لاتسكتين عن حقوقج الزوجيه ..!!

[Patcholli]

مساء الخير

بنات وايد اشوف حالات سواء بالمنتدى او بالمجتمع سواء ارفيجاتي او قريبات ..

يعانون ويشتكون من ازواجهم والصراحه استغرب ان في فئه جذي من الرياييل ..!!

ماكل نايم شارب طالع .. وعايش حياته ملك .. ويطالب الزوجه بكل الحقوق الواجبه عليها ..

بالمقابل انصدم لما تقولي مايعطيني مصرف .. مايسفرني .. مايطلعني .. مايخليني ازو اهلي ..

يجبرني اساعد اهله بالبيت او انزل اطبخ معاهم .. يجبرني اجابل امه طول ما اهو طالع حتى لو خواته موجودين اهي لازم تقعد ..

رافض يحطلي مدخل بروحي ..

حارمني من السوق من المطاعم من الممشى حتى من التمشي بالساره معاه ..!!



يعني بختصار ابسط حقوقها اللي حددها لها الشرع والقانون اهو دايس عليها

يعني شنو ريال مايحط بيد زوجته حتى 50 دينار ..!! طبعا ماتكلم عن الي عنده مشاكل ماديه اتكلم عن الانسان الراهي اللي يسافر مع ربعه ويسهر ويطلع ويستانس وطلعة زوجته معاه بالحسره والمذله والنكد .. والسفر يقولها ماعندي وثاني اسبوع طاق التذكره ومسافر ويا ربعه ..!!

ليش جذي في رياييل يحسرون على حريمهم

هل الغلط من الريال او من المره الي سمحتله من البدايه يستمر على هالنمط ؟؟؟

من وجهة نظري ان هالشي بيد الزوجه اهي المفروض من البدايه تحط النقط عالحروف وتكون قويه وعندها شخصيه وتبين للزوج انها فاهمه وتعرف شنو حق الزوجه على زوجها والعكس ولازم تفهمه ان الطرقين لازم يشيلون بعض اهو يسعى عشان يريحها ومايقصر معاها واهي نفس الشي واذا واحد قصر راح يكون في مشكله وخلل


ماتصير اهي الخادمه واهي المربيه واهي حمالة الاسيه واهي عايش حياة العزوبيه ومايشوفها الا وقت الفراش ..!!

الزوجه مانخلقت بس عشان الفراش ولا انخلقت بس عشان تطبخ وتيب عيال


مثل ما انت لك حقوق وداش فبلاعيمها وتشرشحها اذا قصرت بشي

شوف نفسك وراجع حساباتك وخاف ربك بهالادميه ..!!

ينكسر خاطري على هالفئه من الحريم خاصه لما تكون بنت صغيره بعز شبابها وهالزوج معيشها عيشة قهر ومشيب فرقها من الهم والغم ..!!

وهم ارد اقول هالشي بيد الزوجه اهي المفروض من الاول تنشبله بالبلوع وماتتنازل عن حقوقها

طبعا ماقصد انها تقط روحها عليه او تنشفح وتقوله سو وييب وهات

اولشي لازم تكون في فترة تعارف هاذي فبداية الزواج اهي تعرف اطباعه واهو يعرف اطباعها طبعا الفتره لازم ماتطول وايد يعني 3 او 5 شهور واهني لازم تحط النقط عالحروف اذا حست هالريال فيه شي غلط او تقصير او عيب لازم توقفه عند حده

لاتسكت وتقول يتغير اذا انتي ماغيرتيه ماراح يتغير بالعكس راح يتمادى

وراح يصير اخس .. والعن ..!!

واجهي وطالبيه بحقوقج ودايما حسسيه انج انسانه واعيه وفاهمه ومثقفه مو انسانه ماعندج شخصيه ولا عندج راي واي شي يقولج تقولين صح حتى لو كان غلط ..!!



المايك لكم ياحلوات

وعفيه الي تدش بكل موضوع وتقول زوجوني ترى بعضج ان دشيتي لوول d( لا اتغشمر

​

 

[حلاه الكون]

صرااحه كلامج كله صح بصح
انا تقريبا مثل الحاله اللي ذكرتيها
طلعاتي ووناستي مع اهلي بس
اصلا صرت اكره الطلعه معاه
لان الطلعه معاه ماتجيب الا النكد
انا اكلمه واقوله ترا مايصير جذي ماطلعني ولا شي
وبطل انانيه.
بس مااااكو فااايده
عمك اصمخ

 

[Perfume]

كلاااااااااااامج بالصميييم حبيبتي
توه صادني موقف مع وحدة من اهلي وللحين متظايقة عليها تقول العيال كلوا قلبها يبون يسافرون يغيرون جو يشوفون غيرهم وهم يتحسرون بس تقول ما اتجرأ اقول لزوجي !!
واهو يسافر مع ربعه واااي شالأنانية
صادفت ناس وايد جذي ما يصرف يطق ما يطلعهم ما يسفرهم واهو كل شي حلال عليه
انزين اليهال شذنبهم !!
الغلط من الزوجة اللي ساكتة عن حقوقها من البداية والمشكلة انه البعض لو نصحتيها تعتبر انج تشيشينها على ريلها !
والمصيبة تلاقينه يكفخها وحارمها من كل شي واعرف وحدة لو يعصب عليها يقفل عليهم باب البيت ويقفل عنهم النت والتلفزيون ويطقها طق اليهد وحتى السجين يحملها ويهددها فيها ولو بغت تسافر لازم تقوله قبل بشهرين او اكثر عشان يذلها وتقعد تبجي جدامه وساعتها يفكر يوافق او لا وآخر شي تقولج مابي اخرب بيتي !! يا حبيبتي بيتج خربان وخالص شذنب اليهال يعيشون هالعيشة وعيالها ما يحترمونها لانه يشوفون ابوهم يطقها ومايحترمها
والله موظوعج يا عالجرح ودي ابجي مو كاسرين خاطري الا اليهال والا اهي قلعتها اهي راظية الذل على روحها

 

[Gifts&Occaions]

كلامج صح وانا استغرب وايد من هلنوع من الحريم الي مستغلينهم ازواجهم وكلشي عليهم بالحسرة .. انا ماكنت ادري ان في نوعيه من الريايل بهلطريقة عبالي سوالف مسلسلات بس الي شفته بلمنتدى عوار قلب

 

[غلاي رورو]

طيب ماتخافين اذا طلعتي حرتك وتكلمتي قام عليك وزفك

ولا تكبر السالفه وتوصل لاهللك

انا بصراحه من النوع اللي مايسكت عن حقه بس لما اشوف السالفه مالها حل او اخاف تنقلب علي اسكت

الله بستر انا مابقى شي عن زواجي وبطلع بلاعيمه لا رفض لي طلب لوووول

 

[أجمل إنسـآنـه ~]

يعطيج العافيه

ههههههههههه بنات انا داشه بتعلم لأني مفهييه بهالسوالف وتوني صصغيره ـ عمري 16 ,~< أحمم وعرسي شهر 9 ,~/!

بعرف بس بعرف شلون اعوده شقوله مثلا ان جا بيطلع اقوله اقضب ارضك شلون شلون قولولي ,~"!!!!~><~ْ

زين وشلون اعوده ع السفرات وهكه وشلون اذا منعني من رفيجاتي شلون افهمه ان اانا مابي انقطع عنهم ,~>!<<
.ْ<":$

 

[الشوق يجيبك؟؟]

والله المرة مسكينه وقليلة حيله

رغم ان شخصيتي قويه ولي وجودي في اي مكان اكون فيه
وغير كذا مااتنازل عن حقوقي

الا اني مااقدر على زوجي
وكل شي أخذة بالحسرة وعقب ماتطلع عيني
ويزعل على اتفه شي وحقووووووووووود ماينسى
وإذا زعل علي أصير أنا والجدار واحد يروح ويجي وينام وياكل ولاكنه أحد موجود اسبوع اسبوعين وكله بسبة ليش قلتي وليش ماقلتي
اووووووف نكد وده يسولي رموت ويحركني زي مايبي
وفي الاخير ارضى بالواقع واغلط نفسي ابغى اعيش
الله لايبلاك بذي النوعيه

مايقدر عليها الا ربها​

 

[الشوق يجيبك؟؟]

فيه نوعيه صعبه حيييييييييل مثل اللي عندي

وفيه نوع سهل مثل واحد من اخواني

ماشاء الله هو ومايملك ومالايملك لها ماتتعب معاه
طويل بال ووسيع صدر وكل شي تبيه وتفكر فيه عندها

يعني الرجال انواع فيه اللي يطلع عينك وفيه اللي متربي وجاهز​

 

[مكتومه]

كلام سليم وحلو ويفيد كل وحده مقبله على حياه زوجيه ... انا من بدايه خطوبتي وانا في مناجره مستمره مع زوجي عشان يفهم طبعي وبعد الزواج ظليت بعد في معركه محتدمه .. بس الاهم اوصل وجهه نظري وابين له ان اللى يسويه غلط .. والرجال بعظهم ينحكم ويتطبع على اشياء من صغرة تحتاج للوقت وصبر عشان الزوجه توصلها فمن البدايه يتم حسم الامر . اذا بخيل ولا مايحب يطلع .. ولا راعي سهر ولا خرابيط .. لازم ينحط لها حد ولا احد يقول اصبر ما اصبر .. لازم تتصرفين معاه بجد ..وحزم ؟؟ وعقل
مو بهواش بس لا تطوفين .. لان الزواج عمروالوحده لازم تحاول تقضي باقي عمرها بسعاده.. وهم .. لازم تبينين اعتراضج مهما كانت العواقب .. وبنهايه ما يصح الا الصحيييح

باتشولي فديتج على هيك موضوع

 

[ناتشوو]

اتوقع الغلط من الزوجة
التنازلات اللي في غير محلها
وحق اللي مايستاهلها
في شغلات الوحدة تتنازل عنها بذكاء
بس بمقابل عالاقل تتأكد انه مقدر هالتضحيات او التنازلات
وفي شغلة لاحظتها والله اعلم هل هي فعلا ولا صدفة تكررت قدامي
ان اللي تبالغ بالصرف عالبيت وتاخذ هالقروض حق الزوج بدون شي ضروري
ومخليته يستغلها ماديا
تكون تغطي ع تقصيرها
في واجباتها ومسؤولياتها
سواءا بلبسها اناقتها ذرابتها قومتها بالبيت والعيال
فهي تدفع مقابل غض الزوج النظر عن التقصير
وممكن هالاتفاق مايكون شفوي بس موجود
ولا اشرايكم؟

 

[M!Ss Smart]

كلامج صح في بعض البنات بأول زواجهم تسوي نفسها أوطه مقمضه عبالها مسكته الحين تسيطر على الريال اذا سألها تقول مادري ماعرف اذا طلعوو تقول انا وين اي منطقه على انها البنت اللي محترمه وماتطلع ولا تعرف شي ماتدري ان بيقول عنها متخلفه وأميه وفوق هذا ماراح يطلعها لان اخذ فكره انها مو مال طلعه كل شي عندها عادي

 

[el.mlkaa]

يعطيج العافيه

ههههههههههه بنات انا داشه بتعلم لأني مفهييه بهالسوالف وتوني صصغيره ـ عمري 16 ,~< أحمم وعرسي شهر 9 ,~/!

بعرف بس بعرف شلون اعوده شقوله مثلا ان جا بيطلع اقوله اقضب ارضك شلون شلون قولولي ,~"!!!!~><~ْ

زين وشلون اعوده ع السفرات وهكه وشلون اذا منعني من رفيجاتي شلون افهمه ان اانا مابي انقطع عنهم ,~>!<<
.ْ<":$

أمممممممممممبييييييييييييييييه جمم عمممممممرج جممممم ؟؟؟؟؟؟؟؟؟!!!!


16 سسسسسسسسسنه !!! موجنج صغيره ههههههههههههههههه

آانا عمممري 16 سسسنه ترررررررى هههههههههه لاحقه لاحقه

وانا اقول شفيهم رفيجااااااااااااتي كل وحده تقول بتزوووووووووج زوجوني بنحاش من بيتنا ههههههههههههههه

الله يوووووووفقج ياااااااااااااا حياااااااااااااااااااااااااتتتتتتتتتتتتتتي ومبرووووووك مقدماااا :eh_s(21):

ويعطييج العافيه صاحبة الموووضوووع :eh_s(8):

 

[قصاصه ورق]

والله المرة مسكينه وقليلة حيله​

رغم ان شخصيتي قويه ولي وجودي في اي مكان اكون فيه
وغير كذا مااتنازل عن حقوقي​

الا اني مااقدر على زوجي
وكل شي أخذة بالحسرة وعقب ماتطلع عيني
ويزعل على اتفه شي وحقووووووووووود ماينسى
وإذا زعل علي أصير أنا والجدار واحد يروح ويجي وينام وياكل ولاكنه أحد موجود اسبوع اسبوعين وكله بسبة ليش قلتي وليش ماقلتي
اووووووف نكد وده يسولي رموت ويحركني زي مايبي
وفي الاخير ارضى بالواقع واغلط نفسي ابغى اعيش
الله لايبلاك بذي النوعيه​

مايقدر عليها الا ربها​

مثل حالتي بالظبط ماقول الا الله يصبرنا على مابلانا

 

[صلوا ع الرسول]

اي والله اهم شي ماتسكت عن حقوقها
بعدين ماتجي إلا على راسه

 

[شادن33]

باتشوووو يالعنووونه والله طلعتي خبييره هههههه
عقلج يوزن ذهب الله يخليلج عنتر تجربين فيه خخخخ
كلااامج عدل مدل

باتشووو ضحكتيني عل اللي تدخل وتقول زوجووووووني يحليلها الله يستر عليها

 

[ديانا سبنسر]

الله كرريم >>>>قلبه متروسة خخخخ

 

[لمى الهاجري]

حقوق زوجية اه اه احين الاهل ما يعطون البنت حقها ويرفضون تزوج وبعضهم يرفضون اتوظف انا مو متزوجة وهلي رافضين اتزوج مع انه من حقي حسبي الله ونعم الوكيل

 

[أنهار الكويت]

^^^^
مالوم اهلج

لان كبين من ردووودج عقلج هلى قدج

مبين انج ياااهل حتى لو كبيره بالعمر

بس عقلج!!!


فليش يزوجونج ويبلشون الريال .. وعقب يردج لهم ويبتلشون اهم فيج

 

[لمى الهاجري]

لا مو ياهل بس جد ليش يمنعوني اتزوج

 

[صمت المرافئ]

^
^
^
^
يا رب حنن قلب أهلها عليها
عسى الله يرزقج بالزوج الصالح
ويوفقج
آميييييين
​