<<كل وحده تدش تحطلنا طريقها بالقهوة العربيه >>

[مطيريه ماركه]

<< كتبت طريقه القهوه

اختكم ماتعررف بالمطبخ شــي

يعطيكم العافيـه

 

[آلجفوول ~]

شكرا على الطريقه لان ماعرف اسوي مضبوطه اسوي تاليف فوق بعض

وشكرا على الموضوع الحلو

 

[اصداف]

مين تعرف تسوي خلطات حقت قهوة واقدر احفظها في الثلاجه

 

[دلوعه حبايبها]

طريقه القهوه عندنا بالامارات نفوح الماي في القوري وبعد مايفور نحط فنيال قهوه ونخليه يغلي شو ي وبعدين نطفي النار ونحط في الدله ملعقتين من الهيل وشوي من المسمار والكوفي ميت والزعفران ونصب القهوه عليه في الدله واذا تحبين تحطين شوي ماي ورد....

 

[الالماستين]

ياحياتي انا اخذ القهوه من مطحنة بالفروانية اسمها الشرق الاوسط بصراحه موطبيعية اخذها واطحنها من عنده واذا تبين قولي له ابي رقم 2 ولما اسويها اخليها تطبخ اشوي على النار طبعا واحط بالمطاره فنجال هيل واشويه حليب وزعفران واحط خلطه اخذها من وحده بس اشك فيها ( شيبه وبسمار وهيل وزعفران بس تكون بكميه ) واذا فيها شي ثاني الله العالم بس والله مو طبيعيه ... لاني مدمنه بالقهوه وغرامي

 

[ورده ودلوعه الكويت]

قهوه امي السنعه
خلطه القهوه(هيل محموس شوي مو وايد مائل الى الشقار_ نضيف مسمار حب _ شناه _زعفران _القهوه )
ينخلطون مع بعض مقدار واحد كيلووو
ونحط فنجان ونص بالقوري لمده نص ساعه حتى يغلي وتذهب الرغوه ويفضل بأن توضع الدله العربيه (ارسنال او السيف او العساف)
توضع في الدله ملعقه ونص هيل وقليل من الزعفران وكوفي مت وقليل من جدا من ماء الورد
ونضع القهوه في الدله وتسخن قليل في النار حتى تنزل المحتويات كلها الى قعر الدله
ونضع ليف النخل على خشم الدله
وبالعافيه

 

[مــنـيره]

نفس الطريقة المعتاده بس قهوتنا غيير .. قهوتنا سلمج الله نشتريها خاااصه من مطحنه بالسعوديه تحديدا حفر الباطن
من مطحنه زهران اسمها قهوه محوجه .. من جربناها مانرضى بأي قوه غير المحوجه
انروح السعوديه وانحمل منها بالسياره لووول

 

[مــنـيره]

نفس الطريقة المعتاده بس قهوتنا غيير :dddds:قهوتنا سلمج الله نشتريها خاااصه من مطحنه بالسعوديه تحديدا حفر الباطن
من مطحنه زهران اسمها قهوه محوجه .. من جربناها مانرضى بأي قوه غير المحوجه
انروح السعوديه وانحمل منها بالسياره لووول

 

[عرموشة]

ومنكم نستفيد

 

[<<المها>>]

هاي
انا عن نقسي طريقتي كالتالي:
اولا انا من السعودية ونوع القهوه اللي اشترية بن ((هرري)) او يمني
احط الماي بالدلة وكمية الماي على مقاس الترمس اللي بتحطين فية القهوه وزيدي الماي شوي عشان تحسبين حساب الغلي واخلية يغلي ثم احط مقدار فنجان قهوه بس موكبير العادي بن متروس مرررررره واخليها تغلي 10 دقايق وارفعي النار يعني كأنها بتطيش واذا ارتفعت لين راس الدلة قصري على النار سوي هذي الحركة 3 مرات لانها هي اللي تضبط طعم القهوه عشان ماتصير طعمها خفيف مثل الماي
وقبل لا اطفي النار بخمس دقايق احط الهيل بس لاتخلينها تغلي وايد عقب ماتحطين الهيل عشان ماتصير مره
تكونين انتي حاطة الزعفران بالترمس ثم تشخلين القهوه عليها ......وبالعافية:nbptr:
ملاحظة:..........
لا تصير حمسة البن ثقيلة يعني خليها شقراء عشان ماتصير غامجة ومرره انا عن نفسي احمس القهوه بالبيت بالمحمسة الكهربائية الخاصة بالقهوه وهذا سر القهوه المظبوطة

 

[اللــAــوتس]

والله الوالدة تجيبها من السعودية وبعد تبيعها حق الجيران والاهل وهذي القهوة خلطة الوالدة وكلشي فيها حتى الزعفران بس الي عليج تغلين الماي وتحطين فنجال واحد وتشوفين لون القهوة الي خليج تشربين المطارة كلها وعلى فكرة حتى الهيل فيها 000000000000 وبعد عندي لج نصيحة اذا شريتي اي قهوة لا تشترين كمية لان الوالدة تقول حلاة القهوة مطحونة بس اسبوع 00000


واي معلومات تامرون فيها ع الخاص

 

[اصبع مكسور]

سبحان الله القهوه من بيت لبيت تفرق
حتى لو من نفس المكا ن

 

[باريس الخبر]

انا احب القهوووووووووة
والبيت كله من عشاق القهوة00000البن اسمه (خولاني )مره روعه نحمص البن ونحط معه شيبه مادري وش تسمونه
بالكويت 000
ونحط مستكه لين يصير الون ذهبي0000وبعد كذا نطحن البن وعلي حسب الماي احط البن نص الدله فنجان بن واخليه تغلي ربع ساعه واحط بالترمس 0000زعفران وهيل وبعد عندنا بالسعوديه

بهارات القهوة القصيميه مره حلوة واذا طفينا عن البن نخليه شوي الين يركد وبعدين نصفي القهوه شكلي ابي اقوم اسويها

وسلامتكـــــــــــــــــــــــــــــــم يااحلي خوات

 

[السماحه]

بصراحه انا اسوي القهوه بطريقتي الخاصه { كل لتر ماى قفشه كبيره قهوه اخلطهم مع بعض واحط كاشيه (بلاطه): على الجوله(البوتغاز) فى البدايه اخليهم لحد مايغلي الماي وبعدين اهدي النار واترك القهوه على راحتها تقريباُ نص ساعه...
فى مطارة القهوه احط زعفران وشوية هيل واصب القهوه عليهم وراح تكون احلى قهوه وبالهناء والشفاء...

 

[ghzaaiel]

انا قهوتي اطلبها من الرياض الصراحه مافي مثلها وعلمت اهلي عليها وكل من يشربها ماتعجبه اي قهوه بعدها والحلو الي فيها جاهزه ماعليج غير انج تغلينها وبس وشغل حرمه كبيره بالبيت واللي تبي انا حاضر اطلبلها معاي تراسلني بس على الخاص وانا حاضر

 

[أم عبدالله Q8]

شهيتوني أسوي قهوة بس بقيت أسأل وين أقرب مطحنة صباح من عندي أنا بالجابرية وشنو الشنة وشنو الشيبة

 

[استايل الكويتية]

مشكووووووورة

 

[*ام يوسف *]

السلام عليكم شلونكم بنات حبيت اقولكم على قهوه اتينن روعه شوي عليها اسمها قهوه الزهره اتينن واي شحلاتها حبيت افيدكم جربوها بنات والله اتهبل وفديتكم

 

[NoOoN]

والله انا القهوه عمي يحمسها ويعطينا منها

عاد الطريقة ياطويلة العمر .. _03BA:

انزهب الماي المغلي .. وبالقوري النحاس هذا انحط ماي 3\4 تقريبا وثلاث فناجين قهوه وبس تفوح 10 دقايق كامله وبعدين نصكر الجوله ونخليها ترتاح 5 دقايق

عاد اتييج المطاره فيها هيل قفشه ونص كبيره مالت الاكل طبعا ونصب القهوه وبسسسسسسسسسسسسسسسسسس

شربي وادعيلي

:ggdw: :ggdw: :ggdw:

لا يوقف لا يوقف ....

 

[عبقرية]

طريقتنا في عمل القهوة
نغلي الماء في الأبريق
ثم تضع فيه 2 ملعة بن مطحون ومحمص
ونضع م زنجبيل مطحون
ونخليها تغلي
ونضع القرفة والهيل ونخلية يغلي كم دقيقة ونضعها في البراد لي تحتفظ بحرارتها