كل ماتحتاجينه من معلومات و فناتق لدفتر التحضير و افكار للوسائل التعليميه مع ام زنوب

[ذكريات عشاق]

اي من صجج وايد انا منزله صور وافكار حتى ام زنوب واايد شغلات لا تطوفج
بس لحظة خلاشوف واقولج

 

[fri2010]

تعلق وياي الصفحات شكله جهازي في فايرس!

 

[ذكريات عشاق]

ابدي من صفحه 35
وايد شغلات وافكار ححلوة ونصيحه اذا شفتي صورة عجبتج
اخذيها وحفظيها عندج بالجهاز عشان لا بغيتيها مو لازم تشبكين وتورين بين الصفحات بالموضوع
بتكون جاهزة عندج بالجهاز

 

[fri2010]

اها اوكي يعني ابدي من 35 لين هالصفحه صح؟

 

[ذكريات عشاق]

اي صح

واايد حلوين

 

[fri2010]

يبيله اشوف الصفحات على رواق

مشكورةة حبيبتي ذكريات

 

[ذكريات عشاق]

العفوو اي قعديلهم قعده
وشوفي الافكار خاصة في ابلات قبلنا وعندهم افكار ححلوة

 

[fri2010]

والله حلوين الصور ويني عنهم من زمان

واشوا بعد عندي خبره بالفوتوشوب يعني اقدر استعمل الصور اللي شفتها واركب

بس بنات اوراق العمل كل مدرسه تسوي شغلها حق صفها

والا كل اسبوع وحده من المدرسات تسوي اوراق العمل وتوزعه على كل الصفوف؟

 

[صدقني@صعبه]

لا الابتدااائي كل ابله مسؤله عن صفهااا
تخيليلي بالميداني كنت ماسكه 5 صفوف
وكل صف يختلف عن الدرس الثاني يعني يوومياا مجابله هالكمبيوتر واسوي وانسق واسنع عشان يطلع شغلي بالصوره الحلوه
وقبل لا اعطل طلبت مني رئيسه قسمي اطرش لها كل الاوراق اللي سوويتهم بالايميل تقوول حلوووين
وسويت له امتحان وسوو نفسه بس عدلووو عليه شووي
يعني كراااااااااااااف كل يوووووووووووم الله يعيييييين

 

[fri2010]

وناسه عيل يعني كل وحده لها شغلها الخاص بصفها

 

[بطاطا]

ام زنوب
ذكريات

مشكورين على الرد و العفو ما سويت شي ..

و الله يسهل ان شاء الله و نكون من المميزين باذن الله ...

-------------


بنات اللي سولفوا عن كره الوظيفة :

هالوظيفة متعبة ... و مو سهلة ... و مسؤولية ... و حطي فبالج انج من تدشين المدرسة لين تطلعين و انتي تشتغلين ( مو شرط كراف بس نادرا ما تكونين فاضية ) و بالبيت هم بالج بيكون مشغول بالتحضير و قراية الدروس و تجهيز الوسائل ..

بس صدقيني ... لما توصلين لنهاية الكورس و تقعدين باخر اسبوعين ماكو شغل بتملين :ch12: و بتقولين ويييييييييييه ابي اشتغل و زهقة و ملل


الدوام حلوووو و شغلتنا حلووووة لكن اللي يعيبها السلبيات اللي مثقلة علينا الشغل زيادة و بس ،، اقصد الشغل الاداري :>


خلج مستعدة و فكري كلها جم شهر و ترتاحين بالعطلة ... يعني ايام راحة لج و ايام تعب و كل الناس جذي عايشين :ggdw:

 

[درة أهل الطولات]

يعطيكم العافية

 

[fri2010]

ان شاء الله نكون قد التعب والمسؤوليه وبكل مكان فيه تعب

حتى على ايام الجامعه كانت وحده معاي ماخذه بس 4 مواد وانا ماخذه 7 مواد

كل شوي تقول تعبت وكرهت الدراسه وبسحب الماده وما اقدر اكمل

وانا اللي 7 مواد وكل ماده ميدتيرمين وبحث ولا قلت تعبت وبسحب

يعني اللي متعود على التعب والكراف بيصير كل شي عادي جدامه

انا ما احب اقعد فاضيه بصراحه اذا الحين لما قالو لي عن سالفه الاحتياط ضاق خلقي

وان شاء الله نكون قد هالشي ويوفقنا جميعا

 

[بطاطا]

ان شاء الله نكون قد التعب والمسؤوليه وبكل مكان فيه تعب

حتى على ايام الجامعه كانت وحده معاي ماخذه بس 4 مواد وانا ماخذه 7 مواد

كل شوي تقول تعبت وكرهت الدراسه وبسحب الماده وما اقدر اكمل

وانا اللي 7 مواد وكل ماده ميدتيرمين وبحث ولا قلت تعبت وبسحب

يعني اللي متعود على التعب والكراف بيصير كل شي عادي جدامه

انا ما احب اقعد فاضيه بصراحه اذا الحين لما قالو لي عن سالفه الاحتياط ضاق خلقي

وان شاء الله نكون قد هالشي ويوفقنا جميعا

اي و الله صاجة

الله يوفقنا كلنا ...

بس شفيه الاحتياط ؟؟

 

[fri2010]

الاحتياط يعني تقعدين تجابلين البنات من غير شي يعني بصراحه يضيق خلق يعني يا اما انج تحضرين او تقرين كتاب بس اذا كان اول يوم تعيين واحتياط يصير ملل

 

[fri2010]

بطاطا مع الايام راح اذيج بالاسئله لووول خاصه اني عرفت انج تدرسين ثانويه وتخصصج تاريخ هههههههه

 

[بطاطا]

بطاطا مع الايام راح اذيج بالاسئله لووول خاصه اني عرفت انج تدرسين ثانويه وتخصصج تاريخ هههههههه

انا ادري ان الاحتياط تجابلين البنات على بالي في قرار منعووووووووه :eh_s(4): او الغووووووه فقلت استانس :>


افا عليج بس :>

حاضرين ما ورانا شي نساعد بعض :rerrerek:

:ggdw:

 

[miss shouq]

مشكورين ويعطيكم العافيه على هالموضوع بصراحه وايد مهم وخصوصا ان احنا تعيين يديد وان في بعضنا مو تربويات وانا منهم الله يوفقكم ياااارب

 

[ذكريات عشاق]

صور لمدرسات التاريخ

هالصور هذي شنو ممكن نسوي فيها انا اقولكم
اما تستخدمنيها للشرح
او اذا حابة تزيين دفتر التحضير من برا
يعني لو كنت ادرسين تاريخ اوروبا تاخذين جم صورة والتعديل بالفوتوشوب تسوين غلاف لدفترج
وكذلك فكرة حلوة قالت لي ياها ام زنوب في الصفحات اللي قبل
يعني الحين تبين تسوين دفتر التحضير نفس الكتاب
مثلا خلصتي من فصل وبتنتقلين للفصل اللي بعده
لو فرضنا الفصل التالي بتكلم عن الحياة الفكرية تقدرين تفصلين بينه وبين الفصل القديم بصورة الكتب او صور علماء
وتكتبين اسم الفصل

 

[بطاطا]

تذكرت شي حبيت اقوله للمعلمات اليدد

1- لا تهددين البنات بالدرجات
2- لا تعاقبين الصف كله بسبب غلطة طالبة 1 ( مثلا توقفين الشرح و تقولين الدرس مشروح )


و اذا تذكرت شي بقولكم