لاتسكتين عن حقوقج الزوجيه ..!!

[pink vanilla]

الله يعينااا عليهم والله


ياااارب ازواجنا يقووولوون بنااا


ّ|:wqedqw:| ّ

 

[أجمل إنسـآنـه ~]

أمممممممممممبييييييييييييييييه جمم عمممممممرج جممممم ؟؟؟؟؟؟؟؟؟!!!!


16 سسسسسسسسسنه !!! موجنج صغيره ههههههههههههههههه

آانا عمممري 16 سسسنه ترررررررى هههههههههه لاحقه لاحقه

وانا اقول شفيهم رفيجااااااااااااتي كل وحده تقول بتزوووووووووج زوجوني بنحاش من بيتنا ههههههههههههههه

الله يوووووووفقج ياااااااااااااا حياااااااااااااااااااااااااتتتتتتتتتتتتتتي ومبرووووووك مقدماااا :eh_s(21):

ويعطييج العافيه صاحبة الموووضوووع :eh_s(8):

ههههههههههههه اي والله عمري 16 ,~< ماشاءالله هههههههه,~><؛

ااميين يارب ويبارك فيج وعقبالج~,,.!

 

[Patcholli]

حلاه الكون

شنو السبب اللي ريلج مايجيب الا النكد
مدام انه يطلعج يعني في امل المفروض ماتتنازلين عن حقج بالطلعه وتختارين الحل السهل انج ماتطلعين معاه وكله ويا اهلج
لا المفروض حتى لو يحاول ينكد انتي تسكتين وتلطفين الجو لاتعطينه مجال يمسك عليج ممسك ويحسسج ان طلعتكم ويا بعض مو حلوه
صدقيني لو سكتي مره ومرتين وبالعكس خليتي الجو فرفوشي وسوالف حلوه وغشمره راح يحب الطلعه معاج
الحين لازم تحاولين تجذبينه للطلعه معاج
واهم شي لما يحاول ينكد او يطنقر انتي رخي وظحكي وتغشمري طول ما انتي قاعده معاه بالسياره مسكي ايده وقوليله كلام حلو ترى هالطرق ساعات تكون احسن من التفاهم بعض الرياييل يعتبر التفاهم هجوم عليه

---------------

perfume
اي والله وايد زوجات جذي لما تنصحينها تحط فبالها انج بتخربين بيتها
وبنفس الوقت اهي من داخلها ودها بس تخاف من ريلها ومن ردة فعله لان يمكن يسويلها زمبليطه ويعفسها بس المره لازم تكون قويه ماتتنازل حتى لو عصب اهي مو غلطانه عشان تخاف ..!!!
مشكله لما الزوجه تكون صعيفه وجبانه طالما ان الحق معاي ما اخاف ولا اتنازل عنه انا مو خادمه شاريني بفلوسه انا زوجته ام عياله شريكة حياته
--------------------
gifts&occaions
لا حياتي مو مسلسلات انا اعرف وايد بنات جذي وحتى ارفيجتي قريبه مني حيل تعاني من هالمشكله
تقوله سفرني يعصب ويقولها ماعندي بالسنه اقل شي يسافر 3 مرات ويا ربعه ..!!!!

------------------------
غلاي رورو
حياتي ليش اخاف ..؟؟
اذا انتي مو غلطانه والحق معاج ليش تخافين ..!!
اهو المفروض يخاف ويستحي من نظرة الناس حقه لما يعرف انه ماخذ بنتهم ومبهذلها
مثل ما الزوجه معطته حقوقها لازم بالمقابل اهو مايقصر
مايصير اهي تعطي وتضحي واهي عايش بعالم ثاني
رورو اهم شي يكون اسلوب الحوار بينكم عقلاني وتتكلمين بمنطق ويعرف ريلج انج انسانه واعيه ومخج كبير وتفهمين كلشي
صدقيني هالشي بيجذب زوجج حقج وبتكبرين بعينه ماراح يشوفج نظرة الانسانه الظعيفه الغبيه
بيشوفج انسانه رزينه وعاقله
وغصبن عليه بيعطيج حقوقج كامله بدون تقصير

----------------------
أجمل انسانه
ديري بالج تحسسين الريال انه بسجن ..!!
او تقولينله لاتطلع
هالشي غلط
حطي فبالج انج متزوجه ريال مو ياهل
ولاتحسسينه ان مخج صغير وتغارين بدون سبب وتزعلين وليش تاخرت وليش طولت
خليه يطلع مع ربعه اشفيها يعني ؟؟
لازم يكون في ثقه بينكم
ولازم يكون في احترام
لاتحاولين تلعبين دور الريال
الحرمه اهي الي تستأذن للطلعه
والريال اذا عطاج خبر فهذا ذوق منه وتقدير حقج غير جذي مايحقلج تقولينله لاتروح
خليه يروح خليه يحس انج انسانه ناضجه
لاتحسسينه انج ياهل وتحاولين تتحكمين فيه ترى الرياييل مايحبون جذي كلش
بالعكس خليه مرتاح وخليه يحس بالحريه
لاتخلينه يلعن الساعه الي تزوج فيها
انا عمري ماقلت حق زووجي لاتروح بالعكس لما يقولي بروح المكان الفلاني اقوله اوكي دير بالك على عمرك
وهالشي مكبرني بعينه يقول استغرب لما كنت اسمع عن الرياييل ان الزواج سجن ولايعه جبودهم من حريمهم ويبون النحشه
خليه مرتاحه معاج ترى هالشي يحببه فيج اكثر
بالنسبه لرفيجاتج انتي لازم تفهمينه انج انسانه تحبين توجبين ولازم تعلمينه ان رفيجاتج اهم بحسبة خواتج مثل ما انتي ماتتخلين عن خواتج مستحيل تتخلين عنهم
وانتي بنفس الوقت لاتمصخينها وتنسين بيتج وتلهين ويا ارفيجاتج
ودايما خلي بيتج وزوجج خط احمر خاصه انج عروس والرفيجات يحوشهم فضول لاتعلمين احد عن الامور الي تدور بيتكم حتى لو كانت سالفه عادي ماله داعي احد يتدخل او يعطيج راي ويأثر عليج ^_^

------------------------

الشوق يجيبك؟؟
ليش مسكينه ..!!
ليش قليلة حيله ..!!
رب العالمين يقول بالقرىن ان كيدهن عظيم
المره مو مسكينه المره قويه وكافي ان الريال بدون مره يضيع
لو امج تطلع من البيت يوم واحد ابوج يقدر يدير البيت والعيال بدونها ؟؟
لا
بس بعض الحريم اهم يعيشون روحهم دور الضحيه
زوجج نوعه ياخذج بالصيحه والصراخ ويعفسج عشان يضيع السالفه الاساسيه
وهالشي غلط اغلب الزوجات تضيع حقوقهم من هالطبع
لي واجهت يعلي الصوت ويصرخ ويزعل ويطلع عشان ينحاش من الواقع ويخليها اهي تاكل بروحها واعليا
من رايي دام اني مو غلطانه اخليه يزعل
وانتي الي لازم تزعلين مو اهو
انا ما اشيشج بس لي شفتي روحج مو غلطانه لاتخافين من النتيجه ..!!

-------------------------
مكتومه فديتج :* تو مانور الموضوع والله
معاج 100%
مو لازم اكون جاريه ومالي حس عشان اصير انسانه صالحه
وشفايدة اني اكون زينه وحلوه بعينه واهو مو معطيني اقل شي من حقوقي؟؟
اهلك روحي عشانه وبالمقابل اهو مايدري عني ..!!

------------------

ناتشو
كلامج سليم 100%
في شغلات تقدر المره تتنازل عنها بشكل مو مباشر وهالشي مايضر
بس في اشياء تعتبر من الاساسيات ماينسكت ولا يتنازل عنها
وعلى طاري الي تاخذ قرض
للاسف بعض الحريم من كثر ماهي مغفله ودها ترضى الزوج باي طريقه
اوكي ارضي زوجج هذا امر ربج بس بحدود المعقول
لاتخلين زوجج اهو المحور الوحيد بحياتج
عندج اهل عندج ارفيجات عند خواتج عندج حياة اجتماعيه عندج حقوق
لا تتنازلين عنها بس عشان ريل ..!!
وبعد مايضيع عمرها تنصدم ان هالاشياء ماكانت الا استغلال من الزوج لا حبها ولا قربت منه
اصلا الي يحب زوجتها مايسوي هالسواة يحط على جبدها قروض واهو مو محتاج
-----------------------

miss smart
عليييييييييييييج نور ..!!
بعض الحريم حسبالهم اذا سوت روحها غبيه وغشيمه وعليميه الريال بيحبها وبتكبر بعينه مايدري ان هالشي بيخليه يقدملها ابسط البسيط لان خذا عنها فكره ان هذا مستواها وهاذي حدودها يمكن حتى ابسط الاشياء يستكثرها عليها ..!!!!
----------------------
قصاصة ورق
كلشي بالذكاء ومعرفة نقطة ضعف الريال ينحل
صدقيني
يمكن بعض الحريم لي عصبو مالهم غير الصراخ والنياح
بس في اساليب غير تقدرين توصلين للتبينه من خلالها
هم شي تعرفين مزاج ريلج ونقطة ضعفه وتمسكينها عليه

--------------------------
صلوا ع الرسول
اللهم صل وسلم عليه
معاج حق غلاتي اهي الي راح تاكلها وتصير حياتها جحيم يمكن تتحمل سنه سنتين ثلاث اربع عشر سنين بس مردها بتتعب وبتشوف ان حياتها ضاعت واهي السبب
------------------
شادن
يامرحب
:** تو مانور الموضوع
اي افا عليج تجاربي بعنتر علمتني وايد اشياء لوول

----------------------
ديانا سبنسر
صدقيني بالدعاء وبالاراده وبقوة الشخصيه كلشي ينحل
الضعف مايفيد ^_^
​

​

 

[أجمل إنسـآنـه ~]

يابعدي تسللممين والله ..>><<..,~> فديتج واللـه ~><؛@

 

[مـآلي شبيه~]

لااااازم كل مرا تستخدم دهاء النساء من بداية حياتها الزوجية ..~

 

[ماركة انثى‘]

عقلج يوزن ذهب تبارك الرحمن عليج و معاج حق ,,,

 

[F.A]

ما أقدر أقول لكم بعد18 سنه زواج ماشاء الله الا
ريلج علي ما عودتيه

وولدج علي ماربيتيه

 

[جوري 2007]

كلامج عين العقل

 

[simply unique]

معاج بس المشكلة مو سهل التعامل مع كل الرياييل
في منهم يفرضون نفسهم من البداية لما المرة توها يا دوب تستحي من الريال..
خاصة من الناحية المادية احس وحدة مثلي ما تعودت في بيت ابوي اطلب الحمدلله كل شي موفر
فصعب اطلب فلوس بصراحة ولا افرض رايي ..

 

[popa]

عين العقل

 

[[ نور عيني ]]

يعطيج العافيه

 

[cute_pharmacist]

ليش يعني يعطيني 50 اطر منه انا مثلا ؟؟ ماكو ريال بالكويت متزوج معاشه اقل من الف واخر شي يعطيني خمسين حتا لو كنت اشتغل غصبن عنه مو بكيفه يريحني يسفرني

المشكله انه احنا نتزوج وماندري شنو حقوقنا ونستحي نطلبها

عاد انا ما استحي اقوله ابي فلوس كيفه يفكر الي يفكره

 

[بنات حواء2]

هذا النوع من الذكور مريض نفسي

 

[Patcholli]

ليش يعني يعطيني 50 اطر منه انا مثلا ؟؟ ماكو ريال بالكويت متزوج معاشه اقل من الف واخر شي يعطيني خمسين حتا لو كنت اشتغل غصبن عنه مو بكيفه يريحني يسفرني

المشكله انه احنا نتزوج وماندري شنو حقوقنا ونستحي نطلبها

عاد انا ما استحي اقوله ابي فلوس كيفه يفكر الي يفكره

اي والله يا كيوت اعرف وحده حتى ال 10 ساعات تحتاج يذلها ويقولها ماعندي اتخيلي

انتي تقولين اطر منه اهي راضيه تقول بس ابي احس انه عندي ريال يصرف علي حتى ال 50 ماتشمها منه ..!!

واهو على قولتج معاشه فوق الالف وماعليه قروض بس حسبي الله عليهم محزرين على حريمهم ويقطون على ربعهم ووناستهم ..!!

اهني الوحده لازم ماتسكت وماتستحي خاصه اذا الريال مو محتاج وماعليه قاصر

 

[متوترة]

الله يعين الجميع يارب
وهالنوعيه لازم بالسياسه تنأخذ والشي الي تبينه لازم تلمحين قبله
وبعدين تشوفين قراره وتستغلينه بوقت ماهو مستانس وتقولين متى نروح للمكان الفلاني
بس عندي مشكله وماهي مشكله الحين زوجي لوبغيت شي يعطيني بس ودي بمصروف شهري
عشان يتعود شلون ابي طريقه حلوه هو صح حبوب وكريم بس ودي بمصروف شهري لاني اخاف بكرا
لاجبت له عيال بيقول يالله اصرف على عيالج ف ابي اعوده من الحين ع المصروف حقي شلون
وومشكورررات ياقمرات .

 

[Patcholli]

^^

قوليله متوتره

قوليله حبيبي ودي لو تعطيني مصرف شهري احسن ماكل يومين اقولك ابي وساعات ابي واتوهق اتكون موجود او جذي

خليه يحولج مبلغ كل شهر بحسابج احسن ماكليومين يعطيج واريح وساعات مو ساحب وساعات تبين ومتوهقه واهو مو موجود

انتي قوليله بهالطريقه من باب انج تتوهقين ساعات وهالطريقه اريح

 

[moon 15]

طيب والي عندها مدخول شهري خاص فيها وبطاقتها الصراف مع زوجها يسحب متى ما احتااج اخذها على اساسانه محتاج وهي عروووس توها كيف تتصرف معه

 

[moon 15]

بليزززز ابي رد عقلاني

 

[om MaRyooM]

حياتي فديت مواظيعج وايد احبها .. واحبج انتي بعد


المهم
انا نفسج وايد استغرب
بس اكتشفت ان الناس اطباع .. وكل وحدة لها اسبابها سبحان الله

 

[مضاويـ]

والله المرة مسكينه وقليلة حيله​

رغم ان شخصيتي قويه ولي وجودي في اي مكان اكون فيه
وغير كذا مااتنازل عن حقوقي​

الا اني مااقدر على زوجي
وكل شي أخذة بالحسرة وعقب ماتطلع عيني
ويزعل على اتفه شي وحقووووووووووود ماينسى
وإذا زعل علي أصير أنا والجدار واحد يروح ويجي وينام وياكل ولاكنه أحد موجود اسبوع اسبوعين وكله بسبة ليش قلتي وليش ماقلتي
اووووووف نكد وده يسولي رموت ويحركني زي مايبي
وفي الاخير ارضى بالواقع واغلط نفسي ابغى اعيش
الله لايبلاك بذي النوعيه​

مايقدر عليها الا ربها​

والله خنقتني العبررررررررررررررررررررررره

انتي مثل حالتي بالظبط

اغلط نفسي واااايد عشان بس تمشي الحياه لأنه نقعد بالاسابيع ما نكلم بعض و هو نظامه يكاااابر :eh_s(2):

بس اخر فتره قمت احقره ولا يهمني اراضيه لاني زهقت ابي اعيش العمر مره ليش اعيشه بنكد و ارضاء الغير ؟؟؟

برضي نفسي و بعيش لنفسي و اي انا انانيه لو هالانانيه بتسعدني بتفخر فيها