قصة ولادتي بنور الدنيا "نورة" ولله الفضل والمنه

[ريمي وميمي]

الف مبروك والحمدلله على السلامه وعقبال باقي بنات تجمعنا

 

[ام ريان3]

الف مبروك والحمدلله على السلامه

 

[آهات الليل]

لايوقف
لايوقف
لايوقف
ويعلق المنتدى ههههههههههههه
عالعموم الف الف الف مبروووووووووووووك

 

[dandoun]

ألف مبروك مبروك

 

[sweet pink]

مبرووووووووووووووووووووووووووووووووووووك حبيبتي الف الف مبرووووووووووووووووووووووووووووووووووك
عقباال انشاالله ما توشفينها عرووووووس وتفرحييين فيها
والحمدالله على سلامتج

 

[Flana@]

We are wating:wqedqw:

 

[ابتسمامه]

الف مبرووووووووووووووك
والحمدلله على سلامتج

 

[روعة خيال]

الف الحمدلله على السلامة و سلامة نواري

 

[ام نوونه]

الف مبرووووووووووك

والحمدلله على السلامة وانشااااااااااالله تشوفينها عرووووووسة

 

[Brounzi_girlly]

رد : قصة ولادتي بنور الدنيا "نورة" ولله الفضل والمنه

علقتينا كمليييي

 

[مارشيلو]

الحمد الله على السلامه


ومبروووك ماياكم

 

[Miss Golden]

الحمدالله ع السلامه حبيبتي ومبروك ماياج تتربى بعزج

ناطرين باجي القصه ^_^

 

[غنوة ستايل]

ما شاء الله تبارك الرحمن
ناطرين البااااجي . والف الف مبرووووووووووووووووووووووك

 

[مهندسة2007]

عسى الله يبارك بأعماركم إن شاء الله ويسهل على باجي تجمعنا ويخليلكم عيالكم يارب
وسامحووووني طولت عليكم بس والله النوني ماتخليني أنام والحين إهي نايمه وآنه قاعده بكتب لكم الباجي أدري طولت وايد​

قالت لي الدكتور قال إن لازم طلق صناعي لأنج طولتي وراح يبطون ماي البيبي عشان يحمى الطلق وتولدين بسرعه هالحجي تقريبا كان على الست وآنه ماأدري شسالفه قلت اوكي طبعا كنت أحط الكمام شوي وأشيله بإيدي لأني كنت أحس أن يخنقني فماكنت حابته كلـــــش المهم سلمت علي السستر ومشت ويات وحده فلبينية مكانها وكانت حدها صخه وماتكلم تشتغل بسكاااات وآنه الطلق معاي بس مثل ماقلت لكم وحده قويه ووحده خفيييفه واشفط بالكمام انام واقعد لين صارت الساعه8 يات دكتوره من الطواري وأربع سسترات او 6 والله ماأتذكر بس اذكر كلهم ألتفوا حوالي وآنه ماأدري شسالفه جان تمسكني وحده من جتفي عشان ماأتحرك والثانية مسكت الكمام قصب وأقولها لا ماحبه يقمتني واهم مجتفيني إي على فكره بهالحزه كانت إختي توها واصله دقت على دوامها إستأذنت وتوها واصله عندي ويحطون الكمام واروح بعالم ثاني مشكله هالعالم اني شفت نفسي ميته وكأني أنبعثت ليوم القيامه بنات تعرفون الدعايات اللي بالتلفزيون إن واحد يموت ويشوفهم يغسلونه ويبون يدفنونه والله حسيت بهالإحساس وفي احد يقولي مهندسة إنتي ميته إنتي خلاص توفيتي وفي صوت ثاني بداخلي يقولي لا مابي اموت الحين لا وفجأه فتحت عيوني رافضه الموت واشوف اختي يمي ماسكه إيدي واشوف الدكتوره والسسترات جنهم مغسل الموتى وكأنهم بيودوني يدفنوني واي كان احساس فضيع جان اصرخ واقول حق اختي آنه ويني آنه ويني آنه مت آنه مت آنه وحده ميته آنه رحت يوم القيامة وأبجي وأسمع صوتها من بعيــــــد تقولي لاتخافيني ماكو شي بس بطوا الماي بطوا الماي وآنه ابجي تالي بديت اوعى إني عايشه وهذيل دكاتره مومغسلين موتى جان اقولهم شنو هذا قاعد ينزل آنه قاعده اتبول على نفسي وأبجييييي جان يقولون لي لأ هذا ماي الياهل لاتخافين لاتخافين وآنه صاحيه شوي جان يوصل دكتوري سلم علي وقالي ها شلونج وآنه خدرانه موحاسه بنفسي وحدي تعبانه اقوله زينه جان يقولي حطينالج طلق صناعي إن شاء الله الأمور تصير احسن وأروح بالنوم افتح عيوني القى وحده من خواتي وصلت انام وارجع افتح عيوني القى الثانيه وصلت لين وصلوا اربعتهم إسمالله عليهم بصراحه ماأذكر لما فتحت عيوني جم كانت الساعه بس اتوقع بين الوحده والثنتين الظهر او يمكن 3 شفت ريلي وامي وخواتي كلهم عندي بغرفه الولادة وقالولي الدكتوره اللي فتحت ماي الياهل تنصح بإبره الظهر وتقول ان بنتكم خايفة ومطوله وعنق الرحم موراضي يفتح وإهي موحابه الكمام ورافضه تاخذه وقاعد يسويلها إنهيار احسن لها تاخذ إبره الظهر جان اقولهم لاتحاولوون ماراح آخذها وبتحمل قالولي مهندسه سمعي الكلام احسن لج تاخذينها وآنه مصره ماآخذها ولا أبيها تالي شوي ياني الدكتور ويفحص ولا لي الحين 4سم إهني كانت الساعه تقريبا 3 جان يقول زيدوا جرعه الطلق الصناعي وأييج بعد ساعتين يه بعد ساعتين جان يفحص ولا لي الحين 3 سم طبعا احنا قاعدين ندعي وآنه اقرا قرآن وأهلي وسبحان الله الرحم موراضي يستجيب جان يقولي شكلنا بنضطر نسوي قيصريه آنه سمعت جذي فزيت من مكاني قلت له ليش قيصريه جان يقولي جدار الرحم عندج وايد سميك وماراح يفتح ونخاف على الياهل آنه إهني شوي وأبجي جان اقوله الياهل الحين متأثره أو فيها شي تعبت من الطلق جان يقولي لأ لي الحين إهي سليمه جان أقوله خلاص آنه اتحمل قالي كيفج طبعا خواتي معاي وقاعدين ينكتوت ويقولون دكتورج هذا عصمان شكله فشوي اضحك معاهم وشوي انام تالي ياني الدكتور على الساعه 5 جان يفحص ولا لي الحين 4 سم جان يقولي انتي ليش خايفه من القيصريه مافيها شي ساعه وكل شي ينتهي إنتي بتتعبين وآنه راافضه طبعا نسيت اقولكم خلال اي فحص اللي يسوونه انهم يشمموني الكمام قصب واحس اني اروح بحفره عمييييقه كأنها القبر وأطلع مره ثانيه اصارخ تالي اوعى واقعد اسمع شيقولون هذا لي الساعه 5 وآنه صراع مع الكمام والطلق اللي لعب بحسبتي وكل شوي الدكتور يفحص ويزيد الطلق المهم عقب ماقالي عن القيصريه المره الثانيه ماأرد عليه اطالع جهاز النبض مال الياهل وأقوله الياهل فيها شي ويقولي لأ اقولها خلاص ماكو قيصريه بس الكمام لعب بحسبتي لعب جان استوعب انهم توصلوا أن مافي حل إلا انهم يوسعوني بالإيد وإهني بدت المعاناة الثانية .
يات دكتوره من الطواري وفحصت واتوقع انها وسعت شوي لأن قصب حطوا علي الكمام شوي جان تقول الحين 5 سم بعد ساعه يات ثانيه واحس انها بتسوي شي وبيحطون لي الكمام اللي اهو بالنسبة لي جحيييم جان اصرخ اقول بس خلااااص قل لن يصيبنا إلا ماكتب الله لاتسوون شي تعبت حطولي إبره الظهر ماأقدر اتحمل توسعتكم وفحصكم والطلق الصناعي خلاااص حطوا ابره الظهر تالي أشتغلوا طبعا آنه سامعه عن حريم توفوا من إبرة الظهر وحريم إنشلوا واقعد اقول حق نفسي لو ربي كاتب لي انشل بنشل ولو ربي كاتب لي الموت بموت خلاص خلني آخذها واتوكل على الله ووقفوا كل شي هذا كان الساعه تقريبا جريب الست شوي وياني دكتور التخدير لا جنه اول سحبوا مني دم او غزوني ابره ماأدري بس عشان يشوفون جسمي يتحملها ولا لأ تالي ياني دكتور التخدير وطلب مني اقعد واسترخي وماأتحرك عشان يقزها بآخر ظهري وإن تحركت خطر علي وآنه اقول يعني حركه وحده مني ممكن تشلي وفوضت امري لله عز وجل وسبحان الله تمت على خير وبدا التخدير يمشي في جزئي السفلي وبديت اوعى شوي على نفسي واقعد واستوعب اللي يصير معاي .
الساعه 7 ياني الدكتور وفحصني قالي انتي لي الحين تقريبا 5سم ماكو فايده وايد طبعا بالفحص اموت وأحيا جان يقولي شوفي إذا آنه يجي بعد 2 ساعه انتي مافي ولاده آنه يسوي قيصريه وآنه اسمعه وجني ماأسمعه مطنشته بس كلمتي الياهل فيها شي يقولي لأ اقوله اوكي ماكو قيصريه طبعا خلال هالساعات دكاتره العمليات كل شوي يطلون علي غير دكتوري تومسو وآنه قاعده انطر رحمة ربي وأدعي طبعا كانت في مشكله ثانيه موبس جدار الرحم سميك لأ الياهل مونازله وايد بعنق الرحم يعني تحتاج تنزل أكثر عشان تطلع فهالشي كان يحتاج مني بوش قوي خلال هالفترة وخايفين من كثر الدفع يقل النبض بس ربي ستر طبعا خواتي كانوا كل شوي إييون ويهزون بطني عشان إذا الطلق خف يزيد على الساعه 9 وصل الدكتور وفحص وقال ...
بنات موقصدي أعلقكم بس بنتي نايمه وبروح انام بسرعه قبل لاتقعد مع إني قاعده اسمعها تتنهوص شكلها بتقعد الحين باجر إن شاء الله راح ادش واكمل لكم باجي القصه كامله لأن لي الحين في أحداث واللي إسألتني عن المستشفى كانت "دار الشفاء الجديد"
ولي عوده معاكم​

 

[موله الكويت]

حمدلله عالسلامه ياقلبي ومبروووووووووووووك ماياج فديتج

 

[$حبيبة عبودي$]

الحمدلله على سلامتج ..وان شاء الله طبيعي بعد كل هالتعب ..

 

[Bn0ta*anota]

الف الف مبروك وتتربى بعزكم انشالله

 

[نملة زقرتية]

مبروك ما ياج وتتربى بعزج يارب

 

[احبس دموعي]

الحمدلله على سلامتج وتتربى بعزج

 

[ام كوشه منكووشه]

رد : قصة ولادتي بنور الدنيا "نورة" ولله الفضل والمنه

الحمدالله على سلامتج ومبروك ماياكم انشالله تتربى بعزكم والله يبلغج فيها وتشوفين اعيال اعيالها قوالي اميين