كم صرفيتج شهريا

[swanyway]

بنات كم تصرفين شهريا وايش هو اكثر شئ تصرفين عليه

عن نفسي الجمعية و الصيدلية مستحيل اطلع منهم بأقل من 20 ولا 30 دينار حتى لو خرابيط
يعني امس دخلت الجمعية اطلع ب 30 اليوم ادخلها اطلع 30 بعد و كلها اشياء بايخة

الملابس والجواتي مدري وش فيني عليها مااصرف عليها وايد لان الفرفرة والتخيير مالي خلقها

الميك اب ماعرفه الا اذا احتجت يعني مسكرتي خلصت اييب بدالها

الاكسسوارت مااعرفها احسها خروبطه يعني بدالها ايمع واشتري الماس ولا ذهب شئ يسوى احسن :eh_s(4):

ومخليه لي 50 دينار إدخار اخاول مااخذ منهم قد مااقدر بس يصير احيانا اوقات اسحب منهم او ماادخر بالشهر كلش :eh_s(2)::rgewrg:

يعني انا صرفيتي شهريا تقريبا حول 150 دينار طبعا يزيد وينقص على حسب المناسبة بس المعدل او المتوسط

يالله بنات شاركونا خلونا نشوف الردود :eh_s(7):

 

[sweet-kamelia]

اممم على حسب التزاماتي وميزاانيتي
الواحد المفروض ماايفرط ويلعب .. شي مهم واحتاجه اخذه .

واذا تدلعين نفسج على قوولتهم بشغلاات تسواا

 

[LONA]

انا اصرف عشرة الاف ريال الى خمسة عشر الاف ريال زوجي مقتدر وعندي فراغ كبير ف اغلب وقتي اتسوق وكافيهات ومراكز تجميل ونوادي ومطاعم

 

[^أم يوسف^]

طبعاا مو موظفه انا ...
مصروف البيت بروح...
ومصروف العيال والمدراس والعصريه بروح...
صروف طلابات خارجيه للمدرسه هم برح...
مصروفي بروحي هم بروح...
وبالاخير يحكم الصرف ع حسب العائله وعدددهاا..
فذا بروحي ماأكلف اذا مافي التزامات ووومواجيب 150 واجد...
الله عين رجلي ههههههه مسكين يحاول يوفر كل شهر
ماكو ماكلين الاولي والتالي ..

 

[^أم يوسف^]

طلعت بنت فقر بس 150
هههههههههههههههههههههههههههه
لونا تصرف بمااا يعادل كويتي الف وشئ كويتي بروحهاا
حبيبتي لونا الف تعيش عائله ويبقى منهاا...
يمه اصرف كل شهر الف<<< جبي بنت فقر
خخخخخخخخخخ

 

[LONA]

موبروحي عندي ولدين

 

[أميـِـِره]

^^^^
ام يوسف هههههههههههههههه


انا اصصرف اللي بيدي يعني ماكو شي محدد
هالشهر معاي ٢٠٠ اصرف ٢٠٠الشهر الجاي معاي اميه اصرف اميه
وهكذاا

 

[سوزي الشرقية]

ولله هوعلى حسب افرادالعائلة لكونانفرين .....على حسب المناسبات بس اساساشهريا الي 300ريال اتصرف فيهم
اشتري الي ملابس ميك اب اكسسوارات بدل وغيرهــ..امم هالشهرمصروفي غير
مصروف السفر للمدينة تقريبا1250ريال
+مصروف تذكرة +فيزا1600ريال
باقيمصروف سكني واكلي وتقنلاتي بين المدن والهدايا
يعني يعتمد على اذافي مناسبة لولا...

 

[Mrs_Orchidia]

عاللي عندي .. 100 و للا 1000 ماتفرق خخخ
الفلوس رايحة رايحة خلال اسبووووووووع! لووول

 

[مزيونة الخبر]

انا اصرف شهريا لي بروحي ماني متزوجة من 1700 الي الالفين ريال ثابتة كل شهر كذا

 

[الريم اللعوب]

زوجي مسوين انا وياه ميزانيه اننا نخر ربع الراتب فبيكذا نصرف تقريبا 3500 ريال يعني 350 دينار كويتي
واوقات اكثر
بس الحمدالله امورنا حلوه

 

[~وريثة الملوكـ~]

انا موظفه
ومصروفي اللي زوجي يعطيني ١٠٠
الميه دايم تنصرف بسرعه
واخذ من معااشي ٥٠
يعني صرفيتي كل شهر ١٥٠ ديناار
فديتني والله اني قنوووعاا

 

[مستحيل اخونك]

انا ماعندي مصروف ومتزوجه وعندي ولد وبنت بس الحمدلله زوجي:friends: مو مقصر معاي لو اطلبه لبن العصفور جابه لي ماشالله بس في حدود المعقول:eh_s(7):​

 

[~ كرز ~]

اعانتي امية و زوجي يعطيني امية

 

[مزاااج]

كل الي عندي

معاشي كله

بس صراحه على ولا شي
الحمدلله والشكر اصرف وكأن الي يصرفهم غيري مادري وين يروحون

الله يقدرني واعرف ثقافه الادخار

تكفون قولا أمــــــــــيـــــــــن


​

 

[غدرك ذبحني]

بنات شلون تاخذون من زواجكم مصروف وانتو موظفات علموني
انا زوجي متكفل بكل شي يعني خدامه ايجار ماجله عياله بس انا يقولي عندج معاشج>>>>>>>> كاني طلعت من موضوع 
انا عن نفسي معاشي كل طاير علي شغلات بايخه وخرابيط

 

[اميره بعيونه88]

انا مو موظفه ادرس علي احسابي

ابوي يعطني مصروف 100
وبالاعياد يصير 150 دينار

اصرف كل شهر 70 او 80

بس علي اشياء صج صج سخيف ما تسوى

والحين قاعده احاول اضبط نفس واوفر علي الاقل 40 لي 50 دينار

صار عندي التزامات

 

[ام فواازي]

صارلي متوظفه 3 سنين ونص معاشي 660 وكله طاير استغفر الله مااعرف امسك ايدي وليت على شي يسوى والله ماكو خرابيط زوجي يقول انتي مسرفه مسكي ايدجشوي مسكين نص الشهر دايم اخذ منه 50 او 70 او 100

 

[كويتية نايس]

up up up up up

 

[أم توتو]

انا مصروفي الشهري على حسب الظروف ساعات يجي شهر ماصرف الا 200 ريال وساعات لا والله توصل الاف انا ماشيه على هالمقوله اصرف مافي الجيب ياتيك مافي الغيب هههههههه