لآتزعلينه!لآتردينه ترى تلعنج الملآئكه ؟؟ واحنآ دينآ مآوصى علينآ؟؟ الحريم مالها رب ؟؟؟

[Beauty is Me]

على فكره انا كنت جذي افكر وملجت وانفصلت
وعقبها تغيرت فكرتي

في رياييل ينحطون عالجرح يبرا
شوفي حياه امج وابوج

اكيد شفتيهم واهمه يتهاوشون

واهمه يتصافون

هذا في كل بيت

والله لا ييب هواش وزعل

تفائلي بالخير بتلاقينه

وكلنا عيال ادم

وكلنا عبيدالله

مثلا لو زوج ظلمج
لو زوجه ظلمت

عند الله الحساب

يوم القيامه ما يطيخ عنه الا لمن تحللينه
شفيج

مو عشان انه ريال وزوج يعني ملك الكون

الزوج. حاله حال الزوجه

يعني مادري شلون اشرح لووول

امممم


كبريها بتكبر

صغريها بتصغرررررررر


والريال لمن يتزوج ما يفكر ترا

بتزوج عشان اذلها
عشان اهينها

عشان اامر عليها

لووول

بيتزوج يبي وحده تدلعه
تصونه
تحترمه
تحبه

وتملي قلبه وعينه ودنياه
ترا الريال قلبه قلب ياهل
بسرعه تكسبينه
وبسرعه تخسرينه

مادري حسيتج مصورة الزوج انه وحش وطاغي وظالم


يمكن في ازواج جذي

بس اصابع ايدج مو سوا


ولو كل الناس زينه جان مافي نار

ولو كل الناس شينه
جان ما في جنه

يعني تعوذي من ابليس

وخططو وين بتقضون شهر العسسسسل

وين بتحطين مكياجج
وشلون نفنوفج


عيشي بأريحية

 

[Beauty is Me]

يطيخ يعني يطيح بسقوط النقطه لوول

 

[اسراب الطيور]

استغفرالله
كلامك فيه اعتراض على الله مع ان الاسلام وصى بالمراه خير
اتمنى انك تقرين موقف الاسلام ورفقه بالمرأه لدرجه ان المرضع اذا ارادت ان تأخذااجريعتبر من حقها
بضغطة زر
راح تشوفين شكثرالاسلام كرم المرأه بعد ان كانت تدس في التراب
تقربي من ربك
نهايتك في حفره مارح ينفعك غير العمل
الله الله في الصلاه
اتقي الله

 

[معلمة شيسمونه]

تدرين عاد انا افكر العكس اقول الحريم عيارات ودايم ماخذين حقوقهم

ومهما كان الريال ينقص عليه والله لو ابليس هم تقدرين تقصين عليه بس انتي وامكانياتج ؟

واقصد بتقصين عليه يعني تنفذين افكارج ولا تتضايقين هالنظره تعمقتي فيها وايد بس من جانب واحد البنات ما قصروا واشرحوا وفسروا لج الجوانب الثانيه

ربي يوفقج ويهنيج

 

[dantella]

انا بفهم شغله

دام انكم مع الاسلام وتقولون كرم المرأة

ليش لمه وحده منكم ريلها يتزوج عليها تقلب الدنيا وما تقعدها ؟؟
خو هذا شرع وقراره اهوا يتخذه بنفسه سواء قصرتي او ماقصرتي ماله شغل

ولا تاخذون من الدين للي تبونه بس ؟؟

سؤالج مشروع

 

[ليلو جبريت]

صح كلامج

 

[ضحكة]

اول شي الف الف الف مبروك

وربي يتمم عليج .. وهذي الظآهر وسآوس ما قبل العرس ـ ​

حبيبتي ديننآ الاسلآمي كرم المرآة وعزهآ ورفع من شآنهآ
إلا انه بعض افرآد المجتمع للاسف فآهمين الدين غلط ! ويفسرون على كيفهم الآيآت والاحآديث ​

ـ ​

مثلا ً قوآمة الرجل على المرآة
الغآلبية ينظرون لهآ بـ سلبية ولو انهآ العكس !
اشوف من القوآمة انه الريآل " يخدمج " < يعني مثل بدي قآرد حقج : ​

اهو ملزوم يدافع عنج ..
و وقت السفر يكون معاج ويحاامي عنج وياويله ويا سوآد ليله اللي يقرب صوبج لول
واهو اللي مسؤول يصرف علييج وعلى عيآلج وعلى بيته
وانتي معززة مكرمة ما تحطين ولا فلس إلا بـ رضآج ​

،​

وبعدين وصية الرسول صلى الله عليه وسلم قبل ممآته -
وصى بـ الصلآة و بشي ثآني بعد .. تدرين شنو؟!
وصى الريآييل علينآ =)
" ألا و استوصوآ بالنسآء خيرا ً "
في اعظم من انه الرسول صلى الله عليه وسلم يشملنآ في وصيته !!
و كلنآ نعرف انه الوصية يجب ان تطبق:* ​

و في حديث آخر :
قال عليه افضل الصلآة والتسليم : " رفقا ً بالقوآرير "
شبهنآ بالقوآرير .. يا حبيبي يا رسول الله
لانه يدري انه احنا مثل الزجآج ممكن ننكسر و نُشرخ ويدري انه الرياييل فيهم دفآشة فـ وصاهم بالرفق فيننا
ـ​

وبعد حديث " الجنة تحت آقدآم الامهآت "
الجنة اللي احنا نعبد الله في هالدنيآ عشآآآن ننجوا من النآر وندخلهآ .. حطها وين ؟!
حطها تحت ارجل امرأة !! مو رجل !! شوووفي شكبرهآ من مكانة عظيمة ​

ويوآفقه ايضآ ً .. حديث " امك ثم امك ثم امك ثم ابيــــــــك "
فضل الام بـ درجآت على الاب .. واهي امرأة .. فضلهآ على رجل ​

و بعد حديث آخر
لمآ قال الرسول صلى الله عليه وسلم
" حبب إلى من دنياكم النساء والطيب ، وجعلت قرة عيني في الصلاة "
هم هني مرة ثآنية ربطنآ عليه افضل الصلآة والتسليم .. احنا يالنسآء مع احب الاشيآء إليه بهالدنيآ .. الطيب والصلآة
في اعظم من جذي تكريم وعزوة ؟! ​

و حديث " خيركم خيركم لأهله، وأنا خيركم لأهلي"
يعني خير الرجآل اللي يكون خيييير مع اهله .. ترك كل شي العبادات والفروض والجهاد في سبيله
وقال انه بهالارض كلها اخير رجل اهو اللي يعامل زوجته معامله طيبة وكلها خير !! تكريم لنآ ما بعده تكريم ! ​

وموضوع حديث لعن الملآئكة لنآ .. شوفيه بـ طريقة ايجآبية
درسنآ في الموآد العلمية انه الرجل 24 سآعة يفكر بهالشي !! ومن الضروري انه المرأة تشبعه وتصونه
اهو تزوج عشآن يحمي نفسه عن الحرآم .. واكيد اللي فيه خير رآح يراعي زوجته ان شاء الله
من بعد كل هالتوصيآت من رسولنآ صلى الله عليه وسلم فيننا
بس مثل ما في هالحديث عن هالمسآلة .. همن في احاديث تنصفنآ بعد من هالنآحية :​

قال رسول الله صلى الله عليه وسلم
" اذا جامع الرجل أهله فليصدقها ثم إذا قضى حاجته فلا يعجلها حتى تقضى حاجتها " ​

و قآل " لآ يقعن أحدكم على امرأته كما تقع البهيمة وليكن بينهما رسول . قيل : وما الرسول ؟ قال : القبلة والكلام "​

شبه الريآل الدفش بالبهيمة
و أمر الزوج انه يرآعي زوجته مثل ما ترآعيه في هالموضوع بالذآت ـ​

وفي غيرهم من الاحآديث اللي فيهآ يُذكر لنآ تعامل الرسول صلى الله عليه وسلم
مع زوجآته وكمية العطف والحنآن والحِلم اللي يعآملهم فيه .. واللي المفروض الريآييل
يتخذونه قدوة لهم ـ ​

وعندج في القرآن الكريم
سووورة كآآآآآآآملة لنآ مخصوص .. سورة النسآء -
واللي فيهآ الله سبحآنه ضمن لنآ حقوقنآ الشرعية والاجتمآعية الخ الخ ..
واهمهآ الحق في الميرآث جملة وتفصيلآ
واللي كانوا في الجآهلية ينكرون حقهآ ويعتبرونها جزء يُتوآرث بين اخوان الزوج !! إلا من رحم ربي !​

و سالفة الميرآث اللي اهو النصف ...
لانه المرأة اساسا ً ورثهآ لهاااااااا كامل تتصرف فيه على كيفهآ
.. اما الريآل مسكين ملزوم يصرف على مرته وعيآله وبيته
ربنآ سبحآنه لييييييس بـ ظلام للعبيد =) ​

ـ​

وفي سورة البقرة
قال الله تعآلى " ولهن مثل الذي عليهن بالمعروف " < يعني الواجبآت اللي عليهم يسونها لـ ريآآييلهم هم لهن نفسسسسسس الشي ضبط من الريآآيييل :eh_s(15): ​

اما الآيآت الاحآديث اللي فيهآ تكريم للرجل .. فـ لازم العدل ..
مثل ما لنآ نصيب من التكريم في الآيآت والاحآديث ..
هم اهم بعد لازم لهم تكريم .. يستآهلون ​

بارك الله فيك

كلامج اختصر كل كلام البنات ويدخل القلب على طول
:ggdw:​

 

[دهورتني يازين]

مبـــرووكــ عسسئ اللـــه يهنيـــج يالغــــــلآ ..

انا مثلـــــــج بعد 21يووم عرسسي ..."​

 

[ضحكة]

حبيبتي الله يهديج الشرع مالزم على الرجال ياخذ على مرته ولا فيها ثواب يعني المضطر والمشتهي ينوع بس اللي يعددون
يعني الزواج الثاني حلال موفرض وتركه هم جايز ومايذنب اللي يتزوج وحده طول عمره
الزبده يحق لنا مانرضى وشرعا يحق لنا نطلب الطلاق اذا ما وافقنا على الزواج الثاني
ياليت تفهمين الدين عدل
والسيده فاطمه لما بغى علي كرم الله وجهه يتزوج عليها زعلت ورفضت وماتزوج عليها
هذي بنت الرسول صلى الله عليه وسلم فما بالج فينا احنا

لا فض فوك ...

والزواج الأول سنة موكدة فما بالك بالزواج الثاني يعني مو واجب

وايضآ الشرع حلل الطلاق ليش نستنكر الطلاق ونقول ليش وليش مع انه شرع الله
صحيح انه ابغض الحلال عند الله

(ولن تعدلوا ولو حرصتم) ...هذه الاية دائمآ ىينسونها الرجال

وواجد في الشرع اشياء ملزومين بها متساهلين فيها مايذكرون من الشرع الا الزواج الثاني

اذية الجار ماتجوز ...فما بالك باهل بيتك

وصاحبة الموضوع الله يوفقج انشالله ورزقج بزوج صالح يراعي الله فيج​

 

[مشتــآقـه]

وانا راده من الدواام داايم اسمع قناة الكويت الدينيه

ومره وحده سألت الشيخ عن هالموضوع فقاال كل حديث مقصود بالرجل بالناحيه الزوجيه يكون بالمثل للمرأه مثلا

تلعن الملائكه المره اللي ترد زوجها وقت ماييها وهم ترى تلعن الملائكه الرجل اللي يرد زوجتها

وقااال قيسيها ع كل مووقف والله اعلم


بدوويه واايد اناا احب موااضييعج ومتاابعه لج دايم احسج صرييحه واللي بقلبج ع لسااانج
وان شاء الله يكون كلامي اللي افدتج فيه صح

 

[لاشي]

اقووول تعوذي بالله من الشيطان الرجيم
فيه حديث بس ماذكر نصه بالضبط بس معناه انه خيركم خيركم لاهله
ووصيه الرسول قبل لايموت الصلاه الصلاه وماملكت ايمانكم و
حديث كلكم راع ومسؤل عن رعيته
بصراااااحه صدمتيني بطريقه تفكيرك خصوصا اني كنت متابعه
لمواااضيعك
انتي اتذكري بس ان الدنيا ماتسوى عند الله جناح بعوضه
وانو احنا بس للعباده
وانه اهوجنتك ونارك بتطيعينه وتخدمينه علشان الجنه
انتي لما تطيعين زوجك هذا جهادك
طيب بالمقابل
الرجاااال اهو المسؤل عن البيت عن طلب الرزق عن
الجهاد وعن امور كثييييييره
استغفري ربك لاتدخلين الفكره براس احححححححد
وصدقيني لو الحرمه خافت ربها وطبقت احاديث الرسول
والله تتعدل حياتها ومايسترجي زوجها يخونها
والله ان يحطها بعيونه الثنتين
ولانتسين ان النساء شقااائق الرجال


اخخخخخخخر شي
اسالي اي وحده توفى زوجها ايشششش تتمنى
والله تتمنى انو يرجع للدنيا عشان تعطيه عيونها
مهما كانو الاخواااان والحبايب حواليها
زوجها نصفها الثاني مافيه زيييه حتى لو بينهم خلافات

وقولي رب لاتجعل الدنيا اكبر همي

 

[تبطي عظم!]

اقوولج شي بدويه بس ماتزعلين!!

حييييل انصدمت من تفكيرج !

صج ااموضوع قديم بس توني اقراه وحدي مصدوووووومه !!

شلون تقولين جذي

وانتي مسلمه

الرسول عليه الصلاة والسلام قال : رب كلمه يقولها المرء لا يلقي لها بالا يكتب الله بها عليه سخطه الى يوم يلقاه )

وانتي تقولين الدين ظالمنا !!!!

الدين الاسلامي عز المرأه اتمنى تتثقفين بالدين وبتعرفين مكانة المرأه بالاسلام وعند الله شنو !

الله يهديج حيييل احبج وانصدمت من كلاامج ~

 

[ام كوثر2007]

ونسيتي شي بعد .. خل اذكرج فيه


حديث الرسول عليه افضل الصلاه والسلام لمن قال رفقا بالقوارير


وليش قال قوارير ماقال زجاج؟؟؟؟؟؟


الحرمه كالقارورة لا تتحمل العنف والقسوة .. ..
وإن حصل ذلكـ فهي معرضة لـ (التحطم) .. ..

وبعض القوارير إذا تحطمت أصدرت صوتا ً خفيفا ً .. ..
وبعضها الآخر تتحطم بصمت .. .. وهذا مؤلم .. ..

ونوع يتحطم بألم فتصدر إزعاجا ً لا مثيل له .. ..
كما هي حال الإناث .. .. ولكن هناكـ فرق .. ..

فالقوارير إذا تحطمت لا تصلح للاستخدام .. ..
فهي لا تتجمع وتتلاحم بل تبقى مبعثرة .. ..

أما الأنثى إذا تحطمت تستطيع أن تلملم جراحها .. ..
وتجمع أشلائها وقد تسامح من سبب تحطمها .. ..

وذلكـ لرقة قلبها وعاطفتها التي لا تضاهيها عاطفة


بس عاد لو كان الريال اللى عندج ما يمشي علي كلام سيد الخلق وما يخاف الله فيج هذا شي ثاني


عسى الله يسخره لج .. وعمر الدين ما ضلمنا ترا احنا مكرمات فيه الحمدلله والكل حاسدنا علي هالشي ... الف حمد وشكر علي نعمه الاسلام .

 

[بحةة آلشۈق]

الله يوفقك مبروك قلبي
حرام عليك تفكرين كذآ مابقى شي على زواجك انبسطي وفليهـآ وآستانسسي ي عمري
كلـآم دلع التبان ميه ميه
موفقه..

 

[Angel-Lady]

الاسلام اعطى المرأه كل شي بس العادات و التقاليد اهي الي لعبت دور و حرفت

و اذا راجعتي سنة الرسول عليه السلام و اشلون تعامله مع زوجاته راح اتشوفين الفرق :]

الغلط بالعادات و التقاليد و طريقة فهم الزوج للزواج مو بالاسلام حبيبتي

الله يهنيج بزواجج و يبارك فيه

موفقه

 

[يفداك قلبى]

حبيبتى اول شى ما نعترض على الاحكام الشرعية
لا تاخذج العاطفة
ولا يوسوس لج الشيطان
وحطي ببالج قاعدة عامه
البيوت تحكمها النسااااء
والريال الحين بزماننا يمشى بطوع المره
هههه فقارى كاسرين خاطرى ..........بيكسرون راسى البنات
بس جد هذا الواقع ان ما مشى بطوع وراى مرته بيمشى بطوع امه
صح والا لاااااا
ثانيا الاسلام اعز المراه وما كلفها تصرف على البيت ولا امرها نفس الغرب وان ما صرف عليها وبخل لها حق تاخذ منه قدر حاجتها وما عليها ذنب
ولها حق يكسيها ويعطيها اجر وان رفضت ترضع من حقها بعد
لا و...............تعيش مدللة الامره الناهية ببيتها وامر الجال بالعدل فى حال تزوج مثنى وثلاث ما عطاهم الحق وبس لااااااا امرهم بالعدل
واااخر شى
جعل الجنة تحت اقدام الامهات وانتى اكيد تعرفين ليش اكراما لها لانها تعبت بالحمل وذكرها ربج بالقران
وحتى لو تملك الدنيا مو من حق الريال يجبرها تصرف
الاسلام صانها دره ببيتها
والشرع حلل الاربع هذا موضوع معروف ليش والاسباب ابحثى عننها وتعرفين
والرسول صلى الله عليه وسلم قال استوصوا بالنساء خيرااا
وما يكرمها الا كريم ......................
حتى اللى تعصى ريلها وصاهم بثلاث خطوات مو منها الضرب المبرح مثل ما نشوف الحين
لا تفهمين الدين خطا
العرف والمجتمع اهوا اللى ظلمها مو الدين
والريال الله خلقه جذيه ............وحتى فى واجبه الزوجى مع مرته له اجر
انتى بس اقرى بالنت وتعرفين ان الدين ما ظلمها
وان ربج اللى خلقنا ما ظلم
والقوامه للريال لان يتعب ويكد مو عشان جذيه الحريم اعمارهم اطول

 

[شادن33]

حبوبه الله عاااادل ومايظلم عباده سبحانه وهذه وساوس الشيطان مايجوز التفكير فيها !

 

[جديده 1]

و كأنج تعترضين على ما فرضه الاسلام علينا و لكن بطريقه مبطنه !!؟
و بسج تحلطم كل يوم و الثاني منزله موضوع .. ماتبين الزواج لاتتزوجين ..

 

[ماحب اتدلع]

حبيبتي شكلج من كثر ماتقرين المشاكل الي هني على بالج ان الحريم مهانين لا حبيبتي
تفائلي خيررر ورح تتزوجين ألف مبرووووووك ومافي احلى من الزواج اهو طعم الحياة بعدين في رياييل يهبلون ينحطون على الجرح يبرى يدلعونج ويخدمونج ويحطونج فوق راسهم والريال كلما قرب من ربة سبحانة زاد حبة لمرتة وعياله
والاسلام كرم المرآة من والى .. اجمل مخلوقات الله (النساء) ياحلونا

وكافي رب العالمين ريحنا دورة ومادري شنو ههههههههه عشان نرتاااح حتى رب العالمين راحمنا
حنا كائنات رقيقة


تتمنين انخلقتي ريال مثلا؟ قولي قولي


جهاد .. وصلاة الجمعة والدين كله يسوونه الرياييل غصبا عنهم مو برضاهم وحتى لو مريضين مافي لازم صلاة ههههههههه احمدي ربج بس وفكري لو كنتي ريال شنو بيكون

حنا الجهاد مو واجب وصلاة الجمعة مو لازم بالمسجد واشياء وايد هذا شي بكيفنا بس مو واجب اهم شي راحة المرة ياقلبي

 

[* ملكني الخوف *]

بس اجرنا اكثرمن اجرهم اصلن اللي ترضع وتولد وتموت واهي ببالولاده بسم الله علينا تكون بحفظ الله تدخل الجنه وحتى لمن تطيعين زوجج وتصلين صلواتج الخمس تكونين بالجنه او الله يبينلج بيت بالجنه نسيت الحديث