لاتسكتين عن حقوقج الزوجيه ..!!

[ناتشوو]

طيب والي عندها مدخول شهري خاص فيها وبطاقتها الصراف مع زوجها يسحب متى ما احتااج اخذها على اساسانه محتاج وهي عروووس توها كيف تتصرف معه

يستئذن منج؟ تحسينه منحرج من سالفة الفلوس لي اخذها ولا ماخذ راحته؟
من متى عنده؟
اخذيها
بكل ادب
ابي بطاقتي
انت مو مسؤولة عنه ماديا
لا يستغلج
وبصراحة انا دايما اقدس العلاقة الزوجية
حتى اللي يخربط ممكن اقول الله يحاسبه
بس يناشبني ع البطاقة ولا يترفع عن مد ايده لزوجته ع اي شي
لا
واللي يساوم زوجته ويقول الطلاق ولا البطاقة
ماعليه حسوفة

 

[Patcholli]

اللي يحروني صج بعض الريايل الي يطبقون نظام خذوهم بالصيحه ..!!

لما مرته تطلب منه ابسط الحقوق يصرخ ويسويها قيامه على راسها وبالاساس ماكو شي ..!!

بس اللي يحرني اكثر لما المره تصير جبانه وتعتذر وتطلع روحها اهي الغلطانه بس عشان حضرته لا يزعل ..!!

طالما انج ماغلطتي واهو قاعد يتسبب خل يزعل ..

بعض الاحيان المشاكل والزعل يكون له فايده طبعا مو على الامور التافهه

بس لما يكون موضوع كبير ومصيري لج حق تزعلين مو اهو الي يعصب ويقلبها عليج عشان تسكتين وتعتذرين عن شي انتي ماغلطتي فيه ..!!


للاسف يمكن البعض مايحسون بهالمشكله خاصه لما تكون بنيه صغيره وشابه لي لما عمرها يمشي مع هالانسان على هالنمط وعلى هالطريقه وعقب ماتكبر وتشيب وياكل عليها الدهر ويشرب يتتحسف وتندم وتقول انا الي وصلته لي هالمرحله لو من الاول حاطه حدود جان ماوصلت لي هالمواصيل

حرام والله

 

[انثى عاشقة]

السبب في اغلب هالمشاكل خصوصا المادية
ان البنات مدللات في بيت اهاليهم
مايحتاجون يطلبون
كل شي ملبى واحلى بعد
تتزوج واحد يطلع عينها ع المصرف وع كل شي
وهي من طبعها مو متعودة تطلب
وهذا غلط متى ماحست ان ابو الشباب قاعد يشيل ايده
تلمح وتصرح وتسوي كل شي يضمن لها حقها
سبحان الله الدكتورة ناعمة الهاشمي دايما تقول
الي ما تطلب من زوجها ولا تكلفه يصرف عليها
طبيعي يدور وحدة ثانية يصرف عليها
لان الرجال يحب يحس برجولته وانه مسؤول ويصرف
حتى لو بين العكسس
​

 

[مولاي الفرج]

انا من النوع الحياوي

من بيت اهلي ما اطلب استحي

موقادره اغير هالطبع

واكثر شي اشتري من اعانتي



بس اهو يعطيني لما يحس اني محتاجه لان يدري بطبعي

 

[RoWaIsHeDyA]

انا مو متزوجه بس نفسج اشوف وايد حالات احسها مستعصيه وماتدرين الغلط ابتدى من وين ,, انا معااااااااااااااااااااااااااااااااااااااااااااااااااااااااااااااااااااج قلبا وقالبا بهالموضوع ,, احس ان الوحده لي بتدت تتنازل وايد في سبيل انها تخلي زوجها معاها ويحبها اكثر ويقدرها اكثر وعلشان لايشوف غيرها ويحط فيها العيبه تبتدي تتنازل عن نفسها وعلى ماتستوعب انها خسرت نفسها وان الي صار بالعكس الا يكون الوقت خلص وفاتها وايد اشياء ’,’ عموما عسى الله يهدي الرياييل والحريم مع بعض ويعقلهم يارب
مشكوره على الطرح الحلو حسيتج تكلمتي من القلب

 

[moon 15]

اختي ناتشو بصراحه احسه ينحرج وكل مرره يعتذر ويقولي بردها وانا عااادي ماهمتني الفلوس بس المبداء وللامانه مااقصر معي بشي بس مو عارفه ايش الصح توني تناقشت معه على اساس بشتري جواال جديد وردها بس للحين افكررر كيف اتصرف المرات الجايه بذات انو توني استحي منه ولا ابي يحس اني ميته على الفلوس ولا ابيه ياخذ حقي كيف اكون موازنه بين الشيين

 

[ناتشوو]

شنو ميتة ع الفلوس ولا هامتج
هذي فلوسج
ومو مسؤوليتج الصرف ع البيت
خليها معاج وقولي اذا طلبها
انج ماتبين اللي خذاهم قبل بس مو حابة انه يصرف
لانج تبينهم
والله انا ليش اقول لج هالشي
لاني توني متأثرة من سالفة وحدة
تاثرت حيل سلبيا من صرفها الزايد ومشاركتها
الصرف ع البيت بزووود
بغيت اكتب السالفه وهونت لانها خاصة المهم
طبعا ليش وصلت للمرحلة هذي
الكرم اللي مو في محله
تنازلات ماكانت مضطرة لها
تستحي تطالبه يصرف ويقوم بدوره
انا اقول من البداية وقفي هالشي
وارتاحي
عسى الله يسخره لج يارب
واذا ماعنده لا تضغطين عليه بالطلبات
بس مو لدرجة تصرفين عنه
لانه بيتساهل واذا بيتسلف
هذا دور اخوانه وربعه مو الزوجة
خاصة انكم معاريس لاعشرة ولا عيال
الزوجة خاصة في البدايات دورها تكون انثى وبس

 

[Patcholli]

السبب في اغلب هالمشاكل خصوصا المادية

ان البنات مدللات في بيت اهاليهم
مايحتاجون يطلبون
كل شي ملبى واحلى بعد
تتزوج واحد يطلع عينها ع المصرف وع كل شي
وهي من طبعها مو متعودة تطلب
وهذا غلط متى ماحست ان ابو الشباب قاعد يشيل ايده
تلمح وتصرح وتسوي كل شي يضمن لها حقها
سبحان الله الدكتورة ناعمة الهاشمي دايما تقول
الي ما تطلب من زوجها ولا تكلفه يصرف عليها
طبيعي يدور وحدة ثانية يصرف عليها
لان الرجال يحب يحس برجولته وانه مسؤول ويصرف
حتى لو بين العكسس ​

معاج حق والله انوث كلامج درر :*
وغير جذي البنت تكون مو حابه تبينله انها ماديه او اتحسسه انها طمعانه وميته عالفلوس ومو شايفه خير
عشان جذي نقول خلي مهله اول الزواج شهرين ثلاث وشوفي ماية الريال
اذا شفتيه اهو مايستحي وناوي ياخذ حقوقه كامله وانتي حتى مصرف مايحط بيدج اهني تكلمي
ولاتقولين ماتهمني الفلوس
اهي مو سالفة اهميه اغلبنا موظفات وتمشيلنا معاشات
بس الوحده تحب تحس انها تحت ظل ريال شايلها ومدللها ومو مقصر معاها بشي
مو حلوه ريال بخيل ..
هذا المبدأ الي احنا نتكلم عنه السالفه مو سالفة فلوس كثر ماهي سالفة مبدأ وحق شرعي للزوجه

 

[Patcholli]

انا من النوع الحياوي

من بيت اهلي ما اطلب استحي

موقادره اغير هالطبع

واكثر شي اشتري من اعانتي



بس اهو يعطيني لما يحس اني محتاجه لان يدري بطبعي

مدام ريلج مايقصر مو مشكله مع ان احسن يخليلج مدخول شهري خاص فيج احسن ماينطر تلميحات واحراجات خاصه انج حياويه ومو كل مره تقولينله ابي .. حاولي بطريقة لطيفه توصلينله هالمعلومه حبيبتي ولاتستحين ليش تستحين اهو لو يبي حقوقه بيستحي منج او بيستأذن ؟؟

المشكله باللي مايعطي مصرف ولي احتاجت مرته 10 دنانير يقولها ماعندي
واهو ماعليه قاصر لا قرض ولا عمات عين
اهني صج الوحده تحتر

 

[Patcholli]

الزوج اللي مايستحي من زوجتها ولا يستحي على ويهه وماينعطى ويه مو مال الوحده تستحي منه ^_^

اهو ياخذ حقوقه كامله مكلمه والزوجه تنحرم من ابسط شي من حقوقها ؟؟

ليش ؟؟ وين العدل ؟؟

 

[Patcholli]

انا مو متزوجه بس نفسج اشوف وايد حالات احسها مستعصيه وماتدرين الغلط ابتدى من وين ,, انا معااااااااااااااااااااااااااااااااااااااااااااااااااااااااااااااااااااج قلبا وقالبا بهالموضوع ,, احس ان الوحده لي بتدت تتنازل وايد في سبيل انها تخلي زوجها معاها ويحبها اكثر ويقدرها اكثر وعلشان لايشوف غيرها ويحط فيها العيبه تبتدي تتنازل عن نفسها وعلى ماتستوعب انها خسرت نفسها وان الي صار بالعكس الا يكون الوقت خلص وفاتها وايد اشياء ’,’ عموما عسى الله يهدي الرياييل والحريم مع بعض ويعقلهم يارب
مشكوره على الطرح الحلو حسيتج تكلمتي من القلب

عليج نور ماشاء الله تبارك الرحمن فاهمه وعاقله وأأيدج بكل كلمه قلتيها

مسكينه المره تتنازل وحسبالها قاعده تكبر بعينه ماتدري ان بعض الرياييل كل ما المره تنازلت يقول هاذي ضعيفه وماهي ماتستاهل وهاذي اي شي يرضيها حتى مايتعب روحه ولا يكلف على نفسه بشي عشانها والسبب انها تنازلت من البدايه وقالت مايهمني ..!!
اوكي ماتهمج الماديات بس مايهمج ان ريلج فيه شي ناقص ؟؟
الصراحه اللي مايصرف على زوجته اعتبره من اشباه الرجال اتكلم عن الميسور والقادر ماتكلم عن الي عنده ظروف طبعا
اكره البخل

 

[مولاي الفرج]

عدل كلامج الله يهديهم

 

[!! دلوعته !!]

كلامج عييييييييييييين العقل

 

[قموووره]

ياااااااااااااااا بعد شبدي والله كلامج عين العقل اتمنى ريلي يقراه
انا من تزوجت وهو يقولي ماعندي واذا بسافر اسافر بفلوسي لان ماعنده وهو يخش من وراي حق سفرة ربعه يا مال الفقر الي يفقره​

 

[brave hrt]

احيانا تكون الزوجة ماعندها خيار فهي اما تعيش معاه هكذا اوتترمي مع عيالها ف الشارع في ناس فعلا حالتهم ماساويه

 

[moon 15]

ناتشووو والله معك حق الله يسهل يارب

 

[شذونه]

حبيبتي موضوعك بيقتح مشاكل وابواب مسكره
مثلا وحده من تزوجت سكتت عن حقوقهاا وانطمت وزوجها مانعهاا من الترفييه والنعييم وطبعا اهي ساكته وبس قرت موضوعك

راحت وحطت راسها برااسه يمكن تطلع بششي
اهو بيرد لها الصاع صاعين
اول شي مراح تسلم من هوشته وصوته العالي ومايحتاج ايش يصير بعد كذا بيهجرها وبيطنشهاا
واهي بتجلس تاكل بعمرهاا كيف اراضيه واذا راضت بتصغر اكثر واكثر قدامه واذا سكتت الهم والوسواس بياكلهاا

ثاني شي اذا زادت جرعه الهووشه بيقول بيت اهلك تدلينه وبتاخذ عيالهاا وبتروح هناك

يوم يومين تاالي اهلها بيتحملونهاا خصوصا فيه اهل البنت المطلقه او المنحاش من زوجها تنكد عيشتهاا وتنحر بلبيت

وقتها شبتسوي البنت بيت اهلها وعيالهاا معهاا مين بيتحمل المسؤؤليه
بتقولين ملزوم فيهاا بلعكس بيطنشها اكثر وبتركض اكثررر

الخلاصه فيه حريم سكتن من اول ماتزوجن والرجال المسيطر فاقولها تستكت وتبلع االعاافيه

خااااصة خااصه اذا كانت عاارفه ردة فعل زوجهاا وقساوته

فترضى بلي عندها وتفوض امرهاا لربهااا

يعني موضوعك بيفيد ناس للي توهم متزوجين ويمكن يخرب ع ناس رضت بلقيليل من سنين
وتحيااتي

 

[دانة_ دبي]

ريلج ع ما تعودينه
ذكرتيني اول ما ملجت كنت دايما ايلس معاه ف ميلسنا لين ما ربيعتي قالت لا تعودين ريلج ع يلسة البيت حتى لو انتي مالجة

بعدها حاولت اغيره كل اسبوع لازم نطلع يعني مرة وحدة سينما او مول او اي شي لو حتى لفة ع البحر او اخذ لي عصير او شاهي
كل شي بالتعود عودتيييه ع شي بدون ما تجبرييينه بيسويه و بيكون رووتين عنده هذا من ناحية الطلعات ؟؟


حتى الفلوس انا مرات انسى نفسي و اعانده و اقول انا بدفع خاصة لو اشتر لي ملابس او شنطة
وهذا اكبر غلط خلي الريال ع راحته و خليه يدفع لج حتى لو انتي تشتغلين لو قادر يعني لا تبينين العكس حتى صورته يدام الناس مو حلوة انتي تدفعييين ولا اطلعييين شي من جيبج و وقفي وراه و هو ف ويه المدفع يدام الكاشير خخخخ

انا جربت ها الطرق وااااااااايد نفعتني من اول ما ملجت لين يومكم و ارتحت وااايد و حتى بها الطريقة انا اوووفر اكثر و احط الفلوس ع صووب و بهاي الفلوس اسوي مفاجئات له و هدايا


اما من ناحية البيت او امور البيت طالبي بحقوقج اثاث يديد لو انتي عروس باب منفصل لا تقولين حرام وما عنده في حقوق بسيطة لو تنازلتي عنها بيظن ان عادي عندج ولا تفرق وياج طالبي بس بطريقة حلوة

 

[جـــواهر]

طبعااا مثل ماااقلتي الغلط من الزوجه
اللي تتنازل عن حقوقها

 

[Patcholli]

حياكم الله حبيباتي

اختي العزيزه الي تقول موضوعي بيفتح مشاكل

لما المره تطالب بحقوقها تكون مشاكل ؟؟

ولما تنحرم من ابسط الاشياء المشروعه لها بالدين والقانون ويضيع عمرها بالنقص والحرمان والحسره وتشوف غيرها عايشين احلى عيشه واهي عايشه مثل الخدامه وكارهه حياتها مع هالانسان الظالم اهني ماتكون مشكله ؟؟

والله اعرف وحده ريلها فلوس فلوس تبارك الرحمن

مسافر طول السنه اتخيلو لا مخليها تشتغل ولا حاطلها سياره ولا حاطلها خدامه
اتروح الجمعيه مشي ..!! وتشيل الجياس اهي وبناتها ..!!
ومره طاحت غشيانه بالشارع والناس شالوها والريال ولا همه ولا دري عنها
واهي بعطمة لسانها تقول انا الي خليته يتمادى الحين عقب 20 سنه زواج اشلون اسنعه ..!!

هذا مو حرام ؟؟