كثير من العنا فيني ..! وأقول أخفيه وأكابر .. بقلمي : ρeαrℓ

[ρeαrℓ]

لا يووووووووووووقف

تسسلمين حياتي على المتابعه .. لاتحرميني من مرورج .. نورتي :eh_s(7):

 

[ρeαrℓ]

waiting

تسسلمين على المتابعه ياقلبي

لاتحرميني من مرورج ... نورتي :eh_s(7):

 

[ρeαrℓ]

واااااااااي خااااالد ينرررررررررفز يبط الجبد شالمزاااج وييع

الله يستر من اخو ياسمين :/
شكله ناوي على شي جايد

يعطييج الف العااافيه :**

ناطريينج =)

الله يعافيج ياقلبي .. لاتحرميني من مرورج .. نورتي :eh_s(7):

 

[ρeαrℓ]

اي والله وياج انا :eh_s(14)::eh_s(16):

نورتي ياقلبي .. لاتحرميني من مرورج :eh_s(22):

 

[ρeαrℓ]

بصرااااحة القصة روعة على راعيتها


ناطرييينج بالبارت اليديد

حياتي تسسلمين .. انتي الروعه .. نورتي

لاتحرميني من مرورج :eh_s(22):

 

[بنوتة رياضية]

يعطيج العافيه حبيبتي ع البارت المميز

دلال تستاهل اللي يصير فيها ، خالد اتوقع راح يحب حنان ويطلق ام عبدالله ، واي فديت حنون تكسر الخاطر


حبيبتي متى البارت الاخير ؟؟؟


نـــاطــــريـــنــــج قلبي

 

[ρeαrℓ]

دلووول خلغرورج يفيدج

حنوون كاسرة خاطري

وبثث

ثانكيووو يا عثل

تسسلمين حياتي على المتابعه .. لاتحرميني من مرورج
نورتي :eh_s(22):

 

[ρeαrℓ]

صفحات البارتات

1- 2 - 4 - 5 - 8 - 10 - 13 - 17 - 21 - 22 - 24 - 30 - 34 - 39 - 40 - 43 - 48 - 49 - 51


​

 

[ρeαrℓ]

نطروني بالبارت الأخير ..

 

[ρeαrℓ]

يعطيج العافيه حبيبتي ع البارت المميز

دلال تستاهل اللي يصير فيها ، خالد اتوقع راح يحب حنان ويطلق ام عبدالله ، واي فديت حنون تكسر الخاطر


حبيبتي متى البارت الاخير ؟؟؟


نـــاطــــريـــنــــج قلبي

الله يعافيج ياقلبي .. بالنسبة للبارت الأخير اليوم ان شاء الله يبيلي ساعه أو ساعتين
لاتحرميني من مرورج .. نورتي :eh_s(17):

 

[retaaaj]

يعطيييج العافيه عالبارت الحلو

حنان مسكينه الله يعينها اذا درت بخبر زواج ريلها عليها راح تنصدم حيل

ام عبدالله الله يسامحها راح تهدم بيت خالد وحنان وكان المفروض ترفض خالد لان زوج رفيجتها

اما خالد صاير وايد وايد قاسي قطيعه مادري ليش جذي

دلال ملييييقه ودلوووعه زياده عن اللزوم واهي اللي خربت بيتها بنفسها

ناطرييين البارت الياي على احر من الجمر

 

[DA3LOoOLA]

يبووووووووووووووي شنوووو هذاااا وناااااسه اخييييراا حنون بترجع

دلالوووووووووووووووو احسن

يعطيج العافية

 

[بقايا قلب مجروح]

A5iiiiran 7nona btrga3
Om3abdala tba6 alchabd
Dalal tstahal
Thank you
Witing

 

[ρeαrℓ]

البارت العشرون ​

[ الأخير ]​

...​

لندن .. آخر يوم​

حنان : ماصدق ان اليوم بنرد
خالد يتغشمر : ماتبينه نقعد بعد أسبوع
حنان : لا .. بس خلاص زهقت برد الديرة
خالد : الاغراض جاهزين
حنان : اي جاهزين​

...​

ردت حنان واهي طايرة من الفرحة والارض مو شايلتها من الوناسه .. بعد تعب دام لمدة تسع شهور .. تعالجت الحمدالله وردت بكل شوق انها تشوف أهلها وأصدقائها وكل الي يعزون عليها وفعلا صار مثل الي كانت متخيلته وبعد أسبوع من عودتها خالد وداها العمرة .. وبدت المشاكل بين خالد وأم عبدالله .. اهي كانت تبيه يقول لأهله وأهو يقولها بعدين ​

...​

أم عبدالله : يعني متى بالله عليك .. ولا لايكون تبي زواجنا يتم بالسر
خالد : الدكتور يقول مايصير تزعل بهالفترة
أم عبدالله : خالد مثل ما اهي لها حق عليك حتى آنا لي حق عليك
خالد : صبري جم شهر وآنا راح أقولهم وعد مني
أم عبدالله : آنا بنطر بس لاتفكر ان زواجنا راح يتم بالسر ​

...​

( مرت خمس شهور وخالد يطلع أعذار لأم عبدالله )
أم عبدالله : خالد آنا ماباجي على ولادتي شي وأنت مو راضي تقول لأهلك .. خالد لاتعذبني أنت تبيني أو لا
خالد ابتسم لها : يعلم الله اني من خذيتج ماشفت منج شي يزعلني .. واذا على أهلي راح أقولهم
أم عبدالله : متى ..؟
خالد : للحين ما أشوف أن الوقت مناسب
أم عبدالله : ترى آنا تعبت لازم كل يوم تطلع عذر لحنان على شان تيي عندي مايصير
خالد : خلاص .. اليوم بقول لأمي وحنان ​

...​

أم خالد منصدمه : شنو
خالد : يمه أنا تزوجت المره على سنة الله ورسوله واهي الحين حامل وما أعتقد أني سويت شي غلط الشرع حلل لي أربع
أم خالد : ودامك تدري أنك مو مسوي شي غلط ليش تتزوج بالسر حرام عليك ياخالد حنان ماتستاهل ​

...​

حنان تبجي : ليش ياخالد ..؟ آنا شنو قصرت معاك فيه قول تحجى
خالد : حنان خلاص آنا تزوجت وزوجتي حامل .. وما أقدر أخليه زواجي بالسر أكثر من جذي
حنان تبجي : خالد أختار يا أنا يازوجتك
خالد : شقصدج
حنان لفت ويها بكل قهر : يعني تبيني والا تبيها
خالد عصب : شلون يعني .. شوفي حنان اختيار مرح أختار .. اهي حامل وكلها جم شهر وتصير أم عيالي ووحده مالها أحد ما أقدر أطلقها وأنتي زوجتي وعلى عيني وعلى راسي فرجاءا لاتخليني أختار
حنان تزيد بجي : لا اختار والا الاختيار صعب .. قولها عادي قول أنك تبيها
خالد طلع واهو معصب ​

...​

بالطريج .. فجأه وأهو ماشي بسرعه دعمته شاحنه كبيره من صوبه وصار الحادث ​

...​

المستشفى الساعه أربع الفير
مشعل : الحين شلونه
الدكتور : احنا عملنا اللي علينا والباجي على الله
مشعل : واهو وينه
الدكتور : بالعناية المركزة
حنان تبجي : كله مني أنا السبب خليته يطلع وأهو معصب
أم خالد تلم حنان : يارب أنك تشفي ولدي يارب ​

...​

الساعه 11 الظهر .. أم خالد تعبت عليهم وراحت البيت وظلوا مشعل وحنان .. كانت حنان قاعده على الكراسي تقرى قرآن
مشعل : حنان بغيت أسألج .. شنو كان قصدج لمن قلتي آنا السبب
حنان تدمع عينها : أمس تهاوشنا وطلع معصب .. مشعل خالد طلع متزوج علي وزوجته حامل
مشعل منصدم : متزوج
حنان : قلته اختار يا أنا يا اهي << وتبجي
مشعل : شقال
حنان : طلع ومارد علي
مشعل : اذا قام بالسلامه ان شاء الله راح تجبرينه يختار
حنان تمسع دموعها : مادري يامشعل مادري ​

فجأه لين أم عبدالله يايه
أم عبدالله : خالد شلونه
حنان منصدمه : أم عبدالله
أم عبدالله تبجي : شفيه .. عسى ماصار له شي
حنان قاعدة تطالع بطنها ومنقهره
أم عبدالله : حنان جاوبيني
مشعل : منو أنتي ..؟
أم عبدالله : آنا زوجته
مشعل يطالع حنان .. بعدين طالع أم عبدالله : والله مادري شقولج .. الحين أهو بالعناية
أم عبدالله : الله يقومك بالسلامه ياخالد << وتبجي​

حنان مو راضيه تستوعب الصدمه .. معقوله أم عبدالله الي كانت بيوم من الايام رفيجتها .. اهي نفسها شريكتها .. ظلت ساكته لكن بقلبها 100 سؤال .. ليش أم عبدالله سوت جذي .. ليش خذت زوجي .. ليش خدعتني .. ليش وليش وليش .. وللأسف مالقت حل لأي اجابة فيهم ​

...​

مر أسبوع .. وحنان كانت كل يوم تزور خالد وتتطمن عليه .. مهما كان يظل خالد زوجها .. ستر عليها .. وترك أهله وربعه ووافق أن يسافر معاها تتعالج .. له فضل كبير عليها .. واهي المفروض ماتجازي الاحسان بالاساءه فكرت وايد .. خالتها أم خالد وخوات خالد كلهم كانوا يقنعونها انها تبقى معاه .. وبالنهاية اتخذت هالقرار بالرغم من صعوبته ومرارته الا انها اختارت هذه الحياة ووافقت انها تواجهه .. طبعا بعد هالاسبوع أستقرت حالة خالد لكن للاسف فقد قدرته على المشي (( صار مشلول )) ويحتاج لعلاج طبيعي .. وراح يضطر ان يسافر يعالج​

...​

حنان تبتسم : الحمدالله على سلامتك .. ماتشوف شر
خالد بتعب : الشر ماييج .. ماتقصرين
حنان : ان شاء الله كلها جم شهر وراح تمشي
خالد : ان شاء الله .. شلون ساره
حنان : أي ساره
خالد : أم عبدالله
حنان فيها بجيه : مادري عنها​

...​

بعد كل الي صار .. ومثل ماعرفنا ان حنان تقبلت أنها تعيش مع خالد وسافرت معاه للعلاج على أمل أن يقدر يمشي مثل قبل ​

...​

بعد سنه .. خالد قدر يمشي لكن للحين مشيته موعدله .. وأم عبدالله يابت وليد وحنان يابت فاطمه ​

... ​

دلال تطلقت .. وكملت دراستها .. وللحين ماتزوجت ​

...​

أبرار .. عاشة حياتها .. وماقام يدق عليها أخو ياسمين الي أختفى فجأه​

...​

مشعل ومنال يابو بيبي وسموه جاسم على اسم أبوه .. وعاشوا حياتهم سعيدين ​

... ​

هذي كانت نهاية قصتي .. لكن مع نهاية كل قصة تبدأ قصة يديده بمشاكلها وهمومها .. لأنه نهايتنا كلنا وحده واهي الموت .. أتمنى أني توفقت بقصتي .. وأتمنى أنكم حبيتوها
بالنهاية حبيت أقولكم شغله .. ترى كلنا نغلط .. لكن لازم أن نحاسب نفسنا قبل لانرتكب الغلط ونندم عليه .. ومانشوف نفسنا على الناس لانه كلنا بشر وكلنا عند الله متساوين
وأخيرا من لايشكر الناس لايشكر الله حبيت أشكركم كلكم على تشجيعكم لي ولولاكم مانجحت القصه
وأشكر بنت خالتي الي تقرى كل بارت قبل لا أنزله وتقولي رايهه فيه
وأشكر كل الي شجعوني أني أنزل الرواية
على الخير والمحبة التقينا وعلى الخير والمحبه بودعكم .. لاتنسون ردودكم الحلوه .. وأنتقاداتكم .. وعلى أمل أن نلتقي بقصه ثانية .. لاتنسوني .. باي :eh_s(8):​

 

[ρeαrℓ]

صفحات البارتات ​

1- 2 - 4 - 5 - 8 - 10 - 13 - 17 - 21 - 22 - 24 - 30 - 34 - 39 - 40 - 43 - 48 -
49 - 51 - 53​

(( تمت بحمد الله ))​

ما أحلل الي ينقل روايتي من غير مايذكر أسمي وأسم المنتدى

​

 

[ρeαrℓ]

يعطيييج العافيه عالبارت الحلو

حنان مسكينه الله يعينها اذا درت بخبر زواج ريلها عليها راح تنصدم حيل

ام عبدالله الله يسامحها راح تهدم بيت خالد وحنان وكان المفروض ترفض خالد لان زوج رفيجتها

اما خالد صاير وايد وايد قاسي قطيعه مادري ليش جذي

دلال ملييييقه ودلوووعه زياده عن اللزوم واهي اللي خربت بيتها بنفسها

ناطرييين البارت الياي على احر من الجمر

الله يعافيج حياتي .. ناطرة رايج بالبارت الأخير
نورتي .. لاتحرميني من مرورج :eh_s(22):

 

[ρeαrℓ]

يبووووووووووووووي شنوووو هذاااا وناااااسه اخييييراا حنون بترجع

دلالوووووووووووووووو احسن

يعطيج العافية

الله يعافيج حياتي .. نورتي .. لاتحرميني من مرورج
ناطره رايج بالبارت الاخير :eh_s(7):

 

[ρeαrℓ]

A5iiiiran 7nona btrga3
Om3abdala tba6 alchabd
Dalal tstahal
Thank you
Witing

تسلمين حبيبتي على المتابعه .. لاتحرميني من مرورج .. نورتي

ناطره رايج بالبارت الأخير :eh_s(7):

 

[ρeαrℓ]

صفحات البارتات

1- 2 - 4 - 5 - 8 - 10 - 13 - 17 - 21 - 22 - 24 - 30 - 34 - 39 - 40 - 43 - 48 -
49 - 51 - 53​

(( تمت بحمد الله ))​

ما أحلل الي ينقل قصتي من غير مايذكر أسمي وأسم المنتدى ​

​

​

 

[toty 3sl]

لالالا ليش خلصت راح اشتاقلج وايد
مشكووووره حبيبتي على الروايه
ناطره يديدج الله يوقفج حبوبه