كل ماتحتاجينه من معلومات و فناتق لدفتر التحضير و افكار للوسائل التعليميه مع ام زنوب

[fri2010]

تسلم ايدج ام زنوب على الفهرس الله يعطيج الف عافيه جعله الله في ميزان حسناتج

 

[بنات حواء2]

بنات المنتدى كلش مو طبيعي
حاسين و لا مو حاسين ؟؟
مايرفع المواضيع و اخر الردود نفس ما هي من بره من اليوم الصبح
معنه في ردود
شي غريب بس انا و لا انتو وياي بعد ؟؟؟

 

[بنات حواء2]

فراي حياج الله حبيبتي

سوري بنات المنتدا شكله هليومين يبيله تعديلات
لانه حده معلق وياي فعذروني اذا تاخرت بردود

 

[LUXURY]

هلووووووووو ام زنوب وكل الحلوين
واي ماشريت شئ وللحين مادري شنو تجهيزاتي للكورس الياي
بيكون عندنا ميداني والموجه بايينا كل اسبوع فالعين علي لاني يديده لازم يحضر

باسالكم تكلمتو عن الداتا شو منو شرته وجربته ونفع؟؟ ودي اشتري واحد

 

[بنات حواء2]

لالا
المنتدا موصج

 

[بنات حواء2]

حبايب قلبي مفاجأتي لكم
هو ان هلموضوع سويتله فهرس
بحيث اي وحده تبي اي شي او تبحث عن شي معين ممكن تدوره في الفهرس و تلقاه بأرقام الصفحات المقابله على الجنب اليسار
و هذا مجهود مني لكم يوفر عليكم عمليت البحث و يعطيكم افكار
ويعلم الله اني تعبت فيه
و انشالله يكون هلفهرس منقذ و مساعد للكل
و انشالله بين كل جم صفحه بحط هلفهرس بهدف المساعده

و طبعن هلموضوع عباره عن جهود متبادله من الجميع و من العضوات الي ماقصروا و اقولهم يعطيكم الف عافيه
الموضوع جد جد روعه وياكم

luxury
هلا و الله حبيبتي
شوفي ردي هذا في فهرس شوفي الي تبينه و دشي على رقم الصفحات

 

[بنات حواء2]

بنات حاسين بلي قاعد يصير و ياي و لا لا
المنتدا مو طبيعي يحط ردود قديمه و يعلق بردود صح ؟؟
اخاف انا جهازي فيه شي
؟؟؟

 

[بنات حواء2]

لكسري هذا الفهرس
شوفي مكتوب شي عن الداتا شو

 

[fri2010]

الله يعطيكم العافيه صج صج شغل ولا اروع

بس ما ادري ليش احس بنات الثانويه ما يهتمون بالوسايل والا ايشرايكم

مع ان الوطن العربي مليان سوالف

بس يقولون احسن العرض بالشفيفه والبروجكتر

 

[مس يونيك]

ماشالله عليج يم زنوب انتي خوووووووش قدوه كمعلمه فيج الاخلاق الطيبه انه البنات يقتدون فيج

وفيج العلم والثقافه والابدااااااااااع



انا تخصصي اسلاميه شلووون اصير مبدعه بهالماده


ومشكلتي اني ادرس صبيان وتعرفين الصبيان شياطيييييييين ،، وفيه منهم قليل الادب وفيه منهم العنيدين

شلون اصيطر عليهم واخلي الحصه حلووووه ومنضبطه

 

[بنات حواء2]

ويلكم منتدانه الغاليه صحصح و غدا شره اليوم كان كلش تعبان

LUXURY
حبيبتي سوري توني اقرا ردج عدل بس حطيتلج الفهرس فوق اقري عدل في وايد شغلات موجوده هني بهلموضوع و لانه الموضوع تفرع و صار له فروع عديده انا سويت هلفهرس عشان ينقذنه بالبحث
و احنه متكلمين اكثر من مره بخصوص الداتا شو و انا حاطتلج بالفهرس الصفحات
بس العموم يمدح ال جي يعني هو الافضل بين الماركات
و صدقيني الانجليزي اصلن يهبل و راح يصير روعه و مشوق و جذاب اكثر وي الداتا شو خاصه لمن تعرضين فيديو بخصوص الموضوع الي تبين تتكلمين عنه بالعكس وايد نايس وراح تذكريني لمن تشوفين الحصه اشلون بتصير حلوه و بتقولين صدقتي يا ام زنوب
و الحلو بالداتا شو ان راح يوفر عليج فلوس وسايل و طرق وايد
مثال ممكن تعرضين الصور على الداتا شو كبار و ملونين و واضحين بدال الطباعه و الحبر المكلف و فوق هذا الصوره مو ذاك الزود في الوضوح يعني فرق بالحجم بين الاي فور و الداتا شو بالعرض
ولو شاطره في برنامج الفلاش ممكن تسوين العاب تعليميه روعه حق اليهال عاد الانجليزي يونس انا قبل احب الصور الي في الكتاب و المواضيع
و سوري عتاخير في الرد بس المنتدى اليوم كان معلق


fri2010
يعافيج حبيبتي مفتقدتج هليومين انا اشلونج حبيبتي
لا لا منو يقول بالعكس بنات الثانويه يستانسون لمن تكون الحصه فيها وسايل بس كل مرحله عمريه لها اسلوبها و طريقتها و انشالله بتدشين مشاهدات و بتشوفين بعيونج هشي
و اي مساعده او استفسار احنه حاضرين و من عيونه


مس أوركيد
ياهلا و يا مسهلا بابلات الاسلاميه
منوره موضوعنه حبيبتي
و يسلمو على الكلام الحلو الي بصراحه افتخر فيه و يعطيني دافع اكبر لاني ابذل و اجتهد بصراحه كلام و لا اروع و عسل مثل صاحبته

و انشالله بساعدج و برد على ردج و انشالله تستفيدين يارب

شوفي حبيبتي الاسلاميه من اروع المواد و احلى المواد و يكفي انها مادة ذكر الله عزوجل و ذكر الرسول صلى الله عليه و آله و صحبه اجمعين
و انا احب هلماده بسبب ابلاتي الي درسوني بصراحه كانوا قمه برقي بلاخلاق و التعامل و يبثون روح المحبه بين الطالبات بطريقه عجيبه
فانا احب اهنيج على اختيارج لهذا التخصص و صدقيني لج اجر دبل اي مدرسه لاي ماده ثانيه
من كلامج فهمت انج تدرسين مرحله ابتدائية و هذا الشي ممتاز و اكثر من ممتاز لانه وسايلهم بتكون اسهل و امتع اكثر
شوفي حبيبتي انا بتكلم عن الابداع بس قبلها ابيج تشوفين هلفهرس في عنوان مكتوب اسمه نصائح للابداع ص 27 من هلموضوع اقري ردي هناك راح تستفيدين منه واااايد و هذا بشكل عام يعني لكل المدرسات من غير حصر

بنسبه لتخصصج حبيبتي تقدرين تبدعين فيه اكثر و اكثر انصحج في استخدام الداتا شوفي حصصج و عرض فيديوات قصصيه لكل موضوع كمقدمه للدرس
و تشتغلين على بطايق حلوه في الحصه من ابداعج و اعطيج مثال بسيط على هلكلام
لنفرض ان درسج اليوم عن الحج و بتتكلمين عن شروط وجوب الحج و الي هي عباره عن نقاط
ممكن تسوينها على شكل بطاقات مشوقه مثل
لنفرض ان النقاط عباره عن 4 نقاط
تطبعين اي صوره معبره مثل هذي

4 نسخ و تكون ملونه عشان تجذب انتباه الطلاب و تحطين بضهر الصوره بطاقه و تكتبين الشروط بطريقه مبسطه و يفضل يكون طباعه من الكمبيوتر عشان يكون واضح الخط بنسبه للاطفال في عمرهم و تحطين مغناطيس و لمن تيين تتكلمين عن الشروط تحطين هذي البطايق على السبوره و صدقيني من كثر ماراح يتشوقون راح يتناجرون على منو يطلع و يقرا البطاقه
و طبعن هذي فكره من الافكار البسيطه

و بنسبه للفيديوات ممكن تصممين فيديو بنفسج و بصوتج و باسلوبج و بسيناريو معين خاص فيج عبر برنامج الموفي ميكر بصراحه انا معرفتي بهلبرنامج محدوده و لاكن جدا مفيد و كان وياي ابله يعطيها الف عافيه تسوي شغلات تينن عبر هلبرنامج و الله يذكرها بالخير
و ممكن تحطين مقطع صوتي لايات قرآنيه معينه تمثل درسج و تدخلينها على صور و رسومات معبره
و ممكن تسحبين فيديوات من اليويتوب و تقصصينهم عبر اي برنامج يقصلج الفيديوات او يحولج صيغ الفيديو لانه اغلب البرامج الي تحول صيغ الفيديوات تقصصلج الفيديو يعني تحددين بداية الفيديو و نهايته
وشوفي اشلون حصتج بتصير حلوه

و على فكره قناة طيور الجنه و كراميش فيها اناشيد دينيه تهبل عن الحج و عن رمضان و عن الكذب و عن وايد شغلات حلوه ممكن تبلشين فيها بالحصه و الطلاب بيستانسون لانه هذي قنواتهم المفضله و الحين بحطلج روابط مهمه ممكن تفيدج
هذا موقع عن القيم الاسلاميه يعرضها لج باسلوب حلو و مشوف
http://sanadkids.islammessage.com/List2.aspx?cat_id=551
اتمنى تستفيدين منه


و هذا الموقع روعه لكل المدرسات الابتدائي في قسم حق رياض الاطفال و حق العلوم و حق الدين و حق كل المواد تقريبن فيه اناشيد و رسومات جدا ممتع
http://www.kids.jo/main/LessonCat.aspx
و هذا الموقع روعه شوي عليه تقدرين تسوين وسيله فكرتها مثل فكرت واجهة الموقع جد جد جذابه
http://kids.islamweb.net/
ممكن تسألين شنو استفيد من هلمواقع
تقدرين تحملين الاناشيد
تقدرين تطلعين على اسلوبهم في بث المعلومه
تقدرين تاخذين صور او قصص انتي و شطارتج بس يبيلج تتصفحينهم برويه
و اليوتيوب ممكن تكتبين اي شي في صندوق البحث و تسحبين فيديوات روعه
مثال على هلفيديوات
http://www.youtube.com/watch?v=xwK61mLa9TQ
http://www.youtube.com/watch?v=aZJUsJ68C14&playnext=1&list=PL8FD10E2F4DD79472
http://www.youtube.com/watch?v=-yOSI9THAGY&feature=related
http://www.youtube.com/watch?v=9EuCK0GRTbM&feature=related
و بصراحه لو بحطلج فيديوات من اليوتيوب راح ينملي الموضوع فيديوات لانه جد جد مليان افكار و مشوقه

بنسبه لضبط الصف ممكن تتحكمين فيهم عبر وسايل مشجعه
مثل وسيلة النجوم تخصصينها لكل مجموعه و كل مجموعه اكثر نظام تفوز بالجائزه او بلقب الاسبوع
و قدمي لهم كرنيهات مكتوب عليها مميز في حصة الاسلاميه
او جوائز رمزيه بسيطه مثل النوتات او الاقلام الجذابه
و غيره
لانه الاطفال مانقدر نحط لهم قوانين معينه و مهمن حطيناهم راح يتعدونها لانهم مايحبون الحصر في القوانين لاكن ممكن نتحكم في سلوكهم بطريقه غير مباشره مثل الجوائز و الوسائل التشجيعيه
كلمه حلوه منج
و الله يعينج و يقويج على مجهودج
و سامحيني على القصور

 

[المـــــها]

يسلمووووو ع الوردة الحلوة​

 

[LUXURY]

أم زنوب
فديتج حياتي أنتي معذوره مو منج حتى أنا فر مخي امس لووووووووول
انا من زمان ودي فيه بس عندي شغلات ثانيه ولازم ارتب ميزانيتي
بس ضروري أخذه على قولتج توفير وقت وجهد وتوفير فلوس ووسايل

تعالي جهزتي شئ للمدرسه والا بعدج؟؟
واي يبيلي روحه المكتبه روحه سنعه اخم الاولي والتالي لازم احطلي لسته شنو ابي وشنو مابي :\

 

[LUXURY]

بنوته بانقللج ردي كتبته بالموضوع الثاني بس حبيت احطه هني للأفاده عن بروجكتور

وانا حبيت ادخل وافيدكم بشي ما اطلع جذي خاليه

انا والله بخاااااااااااطري اشتري ميني بروجيكتور
وقاعده ادور واحوس

المهم وانا افر بالانترنت طحت على واحد للحين ماشفت فيه عيوب كثر الباجي (بس اللي عندها اي جهاز من ماك تبي توصله بالبروجيكتور علشان تعرض والا تنقل ملفات تره مايصير)

المهم طلعت ريفيوات عنه باليوتيوب وقلت باحطلكم صورته ومميزاته والفيديوات ملوته علشان تستفيدون
وانا باروح ادوره عند سامسونج
المفرووووووووض سعره حسب ما اهو محطوط يطلع بالكويتي 83 دينار بدون الشحن
يعني قولو كامل اذا من الكويت احتمال يطلع سعره 90 والا 100 دينار

هذي صورته

واسمه
Samsung SP-H03 PICO PROJECTOR; LED & DLP


يعرض فيديو وصورة وبور بوينت مال الويندوز والفيديو ميكر
بطاريته تتحمل عرض مدته ساعتين او تقدرون توصلونه بالشاحن او الكمبيوتر اثناء العرض للي تبي اكثر من ساعتين

صغير الحجم ابعاده
2.8x 2.8 x 1.1 inches
ووزنه أقل من كيلو جرام

حجم ذاكرته 1غيغابايت او توصلونه باللابتوب او اي جهاز (يدعمه) يكون الملف اللي تبين تعرضينه متخزن فيه علشان ماتستهلكين الذاكره

وهذي لنكات فيديوات عنه
http://www.youtube.com/watch?v=lfNVNVarZcE&feature=related
http://www.youtube.com/watch?v=ywQKsh0TXpE
http://www.youtube.com/watch?v=nnWbZGOnNeo&feature=related

أذا لقيته أن شاء الله ابلغكم عنه
أنا مطلعه الصور والمعلومات من amazon.com

 

[بنات حواء2]

المها حياج الله حبيبيتي

luxury
اي و الله فر راسي فر
هههههههههههه
انا جهزت الملابس و كل مارحت السوق اشتري الي يعجبني اي شي بخاطري اخذه فتقريبن ملابس عندي حق كورس كامل جدام
ههههههههههه
الي جهزته اوراق اي فور بس فيها خلفيات حلوه خذيتهم فاشيون ميل الي بالسامليه الي بمجمع منيره يم الحوش مال الجواتي تحت في مكتبه حلوه فيها شغلات مميزه و باسعار بصراحه واو
و انشالله بصور لكم تجهيزي كله و بحطه عشان خاطر عيونج

الداتا شو الي حطيتيه مو صج واايد ميزاتهخ حلوه تكفه اذا لقيتيه قوليلنه
و تسلم ايدج على هلمعلومات و يعطيج الف عافيه

 

[المـــــها]

ونااااسه
العودة إلى المدارس
إن شاء الله أتعين شهر 11
يالله استفيد من تجهيزكم إن شاء الله

 

[بنات حواء2]

المها الله يوفقج يارب و تتعينين باحسن مدرسه و تجهزين احسن من تجهيزنه يارب بصور و اردلكم

 

[بنات حواء2]

قوه حبايبي حبيت اواريكم مشترياتي من فاشن مل الي بسالميه كنت مراته و لقيت جم شغله عجبتني قلت اشتريها بدام عاجبني و غير جذي اسعارهم حلوه
هذي اقلام السبوهر خذيت الماركه هذي و اهم شي اصلي

و الماركه هذي هي قديمه لو تذكرونها قبل بس احس انها حلوه بلاستخدام

و لقيت عندهم ستيكرزات عجبوني الحلو الي فيهم ان فيهم حركات مثل الزرارات و الشرايط الستن حسيتهم جنهم سكرابز هذا الي خذيته منهم

و لقيت عندهم ستيكرز بحجم نص اورقه اي فور مكتوب عليه ايات قرآنيه يحتوي على 4 ستيكرزات 2اية الكرسي و وحده الاخلاص و الرابعه مكتوب عليها ماشاء الله تبارك الرحمن
بصراحه حسيتهم حلوين حق التحضير اول الصفحات و جاهزين بس لزقيهم على ورقه حلو

و هذي اوراق اي فور عجيبين عجبوني بصراحه
و الجيس متروس فيه اكثر من 50 ورقه و السعر جنه 800 فلس
هذي عجبتني ولايقه حق تخصصي علوم اسره

و هذي على فازه احس حلوه حق الصفحات الاولى من التحضير

و هذا برواز عجبني

و هذي جنطه بربع في منها احجام خذيتها بسويها مقلمه لانه انا اقراضي وايد و احب بالحصه تكون اغراضي جاهزه و مسعفه بنفس الوقت يعني لو نقصني مغناطيس او طاحت وحده اقدر اتصرف
و نفس الشي بنسبه للاقلام احط اكثر من واحد عشان لي خترب و لا لي ضاع
المهم هذي حجمها حلو و في منها الوان

وسيده حطيت اغراضي فيها

وهذي ستيكرزات حق الطوفه خذيتهم ازين فيهم الوسايل

و النايلون باج
خذيتلي درزن لاني استهلكهم

و سوري علصور اذا مو واضحه

 

[fri2010]

حلوين اغراضج ماشاء الله ام زنوب عليج بالعافيه

بس بغيت اسألج اشلون اعرف قلم اللوحه اللي يخرب اللوحه واللي ما يخربها يعني من اي كلمه اعرف النوعيه؟

وبالنسبه للاستيكرز على الايات القرآنيه مافي منها على عبارات حق دفتر التحضير؟

وحلوين الاستيكرز على الورود هم فكره حق غلاف دفتر التحضير

يعطيج العافيه ابله بنت حوا

 

[بنات حواء2]

اهلين ابله فراي
خلاص من اليوم ورايح ما ناديكم الا ابله
هههههههههههههه
يعافيج حبيبتي
لا مالقيت استكرزات عبارات حق دفتر التحضير بس الآيات القرآنيه و كان اخر واحد مافي غيره
بنسبه للاقلام لو حابه الاقلام الي بالضغط هذي اخذي مثل مالوتي لاحظي مكتوب عليهم بلاصفر اصلي و صنع في اليابان
التقليد يكون سعرهم نص
بس الاصلي دينار و شي
و اخذي القلم الي يكون مشطوف احلى بالكتابه من المدور العادي يجمل الخط
اي فكرت الستيكرزات حلو حق تزيين دفتر التحضير من بره باضافة الضمع عليهم عشان تضمنين ثباتهم