قصة ولادتي بنور الدنيا "نورة" ولله الفضل والمنه

[احلى ـآ وحده]

الف الحمدلله على سلامتج ومبروك البنوته تتربى بعزكم ..

 

[A7La Na3oOoma]

الف مبرووووك والحمدالله على السلامه
وناطرين باجي الاكشن​

 

[برميت]

مهندسه الف لف الف مبرووك

كلش ما اخترعت من الولاده لوووول

وااي قمت احاتي الكمام ..الله يستر و ياارب بعطسه تطلع شيووخه ياارب

ويالله قومي قولي قصتج

 

[ام طلال]

رد : قصة ولادتي بنور الدنيا "نورة" ولله الفضل والمنه

 

[احب المنتدى]

رد : قصة ولادتي بنور الدنيا "نورة" ولله الفضل والمنه

حمد الله على السلامه

 

[مهندسة2007]

هلا فيكم بنات ومشكورين على الردود بس والله هالمره التأحير من المنتدى مومني كل شوي أدش ألقاه معلق ومايفتح ولا آنه واعدتكم إني أكملها السبت بس يالله ملحوقه إن شاء الله

وصلنا إن صارت الساعه 9 وياني الدكتور وفحص وآنه اقوله دكتور تره أحس بالفحص وأحس بالطلق جنها إبره الظهر راح مفعولها حان يأشر حق ممرضه وراحت شوي جان توصل الممرضه مادري الدكتورة المسؤوله عن التخدير كانت فلبينية بس قبل لاتوصل الدكتور فحص جان يقول ماكو فايدة 6سم لي الحين طبعا آنه وأمي تعالوا شوفوا حالتنا حدنا غلقنا كل هالنطره من أمس والرحم موراضي يستجيب وأستغفر الله حسيت حزتها على كل هالدعاء اللي دعيته إن دعائي مومستجاب ومالي مفر من القيصريه بس جان افر راسي على جهاز تخطيط البيبي واقوله البيبي فيها شي ؟ جان يقولي لأ بيبي زين قلت له تعبت من الطلق؟ قالي لأ لي الحين بيبي زين موتعبانه جان اقوله ماكو قيصريه وانطر عساني ادخل اليوم الثاني ماتفتح بطني جان يسكت وقالي اوكي آنه بسوي شي وأبيج تساعديني قلت اوكي بس تره احس قالي دكتوره التخدير يايه شوي جان يفحص مره ثانيه واشوفه يحوس داخل وآنه أحس بالعواااااار ويقولي يالله الحين سوي بوش اقوله يعني شنو بوش قالي مثل إنتي روح حمام وأسوي بوش مره مرتين وآنه ماأدري شسالفه واحس بالعوااااار تحت قعد تقريبا ربع ساعه او اقل والله ماأتذكر جان يقول خلاص انتي الحين 9-10سم آنه إهني ماصدقت صج دكتووووووووور واقعد ابجي بجي هستيري وامي تبجي معاي وآنه بس أصرخ اللهم لك الحمد كما ينبغي لجلال وجهك وعظيم سلطـــــــــــــــــااااانك وأبجي وأكرر العبارة وأبجي خواتي طبعا واقفين عند الباب بس سمعوا الصراخ جان يدخلون تعرفون جن اللي كانوا واقفين عند الباب وفتحوا عليهم الباب فجأة إسمالله عليهم فجأه كلهم عندنا شفيكم شصاير وآنه ابجي اقولهم من 9-10 آنه الحين وابجي وامي تبجي وتقول الحمدلله طبعا وحده من خواتي اللي كانت متماسكه جان تقول انزين دكتور شنو الوضع الحين جان يقولها لازم ننطر واحد ساعه بعد جان تقوله ليش إهي 10 سم ليش ماتولد الحين جان يقولها لأ في مشكله ثانيه راس البيبي مفتر يعني مو بوضعيه ان ينزل طبيعي جان تقوله انزين وبعدين جان يقول واحد ساعه الحين ييجي طلق ينزل شوي بيبي داخل حوض ويسوي بيبي راس يلف.
سبحان الله الوضع الطبيعي للولادة إن البيبي ينزل وكأن ساجد راسه لي تحت إذا صار الراس لي فوق سبحان الله الطلق ماينزل الياهل -طبعا هالمعلومة عرفتها بعد الولادة لما رحت اراجع عند دكتوري بس بحزت الولادة كان كل شي يصدمني وبس واقعد ادعي وانطر-
إهني قال الدكتور بعد ساعه إيي وطلع وقعدت معاي دكتورة التخدير والممرضه الفلبينية لوتذكرونها باول القصه اللي بدلت الممرضه المصرية إهني قالت لي دكتورة التخدير شوفي الحين مفعول الأبره بدا يقل بس إنتي يحتاج ان في إحساس عشان يقدر يسوي بوش آنه اقدر ازيد الجرعه بس إنتي بعدين مايقدر يسوي بوش كويس انتي كيفج جان اقولها يعني لوتزيدين لي الجرعه ماراح اساعد بنتي تطلع قالت لأ راح يكون كله مخدر بس بتحسين بضغط خفيف الحين احسن احساسج جان اقول لا عشان بنيتي بتحمل لاتزيدينها قالت اوكي حتى قالت حق خواتي هاذي أم وااجد زين ماما ثاني جذي تعب بسرعه يقول خلاص افتح بطن آنه يبي يخلص هاذي ماما واجد زين وطلعت.

 

[مهندسة2007]

ظل معاي بالغرفة أمي وخواتي والسستر الفلبينية اللي صارت بهاللحظة بطلة القصة طبعا ريلي بهالحزة ماأدري وينه كان غير متواجد على الإطلاق على فكرة آنه كنت حاجزه باول يوم غرفة عادية عشان أرتاح فيها بعد الولادة وتالي احول على غرفتي الأمبراطورية حق الإستقبال وسبحان الله هالغرفة كانت ميني رويال وماشفتها صارت كأنها شاليه حق ريلي وعيال اختي ورياييل خواتي اللي يو وخواتي وأمي كل مايتعب احد من النطرة يروح ينسدح فيها.
المهم نرجع لبعد ماطلع الدكتور الساعه 9 وربع جان خواتي يتوحدون بالسستر وطبعاً الحمدلله كلهم امهات ويعرفون شلون الطلق إيي فكانوا بيحاولون يساعدوني خلال هالساعه اللي الدكتور فيها موموجووووود.
امي واختي فسروا عن ذراعهم وقاموا بالآتي -قبل ايام اول كانوا لما يهزون بطن المره حيل او بقوة معينة إييها الطلق فهذا اللي صار-
اقنعوا السستر إنها تساعدهم بالفحص وتشوف شكثر راس البيبي نازل بالحوض اول شي إهي رفضت بعدين اقنعوها ان اختنا وااايد تعبت فوافقت بس كانت خايفه فأتفقوا معاها إن ثنتين يوقفون عند الباب يراقبون وإهي داخل مع امي واختي -طبعا قانون المستشفى يقول ان ممنوع السستر تفحص بس الدكتور او رئيسة الممرضات - مع ان الممرضة المصرية الأولى كانت تفحص عادي بس ماأدري شفيها هاذي خايفه وتقعد معانا اختي مره تهز بطني فإييني الطلع واحس بالعوار بس تييني الطلقه يقولون يالله سوي بوش دفعي مهندسة دفعي وآنه بس قاعده وأدفع ويهزون بطني مره امي ومره اختي بعدين نوقف وتفحص السستر وتقول لأ بعد شوي كانت تأشر بصبعها شفتوا السبابة الحزات اللي فيه كان هذا تأشيرها اول مره قالت ان صبعها السبابة كامل باجي على راس البيبي ويطلع شوي واسوي بوش بوش بوش وتفحص وتقول نزل الراس اكثر لين بقى بس شي بسيط قالت بس الحين نوقف لاتسوين بوش عشان ماتصير ولادة وقعدنا ننطر لين صارت الساعه 10 وربع بالضبط وصل الدكتور جان يقول تمام الحين في ولادة طلع من غرفتي وراح غرفة ثانية يبدل هدومه وآنه وخواتي وأمي معاي تالي لبس الأخضر وقعد الكل طلع ظلت امي واختي فوق راسي بإيدها كامرا الفيديو وتصور طبعا أستأذنت انها تصور ويهي ووقفت.
وبدت مرحلة ولادتي بنورتي اللي إستمرت بالضبط نص ساعه كل ماتيي الطلقة يقولون لي شدي شدي شدي ويالله سوي بوش لين وصلت اني خلاص ماأقدر ادفع اكثر جان يقولي الدكتور مهندسة إذا ماساعدتينا راح نشفط الياهل وآنه احاول معاهم بس احس اني هلكت وكل ماتوصل شوي الكل يصرخ يالله شدي شدي شدي وامي تصرخ ياربي ياربي وتبجي اسمعها عندي حتى موقادرة توقف على ريولها وآنه احاول اقمت انفاسي عشان الطلق طله يوصل حق النونه واحاول اراقب الوضع من نظارة الدكتور واشوف الراس بين ولا لأ وكل ماتيي طلقه السسترات كلهم يصرخون بمافيهم رفيجتنا الفلبينيه اللي ساعدتني تقولي شدي شدي وآنه احس اني اختنق وألتفت على اختي بإيدها الكاميرا تقولي يالله مابقى شي شوي جان يطلب الدكتور الشفاطة لأن بدت قواي تنهار خلاص قلت له آخر بوش إذا ماطلعت اشفطها واسوي بوش بس خلاص احس اني تخدرت آخر بوش اللي الكل قام يصرخ امي تصرخ ياااارب والدكتور شدي يالله شدي والستترات يالله بووووووش جان اشوف السستر حطت كوعها على بطني حيييييل والدكتور بإيده الشفاطة آنه بووووووووووووووووووووووش
جان تطلع :nbvppw:النوري:nbvppw:
آنه بس شفتها قمت ابجي واقول الحمدلله الحمدلله ياربي لك الحمد جان استوعب انها ماتبجي وآنه كنت خايفه ان يكون الرئة فيها شي واللي اعرفه ان الياهل بس يبجي يعني دخل الهوا بالرئة وبدا يتنفس اول ماقطوها اشوفها ياقلبي تينن وآنه ابجي واحمد ربي جان اقولهم ليش ماتبجي جان يشيلونها بس شالوها جان تعطيها بجية وي وي وي إهني آنه ارتحت وخذوها غرفة ثانية وآنه قعدت يخيطوني طبعا حزتها اهلي كلهم ورا النوني كل وحده من خواتي تطل تقول الحمدلله على السلامة وتركض ورا النونه وآنه احس ان قلبي معاهم ومع بنيتي , ولدت بالضبط الساعه10.48 دقيقة مساء يوم7/7 جتى اقول حق دكتوري وأهو يخيطني دكتور لحقت على 7/7/2010 يقولي إي صح -النكتة بالموضوع تدروون شنو- تذكرون السستر المصريه اللي لمادخلت كانت موجوده؟
وآنه قاعده يخيطوني وصلت مره ثانية عندها دوام بالليل وولدت حزت دوامها بس ثاني يوم وآنه بالخياط موحاسه بشي جان تدخل علي وتقولي إي ده إنتي لسه هنا ؟؟!! جان اقولها اخيراً ولدت :eh_s(15):
الشي الوحيد اللي نرفزني بعد الولادة ان ريولي ماكنت احس فيها كلش وكانت كأنها مشلوله نسيت اقولكم بعد الولادة وقبل الخياط زادولي جرعه أبرة الظهر عشان ماأحس بالخياط بس لما رجعت الغرفه ويابولي النونه كل شي راح..
اللهم لك الحمد كما ينبغي لجلال وجهك وعظيم سلطانك يارب العالمين
الحمل والولادة تعب ونعمة عظيمة من رب العالمين الله يرزق كل محرومة يارب الذرية الصالحة واللي ماتزوجت عسى الله يرزقها الزوج الصالح والذرية الصالحة وتجرب هالإحساس العظيم
​

 

[آهات الليل]

والله دمعت عيني ياعمري انتي الف الف الحمدالله على سلامتج صج صج تعبتي يارب يجعله بميزان حسناتج ان شالله ويارب تشوفينها عروس وتقوم فيج وتبر فيج ان شالله
اهم شي انج ماستسلمتي للقيصريه الحمدالله

 

["GloRia"]

وااي معاناة .. بس الحمدلله علي سلامتج وتتربى بعزكم يارب .. وتشوفينها عروووس

 

[فاتو_الحلوة]

واااااي خرعتيني من الولادده

انا بروحي من حملت كله ابجي خاااايفه حيل وسالفة المخدر هذي وانج تحسين كان بتموتين سمعت عنها وايد وانا حيل اخاف منها !!! امبييييه شسوي الحين بروحي رديه وبس اخاف من كل شي واحاتي الفحص والكماااام وكل شي

يعني هذا الكمام سالفته ان تسحين روحج بتطلع من دار الشفا نفسهم ولا من الكمام نفسه؟؟ لان رفيجتي بدار الشفا قالت مثل كلامج !!!

من كثر الخرعه والخوف نسيت اقولج مبرووووك وتتربى بعزج ان شاءالله ​

 

[.،:"$الـعـوبــــة$":،.]

مهندسة وربي تعبت وأنا أقرى القصة !
مو لأنها طويلة ! أحس إني تفاعلت حيييييييل لين إنهد حيلي !؟!!
بالذات لما خواتك وأمك بعد شاركوا بالولادة بعد ماوصلتي 10 سانتي !!
ياربي الله يعينا ياربي ويهونها علينا كلنا يارب !
والف مبروك البنوتة وتتربى في عزكم انشالله ،​

 

[عيون سارة]

الحمد لله على سلامتك ياقمر

 

[جولينار]

حياتي والله تألمت معك ,,, وانتي تشرحين لنا انا اسوي بوش معك << من الحماس

ربي يخليها لك ويرزقك بأخوان لها ,,

يارب اعيش هاللحظة بعد تسع شهور انا وكل محرومه ,,

 

[غالية زمانها]

الحمدلله على سلامتج ومبروك ماجبتي ..
والحمدلله انه كان طبيعي

 

[مهندسة2007]

الحين بعد ماخلصت من كتابه قصه ولادتي اقدر ارد عليكم حبيباتي :eh_s(7):

كويتية مذهلة87
يبارك بعمرج حبيبتي تسلمين ماقصرتي وكاهو فلم الرعب والأكشن والإثارة كله كامل عندج الحين


زعفرانة
كان ودي بالبداية اشوقكم بس تالي المنتدى علق وعلقتكم معاي والله يبارك بعمرج حبيبتي


hneen2
كانت ولادتي بمستشفى دار الشفا والحمدلله المستشفى وايد حلو وزين بس سوو فينا حركه عجيبه لما كنا بنطلع قالوا حق ريلي ان لازم تدفع كاش بأول يوم ولاده يعني ولدت الساعه10.48 الساعه 11 قالوله ادفع الحين 1480 دينار قال اوكي وراح سحبهم ودفع لهم تالي عند الطلعه بثالث يوم قالولنا بناخذ البيبي شوي عشان نجيك عليها شوي جان يقولون لنا لاماتسلمونها إلا لما تكيشون باجي الحساب قلنا شنو لعب ويانه مال المحاسبه وطلع غلطان بالحساب وقعدونا تقريبا ساعه كأنهم ماخذين البنت رهينه عندهم عشان ندفع لابيجيكون عليها ولاشي قمنا نضحك نقول حاجزين البنت عندهم ودفعنا تالي تقريبا 100 دينار زياده يالله عطونا الياهل يعني هاذي الملاحظه عليهم بس كعنايه وسسترات ودكتور وااايد زينين بس احس الحسابات عندهم خايرينه يعني يروح ريلي حق الإستقبال يسأل شلون اطلع مرتي يقولون له روح اخذها واطلع بالجناح يقولون شي ثاني بس الحمدلله عدت على خير :wqedqw: وعسى الله يهون عليج وتشوفين فطومه بصحه وعافية يارب.


Tulips
الله يسلمج حبيبتي ويبارك بعمرج كاهي القصه كامله الحين بس سامحوني على البدليات كتبتها على السريع


العوبه
هلا حبيبتي ومشكوره على المرور القصه كامله القصه كامله صارت كامله:weight_lift:


ام بشبش
الله يسلمج ويبارك بعمرج ومشكورة على المرور


ام زاكي
هلافيج حبيبتي تسلمين على المرور والله يسلمج والله لي الحين اذكر لمااقولكم عوار بظهري موراضي يفج واني خايفه هالحجي كان قبل ولادتي بيومين بالضبط واذكرج تقولين حق البنات المهندسة فيها بوادر طلق بس لي الحين مايندري وآنه كنت خايفه منه بس الحمدلله رب العالمين ربي من علي بالهون والسلامة والفال ياربي حق باجي بنات تجمعنا أحلى تجمع "مواليد شهر 7 و8"


tmtmt
حبيبتي إن شاء الله أدزلج رسالة على الخاص والله يبارك بعمرج مشكوره على المرور


حلمي أكون ام كيو إيت
حبيبتي القصة كامله وعسى الله يهون عليج ياربي الطلق وتفرحين بشوفه ضناج يااارب


اشتياق
الله يسلم عمرج حبيبتي ومشكوره على المرور


pink Flamingo
الله يسلم عمرج حبيبتي والقصه كااااملة الحين.


دانه الرشايدة
الله يسلمج ويبارك بعمرج, د.مصطفى وايد زين وفاهم بس ساعات احس ان كان يبي يفتك ويولدني قيصري ويستفيد اكثر مع ان الشهاده لله صبر علي وايد بس آنه من وجهه نظري إن ماكان له داعي يقولي قيصري دامي كنت قادره اتحمل والياهل كانت قادره تتحمل الطلق وماصارت اي مضاعفات بس هاذي النقطه اللي كانت مأخذ عليه بس كدكتور وايد فاهم وتعامله هادي وراقي والله يهون عليج إن شاء الله والتساهيل تره من رب العالمين.



AVE.NJ
الله يبارك بعمرج ويسلمج القصه كامله الحين وسامحوني على التأخير


قلبي سلومي
كملتها. وشاكرة مرورج.

Tooti
الله يبارك بعمرج ويسلمج


هارودز الكويت
الله يبارك بعمرج ويسلمج تسلمين حبيبتي على هالدعوه ولج بالمثل يارب.


كلي غلا
الله يبارك بعمرج حبيبتي تسلمين

 

[مهندسة2007]

ريمي وميمي
الله يبارك بعمرج ويسلمج وآمييين عسى الله يسهل على باجي بنات تجمعنا ونفرح بقصص ولاداتهم يااارب.


ام ريان3
الله يبارك بعمرج تسلمين حبيبتي


آهات الليل
المشكله آنه لايوقف اوكي بس المنتدى الفلم مايعلق هذا المستحيل بعينه وعلمه والله يبارك بعمرج حبيبتي والفال لج إن شاء الله وعسى الله يسهل عليج يااارب وعلى باجي الحوامل إن شاء الله


dandoun
الله يبارك بعمرج حبيبتي


sweet pink
سويته حبيبتي تسلمييييين والله يبارك بعمرج إن شاء الله وعسى الله يهون عليج الطلق ياربي وتولدين وتشوفين ضناج بصحه وعافيه يااارب


Flana
القصه كامله حياج


ابتسمامه
الله يبارك بعمرج حبيبتي تسلمين


روعه خيال
تسلمين حبيبتي وشاكره مرورج يالغاليه توقيعج ذكرني بتوقيعي كنت حاطه على حسبتي وعلى حسبة آخر دورة الله يهون عليج إن شاء الله.


ام نوونه
تسلمين حبيبتي ويبارك بعمرج وعسى الله يهون عليج من توقيعج اشوف انج ماولدتي والله أعلم


Bronzi_girlly
القصه كامله حبيبتي حياااج


مارشيلو
الله يسلمج حبيبتي ويبارك بعمرج إن شاء الله


Miss Golden
الله يبارك بعمرج حبيبتي والقصه كامله الحين حياااج

غنوة ستايل
الله يبارك فيييييج حبيبتي تسلمييييين ماقصرتي وكملت باجي قصتي الأكشن حياج


موله الكويت
حبيبتي الله يسلم عمرج تسلمين وإنتي بعد الحمدلله على سلامتج ومبروك ماياج سمعت انج ولدتي


قدساوية كيوت
الله يسلمج حبيبتي ولله الحمد والفضل ولدت ولادة طبيعية


Bnota Anota
هلا والله ببنات تجمعنا الغاليين الله يبارك بعمرج وانتي بعد الحمدلله على سلامتج ومبروك ماياج


نملة زقرتيه
تسلمين حبيبتي يارب وعسى الله يبارك بعمرج إن شاء الله


احبس دموعي
تسلمين حبيبتي وعسى الله يبارك بعمرج إن شاء الله


ام كوشه منكوووشه
تسلمين حبيبتي على هالدعوه اللي تهبل ولج بالمثل يااارب

 

[المـاسة]

الحمدلله ع السلامه

ومبروك ما جبتي تتربى بعزكم

واااااي صج ولادتج متعبه بس يالله المهم سلامتج وسلامت النوري

 

[meen_ana]

الف الحمدلله على سلامتج ياارب


زين ماطاوعتيهم وولدتي طبيعي احسن لج تصدقين عيشتيني معاناه الولادة

 

[ملكه الحطب]

الله يخسج والله بغيت ابجي من اخر بوش سويتيه واطلعت البنوته الله يخليها لج ياااااااااااااااااااااااارب

ومبرووووووك ماجاج وماشاء الله عليج ماشاء الله عليج زين انج تحملتي وماولدتي قيصريه بس والله قصتج صج صج فلم رعب

الله يعين يااارب

 

[حلا قطر]

الف الحمدلله عالسلامة ومبروكه النوني اللي يبارك فيها ويصلحها
ويهوووووون على كل حامل
حسيت اني قاعدة اولد معااااااااااااااااااااج
الله يسهل علينا ياااااارب