<<كل وحده تدش تحطلنا طريقها بالقهوة العربيه >>

[حصوص الكويتية]

انا طريقتى غير بالمرة عنكم

انا عاد على طول اسويها يوميااااااااااااااااااااااااا

اشربها ما يسمونى الا مدمنة القهوة واتفنن فيها

 

[ودي أتغير!!]

يعطيكم العافية

 

[daloO3a]

القهوه العربيه : هيل ومسمار وبن اشقر هذا اللي اذكره بس زوجي ينقيها نقوه واهوا يقول حط هالكثر وزياده وجذيه
بس مادري شنو بعد زياده
ويتعني لها لي الفحيحيل في محلات اهناك بن بس حدها قويه وتكفي القهوه اللي يشتريها شهرين لأن ياخذ كميه

اما القهوه الفرنسيه علي قولتهم اللي طلعت من سنة 98 تقريبا او انتشرت !
ياخذها جاهزه من محمصة بالفروانيه اكو مجمع اتوقع اسمه الحمرا مول او اللي يمه واكو فيه محلات خامات دشاديش المحمصه يمها ..
والقهوه التركيه اييبها من محل بحولي قريب من دوار الكرد..
وبس انا ماحب القهوه العربيه بس حبيتها من زوجي ومعاها حلو تمر من القصيم ولا رنقينه من البحرين مو مالت الشويطر لألأ
مالت واحد نسيت شمه ويااااا سلالالالالالالالام

 

[ساشا]

بنات الموضوع عن القهوة يني بس تبون الطرييقة عن القهوة العربية لان عندي فناتق حق القهوة الامريكية والتركية

بقولكم وحدة منها واذا طلع ماله شغل الموضوع مسحوا ردي وحطوه بمكان مناسب

المقادير 7 ملاعق كبار حليب نيدو
كوب ماي حار (وليس مغلي)

تحطينهم بالخلاط مدة دقيقتين

وبعدين تحطينهم على النار لين يغلي ويفور
صبيه في كوب اكبر من اللي خذيتي فيه المقاس
لان راح يكون فيه رغوة وايد

الحين اتيبيين قفشة نسكافيه ترشينها على الرغوة بشكل خط
واتيبين قفشة ككاو بودر (انا استخدم كادبوري) وتحطينه على شكل خط عكس الثاني
او طريقة التزيين ترجع لج ولكن هم ملعقة نسكفيه وملعقة مو متروسه ككاو

وقدميهم بجانب السكر لذييييييييذ

وانا احب الدارسين احط ذرة دارسين بودر وياهم وتعالوا ذوقوا

____________________________________________-

بالنسبة حق القهوة العربية حلاتها كل ما اطبخت على النار

ثلاث ارباع القوري تحطين وياهم مقدار فنجان الى فنجان ونص قهوة مخلوطة بهيل
وانا قهوتي اخذها من البدوى مو طبيعية بالدوام الكل يسالني عنها

الصبح احطها على النار اول ما اقعد ... وبعدين اروح اغسل وابدل اتمكيج اخلص كل هالسوالف
وبعدين اروح اصبها بالمطارة اكون حاطة بالمطارة قفشة هيل وشوي زعفران

وبس تطون طابخة على نار هادية (اشحلاتها تصير)

________________________________________

القهوة التركية لها اكثر من طريقة

انا احب المغلية .

مقاسج كل فنجان وياه ملعقة متوسطة قهوة تخلطينهم بالماي وتحطينها على النار الهادية واذا غلت تصبينها بالفنجان
والسكر حسب كل واحد

وان شاء الله قدرت افيدكم

 

[الجمال عنواني]

طن طن جيت بقول طريقتي والعايلة الكريمة الطريقة الاصلية اول شي نجيب القهوه نية خضره نوع يسمونها بريه اوهريرة احنا نحمسه لما تصير شقره ونطحنها لتر ونص ماء فنجان ونص قهوه وشوي كوفي ميت وزعفران وشيبة وخليها تفوح وقصري عليها 20 دقيقة وحطي2م ص هيل و1م ص بهار القصيم مال القهوه وطفي عن القهوه وصبيها على طول .وسلامتكم .>> طن >>

 

[^مرايم^]

أحلى قهوه على الإطلاق ..

المطحنة الدولية ..

جربوها ..

 

[بنت الدوغه]

تبون طريقه حلوة وسهلة تروحين مطحنة الفوز وتقوليله اخلطلي كيلو الاربع قهوة شقراء وربع كيلو سودة وهيل درجة اولي شوية ومع الزعفران مال الفوز لايعلى علية وتسوينها في الطريقة العادية ماء ساخن بعدين القهوة 3 فناجيل قهوة مع نص فنجال هيل داخل الدله +الزعفران والكفي ميد حسب الرغبة وبنات فيه قهوة جديدة عند تمور القصيم عجيبه اسمها قهوة طلال بن على مووووووت مو طبيعية

 

[اطياب طيبه.أم عبدالله]

بنات
سمعت عن شي اسمه خلطة العجمان تنظاف حق القهوه العربيه
ابي اعرف واللي يسلمكم من وين اتييبونها ؟؟

 

[Cup-Cake]

احنا القهوه ناخذها خضره ونحمسها بالفرن ليما تصير شقره
وبالدله تحطين لتر ماي مع فنجان كامل قهوه مطحونه
وشوي حليب قفشه صغيره
وبالمطاره احط قفشتين هيل وزعفران

وسر ضبط القهوه انج تقصرين عليها النار وتخلينها تطبخ لي ربع ساعه تكون احلا


وسلامتكم

 

[miss Dior24]

أنا أشتري قهوه جاهزه مخلوطه بكيس أزرق وعليه فنجان أحمر فضيعه بس أزيد عليها ملعقه هيل وتطلع روعه وعموما أشتريها من قطر والبحرين ومادري يمكن موجوده في الكويت

 

[mmfjjra]

بالنسبه لي انا كييييييييييفة قهوه وطريقتي اني انا احمسها بيدي واذا جيت بسوي قهوه اطحن على حسب المقدار الي ابيه وكمان الهيل اطحن على حسب المقدار لأنه لوطحنتها وتركتها فتره تروح النكهه مع التخزين المهم حبيباتي احط الماي على النار واحط معه فنجان قهوه مليان قهوه واتركها لمدة ربع ساعه على نار هائه وطبعاً وقتها اكون حضرت الدله وحطيت فيه قفشه هيل وشوي زعفران وكوفي ميت وبعدها اصب القهوه بالدله ومعليش على التفصيل ايه نسيت لاتنسين الحلى وسلامتكم

 

[! نونه المزيونه !]

موضوع شيق وبصراحه كل الاخوات فادونا مشكووووورين
ياأحلى كويتيات

 

[يارونه]

بنسبه لنا هنا في السعوديه نفور الماء يعني لترونص ماء مع ثنين فنجان قهوه وشوي نقطتين من الحليب اذا فيه سائل حق القواطي ونقصر عليها شوي ونتركه غلى نار وسط مدة عشرين دقيقه بعدين نحط في الزمزميه اللي هي المطاره عندكم هيل وزعفران وشوي عويدي مسمار شوي او خلطه حق القهوه جاهزه وبس مع تمر على كيفكم وبلعافيه

 

[غاده]

مرحبا الساعه يا بنات المنتدا
الله يسلمج قهوتنا نشتريها من الحويس يمنيه وامي الي اتحمسها....عموما قهوته حلو مو ضروري انتي تحمسينها اشتريها جاهزه
الطريقه
اذا مطار كبيره
4 قفاش اكل قهوه بالقوري القهوه
واتصبين عليهم ماي واتخلينها تطبخ علا نار هاديه لين اتشوفينها بدت تغلي المار بدا يرتفع.....اتصكين عليها واتخلينها 5 دقايق
اتيبيين الدله او المطاره اتحطين فيها هيل قفشتين وزعفران رشه واشويه حليب كوفي ميت
اتزيدين قوري القهوه اشويه ماي مغلي تالي اتصوبينه في المطار وبالهنا والشفا

 

[LUCK GIRL]

رد: مشاركة: <<كل وحده تدش تحطلنا طريقها بالقهوة العربيه >>

طيب سمعي شلون
احنا طبعا ناخذ القهوه خضرا يعني مو محموسه بالخيشه نوعها يسمونه هرري...طيب؟
وبعدين سلمك الله نحمسها طبعا مو كلها يعني قد ست كاسات تقريبا لما يصير لونها بني يميل للغامق شوي
وبعدين بمطحنة القهوة مولينكس نطحن ثلاث طحنات بس ونحطها بعلبه مسكره عدل
ونغلي ماي بالابريق تقريبا لتر ونقصر عليه ونحط له فنجال قهوه مليان من القهوه المطحونه
ونخليها تغلي 10 دقايق تقريبا على نار خفيفه
في هذي الاثناء نجهز الدله ونحط فيها ملعقتين ونص صغار"تي سبون" هيل مطحون وربع ملعقه صغيره زعفران مطحون وعودين مسمار وهنا تـكون القهوه غلت وطلع طعمها نشيلها عن النار ونتركها نص دقيقه بس علشان تركد شوي ونصبها في الدله على الاشياآت اللي فيها
ولازم عاد تعلميني اذا عجبتك والا لا ..
وسلامة عمرك.....واسفه جدا على التفصيل الممل...هههههه

نفس طريقتي بس مو دايم احط مسمااااااااااااااااااااااااار

 

[al7la Dana]

بالنسبة حقي انا ما اكلف على عمري شي
و القهوة اللي اشتريها حدها عجيبة
لان فيها كل شي ما تحتاج اي اضافات
الا اذا ان تبين زعفران او حليب كيفج
انا اشتري قهوتي من الجزيرة هذي شركة يديدة توها
مبطله بالسعودية عندهم قهوة نوع واحد محطوطة بعلبة سعرها تقريبا 4د ك
طريقتها تحطين الماي لما يبتدي يفوح و بعدين تحطين فنجال قهوة واحد و تخلينها تطبخ
لين تحسين انها ثقلو بعدين عليج بالعافية
ومشكوووورة
و اذا تبين اي استفسار احنا بالخدمة لووووول

 

[ااام ابراهيم]

القهوه العربيه

( انا استخدم القهوه الخولانية اليمنيه) روووووووووووعه

1- اغلي ماي في الغوري
2-بعد ما يغلي احط 6 ملاعق كبيره قهوه وأحط الغوري في اصغر عيون في الجوله و اقصر حده و اخليه يطبخ نص ساعه

*** في المطاره نفسها اللي بحط فيها القهوه
أحط المقادير التاليه :

نص ملعقه كبيره من بهارات القهوه ----> تلاقونها عند الحواج (في منها انواع)
ربع ملعقة كبيره كوفي ميت
قفشتين كبار هيل مطحون

و شعرتين زعفران (اختياري)


بعد ما تخلص النص ساعه نصب القهوه في المطاره فوق المقادير اللي ذكرتهم

و بالعافيه

 

[حصوص الكويتية]

قهوتى انا غير انا عااد تكيف قهوة لازم تكون قهوة على الكيف

 

[roses_77]

بنات امي تسلم عليكم وتسال
عن قهوه المطران راحت عن حريم واستحت تسال تقول يقولون قهوتهم محبكه ما ادري شنو يعني
وتقول دوووم قهوه المطران والدواسر تجنن
شلون تسونها ومن وين تشتترونها علوموني بلييييز خل اعلم امي

-----------------------
انا طريقتي اخذ قهوه شقره بدون هيل واحمسها بالبيت احمسها من قللللللب بدون ما تحترق
واحط 2 فنجال قهوه بن واصب عليه ماي حار واحط مسمار على عداله مو مطحون واخليه تطبخ نص ساعه
وبعدها احط هيل بالمطاره وحبتين مسمار واصب القهوه والكل يحب قهوتي ومرات احط زنجبيل اذا ابيها مزااج

 

[badraa_85]

وااااااااي اشكركم جميعاااا انا مدمنه قهوووه عربيه وكل يوم بسوي طريقه من طرقكم اللذييذه وبالعافيييه عالجميع