كثير من العنا فيني ..! وأقول أخفيه وأكابر .. بقلمي : ρeαrℓ
- بادئ الموضوع ρeαrℓ
- تاريخ البدء
البارت التاسع عشر
...
خالد يشوف تلفونه : اوف هذي شتبي
أم عبدالله : منو
خالد : اختي
.
خالد : ألو
ساره : ألو قوة خالد شلونك شخبارك ..؟
خالد : هلا ساره .. أنا بخير أنتي شخبارج
ساره : بخير .. وينك مانشوفك صارلنا سبع أشهر مو شايفينك ما اشتقت لنا
خالد : أنا حيل مشغول .. ان شاء الله أمركم اليوم
ساره : شنو انت مرح تنام بالبيت
خالد : لا ما أعتقد
ساره : خلاص ناطرينك
خالد : زين .. تبون شي
ساره : سلامتك
...
أفراح توها تدخل البيت : قوة
ساره تسلم عليها : هلا
أفراح : شلونج
ساره : بخير
أفراح : عيل وين أبرار
ساره : توها دقت تقول بتيي بعد شوي
أفراح : خالد هنيه
ساره : لا يقول مشغول
...
حنان : خالتي آنا بطلع تبين شي
أم خالد : وين رايحة
حنان : موعدي
أم خالد : عيل نطريني أروح معاج
حنان : أخاف تتعبين
أم خالد : لا مافي تعب
...
بعد أسبوع .. شقة خالد وأم عبدالله
خالد : يالله أنا رايح اذا احتجتي شي كلميني
أم عبدالله : ان شاء الله .. تروح وترد بالسلامه راح نشتاق لك
خالد : الله يسلمج
...
لندن .. شقة حنان وخالد
مشعل : توني دقيت على خالد يقول طيارته الساعه تسع
أم خالد : أبرار كانت بتيي مع ريلها بس بعدين هونوا مادري ليش
حنان : خالتي عمليتي بعد أسبوعين شرايكم تقعدون
أم خالد : والله ودي بس مشعل وراه دوام
مشعل : ان شاء الله كلها شهرين وبترجعون بالسلامه
حنان : ان شاء الله .. الله يسلمك
...
بعد أسبوعين .. عرس دلال .. بالصالون
دلال : أبيج تخليني أصير ملكة جمال
داليا : من عيوني
...
بالنسبه لأبرار من غيرت رقمها .. ماعاد يدق عليها الرقم بدت ترتاح نفسيا والي طمنها أكثر أن مايعرف الا اسمها .. لكن أهو شاب وبسهولة يقدر يطلع عنوانها .. لكن شنو سبب هدوءه هذا الي كان شاغل أبرار
...
حنان وعت من البنج : خالد .. خالد
...
خالد : أي الحمدالله نجحت عمليتها بس باجي لها شهرعلى شان يتأكدون بعدين راح تسوي الكيماوي بالكويت
أم عبدالله : الله يشفيها ان شاء الله
خالد : ماتقصرين
أم عبدالله : اشتقت لك
خالد يبتسم : وآنا أكثر بس شسوي
...
عثمان يكلم بتلفون : اي خلاص خلاص .. راح أيي
دلال منصدمه : وين بتروح
عثمان : عندي شغل
دلال : شنو كل يوم شغل ترى ماصارت هالشغل
عثمان : أنا الحين بطلع اذا رديت البيت نتفاهم
...
حنان : خالد .. خالد
خالد : الحمدالله على سلامتج حبيبتي العمليه نجحت
حنان : صج << تبتسم >>
خالد : أي صج ارتاحي الحين ولاتعبين عمرج
...
نجحت عملية حنان وطلب الدكتور انهم يقعدون بعد شهر على شان الكيماوي .. كانت فرحة حنان بهاليوم ماتنوصف
حنان : خالد وناسه الشهر الياي بنرد
خالد : ان شاء الله
...
دلال : يمه يعني ماصارت شغل كل يوم طالع مليت
أم ناصر : دلول حبيبتي صبري يمكن مشغول
دلال : من أول ماتزوجنا واهو مشغول .. جذاب يعني شوفوني أنا مهم واهو خرطي مالت عليه .. أًصلن لو أني مو متزوجته أبرك .. جني قاعدة مع طوفه
~
هالجملة سمعها عثمان .. من بين كل الكلام الي دار بين دلال وأمها .. عصب وكان معروف عثمان اذا عصب مايعرف نفسه
~
دلال منصدمه وتتصنع الابتسامه : عثمان انت ييت ما انتبهت لك
...
حنان : يعني يصير أحمل
الدكتور : بعد ست أشهر راح تقدرين تحملين
حنان : زين وشلون على الكيماوي
الدكتور : تقدرين تسوينه بديرتج مو مشكله بس لازم تلتزمين .. كل شهر موعد
حنان : جم شهر أسويه
الدكتور : سنه
حنان : وهذا مايظر بالحمال
الدكتور : لا بس لاتحملين قبل ست أشهر من العملية
خالد : حنان ترى دوختينا خلاص عاد << ويطالع الدكتور>> مشكور دكتور
الدكتور : العفو
...
حنان : خالد شفيك .. أستفسر مابي أسوي شي يضرني ليش تعصب ولا ماتبي تصير أبو
خالد : كل شي بوقته حلو
...
عثمان معصب : فهميني شنو الصح
دلال : الكلام ماكان عنك << وبعدين وقفت بكل ثقة >> والا أنت شاك بنفسك
عثمان لاشعوريا عطاها طراق
دلال عصبت : أنت بأي حق تعطيني طراق .. اذا أبوي ماعطاني طراق أنت تعطيني
عثمان : حياتج ببيتكم غير واهنيه غير
دلال فتحت الكبت وقعدت تطلع أغراضها : تطقني هين ياعثمان آنا أراويك
عثمان : دلال قصري الشر .. مو من أول مشكلة تزعلين
دلال : لا أحلف تبيني أضحك .. تطقني وتغلط علي وتبيني أضحك
عثمان : لأنج غلطتي
دلال : آنا رايحه
عثمان : ترى اذا طلعتي من البيت مالج رجعه
دلال تستهزئ : نشوف
عثمان : ترى راح أطلقج
دلال : اذا كنت ريال سوها
عثمان عصب : أنتي طالق
دلال منصدمه
...
أم ناصر : ليش يطلقج .. ماصارلكم شهرين من تزوجتوا يطلقج
دلال تبجي : طقني وطردني
أم ناصر : ليش
دلال : لأنه ياهل على شان سمعني أكلمج
أم ناصر : لاهذا مو صاحي .. آنا بكلم أمه
...
أم علي : أنت من صجك من أول مشكلة تطلق بنت الناس
عثمان : يمه نرفزتني تقولي اذا كنت ريال طلقني .. لا ميت عليها وأنا مادري
أم علي : بس مايصير تمد ايدك على بنت الناس << تلفونها يدق
أم علي : هلا أم ناصر .. اي أنا كلمت عثمان وان شاء الله بحاول أقنعه يردها ومايصير خاطرج الا طيب والله اني ماشفت منج الا كل خير
عثمان : يمه أنا البنت عفتها .. رجاءا لاتفكرين اني أردها
أم علي : يمه كل المتزوجين تصير بينهم مشاكل .. بس مو من أول مشكله يتطلقون ترى أبغض الحلال عند الله الطلاق يعني على شان هالكلمه تطلقها
عثمان : تعيب علي عند أمها وماتبيني أزعل .. أنا بصراحه ما ارتحت لها من أول ماتزوجتها .. أطلقها الحين أحسن قبل لا أبتلش بعيال
أم علي : يمه فشله من أم ناصر ماشفت منها الا كل خير
عثمان : يمه كيفج
...
دلال : مابيه .. يطقني وتبوني أردلة
أم ناصر : باجر الناس بطلع عليج كلام لاصار ولا استوى
...
عثمان : زين خلاص يمه الحين ادق عليها
...
دلال : شفتيه دق .. مالت عليه بس
دلال : خير
عثمان ماسك أعصابه : دلال شوفي اذا بتردين البيت أوسع لج من المكان
دلال : تطقني وتبيني أرد
عثمان : يعني شلون
دلال : يعني مرح أرد لك الا بشرط
عثمان : شنو
دلال : تطلعني ببيت بروحي .. ومابي كل يوم والثاني طالع لي بشغل يديد
عثمان : عيل سمعي
دلال : خير
عثمان : أنتي طالق .. طالق .. طالق
دلال تطالع شاشة التلفون منصدمه
...
عثمان : طرارة وتشرط خل تحمد ربها اني بردها وبفكها من كلام الناس
أم علي : ليش ..؟ شقالت
عثمان : تبي بيت بروحها .. قالوا لها قاعد على بنك
أم علي : حسبي الله ونعم الوكيل .. معقوله هذي بنت أم ناصر
...
أم ناصر معصبه : زين يسوي فيج سودتي ويهي الله يسود ويهج .. هذي شروط صج ماتستحين قعدي الحين
دلال تبجي : آنا شكو يعني يطقني وتبيني أرد له بارده مبرده
أبو ناصر : شفيكم صوتكم واصل لي بره
أم ناصر : تعال شوف دلعك وين وصلنا بنتك تطلقت
أبو ناصر منصدم : شنو
...
لندن .. آخر يوم
حنان : ماصدق ان اليوم بنرد
خالد يتغشمر : ماتبينه نقعد بعد أسبوع
حنان : لا .. بس خلاص زهقت برد الديرة
خالد : الاغراض جاهزين
حنان : اي جاهزين
...
أنتهى البارت آرائكم وانتقاداتكم .. نطروني بالبارت العشرين والأخير :eh_s(22):
يعطيج العافيه حبيبتي ماتقصريييين :eh_s(9):
اكرهك خاااااااااااااااااااااالد :rgewrg: اذا تعرفين خالد وصليله هالمعلومه
الله يعافيج ياقلبي .. نطري للنهاية يمكن تغيرين رايج بخالد
نورتي ولاتحرميني من مرورج :eh_s(22):
sweet.sanfoora
New member
أتوقع حنون راح تدري و تطلب الطلاق .. و راح تصير مشاكل بين خالد و ام عبدالله و راح يتحسف ع حنااآن .،!
و شنو بعد .. شنو ؟؟ مادري بس ماكو ..،!
نننطررررررررج
لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف ...~
ثانكس حياتي .. وتسسلمين حبيبتي على المتابعه .. لاتحرميني من مرورج العسسل
نورتي :eh_s(22):
ام عبدالله صج صج حقيره @@
وبعدين هذا خالد مالت عليه شلون رضى يخلي حنان ويتزوج هالعيوزه @@
ووواي حدي مقهوره
الله يعافيج ياقلبي .. نورتي .. لاتحرميني من مرورج
الله يسلمج حياتي .. كلامج صح لكن الانسان مو معصوم عن الغلط
نورتي حياتي .. ولاتحرميني من مرورج
