قصتي مع تاخر الانجااب

الحالة
مغلق و غير مفتوح للمزيد من الردود.

أحلى عيونm

New member
إنضم
16 أغسطس 2008
المشاركات
52
مستوى التفاعل
0
النقاط
0
السلام عليكم ورحمة الله وبركاته..


بعد تقريبا سنه كاملة وانا أقرى في هالمنتدى الأكثر من رائع وبصرااااحه استفدت حييييل منه..قررت اشارك فيه..واكتب لكم ..لاني حسيت انه عندي شي ودي اقووله...مو بس اقرى بمواضيعكم ..لااا ودي اكتب عشاان يمكن تستفيدون من اي شي انا كاتبته..مثل ما انتم افدتوني....


>>>>ادري هذرتي زايده

بدخل بالموضوع على طوول...بكتب لكم قصتي مع الحمل..بليز لاتنقلوون الموضوع حق قسم ثاني ..انا تعمدت يكون هني عشااان نستفيد..


يالله نبدي...

أنا متزوجة من سنتين..ولله الحمد والشكر..الحمدلله انا وزوجي نمووت فبعض..وامورنا تمااام ( ذكروا الله )


في بداية زواجنا زوجي كان ميت على الحمال...وانا بصرااحة كنت مابي..(استغفر الله ) مو عشان اني مابي نعمة الله..لا بس لاني حسيت اني صغيره وخواااااااافة لأبعد حد.....وكنت ادرس بالجامعة..فخفت الحمال يشغلني...ويتعبني....


بس ما كنت اخذ اي مانع للحمل..بس كنت متوكله على الله ..وقلت اذا الله كتبلي احمل خلاص هذه ارادة الرحمن و ما اعترض عليها...بس تدرون كنت اقول لزوجي لاا مابي حمل بس لاني خايفة واهو كان يزعل ويعصب علي يقول انتي بترفضين النعمة....مع ان والله موصحيح لان بداخلي والله كنت احن للشي هذا..بس كنت ابي اقوول..
المهم طاف على زواجنا شهر وشهرين وثلاثة واربعة وخمسه..وماحملت..وكل ما تجيني الدورة يضيق خلقي..واهو اكثر مني..بس انا ما ابين..واقووول عاادي تونا..
بعدين سافرنا برا..وكان موعد الدوره قريب حيل..وكنت ادعي ربي اني اكون حامل..وصار موعد الدور وتاخرت..وكنت اكلم امي بالكويت..واقولها ان الدوره تاخرتيومين..وانا دورتي تجيني بالتاريخ نفسه..جان تقولي انشالله خير..روحي حللي..وطبعاا انا ما اعرف حتى شلون صاير التحليل واخاف من الابر..فقالت لي امي انه اكو تحليل بالصيدلية تحليل بول وانتو بكرامة..وانا ما اعرف هذا شنو اصلااا..>>>>ألحين خبرة




المهم طبعا زوجي يدري انه تاخرت الدورة بس كان خايف..ويقوولي لا يمكن عادي..وانا احن لا ابي اروح اشتري التحليل واسوي..
وفعلا رحنا وشرينا التحليل وشريت اثنين للتاكييد..وردينا البيت وعلى طوول دخلت عزكم الله الحمام وسويته وزوجي ناطرني بالصاله..
عااد انا عليمية..ماعرف وقريت التعليمات اللي مكتوبه ع التحيل خمس مرات عشان اسويه عدل..وسويت ونطرت شوي..طلع خطين...:eh_s(1):
يمه خفت..جان اسوي الثاني...وألا يطلع خطين بعد.....صاارت
استانست مادري حسيت نفسي موقادرة امشي من الوناسة..
رحت لزوجي ريته التحليل مو مصدق طااير من الفرحة..وعلى طول طبعا صلينا ركعتين شكر لله سبحانة وتعالى..على هالنعمة..
وطبعا قررنا نرد الكويت بسرعه عشان نبدا مراجعات عن الدكتورة وهالسوالف..وانا كنت احاتي الطياره لاني سمعت انها موزينه للحامل..وخصوصا ان المسافة بعيدة حيل من لندن للكويت..وراح نصعد طيارتين اول شي طيران داخلي في بريطانيا وبعدين من هيثرو لي مطار الكويت..وطبعا انا دقيت على امي وقلت لها((نسيت اقول لكم..اشصار لامي وخواتي لما دروا اني حامل))طبعا استانسوا حييل لاني انا اكبر وحدة واول وحدة تتزوج حتى راحوا يجهزون للبيبي..
المهم ردينا الكويت..وكنت ميته من التعب اول مره احس اني تعبانة جذي..رحت بيت اهلي على طول..وطبعا زوجي ما بقى احد ما قالة اني حامل..
قعدت عند اهلي اسبوع لانيمن زمان مو شايفتهم..وبعدين رديت عند زوجي..ورحت مستشفى الهادي وعند بهواني..وقالت كل شي اوكي تراجعيني كل شهر..بس خل نسمع نبض البيبي..عشان نتطمن..وفعلا سويت سونار..وسمعنا النبض انا بجيت من الرفحه حسيت في شي صغيرونو داخلي ولا زم ادير بالي عليه لما يوصل بالسلامه..
بس كلش ما ارتحت حق بهواني هذه ما خلتني اتكلم ولا كلمه وتزف ولا ترد علينا حتى...انا عصبت ..:eh_s(14): اشلون جذي ما يصير ..انا هذا اول حمل لي واكيد اني بعرف اشيا واجد ما اعرفها..
واهي كلش قطيعة كرهتها..
ماقالت الا بس انتي بس( الهين ياكد فولك اسد بس)
المهم طاف اسبوع وصرت بالاسبوع الثامن..وكنت طالعه انا وزوجي,,وطبعا كالعادة فرارة من مكان لي مكان ولا جنه انا حامل وامي تقولي قعدي ما يصير جذي وانا طاف..لما رديت البيت على طول دخلت باخذ شاور ..والا اشوف بقع دم على الاندوير.....ياساتر..انصدمت..قلت شنو هذا ..شصار....انا اللي اعرفه ان الحامل ماينزل عليها دم....مع اني ماكنت اعرف شنو هذا بس ما ادري ليش بجيت وبجيت حيل بعد..طلعت اصرخ وانادي زوجي..حتى اهو مايدري شنو هذا بس حسينا انه شي مو زين..
وعلى طول رحنا الهادي ودخلنا عيادة الطوارئ..وكان الوقت متاخر الساعه 2 بالليل..
وانا ميته من الخوف بس ابجي..وعلى طول دقيت على امي وصحيتها من نومها..وتوترت لانه العياده كانت زحمه..ودي ادخل بسرعه اشوف شنو صاير..وامي كل شوي تدق..ودخلت عند الدكتور مادري شسمه..وسويت سونار..وقالي مافي نبض...:0bee2e8d89:

انا:لااا دكتور شنو مافي نبض تونا سامعينه قبل اسبوع..؟
جان يقولي ..طيب اعطيكي مثبتات وارتاحي على ظهرك وانشالله خير..اذا ماخف الدم تعالي..
رديت البيت حسيت اني تعبانه ومصدومه ومادري احاسيس غريبه ..صرت اقوول خلاص بخسر البيبي..بيطيح..شلون وليش والف شغله وشغله براسي وطبعا الدموع ما وقفت..وقعدت ادعي ربي انه يثبته لي واستغفر الله واذكره..لما غفيت على المخدة ونمت..


اكمل ويااكم .....اذا شفت تفاعلكم...
 

فناااتك

New member
إنضم
23 أغسطس 2005
المشاركات
656
مستوى التفاعل
0
النقاط
0
الله يرزقج الذرية الصالحة ويباركلج فيهم ... وكل شي رزق من رب العالمين وانا مثلج طولت وربي رزقني فى بنوتاات يهبلون وعسى الله يرزق كل محرومة,,,



معااااج
 

هتووف

New member
إنضم
17 أبريل 2008
المشاركات
841
مستوى التفاعل
0
النقاط
0
كملي معااااااااااااااااااااااااااااج
 

ni3ssani

New member
إنضم
22 مايو 2007
المشاركات
324
مستوى التفاعل
0
النقاط
0
انشالله يا رب تكوني كفيت الحمل

لاني والله والله نفس الشي صار معاي نفس الشي ونفس التفكير ولما حملت بعد 7 اشهر كنت بطير من الفرحة

ولما نزل دم بجيت وللحن ابجي

وانا بقرا قصتك بكيت واتذكرت احاسيسي لما شفت الدم وخسرت البيبي في الاسبوع الثامن (وقف النبض) هدا رد الدكتور كان
 

أحلى عيونm

New member
إنضم
16 أغسطس 2008
المشاركات
52
مستوى التفاعل
0
النقاط
0
خواتي......فناتك...توفي....نعساني....


أشكر مروووركم الكريم......والله فرحتوني بمرووركم ..
والله ما كتبت اللي صار وياي الا عشان تستفيدون..ويمكن اللي صار وياي صاير مع غيري ..فبقولكم عشان يمكن نفيد بعض....والله يرزقنا انشالله امين ويرزق كل محروومه يا رب..
 

ni3ssani

New member
إنضم
22 مايو 2007
المشاركات
324
مستوى التفاعل
0
النقاط
0
يا رب الله يرزقنا كلنا

ها شصار معاش؟؟؟؟؟؟؟؟؟؟؟؟؟؟؟؟؟؟؟؟؟
 

أحلى عيونm

New member
إنضم
16 أغسطس 2008
المشاركات
52
مستوى التفاعل
0
النقاط
0
رجعت لكم....

طبعا لمى استسلمت للنوم...حسيت نفسي جني من زمان مو نايمه..والله لا يوريكم الاحلا م اللي تخرع وطبعا النوم المتقطع..والبجي اللي خلااص صرت احس اني ابجي من غير دموع..جفت دموعي..ولما صحيت من النوم..على طول رحت اشوف الدم..اهو كان خفيف..بس كنت اقول يا رب مافي دم ..يا رب يكون كابوس..يارب ما اخسر البيبي..
ولما شفته..كان في دم..وطبعاا الدموع تنزل من غير ما احس ..الله لايوريكم لون كانت حالتي...ياالله يارب ماتشوفون اللي شفته..كنت محطمه..
مر اليوم وانا بس نايمه على ظهري..جت امي زارتني..المغرب ..وقعدت عندي حبيبتي لي بليل..واهي قاعده تواسيني..طبعا وجي مافارقني دقيه وكله قاعد يقول..طولي بالج واذكري الله وانشالله ماكو الا الخير..وكله يذكرني بالدعاء..وانا ادعي ان الله يثبته لي..مر هاليوم والدم للحين نفس الكمية شويه ..بس الدكتور قالنا ماكون نبض..بس انا للحين املي بالله كبير..وقلت يمكن ما سمع عدل..
ثاني يوم صحيت..وانا بس من غرفتي للصاله ما تحركت كلش...نايمه على ظهري..وطبعا لا تشوفون عيوني تورمت صارت ماتبين من البجي..مر اليوم كله لما صار المغرب حسيت بالم في الرحم..واخر الظهر نفس الام الدوره تجي وتروح..وانا ساته ..اقص على نفسي اقول لا ماكو شي..وجت الساعه 12 قلت خل انام وباجر اروح المستشفى..ماقدرت انام احس بالم فظيع..مادري شنو..وتحملت..وانا نايمه حاطه مخاد تحت رجولي لان الطبيب قالي جذي..احس خلاص الالم كل اله ويزيد وانا متحمله ولا تحركت..صارت الساعه 7 الصبح..خلاص بمووت من العوار..واول ماقمت من السرير وحركت رجولي الا الدم نزل جنه شي وطااح..قعدت اصرخ وابجي وصحى زوجي وعلى طول المستشفى..
دخلنا قال الطبيب اجهاض..خل تدخل نسوي تنظيفات..انا مابقى احد بالمستشفى مادرى عني من البجي.ززلاني خايفه مادري شنو تنظيفات وقلبي متقطع لما سوالي الدكتور سونار يقول طاح الجنين ماي حمل..لا تخيلون شلون رديت.اقوله لا دكتور..تكفى شوف.انا ماشفت شي طاح..بس دم..وصرت بس ابجي وامي جت المستشفى وصارت تقرا علي وانا انطر لما يسولي العمليه..طبعا كل هذا والمهدئات شغاله لاني انهرت حيل..
وسويت العمليه وطلعت بالليل نفس اليوم..وانا ساكته ما اتكلم....

أكمل ويااكم....توه بعد باجي فلم هندي
 

أحلى عيونm

New member
إنضم
16 أغسطس 2008
المشاركات
52
مستوى التفاعل
0
النقاط
0
المهم مرت أيام النفاس وانا عند اهلي...كئيبه..حزينه مادري شلون مرت كل شوي اتذكر وكل شوي ادعي ربي..ان الله يعوضني خير..ويرزقني ويرزق كل محرومه يا رب..لان الوحدة لما تكون حامل وتحس باحساس الامومه وانها خلاص بتصير ام وخصوصا انها فرحت حيييل بالحمل صعب صعب انها تحس انها خسرته..ويقعد يوسوس لها الشيطاااان ليش صار جذي..ومن شنو..اكيد اكو سبب.....بس هذه كلها وساوس ابليس..اعوذ بالله منه..واللي مرت بالتجربه تصبر وتستغف الله وتقول..ان الله كاتبلي هالشي..واهو خير باذن الله تعالى..وتحمد ربها على العافيه..وتحمد ربها على اللي كتبلها يمكن خيري...لا اكيييد خيييره..
يعني نتوكل على الله ونبذل الاسباب ..واللي الله يكتبه خير انشالله..
المهم كنت اقول لزوجي ان لازم نعرف شنو السبب عشان اذا الله كتب لنا وحملت..يكمل ويانا الحمل..قال خلاص متىما انشالله الله رزقنا مره ثانيه نبدا نراجع عند دكتوره ثانيه وتابع معانا الحاله..

بس اقووولكم شي...مجرد ماكنت افكر بالحمل مره ثانيه ..يضيق خلقي واحزن واكتئب..اخاف يصير مثل المره الاولى...
وظلينا خمس شهور بعد الاجهاض...وتاخرت الدوره...
 

ϲհҽɾɾվ87

New member
إنضم
16 ديسمبر 2007
المشاركات
4,565
مستوى التفاعل
0
النقاط
0
الله يعوضج انشالله وكل شي بيد الله
 

أحلى عيونm

New member
إنضم
16 أغسطس 2008
المشاركات
52
مستوى التفاعل
0
النقاط
0
باك

قلت لكم تأخرت الدوره...فرحت ..وقلت الله عوضني الحمدالله..ألف شكر لك يارب..يالله ترزقني وترزق وكل وحده تتمنى طفل يملي عليها حياتها..صارلها ثلاثة ايام متاخره وانا مافيني صبر كلش ..قلت لازم اسوي تحليل..ومابي تحليل البيت لا بروح اسوي تحليل دم على طووول..ورحنا وانا انطر واقول ياارب افرح مره ثانيه..وطلعت السستر ...والا تقول سووري ماكو حمل...تحطمت...نزلت دموعي..جان التفت اطالع بزوجي..منزل راسه ويذكر الله..
تصدقوون مو حلو ان يتخيل شي ويتوقع شي..يمكن مايصير..لان انا مادري ليش جذي..بس تاخر الدوره يوم ارووح باحلاام..وتخيلااات ويمكن اوصل بعد لي لحظات الولاده..واكوون مستانسه حدي..بس من اسوي التحليل ويطلع سالب اتحطم..واكتئب..(يااارب ان لم يكن بك غضب علي فلا ابالي) ...عشان جذي بنات ودي اقولكم اللي مثلي وناطره انها تحمل..لا تأمل حيل ولا تفكر بالموضووع عشان النفسية لا تتعب وهذا شي مو زين..بس مو معناته انه ابدا ما تكونين متفائلة لا بالعكس..توكلي على الله
المهم ردينا البيت وقعدت بس انطر الدوره..وتاخرت زياده ما نزلت..وصارت السالفه اسبوع...ورحت فتحت ملف عند فوزيه القطان..وقلت لها السالفه وقلت لها اجهاضي الاول..وطبعا لان مانزلت الدوره وانا وياي نفس اعراض الحمل..سويت تحليل هرمون الحمل....وفرحت..قلت معقوله مابين بتحليل الدم..وبين معااي بتحليل الهرمون..حمدت ربي وشكرته..بس يا فرحه ما تمت ..الحمل مابين بتحليل الدم العادي.....لانه كان ضعيف حيييل...قالت لي الدكتوره لازم تاخذين مثبتات عشان يرتف ابر وحبوب..الحمدلله على كل حاال ..وكثر ما كنت تعبااانه من الابر لانها تعور والنفسيه اللي مادري شلون صايره بس كنت افكر بالاجهاض وانه احتمال يصير واحتمال كبير بعد لانه الهرمون ضعيف.لكن الحمدلله تحسن العرمون وصار طبييعي.وطبعاا انا اول مارحت لفوزيه القطاان..شرحت لها اجهااضي الاول..و احاول اعرف اي شي اي سبب عشان ما يتكرر خصوصا انه صار من غير سبب..وطبعا كله تقوول عادي من غير سبب..كل الحريم يجهضون..عاادي..
ولاحظتها ماتحب الاسئله الا لما اصرينا انا وزوجي..حتى زوجي يكلمها يادكتوره يمكن في اشياء تحاليل نقدر احنا نسويها ونعرف اذا في اشياء تسبب الاجهاض..احسن احنا نبي نسوي كل اللي علينا عشان ما نخسر البيبي..
والله انا مادري ليش اهي تتنرفز جذي اذا احد قعد يسألها..المفروض تطول بالها على المريض ..وتريحه اهي بس كانت ودها تطلعا..المهم ماودي اطول بالحجي عنها..قالت اذا تبون سووا تحليل اجسام مضاده..وهذه الاجسام انواع واجد تجلط الدم وماتخليه يوصل للمشيمه..بالتالي يموت الجنين ويتسبب الاجهاض...وعلاجها اني اخذ ابر وحبوب نفس الاسبرين..واهي صرفتلي اياهم تقول لانهم مايضرون على مايطلع التحليل لان لو سمح الله وطلع فيني شي راح اخذ هالدوا..واذا ماكو شي اوقفه
طبعا رحت سويت التحليل..وكلي امل يكون موفيني هالشي..وطلعت النتيجه بعد عشر ايام..ورحت.....


والصدمه..طلع عندي واحد من الاجسام المضاده بس نسبته ضعيفه حيل يعني طالع لو بوسيتيف..بس اهي قالت كيفكم تبين تاخذين الابر والحبوب اسبرين او لا لانه نسبته ضعيفه حيل..واهوا ابره يوميا لي الولاده..طبعا انا من غير تردد ايه راح اخذه....
وتعالوا شوفوا النفسيه التعبانه وكل يوم اروح الطبيب اغز الابره..بالفخذ ولاتشوفون شلون ورموا فخوذي وصاروا زرق..وصرت انا اخذ الابره بنفسي تعلمت لانه مو كل يوم بروح الطبيب تعب..
بنااات والله اغز الابره ودموعي تطيح مني ما احس..اقوول فقلبي يارب راح اتحمل واصبر يارب اجر ي عندك انشالله..ميخالف المهم بالاخير يصير عندي بيبي..ومرت عشر ايام..وانا على هالحال ليمى نزل علي دم....

وطبعا على طول للدكتوره فوزيه شلووون ولييش وكل شي برااسي...لما قلت خلااااص اسكت احسن...وطبعا قالت بسوي سونار اسمع النبض..وتسوي جان تقووول مافي نبض...يااااااااااااااااااااااااااااااااااااااااااااااااااااااااه هالكلمه اشكثر اكرهها...شلوون دكتوره...وعلى طوول بجيت لا دكتوره تاكدي..والله انا ماتحركت...والله اخذ الابر بموعدها والله..حتى المثبتات مرتين باليووم..والله والله دكتوره ..جان تقول شنو بعد خلاص ميت..ماكو بيبي..والله اطالع زوجي واهو يطالعني ويكلم الدكتوره واهي مستعجله تقول تعالي بس اسبوع نتاكد..بس انا اقولج من الحين ميت..وتعالي اسويلج تنظيفات..شنو هالدكتوره..ماكو احساس انا اسألها عن النبض اهي تقولي تنظيفات..يارب رحمتك


بكمل
 
إنضم
4 ديسمبر 2007
المشاركات
420
مستوى التفاعل
0
النقاط
0
اختي والله عورتي قلبي مع اني ما جربت الحمل بس ان شاء الله يرزقني ربي آمين كملي ناطرين
 

اوملييتا

*عضــوة شرف في منتديات كويتيات*
إنضم
7 يونيو 2008
المشاركات
2,662
مستوى التفاعل
0
النقاط
0
الإقامة
خزانة الموضة
الله يعوضج خير ياعمري

والله انه صار لي 6 سنين متزوجه اول سنه كنت اقول الحمدلله ما ابي يهال خل استانس شوي ( استغفر الله )
وعقبها 5 سنوات كل ما اتاخر الدوره اروح و كللي امل ............. بس انصدم بالواقع المرير

بس تدرين تعلمت شغله

الله سبحانه ما يسوي شي اللا يكون فيه صلاح للانسان
ودايما حمدي ربج على كل حال

والله يكتب لج الذرية الصالحة
ولجميع بنات المنتدى و جميع المحرومات
يا رب
 
إنضم
23 أبريل 2008
المشاركات
93
مستوى التفاعل
0
النقاط
0
كملى أختى ناطــــرين ... أسال الله أن يرزقك الذريه الصالحه أنتى وأنا وكل محرومه


اللى تفرح قلوبنا وتقر أعيننا ....ويعوض صبرنا خير .. اللهم آمين ...
 

أحلى عيونm

New member
إنضم
16 أغسطس 2008
المشاركات
52
مستوى التفاعل
0
النقاط
0
اختي فاهية..اشكر مرورج..وانج قريتي قصتي...ويارب يا رب يارب الله يرزقج الحمل ويثبته لج وماتشوفين اللي شفته
 

أحلى عيونm

New member
إنضم
16 أغسطس 2008
المشاركات
52
مستوى التفاعل
0
النقاط
0
اختي سنو وايت....شاكره مرورج...واتمنى تدعيلي بس انه الله يعطيني الذريه الصالحه ويرزق كل وحده ناطره هالشي.....
 

أحلى عيونm

New member
إنضم
16 أغسطس 2008
المشاركات
52
مستوى التفاعل
0
النقاط
0
الغاليه اومليتا...والغاليه أبكاني الرحيل...وكلكم غالين..الله يرزقني واياكم اجمعين
والله ادري الاحساس اللي تحسه يمكن كل وحده قبل لا تقرب الدوره..
انا ساعات اقول لنفسي عندي احساس مارا تجي هالشهر..بس من احس انها خلاص بتنزل يضيق خلقي ونفسيتي تتعب..وممكن اتخانق مع نفسي حتى...بس ارد واقول الحمدلله..الله كريم
تدرين والله مليت..من اني اشوف اي وحده وتسالني ...ها ماكو شي بالطريج..؟؟
ليش طولتي ماحملتي؟؟ ومن هالكلام واكيد ك[لكم عارفينه....بس شقول
 

أحلى عيونm

New member
إنضم
16 أغسطس 2008
المشاركات
52
مستوى التفاعل
0
النقاط
0
رديت أكملكم معاناتي...
طبعا بعد كلام فوزيه القطان الاكثر من قاسي..تخيلوا كنت ابجي واهي طبعا كالعاده مستعجله,,وتبي تشوف المرضى غيري..حتى اهي قالت ..ترى انا عندي مرضى..والله يمكن ما اخذت من وقتها وياي عشر دقايق..سوت سونار..وبس قالت ميت..شنو ميت..ماتراعين احساسي..جدامك طوفه شنو..طبعا هذا الكلام بقلبي..لاني ماتكلمت ولا قلت لها اي شي..بس قلت دكتوره خل نتأكد الحمل كان ضعيف من بدايته يمكن توه ماكمل اسبوع السادس.زاللي ينسمع فيه النبض..تكفين خل ننطر..قالت كيفج تبين تنطرين اسبوع وتعالي بعدها..بس انا اقولج ميت ميت..(يمه والله لو شنو انا ما اقول هالكلام ..مااقدر اجرح وحده...واهي الله يهداها ماراعت شعوري..واني ميته من البجي) والله بنات ما اجذب عليكم جذي كلامها لي..ماقالت ميخالف حبيبتي الله يرزقج ومن هالكلام عشان احس انها تواسيني..وتبي تريحني..بس اهي كلش..تصدقون الفلبينيه السستر كانت واقفه وتبجي لاني كسرت خاطرها والله وتعطيني كلينكس ..وحضرت الدكتوره واقفه وتطالع..السستر تقول ميخالف انتي صغير بكره يجي بيبي وايد وتمسح على راسي وانا ميته من البجي والسستر تبجي وياي..وطلعت وخليتها..
بالسياره بالطريج انا وزوجي سااكتين..ولا كلمه..بس كان يقولي ميخالف وماعليه الله بيعوضنا..حبيبي صج تضايق عشاني كان يقولي بس لاتبجين ما اتحمل اشوفج جذيه..وانا استغفر الله الف شي وشي براسي ..ليش صار ..من شنو..؟يعني الحين البيبي مات فبطني..الحين اهو وياي بس ميت.زيارب شلون..شسوي..يعني انا اروح بنسي واسوي تنظيفات..وانزله.زمااقدر ودي اخليه فبطني العمر كله..بس ميت..وكنت رافضه اسوي تنظيفات ..اقول لا بعد اسبوع اتاكد..وطبعا هالشي موزين..بس قلت لا عادي انطر هذه روح شلون انزلها وانا مو متاكده..وكان عندي امل..المهم من عيادة فوزيه لي بيت اهلي على طول..وظليت عندهم اسبوع لي موعد السونار الثاني..وامي بعد كانت تقولي نطري نتاكد..تخيلوا اسبوع واهو ميت..اسبوع وانا كل ليله احط ايدي على بطني..اقول يارب انه حي..وادعي ربي..
صار اسبووع..وطبعا لانب كرهت دكتوره فوزيه..ةماابي اشوفها خير شر..قالت امي خل اوديج لعاليه الفضلي.زورحت عندها وقلت لها السالفه من اولها وسويت سونار وتاكدنا انه ماكو نبض...قلت الحمدالله الله كاتب هالشي الله يعوضني خير..زقلت للدكتوره ابيج انتي تسويلي تنظيفات..وفعلا سويت تنظيفات بالهادي ثاني يوم الصبح..اخذني زوجي ورمنا هناك المستشفى وسويت التنظيفات ورديت بيت اهلي اكمل عشان النفاس...وطبعا مثل النفاس الاول كآبه وضيقه خلق..وهذا كله كان شهر ثمانيه السنه اللي فااتت..يعني قبل سنه.....ولحد الحين ماحملت....يعني ولله الحمد على اللي كاتبه لي.. خلصنا من فيلم الاجهاض دخلنا في فلم تاخر الحمل.....تابعوا مشواري مع تاخر
:0bee2e8d89:
 
الحالة
مغلق و غير مفتوح للمزيد من الردود.