كل يوم في بلد وانتي في مكانج(تقارير مصورة منقووولة)

[بخـــارى]

ليش

انا طالعة معاي

يمكن واسطه
تابعته بلاتوب ثاني مو طالع

 

[باربية الكوووويت]

موضوع رووعه وصلت 5

باحجر اكمل يسلموو ع الجهد

 

[دلوعة أبوي**]

بخاري عجبني واااسطة

وان شاء الله احوز على رضاكم

 

[دلوعة أبوي**]

وي ياحسرة اختفت الصور لووووول

 

[دلوعة أبوي**]

السلام عليكم ورحمة الله ..
كيفكم ؟! ان شاءالله بخير

اقرو هالقصه وشوفو وش راح يصير بالنهايه

ترن ترن ترن

هيونا : اوف هالجوال مايسكت ألو خير

ابراهيم : هلااااا والله وش بك تشخطين
هيونا: اها ابراهيم معليش ماعرفتك
ابراهيم: طيب اسمعي قالت لك سكاي
هيونا: وشو
ابراهيم: بنجي الشرقيه انا وسكاي ونوني
هيونا: صدق

وناسسسسسسه

متى
ابراهيم : بكره الصباح
هيونا : اوك ننتظركم بروح اقول لجنى
ابراهيم: يلا فمان الله
هيونا: مع السلامه ​

::​

هيا : جنـــــــى
جنى: هياااااا

يؤ شتبين !؟
هيا: جنى ابراهيم كلمني بيجوون بكره
جنى: قولي قسم

قديمه توها مكلمتني سكاي وتوني بقولتس
هيا: اسمعي وش رايتس ندج وياهم .. نقول لأمي نروح وياهم اسواق وكذا
جنى: ايه والله تكفين خل نقول لها .. بس تهقين توافق
هيا: ايه توافق مشينا لها ​

وابشركم وافقت امي
دقينا على عذبه وبدر وبتيت وقلنا لهم .. بدر راح يباشر علينا بفندق الموفنبيك
وياخذ معاه جنى وسكاي للخبر .. وانا وابراهيم ونوني وبتيت بنروح الدمام ​

.

 

[دلوعة أبوي**]

​

تقع على شريط الدمام الساحلي الى الشرق من مدينة الدمام ويحدها الخليج العربي من الشمال
ومن الجنوب الثقبه والظهران ومن الغرب ومن الشرق الخليج العربي ..

​

​

أصل تسمية مدينة الخبر من كلمة خبراء وتعني المياه المتبقية من الأمطار,
وفي الساحل تطلق كلمة الخبر كجمع لكلمة (خبرة) أي جماعة.
مساحتها 571 كم2، عدد السكان يقدر بـ 375 الف نسمة

​

​

والخبر بما تتميز به من تطور فريد جعلها وبتألق تتربع بلقب ( ثاني أجمل مدينة عربية )

وقد حصلت مدينة الخبر عام 2007 على جائزة الوعي البيئي العربية

​

تملك الخبر تاريخ رياضي عريق حيث تعد أول مدينة لعبت بها كرة القدم بالمنطقة الشرقية كما ان لها دور رياضي بارز في دعم الرياضة السعودية عبر ناديها القادسية
حيث يعد القادسية أكبر نادي بشرق البلاد من حيث عدد البطولات في كافة الالعاب.

​

البداية الحقيقة للخبر عام 1935 م عندما بدأت شركة البترول أناذاك ( أرامكو السعودية الآن ) التنقيب عن البترول في مدينة الظهران قرب الخبر وتصدير البترول المكتشف عبر فرضة في الخبر ثم تحول التصدير عبر ميناء رأس تنورة ولكن بقيت الخبر تنمو بسبب قرب المركز الرئيس لشركة أرامكو السعودية وتوسطها بين عدد من الجهات الكبرى. وتعتبر الخبر من أكثر المدن السعودية ترتيبا ونظاما.

​

 

[دلوعة أبوي**]

خواتى الغاليات
اليوم حبيت احط لكم تقرير عن رحلتى المتنقله في ربوع اوروبا
اخذنا الطيران الاماراتى
من الكويت الى دبي ثم الى ميونخ في المانيا

هني منظر الارض من فوق

اقرب اشوي


اخذنا اغراضنا وطلعنا من المطار بتجاه الفندق
حنا حاجزين في شيراتون ميونخ الفاشل !!!
انا كنت في ميونخ قبلها بجم سنه مع اخوي وسكنا الهيلتون
ما هو بعيد عن الداون تاون
بس ما يقارن بمستوي الشيراتون اللى كان صدمة عمري
صراحه اسم على الطل
الفندق كان متروس وكانت الغرفه اللى معطينا اياها اى شيء
بس اخذت لقطه من اللوبي ما قدرت اصور اكثر لانه مليان خلييجيين
وعجبتنى السيارات اللى تارسين فيها الفندق

كنا رايحين ميونخ علشان عندنا مراجعه حق طبيب الماني برفسور في الاورام
فتحنا ملف واخذنا منه موعد وطلعنا
العياده مرتبه وحيل نظيفه وكانت قريبه من السوق
الحين الدكتور عطانا موعد بعيد شنسوي الحين ؟؟؟
طلعنا اكلنا لنا لقمه في مطعم تركي كان قريب من العياده
وعقبها استكانه شاي مخدر يا سلام
اخذنا من الفندق عنوان الاماكن القديمه والمزارات القديمه
المهم رحنا الحديقه اللى فيها مزار ومتحف فيه كل الاشياء اللى كانت فيه من زمان حيل
كان الجو حلو وبالحديقه ناس وايد
منظر خارجي للقصر والمزار ولا تسئلونى شنو اسمه لانى مو حافظته

لقطة ثانيه

صورة البحيره اللى في الحديقه الرائعه


صور من داخل القصر وطبعا الدخول برسوم
ويعطونج مثل الجهاز علشان ما تضيعين في القصر
هذى قاعه كانوا يقعدون فيها


صوره قاعه ثانيه
صراحه ما شفت نقش بهذا الجمال ولا تناسق بمثل هذه الروعه


هذى غرفة نوم وحده من الاميرات


انا امشي وعيونى فوووووووووووق
شوفوا الرسم والفن


طلعنا من القصر تمشينا في الحديقه
وكان في جم مطعم حلوين بساطه والناس اللى فيه
حدهم متعاونين
وحنا نمشي شفنا مبني صغير قلت حق اختى الظاهر هذا حق خدمهم وحشمهم




عموما الموقع يستاهل الزياره جدا حلو
بس داخل القصر حررررر
ومشغلين مراوح عاموديه بكل مكان
ومع ذالك حر من كثر الناس اللى داخله
قروبات من شرق اسيا ومن امريكا
وقليل من العرب

 

[دلوعة أبوي**]

هذي صور ثانية من زيارتنا للقصر

طبعا وقتهم ما كان عندهم مكيفات

اذا حسوا بالحر الاميرات مالهم الا مهفات
وحاطينهم بالقصر وكل ممتلكات الاميرات
موجودين من مشوط وملابس وغيرها من الاكسسورات

وصوره ثانيه لاحدي القاعات

لقطه ثانيه من حديقه القصر

شفت ياهل يمشي بالحديقه وهو حافي صورته

وهنيء لقطة اخيره للحديقه

http://www.m5zn.com/uploads/2010/2/7/photo/pecp05qdodxd.jpg

 

[دلوعة أبوي**]

اليوم اللى بعده قررنا نروح ساسبورغ
وطلبنا سياره وفيها ابليجيتر
واخذنا الخرايط وضبطنا امورنا ومشينا
والهدف الى ساسبورغ فندق الشيراتون

الطريج كله روعه المناظر الطبيعيه اللى ترد الروح
الجو البارد والنسمه العليله

يعنى يروح عليج الوقت وانتى تطالعين
وتقولين ماشاء الله تبارك الرحمن
شنو هالخضار شنو هالطبيعه
شوفي الجبال تحوف المكان

ولانى من عشاق الطبيعه والجمال
هذى الصور من اجمل المناظر اللى التقطتها في حياتى


هذى اللقطات

اتمنى تعجبكم

وهني وصلنا ساسبورج المدينه الهادئه
المدينه المحفوره بالجبال
لاحظوا المبانى شلون داشه بالجبل سبحان الله شلون عايشين ؟؟

شوفوا النهر اللى فاصل بين المنطقه الجميله

ولقينا السفينه الراقصه
مشغلين الموسيقي
والسفينه تتمايل يمين ويسار
والناس يغنون وصوتهم واصلنا وحنا بالشارع يم الجسر

وحنا ناطرين الاشاره تفتح
اختى تقول شوفي هالريال شكله غريب وشان تصوره

وصلنا شيراتون ساسبورغ والفندق حده حلوه عجبنى الهدوء والنظافه
هذى صوره من الغرفه

هذى ضيافتهم عيال الحلال
واسم الفندق مكتوب على البطل

وفتحنا التلفزيون ندور قناه ام بي سي علشان نشوف
ههههههههههههههه
مهندات

وانا صار لي يومين مو شاربه قهوه قلت خلاص بسويها واطالع مهندات

 

[دلوعة أبوي**]

نكمل الموضوع
اليوم اللى بعده رحنا نتمشي بالسوق في ساسبورغ
محلات نظام قديم يعنى مثل البيوت القديمه
فيها محلات ماركات عالميه وفيها محلات عاديه
وبينها قهاوي ومطاعم واغلب الناس من السواح الاجانب
قليل من العرب

وانا اتمشي بالسوق اشوف الناس عارضه بسطات بوسط السوق
اللى حاطه له كشك او سياره عربانه وعارض بضايعه
عاد اختكم وحده تحب الطبخ

وقفت عند هالمره
وشريت
شنوووووووووووووووووووووووو ؟؟؟

ورحنا مطعم اسمه ميلانو فيه احلي بيتزا ذقتها
يمكن من الجوع ههههههههههه
موقع المطعم علي البحيره
المكان حده هادي

وعقب شلنا اغراضنا ورحنا وييييييييييييييييييييييييين

رحنا يا الغاليات زلمسي

والطريج روعه من هالمناظر الخلابه

والفنادق كثيره واشكال عجيبه

وصلنا الفندق اخيراااااااااا

صوره الغرفه

شوفوا طريقه ترتيبهم للمخدات ( مخداتهم ريش )

منظر خارجي من بلكونه الغرفه اللى تطل على البحيره الجميله

وهذا منظر اخر من البلوكنه
وصوره الفندق من الخلف

حابين تشوفون باقي
صور زلمسي ؟؟؟؟

 

[دلوعة أبوي**]

حبايبي اللى تابعوا معاى التقرير
يوم نزلنا في جراند هوتيل تعشينا ونمنا
ما قدرت امرح " انام " بتقولون ليش
هواء قوي والرعد والبرق والمطر الليل كله ما وقف
فتحنا البلكونه وقعدنا نشوف المطر على البحيره يا سبحان الله
تجمدنا سكرنا البلكونه وطلبنا كفرات " ديباجات " زياده من البرد
تلحفنا ونمنا

واليوم اللى بعده
قمت مبجر على ان نومتى موشيء
صليت الصبح وفتحت بلكونتى وقعدت اشم هالهواء اللى يرد الروح
لاحظوا ماي المطر ناقع بالارض

​

وعلى هالجو البديع شنو يبيله
تفضلوا





بدلنا ونزلنا نتريق تحت
الجو روعه فعلا


ماكان في احد في المطعم
السياح سافروا
اخترعوا من البرد الظاهر
هذا الكلام شهر 8 لاحظووو هالنقطه



لحد يقووووول هذى اشفيها تراسه صحنها
مو حقي بروحي حتى اختى كلت معاى
هههههههههههه

وريقنا العصافير معانا
شعليهم بعد

يوم شافوا الوضع امان طبوا كل القبيله على الريوق
ههههههه
​

​

 

[دلوعة أبوي**]

اليوم اللى بعده قلنا نروح
كابرون
منطقه قريبه من زلمسي
منطقه وايد حلوه وهاديه
وحنا طالعين بالسياره
كل ماشفت منظر حلو وقفنا وصورت
اترك لكم الصور وهي تتكلم افضل
تفضلوا حبيباتى

وشفنا التلفريك وقلنا بنصعد ونشوف الثلج
عاد فيني عاده خايسه
اكل ثلج بصوره مو طبيبعه

قلت بروح اكل ثلجات فوق الجبل

لاحضوا بنات اللون البني اللى بالصور
ترا هذى عزكم الله بقر
من فوق شنها نمل
هههههه

لا الاه الله الله
الارتفاع كبير
قاعده واقرا من القران
وادعي الله يستر علينا
خافت

ويوم نزلنا الجو
تغيررررررررررر
لاحظوووووووووووا

وفي كابرون مول صغير حلو
مكست ماركت
اسعاره مناسبه
زي سنتر بوينت تقريبا
​

 

[دلوعة أبوي**]

وهذى صور متفرقه
من جولتى في شوارع
زلمسي

 

[دلوعة أبوي**]

مخطط الرحلة​

نيويورك ------- 21/4 الى 22/4 ------- ليله واحده

سان فرانسيسكو -------- 22/4 الى 26/4 ------- 4 ليالي

لوس انجلوس ------- 26/4 الى 4/5 ------- 8 ليالي

اورانج كونتي(newport beach) ------- ا 4/5 الى 8/5 ------- 4 ليالي

سان دييغو ------- 8/5 الى 12/5 ------- 4 ليالي

لاس فيغاس ------- 12/5 الى 19/5 ------- 7 ليالي

سانتا مونيكا ------- 19/5 الى 20/5 ------- ليله واحده

سان فرانسيسكو ------- 20/5 الى 23/5 ------- 3 ليالي يتخللها يوم الى yosemite park







اليوم الاول

2010-4-21​

​

بسم الله نبدا ... اول شي سامحوني على اسلوبي لان اول مره اشارك في منتدى

طبعا الرحله تضم انا و المدام ومثل ماشفتوا مافي ماجال ننام لان السفره 5 الفجر

.. وصلنا المطار على الساعه 3 وركبنا الطياره الساعه 5 وطرنا الى قطر الشقيقه وهناك طيارتنا على الساعه 10 صباحا

طبعا يوم رحنى ندخل الطياره حطين مكان خاص وتفتيش خاص حق الي بروح امريكا

بعدها انطلقنا الى نيويورك وتقريبا مده الرحله 15 ساعه وصلنا مطار نيويورك الساعه 3 العصر ... نزلنا الى المطار كان خالي كانه احنا الطياره الوحيده هناك وعند الجوازات الحمدالله كنت اول واحد سألني الموظف ليش ياي نيويورك وكم يوم ابتقعد والحمدالله خلصنا بدون لا انروح غرفه التحقيق ...

طبعا كالعاده لازم في كل مطار اروحله ينصبون علي فديروا بالكم

يوم طلعنا اتى الينا شخص قال انا تاكسي وين بتروحون واخذ الشنط وراح ولا سيارته يوكن وقال اوصلكم 90 $ قلت اوكي لانه كنا وايد تعابا بعد هالرحله الطويله ويوم وصلنا الفندق طلع اله حاسبه ويحسب ويقولي تاكس ورسوم مادري شنو اخر شي طلع 140 $

دفعت طبعا بس المهم ارتاح


الفنق جديد Manhattan Hotels: Distrikt Midtown Hotel near New York City attractions offers vacation accommodations packages area nyc empire state building times square and theater district

هذي صور الفندق

طبعا تقيمي للفندق :

النظافه : 5/5
الموقع : 4.5/5
السعر : 4/5
الخدمه : 5/5​

صراحه الفندق جديد و ترحيبهم فيك وخدمتهم جدا ممتازه

 

[دلوعة أبوي**]

بعد ما وصلنا الفندق عطونا الكرت للدخول الى الغرفه و ايضا صارلي موقف صراحه مو وقته و احنا تعبانين

المهم ركبنا الاصانصير وطبعا الفندق لازم اتحط الكرت داخل الصانصير وتضغط على الدور اللي انت ساكن فيه فدشينه بالاصانصير اضغط على رقم الدور مايضغط حاولت عده مرات فصار الاصانصير اصعدني ونزلني على حسب اللي اناديه فشافنه واحد من اللي يشتغلون اهناك وركب ويانا وجرب وفعلان طلع الكرت مومفعل

عاد كان حده شكلنا اضحك واحنا نصعد وننزل مع الشنط بالاصانصير بس الحمدالله جزاه الله خير ساعدنا وبعدين اخذنه قسط من الراحه وصلينا بعدها قلنا انه لاوم انواصل وانام بلليل مره وحده عشان نصحا الصبح حق سانفرانسيسكو بقمه النشاط ..

وفعلان طلعنا نستطلع المنطقه وكان الجو ماطر وطبعا نيويورك ماكانت بالحسبه فماكنت اعرف عنها الى شيئين التايم سكوير و تمثال الحريه فطلعنا على الساعه 5:30 قلنا خل انروح مكان يكون قريب من تمثال الحريه

هذا شارع بجانب فندقنا وقالولنا انه يوصلنا الى التايم سكوير

ركبنا تاكسي وقلت ابي اقوله يوصلنا عند اقرب مكان الى تمثال الحريه .. وليش ما انسى تمثال الحريه بالانجليزي واروح وقوله فريدوم مان

الحمدالله فهمني جان يقولي status of liberty قلت اي وانا منحرج

وطبعا الجو كان جدا بارد ما حسبنا احسابنا انه يكون بارد .. ودانه حديقه اتوقع المكان الى تحجز فيه حق الباخره الى تواديك عند تمثال الحريه ويوم وصالنا اهناك ماكان فيه احد غيرنا وكان المحل مغلق قلنا انصور هناك بس من البرد والتعب مافينه شده نوقف

وهذي الصور لتمثال الحريه والحديقه الى رحنالها وطبعا ماصورت وايد للتعب

قعدنا هناك الى لحظه الغروب وهذي الشمس لحظه الغروب سبحان الله

وبعدها دورنا تاكسي وقلناله ودنا تايم سكوير وهذي صور عن التايم سكوير

وام اند ام

وطبعا من التعب حاشنه الجوع فقررنا انه ناكل في مطعم نعرفه مانابي انجرب ورحنه فرايديز وكان اكله وايد لذيذ غير عن الى عندنا وبعدها ردينا الفندق وزهبنا الشنط لرحله الجميله سان فرانسيسكو

عذروني لقله صور نيويورك للتعب وباقي الصور شخصيه .. بس انشالله اوعدكم في الاماكن الجايه بكون صور اكثر بكثير

​

 

[دلوعة أبوي**]

اليوم الثاني​

2010-4-22​

بسم الله نبدأ ...

قعدنا الساعه 7 الصبح وكانت سفرتنا على طيران دلتا .. سوينا جيك اوت من الفندق وخذينا تاكسي وصلنا الى المطار ب 40 $ مو مثل 140 $ يوم وصلنه

المهم ودعنا نيويورك بس ماعطيناها حقها صراحه وركبنا الطياره وكانت ضمن الحجز مال القطريه ومدفوعه كامله بس مشكلة دلتا انه يحاسبونكم على كل حقيبه وياكم ... قلنا دعاء السفر وطرنا على اسوأ طيران طرته بحياتي و كأنه في فلم رعب صراحه من المطبات الهوائيه الي حاشتنه

وصلنا بالسلامه الحمدالله المطار وكان صغير بس مرتب وخذينا تاكسي وصلونه الفندق وكان الجو مشمس ودافئ

الفندق Marriott union square صراحه الفندق جدا ممتاز بس اعذروني مولاقي صور لغرفه الفندق بس عندي الصور من الخارج


Union Square Hotel | San Francisco Marriott Hotel in Union Square

تقييمي للفندق ..

النظافه : 5/5
الموقع : 5/5
السعر : 5/5
الخدمه : 5/5​

صراحه الفندق ممتاز يبعد بلوك واحد عن يونيون سكوير و الموظفين حده معاملتهم ممتازه خاصه الكونسيرج الى ساعدتنه وايد صراحه ونظيف جدا وهادئ وانصح فيه

بعد ما ريحنا شوي وصلينا بعدها توكلنا على الله وطلعنا على الساعه 2:30 وقلنا نبى نجرب ال cable car وكان موجود قريب من الفندق وركبنا بعد ما خذينا خريطه من الكونسيرج واشرحت لنا عن ال cable car ويوم ركبنا قلنا انروح حق اللامبارد ستريت وكان يبعد عن الفندق 15 الى 20 دقيقه ...

هذا الطريق من ال كيبل كار الى اللمبارد ستريت

هذي صور عن اللامبارد ستريت من فوق

وهذي الصوره من تحت

وبعدها قررنا نروح الى coit tower وكان يبعد 4 بلوكات عن اللامبارد ستريت قلنه سهله وقريب ماتوقعنا انه بكون متعب وذلك لأن شوارع سان فرانسيسكو كأنها جبل طالع نازل و بعد ماخلصنا اول بلوك ماقدرنا نكمل من التعب

بعد ما ريحنا شوي قررنا نكمل لي البلوك الثاني وايضا تعبنا

بعد كل بلوك نريح شوي ليما وصلنا الى coit tower

وهذا الدرج الي يودي الى ال coit tower وفي حديقه ومنظر صراحه خيالي

وهذا ال coit tower

وهذي الصور من اعلى البرج للمدينه

وهذي لللامبارد ستريت من اعلى مع زوم

وهذي صوره لسجن الكاتراز

وهذي لgolden gate

 

[دلوعة أبوي**]

ورايي عن ال coit tower انه حده ممتع وممكن نشوف سان فرانسيسكو كلها

وهذي الصوره بعد مانزلنا وقررنا نرد الفندق وضيعنا الرده بعد مافر راسنا فوق

طبعا بعد ما طلعنا من coit tower ضيعنا الطريق و ادور الشوارع بالخريطه بس موعارف اشلون ارد صراحه فقررت اني ارد بالتاكسي

بعد ماخلصنا جدول اليوم كان الوقت مبكر اني ارد الفندق فقررنا ناخذ من جدول الغد وكان مخصص فيه الذهاب الى japanese tea gardens وصراحه المكان روعه ويوجد بجانبه حديقه جميله للتمشي .. ماراح اطول عليكم واحط الصور الى توصف المكان

وهذي صوره للممرات الى بالحديقه

وهذا جسر للمرور فوق البحيرات

وهذي بحيرات جميله فيه بط

وبعد ماخلصنا من هذي الحديقه الجميله قررنا نرجع الى اليونيون سكوير للعشاء وكانت تقريبان الساعه 7 ورحنا الى مطعم impact المفضل cheesecake factory وهو موجود في مجمع Macy ويقع على اطلاله جميله على اليونيون سكوير

صراحه ما أمداني اني اصور الاكل من الجوع

وبعدها رجعنا الى الفندق للراحه والاستعداد الى يوم ثاني ومغامرة جديده في سان فرانسيسكو

​

 

[دلوعة أبوي**]

اليوم الثالث
2010-4-23​

بسم الله نبدأ اليوم الثالث والثاني في مغامرات سان فراسيسكو

طبعا كالعاده الاستيقاظ في الصباح الباكر للاستفاده من كامل اليوم و انجاز اكبر عدد من الانشطه في المنطقه وكان اليوم مخصص لسجن الكتراز وتم حجز التذاكر من الكويت وكانت على الساعه 9 موعدنا على اول باخره تروح الجزيره وسعرها 26 $

طلعنا من الفندق واخذنا تاكسي الى البيير 33 الى فيه الباخره الي تروح الكتراز وكان الجو في قمه الروعه هوا خفيف مع بروده جميله

طبعا التاكسي من اليونيون سكوير الى البيير ياخذ تقريبا 10 الى 12 $ .. اخلي الصور تتكلم عن هذي الرحله الجميله

هذي الباخره الي وصلتنا الى الجزيره وهي دورين وفيها كافتريا وطبعا احنا قعدنا فوق مع نسمات الجو الحلو

ولحظه وصولنا الى الجزيره وطبعا يعطونه سماعات فيها قصه السجن خطوه بخطوه

مبنى السجن من الخارج

وهذي غرفه الملابس

وغرفه السجناء والصوره الثانيه فيها السجن الى تم هروب السجين منه وتلاقون حفره تحت المغسله وحفر الحفره بالملعقه

وهذا المطبخ والصوره الثانيه الملعب

قائمه باخطر السجناء

طبعا انطباعي عن السجن جوله تستحق الزياره ومن افضل الاماكن الي زرتها خاصه طريقه السجن والشرح من خلال المسجله الي وزعوها علينا وتسمعون فيها صوت السجناء والقصه كامله كأنكم عايشين وياهم صراحه شغل متعوب عليه

وهذي لحظه وداع السجن

 

[دلوعة أبوي**]

بعد ما خلصنا من السجن قررنا نروح البيير 39 وكان الجو قمه في الروعه فاخذنا نمشي الى ان وصلنا الى الاكويريم واخذ منا تقريبا 10 دقائق مشي وصراحه كثير من الاعضاء قالوا مايسوه انه انروحله وقلنا نكمل وبعده على طول البيير 39 وصراحه رايي فيه انه من افضل الاماكن اللي زرتهه في سان فرانسيسكو من ناحيه العروض الموجوده فيه والمطاعم والمحلات والمنظر الخلاب الي في اخر البيير على البحر والي يطل على سجن الكتراز ... نبدي بالصور

هذي اعلام البيير 39 اتنادينا

وهذي صور البيير من داخل

وبعد هل مشي الكثير من داخل السجن الى البيير حسينه بالجوع فقررنا ناكل وكان اختيارنا لهذا المطعم

و هذي الاكله الي اكلتها بس بصراحه ماعجبتني وايد

الموقع للمطعم حدا خطير و يطل على سجن الكتراز بس للاسف الصور الي صورتها داخله كلها شخصيه

بعد ماكلينه الحمدالله جلسنا شوي نتفقع البيير ومحلاته و بعد ما خلصنا قررنا نواصل المشي الى ان لقينا هذا المطعم المشهور بصنع الرغيف وباشكال عجيبه

وبعد اشوي لقينا هذي اللافته الي تبين لنا انه وصلنا الى الفشرمان وورف وكان الطريق الي الفشرمان وايد عروض حلوه ووقفنا عند مجموعه يسوون حركات حلوه

وهذا الي مشهورين فيه

بعض المواصلات في هذا الشارع

وهذا مطعم شهير وحلو

صراحه ماعجبني وايد الفشرمن كان وايد شعبي بس بدايته حلوه صوب العروض
بعدها خلصنا من هالاماكن وجدول اليوم وكان عندنا وقت زايد فقررنا ناخذ من جدول باجر وكان نخصص حق golden gate فاخذنا تاكسي الى هناك

وهذا الي صنع الجسر

وهذا اتوقع المسمار الى استخدموه في صناعه الجسر ما اذكر صراحه

والى خلفه هذا محل لبيع التذكار

بعدها صارت الساعه تقريبا 4 قررنا انه نرجع الفندق ونروح cheesecake factory للتحليه بعدها الى الفندق للراحه استعدادا ليوم جديد ومغلمرات جديده

 

[دلوعة أبوي**]

اليوم الرابع
2010/4/24 يوم السبت


بسم الله نبدأ .. بس قبل لا ابدي اليوم هذا عندي نصيحه بخصوص سجن الكتراز افضل شي تروحون اول دفعه تروح الساعه 9 لان تكون الجزيره فاضيه وتاخذون راحتكم اول اول رحله بالليل

طبعا اليوم كان يوم راحه لان الطلعات المقرره في الجدول اليوم كانوا ال golden gate and japanese tea gardens وسبق انه رحنالهم في الايام السابقه .. فخصصنا اليوم للتسوق في اليونيون سكوير والراحه بعد ماكان اليومين السابقين حافلين بالرحلات .. من اشهر المحلات في اليونيون سكوير وهو macy`s ويتكون من 6 طوابق والطابق السابع مطعم cheesecake factory وهذا الرابط يبين الاسواق والمحلات العالميه الموجوده في اليونيون سكوير ويوجد ساحه تقام فيها العروض خاصه في نهايه الاسبوع
Union Square : : Shopping, Dining & Travel Guide : : San Francisco

وبعدها كالعاده كلينا في cheesecake factory وقعدنا بالبلكون المطل على اليونيون سكوير طبعا انا قررت اني اجرب كل انواع الشيزكيك الى عندهم

وهذي الصوره

وطبعا طول اليوم قاعد احاتي الغد لان راح استلم السياره وانا اول مره اسوق خارج الكويت و شايل هم السواقه

اليوم الخامس
2010-4-25 الاحد

بسم الله نبدأ .. اليوم يوم الامتحان وقعدنا الصبح علشان نروح نستلم السياره من شركة افيس وتم الحجز والدفع من الكويت اخذنا القارمن معانا وايضا كنت شاريه وحاط عليه كل العناوين .. المهم ماكان بعيد افيس علينا 10 دقائق مشي وشرينه من الجمعيه كاكاو وبطاط حق الطريق

ويوم وصلنا افيس رحبوا فينا وكنا حاجزين سياره شفر امبالا ولكن يوم وصلت قالوا ماكو امبالا راح نعطيكم ميتسوبيشي جالانت .. صراحه تضايقت شوي لان انا شايل هم الجناط لان السياره تقريبا بتكون وياي اغلب السفره بس الحمدالله خيره وبعدين اقولكم ليش

اخذنا السياره وكشخنا فيها وركبنا القارمن معانا ولكن .... حدث مالم يكن بالحسبان

شغلنا القارمن ولا يقول ماكو ارسال وقعد يسوي بحث مده طويله وكله ماكو ارسال وكل هذا وانا صافط عند افيس ماتحركت .. نزلت وقلت لهم السالفه وقالولي عادي لان المباني تغطي على الارسال .. اهني اشوي ارتحت .. عاد بروحي انا قاعد احاتي السواقه والحين تطلعلي مشكله القارمن .. المهم قلنا نمشي شوي نساحل القارمن انه يرضى ويطلع الارسال و بعد 15 دقيقه طلع الحمدالله وكان اليوم مشوارنا خارج سان فرانسيسكو وتوجهما الى اوتلت للتسوق ..

نصيحه بالنسبه للاوتليت سجلوا في موقع الاوتلت للخصومان صراحه وايد استفدت منها ولهم افرع كثيره

Premium Outlets: Everyday Discounts on Designer Brands

وهذي السياره الي شهدت المغامرات

وهذا المخرج من سان فرانسيسكو وبعض صور الطريق

وهذي صور للاوتليت

واول ما وصلنا الاوتليت بعد ساعه من المناظر الجميله رحنا الى information لاخذ كوبون الخصومات الى طبعناه من الموقع ... وطبعا انطباعنا عن الاوتليت ممتاز واسعاره جدا رخيصه وكبير جدا وفيه مطاعم وكافيهات

وبعد ماخلصنا تقريبا على الساعه 3:30 وتغدينا ريحنا شوي بعدين رحنا الى المقلب مصنع jelly belly وكان يبعد تقريبا 15 الى 20 دقيقه عن الاوتليت وهذي صور عنه

طبعا حده مايسوه لان كل عرضهم من خلال شاشات العرض لافلام قديمه وليس live .. ممكن لاني رحت يوم الاحد .. اخذت منه الجوله 30 دقيقه بس اذا كنتوا رايحين الاوتليت مايمنع انكم تمرون عليه بس تتعنوله مايسوه

وهذي صور من طريق العوده الى سان فرانسيسكو