[لاتمثلين احتياجج لي وانتي بحضن غيري مقزرتها ] بقلمي .,

[شقآوه أنثى]

عفوآ !!
بخصوص انج علقتينا ونسينا الآحدآث ؟؟؟

زهور لو عندج ظروف او مو تبين تكملين .... كتبي لنا انه عندج ظرف بسسس لآ تعلقينا جي ترا والله قهههههر

 

[زهراء*]

سامحوني على الغيبة الطويلة .., :$

أنشاءالله بعد شوي راجعه لكم بقوة في بارت يديد .., :$

نطوروني ..,

>><

بنات أنا زعلانة من بعضعكم على الكلام الي يقطونة .,
أنا موقصدي أعلقكم ,’

بس لو أنتوا بمكاني راح تعرفون ليش غبت هالفترة الطوويلة ..,

أنا مو قاعد ألعب ., بس عندي مسؤوليات وأولوات أهم من الرواية وأسمحولي على هالكلمة ..,

بس عن جد .., قاعد توصلني رسايل من بعضكم يهاجموني لاني مانزلت بارت وهالكلام قاعد يجرحني شوي .,,

وأنا ماقصد شي معين ترى والله كلكم على عيني وعلا راسي ومكشورين على المتابعه بس الغايب حجتة معااه .,

وسامحوني مرة ثانية على القصووور

 

[A7laa kuwaitia]

وااوو انا اقوول نوور المنتدى
يلاا ناطرينج زهوور

 

[أنا دلوعه]

ماا حصل منج قصوؤر << زوزو
تو ماآآ نوؤر المنتدى بررجعتج
وناآآطررينج ع أحرر من الجمرر << قلبووؤؤ ~~

 

[زهراء*]

البارت الثالث والخمسون:$:$​

..​

لوس أنجيلوس ​

هوازن ( اليوم كان يوم مميز مستحيل أنسى تفاصيلة .. جاسم حقق لي كل شي كنت أتمناه باللحظة الي سألني فيها .. طلب مني نروح نسكن بفنق قريب لانة تعبان شوي ويوم دخلت غرفتي ولا أشف جوها جو ثاني .. الشموع بكل صوب بروايحها المختلفة .. والموسيقى الهادية .. وصوت الماي والعصافير .. كان جو مو طبيعي جو ريلاكس .. وبعد ماخلصت جلسة المساج خذاني حق صالة ثانية وكان فيها حوض سباحة .. على طول بدون تفكير طبيت بالحوض وحسيت صج أني أنسانة ثانية .. حسيت بهدوء الجو واللحظة الي كنت فيها أنا وجاسم .. )​

جاسم : ههههه .. شرايج بهالمفاجأة​

هوازن : مادري شقولك جاسم .. لساني أنربط والله مو عارفة شقول ​

جاسم : حبيبتي .. تستاهلين أكثر .. هاذا قليل بحقج أصلن​

هوازن : جاسم حياتي تعال طب معاي الحوض ​

جاسم : لا لا .. تدرين انا ماحب أحواض السباحة​

هوازن : أممم أنزين عيل تعال قرب شوي بقولك شي ​

( يوم قرب جاسم مني ولا أتلة من ملابسة وأغطسة بالحوض وياي .. هههه لاتشوفون شكلة والله فصلت عليه .. وتمينة تقريبا بالحوض ساعة .. وبعدها يوم طلعنا من الحوض جاسم حبيبي مجهز العشى بالظبط نفس الأمنية الي تمنيتها .. الحمدالله رب العالمين .. الله كتب لي عمر ثاني مع جاسم .. وأخر خطوة من أمنيتي رحنا البحر وقعدنا تحت النجووم وسهرنا لين طلعت الشمس وماوعيت ألا وانا نايمة بحضن جاسم .. )​

جاسم يمسح على شعر هوازن : هوزان .. حياتي هوازن ​

هوازن : هه .. هلا جاسم ... الساعه جم ​

جاسم : الساعه 6 الصبح​

هوازن : وييه ليش ماقعدتني عشان نرجع المستشفى حق جراح .. ​

جاسم : قلت أخليج تنامين شوي .. وبعدين شكلج عاجبني وأنتي نايمة .. مثل الملاك ..​

هوازن : ههههه .. يعني ماطقيتها شخري ​

جاسم : لا تطمني ههههه​

هوازن : الحمدالله ههههههه​

............................................................................................................................​

( بيت أشواق )​

أشواق ( وانا بغرفتي حاطة راسي على المخدة تذكرت أبوي .. قعدت أبجي على الي صار .. حيل فاقدتة .. حيل حيل مو شوية .. قررت أني أزورة بالسجن .. بس ماني قايلة حق أمي لانة هالموضوع حساس شوي بالنسبة لها .. أممم طبعا لاتسألوني ليش .. بس مالقيت غير عادل أطلب منة يوديني حق أبوي .. دقيت عليه وطلب مني اتجهز .. لبست نفنوف طويل وفيوقة جيليه طويل وشعري ربطتة ذيل حصان .. ويوم طلعت من غرفتي أمي كانت بالصالة .. )​

أم فيصل : يما آآ أشواق وين رايحة​

أشواق : هاا .. أي أنا رايحة أمر رفيجتي دلال ​

أم فيصل : اي دلال ​

أشواق : وحدة من رفيجاتي ماتعرفينها بمر آخذ منها شغلة أرد بسرعه البيت​

أم فيصل : الله وياج يما آآ وديري بالج على روحج .. ​

أشواق : أنشاءالله يما آآ لاتحاتيني ​

..,​

أشواق ( أول ماطلعت من البيت ولا أدق على عادل .., أتفقنا نلتقي بالجمعية عشان أمي لاتشوفة عند باب البيت .., ركبت السيارة وحنا المركزي عشان نشوفة .., ماني قادرة أصبر أكثر .., أول مابشوفة بطيح على ريولة وأقولة يسامحني ., صدقوني لو مهما يصير يتم الأبو أبو .., الأبو عزوة ياناس ., والله عزوة .., وانا منزلة راسي بالأرض ولا أشوف ظل أبوي ., رفعت راسي وشكلة كان حيل تعبان ومنكسر .., قمت على حيلي ولاشعوري ركضت عنده ولميتة بكل قوتي ., وأهو لمني وقعد يبجي )​

أشواق : يبااا .., آآخ يا يباااا .., سامحني .., سامحني يايبا .., ​

بو أشواق : مسمحوحة يبوج وانا عمري ماشلت بقلبي عليج ., أنا السبب بالحالة الي وصلت لها ووصلتج أنتي وأمج لها .,​

أشواق : يباا ., أمي طلعت من السجن ., بو علي تنازل عن القضية وأنحل كل شي .,​

بو أشواق : أم فيصل .., آآخ يا أم فيصل أكيد ألحين انتي شايلة بقلبج عليي ومستحيل تسامحيني ., ​

أشواق : لاتقول جذي يبا ., أمي قلبها طيب وأنت تعرفها عدل ., ​

بو أشواق : الي سويته فيها موشوي .,​

أشواق : الحين لاتكدر روحك ., أنا عندي لك خبر حلو .., والله تمنيت أنك تشاركني فرحتي يايبا ., بس ماعليه ., ​

بو أشواق : فرحيني يا يبا ., من زمان شفايفي ماذاقت طعم السعادة ​

أشواق : يبا أنا أنخطبت وراح أتزوج عن قريب​

بو أشواق ( كسرني هالخبر ., أول مرة أييني هالشعور ., حسيت أني غريب ., حسيت أني صغير ., بنتي بتتزوج وانا مو يمها ., آآخ شعوور صعب ياناس ., شعور صعب ., ماحسيت الا ودمعتي على خدي ., وأيد أشواق الناعمة تمسح على خدي )​

أشواق : لا يبا ., لاتسوي جذي .. ترى الحين أكنسل كل شي وماأتزوج .,​

بو أشواق : موبيدي يبا مو بيدي ., بس أنفعلت شوي .., كبرتي يا يبا ., تمنيت أكون يمج بهاللحظة بس الله كريم ., وأنشااءالله الريال كفو ويستاهلج​

أشواق : علي .., علي ولد ال ....​

بو أشواق بصدمة : ورضوا يعطونج ولدهم .,​

أشواق : يبا أم علي وبو علي مو الي خبرك ., طيحة علي صحتهم وخلتهم يتغيرون 180 درجة​

بو أشواق : اي طيحة .., شصاير​

أشواق : يبا .., علي سوة حادث والحين أهو مشلووول ​

بو أشواق : لاحول ولا قوة الا بالله​

أشواق : بس أنا ماراح أخليه ., راح أوقف معاه لآخر لحظة بعمري ., ​

بو أشواق : كفو عليج يبا ., هاذي تربية ., ( ولا أسكت .., ماقدرت أكملها ., لانه مو هاذي تربيتي ., بنتي أشواق أهي الي ربت نفسها بنفسها )​

أشواق : هاذي تربيتك يبا .., هاذي تربيتك​

.., : أنتهت الزيارة​

أشواق : أنا الحين لازم أروح يبا ., أشوفك عن قريب أنشاءالله​

بو أشواق : أنشاءالله الملتقى عن قريب ​

أشواق ( وانا بطلع أبوي ناظرني بنظرة حيرتي ., ناظرني بنظرة جني ماراح ألتقي فيه مرة ثانية ., وكان متمسك بأيدي حيل .., وبقوة ., مافارق أيدي الا بالغصب ., وآخر كلمة سمعتها يوم طلعت من باب السجن ., أحبج يا يبا .. لاتنسين أبوج بالدعاء ., أدعي أنا الله يفرجها عني ., أدعيلي يا يبا ., أدعيلي .., )​

ودعتك الله يايبا ., ودعتك الله .., أنشاءالله الله يفرجها عنك ., الله يطلعك منها يارب ., الله يطلعك​

.,​

عادل : يلا نمشي ​

أشواق : مشكور عادل ., والله مادري شكنت راح أسوي بدونك ., رايتك بيضة​

عادل : ولو أنا بالشوفة .., شلون الوالد​

أشواق : الحمدالله رب العالمين ​

عادل : الحمدالله والشكر لله .., ​

............................................................................................................................​

( الفنار )​

مشاري : هاا شرايج بالفلم ..,​

لمى : والله حلو ., طلع عندك ذووق حركاات​

مشاري : اي أفاا عليج ., قتلج أخوج مو شوي بالبلد​

لمى : أي والله موشوي ​

مشاري : المهم وين تبين تتعشين الحين​

لمى : أممم كيفك على ذوقك​

مشاري : الصراحه حدي مشتهي بيتزا .., شرايج نروح بيتزا أكسبرس الظاحية​

لمى : خووش شي ., ​

مشاري : عيل فووقة سرينة ​

( شوي ولا يرن فوني )​

أم هوازن : يما مشاري شلوونك .,​

مشاري يأشر حق لمى أنها ماتتكلم : هلا يما آآ هلا بالزين كلة ​

أم هوازن : شلونك يما شخبارك أنشااءالله مرتاح عند أبوك​

مشاري : آخييه عليج يما .. حتى وأنتي مسافرة تحاتيتي .., لاتحاتين يما آآ ( من غير نفس ) : مرتاح اي والله مرتاح ​

أم هوازن : وأختك شلونها ​

مشاري : الحمدالله ., طالعين أنا وياها السينما والحين نبي نتعشى ​

أم هوازن : عليكم بالعافية يما آآ ., وينك قاطع أشوفك رحت عند أبوك ونسيتنا ., ​

مشاري : لا والله يما آآ مانسيتج ., ماعاش من ينساج ., بس تعرفين الشغل بالشركة واللوية بعد​

أم هوازن : اي يازتلك القعده عند أبوك تاكل وتمسح أيدك بالطوفة​

مشاري : لا وين يما .. ماوصلت لهالمرحلة ​

أم هوازن : أتغشمر وياك يما آآ ., أهم شي انك تكون مرتاح ., والله أشتقت لك أنت وأخوك ​

مشاري : متى بتروجعون أنا بعد والله أشتقت لكم حيل​

أم هوازن : اشتقت لي ولا حق قمر ​

مشاري : يما آآ ., لاتتحرشين​

أم هوازن : ماتبي تكلمها ​

مشاري : أهيا يمج .,​

أم هوازن : اي يمي ​

 

[زهراء*]

قمر بصوت خجول وناعم : الووو​

مشاري : هلاا ., هلا بالحب ., هلا بالزين ., ​

قمر : هلا فيك ., ​

مشاري : وينج ., شنو هالغيبة .., جذي تروحين وتخليني بروحي ​

قمر : سامحني مشاري ., بس أنشغلت مع جراح ., جراح أخوي قام بالسلامة ., وأخيرا قام أخوي وراح نرجع الكويت بالسلامة أنشاءالله​

مشاري : حمدالله على سلامتة .., يلة بنشوفج ترى ماصارت ., سافرتي وخذيتي القلب وياج ., يا بوااقة​

قمر : أنا بواقة ., انت الي بقت قلبي باالأول ودشيت فيه بدون أستئذان​

مشاري : أخيييه ., فديت العسل والله ., قمر ​

قمر : هلا ​

مشاري : أحبج ., والله أحبج وأموت فيج ., يلا عاد رجعي لكويت مشتاقلج حدي​

قمر : أنشاءالله عن قريب أنشاءالله​

مشاري : يلا عيل أنا استأذن سلمي على الكل ​

قمر : الله يسلمك​

مشاري : قبل لاتسدينة عطيني بوسة ​

قمر أنحرجت : مشاري ., شنو هالحركات​

مشاري : عطيني بوسة ولا ترى بييج اعظج الحين على خدودج​

قمر : خلاص ., أموااااااح​

مشاري ( حسيت أني ذايب وهايم ) : أخييه والله عذاااب ., متى أحس فيها صج ., متى ​

قمر : مشاري خلاص عاد ., خالتي يمي ., خدودي صارت حمرة الحين تشك فينا ​

مشاري : حبيبتي وكيفي وبالقريب العاجل مرتي وأم عيالي بعد​

قمر : خلاص خلاص ., مو وكت هالكلام لاألحين أصير طمامطة ., يلا عيل أشوفك على خير .,​

مشاري : يلا حياتي مع السلامة​

قمر : الله يسلمك باي باي ​

..,​

لمى : أووه أووه شنو هالحركات ., منو هاذي قمر ​

مشاري : لمى لاتستعبطين تدرين منو قمر ​

لمى : أخييه بس ياريت ألاقي أحد يحبني مثل ماتحب قمر ., بس وين ياحظي وين​

مشاري : أنشاءالله الله يرزقج بريال يحبج ويصونج ., ​

لمى : أنشاءالله .,. أممم مشاري ممكن أسألك سؤال ​

مشاري : سألي ​

لمى : أنت ليش قررت تعيش في بيتنا ومع أبوي عقب كل هلسنين ., عشان فلوسة ولا صج ععشاني ​

مشاري : لمى ., لاتخليني صج ازعل منج ., شوفي أنا بالبداية ماجذب عليج كنت بتمسكن لين أتمكن ., كنت بخله يثق فيني ثقة عميا وبعدها أنتقم منة وأبوقة ., بس يوم شفت معاملتة وياج قررت أني ماأخليج ., أبوج ظالم ., أنتي شلون تحملتي تعيشين معاه طول هلسنين ., ​

لمى : شسوي يامشاري ., أمي ماتبيني تزوجت وخلتني عند أبوي ., وأبوي يطلع حرة أمي ليش خلتة فيني ., وشفت جسمي شلون مطبع ., بنات الكلية بس يسمعون أسم أبوي يشهقون عبالهم أبوي صج ., مايدرون أنا بس رازني بأسمة ., محد يعلم بحالتي قبل لاتدش أنت البيت غير الله ., ​

مشاري : أنا ماراح أخليج ., وأهو لو فيه خير بس يمد أيدة عليج وانا موجود​

لمى : مشكور مشاري ., واللة أني من زمان كنت أحلم أنا يكون عندي أخو يوقف يمي ويكون ظهر لي ., شكثر قصوا عليي بنات أبليس وبقوا يخلوني أدش بالطريج الخطأ بس كنت محافظة على نفسي وصاينتها والله رزقني فيك ., وجودك معاي يحسسني باالأمان مشاري., ​

مشاري : حبيبتي لمى ., ​

لمى : المهم يلا خل نروح نتعشى ., اليوم أنا عازمتك​

مشاري : أوكي وفرتي عليي ​

لمى : ماهقيتك جعص ., الله يعين قمر عليك​

مشاري : ههههه ., لا مو جعص ولا شي ., بس ألي تييلة عزيمة يرفضها غلطان .,​

لمى : يما آآ منك ​

مشاري : عن القرقة الزايدة يلا جدامي المطعم​

لمى : حااظر عمي ​

...........................................................................................................................​

الديوانية​

عمر : أقولك حمد ., ​

حمد : قول ​

عمر : عرفت شلون أنتقم من الكلب مشاري​

حمد : ولييه ., ترى لاعت جبدي من هالموضوع ​

عمر : أنا لمن أكلمك لاتقول لاعت جبدي من الموضوع تحسسني اني جرب قاعد جدامك ​

حمد : سامحني مو قصدي ., قول الي عندك​

عمر : اي جذي أنت مظبوط ., المهم ., الي قتلك عنها قمر ., تذكرها ​

حمد : اي أتذكرها ., الي سافرت وخلتك ​

عمر : بنت الكلب ​

حمد : المهم شفيها ​

عمر : على قولتهم تصير الأخت الشقيقة حق مشاري وحبيبتة ​

حمد : أووف أووف لاتقول ​

عمر : اي ​

حمد : وبعدين​

عمر : وبعدين مع الأيام راح تعرف شنو راح يصير ​

حمد : الله يهديك أنشاءالله ​

عمر : شنو قالولك مينون يمك ​

حمد : أسمحلي بس تقنيا حدك مينون ., تتحدى واحد موكلك تبن ونعال ​

عمر : أنت حمار ., والله الحجي معاك ظايع ., الشرهة علي أنا الي قاعد مجابل يهك​

حمد : ههههه أشطح حبيبي أشطح هههههههههههه هاذا مشاري ., وين بتقدر عليه ., ​

عمر : أنا أشطح يا حنطوور ., أنزين باجر بذكرك ., ​

حمد : توكل على الله بس .. توكل ​

............................................................................................................................​

( بيت أم هوازن )​

ثنيان : فطوم اليوم بالسينما ليش كنتي قاعد تبجين وركضتي عندي ​

فاطمة : لا ولا شي لاتحاتي ., بس تذكرت رفيجتي المرحومة ​

ثنيان : الله يرحمها أنشاءالله​

فاطمة : اي ماقتلك ., وأخيرا علي راح يخطب أشواق ​

ثنيان : صج على البركة ​

فاطمة : الله يبارك فيك ., مابغينا نفرح بأخوي ​

ثنيان : اي والله ., الله يتمم عليهم ​

فاطمة : أنشاءالله ​

ثنيان : والفال لج بعد أنتي تتزوجين ونفتك منج ​

فاطمة : أووه ريض خل أخلص الثانوي أول بعدين يصير خير ​

ثنيان : مابقالج شي خوو ​

فاطمة : سنتين شنو مابقالي شي ​

ثنيان : وانا بعد أدعيلي أنا ورود تكون من نصيبي ​

فاطمة : أنشاءالله تكون من نصيبك .,​

ثنيان : أنشاءالله ياارب ., أوووه نسيت علي يبيني أمرة بيروح الأفينيوز شلون نسيت ., يلا أنا رايح فطوم تبين شي​

فاطمة : لا سلامتك​

............................................................................................................................​

أم علي : ها يما علي أنشاءالله جهزت كل شي ترى باجر بنروح نخطب البنت وانا كلمت أمها ​

علي : اي خلصت كل شغلي ., بس أبي أشتري ساعه قلت حق ثنيان يمرني يوديني الأفينيوز​

أم علي : يما منك بتتكشخ حق أشواق .,​

علي : بعد أذا ماتكشخت حق أشواق بتكشخ حق منو ​

أم علي : هههههه ., كبرت يا عليوي ., أمس كنت أغير حفاظتك وباجر أنت بتغير حفاظة ولدك​

علي بصوت مبحوح : يما أ ., تهقين عقب الحادث في أمل أني ..,​

قاطعته ام علي : أوووش ., شهالكلام يما آآ .. لاتفاول على روحك ., أنت مافيك شي وحالك من حالنا ., شنو هالكلام يما آآ​

علي : يما آآ أنا أحس أني ناقص مو مثل باجي المعاريس ., أحس في شي ناقصني ., ريولي يا يما الي ناقصتني ., بس الله كريم ., وكل شي بهالدنيا وله حكمة​

أم علي : قاعد تعذبني بكلامك يا علي ., قاعد تعذبني ​

علي : سامحيني يما آآ مو قصدي ., ( رن تلفونة ) : يلا عيل أنا نازل ثنيان شكلة وصل لانة عطاني رنة ​

ام علي : الله وياك يما ., وحافظك الله ​

.,​

علي ( كل شي صاير صعب بالنسبة لي ., صعدتي الدري ., لبسي ملابسي .., نزلتي من الدري ., دخلتي الحمام عزكم الله ., بس الشي الوحيد الي مصبرني أشواااق ووجودها معاي ., كل مايحوشني أمر صعب أتذكرها وأتذكر أبسامتها وتنفتح نفسي للحياة وأحس أني أنسان يديد ., الحمدالله على كل حال ., نزلت وساعدني ثنيان أركب السيارة ., )​

 

[زهراء*]

ثنيان : هلا بو حسين ., لايكون تأخرت عليك​

علي : لا من يقول ., وين كنت​

ثنيان : كنت مع فطوم رحنا السينما وبعدها ردينة البيت ., زين تذكرتك وانت ليش مادقيت ذكرتني كنت ناسيك​

علي : قلت يعتمد عليك طلع طل بعينك ., تدري لو ناسيني جان طبيتلك سلايت بالكرسي ., يلا حرك السيارة آخر عمرنا نعتمد على اليهال ​

ثنيان : أفاا بو حسين​

علي : اتغشمر وياك ., ​

ثنيان : حبيييب ., ​

علي : حدي محتار آشتري ساعه فيرزاتشيي ولا ديور ., ​

ثنيان : صاحبي قالي فيرزاتشي منزلين كولكشن يديد ., خلنا نروح ونشوف أنت نظامك ساعاتهم​

علي : تهقة جذي​

ثنيان : اي أهقة ., بعدين أنت كل شي عليك حلو يا حلو .,​

علي : أووه أووه شنو هالكلام الحلو ., شكلة وراك شي ., شنو تبي خلصنا ​

ثنيان : هههههه ., يعني الي يقط كلام حلو لازم وراه شي​

علي : أنت وأخوك مشيري أي ., ​

ثنيان : ههههه ., ماخذ عنا فكرة ., لا يبا مابي منك شي تسلم رايتك بيضة يا بو حسين​

............................................................................................................................​

( شقة عادل )​

عادل توة داش الشقة ولا تستلمة دلال ​

دلال : تعال من وين يااي ., بعدين شسالفة العطر النسائي هاذا ., كنت مع منو​

عادل : مع بنت رفيجتي أشواق ., عندج مانع ​

دلال : وهاذي أشواق ماخلصنة منها ., شتبي منك ., وانت شكو تعطيها ويه ., ترى انا أغار وماأرضى ., أحترم وجودي يا أخي ., ​

عادل : هيي أنتي شفيج صايرة نار ., بعدين البنت كانت محتاجة توصيلة ووصلتها​

دلال : بنت الشوارع هاذي قاعد تلف حوالينك وانت موحاس ., تبي فلوسك ., أصحى يا فهيم​

عادل : هووب هووووب ., البنت شايفة خير مو مشفوحة ., محد حاط عينة على فلوسي غيرج ., أنتي ماتقولين ليش تزوجتيني ., ​

دلال ( ولييه مو وكتة هالكلام ., الحين شلون أسحب منة جم فلس ., خل أتدلع وأرقع المووضوع ., غيرت صوتي وبدلع ) : عدوولي ليش تقول جذي ., أنا خذيتك لاني أحبك ., وأنت أبو عيالي ., ولا تشك بهالشي​

عادل : بصراحه ونكون واقعيين ,’ أي أشك بحبج لي لانج من أول ماتزوجنا لي يومج هاذا ماقلتيلي حبيبي ألا لمن تبين مني شي ., ولا تبين فلووس ., غيرة ماسمعت كلمة حلوة منج​

دلال : أممم عادل لاتقول جذي ترى أزعل منك ​

عادل : خلصيني ., أنا بنام ., ​

دلال : وانا أقعد بروحي ​

عادل : روحي عندج البي بي سولفي مع رفيجاتج ., مو هاذي حالتنا كل يوم ., الريال يرجع من الدوام يلاقي مرتة تستقبلة واهيا شاقة الويه أبتسامة حلوة تفتح النفس وتسهر على راحتة وانا أرجع من الدوام أشوفج متبطحة على القنفات وماسكة التلفون تحسين مع رفيجاتج بخلق الله​

دلال : أوولة كل هاذا شايلة بقلبك عليي​

عادل : لو أتكلم من اليوم لي باجر ماراح أخلص ​

دلال : انزين قبل لاتنام ., أمي محتاجة 600 دينار ​

عادل : قالولج بنك مركزي .,​

دلال : عادل فشلة أرد أمي ., هاذي آخر مرة أطلب منك فلوس وأنا أوعدك​

عادل : بطلي الدرج واخذي الي تبين بس فكيني ​

دلال بنفسية : مشكووور ​

عادل ( أنتي وراج سالفة كبيرة يا دلال وعبالج أنا غشيم ., بس وراج والزمن طويل ., وبنشوف شنو تاليها معاج )​

دلال ( تسحبت من الغرفة ورحت الغرفة الثانية ., ودقيت على دانة ) : ألوو​

دانة : يبتي لفلوس دبرتيهم​

دلال : اي دبرتهم باجر مريني الدوام وأستمليهم ., ورجاءا هاذي آخر دفعه لانة الريال بدى يشك فيني وانا مو مستعدة أخرب علاقتي بريلي بسبتج​

دانة : هههههه ,’ خليتيني أظحك وانا مودي حدا قافل ., دلوول ترى أنا دانة​

دلال : دانو ., عاد لاتصيرين مليقة ., حطي نفسج مكاني ​

دانة : أهأ اهأ ., ترى ماراح تكسرين خاطري ., أذا حكتني أيدي راح أرد وأطلب فلوس​

دلال : عاد مصختيها وعطيتج ويه واايد ., ​

دانة : الصور ​

دلال : ترى أذيتيني بالصور كل ساع ياية تهددين بالصور ., يبا بليهم وشربي مايهم​

دانة : أنزين دلوول قدها ​

دلال : أووف دانو ., طلعتيني من طوري ., خلاص يبا ., أذا تبين شي رقبتي سدادة ., بس عاد حاولي تطلبين فلوس بين فترة وفترة بعيدة ., ​

دانة : لاتتشرطين وايد ., ( وسكرت التلفون بويها )​

دلال : حقيرة ., انا غبية ولا ماخربطت الا جدام هالفظيحة ., الحين شلون أفتك منها ., آآه ., حبيبي حمودي قاعد يراافس ., يلا يما أطلع عشان أبوك يهل فلوس عليي واقطهم بحلج دانو ., ​

​

 

[أنا دلوعه]

يسلموؤؤ زوزو << ع البااآآرت الحلوؤؤؤ

و ناآآطررينج ~~ ...

 

[جعفريه و أفتخر]

تسلمين زوزو على البارت و مالج شغل و له تضيقين خلج من أحد بعد كلامج صج الواحد لازم يقدر الظروف و أحنا عاذرينج حبي وناطرين بارتاتج اليايه 
اب اب اب

 

[مع الأيام]

الحمد لله ع سلامتك جلسنا نحاتيك
ومشكووورة ياااااااقلبي ع هالبارت الأكثر من رااااااائع ناطرينك ...

 

[زهراء*]

مشكورين بنات والله منورين الرواية بطلتكم .,

اليوم بعد أذا قدرت بنزل بارت تعويض لكم .,

 

[أنا دلوعه]

مشكورين بنات والله منورين الرواية بطلتكم .,

اليوم بعد أذا قدرت بنزل بارت تعويض لكم .,

النوؤر نوؤؤرج حياآآتي ~~
ناآآطررينج ياآ قلبي ~~

 

[A7laa kuwaitia]

زهوور والله مشتاقينلج واايد

لاا تتاخرين علينا

 

[روحي تحبكJ]

روعةة روعةة البارت
مممعذوره ي روححي
ناطرينج
​

 

[زهراء*]

up up

وين البنات الي يحنون على البارت ماشوف ردوودهم XD

يلا أبي ردوود تبرد الجبد عشان أنزل بارت ثاني XP

 

[أنا دلوعه]

أب

أب

أب

أب

أب

أب

أب

أب

<< لعنووؤؤنج زوزو ~~ ...

 

[3115]

ولكم بااااك زهور

البارتاات عجييبين والله
كسرت خاطري اشواق لمن راح حق ابوها
حسيت انا ابوها يبي موت

وأنشاالله امور علاوي واشواق تمر علا خير
ودلالوه السوسه مادش بينهم ويعه

وعمر نذل قهرني يماله الكسر انشالله

وبس ناطريج زهووور

 

[A7laa kuwaitia]

ولكم بااااك زهور

البارتاات عجييبين والله
كسرت خاطري اشواق لمن راح حق ابوها
حسيت انا ابوها يبي موت

وأنشاالله امور علاوي واشواق تمر علا خير
ودلالوه السوسه مادش بينهم ويعه

وعمر نذل قهرني يماله الكسر انشالله

وبس ناطريج زهووور

اي والله كسرت خااططري انا بعد لمن راحت حق ابووها ووعندي احساس انه يمووت>>زهوور لا تخلينه يموت تكفين:eh_s(2):
دلالوه ويعه صج سوسه انشالله يطلقها عاادل ويتزوج وحده احسن منهاا بألف مرره>>لوول انفعلت شوي
وعمر ليش الكسر شويه عليه الا قولي يمووت انشالله>>كااااااااك موجني خرتهاا شووي

 

[أنا دلوعه]

زوزو << لاآآ طووؤؤلين

 

[احبك ليش؟]

و اخيرا الحمدالله على السلامه
ناطرين بارت ثاني بأسرع وقت