قسمي معاشج وعن خبرة مع @ الرسامة @

[شمس و قمر]

رد : قسمي معاشج وعن خبرة مع @ الرسامة @



حراااااام تكسرون الخاطر

موظفات وتهدون عيالكم طول النهار وتعب وحوسه على ماكو؟؟؟؟؟؟؟؟؟؟

شالفايده؟؟؟؟؟؟؟

انا مو متوظفه وزوجي معاشه 600 من غير الاقساط طبعااااا<<<<يكسر الخاطر

كل شهر يعطيني 200 خمسين منهم امي تاخذها تخشها تحت تهديد السلاح

يبقالي 150 اذا نقصني فلوس رجعت سويت سطو مسلح على زوجي لان امي مقدر عليها هههههههههههههههه احط حرتي بهالفقير

والحمدلله عايشين وموناقصنا شي

 

[Raveena]

رد : قسمي معاشج وعن خبرة مع @ الرسامة @

خوش موضوع ....

انا مو من النوع اللي وايد اصرف ... بس مرات اطلب من الانترنت ملابس و اغراض للتجارة و لما ابيعها فلوسها احطهم في البنك و عن طريق الانترنت احول المبلغ لحساب الجوهرة و جذي اوفر ... و كل شهر اعطي ابوي فلوس يحطهم لي بالاسهم و تطلع لي ارباح بس الارباح اللي تطلع ارد احطها في الاسهم ...

 

[al7anona]

رد : قسمي معاشج وعن خبرة مع @ الرسامة @

اميييييييين الغشيمه

 

[ام ناييف]

رد : قسمي معاشج وعن خبرة مع @ الرسامة @

انا لي 8 سنين اشتغل والرصيد فاضي و لله الحمد
بس الحين اخذت درس ودخلت جمعيه بمبلغ كبير علشان اقدر اجمع
واتعود على عزل هالمبلغ من مصروفي

لاني عندي هدف ودي احققه بس مو قادره
بس الله كريم

والوحده لازم تخش لها مبلغ الدنيا ما ينقال عليها

 

[@ الرسامة @]

رد : قسمي معاشج وعن خبرة مع @ الرسامة @

اتصدقون بنات انا بالغصب ما سكة نفسي وقاعدة اقاوم شغلات وايدة بس والله علشان مصلحتي يعني ابي اشتري بيت وابي اسافر
بس من وين ؟؟؟؟


لازم انيمع جم بيزة

 

[al7reyaa]

مشاركة: قسمي معاشج وعن خبرة مع @ الرسامة @

اولا مشكوره على هالموضوع يا الرسامه
بنت الكويت مشكوره اللي دليتيني علي الموضوع

انا جربت اسوي استقطاع 50دينار بحساب ثاني اول ما يخلص معاشي اطير له
شريت حصاله حديد يمكناهيه اللي فادتني ... اكثر لاناحطفيها على الاقل 40 بالشهر و افتحها عقب 6 او7 اشهر طبعا بالاضافه الخرده المقططين عقب الزقاير ونحصل مبلغ لا يستهان فيه

 

[حبيبة الكويت]

مشاركة: قسمي معاشج وعن خبرة مع @ الرسامة @

يعطيش العافية أختي أنا صار لي بالوظيفة 8 سنين وبديت أجمع من هذي السنة لأن باقي على التقاعد 7 سنين فلازم أجمع حتى ما أطر وتسلف من أحد وعساني ما آخذ من أحد

 

[عمري الكويت]

مشاركة: قسمي معاشج وعن خبرة مع @ الرسامة @

طريقتج حلووه نفسي اجربها

 

[الجــادل]

مشاركة: قسمي معاشج وعن خبرة مع @ الرسامة @

والله فكرة


انا توني متوظفة


ومو متزوجة


وما عندي مصاريف واجد يعني مو كل شهر اشتري ملابس واتسوق واخربط


بس اذا مرة شريت اشتري حق مدة طويلة يعني دفعة وحدة


واهلي مو مقصرين يعني راتبي حق خرابيطي


فشرايكم كم اخش؟؟؟

 

[sunshine22]

مشاركة: رد : قسمي معاشج وعن خبرة مع @ الرسامة @

كل شهر يعطيني 200 خمسين منهم امي تاخذها تخشها تحت تهديد السلاح

يبقالي 150 اذا نقصني فلوس رجعت سويت سطو مسلح على زوجي لان امي مقدر عليها هههههههههههههههه احط حرتي بهالفقير

والحمدلله عايشين وموناقصنا شي

؟؟؟؟؟؟؟؟؟؟؟

غريبه شمس

امج شكو تعطينها من فلوس زوجك هو مكلوف فيها ؟؟؟

<<<مستغربه صراحه


والمعاش يووووووووووو
لو شنو مااوفر انا

 

[جارة القمر]

مشاركة: قسمي معاشج وعن خبرة مع @ الرسامة @

مشكوره الرسامه

أن شاء الله نجربه

 

[الحياة]

مشاركة: قسمي معاشج وعن خبرة مع @ الرسامة @

والله انا حابه اوفر عدل بس ماادري شلون
انا توني متوظفة والحمدلله انا معاشي راهي علي
بس مااقدر دام اشوف فلوس بالحساب اسحبهم على طول
وبعدين انا نوعي امشي بالكنت
مااحب اسحب كاش لانه اذا الفلوس بيدي بتطير على طووووول
والشهر الياي حاطه ببالي اسحب بس مصروفي اليومي وبس واقعد فيه الشهر كله واذا خلص
اضغط على نفسي ومااسحب
وانشالله اوفرلي شي
هذا مع اني مو متزوجه...بس شنسوي اروح السوق انسى حالي اهناك
ومن كي نت لي كي نت وانصدم بالرصيد

 

[فناااتك]

مشاركة: قسمي معاشج وعن خبرة مع @ الرسامة @

انا لو يعطونى معاش وزير مايكفينى وانا بنوتة تونى بس اذا بتوفرون معاشكم عطونى المعاش انا اوفرة لكم ههههههههههههههه

 

[under shadow]

مشاركة: قسمي معاشج وعن خبرة مع @ الرسامة @

حلو التقسيمات ان شاء الله نستفيد

 

[New Mum]

مشاركة: قسمي معاشج وعن خبرة مع @ الرسامة @

والله انا جنا فادت معاي خطة الحصاله الحديد والله شحليللي صارلي شهر كل ما تميت دعست فيها حتن الخرده المقططه كل مكان قمت اقط فيها يعل و عسى ربي يتمم علي و ما اكسرها ادعولي لول

 

[اعييز]

مشاركة: قسمي معاشج وعن خبرة مع @ الرسامة @

ياختج فلوس هالوقت مافيها بركه ..

استغفرالله ياربي عيزت والله ياإني مبذره ياإن شغلي مايخلص !

بحاول مع هالسنة اليديدة أحط لي النويتات الصغار واكتب كل شهر وعلى قولتج اقارنه


ماقصرتي بعد قلبي

 

[@ الرسامة @]

مشاركة: قسمي معاشج وعن خبرة مع @ الرسامة @

اعييز
حياج الله بس والله فلوسنا فيها البركة بس عقلنا ما قاعد ياخذ وقت علشان يحسب
والله اخذيها مني نصيحة وجمعي ترى الدنيا اتخرع



New Mum
الله يعطيج على قد نيتج وان شالله اتجمعين وهذي خطوة حلوة منج وبالتوفيج

loleta
هلا وغلا


فناااتك
لا والله
اقبض من دبش عيل
والله يعينا عليج بعدين


الحياة
انا جربت طريقتج بالاول وقمت قبل اسبوع من المعاش انصدم برصيدي لانج تسحبين وما تدرين
ترى الطريقة هذي خاطئة وحطي بالج


جارة القمر
وانا بالخدمة وحياج


الجــادل
والله خشي اللي تقدرين عليه على الاقل باجر ينفعج حتى بتجهيزج ما تخلين على عمرج شي بخاطرج


عمري الكويت
جربيها وراح تدعيلي


حبيبة الكويت
لحقي على عمرج عيل ترى العمر يركض



sunshine22
اهي اقصدت انها تخش الفلوس عند امها

 

[إمرأة مثالية]

مشاركة: قسمي معاشج وعن خبرة مع @ الرسامة @

مشكووووووووووووووووره

 

[om hasoooooooooon]

مشاركة: قسمي معاشج وعن خبرة مع @ الرسامة @

ادعولي امانه ايمع من معاشي
والله انها امنية حياتي
هذي خامس سنه لي وآنا اشتغل بس ايخلص المعاش قبل لا ايي المعاش الي عقبه
وايد وايد اصرف وعلى كل شي اصرف ومرات بدون معنى اصرف (ترى الريل نفس الشي)
وترا يا بنات المعاش عمره عندي ماااااعاش

بس انشالله بجرب من هالشهر والله كرييييييم وهو خير الرازقين

 

[جوري الكويت]

مشاركة: قسمي معاشج وعن خبرة مع @ الرسامة @

والله خوش موضوع..و انا بعد نفس الشي صار لي سنه أشتغل و مطلوبه بنك و اقساط و فيزا على الخرابيط ,,بس و الله مفكره أيمع ,, انشالله من السهر الياي

تري مكن احنا أكثر شعب بالعالم نصرف ...

اذا سمعنا في تنزيلات بسوق ولا بمحل ركضه رحنا ,, اللي يقول قاعدين من غير هدوم ,, و الكبتات و جناط الهدووم بتنبط عندنا ,

و المشكله ان عيالنا قاعدين يتعودون نفسنا على الاسراف و التبذير .,,, عندهم العشره جنه دينار ...

و شوفوا الدول الثانيه معاشاتهم أقل منا واااايد و كلهم يشتروون بيوت من معاشاتهم الا احنا ,

مع الحكومه ماقصرت تساعدنا علشان نشتري بيوت , لكن ما نيمع حتى للتأثيث ,

حتى لمن زادونا ال50 لقينا لها طريقه نصرفها ,, ماكو فايده فينا كويتيين ,,

انشالله من الشهر الياي بحطلي حساب ثاني ,,ادعوا لي