<<كل وحده تدش تحطلنا طريقها بالقهوة العربيه >>

[تسوااهن]

روز 77
حبيتي حنا المطران قهوتنا نخليها شقرا
انا الاحظ باقي القبايل تصير غامجة
عالعموم حنا نستخدم قهوة الحفر طعمها غير
اتوقع هذا سر قهوة المطران

 

[بنت عاقول]

ما في على قهوة أم إبراهيم وقهوة الزهرة << من حفر الباطن بس طبعا متوفرين بالكويت عند محلات التمور ..
كلمة روعة شوية أم إبراهييم 3500 العلبة الزهرة 2500 الجيس..
إختي تسوااهن مافي أحد الحين يسويها غامقة إلا الرجاجيل (الديوانية ) وهم مو الكل ، أما الحريم سواء شمال وإلا جنوب صارت قهوتهم كلها إضافات وبهارات القهوة ... وعليكم بألف صحة وعافية ..

 

[roses_77]

مشكووره حبيبتي تسوااهن
بقول لامي توصي عليها لان وايد ناس عندنا ماشاء الله يروحون السعوديه

 

[كوارين]

انا امي تاخذ قهوتها من مطحنة الفوز تاخذها مهيلة
وتغلي ماي وتحط عليه فنجالين ونص من القهوة مع مسمار عدل
وعق تحط باللدلة هيل وزوعفران وتصب القهوة
تصير اتينن

 

[عاشقه الجنه]

يابنات انااشتري من عند وحده بهارات قهوه جنان والله العظيم تروب القهوه وتعطيها طعم غريب حاولت اعرف السر بس ماقدرت

 

[mi corazon]

ثلث الكنكه ماي
عليها فنجانين قهوه مبهره من محلات التمور
ونص فنجان حليب او قفشة متروسه البودر المبيضة
وفنجان هيل بالكنكه وفنجان هيل بالمطارة قبل القهوه

وسلامتكم

 

[نولاااا]

الطريقه السعوديه في تحضير القهوة:
نشتري القهوة مو محموسه تكون خضراء بعدين نحمسها على نار هاديه ونحركها لحدماتشقر ويكون لون القهوة لون الاشقرمايل للبني الغامق بعدين نخليها شوي تبرد بعد الحمس نجهزالطاحونه حقت القهوة
ونطحن مقدار حق قهوة اليوم ونخلي باقي الكميه المحموسه في علبه يعني كل يوم اطحن مقدار قهوتي علشان ماتكون القهوه فاتره
ونفس الشي الهيل اطحن مقداراللي احطه في قهوتي علشان الهيل مايفتر
وتصير القهوةوالهيل طازجين حق اليوم
بعدين احط مويه مقدار لتر ونص واحط فوقه فنجان قهوة ونص قهوة واحط ستة ملاعق صغيرة هيل ثلاثه بالدله على النار وثلاثه بالترمس اوالدله واحط شويه زعفران وشويه صبغة زعفران وشويه مبيض للي يحب واخليها على النارلمدة خمس الى عشر دقائق ثم اقدمها مع التمر والحلى وبالعافيه انشاء الله تعجبكم

 

[ABEER FLOWER]

مشكووووووووورين بنات على وصفاتكم الرائعة

 

[‏إنگِسَارْ آلشَـوْق ..!]

قعهوة الزهره من التمور
وحطي بالدله ملعقة هيل وشوية زعفران وشوية عويدي وشوية كوفي ميت
وبالعافيه

 

[معلمة رياض اطفال]

روعه

 

[أم ريوف 1400]

حبيبتى الحمد الله مومدح بس انا واهلى مميزون بالقهوة
ياطويلت العمر انا اخذها من محل اسمه العجوة بالسعودية بن يهبل
والهيل الهندى شيء عجيب شوى منه يفوح ريحة الهيل
احط فنجان بن وماء نص البكرج حق القهوة وشوى حليب
اغليهم على البارد واحط فنجال هيل بالثلاجة وبعدين اصب القهوة واتركهاااااااا تركد شوي

 

[المشتطه 55]

بصراحه احلى شي القهوة تكون مخلوطه فاتحه وغامقه وعشان تنخلط صح وتصيرطعمهاحلو وبعدين تاخذين كميةزعفران وشويةبهارات قهوةتجي بعلبه زرقاءمكتوب عليهابهارات قهوةعربيه وعلبتهابلاستيك زي علبةصفارالزعفران وتتحكم الخلطه هذي بعلبه معدن ويكونلهاغطاءعشان تبقى ريحتهاقويه وانامعتمده على طريقه وحده وهي لمايفوح الماي احط هيل شويه وبعدين فنجال قهوه وازيدزعفران شويه على اللي مخلوط واوطئ النارعليهاعشردقايق واكون بهالوقت مجهزه الدله وحاطه فيهاهيل وزعفران منقعته من اول بماي وردواضيف لهاالقهوه بس بعدماتركدثانيتين واسكبهاوشوفي الطعم ومااحبهاابدبحليب لونقطه مايطعم كثيرالهيل فيهاواسمحولي عالاطاله

 

[غاليه]

انا بصراحه اخذ قهوه من وحده اتينن بس تاخذين المقدار اللي تبينه مع ماي شي شي كل شي فيها محموسه وهيل وزعفران بالدوانيه ربع ريلي مبسطين عندنا 24 ساعه عبالهم خلطتي انا

 

[حلا المدينه]

انا بقولكم علي قهوه تقعد الراس اول شئ اغلي الماء وحطي فنجان ونص قهوه وخليه يغلي وحطي ملعقه صغيره قرنفل بس لاتكثرونه وطفي النار وحطي هيل بالدله وزعفران وصبي القهوه عليها بس حطي الصفايه وخليه يغلي شوي وبعدها صبيها بدله التقديم وهني وعافيه وسوررري علي التطويل

 

[سلايل*عبس]

يعطيكم العافيه بنات ماقصرتوا
نولا جد ترا طريقتج اروع طريه بالقهوه انا ماشرب قهوه الا اجامل يعني مارد الفنجان- ومره كنت عند وحده وجاملتها وخذيت القهوه مع انه الريحه كانت روعه بس انا احب ريحتها ما حب الطعم المهم - شربت اول فنجال وعقب خلصت للمره دلتها خخخخخخ شي عجيب واكثر شي تميز فيه هالطريقه - لونها العجيب شقار على حمار زعفران شي شي شي يعطيج العافيه نولا - بنات جربوا طريقتها روعه - البن اذا انحمس وقعد فتره طويله مايعطيج طعم نفس اللي تبين ويغمج - الحلو تسوين طريقة نولا وبلا محمصة قهوه بلا عوار راس طقطقيها بالجدر افضل شي - بس فيها شوية تعب مو سريعه يعني

للي تمدح قهوة ام ابراهيم - والزهره ايهم افضل من الثانيه ولج طريقة استخدام لهم ؟؟


وووووووووووووو الى الامام سر @@

 

[فاجؤوني بالجروح]

انا اموت على قهوة ايبونها من البحرين في بس محلين بالكويت اييبها اتينن واحط عليها خلطة جاهزة مطحونة فيها هيل وزعفران ومسمار وشغلات بعد بس مو متذكره وتطلع القهوة عجيييييييييييبه

 

[شلبديه]

انا قهوتي من مطحنة الصباح محموسه وجاهزه بس يطحنونها قدامج يعني فررررررررررررررررررررررررش

 

[دانة الخير]

انا بقولكم شلون نسوي القهوه اولا نشتري القهوه ونحمصها في البيت وبعدين نطحنها وتطورنا شوي وصرنا نشتريها من مطحنة الصباح وبعدين بالصدفه طحنا على مطحنة العثملي في الفحيحيل وطلعت قهوتهم عجيييييبه وثانيا طريقة القهوه ياطويلات العمر( بحازيكم انا )نجيب الغوري ونحط تقريبا نصه ماي ونحط فوقها فنجان وربع تقريبا قهوه وشوي كوفي ميت طبعا الرياجيل عندنا مايحبون الكوفي ميت وعود دارسين وفي بعض الناس في الشتا او في رمضان يحطون شوي زنجبيل ومسمار عشان تقعد روسهم ونخليها تغلي لين كل البيت يشم ريحتها وبعدين نقصر عليها ونخليها تركد 3دقايق تقريبا ونروح للمطاره نحط فيها ملعقه ونص صغيرة هيل وشوي زعفران واشنه هذي عشبه يجيبونها من السعودية موجوده في الكويت بس مالها طعم مثل اللي في السعودية امي تجيبها من بيشه وفي منها نوعين نوع للقهوه ونوع حق البزار المهم نرجع حق محور حديثنا ونزل محتويات الغوري في المطاره ونزهب فناجيلنا والحلو ونحطها في الصاله انادي خواتي اللي فوق واللي في الحوش واللي ترضع ولدها واللي قاعده على اللابتوب والباقي ماادري وين يمكن طالعين ونتقهواها ونتجاذب اطراف الحكي وسلامتكم

 

[سعوديه ثقه]

ماشاء الله كل وحده طريقته احلى من الثانيه بس رااااح اقولكم عن طريقتي واللي الكل يثني عليهاا ويمدحهاا <<<مالللللللللللي دخل هم تعجبهم هههههههه يللاااااا نبداااء ~/~
طبعااا القهوه حلاتها شقرااء يعني مو لونهااا فاتح حيل والا غامق مايل للبني الداكن يعني وسط تجي لونه شقراااااااااء تهبل والافضل طبعاا هرري تجيبين غوري القهوه وتحطين نصه ماي وبعدها تجيبين زعفررران الاصلي طبعااا اللي ريحته تفتح النفس وتحطين من بين اصابعك كميه معقوله يعني وتخلين الماي لحد مايغلي وتشوفين لون الماي صار اصفررر جيبي فنجال مليان قهووه وحطي على الماي وطبعااا بيغلي ع طووول وحطي شوية حليب السايل كورنيش او بوني اي شي عندك والبعض يحط كوفي ميت عادي انا عن نفسي احط حليب بوني وخلي القهوه تغلي على نار هاديه عشان تاخذ طعم اكثر وبعدين جيبي الدله وحطي فيه ملعقه هيل <<< ملعقه الصغيره مليانه طبعااااا وربع ملعقه عويدي مسمااار وزعفرااان شوي بالدله طبعااا وبعدين لاغلت القهوه ربع ساعه كذاااا صبيهااا في الدله وجيبي عاد حلاااااااااااك وتقهوي واستمتعي بريحة الزعفرااان والقوه والهيلل <<<<<<<<بتروح تسوي قهوووه كلامهااا اغرااااااااااهاااااااااا هههههههه

وشوفو حبيباتي البعض يحط داارسين مع القهوه ع اساس الطعم بس عن نفسي احس حلات القهووه بالهيل والعويدي والزعفرااان



وعليكم بالعافيييه ...


اختكم / سعوديــــــــه ثقه

 

[Queen touch]

بنت الكويت تسلمين على هالموضوع انا صارلي فترة ادور مواضيع عن القهوه العربيه بس حست حست حست ومالقيك اللي ابيه تسلمييييييييييييييين على هالموضوع
يلااااااااااااااا يا احلى كويتيات كل وحده تيب دلتها بحظني وخلوووني اشوووف الطعم وقولكم النتايج <------ اشفيها كل هذا علشان قهوه
خخخخخخخخخخخخخخ