<<كل وحده تدش تحطلنا طريقها بالقهوة العربيه >>

[<<المها>>]

سر طعم القهوه ونكهتها انها تنحمس وتنطحن بالبيت وعلى كميات قليلة يعني حق اسبوعين مثلا وتردين تحمسين وتطحنين من جديد
لان المطحونه والمحموسة عند المطحنة تفقد ريحتها مع الوقت خصوصا اذا انحط الكيلو او الكيلوين كامل مطحون بالثلاجة ..
وصدقيني ماتفرق الطريقة اللي تسوينها فيها اهم شي الحمس .. صدقوني هذا سر القهوه..

وسلامتكم ..

 

[هدوووله]

قهوتنا سالفه بس النتيجه شي عجيب
اول شي نحمس القهوه مع اشنه (شيبه) ومستكه بعدين نوديها مطحنه عاد وقت الاستخدام اخذ 3 ملاعق واحطه على ماي مغلي لمده 15 دقيقه قبل مااشيلها احط ملعقه كوفي ميت وعقبه نحط بالمطاره ملعقتين صغار وربع هيل مجروش وملعقه صغيره زنجبيل مطحون وعود دارسين وربع ملعقه مسمار مطحون ورشه جوزه الطيب << هذا السر وبس نحط القهوه بالمطاره وبالعافيه

مره جربت قهوه الصالحيه اللي بجيان ب مول 360 صراحه روعه بس تطلع خفيفه لازم تحطين 7 ملاعق منها بس بالمطاره نفس اللي فوق وسلامتكم

 

[وردة النرجس]

سلام

بنات أدري داخله عرض

بس شلون نسوى القهوة التركية

 

[بدون وافتخر]

لو انحمست القهوه بالبيت يطلع طعمها احلى
من الجاهز 100 مره ...

حنا نشتريها مومحموسه ... ونحمسها بالبيت نخلي لونها يصير اشقر على بني
وبعدين نطحنها


الطريقه


احط ماي على النار ولمايفور احط فنجان قهوه وملعقة ونص صغيره هيل
بعدين خليه يفور شوي وطفي النار وخليه يركد شوي ...لمدة عشر دقايق



بعدها احطي بالدفايه نتفة زعفران وملعقه ونص صغيره من خلطة (( القصيم ))

هذي خلطه مخصصه للقهوه تخلي القهوه ششششششششي ...

مادري اذا بالكويت موجوده او لا ..
حنا بالرياض


المهم



بعدها احط الشخاله واصب القهوه بالدفايه
ويصير لونها بني فااااااااتح مصفر ..


وبس ...

 

[بوغاتي88]

السلام عليكم اشلونكم / انا بالنسبة لي آخذ القهوة من المطحنة الدولية ويخلط ربع كيلو قهوة سودة ونص شقرا وهيل وعندج بعد مطحنة الملوك هاذي قهوتهم عجيبة وعندج بعد العميد الحين اشلون اسوي القهوة اهي الطريقة غريبة اشوي بس جربوها جايز تعجبكم وجايز ماتعجب بس كيفكم هاذي طريقتي بالقهوة نقول بسم الله اول شي نحط الماي والزعفران والهيل والمسمار لين يغلي الماي وتالي نحط 6 ملاعق قهوة ونخليها على نار هادية جدا ربع ساعة بالضبط الحين الكل يتسائل وين الطريقة الغريبة الطريقة ان قبل لاتحطين القهوة بالماي تحمسينها اشوي بمقلة خاصة بس للقهوة وشربو قهوة هاذي الطريقة لاتحطون معاها كوفي ميت او كارنيشن لانها ماتطلع حلوة وانا ماافضل القهوة مع كوفي ميت مابتطلع شي نصيحة عدم اضافة الكوفي ميت مع القهوة ولاتنسون الحلو واللي جربت طريقتي تقولي وفي النهاية ادعولي الله يفرج همومي اللهم آمين تقبلو تحياتي اختكم بوغاتي الحلوة

 

[بوغاتي88]

اللي تجرب هالطريقة ترى القهوة بتطلع مرة وهلطريقة يفضلونها العربان حيل اللي اعربية او مقاعدة عربان بتعرف طعم هالقهوة عشان مو تجربون وتتذوقونها وبعدين تقولون مو حلوة انا بلغتكم كيف بكون طعمها وبالهنا والشفا

 

[شانييل]

وردة نرجس صج داشة عرض بس أنا بجاوبج
القهوة التركية والفرنسية طريقة وحدة مية مية ولا فراخ الجمعية



ياس مايج فنيان القهوة التركي

تبين مثلا فنيانين قهوة تركي أو فرنسي

صبي 2 فنيال ماي داخل الركوة (الي يسوون فيه القهوة التركية)
وتحطين 3 قفاش قهوة تركية أو فرنسية تكون مليانة فل مو مسحوكة
وتحطين 2 ملعقة شكر كبار إذا تحبينة حلوة ووحدة ونص وسط وولا قفشة سكر إذا سادة < هههه يعني ماصخة حدها

وتحوسين بالقفشة الماي والقهوة والشكر وتحطينهم على الشولة الصغيرة
وتخلينها وإنتي عينج عليها لما تبدى تفور رفعيها عن النار مسافة 3 أصابع لما تفور بهدوء ورديها على النار جنها تبي تنكب ورفعيها وعلى هالطريقة <علشان تطلع نكهتها وتصير قهوتج بوش < يعني لها طبقة رغوة لذيذة فوق

المهم عقب 3 مرات ترفعين وتردين خلاص خلصت قهوتج
وتصبينها فالفنايين التركية الحلوة ويا ماااااااااي< لازم ماي مادري ليش؟!

وهني وعافية


طريقتي بالقهوة العربية

قهوة المبرقعة لذيييييييييييذة مرة لابسة برقع بعلبة معدنية أو أي قهوة محوجة مو مالوت الجمعية الثانيين
وتطبخين نص القوري ماي وتحطين 2 فنيان ونص قهوة
وتضيفين 3 مسمار وهيل وزعفران وتحويجة القهوة(القصيم أو أي واحد شوي)

وتطبخ لما تقولج حرام طلعيني
وتقصرين عليها الجولة علشان تخدر يمكن 15 دقيقة
وبعدين بالمطارة حطين كوفي مست أو كرتيشن حسب الموجود يعني قفشة كبيرة
وزعفران وشوية هيل

وهني وعافية خص مع تمرة لينة وهردة ووووووووووااااااااااااااو

 

[معلمة انجليزي]

انا اشتريها من مطحنة الصباح اللي بالفحيحيل او مطحنة التوحيد اللي بجمعية الرقة جمب لوازم العائلة لأنهم نفس الشركة وصراحة كل اهل المنطقة العاشرة يعرفونها واختار الوسط ويطحنها جدامي
احط الماي ( تقربا لتر ) معاه فنجان قهوة وعود دارسين صغير وثلاث او خمس حبات مستكة وحبة او ثلاث حبات مسمار على نار هادية لحد ما يفوح تفريبا ربع ساعة وبعدين اصبه بالمطارة واكون حاطه فيها شويه زعفران وملعقة وسط كوفي ميت ونص فنجان هيل
وسلامتكم

 

[rubella]

خووووووووووووش موضوع :wqedqw:

انا مدمنة قهوة عربية وبيتنا معروف بتلقهوة الطيبة لدرجة يا بنات ان كل ما اروح حق احد او استقبال او بالدوام ماتعجبني قهوتهم ليش اني متعوده على قهوتنا اللي تعدل الراس ---- المهم مالكم بالطويلة
طريقتي طال عمركم (بالتفصيل الممل)
احط نص لتر ماي يغلي مع شوية زعفران لين يصير لونه اصفر شحلاته
بعدين اضيف فنيال قهوه عربيه (المطحنه الدوليه) و فوقهم ملعقة وسط هيل مطحون خشن
واقصر النار عليهم 10 دقايق تالي اعليها دقيقتين
اييي نسيت لا اقولكم اني احط ملعقه وسط كوفي ميت
واصبها بالدله اللي فيها شوية هيل
وخليها تركد
النتيجة: قهوة لذيذة :icon30: تعدل المزاج بس ترا يا بنات يا حلوات قهوتي عاقده بس طعم البن فيها معتدل الى خفيف
ماحب فيها مرورة او قويه حيل تسهر بالليل و موزين كثرة الكافيين تسبب رقعه بالقلب
وسلامتكم و تعيشووون :eshrab:

 

[Ameeraaaaaa]

ههههههههههههههههههه
انا ما اعرف اسوي قهوة عربية !!!!
اعرف بس اشربهاااااااااااااااااااااااااااااااااااااااااا


)))))))))))))))))))

 

[*غلااااااااااااااااااااي*]

رد : <<كل وحده تدش تحطلنا طريقها بالقهوة العربيه >>

امي الله يطول بعمرها تشتريها القهوه النيباريه من مطحنه بس مادري وين مكانها؟؟؟؟؟
تكون شقره واحنا نطحنها فالبيت
نغلي القهوه ونحط بالمطاره ملعقتين هيل وملعقه كوفي ميت ونتفه قرنفل مطحون وقفشه ونص صغيره خلطة القصيم تعطي نكهه حلوه للقهوه

وسلامتكم

 

[%F&R%]

انا قهوتي اسويها فس طريقتكم بس كنت اشتري خلطه من وحده بالاحمدي بس ضاع رقمها من عندي:eh_s(16):

والحين ميته ابي خلطه نفسها مو محصله :nbptr:

 

[maryooom]

رد : <<كل وحده تدش تحطلنا طريقها بالقهوة العربيه >>

والله ما اعرف اسوى قهوه..........رفله...هههههههههههههههه

 

[صدر العتيم]

رد : <<كل وحده تدش تحطلنا طريقها بالقهوة العربيه >>

انا احط ماي يغلي على النار واحط بالدلة شوي هيل وزعفران واكثر منة وبعدين احط القهوة بالدلة ومعها ملعقة هيل واخليها تغلي شوي وبعدين اخليها تركد عشر دقايق وبعدين اصبها بالدلة وبالعافية ,,,~~
ملاحضة كثري الزعفران

 

[لولو-الصغيره]

انا والله اخذ القهوه من محلات اللي بشويخ والله نسيت اسم المحل اللي يم محلات التمور
واخذها منهم اسمها قهوه محوجه بصراحه روووووعه
طبعااا اغلي الماي ولما يغلي احط القهوه تقريبا ملعقتين واخليها تغلي لمدة من 10 دقايق الي ربع ساعه
واحط بالمطاره هيل وزعفران وبعدين احط القهوه 000 وسلامتكم ​

 

[Mig.MiG]

انا الحين تعلمت الطريقه منكم بس كلكم كاتبين نغلي الماي بس محد كاتب شكثر ماي ؟؟
يعني حق كل كوبين ماي احط فنجان قهوة ؟؟ ولا اكثر ولا اقل ؟؟
ترى مابيها مرة حيل ... ابي شئ وسط

 

[Mig.MiG]

up
up
up up up

 

[kobja]

رد : مشاركة: <<كل وحده تدش تحطلنا طريقها بالقهوة العربيه >>

اما انا اشتري قهوة من الصباح نيباري وسط

 

[Mi!Ss 7LawA]

رد : <<كل وحده تدش تحطلنا طريقها بالقهوة العربيه >>

آب
آب
آب
:bye22:

 

[a7la toot]

رد : مشاركة: <<كل وحده تدش تحطلنا طريقها بالقهوة العربيه >>

بنات اليوم راح اعلمكم اشلون اتسوون فروبتشينو ستاربكس


[[ المقـــاديــر]]

ملعقة كبيرة ككاو نسكويك بودرة
1 ملعقو كبيرة نسكافية جولد
4 ملاعق سكر
2 ملعقة كبير دريم ويب مخفوقة أو كول ويب الجاهزة
2 ملعقو كبيرة حليب بودرة
1 ملعقو صغيرة فانيليا
كأس ونصف ثلج
قليل من الماء للخلط
دريم ويب للخفق


[[ الطريقة ]]

توضع جميع المقادير في الخلاط ثم توضع في الأكواب ويوضع فوقها الكريمة الجاهزة ورشة ككاو بودرة


واذا تبون اتشوفون صورتها كتبوا بالغووغل فروبتشينو ستاربكس

××××××××××××××××××××××××××××××××××××××