كل ماتحتاجينه من معلومات و فناتق لدفتر التحضير و افكار للوسائل التعليميه مع ام زنوب

[قطرات من الندى]

ماشاء الله تسلم ايدين صاحبة الموضوع وكل وحده شاركت فيه
انا استفدت منه كثير
الله يعطيكم العافيه

 

[آدمنت قربككِ]

ماشاء الله بدعتتتوا
همن الطلبه يستفيدوون من هالاشيااء
يعطيك العافيه ابلاتنا =)

 

[المـــــها]

فدييييتكم و الله

 

[بنات حواء2]

يابعد قلبي فديتكم و فديت سؤالكم عني و فديت الدعوات العسل الي مثلكم
سوري قصرت معاكم وايد بس راجعه وبقوه
اولا باركولي تخرجت و الحمد لله و بمعدل حلو الحين عاد اي شي تستفيدون منه بالموضوع ابي دعوه حلوه منكم اني اكمل دراستي و اتوفق حابه اخذ الماستر و الدكتوراه ادعولي ان الله ييسر امري و يسهل دربي
والحين برد على كل استفساراتكم و انشالله ماراح اقصر وياكم
المها شنو هصور الروعه بصراحه البراويز وااااااااو وايد مفيده و حلوه يسلموووووو و يعطيج الف عافيه على المجهود الاكثر من حلو و مو غريب عليج يالغاليه بشريني عن وضعج اشلونج انشالله مرتاحه

 

[بنات حواء2]

رد: رد : كل ماتحتاجينه من معلومات و فناتق لدفتر التحضير و افكار للوسائل التعليميه مع

ماشالله عليييج ياأم زنوووووب والله دعيييتلج لين قلت بس..
بس مادة الإجتماعيات مالها اي طاااري بالموضوع مالج.؟ عفية ساعديني بشغلات جذي. انا الميداني الإسبوع الجاي وولادتي بعد الإسبوع الجاي والله تساعديني لوجبتيلي أفكار وبدعيييلج والله من كل قلبي.
انا إجتماعيات متوسط وتربية إسلامية متوسط.
تكفوون ساعدوني. ولادة وميداني. والله تعب إدعوووولي الله يجزاكم خييير

هلا و الله يالغاليه اولا الف شكر على الكلام الروعه و الدعاء
ثانيا اسفه وااايد و اعتذر منج تاخرت عليج برد و اكيد الحين ولدتي فالف الحمدلله على سلامتج و الله يخليلج النونو و اكيد خلصتي الميداني فالله يوفقج و يعطيج على قد تعبج و نياتج يارب
شوفي حبيبتي مادة الاجتماعيات و الاسلاميه من اروع المواد و راح تلقين 100 وسيله وسيله لها
ابسطهم الخرايط الي اوردي موجوده بالقسم فلا تتعنين عليها بس طلبي من مدرسات القسم ورئيسةالقسم يساعدونج فيهم لانج اكيد راح تحتاجينهم
البوربوينت من اهم الشغلات الي يعتبرها التوجيه انها ابداع مو بس البوربوينت وايد برامج مهمه لازم تستخدمهم المدرسه اذا حبت انها تتميز منها الفيديو ميكر و البوربوينت و غيرها
عندج الفيديوات حاولي انتي تشتغلين على فيديوات عبر برنامج الفيديو ميكر و البوربوينت
اعطيج مثال
عندج نقاط بالدرس اي ما كانت النقاط
تقدرين تسوينهم على فيديو بالبوربوينت تدورين صور بنت و تحطينهم على شرايح مع اشويت انميشن من البوربوينت راح يصير حلو و مرتب
وتشرحين عصور
او فيديوات من اليويتيوب عن اي موضوع
مثلا اليوم موضوعكم عن المناخ تقدرين تسحبين من اليوتيوب اي فيديو حتى لو كان ارصاد جويه مالت الاخبار و تسألينهم هذا الفيديو عن شنو يتكلم و تعتمدين على طريقة الاستنتاج
ممكن تطبعين صور مقاس اي ثري و تغلفينهم حراري و تسوين جدول عصبوره و تخلين البنات يوصلون الالصور بالعبارات المناسبه
على فكره طرق التدريس وااااايد و لاكن محدوده و متكرره الابداع يكون في اضافاتج لها عرفتي
يعني طريقة المناقشه و الاستنتاج قديمه لاكن ممكن تبدعين فيها باسلوبج بنبرة صوتج باضافت صور و هكذا
عرض الفيديو طريقه لاكن ممكن تعرضينه بصوتيات و مؤثرات صوتيه فتبدعين فيه
و اسفه علقصور و التاخير يالغاليه و تابعي الموضوع راح انزل وايد شغلات فيه انشالله هلاسبوع

 

[بنات حواء2]

كويتيه و افتخر
نورتي الموضوع يالغاليه و حياج الله و تابع الموضوع تشرفت بردج

الدنيا اخلاق
تسلمين يالغاليه ولج بالمثل

شذى الحب
اهلين يالغاليه الموضوع متروس افكار مجسمات
وانا مكثره رافكار حق الاسلاميه تستاهلون
وتابعي ردي السابق راح تلقين فيه مجموعت افكار تفتح مخج على شغلات يديده
بس عندي نصيحه مجسمات لا تسوين لانه اوردي موجودين بالقسم اذا كان قسمكم متعاون
بذلي جهدج على صور و فيديوات من اليوتيوب و انا راح ادور روابط على اليوتيوب تخدم اي تخصص راح احطهم
كل الي عليكم حبايبي انكم تاخذون الفيديو وتقصونه
يعني تشوفين الي يفيدج من الفيديو تقصينه عبر اي برنامج وراح انزلكم البرنامج الي استخدمه وايد حلو اسمه شوي صعب عقب مارد عليكم راح انزلكم البرنامج واااااايد حلو وراح اكتب لكم مميزاته وسهل في الاستخدام وراح اعلمكم عليه
وتعرضين الفيديو و تستخدمينه كاستنتاج
عندج وااااايد فيديوات و افلام اسلاميه ممكن تستخدمينها
مثل فلم الرساله تقدرين تقصصين منه على حسب الاحداث و الدرس

 

[بنات حواء2]

درة أهل الطولات
حياج الله يالغاليه

عثمان حبي
يا حياتي حياج الله ونورتي الموضوع يالغاليه و تابعيني على طول

*^ *الليليم
حياج الله حبيبتي و مابي منكم الا الدعاء يالغاليه

كارلوفي فاري
حياج الله يالغاليه

 

[بنات حواء2]

ماشاءالله عليج يعطيج العافية الصراحه

ابي منج مساعده انا الحين ميداني عفيه ابي منكم افكار تساعدني انا مدرسة لغة عربية ومعطيني سادس عفيه الى عندها افكار لاتقصر ومومشكله عادي اي درس بس مابي قواعد ابي درس حلوو ومجربينه وابي افكاركم وابيكم تقولون لى وين اشتري الشغلات الي تساعدني مع العلم اني ادرس بمدرسة خاصه يعني مو حكومه والمدرسه مافيها وسائل مساعده يعني الصف بس في لوحه والبنات عرفتوا وطبعا الصف تقريبا فيه 45 طالبه ابي افكار حق عربي سادس مو ابتدائي لان الابتدائي تقدرين تبدعين اكثر ساااااااااااااااعدوني عفية

يعافيج يالغاليه
وسامحيني عتاخير و الله يوفقج و اكيد الحين خلصتي وانا وايد تاخرت عليج
سادس و عربي ترى متروس افكار و وسائل
بس انا مستغربه اشلون حاطينج خاص انتي اي كليه
عمومن شوفي حبيبتي الموضوع متروس افكار و فناتق
وترى سادس اصغار مو كبار فدوري لهم شغلات على سنهم عشان لا يحوشج انتقاد على المرجله العمريه انها غير مناسبه مع الوسايل
شوفي حبيبتي ارجع و اقولج الوسايل موجوده و عديده لاكمها تطلب منج طريقت تقديم مبدعه واسلوب مبدع و التحكم بنبرة الصوت
ابسط مثال
ممكن تخلين تقويمج المبدئي عباره عن احرف منثره على الصبوره و تطلبين من البنات يرتبونهم و يكونون عنوان الدرس
مثلن عندج درس عن احرف الجر ممكن تسوينهم بوسيله حلوه و معبره تطبع بمخ الطالب عمرها ماتطلع
ممكن تيبين احرف الجر تطبيعنهم و تقصينهم و تحصلينهم بمكاتب جاهزين و مقصصين على فلين
و تدورينلج صوره بنت واحد قاعد يجر عربانه مثلا
و تحطين صورته بالوسيله و وراه الاحرف مالوت الجر و تقدرين تحطينهم بمغناطيس و تخلين الطالبات يلزقونهم علوسيله
شوفي هذي الصوره تقربلج الفكره مالتي
وومكن تيبين نفس هصوره و تعلقينها بمغناطيس على اللوحه و تمدين من ها حبل و تعلقون عليه احرف الجر

وسامحيني علقصور يالغاليه

 

[بنات حواء2]

قمر
انا تووووني متعينه ومعطيني صف سادس وبابجي
بس انا عارفه ان يبيلهم ابداع علشان اشد انتباههم واخليهم يتفاعلون معاي
بس انا ابلة انجليزي
ماعندي فكره عن دروس العربي

اهلين يالغاليه اشلونج شخبارج
شوفي عاد بذبحج انتي
سادس ماتعرفون تشدون انتباهم
و انجليزي بعد لا بالله بذبحج
سادس اي شي يشد انتباهم
الالوان التاثيرات الصوتيه
الانجليزي وسايله واااااااااااااااااااااااااايد و ممتعه لج و للطلبه
اعطيج مثال
الفوكابلري
ممكن تسونه بطريقه حلوه و بسيطه
مثلن عندج كلمت طهي او ****
ممكن تحطينلهم اي صوره متحركه لشيف يطبح مثل
وممكن تضيفين عليها مؤثرات صوتيه وراح انزلكم روابط مهمه تنزلون منها مؤثرات صوتيه بعد ماارد على ردودكم
ومواقع تنزلون منها مجموعت صور متحركه و انصحكم بموافع صينيه او يابانيه الانميشن عندهم خيال و ابداع و صوره كبيره وواضحه
وتخلينهم يعطونج معنى الكلمه من الصوره او الصوت
موشرط صوره بس صوت ممكن يستنتجون منه معنى الكلمه
و ممكن و انتي تقرين الدرس تحطينلهم فيديو صامت و انتي تشرحين عليه بنفس الوقت ممتع و يجذب انتباهم و يخليج تذكرين النقاط
وهذا مثال ثاني عباره عن وسيله تحدد اركان المنزل ولو اني ماشجع الوسايل المحسوس و المجسمات تشكل عبأ علمدرسه
يعني هلفكره هذي لو تسوينها على بوربوينت احسن و اوفر و اقتصاديه في الوقت و الماده خاصتن الميداني لا معاش و لا بطيخ و طله على هلاعانه ام 100 دينار و لا راضين يزيدونها كل شي زاد الا هي حتى معاشات الخدم زادوها

وسامحيني يالغاليه علقصور و لا تنسين تبشريني عنج
واي شي تبين انتي و لا غيرج لا يردككم الا لسانكم احنه نعين و نعاون

 

[بنات حواء2]

بعد عمري حبتج العافيه يا قلبي
انا خريجة الجامعه مو تربيه اساسيه
وتره شهر شهرين مو شويه والتقديم تغير وكلشي تصعب الله يعين بس
يالله مابقى شئ كلها 5 ايام ويفتح الديوان ونقدم ان شاء الله

بادش عرض
اشلون علمتي زنوبه تقط الحفاظه؟؟:krkrkr:
ههههههههههههههه:krkrkr: واااااااااااي مت ضحك على تغيرت الوضووووع شئ صرااحه كسرة حلوه منج هههههههههه ياحلاااتج:krkrkr: وااااااي لهالدرجه البنت توهق اشوى:yaaaaaarb: بس عندي صبيان:d
فروحه يننتني مو رااااضيه تقطها
ام زنوب من دشيت المغرب لي الحين وانا ماطلعت من موضوعج يامااال العافيه عسى ربي يحرم ايدينج من النار:yaaaaaarb: صج ابدعتي انتي والبنات اللي شاركو ربي يعطيكم ألف عافيه ماقصرتو :eh_s(7)::ggdw:

هههههههههههههههههههههههههه
لووووووووووووووووووووووول
ذبحتوني من الضحك
ياحياتي الموضوع و صاحبت الموضوع كلهم لج
بس اهم شي انج استفدتي
و انا انصح البنات كلللللللللللللهم يشوفون الموضوع من الى لانه متروس افكار بس يبيله جاي او قهوه او نسكفيه و تقعد فيه تقرا و تاخذ افكار و تطورها
لاني استغرب من البنات يدشون يبون وسايل و افكار بس الموضوع اوردي متروس افكار وصور و ملفات
والله الملف الواحد اقعد عليه ربع نص ساعه على ماينزل عشان انزله لكم
منزله لكم شغلات تشيب الراس بس يبيلها شويه قرايه و افراره بالموضوع
تابعيني يالغاليه الياي احلى انشالله
وعادي اخذو راحتكم بالموضوع تبون نسولف على البامبرز ولا الحمام كله واحد بنهايه هذا بعد تربيه بس منزليه هههههههههههههههههههههه

 

[بنات حواء2]

أم زبوووووووووووووووووووب فديتج ابي افكار حق وسائل لمادة علوم الاسره والمستهلك
ساعدووني

هلا و الله حبيبتي
شوفي عاد انتي اكثر وحده بذبحها تدرين ليش
لانه تخصصي و انا منزله كل تحاضير ثام و سابع و شوي من تاسع و سادس
و افكار وصور بالموضوع تشيب الراس بس اخذيلج فره فيه و انتي تلقين افكار لين تقولين بس كافي
وبشريني عنج و انشالله بنزل وايد شغلات اليوم
بس تفضيلها و اقريها عدل و موفقه يالغاليه

 

[بنات حواء2]

MEMO GirL
هلا و الله يالغاليه يعافيج و يخليج نورتي الموضوع
بطاقت الدعوه صيغتها سألي فيها رئيسة القسم
لاني مره سويت و طلعت غلط
بس ضروري تحطين اسم الموجه ورئيسة القسم و الناظره

no0ona1985
هلا و الله حبيبتي
مافهمت شنو اشراف اداري سامحيني ترا عليميه مالي بهسوالف

Rowdy
حبيتبي اقري الردود السابقه وانشاله راح تستفيدين و اخذيلج فره مع قلاص نسكفيه علموضوع كله و انتي راح تلقين افكار و اقري ردودي كلها و انتي راح تعرفين اشلون تبدعين و موفقه يالغاليه

المها
بصراحه مبدعه بصور وااايد حلوه كبيره وواضحه و الله يعطيج الف الف عافيه
شعلي اغيب شهرين ارجع اشوف الموضوع يينن و الله تسلم ايدج على هصور

 

[بنات حواء2]

قطرات من الندى
حياج الله يالغاليه و تسلمين حبيبتي

آدمنت قربككِ
حياج الله حبيبت يو انشالله يارب اكل يستفيد

 

[بنات حواء2]

 

[بنات حواء2]

شوفوا حبايبي انا اليوم يايه ومتفضيه لكم بعطيكم اساسيات مهمه يمكن غابت عن الكثير
الكل يدخل يبي ابداع صح
والكل يبي يبدع بحدود امكاناته و طاقته سواء المعرفيه او الماديه او الكميه و الكيفيه
شنو يعني هلحجي انا اقولكم
يعني انا مدرسه ابي اتميز بحصيي ابي اطلع بشي حلو و ممتع لي و للطلبه اي لي ليش قلت لكم لي
لاني انا مدرسه بسن اسوار المدرسه روتيني كله مضغوط فلو صارت حصصي حلوه راح اشوف المتعه بعيون طالباتي و ثمار تعبي بنجاحهم و حبهم للماده
حبهم للماده ماراح يكون موجود الا في حاله وحده بس وهو حب المعلمه لوظيفتها ومادتها
منو في مثل يقول فاقد الشي لايعطيه
بالضبط انتي اذا انتي ماحبيتي وظيفتج لاي سبب من الاسباب ماراح الطلبه يحبونج و لا راح يحبون يتعلمون و هذا يأثر عليهم بدرجه الاولى
معظم الناس يسألون ليش عندنه تسرب دراسي
شنو يعني تسرب دراسي يا ام زنوووووووووب ؟
يعني المدخلات اكثر من المخرجات
يعني 1000 طالب يدش المدارس الحكوميه مايطلع منها الا 500 وين الباجي وين راحوا؟؟؟؟؟؟؟؟
قبوا
نحشوا
طلعوا
تركوا الدراسه لاهلها على قولتهم
ليش شنو السبب
انا اقولكم السبب انتو اي انتو كل معلم مسؤول عن طلبته مو كلكم راع و كلكم مسؤول عن رعيته هلحجي مو بس حق الريال و الاسره هلحجي لج انتي يامعلمه مو كاد المعلم ان يكون رسولا شلون بعظمته و عظمت وظيفته و اخلاقياته وحبه لعمله
من تجربتي بالميداني انا اشوف 60 % من المدرسات مايحبون التدريس زاهقين من التدريس وفوق هذا مستمرين فيه طيب اذا انتي مو حابه الوظيفه خليها وشوفيلج شي ثاني او جبري نفسج على حبها لانه هشي بينعكس على نفسيتج و بتالي ماراح تنجزين و لا راح تقديم و لا راح تسوين و تلقين حصصج تضيق الخلق حتى انتي مالج خلق تشرحين
ثانيا الاسلوب يا حبايبي اسلوب معاملتج مع طلبتج لا يكون اسلوب جامد وصلب
في البدايه يعني بداية السنه الدراسيه اي خليج جامده لمصلحتهم و انضباطهم و تالي ليني العلاقه بينج وبينهم
ترا العلاقه كل ماكانت طيبه و مرنه بين المعلم و طلبته هذا ينعكس بشكل ايجابي على الطرفين
تلقين الطالبات ينضبطون معاج مو خوف منج لا لاكن احترام لج و للعلاقه الطيبه الي بينج وبينهم
اي ماكانت مادتج بسطيها لهم يستاهلون عيالنه
اي طالبه عندج تحسين انها خامله ناديها عرفي الاسباب منها و شجعيها
كان عندي طالبه وااايد نايمه و خامله قمت اناديها واقولها ليش ماتشاركين شكلج شاطره
كانت تقولي البنات يضحكون علي
قمت كل حصه اخليها هي تجاوب اول سؤال حتى لو كانت اجابتها بسيطه اخليهم يصفقون لها و اقولهم شفتوا مريم ماشالله عليها تحسنت و جاويت صح و فكرت و استنتجت و ماشالله تبارك الرحمن صارت من اروع مايكون مو بس عندي حتى بالمواد الثانيه
فانشالله اكون انا قدرت اني اخلي هطالبه تنجز و تعد حق مستقبلها و اكون واحد من الاسباب الي خلاها توصل
وهكذا لازم يكون حال المعلمه لازم تكون عارفه اشلون تتكيف مع اجواء الطالبات و عارفه اشلون تظرب على الوترالحساس
ادري البعض بيقول شنسوي مومنه كرهنه الوظيفه من الضغوط و من الطلبات و من الورشات و الاحتياطات اي انا معاج متعب و يهد الحيل بس مهمن كان حبج و اقناعج لنفسج في عظمت وظيفتج راح يكون اتجاه ايجابي لنفسيتج و نحو ذاتج
اتمنى بعد هلكلام اكون اثرت فيكم و جددت الامل
وفي هذا الاطار تقدرين تقرين واايد كتب تساعدج نفسين و تحببج بالوظيفه
و امانه اذا شفتي نفسج موقدها طلعي منها حولي اداريه بس حرام عيال الناس يضيع مستقبلهم معاج انتي ماترضينها لا على عيالج و لا خواتج فلا ترضينها لعيال غيرج
لا تخلين تركيزج بس على الموجه و رئيسة القسم اذا دشوا عليج لالالا انتي تنجزين مو عشانهم و لا عشان الامتياز انتي تنجزين لانج تحبين هشي و لانه في فوقج رب يحاسبج ويراقبج فخافي من ربج قبل لا تخافين من مسؤولتج
وعطي كل صف حقه وشوفي ربج اشلون بوفقج و بيفتحلج ابواب الرزق و النجاح طووووووول ما انتي تخافينه

الحين نيي حق الشغلات الي تجذب الطلبه الابداع الي الكل يبيه اشلون نلقاه و اشلون نحققه
الابداع هو اني اطور الشي بحيث اني انفرد فيه عن غيري
يعني شنو
يعني الابداع ممكن يصير بكل شي
ممكن ابدع في اسلوبي مع طالباتي
ممكن ابدع في نبرة صوتي عن اي ابله غيري
ممكن ابدع في عرضي لوسايلي حتى لو كانت نفس الوسيله
مثلن الاقتصاد المنزلي او علوم الاسهر درس الهرم الغذائي
مجسم الهرم الغذائي موجود و ممكن تشرح عليه اي مدرسه
لاكن الابداع اني اشرح عليه بطريقه تختلف عن غيري
اشلون
مثلن زميلتج عرضت حق صفها الهرم و عددو المجموعات انتهى الموضوع
انتي تقدرين تغطين الهرم باوراق و تكشفين مجموعه مجموعه و تخلينهم يعددونهم معاج و بعد ماتخلصون من المجموعه الاولى تغطينها و تكشفين عن المجموعه الي وراها بعد طرح مجموعه من الاسئله
وبهطريقه تكونين انتي ابدعتي في اسلوب عرض الوسيله و المناقشه مو في الوسيله نفسها

هذا من حيث الابداع
البعض يقول شنو تقصدين يا ام زنوب ان الوسايل لازم ماتشكل عبأ مادي و كمي و كيفي على المعلمه

اقصد بهلحجي يا حبايبي ان الوسيله مو بحجمها و لا بجم دفعت فيها
مثل بعض المدرسات الي يروحون مجمع دسمان و يدفعون فلوس على فلين شكبره و مجسمات شكبرها همن حجمها عووود و صعب نقلها من مكان لي الثاني و من صف لي صف وبنفس الوقت تعتبر وسيله تقليديه فمافيها اي جانب من الابداع
انزين اشلون يعني مانييب وسايل ل؟؟؟؟؟؟؟
لالالا نييب بس بطريقه ذكيه و حلوه و توفر علينه الوقت و الماده
مثل شنو يا ام زنوب ؟؟؟؟؟؟؟؟؟؟
مثل الكمبيوتر الي بيدكم و شبكة النت تقدرون تسوون فيه البلاوي و المصايب منالابداع
اشلون ؟
الكل يعرف يستخدم البوربوينت صح
انتي تقدرين تبديعن فيه
من خلال التعرف عليه اكثر
انا عن نفسي من خلال البوربوينت اقدر اسوي عرض
واقدر اسوي فيديو بصوتي
اقدر اسوي فيديو بمؤثرات صوتيه
اقدر اسوي شفيفه مركبه
اقدر اسوي صور متحركه
كل هذا تقدرين تسوينه
لاكن يبيله احد يعلمج او دوره موجوده اسمها اي سي دي ال
وبنات التربيه الاساسيه ياخذونها باسم مادة ورشه و انا دايمن انصح البنات ياخذونها عند دكاتره يقدمون الماده على الحواسيب مو على الوسايل التقليدديه لانه بصراحه هذي الماده الوحيده الي استفدت منها


انزين معنى هلحجي اني لازم اعرف استخدم البوربوينت
اي
ومن خلاله تنزلين صورج وفيديواتج و صوتياتج على راحتج
لاكن لكل شي اصول
وهلبرنامج عشان تنزلين عليه اي صوت او فيديو لازم يكون له صيغه
الصوتيات الي تنزلينهم لازم تكون صيغتهم ويف عشان تصير اوضح و ماتقطع
انزين و اذا نزلتي شي من النت صيغته ام بي 3 شتسوين تروحين على اي برنامج يحولجياه الى ويف ابسط برنامج وموجود في كل اللابتوبات وهو Audio Converter سهل و مايبيله اي صعوبه

بنسبه حق الفيديوات في صيغه انا ناسيتها المهم اي فيديو تنزلينه م اليويتيوب تقدرين تنزلينه على البوربوينت عادي مافي اي مشكله

بس المهم و الاهم اني مابي احط كل المقطع الصوتي مثلن نزلت سوره قرآنيه مابي اعرضها كلها ابي اعرض آيه وحده فقط شسوي اخذ المقطع و ادخل على برنامج كات ام بي ثري و هذا البرنامج مايتعامل الا مع الامبي ثري يعني تقصينه وتالي تحولينه الى ويف وتنزلينه على البوربوينت
بنسبه حق الفيديو نفس الشي تقصين الي تبينه وفي برامج وااايد تقدرين تنزلينهم من النت
انا عن نفسي استخدم برنامج وايد حلو سهل و هو بنفس الوقت يقصلج الفيديو و يحولجياه باي صيغه تبينها
بس اسمه مو عندي الحين لاني شابكه من جهاز اختي
اول ما ارجع البيت راح انزلكم رابط تحميل له من نفس المكان الي انا منزلته و لا تحاتون مافي فايروس و لا شي لاني انا منزله منه فتطمنوا
وراح اعلمكم اشلون تفكون البرنامج من الى

وجذي اكون علمتكم اساسيات الابداع باستخدام التقنيات الجديده و البرامج الجديده و عليج عاد انج تبدعين في اسلوبج و بطريقتج بحيث تتميزين عني و عن غيرنه
و الله يوفقم اجمعين
ويسهل عليكم تعبكم يارب
ويزيدون معاشاتكم و الله انا اشوف المدرس لو مهما يعطونه يستاهل بصراحه يتعب و يشقى داخل وبره المدرسه
و هلا هلا بعيالنه

 

[بنات حواء2]

الحين نبي نتكلم عن الاماكن الي لازم المدرسه تتنقع فيها عشان تبدع ههههههههههههههههههههه
شنو يعني ام زنوب قمتي تخورينها جنج ؟؟؟؟؟؟؟؟؟؟؟؟؟؟؟؟ظظ
لا و الله من صجي و اليوم راح اصورلكم و انزلكم صور من انجازاتي من بو 100
شوفوا حبايبي نفس ماقلت لكم الوسيله مو بثمنها الوسيله بقدرتها على مساعدتج وتوصيل المعلمه
نفس ماقلت لكم اي شي ممكن يصير وسيله حتى قلم الرصاص ممكن يكون وسيله تشرحين من خلاله مثال على ذلك
كنت ماخذه ماده عن دكتور عيد الهيم الله يذكرخ بالخير وايد استفدت من اخلاقياته و اسلوبه الله يوفقه وين ماراح انسان محترم و خلوقق بمعنى الكلمه و يستحق اني اذكره في موضوعي و انقل لكم تجربته
كان يكمل دراسات عليا على ماعتقد بلندن يقوول دخل الكلاس و اذا به تقديم برزنتيشن و كان دوره يقدم بس ما كان محضر يعني تفاجئ ماكان عاد من قبل تدرون شسوا مسك قلم الرصاص الي بيده و اتكلم عنه وشرح عليه
لانه اضاهر انه يمارس الرسم اوكان مدرس رسم سابقا فعارف انه اقلام الرصاص تختلف وفي منها انواع
فمسك قلم الرصاص وشرح عليه و استخدماه كوسيله و نجح وياب فول مارك
ليش؟؟؟؟؟؟؟؟ظظ
لانه قدر يوصل معلومه جديده و حلوه بوسيله جديده مو معروفه من قبل صح و لا لا
الله يوفقه يارب
فبتالي اي شي ممكن يكون وسيله
عدي و خربطي سوق بو اميه جم وسيله تلقين فيه
اعطيكم مثال
كان عندي درس عن الادخار و السلع
شسويت
تمشيت بين العاب زنوبه ولقيت سلة جمعيه صغيره مالت الالعاب
خذيتها و حطيت فيها سلع متنوعه
مثل شامبو مخلص كرتون كورنفلكس صغير
كلنكس
جزر
طماط
اي شي من الالعاب كودتهم بسله و لزقت فيهم بطايق صغار كتبت فيهم نقاط
و مررت السله عطالبات و خليتهم يختارون السلع و يقرون النقاط الي عليها و شرحت لهم كل نقطه بضرب امثله
و الموجه ورئيسة القسم عجبتهم الفكره
ابداع صح و لا لا
الفكره بسيطه لاكنها حركت الطالبات و حبوها و خلتهم ينقون من بين السلع و بنفس الوقت الفكره مرتبطه بعنوان الدرس
وساعدتني لانه كل الي علي اني بس اشرح النقطه بدال ما احفظها
فالوسيله يا حبايبي مو بس تساعد الطالب تساعد الطالب و تساعدج

درس اعداد الشطائر او السندويشات

رحت بو 100 ولقيت عندهم ميداليات على همبرقر
حطيت فيهم بطاقات و علقتهم على الصبوره و الي تقرا البطاقه و تشرحها صح حق الطالبات تاخذ الميداليا لها هديه
و البنات ينوا الكل يبي يشارك عشان يحصل علهديه
بسيطه
اقتصاديه لاكنها شجعت البنات وتنافسوا في المشاركه
ابداع صح
ممكن اي مدرسه ثانيه تاخذ هلميداليات لاكن تستخدمهم بطريقه ثانيه ممكن ماتكون محفزه مثل الاولى
فبتالي الوسيله موجوده لاكن الابداع في استخدامها

صحون الفلين تعرفونهم مالوت الكيك ممكن نبدع فيهم
كنت الزق عليهم مجسمات
او توزعين على كل مجموعه صحن و تسكينهم على اسامي المجموعات الغذائيه و تحطين مجموعه من الاطعمه على طاوله و تخلين كل مجموعه تيي تاخذ عناصرها الغذائيه مثلن مجموعة البروتينات بتيي تاخذ الدياي اللحم المرتديلا الحليب
ومجموعة الدهون بتيي تاخذ الزبده و الزيت
ومجموعة الفيتامينات بتيي تاخذ الفواكه و الخضراوات
وهطريقه تكونين حركتي الطالبات وونستيهم و استانستي معاهم
وخليتيهم يعرفون شنو الاكل الي يحصلون من خلاله على الفيتامينات و البروتينات و الدهون

ادري الامثله كلها خاصه بلاقتصاد المنزلي لاكن ممكن تطبقونها بطرقه ثانيه على اي تخصص بنفس الاسلوب
خاصتن و اني انا قاعده انقل لكم تجربتي من الميداني

 

[بنات حواء2]

الحين اعدل لكم الاماكن الي تلقين فيهم هسوالف الي تفيدج
من بو 100 و غيره
اول مكان طيور الجنه فلين مافلين فناتق اقلام صبوره هدايا و غيييييييره
ستي سنتر السالميه متروس بو 100
معلم حولي فوق في بو 100 في شغلات و حركات حلوه
بعد اذا في اماكن فيدوني

 

[بنات حواء2]

ابلات حبايبي يايبتلكم شوية روابط انشالله تفيدكم
هذا رابط حق ابلات الاسلاميه في مجموعت بوربوينتات جاهزه ولو اني مااشجع العروض الجاهزه لانها ماتمشي و لا تسلسل مثل تسلسل الدرس لاكن ممكن تسوين عليهم تعديل من عندج و اضافات بنفس القوالب و تطلع الفكره حلوه
هذا رابط في مجموعت مواضيع متفرقه و تحصلون فيه البوربوينت جاهز ماعليج الا تنزلينه دشي و اختاري الي يناسبج او حفظي الرابط عندج ومتى ما احتجتي له دشي
http://www.lakii.com/modules.php?name=powerpoint&file=ppt

 

[بنات حواء2]

بنات الي تبي موضوع بوربوينت عن مناسك الحج تدخل على هرابط تنزل
http://www.almotmaiz.net/club/por/1.zip

 

[بنات حواء2]

بوربوينت عن احكام المدود جاهز بس نزليه وعرضيه
http://www.almotmaiz.net/club/por/4.zip