كتالوج آيفون>>q8yat<<

[Om eLkakawiya]

الايتونز = iTunes

هذا برنامج مهم حق الايفون لازم يكون على كمبيوترج..اهو البرنامج الاساسي اللي تكون لنا ادارة الايفون فيه..تسوين حساب وتسيفين شغلات ايفونج فيه وتنزلين برامج منه وتحطين نغمات وصور وترتبين البومات واشياء ثانيه..والافضل يكون متزامن مع جهاز ايفون واحد عشان ما تتداخل معلوماته مع ايفون ثاني نركبه عليه.. بس اذا ما عندج غير هالكمبيوتر عادي في طرق تخلي كل ايفون وشغلاته بروح..و في من هالبرنامج بالايفون بس ما نقدر نتحكم فيه بس اللي بالكمبيوتر.

هذا شكل الايتونز

اللي ما عندها البرنامج..تقدر تنزله من موقع أبل..ولا تحاتون هذا الايتونز الاصلي يعني ماراح يخرب الكمبيوتر

http://www.apple.com/itunes/

تلقين ع اليمين مكتوب دانلود ايتونز..طقي عليها عشان ينزل على كمبيوترج.

ملاحظه : اذا بتعرفين ايفونج اصلي ولا تقليد .. لازم اول ما تشترينه تشوفين هالبرنامجين
الايتونز و الاب ستور .. iTunes & app store
وتتاكدين انهم يشتغلون.

 

[Om eLkakawiya]

فتح حساب (أكاونت)

-عشان ننزل برامج لازم عندنا حساب.
-أي برنامج تنزلينه راح يتسيف بالحساب اللي نزلتي عليه..يعني مثلا تبين تعطين احد برنامج انتي شاريته..تحطيله حسابج وينزل منه البرنامج ابلاش..او دشيتي على الاب ستور اي برنامج انتي منزلته راح يحطون انه نازل بهالحساب.. ولما تدشين ع الايتونز في مكان يحطولج كل البرامج اللي بحسابج.

هذي طريقة فتح حساب

http://www.youtube.com/user/Q8iPhone#p/u/7/ODG0XD98Nvk

و برب

 

[miss.42]

Yeslamo 3al mwthoo3

 

[Om eLkakawiya]

حياكم بنوتات .. ^_^

 

[Om eLkakawiya]

طريقة تنزيل البرامج

بعد ما سوينا حساب..نقدر الحين ننزل برامج.. من برنامج
Appstore

هذا شكله ..اول شي راح اشرحه لكم.. ندش عليه وراح نلقى خمس اختيارات تحت راح اشرحهم ع السريع لانه الاب ستور عباره عن متجر برامج سوق كبير حق برامج الايفون ماراح نخلص واحنا نحوس فيه

اول وحده ع اليسار
Featured : هذي البرامج اليديده اللي توها نازله..نروح تحت كلش راح يطلع مكان مكتوب sing in نطق عليها راح يطلع لنا ثلاث خيارات اذا تبين تحطين حسابج او تسوين حساب يديد او تكنسلين..وانا ما انصح نسوي حساب بالاب ستور اللي بالايفون لانه لويه..نحط حسابنا اللي سويناه بالايتونز..وراح ينحط حسابنا تحت يعني خلاص سجلنا دخول.
categories : هني اقسام البرامج مقسمين البرامج العاب.موسيقى.سفر.رياضه.كتب.و غيرهم.
Top 25 : الـ 25 برامج التوب..وفوق نلقى ثلاث اختيارات..اللي بفلوس واللي ابلاش واكثر برامج ينزلونهم.
search : بحث عن البرامج..نحط اسم البرنامج بالخانه البيضا فوق..مثلا قريتي عن برنامج او دزولج برودكاست برنامج كوبي وبست بالخانه ويطلعلج البرنامج.
Updates : ابديت..هني يحطون برامجج اللي نزلتيهم ويبيلهم تحديث يعني مسويله اصدار يديد ويبونج تنزلينه..اذا بتسوين بس حق برنامج واحد تحديث تدشين عليه وتطقين على ابديت واذا تبين كلهم تطقين على كلمة ابديت اوول فوق ع اليمين وراح يتحدثون كلهم.

الحين لما نبي ننزل برنامج
ندش ع البرنامج اللي نبيه..ونشوف يمه علامة زرقا ع اليمين اذا ابلاش مكتوب عليها free واذا بفلوس مكتوب عليها السعر.. لما نطق عليها راح تصير لون اخضر وكلمت INSTALL يعني تحميل..نطق عليها وراح ينزل عندنا.
-نقدر نقرا عن البرنامج ونشوف الصور تحت و هم نشوف آراء اللي منزلين البرنامج تحت Ratings وهالشي مهم وايد خاصه اذا بتشترين برنامج اول شي اقري التعليقات عن البرنامج بعدين اشتريه.
-اي برنامج منزلته عندج لما تدشين عليه راح يطلع المربع الازرق كلمة تثبيت بالرمادي يعني عندج ما تقدرين تنزلينه مره ثانيه.
-اي برنامج تشترينه راح يندزلج ايميل انج شريته وبهالسعر مثل فاتوره.



و بــــرب

 

[Desert-Girl]

upppppppp

 

[QuEeN MeMe]

مشكووووووره عالموضوع الحلو
استفدت منه وايد
كنت ادور الهمزه ومـــد الكلمات في الايفون والايباد

ايييه وبعد طلعت نص برامجي مفتوووحه

 

[Om eLkakawiya]

اهلين
حياكم بنوتات

العفو ..

 

[Om eLkakawiya]

طريقة وضع قفل للايفون

الاعدادات
v
v
عام
v
v
قفل رمز الدخول
v
v
تشغيل رمز الدخول

بعدين نحط الرقم و نكرر الرقم..واذا بنكسل نطق على الغاء فوق ع اليمين.

- واذا نبيه يصير صعب نسكر المربع اللي جدام >> رمز دخول بسيط .

 

[farawla_q80ia]

خوش موضوع

 

[ReRez]

خوش موضوع وايد مفيد صراحه يعطيج الف عافيه انتي وباجي الآي فونيات

واذا لقيت معلومه حلوه ان شاءالله ماراح ابخل عليكم فيها

 

[احساس انثىA]

رد : كتالوج آيفون>>q8yat<<

انا نزلت الايتونز وسويت حساب وكل شي تمام الا اذا شبكت الايفون بالاب مايتعرف الايتونز ع الايفون
وحاولت فيه من الاب اللي فوق
ماادري الايتونز له اصدار ولا عادي لان جهازي اخر اصدار
والله يعطططيك العااااااااااااافيه ع الموضوع والجهد اللي تبذلينه
*

 

[q8_84]

موضع روووعه وحيل استفدت منه

ومثل ما استفدت لازم افيد

اذا كنتم تكتبون وتبون تغيرون اللغه او تستخدمون الامجوي مايحتاج تضغطون على الكره اكثر من مره لا اضغطوها وخليكم ضاغطين عليها لين يطلع لكم جذي

واختارو



وفي طريقه تنفع لليفون والايبود انج تقفلين الانترنت واليوتيوب والابستور وغيره برقم سري وهذي الطريف تنفع للامهات الي يبي يراقبون عيالهم او يسكرون عنهم الشغلا الي مو عاجبتهم

تروحون للاعدادات >عام>القيود واختاري الشغلات الي تبون تقفلونهم وحطو رقم سري

 

[q8_84]

طريقة فتح حساب في الايتونز iTunes Store الامريكي بدون فيزا

وطبعا الطريقه هذي تسمح لكم تنزلون الابات والالعاب المجانيه فقط


واكثر الناس اللي تحاول تفتح حساب يكون عندهم الطريقه بس لازم يعمل فلم ويغير في الترتيب ،،،،، بعدين يقول ما نفع معي ؟؟
الطريقه بسيطه
تابع شرح الصور وبالترتيب عشان ما تجي تسأل بعدين ....

اما عن طريق سؤالك عن الاستور ،،، تقوم باختيار العلم
او من اسفل القائمه تأكد انك في الاستور الامريكي


http://www.pp11.com/

طبعا الناس اللي توصل للمرحله هذه وتقول ما طلع عندي خيار None
هي نفس النوعيه اللي اتكلم عنها ....
ارجع من اول وسوي نفس الخطوات اللي انا عملتها .
بقولكم فكره ليش ما طلع none
انت الحين لما تجي بتعمل اكونت على الايتونز هو من نفسه رح يفترض انه انت عندك فيزا او ماستر عشان كذا ما بيطلعلك هذا الخيار.
بس لما انت بتجي بتختار برنامج مجاني وتبدأ تنزله
يبدأ يشيك ... بعدين يقولك انت ما عندك اكونت ،،، بعدين انت تكمل وتلاقي none
لانه الايتونز افترض انه انت تبغى تنزل برنامج مجاني وما عندك فيزا او ماستر


(( الطريقه منقوله ))

كذا احنا نكون انتهينا
يبقالك انك تروح لايميلك وتشيك على الايميل اللي وصلك
وتضغط على الرابط
بعدين يفعّل اشتراكك.
وتبدأ تنزل برامج مجانيه وتعمل ابديت للبرامج بدون مشاكل وبدون ماستر او فيزا....

 

[Om eLkakawiya]

خوش موضوع وايد مفيد صراحه يعطيج الف عافيه انتي وباجي الآي فونيات

واذا لقيت معلومه حلوه ان شاءالله ماراح ابخل عليكم فيها

هلا هلا بالكاتبه..نورتي
يعافيج حبوبه..ايه ان شا ءالله

 

[Om eLkakawiya]

احساس انثى
انتي احس حايسه بشي مادري شنو اهو هههه
شوفي الخاص

 

[Om eLkakawiya]

q8_84

يعطيج الف الف عافيه حبيبتي..ما قصرتي

 

[احساس انثىA]

ام الكاكاويه فدييييييييتج. الجيلبريك طااااار وبححح خلصنا منه موضروري اذا نزل اصدار جديد سويته
انا. اقصد الايتونز مايتعرف ع الايفون نفس الايتونز له اصدار ولإ بس واحد
اذا شبكت الايفون فالاب وفتحت صفحة الايتونز بس مايتعرف ع الايفون
اتمممممممنى فهمتي علي وادري ازعجتك بسس الله يجعله في موازين حسناتك

 

[آطخمـُ عنزيـهِ]

طيب


شلون اذا ابي ارسل من فون ثآني اغنيه او صورهـ

والفون الثاني نوكيا مثلا


ويعطيكم العافيه

 

[q8_84]

^^^^^
في برنامج بلونوث يشتغل على كل الاجهزه بس مو موجود الا بالسيديا

بقولج طريقتي انا اطرش الصوره او الملاحظات اي شي للاب توب بالبلوتوث وبعدين ادزها لايميلي وانا دايم اخلي ايميلي امبطل بفوني ويصلني الايميل بفوني وافتحه واحفظ الصوره واذا ملاحظه اسوي لاها نسخ واروح للملاحظات اسوي لصق

انشاء الله يكون شرحي واضح