كل وحده تقول نوع سيارتها واي موديل

[keka89]

هاي بنات يلا كل وحده تقول شنو نوع سيارتها واي موديل وشنو عيوبها او مميزاتها الي شافتها فيها اوكي حبيباتي ومانبي صواريخ سوالف فراري وبنتلي ومايباخ

 

[مـرايـم]

انا عندي بورش كاين و بوغاتي
لوووول سوالف ربعنا 


الله يسلمج انا حاليا ماعندي مقزرتها على سيارة امي
شفروليه بليزر موديل 2008
عيوبها واايد تصرف بانزين وااايد
ونظام امريكي ما يتحمل الجو الحرارة ترتفع
واغراضها قطع الغيار نااار وشرار
ميزتها جيب رفيع احسن من الصالون
وين ماتبين تصعدينها

 

[keka89]

ههههههههههه يسلمو على مرورج حبيبتي ^^

 

[روحي تحبك...]

والله انا سيارتي مرسيدس موديل 98 لوووووووووول نفس حقت المصريين
بس والله مع انه موديلها قديم بس شكلها حلو ونظيفه واستعمال بنات مو خربانه حتى شكلها مو مبين قديم حيل

الحمدلله على كل حال اهم شي انها سيارة ومخلصه مشاويري

طبعا امنيتي انفنيتي الله كريم

 

[keka89]

الله يرزقج مرسيدس 2014 يارب لوووول ^^

 

[sakura-san]

عندي لامبرغيني :wqedqw:​

هههه اسولف حالياً عندي لكزس جي أس موديل 2009 عيبها الوحيد واللي مسبب ربح للمرور سرعتها :RoadRunner:يوم تسرعين ما تحسين فيها
طبعا انا من خذت السيارة اشتهرت بمخالفات الرادار :eh_s(2):​

 

[keka89]

وييي ديري بالج حبي

 

[مـوج]

عندنا بالسعوديه ممنوووع السوواقه يحشون ريولها اللي تسوق ..

بس بلندن عمتي تسوق لان أبوي يحطنا هناك كـ محرم ويرجع للسعوديه ..


انا صغيره ما اسوق وايد بس بالحي ، سيارة عمتي كشف ما اعرف اسمها والله


عيوبها مررره تصرف بنزين كل شوي موقفين نعبي ههههههه


مميزاتهاا اصليه ماشاء الله .. رغم ان شكلها مو مره يعني احلى شيء انها كشف


والله يبعد عنكم كل شر ويحميكم يااارب ^^ ويكتب لنا اننا نسووق ..

 

[keka89]

موج حبيبتي انشالله يفجون عنكم ويخلونكم تسوقون سيارات حالكم حال كل خلق الله

 

[الـكـايـدة]

كامري موديل 2008
حلوة هادية اقتصادية في الباترول
بس اللي ما احبه فيهااا
اذا بدووس ماتطييير حييل يعني مو سريعه
مو سالفة جم سلندر لاا بس اهي جذي نظامها
العيوب انهاا اي شي يصيدهااا بسرعه تتسحك
وو على ابسط شي تصير فيها خفسة
الدعامية خفيفة حييل

 

[shahad-2010]

بنات عنكم شفر ماليبوا روووعة استعمال وكشخة واقتصادية في منها 4 سلندر وفي 6 سلندر وغير الكفالة اللي عليها بس كأستعمال روعة @

 

[keka89]

صج عاد اختي تفكر تشتري يا شفر ماليبو يا التيما بس محتاره

 

[مـزنـه]

مامعي سياره بس رجلي عنده موستنغ شلبي 2013 ولاند كروز جي 2011 ومنظرهم حلو بس ماركبتهن معه ولا مره
ودايم يسوق سيارات البيت ولي دايم اركبها معه كابرس ذهبي مدري اي موديل بس احلى مافيها مكيفها البارد وبس

 

[ام يارا القمره]

سياره بانوراما ٢٠١١ لي أنا بس وش الفايده السواق يسوقها
يعني ممنوع سواقه عندنا بس مع رجال غريب اوكي تحسون في لخبطه بالموضوع
واخواتي سياره تاهو٢٠١٣ بس نفس الشي سواق معهم

يعني حراااااام مرأه تسوق بس مب حرام خلوها مع رجل من اي جنسيه وفوق كذا رواتبهم٢٥٠ دينار شهرياً

 

[keka89]

مامعي سياره بس رجلي عنده موستنغ شلبي 2013 ولاند كروز جي 2011 ومنظرهم حلو بس ماركبتهن معه ولا مره
ودايم يسوق سيارات البيت ولي دايم اركبها معه كابرس ذهبي مدري اي موديل بس احلى مافيها مكيفها البارد وبس

غريبه زوجج وماركبتي معاه بسيارته لووووووول

 

[keka89]

سياره بانوراما ٢٠١١ لي أنا بس وش الفايده السواق يسوقها
يعني ممنوع سواقه عندنا بس مع رجال غريب اوكي تحسون في لخبطه بالموضوع
واخواتي سياره تاهو٢٠١٣ بس نفس الشي سواق معهم

يعني حراااااام مرأه تسوق بس مب حرام خلوها مع رجل من اي جنسيه وفوق كذا رواتبهم٢٥٠ دينار شهرياً

أي والله صج حرام شهتخلف أصلا زوجات النبي عليه الصلاه والسلام كانو يسوقون
حتى 250 دينار وايد انتي أولى فيهم منهم

 

[قلب طفـــله]

أي والله صج حرام شهتخلف أصلا زوجات النبي عليه الصلاه والسلام كانو يسوقون
حتى 250 دينار وايد انتي أولى فيهم منهم

@@ يسوقون شنو

 

[keka89]

@@ يسوقون شنو

هههههههههههههههههههههههههههههههههههههههههههههههههههههههههههههه
مو سياره
يسوقون البعير يعني يركبونه

 

[Huda alotaibi]

مامعي سياره بس رجلي عنده موستنغ شلبي 2013 ولاند كروز جي 2011 ومنظرهم حلو بس ماركبتهن معه ولا مره
ودايم يسوق سيارات البيت ولي دايم اركبها معه كابرس ذهبي مدري اي موديل بس ا

حلى مافيها مكيفها البارد وبس ​

:eh_s(15):

 

[keka89]

اب اب

يلا بنات وينكم محد عنده سياره