كل ماتحتاجينه من معلومات و فناتق لدفتر التحضير و افكار للوسائل التعليميه مع ام زنوب

[بنات حواء2]

و انتي و اسلوبج في العرض عمومن الوسيله اداه لتوصيل المعلومه و يبقى اسلوبج هو الي يميزها اسلوبج في العرض في التقديم في طرح الاسئله و هني يكون الابداع و موفقه يارب و سامحييني على القصور

 

[بحرينية خليجية]

بالعكس اختي مامن قصور
والله يعطيج مليون عافيه على الجهد الرائع
ويزاج الرحمن الف خير
وبارك فيج حبيبتي
وعسى ربي يسمح دروبج
ويفرجها عليج دنيا واخره
ويرزقج من نعيمه من حيث لا تعلمين ابوي

وعن سالفة التطوع
اختي انه باحثه اجتماعيه
وفي البحرين صعب نحصل وظيفه لتخصصنا بسهوله
وصارلي 4 سنوات عاطله عن العمل
فقلت بدل ما تتبخر معلوماتي اللي درستها
خلني استغلها بالتطوع لوجه الله وعسى ربي يفرجها
ةالحمدالله تطوعت في احد الجمعيات الاسلاميه
وكل خميس عندي حصة للطالبات
والمشكله اختي المكان صغير ومافي وسائل تعليميه لان المركز يديد
وقاع\ه احاول اوصل المعلومه بطريقه بسيطه
لكن احاول ابتكر شي يديد على شان ماتصير روتينيه وتقليديه
وسبحان الله ربي لك الحمد والشكر
ربي سخرج لي
وافضالج علي مو عارفه اشلون اردها
ولكن كل مره من احصل شي يفيدني بموضوعج اقعد ادعيلج
لان مالي خبره كبيره في هالامور
وبالعكس انتي مو مقصره بشي
لو وحده غيرج عادي ماتعطيني ويه
لكن انتي بنت اياويد ومافي مثلج
ويعلم ربي اشكثر حبيتج
وان شاء الله باخذ الصور والمواد اللي ضفتيها
وسامحيني وااااااااااااايد تعبتج معاي
مشكوره قلبي عساج على القوة
وربي يعطيج على قد نيتج
وربي لا يحرمنا من وجودج ومساعدتج
وعسى ربي يعطيج كل اللي تتمنينه في الدنيا
وعساه يرزقج بجنته ونعيمه
والله مادري اشلون اشكرج
ياليتج جريبه وبالبحرين
لكن ان شاء الله من ازور الكويت
لاااااازم الاقيج واتشرف بلقائج ومعرفتج اختي
ربي يسعدج دنيا واخره حبيبة قلبي

 

[بحرينية خليجية]

اختي الله يسلمج مدة الحصة فقط ساعتين ونص
ولازم اشرح افكاري كلها في ساعتين
طبعا الساعه الاولى لي
والساعه الثانيه تكون لمدرسه مساعده مثلا
وبما ان الحصه للبنات فقط هالشي وايد يسهل علينا
يعني الاعتماد على النفس
ممكن اقدم لها طريقة ترتيب غرفة النوم (الفكره زودتني فيها معلمه يارك الله فيها )
ومثل ماحضرتج قلتي نقدم لهم نشاط وممكن نكلفهم فيه في البيت ويعبرون عنه بجمله
وان شاء الله ربي يسهل
تسلمين الغاليه ماقصرتي يزاج الرحمن الجنة ونعيمها

 

[بنات حواء2]

حبيبتي لا شكر على واجب و انتي تستاهلين كل خير و يكفي انج من اهل البحرين احبكم لله في الله
وايد قلبي عورني عليج تخصصج مطلوب بالكويت و من التخصصات المميزه اشلون 4 سنيين ماتوضفتي انا استغرب بصراحه انتوا عددكم قليل و مع ذلك عندكم بطاله
الله يسهل بصراحه اتشرف فيج و امانه لو فكرتي تيين الكويت لج عزيمه خاصه في بيتي بالعس لي الشرف يالغاليه
و لا تنسيني في دعائج ان الله يوفقني و اكمل دراستي و يوفق بنوتي
اما بنسبه للعمل التطوعي ثقي تمامن انه هذا من فضل ربج عليج لانه هو اعلم بنيات و على نياتكم ترزقون و صدقيني انتي فيج حب التدريس و ممكن تكونين مبدعه فيه و هو قبل لا يكون وسايل هو اسلوب و نبرة صو و ايمائات الجسم و اليد فالتعليم مو معلومه و بس لا كل خطوه بصف ممكن تكون جزء من الدرس على فكره مثل السلام مثل وضع يدج على كتف الطالبه لتشجيعها او الثناء عليها
و انا كنت استخدم هشي في الصف بحيث ينعكس على سلوكيات الطلبه
اذكرلج مثال كان عندي طالبه جدا خامله بصف و تقعد في اخر الصفوف و كنت اتحسر عليها فقلت ليش ماسوي شي لها و اكسب اجر قمت كل حصه اخليها اول وحده تشارك و اطلب منها مواقف تمثيليه في البدايه كانت خايفه و متردده بس اول كلمه قلتها لها جدام الصف فلانه انتي شاطره و واضح انج منتبها بس ليش ما تشركين وياي انا حاسه انج شاطره شرايج تجاوبين على هسؤال حسيت انها استانست و فعلن جاوبت بعدين قمت اطلب منها مواقف تمثيليه لاني ابي اكسر الخجل الي عندها و الحمدلله البنت صارت تشارك و تهتم بالماده مع انها غير اساسيه لدرجه ان الابلات صارو يقولون انها شاده حيلها بكل المواد و الحمد لله قدرت اغير منها و اغير في مستقبلها بكلمه او تعزيز و الحمدلله نجح هذا الشي وياي
فبتالي التعليم ماهو سبوره و قلم و وسيله و فقط لالا التتعليم هو ان تكتشف الطالب نفسيا و اجتماعيا قبل لا يكون علميا
و الا لما كان المعلم ان يكون رسولا
فبتالي هذي الرساله المفروض نهتم في حيثياتها و نتزود فيها و نتخلق فيها و بتالي ينعكس على سلوكياتنا داخل الفصل و حتى على تربية ابنائنا
نصيحتي لج دام انه العمل تطوعي خلي تركيزج على الصور و اللابتوب افضل من الوسائل المكلفه و بنفس الوقت النت كل شي فيه لاكن فقط تحتاجين الاختيار الصحيح
انا كنت اسوي وسايلي من علب فارقه مثل علبت الكورن فلكس اغلفها و احط عليها ورد و بطايق و كانت جذابه و الطالبات حبوها لا تكلفين نفسج لانه الوسيله مو بقيمتها الوسيله نقيمها من باب شكثر ممكن تساعدني في توصيل المعلومه انا كنت استخدم اي شي كوسيله و نفس ما قلت لكم من قبل اي شي بسيط بالعين ممكن يكون وسيله لو قلم لو ورقه لو كوب لو صحن اي شي ممكن يكون وسيله لو عرفتي اشلون تستخدمينه كوسيله
انا كنت استخدم الاكواب البلاستك و الصحون الفلين كوسيله و جذابه
لعبه بسيطه ممكن تكون وسيله
و انا موجوده في اي وقت تحتاجيني و ثقي اني راح اكون اختج الي ماولدتها امج اي شي تحتاجينه لا تتردين في السؤال عنه و ماراح اقصر وياج
شنو موضوعج الاسبوع الياي الي بعد الاعتماد ععلى النفس ؟؟؟؟

 

[بحرينية خليجية]

حبيبتي لا شكر على واجب و انتي تستاهلين كل خير و يكفي انج من اهل البحرين احبكم لله في الله
وايد قلبي عورني عليج تخصصج مطلوب بالكويت و من التخصصات المميزه اشلون 4 سنيين ماتوضفتي انا استغرب بصراحه انتوا عددكم قليل و مع ذلك عندكم بطاله
الله يسهل بصراحه اتشرف فيج و امانه لو فكرتي تيين الكويت لج عزيمه خاصه في بيتي بالعس لي الشرف يالغاليه
و لا تنسيني في دعائج ان الله يوفقني و اكمل دراستي و يوفق بنوتي
اما بنسبه للعمل التطوعي ثقي تمامن انه هذا من فضل ربج عليج لانه هو اعلم بنيات و على نياتكم ترزقون و صدقيني انتي فيج حب التدريس و ممكن تكونين مبدعه فيه و هو قبل لا يكون وسايل هو اسلوب و نبرة صو و ايمائات الجسم و اليد فالتعليم مو معلومه و بس لا كل خطوه بصف ممكن تكون جزء من الدرس على فكره مثل السلام مثل وضع يدج على كتف الطالبه لتشجيعها او الثناء عليها
و انا كنت استخدم هشي في الصف بحيث ينعكس على سلوكيات الطلبه
اذكرلج مثال كان عندي طالبه جدا خامله بصف و تقعد في اخر الصفوف و كنت اتحسر عليها فقلت ليش ماسوي شي لها و اكسب اجر قمت كل حصه اخليها اول وحده تشارك و اطلب منها مواقف تمثيليه في البدايه كانت خايفه و متردده بس اول كلمه قلتها لها جدام الصف فلانه انتي شاطره و واضح انج منتبها بس ليش ما تشركين وياي انا حاسه انج شاطره شرايج تجاوبين على هسؤال حسيت انها استانست و فعلن جاوبت بعدين قمت اطلب منها مواقف تمثيليه لاني ابي اكسر الخجل الي عندها و الحمدلله البنت صارت تشارك و تهتم بالماده مع انها غير اساسيه لدرجه ان الابلات صارو يقولون انها شاده حيلها بكل المواد و الحمد لله قدرت اغير منها و اغير في مستقبلها بكلمه او تعزيز و الحمدلله نجح هذا الشي وياي
فبتالي التعليم ماهو سبوره و قلم و وسيله و فقط لالا التتعليم هو ان تكتشف الطالب نفسيا و اجتماعيا قبل لا يكون علميا
و الا لما كان المعلم ان يكون رسولا
فبتالي هذي الرساله المفروض نهتم في حيثياتها و نتزود فيها و نتخلق فيها و بتالي ينعكس على سلوكياتنا داخل الفصل و حتى على تربية ابنائنا
نصيحتي لج دام انه العمل تطوعي خلي تركيزج على الصور و اللابتوب افضل من الوسائل المكلفه و بنفس الوقت النت كل شي فيه لاكن فقط تحتاجين الاختيار الصحيح
انا كنت اسوي وسايلي من علب فارقه مثل علبت الكورن فلكس اغلفها و احط عليها ورد و بطايق و كانت جذابه و الطالبات حبوها لا تكلفين نفسج لانه الوسيله مو بقيمتها الوسيله نقيمها من باب شكثر ممكن تساعدني في توصيل المعلومه انا كنت استخدم اي شي كوسيله و نفس ما قلت لكم من قبل اي شي بسيط بالعين ممكن يكون وسيله لو قلم لو ورقه لو كوب لو صحن اي شي ممكن يكون وسيله لو عرفتي اشلون تستخدمينه كوسيله
انا كنت استخدم الاكواب البلاستك و الصحون الفلين كوسيله و جذابه
لعبه بسيطه ممكن تكون وسيله
و انا موجوده في اي وقت تحتاجيني و ثقي اني راح اكون اختج الي ماولدتها امج اي شي تحتاجينه لا تتردين في السؤال عنه و ماراح اقصر وياج
شنو موضوعج الاسبوع الياي الي بعد الاعتماد ععلى النفس ؟؟؟؟

فديتج والله حبيبتي
اقرا كلامج ودمعتي بعيني
ربي يفرح قلبج دوم مو يوم
وعسى ربي يسر امورج في الدراسه والتدريس
وان شاء الله اجوفج احسن مدرسه مو بالكويت الا بالعالم العربي كله
وعسى ربي يطرح البركه في عيالج
ويبلغ فيهم ويجعاهم من الذرية الصالحه
ومثلج وشرواج والله اكيد ان عيالها ما بيطلعون الا مبدعين
واحنا وعن نفسي احبكم يا اهل لكويت
وماننسى وقفتكم معانا
ومثل ماقلتي تخصصنا شبه يكون مهمل
ولا تنسين الواسطه تلعب دور
عيل اذا تخصصي مرغوب عندكم بقدم اوراقي وبدرس في نفس المدرسه اللي تدرسين فيها عشان تصيرين موجهتي
وتسلم يدج وربي يخليج ذخر لنا
وان شاء الله درس الاسبوع الياي بيتحدد اليوم
وان شاء الله اذا تصعب علي شي بشاوريج يا شيخة الحريم انتي:eh_s(17):
ومشكووووووووووره على دعوتج لي
وان شاء الله من تصير عندي فرصه اكيد بزورج بالكويت اتشرف والله
وانتي بعد من بتزورين البحرين خبريني
والعين اوسع لج من مكان
ومكانج القلب قبل الارض
والحمدالله والشكر على نعمته وانه رزقني باخت حلوة وطيبه مثلج
يعني ربي ماعطاني خوات من امي
لكن والله لقيت لخت تنحط على الجرح يبرا واللي اهيه انتي اختي
ربي يوفقج ويسهل امورج
ويفتحها عليج من حيث لا تعلمين
وربي يوفقج في كل امر حتى لو كان صغير
وان شاء الله ربي يححق اللي في بالج وينور دربج ويسخر لج عيال الحلال ويبعد عنج عيال الحرام
قولي أأأأأأأأأأأأأأأأأمين
الله يحفظج من الشر
سلامي للاهل
ولكل اهل لكويييييييييييييييت الحبايب

 

[درة أهل الطولات]

مجهوووووووووووود تشكرين عليــه

 

[بنات حواء2]

درة أهل الطولات
يا هلا و يا مرحبا و حياج الله يالغاليه
و العفو
و احب تواصلج المستمر بالموضوع

 

[بنات حواء2]

فديتج والله حبيبتي
اقرا كلامج ودمعتي بعيني
ربي يفرح قلبج دوم مو يوم
وعسى ربي يسر امورج في الدراسه والتدريس
وان شاء الله اجوفج احسن مدرسه مو بالكويت الا بالعالم العربي كله
وعسى ربي يطرح البركه في عيالج
ويبلغ فيهم ويجعاهم من الذرية الصالحه
ومثلج وشرواج والله اكيد ان عيالها ما بيطلعون الا مبدعين
واحنا وعن نفسي احبكم يا اهل لكويت
وماننسى وقفتكم معانا
ومثل ماقلتي تخصصنا شبه يكون مهمل
ولا تنسين الواسطه تلعب دور
عيل اذا تخصصي مرغوب عندكم بقدم اوراقي وبدرس في نفس المدرسه اللي تدرسين فيها عشان تصيرين موجهتي
وتسلم يدج وربي يخليج ذخر لنا
وان شاء الله درس الاسبوع الياي بيتحدد اليوم
وان شاء الله اذا تصعب علي شي بشاوريج يا شيخة الحريم انتي:eh_s(17):
ومشكووووووووووره على دعوتج لي
وان شاء الله من تصير عندي فرصه اكيد بزورج بالكويت اتشرف والله
وانتي بعد من بتزورين البحرين خبريني
والعين اوسع لج من مكان
ومكانج القلب قبل الارض
والحمدالله والشكر على نعمته وانه رزقني باخت حلوة وطيبه مثلج
يعني ربي ماعطاني خوات من امي
لكن والله لقيت لخت تنحط على الجرح يبرا واللي اهيه انتي اختي
ربي يوفقج ويسهل امورج
ويفتحها عليج من حيث لا تعلمين
وربي يوفقج في كل امر حتى لو كان صغير
وان شاء الله ربي يححق اللي في بالج وينور دربج ويسخر لج عيال الحلال ويبعد عنج عيال الحرام
قولي أأأأأأأأأأأأأأأأأمين
الله يحفظج من الشر
سلامي للاهل
ولكل اهل لكويييييييييييييييت الحبايب

يا حياتي تدرين كل ماقرى ردودج تدمع عيني لاني اشوف فيج الانسانه المكافحه كنت حابه اضرب فيج المثل في احد المواضيع الي تتكلم على الكادر بس ابيهم يشوفون الهمه الحلوه والي عجبتني فيج قسم بالله انج تستحقين تكونين المعلمه المثاليه
و كلامج و دعائج لي وااايد ريحني مشكوره يالغاليه
ويارب الله يوفقج و يعطيج الي في بالج و اهل البحرين بقلوبنه :eh_s(7):
صج ليش ماتقدمين اوراقج بالكويتلانه صج تخصصج مطلوب حرام تنظلمين واذا احتجتي اي استفسار في هلموضوع لا تتردين سألي و انا بوقف معاج
تسلمين يالغاليه على هلكلام العسل الي مثلج و انا بانتظار موضوعج اليديد
وسلامي لاهل البحرين

 

[بنات حواء2]

اليوم و انا افتر باليوتيوب لقيت فيديوات فيها افكار حق وسائل العربي ومايمنع ابلات المواد الاخرى انهم يطلعون عليهم ممكن تييهم فكره
فحبيت افيدكم فيهم دشي و القي نظره عليهم و هذي الروابط
http://www.youtube.com/watch?v=gq6AzCArrhY
http://www.youtube.com/watch?v=QNAoynbx6Og&feature=related
وهني حق ابلات الرياضيات
http://www.youtube.com/watch?v=LqWfl1hjj0M&feature=related

 

[باااتشي]

الاخت الفاضله ام زنوب
انا معلمه من السعوديه وصراحه وحده من زميلاتي ف نفس التخصص اللغة الانجليزية
دلتني عليكم وصرت ما استغني عنه لازم ادخله يوميا قد ما اقدر
وخاصة لما طحت على هذا الموضوع الرائع والجميل كما صاحبته
يشهد الله اني قد استفدت منه الكثير وادعوا لك ولكل من كتب شىئ مفيد
وفقكم الله وبارك ف علمكم

 

[درة أهل الطولات]

وسائل منوعه:

 

[درة أهل الطولات]

 

[نسيت الناس]

ماشاء الله جهد يستحق الشكر :eh_s(7):

 

[بحرينية خليجية]

السلام عليكم اختي الغاليه
شلونج وشخبارج حبيبتي
سمحيلي على الغيبه الطويله
لكن كان عندنا اسبوع للرحلات
الحمدالله حبيت ابشرج
مضع الاسبوع اللي طاف
والصور اللي عرضتهم بمساعدتج
اعجبوا الجميع
حتى البنات يحليلهم استانسوا
وكل من يسألني اقولهم عنج
وتسلمين على كلامج الحلو اختي
ويشرفني والله اني تعرفت عليج
صج والله ماتدرين اشكثر مستانسه
ومن الاناسه ادري اني اعيد الحجي نفسه كل يوم عليج
وانه بالعكس ماسويت شي
هذا واجبي
والمفروض استغل دراستي وعلمي
بشي يرضي ربي ويخدم عيال ديرتي ويخدمني
واذا بفقد الامل بشي مابفقد الامل برب العالمين
في غيري يعانون من 12 سنه ماتوظفوا
ومثل ما صبروا اقدر اصبر ان شاء الله
وفديت لكويت واهلها والله
لكم حب ومعزة وشان في القلب محد يتصوره
واذا بنضرب المثل مانضربه الا فيكم اختي
ذوق واخلاق وذرابه وطيبه وتدشون القلب بسرعه

والله بكره حددوا موضوع الدرس
وكان الاختيار بشكل مفاجئ لان صار تغيير في الجدول
ف بنتكلم عن الطهارة والوضوء
وبنشرح كيفية الوضوء الصحيح
وحصلت معلومات لاباس فيها الحمدالله
وانتي حاطه كذا مطويه وورقة عمل ماشاء الله عليج
وربي يجزيج الف خير
سهلتي علينا اشيا وايد
مادري اشلون اشكرج
لكن تأكدي يالغاليه ان في كل صلاه لج دعوة من القلب
وكل من يسألني عن شي اقولهم عندي اخت كويتيه يزاها الله خير ماتقصر
ومن نقولها شي ماشاء الله ماتردد ولا ترد احد
والله نادر مانلاقي ناس مثلج
الله يسر امورج
ويفتحها عليج قادر ياكريم
وربي ينور دربج
ويخليج لعيالج زوجج ويبلغ فيهم
ويفرجها عليهم
ويعطيج ما تتمنين وينولج مرادج
وعساج سالمه دوم حبيبتي
وعسى دربج خضر وين مارحتي
وربي يجمعني فيج في جنات النعيم
وربي يرحم والديج
ويحفظ لج كل من يعز على قلبج ويخليه لج اخيتي الحبيبه
وربي يعلم اشكثر احبج فيه
عسى ربي ما يحرمني من طلتج ووجودج
وسامحيني على القصور
ولو احتجتي اي شي من البحرين
لايردج الا لسانج
تراني اختج
ولو تبين عيوني والله ماتغلى عليج
بارك الرحمن فيج
دمتي في حفظ الرحمن حبيبتي

 

[بنات حواء2]

باااتشي
هلا و الله باهل السعوديه نورتي الموضوع يالغاليه
و تسلمين علكلام العسل و الاسلوب الراقي و عليج بالف عافيه و لا تحرمينى من تواصلج و افكارج

درة أهل الطولات
يعطيج الف الف عافيه بصراحه الصور تينن عجبتني العروسه و البيض
وااايد حلوه
البيض سويت منها كان عندي درس عن البروتينات و حطيت تحت كل بيضه نقطه
بصراحه ابداع و الف الف شكر على المجهود و الافكار و الله لايحرمني من تواجدج و افكارج

نسيت الناس
حياج الله يالغاليه

بحرينية خليجية
هلا و الله يالغاليه وين الغيبه كنت احاتيج بس توقعت انح لاهيه بشي قسم بالله انا هلاسبوع كلش ماقعدت
شي ورا شي مناسبه ورا مناسبه
يالله الحمدلله
حبيبتي انا قلبي وايد عورني عليج حرام كل هلمده بطاله اشلون الانسان يكون نفسه هذا العمر كله راح
ماقوول الا الله ينولج الي في بالج و الله يجعل لكل من يعاني من هلبطاله باب رزق لانه صج صج حرام
و الله يوفقج يارب و يفتحها عليج من كل صوب
بقدرته الرحمن الرحيم
و الله ان كلامج من ذهب و اخلاقج كذلك الله يثبتج على هطريج و يوفقج
و بالعكس طمنيني عليج على طول و خلي هلمووضوع بيتج و مكانج
خوش موضوع هلاسبوع فعلن هني راح تلقين وايد معلومات و افكار للوضوء
اول شي ممكن تعرضين لهم صوت الاذان و عبر طرح الاسئله و المناقشه تخلينهم يستنتجون عنوان الدرس
مثل هذا صوت شنو ؟؟
شنو نسوي لمن نسمع الاذان ؟؟
شنو نسوي قبل الصلاه ؟؟
او تحطين لهم فيديو من اليوتيوب عن الوضوء و تطرحين عليه اسئله و موفقه يارب
وهذي روابط فيديوات من اليوتيوب كلها عن الوضوء اختاري الي يناسبج منهم
http://www.youtube.com/watch?v=Yh_TqoU1wX8
هذ

 

[بنات حواء2]

هذا الرابط وايد حلو
http://www.youtube.com/watch?v=AqioTZF4mYo&feature=related
و الحلو الي فيه الاولوان و الاحاديث كاستدلال
http://www.youtube.com/watch?v=sjXvcNsxn-c
نشيد الوضوء من قناة أزهرى وايد حلو
http://www.youtube.com/watch?v=0NE1mxEk0BE&feature=related
الوضوء للأطفال مثل القصه
http://www.youtube.com/watch?v=GTIhvXjtXAc&feature=related
http://www.youtube.com/watch?v=Mb3yrze18_s&feature=related

 

[بنات حواء2]

وموفقين جميعن و يعطيكم الف عافيه للتواصل و لاهتمامكم و الله يكثر من امثالكم فيكم تتطور المجتمعات و تنهض الامم
فلكم كل الشكر و التقدير

 

[ام طلال]

طلبتها والواقع صدمه الحجم a4

 

[درة أهل الطولات]

طلبتها والواقع صدمه الحجم a4

من منو طلبتيــها ؟​

 

[Q8Buying]

ما شاء الله عليج بس ..
يعطيج العافية على هذا التجميع