كل يوم في بلد وانتي في مكانج(تقارير مصورة منقووولة)

[دلوعة أبوي**]

وبعد هاليوم الطويل رجعنا الفندق للصلاة وبعدها رحنا cheesecake factory للتحليه

لأني عند وعدي ابي اجرب كل الانواع

وبهذا ينتهي هذا الجزء الخاص بسان فرانسيسكو و انطباعي عنها مدينه جميله وجوها جميل خاصه طبيعة الشوراع الي فيها بس طبعا انصح اي واحد يروح سان فرانسيسكو لايفكر انه يسوق سياره داخلها لصعوبه الطرق اغلبها one way ..

تايعوني في الجزء القادم والهوشه الى صارت بيني وبين القارمن في الطريق الى لوس انجلوس

اليوم السادس​

2010-4-26 الاثنين​

لوس انجلوس الحلقه الاولى​

بسم الله نبدأ طبعا اليوم بتكون طلعتنا من سان فرانسيسكو الجميله ولحظه وداع ولكن لا اقول وداعا بل الى احلى لقاء

..

اليوم كانت قعدتنا الفجر صلينا الفجر وماردينا نمنا قعدنا نتزهب لرحله طويله وكان يفتح كراج الفندق الساعه 7 الصبح فنزلنا الى اللوبي الساعه 6:30 وسويت شيك اوت وقعدت اسولف ويا الموظف عن الطريق وتحمس وياي وبدا يشرحلي وعطاني خريطه لكالفورنيا صراحه استفدت منها خاصه بعد الخلاف الي بيصير بيني وبين القارمن مثل ماقلت في وقت سابق

رحنا الجمعيه الي جدامنا على ماييبون السياره وشرينا اكل للطريق وبدأت المغامره الجميله ( معلومه انا ولا مره سقت سياره اكثر من 3 ساعات لاني ادوخ من الطريق

) ركبنا السياره واستعدينا للرحله وقلنا وحطينا عنوان الفندق الي في لوس انجلوس وقالنا القارمن انه الطريق بكون تقريبا 6:30 الى 7 ساعات وكان هذا الطريق المختصر الي اهوه هاي وي 5 وانا ابي اروح على هاي وي 1 لان سمعت انه المناظر الى هناك جميله .. بعد ما شفت الخريطه الى عطاني اياها الموظف قعدت اشوف شلون اروحله وبين اني لازم اتبع هاي وي 101 ثم منه الى هاي وي 1 و كان هاي وي 5 اقصى اليسار و هاي وي 1 اقصى اليمين وكان طريق 101 بينهم .. المهم واحنا بالطريق والقارمن مصمم يوادينا على هاي وي 5 ومافي طريقه اغير رايه ومولاقي ولا لافته تساعدني اني اروح الى هاي وي 101 وتعبنا نحاول في القارمن ونقوله ياولد الحلال نبي انشوف البحر والمناظر ولكن مصمم انه اودينا الهاي وي 5 وقلت ماكوا الى حل واحد واني احاول اي لفه او مخرج على اليمين اني اروحله واحاول قد ما اقدر اروح يمين بس هم مصمم القارمن يردني عصبت عليه وسكرت القارمن وقلت اشوف من نفسي و زوجتي ماسكه الخريطه وانشوف افضل مخرج وكان طريق 80 ممكن يطلعنا الى 101 ولكن بعد ساعه من اللف والدوران وصلنا الى .....

ولا احنا رادين سان فرانسيسكو

اهني زوجتي فكرت خوش فكره صراحه ممكن نخدع فيها القارمن .. الطريقه انه نقول حق القارمن ودنا سان خوسيه وهذي موجوده على 101 وبعدها قلناله يودينا الى سانتا كروز وهذي يم البحر وبعدها نتبع لافتات هاي وي 1 الى انه وصلنا البحر وهني عاد حطينا اسم الفندق الي في لوس انجلوس ومشينا في الشارع الى ولا اروع لاكن شوي في صعوبه لكثره التعرجات الي فيه والمرتفعات .. اليكم الصور هل يسوه التعب واللفه هذي ولا لأ

وهذي صوره للطريق والتعرجات الي فيه

وهذا المنظر خيالي صراحه

وبعدها شفنا منظر غريب بس عجيب ... فقمات قاعدين يسوون تان

 

[دلوعة أبوي**]

وهذي قاعده تسبح

وهذي مجموعه من البقر في منظر جميل

وبعد هل المناظر الجميله صراحه ماحسيت بالوقت الي تقريبا اخذ مني 10 ساعات مع الوقفات للتصوير هذي لحظه دخولنا لوس انجلوس وكان الجو غائم وبارد

وبعدها الحمدالله وصلنا الفندق وكان في وست وود وموقعه جدا ممتاز واليكم بعض صور الفندق

Los Angeles Luxury Boutique Hotel Near UCLA: Hotel Palomar Los Angeles - Westwood

تقييمي للفندق​

الموقع 5/5​

النظافه 5/5​

الخدمه 5/5​

سعر الفندق مقارنتا بلي حواليه 5/4​

الفندق في منطقه هاديه وراقيه وامامه west wood village الى فيها مطاعم كثيره وسينمات ... بعد ما وصلنا بالسلامه وصلنا تقريبا على الساعه 5:45 خدمه الفندق وايد مريحه حسوا انه تعابه فسرعوا اجراءات الدخول ... صلينا وريحنا شوي بعدها رحنا كلينا في مطعمي المفضل in and out الي صج عجيب وبهذي الوجبه خلص اليوم وردينا الفندق للراحه ليوم وجدول غد ..

طبعا يوم غد يوم استثنائي لسبب الى اهوه انه بيتحقق لي حلم من احلامي .. حلم ماتوقعت اني احققه ولا حلمت اني احققه ويوم الغد تحقق ... ان شاءالله راح اقولكم عنه في اليوم السابع

نراكم ان شاءالله في يوم جديد ومغامره جديده

 

[دلوعة أبوي**]

اليوم السابع
2010-4-27 الثلاثاء
لوس انجلوس الحلقه الثانيه​

بسم الله نبدأ .. اليوم كان اول يوم لنا نستكشف لوس انجلوس وكان مقرر في الجدول الذهاب الى سانتا مونيكا وكان الجو غائم وبارد .. نزلنا اللوبي وطلبنا سيارتنا وحطينه القارمن بعد ماتصالحت وياه بعد الخلاف الي حصل امس بيني وبينه وقلناله ودنه Santa Monica third street promenade وكان يبعد 15 دقيقه عن فندقنا .. ويوم وصلنا لقينا مبنى مواقف وقفنا فيه ونزلنا وكان الموقف اول 3 ساعات مجانا ... الشارع البرومينيد عباره عن شارع لا تدخله السيارات وفيه محلات ومطاعم وعروض في المنتصف وكان قمه في الروعه من افضل الاماكن الي زرناها في لوس انجلوس وماعندنا مانع نكرر الزياره عده مرات الى هذا المكان وكانت الاجواء جميله وهاديه والعروض جميله وممتعه ممكن تقعد في كافيه وتشاهد العروض واليكم الصور

وهذي صوره ل pink perry وشوفوه اشلون فاضي وتعالوا الكويت شوفوا الطابور عليه

وبعدها كملنا تمشي الى ان وصلنا الى البحر وكان قريب منه سانتا مونيكا بيير .. طبعا اصغر من بيير 39 الي في سان فرانسيسكو بس هم حلو خاصه الجو روعه وهم يوجد عروض وفي واحد يرسمكم بشكل كارتوني يضحك رسمنا انا وزوجتي واليكم صور البيير

هذا البيير من بعيد

وهني مدخل البيير وبعض الصور له من داخل

 

[دلوعة أبوي**]

وهذي صور الشاطىء وشوفوا هذا قاعد يبني قصر

وبعدها طلعنا من البيير وتمشينا شوي على الشاطيء

بعدها رجعنا الى ال third street promenade وتغدينا في johnny rocket ورحنا الى ال pink perry حلينا وردينا الفندق نصلي وانريح شوي بعدين نروح للحلم الي تحقق

 

[دلوعة أبوي**]

الحلم هو ماطول عليكم ... تحت بالصوره

طبعا الحلم اهو اني احضر مبارات NBA من وانا صغير كان حلمي اني اشوف مبارات NBA وماكان في يوم اني اتخيل انه هذا اليوم بصير والحمدالله تحقق هل حلم .. لو تذكرون في اول التقرير مدحت الكونسيرج مال ماريوت الي في سان فرانسيسكو صراحه الحق ينقال انها ماقصرت ويانا واستحملتنا وايد ودقت عليهم وقالوا لها انهم مايقبلون ماستركارد من دول اجنبيه الى من امريكا وحاولت وياهم بعدين وافقوا وكان خوش موقع واستلام التذاكر من الملعب نفسه من شباك التذاكر .. اطلعت علي التذكره الوحده 310 $ .. طبعا من كثر ما اسمع انه downtown خطره خفت نروح بالسياره فقلنا نروح بتاكسي وكان الطريق تقريبا 30 دقيقه واخذ التاكسي 40 $ ويوم وصلنا كانت الاجواء حدها عجيبه الكل لابس لبس الليكرز قلت انا ابي البس بعد رحت محل اشتري لبس الليكرز وانا عادتا البس M ويوم لبست ال M كأني لابس بنجابي من كثر ماهي طويله ماحصلت اصغر فماشريتها ... الوضع هناك حده امان الشرطه في كل مكان واليكم الصور من الخارج ..

وهذا اشهر لاعب عندهم والبطولات اللي حققها

وهذا مجمع امام الملعب

وهذي صور للمكان قبل الدخول والكل متحمس ولابس لبس الليكرز

وهذي صور التذاكر

بعدها دشينا والكل متحمس والكل يشجع بس صار موقف ضايقني وهو لما دشينا مارضوا يدخلون كاميرة الفيديو والحمدالله اني يايب الكاميره العاديه الثانيه .. الحمدالله داخل حصلت ملابس الليكرز ولبستها وكشخت فيها لقيت حجم صغير وهم اكبر مني .. وهذي الصوره وانا لابس الليكرز

اليكم الصور من داخل الملعب

وهذي صوره عن موقعنا ولحظه تسخين اللاعبين

وهذا واحد مشهور بس نسيت اسمه

وهذي اول مابدت المبارات الوان وحركات

طبعا انا حدي استانست لان الكرسي الي جدامي فاضي شوفوا التصوير لما كان فاضي الكرسي

 

[دلوعة أبوي**]

بعدها وصل صاحب الكرسي وكان صيني طوله مترين شوفوا الصور بعد ماوصل

اهني استغليت الفرصه لانه مادري وين راح ..

ركزوا شوي بتشوفون سلفستر ستالون وايدي ميرفي

الاجواء داخل الملعب من اروع مايمكن انا وزوجتي وايد استانسنا واقولكم شنو الفعاليات الموجوده .. في حاله الدفاع كل الجمهور يقوم defense defense وفي حاله الهجوم go go lakers go go lakers وبين الاشواط يوجد شاشه فوق راح احط صورتها كانوا كل مره يسوون فيها حركه .. مره يحطون على اي واحد يكون سرحان ولما يحس يدورون غيره وهكذا ومره يشوفون منو يسو حركه حلوه او يرقص او يشجع بطريقه غريبه واخر شوط حطوا بالشاشه صوره اي واحد قاعد يم زوجته في اطار قلب حب بتشوفونه بالصوره تحت واهني لازم يبوس زوجته عاد شوفوا المواقف وغالبا يختارون كبار بالسن ومره اختاروا ممثل نسيت اسمه مثل في meet the parents ابو الولد ... السله اربع اشواط لما خلصوا شوطين حطوا ناس يستعرضون بالسله الى ينقزون ويسوون حركات بالسله .. صراحه كان يوم ترفيهي على اعلى مستوى

وبعدها انتهت المبارات وفازا الليكرز ووزعوا علينا كوبون وجبه من jack in the box وهذي النتيجه

وبعدها خرجنا واجواء الفرحه تعم المكان والكل يباركلك جو خيالي صراحه وهذي الاجواء بالخارج

وبعدها اخذنا تاكسي وردينه الفندق ويوم ردينا الفندق انا لابس فانيله الليكرز واشوف الكل يقولي good game بعدين استوعبت اني لابس لبس الليكرز جذي يباركون لي

بعدها صلينا ونمنا وتحقق الحلم حتى زوجتي وايد استانست من المبارات .. وبعد هالنهايه الجميله استودعكم الى يوم اخر ومغامره جديده في رحاب لوس انجلوس

​

 

[دلوعة أبوي**]

اليوم الثامن
2010-4-28 الاربعاء
لوس انجلوس الحلقه الثالثه​

بسم الله نبدا .. صحينا الصبح الساعه 9:30 تقريبا متأخر عن الايام الي طافت وشفنا جدول اليوم وكان مخصص لworner bros WB ماحجزنا من قبل قلنا نروح ونشوف اذا في حجز ولا لا لأنه كان يوم عادي مو نهايه اسبوع .. نزلنا اللوبي على الساعه 10:30 وجهزوا سيارتنا وركبنا القارمن وتوكلنا على الله ورحنا الى ال WB وكان يبعد عن فندقنا 30 دقيقه تقريبا وهذا الموقع مالهم

www2.warnerbros.com/vipstudiotour

وهذا الموقف

صفطنا السياره بالموقف وكان سعر الموقف 15 $ وقالنا ممكن نحصل حجز لأنه موزحمه اليوم وهذي صوره المدخل وشباك التذاكر ومن داخل يبيعون تذكار من فنايل واكواب على اشكال مسلسلاتهم وفي ستاربكس داخل تريقنا فيه

وهذي صورة التذاكر

وبعدها حجزنا وكان كل 30 دقيقه في tour يدخل وكان موعدنا 11:45 قبل موعدنا ب 15 دقيقه يدخلونا صاله سينما ويحطون لنا فيديو تاريخ الWB وبعدها ايي ال guide الي بقودنا في هذي الرحله وهذي السياره وال guide مسكين شكله اول tour احنا وياه

تقريبا احنا 9 واول شي ودونا معرض وكان ممنوع التصوير وهالمعرض فيه الازياء والمجسمات الى استخدموهم في افلامهم
بعدها ركبنا السياره مالتهم ورحنا الى مواقع تصوير الافلام وبتشوفون وين يصورون افلامهم واول شي راح نمر بين مباني كبيره وهذي المباني يصورون داخلها المسلسلات بس للأسف مايصير تصوير داخل وهذي المباني دخلونا واحد منهم وكان فيه تصوير مسلسل نسيت اسمه وشرحلنا اشلون التصوير والجمهور وكل شي بس حسافه انه ماكو تصوير

هذي محطه بنزين يستخدمونها بالافلام

وهذي مدينه كامله للتصوير خق افلامهم

وهذي صوره يبين فيها مكان حق قطار والصوره الثانيه مكان حق underground بس وهمي يعني ماكو شي تحت

وهذي سينما يعرضون فيها الفلم قبل لا يعرض للسينمات الخارجيه

 

[دلوعة أبوي**]

وهذي صوره بيت وسط بحر وممكن يترسون المكان ماي ويصير كأنه وسط بحر

وهذا كراج فيه سيارات استخدموها بالافلام

وبعدها شوفوا الطوفه الخضره هذي حده عجيبه .. قالنا نوقف انا وزوجتي ونسوي روحنا خايفين ونحاول نركض وبعدها يصورنا ولما نشوف الصوره ولا ورانا وحش واحنا في غابه ... بس المشكله قاعدين نضحك بالصوره فواحد يقول اول مره اشوف ناس تنحاش من وحش وتضحك

وهذا المخزن اللي يحطون فيه الاثاث اللي يستخدمونه في الافلام والمسلسلات

وبعدها رحنا مكان تصوير مسلسل friends

وهذا مكان عرض ellen

وبعدها خلصت الجوله تقريبا 2:30 مدتها وهذي اخر صوره للمكان

 

[دلوعة أبوي**]

تابع​

بسم الله نكمل ... بعد هالجوله الممتعه قلنا نروح الى هوليوود ونتمشى هناك وكانت المسافه تقريبا 10 دقائق واول ماوصلنا دورنا موقف ولقينا مبنى مواقف وصفطنا فيه ونزلنا نتمشى وهذي صور للشارع ويوجد فيه شخصيات تصور وياهم ب 5 $ اتركم مع الصور

وبعدها قررنا اندش Madame Tussuad وراي الشخصي انه وايد احلى من الي موجود في لندن ويتكون من 3 طوابق وكان فاضي يوم رحنا ماكو الى انا وزوجتي للاسف الصور كلها شخصيه بس في بعض الصور من الخارج وبعض الصور للشارع من داخل المحل فوق

 

[دلوعة أبوي**]

وبعدها مرينا على Chinese theater وهذي صور عنها وبتشوفون صور طبعات ايادي المشاهير

وبعدها رحنا reply`s believe it or not حده ماله داعي وتحسفنا انه دشيناه وهذي صور اه من داخل

وهذي صور للشارع

وبعدها رحنا الى مجمع اسمه Hollywood highland وكان تقريبا كله مطاعم وله اطلاله حلوه على علامه هوليوود الشهيره
واكلنا فيه من johnny rocket وهذي صور عن المجمع

 

[دلوعة أبوي**]

وبعدها خلصنا من المكان وركبنا السياره علشان نرد الفندق .. الشارع حلو بس كان الجو حده حار ماستمتعنا فيه وايد بس اتوقع لو الجو حلو بكون المكان ممتاز للتمشي .. شفنا الساعه انها 5:30 قلنا يمدي نروح حق علامه هوليوود وقلنا حق القارمن انه يوصلنا لها وهذا الطريق لها

وكان الطريق صعب وضيق جدا وبعد فتره من الصعود خرف القارمن وكل شوي يقول اعاده الحسبه لانه الطريق وايد صعب فقررنا انه نغلق القارمن ونمشي بروحنا ونكمل صعود وبعد فتره مرت علينا لحظات قلنا خلاص بنرد الفندق بس الحمدالله لقينا المكان وكان مافي مواقف وشفت واحد يم الحديقه وقلتله ممكن اصفط هني قالي مايصير بس ممكن تقول للبيوت الي يم الحديقه اذا يوافقون .. كان في شباب واقفين يم البيت استأذنت منهم وماقصروا قالوا عادي ممكن توقف ونزلنا قلنا مانابي نطول دام وافقوا انه نصفط عندهم لازم نحترمهم ونرجع بسرعه وهذي الصور

وبعدها نزلنا والطريق حده يضيع بس الحمدالله لقينا واحد وتبعناه الى المخرج وبعدها رجعنا الفندق وصلينا وبعدها طلعنا الى westwood village ورحنا الى paskin robins للتحليه وردينه الفندق للراحه ليوم جديد ومغامره جديده في لوس انجلوس

__________________
​

 

[دلوعة أبوي**]

اليوم التاسع
2010-4-29 الخميس
لوس انجلوس الحلقة الرابعة​

بسم الله نبدأ ... قعدنا من الصبح على الساعه 8 بعدها نزلنا اللوبي ننتظر سياراتنا على الساعه 9:30 وبعدها انطلقنا الى مغامرتنا الجديده وهي

Six flag magic mountain California وهي مدينة العاب فيها اعلى قطارات ومفروض اسرع قطارات وهي تبعد عن فندقنا تقريبا 35 دقيقه وكان حجز التذاكر عن طريق موقعهم الرسمي وكان سعر التذكره 32 $ وحجز الموقف ب 15 $ وطبعا انا قبل لا اسفر شفت تقرير على الجزيره الوثائقيه وكانوا يتكلمون عن اخطر قطارات في مدن الملاهي وكانوا قطارات six flags منهم وصراحه صار فيني رهبه وخوف من ركوبهم وطبعا زوجتي اصلا من الاساس ماتحب الالعاب الخطره .. عاد شوفوا شنو صار ... هذي صور الطريق

وبعدها وصلنا على الساعه 10:10 تقريبا والملاهي تفتح 10:30 وهذي صوره المواقف والبوابه

وطبعا قبل لا يفتح الباب كان مسوين نفس عروض وحاطين stage واختاروا 3 من الجمهور ويحطون لهم اغنيه ويخلونهم يرقصون على انغامها واحسن واحد يرقص يعطونه هديه وهذي صورتهم

وبعدها فتحت البوابه وكانت شبه فاضيه يعني اقدر العب اي لعبه بدون لا انطر وطبعا قررت اختار اطول وارفع واخطر لعبه ابدي فيها علشان اكسر حاجز الرهبه وكان الاختيار على هذي اللعبه

لكن للأسف كانت عاديه .. صج رفيعه وعاليه وفيها لفات وايد بس يعيبها انها بطيئه وبعدها خلاص كسرت حاجز الرهبه وبديت العب وحده بعد الثانيه وخذينا خريطه وشفنا الالعاب الي باللون الاحمر يعني درجة خطورتها عاليه وهذي بعض الالعاب

وهذي افضل لعبه لعبتها

وبعد ماخلصنا كل الالعاب اللي باللون الاحمر قررنا نتمشى ونستكشف الملاهي من محلات ومطاعم

وبعدها قلنا نريح شوي وناكل ice cream وكان اختيارنا هو cold stone وكان احلى مافي الطلعه احلي cold stone كليته بحياتي انا جربت كذا واحد في عدة اماكن بس هذا غير والي بروح six flags لازم يجربه ويدعيلي من كثر ماهو حلو وبعدها خلصنا على الساعه 1:30 قررنا نطلع ... بعدها قررنا نروح نتمشى في مجمع وناكل فيه وكان اختيارنا هو

 

[دلوعة أبوي**]

وهو يعتبر مجمع مفتوح ولكن لا تدخله السيارات وطريقته وايد حلوه ومرتبه وكان فيه قطار يدور فيكم المجمع كله ويوجد سوق شعبي بالقرب منه اسمه farmer market والقطار يمر هناك وهذي صور للمجمع والقطار

وبعدها قررنا ناكل وكان اختيارنا لهذا المطعم الجديد :2kwzj:

طلع مو جديد بس مكان جديد

المهم واحنا ناكل طبعا اخترنا الواجهه الخارجيه والا انشوف هالموقف .. طابور على apple store عشان ال ipad وصار موقف مضحك اقولكم بعد الصوره

طبعا الطابور طويل والشمس حاره فشركه ابل مشكوره قامت بتوزيع الماء على اللي واقفين بالطابور وحده تمر بعربانه وتوزع ماء على الواقفين .. عاد الموقف المضحك شنو .. هالوحده وهيه ماشيه توزع ولا ايي واحد شكله ايطالي وقال حق الموظفه ابي ماي قالتله هذا بس حق اللى يبون يشترون اباد .. شاف الطابور جان يروح يوقف وياهم عشان الماي وبعدين وصلت المرأه ويه العربانه الي فيها الماي الى الريال الايطالي .. والا خلص الماي اهني عصب وقام يتحلطم وراح

وبعد هالوجبه الدسمه قررنا نروح الى الfarmer market وهذي الصور عنه

طبعا السوق وايد شعبي ماعجبنا وايد بس الفواكه اللي فيه حدها تشوق .. وبعدها خلصنا ورحنا المواقف علشان نرجع الفندق .. معلومه عن المواقف .. المواقف ب 30 $ لكن اذا شريتوا اي شي من المحلات عطوهم كرت الموقف احنا شرينا من محل ويوم طلعنا طلع الموقف مجانا علينا ..طبعا على حسب الي تشترونه اذا فوق 30 $ يصير مجانا والله مادري شلون حسبتهم

بعدها ردينا الفندق صلينا وريحنا شوي وبعدها رحنا westwood village كان فيه best buy تسوقنا فيه شوي وبعدين كلينا paskin robins وردينا الفندق للراحه ليوم ومغامره جديده

​

 

[دلوعة أبوي**]

اليوم العاشر
2010-4-30 الجمعه
لوس انجلوس الحلقه الخامسه​

بسم الله نبدأ ... اليوم كانت طلعتنا متأخر شوي عن باقي الايام لأنه المكان اللي بنروحله اليوم يفتح الساعه 12 ... طلعنا على الساعه 12 وكان يبعد عن فندقنا 30 دقيقه والمكان اللي رحناله هو ...

طبعا هو عباره عن مكان للارصاد وفيه من داخل تيليسكوب بس كان مسكر مادري اهو كان مسكر ولا اهو منظر بس .. طبعا مكانه فوق جبل واهو داخل حديقه اسمها Griffith park ... دشينا وكان طريق طويل ومتعرج وهذي صور الطريق

وهني يوم وصلنا وكان في مواقف على الجنب وفي مواقف امام ال Griffith observatory .. احنا صفطنا على جنب

طبعا بتشوفون باصات مدرسه لأنه وايد يكون فيه رحلات حق طلبه .. دخول المكان مجانا بس في عروض داخل مادري شنو ماسألت عنها لأنه مو من اهتماماتنا وهذي صور من داخل

وهذي المناظر من فوق المبنى واللي احنا يايين عشانها ولا اهو مايسوه العنوه

وهذي علامة هوليوود و صوره للحديقه اللي امام المبنى

انطباعنا عن المكان انه المناظر فيه جميله اطلاله على لوس انجلوس وفي قهوه داخل المبنى تطل على علامه هوليوود وايد حلوه القعده فيها بس المبنى من داخل ماشدنا وايد واكو بعد حديقه حيوانات (عزكم الله ) قريبه منه بس مارحنا لها

وبعد ماخلصنا من الgriffith قررنا نروح حق ال rodeo drive in Beverly hills ... نزلنا من الجبل ودشينا beverly hills والقارمن قالنا انه وصلنا ال rodeo drive بس اللي اعرفه انه rodeo drive شارع فيه محلات عالميه بس اللي ودانه له القارمن بيوت وتعبنا وحنا نروح ونرجع على نفس الشارع اللي فيه بيوت حتى قلت ممكن يشكون فينا خاصه انه هني فيه بيوت ممثلين ومشاهير وهني كم بيت صورناه

بعدين خلاص تعبنا قلنا مالنا نصيب نشوفه هالشارع وقلنا حق القارمن بس ردنا البيت

واول ماخلص الشارع ولفينه اول لفه وفجأه !!

 

[weddy]

جنة على الأرض

 

[om_dodo]

واااى ياتقرير زلامسى
كثرى يالبا قلبش

 

[عيون المهاآآ]

مشاء الله
الله يعطينآ خير مثلهمُ
يعطيج العافيهُ

 

[لآ بيرلآ]

وااااااو الموضوع وااااايد ممتع كملي كملي بعطيج العافية :*

 

[دلوعة أبوي**]

ولا احنى في وسط الشارع

.. على طول دورت موقف وصفطنا وهذا الموقف الي دشت فيه سياره بيضه وبعض صور المحلات اللي يبيلها حقيبه مليانه فلوس

واحلى مافيه ان محلات الماركات العالميه كبيره وبضاعتها يديده

طبعا الشارع مشهور في المحلات الغاليه واغلب المشاهير تتسوق فيه .. شوفوا السيارات اللي تصفط بالشارع

وهذا صورة مطعم اتوقع انه مشهور لأنه كله سيارات كشخه وسيارات ليموزين توقف عنده

وبعد ما طاب خاطرنا وتمشينا في هذا الشارع قررنا نروح منطقه beverly hills ونشوف المنطقه ونستكشفها

وبعدها لقينا موقف وصفطنا لأخذ الصور مع ...

وهذي صور بجانب العلامه وصوره الموقف اللي وقفنا فيه نحط ربع $ حق 15 دقيقه وصوره نخله ما شاء الله شوفوا طولها

وبعد هالجوله الحلوه في Beverly hills قررنا نرجع الفندق للراحه والصلاة وقبل لا نرجع كنت بترس بانزين ولقيت هالعلامه

وبعدها ردينا الفندق صلينا وريحنا الى ان غابت الشمس وكان ودنا نطلع بس مانبي westwood village نبي نغير .. رحنا ال the grove

 

[دلوعة أبوي**]

تعشينا في cheesecake factory وبعدها رحنا سينما فلم اسمه date night وكان الفلم حده يضحك وحلو عجبنا .. بعدها رجعنا الفندق على الساعه 10 للراحه ليوم ومغامره جديده