كل ماتحتاجينه من معلومات و فناتق لدفتر التحضير و افكار للوسائل التعليميه مع ام زنوب

[بنات حواء2]

ممكن في نهاية الحصه تسوين مسابقه بين الطالبات
طالبتين
او مجموعتين
وتطرحين اسئله شوي تكون فيها لف و دوران يعني معقده خاصه حق بنات الثنوي بحيث انج تشغلين مخهم صح
او لغز مناسب لموضوع درسج
و تقسمين الصبوره عبر جدول يمثل المجموعتين
و ترسمين فيها هذا الشكل

مقابل كل غلطه و تخصصين جوائز
احسها حلوه و تحرك الحصه

 

[بنات حواء2]

هذي اللعبه حلوه حق ابلات التاريخ و الجغرافيا يعني ابلات الاجتماعيات كلهم
ممكن تسونها اخر الحصه او حتى اثناءها بحيث تخلين الطالبات يحددون موقع دوله معينه او شي معين علخريطه و تشتغلين فيها بالبوربوينت و تخلينها تضغط علمكان الصحيح ولو كان اختيارها صحيح تخلين العرض يتجه لشريحه فيها مؤثرات صوتيه مثل تشجيع
واذا خطأ تتجه لشريحه فيها مؤثرات صوتيه تدل على الخساره مثل كلمة رونج او غيره وهي الصوره مثال بسيط

 

[بنات حواء2]

وهذي حلوه حق كلمات متقاطعه و ربعها مسليه صراحه و ممكن تلعبينها وياهم في الحصه و هذي نستخدمها للاستدلال على كلمه او عنوان او مصطلح معين

 

[بنات حواء2]

ممكن تختارين لعبه معقده اكثر بنسبه حق بنات الثنويه او المتوسط
وهي الي تستند على الرموز
مثلا ترسمين لهم اشكال معينه
بجدول و ترمزين لها بحرف
اوضح لكم قصدي
مثل هذي الصوره

توزعين على كل مجموعه او طالبه ورقه و تكتبين المصطلح الي تبينه جدامهم عصبوره او تطبعينه جاهز و تحطين وراه مغناطيس عشان ماتتعبين في كتابته خاصه و انه معقد
مثلا تبينهم يستنتجون مصطلح الفلسفه
ترتبين الاحرف عبر اي برنامج عندج بحيث تصير عندج كلمه كالمه على بعضها و تعرضينها بصبوره و تخلينهم يستنتجون الرمز بروحهم و اسرع وحده خصصي لها جائزه او تشجيع


بنات لو عندكم افكار مثل هرموز ياريت تزودونه فيها

 

[بنات حواء2]

سوري بنات الصوره مو طالعه فوق هذي صوره ثانيه لها

وهذي وحده ثانيه بحثت عنها خفت ماتطلع الاولى

حق ابلات الانجليزي تنفع هذي ولو اني مو حابه الصور الي فيها تضيق الخلق

 

[بنات حواء2]

الصوره الواضحه و الحلوى الي ابيها تطلع مو راضيه تطلع عمومن هذا رابط الصوره يمكن تطلع لكم اذا فتحتوا الرابط
http://agr.jamaa.cc/cach_images/www.jamaa.cc_17d32f30b1a87806d547161ded32c224.cach

 

[بنات حواء2]

حق الاعمار الاصغر ممكن تستخدمين هرسمه و تحطين عليها الاحرف الي تبينها

و تنسقينها براحتج بس فكرت اللعبه واضحه
نفسها هي هي بس نبي نغير في الرموز بحيث تكون جذابه لكل مرحله

 

[بنات حواء2]

ممكن تسوين نفس الفكره بالوان بنسبه حق ابلات الرسم
مثل الي بصوره بس تحطين عليهم الاحرف الي تناسبج

 

[بنات حواء2]

او انج ترتبينهم بهطريقه مثل طريقة التلفزيون القديم

 

[بنات حواء2]

او هذا الشكل

اي شكل بس المهم ان يعبر عن المصطلح
مو تحطين الوان و انتي درسج عن تاريخ اوربه ماله علاقه
او رموز صينيه و انتي درسج عربي احس ماله علاقه كلش
فربطي العنصر الي بتحطينه بعنوان الدري مالج او المصطلح

 

[بنات حواء2]

بصراحه وياكم احس افكاري تتوسع اكثر و هذا الحلو بان الانسان يتبادل الافكار اما النسان الاناني ماراح يستفيد لانه بيظل يشتغل علفكر نفسه و اسلوب واحد مهمن اخذ بيظل تفكيره محدود اما الي يتبادل الافكار يحس ان كل ماله يستفيد و تتوسع مداركه و يعطيكم الف عافيه وايد استفدت منكم و اتمنى انكم تستفيدون و ياريت تزودونه بالعاب اكثر و ياريت تكون مناسبه حق ابلات الثانوي خاصتن و ان البنات كبار و يبيلهم شغلات معقده اكثر
لانه المراحل الباجيه متوفر لها العاب وايد بنت بس الثانوي شوي صعبه

 

[بنات حواء2]

ممكن تسوين لعبه ثانيه و هي التوصيل
و طبعن تختارين درجة التعقيد على حسب المرحله
وهذي اللعبه حلوه لمن يكون المصطلح او العنوان مكون من احرف قليله مثلا
المصطلح هو الحج
ممكن تسوين لعبة توصيل متشابكه باربع طرق و تخلينهم يتسابقون بتوصيل و اول وحده تخلص تعطينها اول حرف و ثاني وحده تعطينها ثاني حرف و هكذا
وهذي مجموعه من العاب التوصيل كنماذج لكم

 

[درة أهل الطولات]

ههههههههههههههه صح صح

 

[بنات حواء2]

هههههههههههههههههههههههههههههههههههههههههههههههههههه

 

[صدقني@صعبه]

مشكوووووووووووووره حبيبتي

واااجد العاب سووويتها

مثل المتاهه ولعبه العب مع الالوان وفكر واربح وانتي زهره ورائده الفضاء ومضيفة الطيران

ومو بس هم يستناسون حتى انتي تحسين حصتج فله

وبالتوووفيق لكم

 

[ذكريات عشاق]

ممرحبا بنات وي صارلي يومين مو داشه المنتدى
انشغلت والله كل شي صاير على بعضه
رمضان والعيد وتجهيز الدوام ولا فوق هذا كله عندنا عرس تاريخ 18/9

 

[بنات حواء2]

صدقني صعبه حياج الله انا رايي من رايج ترا حتا احنه نستانس والله انا من اشوف الطالبات مستانسين يهون علي التعب اهم شي انهم مستانسين و استفادو
بس و لا عليج امر ممكن تشرحيلي لعبة مضيفة اطيران اشلون صايره انا تشوقت بصراحه


ذكريات قسم بالله توني يايه بدزلج رساله خاصه وايد افتقدتج و قلبي عندج ماعرف ادخل مالقاج موجوده قسم بالله بسميج شمعة الموضوع *

 

[ذكريات عشاق]

واي فديتج والله انتي شمعه الموضوع اللي صج استفدنا منه ومن افكارج وتبادلنا الافكار اللي اكيد كلنا راح نستفيد ونبع انشالله يااارب

 

[درة أهل الطولات]

منورة ذكرياااااااااات

 

[صدقني@صعبه]

هلا فيج حبيبتي بنات حواء

اووكي

بما اني مدرسه علوم

استخدمت هالفكره كان عندي درس كيف يتكون قطرات الماء

وصراحه دخلت مضيقه الطيران بالدرس الان السحب شلون تتكون عن طريق التكثيف وبعد ماتتكون يتساقط مطر اللي هي قطرات

المهم لبست بنت لبس المضيفه
وبعدها القت الكلمه الي يقولها الكابتن
وحطيت اصوات طياره اول ماتطير وكلنا تخيلنا اننا بالطياره وشريت طياره لعبه كبيره
وبعديت الدرس اننا نركب الطياره والكابتن يعطي التعليمات والمضيفه مووجوده
وبعدهاا لبست بنت شكل سحاب انه احنا فوق السحب
وطلبت المضيفه من الركاب كيف يتكون السحاب وبعدها انا جيت وشرحت لهم الدرس
وبعدها وزعت المضيفه على كل مجموعه صلصال وشكلوا لي سحب والمطر
وبعدها قامت تسال المضيفه جم سؤال واللي تجاوب تعطيها جائزه
ومنها خلصت رحلة الطيران وصج يوومهااا وناااسه

وعندي بعد لعبه حلوه

اتعرفون الاطباق الدائريه انا شريت 3 و3 مسدس ماي الصغير
وحطيت على كل طبق صوره تتكلم عن الدرس اللي بشرحه
وحطيت فوق الصوره جلاد شفاف وبعدها غطيته بكريشه الملونه
وزينتها ولما تشوفين الطبق اتقولين ما فيه شي
وخليت هاللعبه بالتقوبم
حطيت الثلاث اطباق بالسبوره صفيتهم
وبعدها طلبت من ثلاث بنات يرشون بالمسدس واول وحده يطلع لها شي تتكلم عنه
وانا كان درسي عن مصادر الضوء
واستانسوا البنات
وان شاء الله وضحت لكم اللعبه
وافيدكم ان شاء الله واستفيد