[لاتمثلين احتياجج لي وانتي بحضن غيري مقزرتها ] بقلمي .,
- بادئ الموضوع زهراء*
- تاريخ البدء
بنات ماشوف تفاعل مثل الأول .., 
يلا وين التفاعل الحلو.. ,
ترى اعلقكم مرة ثانية هههههه ..
لا أتغشمر يلا ألحين بكتب بارت وسوري على التأخير
يلا وين التفاعل الحلو.. ,
ترى اعلقكم مرة ثانية هههههه ..
لا أتغشمر يلا ألحين بكتب بارت وسوري على التأخير
A7laa kuwaitia
New member
بتشووفين تفاعل واكثر بس انتي نطري يوم يومين وتشووفين تفاعل
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
اب
-
- البارت الرابع والخمسون:$:$
- ..
- ( بيت سعد ., أبو مشاري )
- لمى ( كنت قاعدة بغرفتي أسمع راشد ولا أسمع صوت باب البيت يتبطل ., هاذا أكيد أبوي .., نزلت الصالة وكان بوضع مو طبيعي .. شكلة تعبان .. كالعادة مو شي يديد عليه وايد ينهك روحة بالشغل)
- : يبا لين متى يعني بتظل على هالحالة قتلك أرتاح وخل ناس تجابل شغلك عنك .., أرحم روحك مو زين لك جذي
- سعد : وخري زين عني .. لموو لاتخليني أطلع حرتي فيج
- لمى : يبا مو زين الي قاعد تسويه والله موزين
- سعد : لمى بتوخرين عني ولا شلون
- لمى : ماني موخرة لين توعدني أنك تاخذ أجازة وترتاح .. العمر يخلص والشغل مايخلص ..
- ( قرب مني ودزني على الأرض حيل .., نزل على مستواي ومسك شعري حيل وبصوت واطي همس بأذوني ) : هالخير الي عايشة فيه من وين ياي .. مو من تعبي وشقاي .. أذا تبيني أخذ أجازة شلون برزج وبكشخج ماتقوليلي
- لمى بكل براءة : يبا أنا مابي فلوسك .. أنا أبيك . ابي أحس بوجود ك .. لفلوس كلش مو مهمة بالنسة لي جابلني شوي عطني من وكتك
- سعد : أنتي صج مو كفو .. ألحين مو طلع لج أخو أسمة مشاري .. جابليه ويجابلج
- لمى : مشاري يمكن يتم معانا بالبيت اليوم .. باجر .. الي عقبة .. مو ملزوم فينا .. بس أنت .. أنت غير يا يبا
- سعد صارخ : بسج حنة خلاص .. زهقتي عيشتي .. أنا الغلطان أني تحديت أمج وخليتج عندي .. لو قاطج عليها مو أحسن .. يلا ذلفي غرفتج يلا جدامي
- لمى : مشكور يبا .. هاذا غلاتي عندك .. مشكوور ماقصرت ..
- سعد : يلا ذلفي عن ويهي يلا
- مشاري توة داش البيت وأهو يغني (
وين رايح .. بهالسهوله هانت العشره عليـك
وين رايح .. انجرح صوتي وانا انادي عليـك
يعني مرتاح بغيابي ولا ماهمك عذابـي
كل شي والله يسألني عليــك
انا ما احبك انا اتنفس هــواك
كل مافيني يصوتلك ابيــك
ضاعت سنيني وتاليها معاك
رد روحي لا تضيعها بيديك ) - سعد : أنت وينك طول اليوم ماتبين بالشركة .. أخاف صدق أنك ولد راعي الشركة
- مشاري أنتبه على أبوه وبنفسية : مساء النور
- سعد : الله لا يمسيك بالنور قول آمين .. هيي أنت مو عبالك أنا ظفيتك بالبيت ورزيتك بالشركة يعني خلاص ماخذ الدنيا سمردحة .. أكل ومرعى وقلة صنعه .. ماتقولي وينك اليوم وأمس والي قبلة عن الشركة
- مشاري : كنت مشغول شوي
- سعد : تعال أنا بقولك .. أذا أمك دازتك عشان تكوش على جم بيزة فأنت غلطان .. من يوم ورايح حالك حال أي موظف بالشركة سامع وتمشي قرارات الشركة عليك مثل ماتمشي على الباجي ..
- مشاري : رجاءا يااا
- سعد : اي مستخسر تكلمها ..
- مشاري : انا موداش على طمع مثل ماأنت تقول وتراني عايش بخير ونعمة .. ويوم قررت أني أسكن عندك مو عبالك أني ميت على القعدة في بيتكم .. بس أنا ريال مابي أكون عالة على غيري .. وموحلوة بحقي أسكن في بيت ريال غريب
- سعد : بعدين تعال شنو عالة ومادري شنو .. مو انت عطيت أمك الموافقة أنها تتزوج .. صدقت عمرها أنها مراهقة حمدالله والشكر
- مشاري : رجاءا ألتزم حدودك وجم مرة قتلك لاتييب طاري أمي على لسانك
- سعد عصب ولا يقرب من مشاري ويفتح عيونة على الأخر : أنت ياي تراددني ..صج ماعرفت تربيك هوازن أنا برد أربيك من يد ويديد ( رفع أيدة ولا يعطي مشاري كف )
- مشاري تنح ..
- سعد : أطلع برا البيت يا ولد هوازن .. روح حق أمك
- مشاري : تطردني .. بترد تطردني مرة ثانية .. ماشي أنا طالع .. أنا طالع بس باجر أنت الي بتتندم مو أنا .. ومشكور على الكف .. يا ... يا يبا
- ( طلعت من البيت وأنا حيل مقهور على نفسي .. شلون حطيت نفسي بهالموقف الخايس .. كنت عايش حالي حال خلق الله .. معزز مكرم في بيت باباا عود .. شلون قدرت أقنع روحي أني أعيش معاه عقب كل هلسنين .. وشلون قدرت اقنع روحي أنا ممكن يتغير .. ذيل الجلب طول عمرة يتم عوي .. بس محد كاسر خاطري غير لمى .. الله يعينها .. ماهانت عليي نفسي .. رحت البحر قعد على الرمل وغمضت عيوني .. وسرحت بعيد .. رجع فيني الزمن 20 سنة لوى وتذكرت معاملتة القاسية لي أنا وأمي .. وأنا غارق بتفكيري ولا يقطع حبل أفكاري صوت تلفوني .. رقم دولي )
- : ألوووو
- قمر بصوت نعسان : الووو أنشاءاله ماأزعجتك
- مشاري : هلا بالزين .. هلا بالحب .. لا أزعاج ولا شي ييتي بوكتج أصلن .. حيل محتاج أني أسمع صوتج
- قمر : ليش عسى ماشر صايرلك شي
- مشاري : لا مو صاير شي .. لاتحاتيني .. أنتي شلونج ..
- قمر : خلك مني قولي شصاير وياك
- مشاري : ابووي ..
- قمر : أنزين
- مشاري : طردني من البيت .. وقبل لايطردني عطاني كف
- قمر : شنو .. هاذا من صجة .. وليش كل هاذا .. وانت ليش تسكت عنه
- مشاري : خليها على الله ... أنا مادري شلون من البداية صدقتة أصلن .. قالي بصحح أغلاطي ومادري شنو .. الظاهر كان يبيني ارجع له عشان ينتقم من أمي لانها تزوج وخلتة .. آآخ ليلحين في ناس عايشين بينة بهالعقلية الصغيرة ..
- قمر : لاتشيل بخاطرك حبيبي .. هونها وتهون
- مشاري : آآآآآخ .. آآخ ياقمر .. عيديها .. شنو قلتي
- قمر : حبيبي ..
- مشاري : لبى قلبج لبى عيونج ياحياتي أنتي .. قمر يلا متى الوصول .. ترى مليت وانا أنطر .. متى ترجعين حدي مشتاق لج
- قمر : والله وانا أكثر .. كلها جم يوم وبنرجع
- مشاري : وأخوج شلون منو بيقعد معاه
- قمر : أبوي ومرتة بيقعدون ..
- مشاري : الله يقومة بالسلامة أنشاءالله
- قمر : أنشااءالله .. أنزين حياتي أنا الحين لازم أسكر أخاف أبوي يشوفني ويقولي منو قاعد تكلمين هالحزة .. أشوفك عن قريب أنشاءالله
- مشاري : أنشاءالله .. ديري بالج على روحج يابعدهم
- قمر : وانت بعد دير بالك على روحك .. ولا تكدر خاطرك هونها وتهون
- مشاري : أنشاءالله بتهوون .. أنشاءالله
- ..................................................................................................................
- ( لوس انجيلوس )
- لوجين : يلا حبيبي بطل حلجك .. آآآم
- جراح : لجوون أعرف آكل بروحي .. ترى مو ياهل
- لوجين : أفاا .. يعني ماتبي تاكل من أيدي .. خلاص أنا زعلت وبعقد النونة
- جراح : لا لا كل شي ولا زعلج يالغالية .. أفا عليج بس .. يلا لقمة ثانية من أيدج
- لوجين ( وانا مادة اللقمة وبحطها بحلجة ولا يعظ أيدي ) : جراح عورتني دييدوو
- جراح : أووييلي دييدوو هاا .. فديتها والله ..
- لوجين : خلاص لاتحرجني
- جراح ( قربت منها ولا أحط أيدي على خدها .. لامست خدها الناعم وأبتسمت بكل براءة .. ) : لوجين طول الفترة الي طافت ليش مافارقتيني ولا لحظة .. كنتي حاطة أمل أني راح أعيش
- لوجين والدمعه بطرف عينها : لاني أحبك .. وأموت فيك .. وانت ريلي شلون ماتبيني أجابلك .. بعدين أنا أدري أنك ماراح تخليني .. كلهم قالولي ماكو أمل انك تقوم .. بس أنا كنت متأكدة أنك راح تقوم وتناديني .. كنت متأكدة أنك ماراح تتركني لانك وعدتني ..
- جراح : آآخ يالوجين .. طول الفترة الي كنت فيها بغيبوبة صوتج مافارقني .. صوتج الي خلاني أقوم .. كل دقيقة وكل ثانية تناديني وأسمعج وأنتي تبجين تقوليلي جراح لاتخليني .. حاولت أكثر من مرة أمسك أيدج بس صوتج تتلاشى من جدامي ومايبقى غير صوتج وأنتج .. بس باليوم الي صحيت فيه .. قدرت أصولج وصورتج ماتلاشت من جدامي .. صورتج وصوتج الي خلوني أقوم من الغيبووبة .. أنتي .. أي أنتي لوجين .. لو مو وجودج حواليني الله يعلم بحالتي ..
- لوجين حطت راسها بحظن جراح : أحبك .. أحبك
- جراح : وانا أموت فيج
- جاسم : أحم أحم
- لوجين أنحرجت : عمي .. هلا هلا عمي تفضل
- جاسم : شنو هالرومانسيات .. لا أنا جذي أغار ترى
- لوجين :هههههه
- جراح : خلينا الرومانسية لكم يبا .. الا وين خالتي هوازن
- جاسم : ردت الفندق أهيا وقمر بيجهزون أغراضهم
- لوجين : وأمي وأحمد
- جاسم : بعد رجعوا الفندق
- جراح : حق شنو يجهزون أغراضهم
- جاسم : أنشاءالله مسافرين اليوم الفجر
- لوجين : صج .. ماقالولي
- جاسم : أمج مسكينة حالتها حالة يالة خذاها اخوج ماتبي تفارقج قاعد تبجي
- لوجين : حياتي يما آآ .. راح أفقدها
- جاسم : بعد لازم يرجعون قعدتهم طولت هنيه واجازتهم خلصت بعد .. يعطيهم العافية ماقصورا لا أمج ولا اخوج
- لوجين : هاذا واجبنا عمي .. جراح عين السيح
- جاسم :أصيلة يا يبا .. طول عمرج أصيلة .. أنا بعد أستأذن لازم أروح أريح شوي لاني بقطهم المطار
- لوجين : عمي أمي راح تمر المستشفى
- جاسم : اي أكيد يبا .. ماراح تسافر من غير لاتودعج .. لاتحاتين
- لوجين : سلم على خالتي هوازن
- جاسم : يوصل يبا يوصل .. أنتي بعد أرتاحي .. شوفي عيونج شلون صارة حمرة ماذقتي طعم النوم من فترة .. ريحي شوي يبا لاتتعبين نفسج وايد
- لوجين : لاتحاتيني عمي .. دام أنا يم جراح مرتاحة ..
- جاسم : كفوو يباا .. يلا أنا أستاذن تامرني على شي يبا
- جراح : سلامتك يبا ...
- جاسم : في أمان الله
- ..................................................................................................................
- بعد مرور 12 ساعه
- ( بيت أشواق )
- أشواق ( لبست نفنوف بيج تحت الركبة بشوي .. وفليت شعري وقصيت قذلة .. حطيت أساس بروزنز ومكياج خفيف .. رفعت شعري بف .. ولبست كعب أسود طويل .. رشيت عطر فيرزاجي ولا أمي توها داشة غرفتي .. بس شافتني ولا تتنج )
- أم فيصل : يه يه يه .. شنو هالجمال يما آآ شنو هالزين ..
- أشواق أستحت : صج يما آآ يعني شكلي طالع حلوو
- أم فيصل : قمر يما آآ قمر .. وأحلى من القمر بعد .. راح تطير عيون أم علي لمن تشوفج
- أشواق : تهقين يعني يما آآ
- أم فيصل : أي يما آآ .. أصلن أنتي من غير شي تهبلين .. لاتحاتين
- أشواق : حدي خايفة .. ونفس الوكت طايرة من الفرحة .. مو مصدقة
- أم فيصل دمعت عوينها : كبرتي يا يما آآ وصرتي عروس ..
- أشواق قربت من أم فيصل ولمتها : لايما آآ مابي اشوف دمعتج ..
- أم فيصل : هاذي دموع الفرح ..
- أشواق : حبيبتي والله يا يما آآ .. الحمدالله أني عشت هاللحظة وياج .. لو مو وجودج جان فرحتي بتكون ناقصة
- بهالأثناء علي وأم علي عند باب البيت
- علي : ها يما آآ شرايج أعدل نسفة القترة ولا زينة
- أم علي : لا يماآآ شحلاتك بتطير عيون أشواق لمن تشوفك
- علي : تهقين يعني يما آآ ..
- أم علي : اي يما آآ .. ليش أنت شاك بنفسك
- علي : كح كح .. لا موشاك .. أصلن أنا أطيح الطير من السما
- أم علي : ههههه .. يلا خل نطق الباب قبل لايطيحون كل طيور السما .. أنت انطرني بالسيارة ولمن أتصل عليك تنزل من السيارة
- علي : أنشاءالله
- ..
- طق طق طق
- أشواق : وااي يما آ وصلوا
- أم فيصل : روحي دشي الغرفة ولمن أناديج تطلعين
- أشواق : يلا ماشي
- ..
- أم فيصل بطلت الباب : ياحيالله من يانا
- أم علي : الله يحييج أم فيصل
- أم فيصل : توة مانور البيت
- أم علي : بوجود أهلة ..
- ومع السوالف
- أم علي : وين العروس مابينت
- أم فيصل : أنشاءالله الحين بتدخل
- وبعد نص ساعه دخل علي الديوانية ودخلت أشواق
- علي ( أول ماشفتها طارت عيوني .. صايرة أحلى من القمر .. ماقدرت أشيل عيوني عنها )
- أشواق أستحت ونزلت عيونها وبدلع : علي خلاص .. ترى أستحي
- علي أستحى : آسف مو قصدي
- أشواق بدلع : هههههه
- علي : شلونج بالعنونة ..
- أشواق : الحمدالله تمام
- علي : صايرة حلوة
- أشواق بدلع : أنا من زمان حلوة مو توني
- علي : بهاذي صدقتي
- أشواق : هههههه
- علي : المهم أنا ماراح أطول عليج بقولج شروطي
- أشواق : هههه .. بعد شرووط .. يلا تفضل
- علي : أول شرط ماأبيج تطلعين من البيت كلش مابي أحد يشوفج غيري
- أشواق : حاظر من عيوني
- علي : ثاني شرط أبي كل يوم أول ماأبطل عيوني أشوفج جدام ويهي وقبل لا أنام بعد .. يعني أصبح وأمسي بوهج
- أشواق : من عيوني
- علي : ثالث شرط أبيج تحطيني بعيونج وماتزعليني ترى أنا زعلي جايد وأنتي تدرين
- أشواق : لا حشى ماعاش من يزعلك
- علي : وأخر شرط .. أبيج تقومين الحين وتعطيني بوسة على خدي
- أشواق : عليي .. لا عادد .. هالشرط وايد صعب
- علي : لا موصعب .. ترى ماكو مؤخر بس أعطيج مقدم
- أشواق : لااا يعني مفكر
- علي : لا والله أخسي أذا فكرت بس
- أشواق : عيل خلاص موافقة على الشرط الأخير
- ( وانا قايمة أبي أبوسة على خدة ولا تدش أمي ولا بسرعه أرد أقعد مكاني )
- أم فيصل : حيالله ولدي علي
- علي أنحرج : حيالله خالتي ( يساسر أشواق ) : مو وكتها الوالدة
- أشواق : هههههه
- أم فيصل : أنشاءالله ماقاطعتكم
- علي : لا لا حشى
- أم فيصل : وشنو أتفقتوا عليه متى تبون الملجة
- علي : من باجر .. أبي أملج على أشواق وبنسافر
- أم فيصل : بس ليش مستعجل جذي
- علي : بعد خالتي الي عنده مثل هالقمر شلون مايستعجل
- أشواق أنحرجت : أنا أستأذن شوي ( طلعت من الديوانية ولا أركض غرفتي .. حطيت راسي على الطوفة وتنهدت ... غمضت عيوني ورسمت حياتي مع علي .. رسمت بيتنا .. رسمت غرفة نومنا .. رسمت عيالنا .. رسمت كل شي بخيالي .. راح أعيش حياتي على الآخر وبكون أسعد أنسانة مع علي وماراح أسمح لأي شي .. او لاي شخص كان يعكر حياتنا .. آآخ يا علي لو تدري شكثر تمنيت هاللحظة .. اللحظة الي أكون فيها وياك .. أحبك علي والله أحبك .. )
- بعد ماطلع علي وأم علي من البيت
- أم علي : يعني خلاص عزمتوا باجر الملجة
- علي : اي يما آآ وبعدها بنسافر على طول
- أم علي : بس جذي ماراح نقدر نسوي حفلة نفرح بالبنت دام تبي الملجة بالمحكمة
- علي : مالة داعي حفلات وطقطقة وهالسوالف لا أنا أحب ولا البنت .. اهم شي أنكون مع بعض وبس
- أم علي : أنشاءاله .. الله يوفقكم يارب .. قول آمين
- علي : أمين يارب ..
- أم علي : وعقبال مانشوف عيالكم
- علي : ......
- أم علي : قول آمين
- علي : آمين يا يما آآ .. بس ماعتقد هالشي ممكن يصير
- أم علي : ردينا على الطير يلي .. لاتيأس من رحمة الله يا يماآآ أذا أراد شيئا قال له كن فيكون .. وهاذي أرادة ربك وماتدري شنو الله كاتب لكم
- علي : أنشاءالله .. ونعم بالله .. والله كريم
- ..................................................................................................................
- ( بيت عمر )
- ورود : يما آآ مايصير أبي تلفوني قولي حق عمر يرجع تلفوني
- أم عمر : تعرفين أخوج .. لو أقولة من اليوم لي باجر ماراح يسمع كلامي .. قتلج عندج نلفوني أذا تبين تكلمين رفيجاتج أستخدمي تلفوني
- ورود : هاذي موحالة يعني .. أبي بي بي أم وأبي الواتساب أنتي فونج عتييج ... شنو أستفيد منة
- أم عمر : خلاص أنا راح أكلم أخوج ويصير خير
- ورود : مشكوورة يا أحلى أم بالدنيا
- عمر توة داش البيت
- عمر : السلام عليكم
- ورود : وعليكم السلام
- أم عمر : يماآ عمر تعال شوي أبيك بموضوع
- عمر : ماتخلص مواضيعكم يما آآ ترى زهقتوني
- أم عمر : أنت ليش ماتحشم أحد .. في أحد يكلم أمة بهالطريقة .. خسارة فيك التربية .. آخ بس آآخ
- عمر : حقج عليي يما آآ بس والله مظقووط هالجم يوم تعرفين بعد ظروف دوامي وهالشي قاعد يأثر على نفسيتي
- أم عمر : أنزين وأنا وأختك شكو تطلع حرتك فينا
- عمر : سامحيني مرة ثانية وحقج عليي .. شنو الموضوع الي كنتي تبيني فيه
- أم عمر : أبيك ترجع التلفون حق أختك
- عمر : نعم خير .. عقب الي سوتة حامض على بوزها أرجعه لها
- أم عمر : يما أختك تندمت وعرفت غلطتها .. مايصير الكل عنده تلفون ألا أهيا .. بعدين الناس أذا سألت شنو نبي نقول لهم .. بنات خالك قاعد يسألونها عن تلفونها كل ساع مألفين لهم جذبة لين متى يعني
- عمر : وانا شكو بالناس.. لاتتحججين في بنات خالي .. أخاف يعني واقفة عليهم
- أم عمر : انزين وعشان خاطري مالي خاطر عندك
- عمر لف ويهة على ورود : أنا راح أرجعه لج عشان خاطر أمج بس .. بس حطيني على بالج والله ثم والله أن دريت أنج مكلمة هذاك والله لذبحة وأذبحج وراه سامعه وترى راح أسوي برنت على مكالماتج سامعه يعني لاعبالج بتصيديني وتمسحين السجل لا بابا برنت من الشركة
- ورود : لا لا .. أصلن أنا مالي شغل فيه .. أنا خلاص قتلك مالي شغل بهالسوالف شيطان وقص عليي .. سامحني عمر والله ماعيدها
- عمر حذف التلفون عليها : هاج تلفونج .. وقتلج ترى أطلعه وأذبحة وأذبحج مو خسران شي
- ورود : قتلك ملي شغل فيه
- ( أول ماخذيت التلفون ولا بسرعه أسيف رقم فاطمة عندي قبل لا أنساه .. وجذي راح اتواصل مع ثنيان عن طريق فطوووم .. وعمر أذا بيدق على الرقم بتطلع له فاطمة وماراح يشك بشي .. بس الي ماني قادرة ألاقي أجابتة .. ليش عمر سأل عن فاطمة .. وفاطمة ليش بس شافتة تصروعت والدمعه كانت بطرف عينها .. )
- ..................................................................................................................
- ( بيت بو هوازن )
- فاطمة : ثيوون تعال الحووش بقولك شي
- بوهوزان: أم هوازن دقت اليوم هوازن وقالت أنها بترجع الفجر اليوم أنشاءالله
- أم هوازن : بالسلامة أنشاءالله .. خل نروح عاد نستقبلها بالمطار .. قلت حق مشاري
- بو هوازن : مشاري يدري معطيتة خبر
- أم هوازن : أنشاءالله على خير وخل أقول حق أم علي بعد
- بو هوازن : صج شصار على علي
- أم هوازن : قالوا بيملجون باجر وبيسافرون على طول .. يعني مايبون يسوون حفلة ولوية
- بو هوازن : اي زين مايسوون .. مالة داعي الخساير والناس كلة موعاجبها .. المعاريس يدفعون بالشيء الفلاني على البوفيه والصالة وبالأخير المعازيم يتطنزون ولايعجبهم العجب يا يقولون الدي جي موشي .. ولا يقولون الصالة صغيرة ولا البوفيه موشي .. لايعجبهم العجب ولا صيام رجب
- أم هوازن : اي والله صح كلامك ..
- ..
- ثنيان : ها فطوم شتبين
- فاطمة : توة ورود دزتلي بي بي قالت انة أخوها رجع لها التلفون
- ثنيان : صج .. متى .. يعني أقدر أتصل عليها
- فاطمة : أكييد لااا .. أذا بتكلمها من فووني
- ثنيان : ليش ..!!
- فاطمة : تقول اخوها بيطلع برنت على مكالمتها وقالها اذا شاف رقمك بيذبحك ويذبحها
- ثنيان : هياااط هاذا أخوها .. مسوي روحة جونقر طل بعينة
- فاطمة : جونقر ماجونقر مو مشكلتي .. ماراح تكلمها الا من فوني سامع لا بي بي أم ولا واتساب ولا شي .. مالنا خلق مشاكل مع أخوها
- ثنيان : أوووكي خلاص يبا .. ماصدقت يرجع تلفونها ..
- توة مشاري داخل البيت وجنطتة بيدة
- مشاري : السلام عليكم
- فاطمة وثنيان : وعليكم السلام
- مشاري : شلونكم
- : تمام
- ثنيان : أمممم جناط شنو
- مشاري : يعني جناط شنو شايفهم
- فاطمة بتظحك بس قامتتها: خلصت أقامتك عند أبوك
- مشاري بصوت حاد : تطنزين
- ثنيان : أفاا عفت حوظ السباحة والجكوزي .. ليش شصاير .. عاد انا قايل الأسبوع الياي بيي أطب عنندكم وبتنتن
- مشاري : تطنز انت وياها .. ترى الي خلقكم لاتخليني ألحين أييكم فناقر .. ييلا أنجلعوا يهال آخر زمن
- ثنيان : كااااااااااااااك .. مافيه جووزي واااااااااك
- فاطمة : واااااااااااك .. راحت عليك السونا وااااااااك
- مشاري : راجع لكم وحسابي معاكم بعدين
- ...
- بالصالة
- مشاري : السلام عليكم
- أم هوازن ركضت ولمت مشاري قعدت تشم ريحتة : يما آآ مشاري .. توة مانور البيت حبيبي ..
- مشاري : بوجودكم يما آآ
- بو هوازن : هلا بوووي
- مشاري : هلا بييييك يابة
- بوهوازن : هاا أششتقت لناا ..
- مشاري : والله فوق ماتتصور .. صج الأنسان مايرتاح الا بمكانة .. والفراااق صعب .. صعب ياجدوووو
- بو هوازن : هههههه .. جدووو ماتيوز من سوالفك
- أم هوازن: اي جذي .. بس خلاص طلعه من هالبيت ماكو .. سامعني وريلي على ريولك
- مشاري : يقولج حجية ماتعرف قديري الا لمن تجرب غيري
- بوهوازن : غالي يا بوصقر غالي
- مشاري : الا بتروحون المطار اليوم نستقبل الوالدة
- أم هوازن : اي شي أكيد .. وماقتلك ولد خالتج علي انشاءالله بيملج باجر
- مشاري : أووه من متى .. محد قالي
- أم هوازن : كل شي صار بسرعه
- مشاري : يلة خل أبارك له .. أنا صاعد غرفتي تامروني على شي
- بوهوزان : الله وياك يبا .. وأخذلك غفوة شكلك تعبان
- مشاري : بصراحه حدي تعبان .. حيييل حيييل
- ..................................................................................................................
- ( لوس أنجيلوس .. الوداع )
- قمر ( راح أفارق جراح وأرد الكويت بس قلبي مو مطاوعني .. عقب الي صار أخاف أغمض عيوني وأبطلها وماشوفة جدامي مرة ثانية .. ريولي كانت تسحبني الغرفة ماودي أودعه .. وأول ماطاحت عينة بعيني ولا أركض وأطيح بحضنة )
- : جراح أنا رايحة بس أبيك توعدني أنك راح ترجع الكويت أوعدني ولا ترى راح أجلب أهني وماارجع الكويت
- جراح : قمر بابا .. لاتحاتين .. أنتي رجعي جابلي شغلج وقدمي أوراقج حق الجامعه وانا بكون بخير أبوي ولوجين يمي لاتحاتين
- قمر : تحاتيني يخووي ..
- جراح : اي يعني أحاتي منو أذا ماحاتيتج
- ولا تلف ويها على لوجين وتقمز لها : حرة لجوون حرة
- جوان :ه ههههههه لا أنا جذي اغار شمعنه قمر تحاتيها وانا
- جراح : يبوووي أشتغلت غيرة الحريم
- الكل : هههههههه
- قمر والدمعه بطرف عينها : مع السلامة جراح .. مع السلامة .. ناطرتك لاتبطي .. ناطرتك ترجع الكويت .., ( بعدها ركضت ولا ألم أبوي وأبجي .. بجيت وبجيت وبجيت .. من زمان مو لامة أبوي بهالطريقة .. تمسكت فيه جني خايفة أخسرة أو ماأشوفة مرة ثانية .. مسح دموعي وودعني .. )
- أم أحمد : يلا يما جراح تقوم بالسلامة أنشااءالله
- جراح : الله يسلمج خالتي
- أحمد : يلا مع السلامة ويعطيكم الف عافية
- جوان : ماما
- أم أحمد : عيوني ماما
- جوان : بتروحين وتخليني ( وأهيا مادة بوزها )
- أم أحمد : لا ماما أنا صج برجع الكويت بس قلبي معاج .. انتي لازم تجابلين ريلج وتدارينة وانشاءالله بنشوفج عن قريب
- جوان : أنشااءالله .. بس أدعيلة يقوم على ريولة يما آآ أدعيلة
- أم أحمد : انشاالله بيقوم وبتفرحين فيه يا يما آ لاتحاتين وخلي أملج بالله قوي
- جوان : والنعم بالله .. والنعم بالله
- ......................
- قمر ( ركبنا السيارة مع أبوي ووصلنا المطار .. وأحنا عند كاونتر المغادرون بطلت جهازي الخط الكويتي .. بشوف شنو واصلي شنو مو واصلي .. ولا فوق ال 50 مس كول من عمر .. ومسجات عتاب وكلام حب وخرابيط .. وأنتي معذبتني سافرتي وخليتيني .. وشلون طاوعج قلبج ومادري شنو .. انا موقلت أني بغير خطي .. ليش ماغيرتة .. أول ماأرجع الكويت بغير خطي .. مالي خلق سوالف مراهقين حدا مزاجي مو مزاج هالسوالف .. بقى آخر مسج مابطلتة .. يوم بطلتة ولا .................. )
- ..................................................................................................................
A7laa kuwaitia
New member
جعفريه و أفتخر
New member
- إنضم
- 26 نوفمبر 2009
- المشاركات
- 390
- مستوى التفاعل
- 0
- النقاط
- 0
- العمر
- 37
الله يستر من عمر حسبي الله عليه شكله نواي على نيه قشرة الله يستر منه و مايندرة شنو في المسج اتوقع مهددها والله العالم اختي احبج ليش كلامج صج كان اسمها جوان انا قاعده اقول في شي غلط ...
ناطرين زوزوزوزوزو لا طولين ....
ناطرين زوزوزوزوزو لا طولين ....
MeeMeeYoo_2
New member
A7laa kuwaitia
New member
A7laa kuwaitia
New member
A7laa kuwaitia
New member
رتبه دبلوماسيه
*مساعدة مشرفات فرفشة كويتيات*
رتبه دبلوماسيه
*مساعدة مشرفات فرفشة كويتيات*
