفاتر مو كروت ..

الله وكيلج يتحول المبلغ على الحساب مني منباجر رايحه متعنيه البنك وساحبتهم من حساب التوفير ..

ماكو فايده والله ..

الحين انا فاتحه حساب لولدي واحول عنطريق الانترنت من حسابي لحسابه على اساس بوفر ..

بس انا حفظت الرقم السري شلون انساه

عموما تسلمون على هالطرق المبتكره وانشاء الله نلاقي شي ينفع ويانا ..

 

[رفرف]

رد : قسمي معاشج وعن خبرة مع @ الرسامة @

غشيمة ...
الفكرة من الحسابين انج اذا بغيتي مبلغ صغير قصدي مو محتاجته بس جذي جمعية وخرابيط ومكياج زايد خو ادراجنا بتنبط من المكياج مايكون المبلغ تحت ايدج ... ولو بتتعنين البنك ماتسوى على 10 او 20 ....

 

[@ الرسامة @]

رد : قسمي معاشج وعن خبرة مع @ الرسامة @

أغلى حبيبه



ادري بسوالفهم
كله يقولون جذيه نقدر ونقدر واهم بس يتحجون بس لين تصير الصجية طخووووووو


اما سالفة العلاوة مالت المهندسين فاهي لما الحين مو ثابتة بين 150 و200 دينار

 

[@ الرسامة @]

رد : قسمي معاشج وعن خبرة مع @ الرسامة @

رفرف

انا مثلج فاتحتلي حسابين واشيل واحول لي الحساب الثاني ولا بالبيت بعد عن طريق الانترنت
احول الفلوس وهالطريقة وايد حلوة

 

[@ الرسامة @]

رد : قسمي معاشج وعن خبرة مع @ الرسامة @

انا وين


انتي تضيعين افلوسج لان ما عندج هدف معين يخليج تيمعين
شوفي حطي ببالج انج تفتحين مشروع
وحطي راس مال
وفكري بطريقة انج اتجمعين المبلغ
وشوفي

 

[نفيشه]

رد : قسمي معاشج وعن خبرة مع @ الرسامة @

والله سالفة الخردة منطقية بجربها انشالله
مع اني اكبر فلفاسية بالكويت
وما اشتغل ولا عندي معاش بعد وهم ما اتوب ولا يمعت ولا عود

و اغلى حبيبة مدام مو راضي ايمع يمعي انتي بدالة بدون لا يدري وخشيهم حق المستقبل يعني لي طلبتي منه مبلغ يمعي منه جزء وانشالله تنفع معاه هالطريقة

 

[أم ضارى]

رد : قسمي معاشج وعن خبرة مع @ الرسامة @

الرسامه ............ الطارئ اللى اقولج عنه مايتناسب بالمره مع بند الطوارئ اللى انا حاطته يعنى انا مثلا بند الطوارئ عندى 30-50 دينار بس انا طوارئ السياره عندى بالميات حتى الحين ابوى يقولى كراسى المكينه يبيلها تغيير وهاذى يمكن تكلفه اميه وشى قلتله اذا صج خل السياره تولى بالقراج صراحه انا عندى التزامات وايد هالشهر والشهر الياي اتسلف من ريلى سيارته وامرى لله مع انى ماحب سواقتها ... اى والله حتى المكينه صارلها كراسى !!!

وطبعا من سنين ومنين مجربه طريقة انى اوفر بحساب التوفير وبعدها بكلللللللل بساطه ارد احولهم بحسبى عن الطريق النت عيل اشسوينا اشحقه انا خاشه الكرت !!!

بس وانتو الصاجين الظاهر لازم ارد حق الطريقه القديمه هاذى اللى صج انفعت وياي كنت ايمع الفلوس عن امى يعنى احولهم عن طريق النت كل مازاد عندى شى لى حسبها وذيك الساع صج ماقدر اخذهم لانى قايله حق امى لوتشوفينى افحط او اتسلف لاتعطينهم لى بس عقب مايمعت مبلغ حلييييو خذيتهم علشان اشترى فيهم اسهم ولحد الحين ما ادرجوها بالبورصه

الله يعافي امى لازم ارد ان شاء الله ايمع بحسابها

 

[@ الرسامة @]

رد : قسمي معاشج وعن خبرة مع @ الرسامة @

ام ضاري

عقدتيني


شهالسيارة اللي كل شهر حاطة عليها فوق الامية ؟؟؟؟؟

يبا بيعيها واخذي غيرها
ولا كل هالشقا !!!

 

[معلمه متميزه]

رد : قسمي معاشج وعن خبرة مع @ الرسامة @

ههههههههههههههههههههه

ام ظاري ذكرتيني بسالفتي ياحليلج ظحكتيني والله ..

انا بعد مره سويت مثلج كنت احول الفلوس على حساب التوفير وخليت الدفتر عند الووالده وقلتها ..

لاتعطيني اياه لو تشوفيني اناقز وافحط عندج مهما اسوي لاتعطيني اياه ..

قالت لي اعرفج بتاذيني ما منج فايده واقولها هالمره غير انا جاده

الله وكيلج تحملت شهرين يمكن وعقبها قلتلها خلاص يما عطيني الدفتر اول مارضت وما خلتني اخذه بس قعدت لى راسها قلتلها خلاص نقضت الاتفاق بسوي كذا وبسوي كذا ..ليما استسلمت لحنتي وعطتني اياه ..


ههههههههههههههههههه والله كلما اتذكر روحي اظحك ...

 

[معلمه متميزه]

رد : قسمي معاشج وعن خبرة مع @ الرسامة @

رفرف انا ما حول عشره وعشرين لحسابي احول مو اقل من 50 ولا جم سنه يبيلي على ما ايمع اذا بحول على 10 و20 ..

بس على قولتج انا فتحت حسابين واحول من والاساسي للثاني عنطريق الانترنت اريح واسرع واحسن ..

والله يعينا ويقوي ايرادتنا ..

وتسلمين حبيبتي ..

 

[lala2]

رد : قسمي معاشج وعن خبرة مع @ الرسامة @

انا مثلج فاتحتلي حسابين واشيل واحول لي الحساب الثاني ولا بالبيت بعد عن طريق الانترنت
احول الفلوس وهالطريقة وايد حلوة


رسامه ابي اعرف هالطريقه لو سمحتي
لان اناعندي حساب ثاني بس ماعندي وقت اروح احول
فياليت تقولوين لي
ومشكوره اختي

 

[معلمه متميزه]

رد : قسمي معاشج وعن خبرة مع @ الرسامة @

لا لا روحي لموقع البنك وسجلي فيه او روحي البنك واستفسري ..

انتي شنو بنكج اذا بيت التمويل اقدر اساعدج ..

وتسلمين

 

[lala2]

رد : قسمي معاشج وعن خبرة مع @ الرسامة @

هلا غشيمه انا بنك التمويل
شلون ومشكوره مقدما

 

[@ الرسامة @]

رد : قسمي معاشج وعن خبرة مع @ الرسامة @

الطريقة وايد سهلة


دشي موقع بيت التمويل
وحطي رقم سري واسم لج

وبعدين حولي وشيلي على راحتج

 

[معلمه متميزه]

رد : قسمي معاشج وعن خبرة مع @ الرسامة @

هلا اختي مثل ما قالت الرسامه ..

روحي لموقع بيت التمويل ..

www.kfh.com

اذا دخلتي الموقع راح تلاقين على يمين الصفحه 3 مربعات فوق بعض دخول وتسجيل وعرض ..

اختاري تسجيل وسجلي بياناتج الي راح يطلبونها منج ..

بعدين عقب ما تدخلين الصفحه الرئيسيه وتلاقي مكتوب فوق مرحبا فلانه الفلاني ..

راح تلاقين بيانات حسابج الرئيسي .. واذا عندج فيزا هم بتشوفين بياناتها ..

المهم الحين طالعي فوق راح تلاقين قوائم ..

المصرفي التجاري العقاري ... الخ ..

اختاري المصرفي ..

قائمة المستفيدين .. التحويلات داخل بيتك ..

راح تطلع لج صفحه تقولج ماعندج مستفيديدن وتقدرين تحطين مستفيدين ..

حطي بيانات المستفيد ( وعلى فكره تقدرين تحطين بيانات اي احد تبين تحوليله فلوس حسابات عيالج اهلج ابوج امج .. الخ )

الحين حطي بيانات حسابج الثاني الي تبين تحولين له ..

الاسم ورقم الحساب وتفاصيل اخرى كتبي فيها اي شي مثلا بيت التمويل الكويتي ..

المهم عقب ما تحطين اوكي راح يطلع لج جدول فيه بيانات حسابج الثاني وراح تلاقين يمه التفعيل اظن NO المراجعه NO

هذا لازم تنطرين يومين جذي على ما يفعلون لج القائمه لانهم لازم يفعلون اي مستفيد تحطينه ..

اذا تم تفعيل المستفيد عاد تقدرين تحولين عادي من حسابج الرئيسي الى الحساب الثاني ..

واذا دخلتي مره ثانيه ولقيتي المستفيد مو مفعل يعني مو يمه ok

دقي على 803333 وكلمي الموظف وهو يفعلج اياه ..

انشاء الله اكون افدتج ولاي استفسار انا حاضره ... وتسلمون ..

 

[@ الرسامة @]

رد : قسمي معاشج وعن خبرة مع @ الرسامة @

يعطيج العافية والقوة يا الغشيمة ما قصرتي

 

[معلمه متميزه]

رد : قسمي معاشج وعن خبرة مع @ الرسامة @

الله يافيج حبيبتي ..شدعوه ما سوينا شي ..