[لاتمثلين احتياجج لي وانتي بحضن غيري مقزرتها ] بقلمي .,

[زهراء*]

............................................................................................................................​

جوان ( نومتي معتفسة حيل .. أقعد الساعه 6 الصبح وأنام الساعه 10 ومرات أقعد الساعه 4 الفجر .. ليلحيني ماظبطت نومتي .. متعودة على قعدة الجامعه بامريكا .. بطلت تلفوني ولا فوق ال 20 مس كول من جراح .. مادري ليش عقلي يقولي خليه يولي .. وقلبي يقولي ردي عليه .. شغلت أغنية ملكة الأحساس نوال ​

- إرحم عيونيّ / لو عيونك " تبيني " !
حر1م .. هذا [ الحب ] تقتل : معانييييه !
مو حب , هذا اللي تسويهّ ( فيني ) .. فيه فرق بين الحب .. واللي تسويهّ ..
يا ساكن , ما بين [ عيني ] و [ بيني ] .. لا تصدم اللي : صرت { أغلى } أمانيه ..
جيتك .. بـ قلبْ , شايله في " يميني " .. كلمه تجيبه لكّ , وكلمه : توديه ..
)​

أحمد طق باب غرفة جوان​

جوان : منو​

أحمد : أنا أحمد​

جوان : تفضل أحمد .. ​

أحمد : صباح الخير حجية أم سعيد .. شنو خياس نوم مومخلينج تنامين بأمريكا ​

جوان : هههه .. لا والله بس نومتي ليلحين ماتظبطت .. يبيلي وكت على ماتعود ​

أحمد : عشتااااو .. ... أممم جوان انا بكلمج بموضوع ​

جوان ( قلبي قام يرقع .. على طول حطيت في بالي موضوع جاك مادري ليش .. رديت عليه والخوف باين بعيوني ) : أي موضوع .. ​

أحمد : موضوع يخص آشواق ​

جوان : شفيها أشواق ​

أحمد : أبيج تكلمينها .. قوليلها خل تدير بالها على روحها .. والله لو اني ماأعتبرها أختي وحالها من حالج جان ماوصيتج عليها ​

جوان : هههههه .. خلاص لاتحاتي .. بعدين انت وايد مكبر المسألة ترى .. ​

أحمد : شنو .. جوان لايكون الغربة غيرت تفكيرج .. ها دير بالج .. أكيد بكبرها .. الي قاعد تسويه عيب وحرام بعد .. تركب السيارة وتظحك مع واحد لاهو من لحمها ولا دمها​

جوان ( تنحت شوي .. كلمة الغربة رنت بأذوني .. أيه والله يخوي الغربة غيرتني .. الغربة خلتني أغفل عن أشياء وايد .. الغربة خلتي اخلي الذيب ياكل من لحمي وانا أظحك له .. الغربة خلت أختك تطيح بالحرام .. الغربة آآه يالغربة .. )​

أحمد : وين رحتي جوان​

جوان : لا ولاشي .. خلاص أحمد أنت أرقد وآمن .. أنا بكلمها أنشاءالله​

( رن تلفوني ولا جراح داق .. ماقدرت أرد عليه لانة أحمد قاعد يمي .. حسيت نظرات أحمد لي نظرات شك .. )​

أحمد : منو داق ..​

جوان : هاذي رفيجتي داقة الظاهر بتسلم علي ​

أحمد : خلاص عيل أنا اخليج .. عن أذنج .. وسلميلي على رفيجتج​

جوان : يوصل أنشاءالله .. يوصل ​

بعد ماطلع أحمد من الغرفة​

جوان ( قلبي بكل رنة يفز على قولة الجسمي فزة حمامة .. رديت على جراح وانا كلي شوق له وعتاب .. مادري اعاتبة ولا أقولة مشتاقتلك ولا أسألة عن أحوالة .. وأول كلمة نطق فيها )​

جراح : جوان .. جوان لاتسكرين التلفون .. ​

جوان ساكتة​

جراح : جوان أنا أدري أنج زعلانة عليي ومن حقج تزعلين وتعاتبيني .. والله كنت غلطان يوم ماسمعتج .. كنت غلطان ولو الزمن يرجع جان ماعطيتج الكف الي عطيته لج .. جوان آشلي وأبوها جو ذبحوا جاك​

جوان وأخيرا نطقت : شنو .. أنت شدراك​

جراح : جوان جاك قالي كل شي .. دق وقالي أنا سوالج فخ وياب طاري صور .. وقالي بعد أنا آشلي وجون يتعاونون مع أسرائيل وكان بيكمل ولا فجأة يسكت .. قعدت أقول ألو ألو محد رد علي ​

قاطعته جوان : ماقالك صور شنو ​

جراح : لا بس قالي صور .. مافهمت قصدة .. وبعدها نزلت الصالة سمعت جون يقول تم الامر وكانوا يتكلمون عن جاك ويتكلمون عن عمليات نفذوها ومادري شنو .. جوان سامحيني لاني ماصدقتج من البداية .. والله أني غلطان .. أنا حمار لاني ​

قاطعته جوان : لاتقول جذي .. أصلن أنا عمري مازعلت عليك جراح ولا عمري راح أزعل .. جراح أنا ..​

قاطعها جراح : جوان أنا أحبج .. والله أني أحبج .. طول الفترة الي كنتي بعيدة عني كنتي على بالي .. مافارقتي عيني لحظة .. والغيرة الي كانت تشتعل بقلبي لمن أشوفج مع جاك هاذي غيرة حبي لج .. وانا مالوج على الي صار .. بنت بروحها بالغربة ومالقيتي احد جدامج غير جاك .. وأنا السبب الي خلاج تروحين حقة .. أنا بصحح كل أغلاطي وأول غلطة راح أصححها بس أرجع الكويت أنشاءالله​

جوان : آآه جراح .. من زمان ناطرة هاللحظة .. من زمان ناطرة اللحظة الي تنكشف فيها آشلي على حقيقتها .. وأخيرا بانت الحقيقة .. ​

جراح : اي والله باجوان .. اي والله .. ​

جوان : متى راح ترجع​

جراح : الحين انا بالمطار بحجز حق أقرب رحلة .. وبخليها لج مفاجأة .. ماراح أقولج متى ​

جوان : يامليق .. ​

جراح : ههههه .. الله كريم .. يلا الحين أنا بسكر أشوفج على خير يا أغلى ماشافت عيني ..​

جوان : الله وياك .. الله وياك ​

تغربنا تباعدنا نحاول ننسى حالتنا ننسى كل مافينا

اتاري الحب يتبعنا واتاري السهوى تجمعنا في كل خطوة نخطيها

ياعزة نفس خانتنا سببها يوم تعاندنا ولا فكرنا نخفيها

ياقلوب صغيرة ودتنا طريق الشوك وهدتنا خبرة حب مافيها

تندمنا تألمنا بعد مالفرصه فاتتنا في كل لحضة نعاديها​

............................................................................................................................​

( بيت أم علي )​

أم علي : بو علي طلع من البيت .. وعلي وفاطمة راحوا دواماتهم .. والحين أكيد بنت أبليس قاعدة بالبيت لا شغل ولامشغلة .. هاذي الفرصة المناسبة خل أروح أغسل لها شراعها .. هاذا الي ناقص اناسب هالأشكال ​

طلعت ام علي وراحت بيت أشواق ... وبهاللحظة أشواق قاعد تطبخ الغدى عشان توديه حق أمها السجن​

طق باب بيت أشواق ​

أشواق : أكيد هاذا عليوي حياتي .. مايقدر يروح الدوام من غير لايمر يسلم ... خل أروج أبطل الباب ​

أشواق واهيا تبطل الباب : هلا علي حيا..​

ولا توقف وتنصدم .. ​

: منو أنتي ​

أم علي درعمت البيت ودزت أشواق على الأرض ​

أم علي : أنا منو .. أنا منو يالعقربة .. انا أم علي .. أم علي الي قاعد ترسمين عليه ..​

أشواق : خالتي انا ​

أم علي : تخلخلت حنوجج قولي آمين .. أنتي صج ماتسحين على ويهج .. بأي عين تلفين حوالين ولدي وترسمين عليه .. أنتي منو .. شايفة ويهج بالأول أنتي .. ولا شايفة أبوج .. من صجج انا بعطيج ولدي .. أي مالومج شفتيه مدمغ قلتي أقص عليه بجم كلمة .. أضمنة يكون زوج لي .. لانة محدد باجر يرضى يناسبني .. ​

أشواق : خالتي أنتي ​

قاطعتها : لاتقوليلي خالتي ( قربت منها ومسكتها من طرف دراعتها ) : شنو هاذا .. دراعه .. ورخيصة بعد .. ( شمت فيها ريحة طباخ ) : أفووو .. وريحة طباخ بعد .. بصل وطماط ومعجون .. على شنو انتي شايفة روحج .. ترى علي ولدي مايبيج حبا فيج لا .. بيقزرها غليج بس .. شافج بنت بروحج ماعندج ظهر يسندج قال أقزرها على أفاا ولا أنتي منو أصلن بيطل بويهج​

آشواق : رجاءا بس .. وبعدين أنتي شنو من أم .. في أم تتكلم عن ولدها بالهطريقة .. والله عيب​

قربت منها أم علي وعطتها كف .. ​

أم علي : هالكف راح يعلمج شلون تتكلمين مع ألي أكبر منج .. عمامج .. وشوفي يا بنت أبليس .. هاذا آول وآخر آنذار ... أحذرج .. علي وخري عنه .. وأن قربتي منه ماتلومين ألا نفسج .. ترى أنا أقدر بدقيقة بس .. بس أأشر ألزق فيج تهمة شكبرها وأردج السجن .. عاد لو أنا تدخلت بالموضوع تغسلين أيدج تطلعين منها .. بعدين أستحي على ويهج .. الي مكانج تخش روحها بالبيت وماتطلع .. انا لو أبوي مثل أبوج والله مالقي ويهي حق أحد .. أروح أنتحر احسن .. ​

وعطتها ظهرها أم علي وطلعت من البيت واهي تظحك بطريقة خبيثة .. حست انها مسوية أنتصار وأنجاز .. أما أشواق ​

أشواق ( أما أنا تحطمت .. تألمت .. كلامها كلة صح .. انا شلون فكرت أني أرتبط بعلي .. لاني من مستواه ولاهو من مستواي .. علي فوق وأنا تحت .. رحت ورديت الكل يسميني بنت السكير القمار .. وأمي الي بالسجن .. بعدين باجر الكل بيعاير علي لانة خذاني .. وانا هالشي ماأرضى فيه .. خلاص انا قررت أني راح أنسحب من حياة علي نهائيا .. راح أنسحب عشان لا أجرحة ولا أنجرح أكثر .. )​

............................................................................................................................​

 

[زهراء*]

............................................................................................................................​

​

( بيت هوازن )​

​

هوازن : ثنيان .. ثنيان ​

​

ثنيان : هلا يما خير ..​

​

هوازن : تعال بسرعه عندي لك مفاجأة​

​

ثنيان : شنو ​

​

هوازن : حجزت تذاكر .. طيارتنا باجر .. بنروح حق مشاري أخوك وبنرجعه الكويت ​

​

ثنيان :صج يما .. عاد جنج قاعد تقرين أفكاري .. وبالطريج عاد خل نطقها سياحة بدبي .. ​

​

هوازن : يما منك .. أنشاءالله يصير خير .. بس الحين روح جهز أغراضك لانة الرحلة بتكون الساعه 10 الصبح​

​

ثنيان : أيباا ... ياسلام​

​

أم هوازن : شفيه ثنيان وايد مستانس ​

​

هوازن : يما أنا حجزت تذكرتين بنسافر انا وثنيان بنروح الامارات​

​

أم هوازن : شمالة هالسفرة يعني ​

​

هوازن : مشاري طلع مسافر .. وبنروح نرجعه الكويت ​

​

أم هوازن : يعني الي يكون زعلان ... يزعل اليوم وباجر بيرضى .. ​

​

هوازن : مهما يكون يما هاذا ولدي وماقدر أشوفة زعلان وماأسوي شي ​

​

أم هوازن : يعني أشتغلت غريزة الأمومة عندج .ز ألف مبروك​

​

هوازن : يعني ماتعرفين ألا تطنزين يما .. أبي مرة تقوليلي كلمة حلوة تطيب خاطري .. ماتعرفين تصفين الكلام الحلو الى حق أم علي وانا مالي من هالحجي صيب​

​

أم هوازن : لمن تصيرين مثل ام علي تعالي تكلمي .. على الاقل أختج ظافتنا في هالبيت .. ولا نسيتي أنا ريلها الي سجل هالبيت بأسمي .. لا وبعد فوق كل هاذا سجل مزرعه بأسم أبوج .. أنتي قوليلي شنو خذيت من رياييلج الأثنين .. ماخذيت غير الظيم وعوار الراس ​

​

هوازن : اللااه .. ألحين صارت أم علي الزينة وانا صرت الشينة .. مو أنتي الي غصبتيني أتزوج سعد .. وينة الي بيعزني ويرزني .. خليها على الله .. أحنا مالنا غير الله .. اي وترى ماقتلج .. أنا عن قريب راح أتزوج وراح أطلع من البيت​

​

أم هوازن مصدومة : تتزوجين .. بعد هالعمر .. والله عيب ​

​

هوازن : حياتي وأنا حرة فيها .. بس حبيت أعطيج خبر عشان تكونين بالصورة .. عن أذنج يما .. أنا طالعه مع السلامة ​

​

ام هوازن : الله لايسلم منج مغز أبرة ​

​

هوازن : ههههههه .. ماراح تتغيرين يما .. مستحيل تتغيرين .. الله يسامحج بس ..​

​

 

[زهراء*]

............................................................................................................................​

​

( شركة البارادي للتجارة العامة والمقاولات )​

​

محمد : والله الشاب كان نبيه حيل .. مادري ليش حسيتة اهو المناسب حق هالشغلة .. وأحسة بسرعه يتعلم .. يعني لو يقعد معاي شهر بتلقاه يدر علينا فلوس ​

​

سعد : وانت ماخذيت اسمة​

​

محمد : لا والله كنت حيل مستعيل بس عطيتة كرتي .. وأكيد راح يتصل .. مادري حسيت من كلامة أنا حيل مهتم حق الشغل .. ​

​

سعد : الله كريم .. أذا أتصل خير وأذا ماأتصل الله وياه ..​

​

محمد : الله كريم ..​

​

سعد : تصدق محمد أمس حلمت بمشاري ولدي ..​

​

محمد : ويييييه .. مشاري ماغيرة .. لو ألحين أهو عندك بيكون عمرة 23 مو ..​

​

سعد : اييه .. يعني بيكون ريال .. عاد تتوقع يشبهني ​

​

محمد : والله مادري .. بس هالولد صج كنت أحبة .. أذكر لمن كنت تييبة الشركة يعفس مكاتب الموظفين كلها والأوراق تصير كلها سعابيل ​

​

سعد : ههههه .. شكثر كان يسعبل ههههههههههه .. مادري شفيني نزل عليي الشوق فجأة ..​

محمد : شي طبيعي .. بس انت ليش مخذيت حضانتة​

سعد : لاني كنت متهور وماعندي شي أسمة مسؤولية .. بس لو يرجع فيني الزمن ماأتخلى عنه .. وأنا حاولت جم مرة أزورة وأسأل عنه بس مادري شلي كان يمنعني ويردني .. ​

​

محمد : أسأل عنه ألحين​

​

سعد : وين .. عقب كل هالسنين أروح أسأل عنه .. لا غلطان .. الله كريم .. ​

​

............................................................................................................................​

​

( بيت جاسم )​

​

قمر : من صج .. يعني راح يرجع .. ​

​

جاسم : اي قال كلها جم يوم وبيرجع الكويت بس ناطر الشهادة ​

​

قمر : وااي بابا حدي مشتاقة له .. ​

​

جاسم : اي والله البيت خالي بدونة ​

​

قمر : أي والله .. ( ثنيان دق علي ) : بابا عن أذنك​

​

جاسم : أذنج معاج​

​

..​

​

قمر : هلا مشاري ​

​

ثنيان : هلا قمر .. أمم انا ثنيان ​

​

قمر : اي أدري .. ​

​

ثنيان : بس أنتي قلتي هلا مشاري ​

​

قمر : هاا .. سوري .. ههههههههههه مشاري على بالي قاعد أحاتيه​

​

ثنيان : هههه لا ماعليه .. أنا عشان جذي داق عليج .. باجر انا والوالدة بنسافر حق مشاري الأمارات بنتله من أذونة وبنرجعه الكويت .. ​

​

قمر : اي زين الحمدالله .. الله كريم أنشاءالله .. ​

​

ثنيان : أممم .. ( سكت لحظة ) .. / أممم وبعد فترة راح نكون في بيت واحد​

​

قمر : أممم شقصدك مافهمت​

​

ثنيان : مشاري وافق على زواج أمي من أبوج​

​

قمر : من صجك .. شلون​

​

ثنيان : والله مادري علمي علمج .. كان كاتب رسالة حق أمي .. هههه وقايل لها بنتة قمر من ألحين أقولج ماأواطنها​

​

قمر : هههههههههههههههه .. بنشوف .. يلا ثنيان انا اخليك .. مع السلامة .​

​

​

 

[❣ alZen●Kilah ❣]

هههههه

احلى شي قالها هههه


يالله الله يرد جراح بالسلامه

و ان شالله ما ياخذون من جاك شي

حرام جاك الله يرحمه


ان شالله اشلي و ابوها وراه الملق@:


و نبي بارت لعيونا :$:$:$:$:

 

[زهراء*]

ههههه الحين ماكو ةالله بارت باجر أنشاءالله أكتب وأنزلة ...,

منورة يقلبي

 

[❣ alZen●Kilah ❣]

هههه خلاص سامحتج << وانتي منو هههه

المهم نشوفج باجر على خير ان شاءالله

تصبحون على خير جميعا :*

 

[واحشني مووووت]

بارت 32​

اشلي:أحسن زين يسوي فيج جاك من حفر حفره لاخيه وقع فيها.
جون:أنشالله يذبحون بنتك بعد عشان تفهم انهم مالهم صاحب مالت عليك يا المرتد.
جاك:الحمدلله الله هداه..مسكين ذبحوه بس كافي انه سوا خير قبل لا يموت وستر على جوان.
جراح:شنو يفيد الندم الحين هاااااااااااااااااااااااااااا:eh_s(14)::eh_s(14)::eh_s(14):
أشواق:أتوقع أحمد راح يتزوجها/وشفيج شنو يعني انتي مو من مواخيذه شفيج ليش تتنازلين عن حبج لييييييش.
جوان:ايييييه قلبج يبيه لازم تسامحينه.
بوعلي:اي والله خل يختار اهوا حر بحياته.
ام علي:قطيعه شنو من انسانه انتي بفهم وااااااي على شنو شايفه روحج؟؟؟؟؟:eh_s(14)::eh_s(14)::eh_s(14):
هوازن:امها طبعها نفس بنتها ام علي و الله زين تسوي فيكم هوازن.
شركة البرادي:يا محاسن الصدف انشالله كلشي يتعدل/بس انشالله ما يخرب على هوازن و مشاري يغير رايه.​

وخلاص زووز انا قررت مااعلق تقولين تعليقاتي طويله راح اكتفي بكلمة شكرا:eh_s(17):​

 

[كلي أحزان وهموم]

ثااانكس على البارتات زهووور والله الرواية صايرة واايد اكشن
وأم علي بطت جبدي تفكيرها ما عجبني تمشي وتجرح بالناس ودي أزنطها وأطلع حرة علي وأشواق لووول :eh_s(14):
وأشواق كسرت خاطري مالها ذنب وشكلها راح تهد علي وأحساسي يقول ماراح تتزوج علي<<حلفي أنتي وأحساسج
وهوازن بعد عمري مستانسة راح تتزوج جاسم بعد هالعمر الله يهنيهم ويخليهم لبعض :eh_s(17)::eh_s(17):
قمر صايرة سنعة هالايام حبيتها وانشاءالله دووم :rerrerek:
كمممممملي نـاطرييينج يالمبدعـة :eh_s(9):

 

[بــ الكويت ــنت]

يالله متى البارت
ام علي وام هوزان واشلي وجون ودلال وفاطمه يغثووووووون ومشاري يعني يغث على مسكين وثنيان وقمر يونسون و علي واشواق وجوان وام اشواق واب اشواق مساكين وجاك مسكين حده وان شاء الله ما يشوفون صور جوان من عند جاك

 

[3115]

واااي زووز مس يو حدي وحتا الروايه اشتقت لها صارت واايد احدتث ووايد صدف مادري شعلق شقول

جاك اخييه مادري استانس عليه ولا احزن شكلي بستانس انه ماات لأن الموت فييه حق

ااشلي وجوون انشالله يطيحون بحفرا مايطلعون منها لووول

وجرااح اشوه صار ريال علا ااخر شي جبح خرووف وربي

جواان حبي فديت قلبها علا نياته هل البنت طيبه وربي الله يوفقها وانشالله مايصير لها شي مو زين بعد

علي اخييه قلتها بأول الروايه الفارس المغوار بس شكلا شكلا بنهاية الروايه رااح يتحطم بسبه اشواق لمن خلتا وراح يتزوج الشيفه الزفتا دلالو لأن راح
تلعب عليه وتستغلا واايد جبح

ووشوااقه المسكيينه استسلمت حق ضعفها مره ثانيه لمن قالت بهد علي

وام علي عيوز النار هاذي خل اتموت واايد احسن والله غثييثه عكس ام احمد

بس شكلا شواقه ولا علاو راح يكرهون ام احمد لمن يدرون انها امفتنا عليهم عند ام عليوي لووووول

وني حق بطل الروايه و فديته ارجل واحد بالروايه والله خصوصن الرساله مالت امه اخييييه شنو هل انسان قلبه نضيف اويلي ويلاه
والله لو يوزع نص رجولتا حق شباب الكويت مايصير في خرفان كاااااالك

وثنيان حرام لي الحين يحب قمر

حبيتها هل البنت قمر حسيت الصدما الي صارت لها خففت. غرورها شوي خخخخ

بس بغيت اقولج شي زووز ليش كل وحدا مغروره تخلين اسم اخوها جرااح خخخخ
حتا روايت اذرف دمعي كانت لوجين فطيتها خخ هم كاانت مغروره ورافعه خشمها واسم اخوها جراح ككككك

بس طرا هشي ع بالي وحبيت اقوله مابقيت اكسر بخاطري خخخخ<< عشتااو جب جب

 

[زهراء*]

​

وخلاص زووز انا قررت مااعلق تقولين تعليقاتي طويله راح اكتفي بكلمة شكرا:eh_s(17):

​

​

​

هههه لا شكو بالعكس لاني مستانشة على ردودج .., :eh_s(15):​

كملي نفس الردود حياتي​

ثااانكس على البارتات زهووور والله الرواية صايرة واايد اكشن

​

منورة حياتي .., ​

ها>ا المطلوب اسوب التشويق ​

بس بغيت اقولج شي زووز ليش كل وحدا مغروره تخلين اسم اخوها جرااح خخخخ
حتا روايت اذرف دمعي كانت لوجين فطيتها خخ هم كاانت مغروره ورافعه خشمها واسم اخوها جراح ككككك

بس طرا هشي ع بالي وحبيت اقوله مابقيت اكسر بخاطري خخخخ<< عشتااو جب جب

​

هههههه شفتي شلوون .., ​

مادري والله صدفة ترى طلعت .. بس أسم جراح غرامي .,​

واي مشتاقة حق لجون عاد والله وحق عبدالله واسرار :eh_s(11):​

​

​

​

​

البارت قصير بس عشان تتشوقون حق البارت الي بعدة ..,​

​

لعيون شيوم النزقة لانها يابت درجات كاملة ..,​

​

​

​

البارت الثالث والثلاثون​

:eh_s(7)::eh_s(7):​

​

.................................................​

​

( نيويورك .. بيت آشلي وجون )​

​

آشلي : لا اعرف لماذا تحدث ألي بهذه الطريقة ... هل تعتقد أن سمعنا ونحن نتحدث عن حادثة جاك ​

​

جون : لا .. لا أعتقد .. لقد كان نائما في غرفته .. يبدو أنه يواجه بعض المشاكل مع عائلته​

​

آشلي : يبدو ذلك .. فقد أخبربي قبل يومين بأن والده يريده بموضع مهم .. سننتظر ونرى ..​

​

جون : آشلي أسرعي في تنفيذ الخطة ​

​

آشلي وقفت : أبي لقد سئمت من هذا الكلام .. لقد آخبرتك بأنني سؤنفذ الخطة .. ​

.......​

​

بطرف ثاني جراح توة راد من المطار ...​

​

جراح : السلام عليكم ورحمة الله وبركاتة​

​

آشلي : أهلا .. أممم .. أين كنت .. ​

​

جراح : رجعت لتوي من المطار .. قمت بحجز رحلة للرجوع الى الكويت .. ستكون الرحلة في الساعه ال واحدة فجرا​

​

آشلي : بهذه السرعه .. هل مللت مني ومن الجلوس معي ​

​

جراح : لا .. ولكني أخبرتك بأن والدي يريدني .. سأرجع وأنا أعدك ​

​

آشلي : حسن ٌ .. وأنا في أنتظارك​

​

جراح : جون سررت بالتعرف عليك​

​

جون : وأنا أكثر ​

​

آشلي : آآه نسيت أن أخبرك .. قامت الجامعه بأرسال بريد ألكتروني يبلغون الطلبة بأن يذهبوا لأستلام شهاداتهم .. ​

​

جراح : متى موعد الأستلام​

​

آشلي : غدا .. من الساعه ال 8 صباحا حتى الساعه 1 بعد الظهر​

​

جراح : لن أستطيع أستلامها .. سوف أستلمها في المرة القادمة التي آتي فيها ألى هنا ..​

​

آشلي : حسن ٌ​

​

جراح : انا الآن يجب أن أذهب لكي أحضر نفسي .. أراكم لاحقا .. وجون شكرا على هذه الأستضافة الجميلة .. ​

​

جون : لاعليك .. ​

​

............................................................................................................................​

​

( بيت أشواق )​

​

بعد ماطلعت أمي علي من بيتنا على طول لبست عباتي ورحت بيت خالتي أم أحمد .. أول ماشفت جوان جدامي طحت بحضنها وقعدت أبجي ​

​

: جوان مومكتوب لي أذوق طعم السعادة أبد .. مو مكتوب لي أعيش مرتاحة .. محكوم عليي أني أنسجن بقفص .. ليش .. لاني ماعندي ظهر أسند عمري عليه .. ولا ماعندي قلب أم يحن عليي ويحتويني .. ليش جوان قوليلي ليش يصير فيني جذي​

​

جوان : آشواق حياتي شصاير خرعتيني ​

​

آشواق ( بديت أقول حق جوان عن كل الي مريت فيه بغيابها .. لمتني وحضنتني ومسحت دموعي .. وقعدت تهديني وتصبرني )​

​

جوان : خلاص أشواق قطعتي قلبي .. كل هاذا صارلج وانا مادري .. ليش قطعتي رسايلج معاي .. أنا فقدتج مناك وفقدت مراسيلج .. دزيتلج جم مرة بس مالقيت منج جواب​

​

آشواق : اي أبوي ماكان يخليني أراسلج .. آآه خذى أحلى أيام عمري .. ​

​

جوان : خلاص أشواق حبيبتي الي راح راح .. وأحنى عيال اليوم​

​

آشواق : جوان أنا قررت أنسحب من حياة علي .. مو عشاني بس .. بعد عشانة .. مابي تصير مشاكل بينة وبين أهلة بسبتي ​

​

جوان : بتنسحبين وبعدين ... عبالج السالفة بهالبساطة .. تتوقعين راح ينساج .. أكيد ماراح ينساج حتى لو كنتي بعيدة عنه​

​

آشواق : ادري ماراح ينساني .. بس على الأقل يعيش مرتاح بين أهلة .. ​

​

جوان : ماأنصحج أشواق .. أنتي لازم تتمسكين بحبج حق علي .. انتي لازم تحاربين الدنيا كلها عشانة .. لاتنسحبين بهالسهولة أشواق .. لاتنسحبين ..​

​

آشواق : جوان أنتي أكثر وحدة قريبة مني .. أنتي لازم تفهمين موقفي وتقدريني .. ماقدر .. خلاص انا قررت .. ماقدر .. أنا راح أسبب المشاكل بينة وبين أهلة​

​

جوان : والله مادري شقولج حياتي أشواق .. الي تشوفينة .. بس انا راح أكون يمج وكت ماتحتاجيني .. أي شي تبين .. أي مساعدة لايردج ألا ألسانج​

​

آشواق : طول عمرج أصيلة جوان .. طالعه على امج .. الله لايحرمني منج يا جوان .. ​

​

جوان : حياتي حق شنو الله خلق الخوات ..​

​

............................................................................................................................​

​

( السجن المركزي .. زنزانة بو أشواق )​

​

عادل : المشكلة أني ماعندي صاحب بهالدنيا أعزة كثرك .. قلت أني مابي أزورك بس ماقدرت .. ​

​

بو آشواق : آآخ يعادل .. انا منسجن بسجنين .. هالأيام صاير ما أناام .. كل ماتغفي عيني احلم بكابوس وأفز من نومي ..​

​

عادل : أقرى صورة الفاتحه وآية الكرسي قبل لاتنام​

​

بو آشواق : أووه شنو هالاطورات من متى .. ​

​

عادل : شقالولك .. ترى انا مسلم حالي من حالك​

​

بو آشواق : هههههه .. .. .. شلون أشواق .. ​

​

عادل : والله مادري عنها .. من زمان مامرتيها ​

​

بو آشواق : أكيد الحين قاعدة مع امها .. ​

​

عادل : أنت الي خسرتها .. بيدك خسرتها .. لو مخليها على عماها .. أمها متوفية متوفية .. صارلها 20 سنة خايسة بالسجن .. ليش بطلت صفحات قديمة وخليت البنت تطير من أيدك ..​

​

بو آشواق : قتلك تأنيب الظمير .. ​

​

عادل : يلا .. آنا أستأذن الحين .. تأخرت على الشركة .. ​

​

بو آشواق : مشكور على الزيارة .. وعادل الله لايهينك .. مر على اشواق وتطمن عليها .. بنت بروحها وأكيد محتاجة شي لاتقصر معاها ​

​

عادل : خلاص أرقد وآمن .. يلا في آمان الله​

​

بو آشواق : في آمان الله ..​

​

 

[زهراء*]

.................................................. .................................................. ........................
( مطار الكويت الدولي )
ثنيان : يلا يما خل نروح نخرد الجوازات ..
هوازن : يلا ماشي .. أنت أسبقني أخذ مكان وأنا بس بروح تكرم السامع الحمام ولاحقتك
ثنيان : أوكي ..
..
عند كاونتر المطار
الكاونتر : سعد أحمد ال...
سعد : هلا
الكاونتر : تفضل ..
.....
بعد ماطلعت هوازن من الحمام
ثنيان يأشر لها
هوازن : أنشاءالله ماتأخرت عليك
ثنيان : لا عادي ..
هوازن : يلا لاتطير الطيارة بس ..
....
بالطيارة
هوازن وثنيان قعدوا بالكراسي .. وبعد دقيقتين ..
.................................................. .................................................. ........................
( جامعه الكويت .. كلية الأعلام )
الدكتورة حنان : طبعا المشروع راح يكون عبارة عن فلم وثائقي يطرح مشكلة تعاني منها المجتمعات العربية .. وأنتوا لازم توضحون بالفلم هاذي المشكلة .. وبنهاية الفلم تحطون حلول مقترحة .. والجامعه قررت أنها تعطي اجمل فلم على مستوى الجامعه جائزة مالية كل عضو بالقروب قدرها 500 دينار
حيدر : أيبااا .. والله حلوة الفكرة
علي : اي والله خوش فكرة .. عادا أنا هالمشاريع غلرامي
الدكتورة حنان : والحين راح تمر ورقة أبي كل قروب يكتب أسماء الأعضاء .. القروب يتكون من 6 الى 7 أعضاء .. واتمنى انكم تختارون صح ..
علي : ولييه الحين أنا وأنت مانعرف أحد بالكلاس .. الكل اكيد بيختار ربعه أحنا بنكون على التلة ..
حيدر : أي والله وانت الصاج .. خل ننطر ونشوف منو يبقى
بطرف ثاني
دانة : الحين شنو بتسوين
دلال : الكل راح يكتب أسمة وانا وأنتي ماراح نكتب شي .. والدكتورة راح تقول منو ماعندة قروب راح نرفع أيدنا .. وجذي راح نكون بقروب علي
دانة : وعلي شدراج بيكون ماسوالة قروب
دلال : أدري .. تقدرين تقولين أحساس
..
بعد ماكتب كل قروب أسماء الأعضاء الي فيه
الدكتورة حنان : الحين منو الي ماعندة قروب
دانة ودلال رفعوا أيدهم .. وعلي وحيدر بعد .. وحنان وسارة .. وبدر
دكتورة حنان : خلاص عيل .. علي .. حيدر .. دلال .. دانة .. سارة .. وحنان .. بدر .. انتوا راح تكونو بقروب
حيدر : وييييع
علي : بس دكتورة
قاطعته : علي .. هاذا آخر كلام .. والمشكال الشخصية خلوها على صوب .. وشغل المشروع على صوب ثاني
علي : الله يعينا على الملاقة عاد .. لزقة عنزروت .. مادري متى بنفتك من هالبريعصية ..
حيدر : كااااااااااااك .. ألا زيوي وأنت الصاج .. مع قرون الأستشعار الى مطلعتهم .. يعني قذلة مع ويها
علي : كااااااااااااااااااااااااااااااااك
بعد ماخلصت المحاضرة
دلال بدلع : علاو .. متى راح نبلش
علي طالعها من طرف عين : علاو !! .. أقول بابا أنا أسمي علي .. ومتى نبلش ماراح نبلش .. وانا واحد مفهي .. بايعها .. مابي درجات . يعني راح أفل من القروب .. وترى هاذي حركاتج لعبيها على غيري .. أنا فاهمج وخابزج .. مو انا الي ياية تلعبين عليي ..
دلال : أنت شفيك .. ماعندك أحساس .. ترى أنت وايد تماديت وأنا سكت عنك وايد .. أنزين ياعلي .. عاند بعد .. بس حط في بالك أنت بالنهاية أنت الخسران .. وشوف أنت مع منو قاعد تلعب
علي : يلا يلا يلا .. صج ماتستحين على ويهج .. صج الأنسان لا أنعدمت عنده الكرامة يصير حالة من حال الجوتي تكرم السامع .. حيدور يلا سرينا ..
دلال : أنا جوتي .. أنا أراويك .. والله لخليك تندم .. لحرق قلبك ياعلي
علي : ههههههه .. ناطرج ..
دانة : دلال خلاص أمشي ..
دلال : أنزين .. بنشوف
.................................................. .................................................. ........................
( بيت بوعلي )
بوعلي : آآه ياخوي .. الله يرحمك ويغمد روحك الجنة انشاءالله .. مظلووم .. والله مظلووم
أم علي : بو علي شفيك قاعد بروحك بالغرفة
بو علي نزلت دمعته : تذكرتة .. آآه .. انا السبب بلي صار .. انا السبب .. أكيد ماراح يسامحني ماكان له ذنب ..
أم علي : لاتذكرني بلي راح .. لاتقول جذي ... هاذا قدر ومكتوب .. وكلنا رايحين بهالطريج
بو علي : بس لو ..
أم علي قاطعته : لاتكمل .. الشيطان شاطر .. ومو أنت أول ولا آخر واحد يطيح بهالغلطة
بو علي : بس انا ظيعت أخوي .. وكنت بظيع ولدي ..
أم علي : بس بو علي ... لاتفتح صفحات قديمة .. كل ماأتذكر المنظر أحس أني مخنوقة .. بقيت تروح أنت من أيدي .. الله ستر ..
بو علي : وأخوي .. أخوي الي راح من بين أيدي .. ماراح أسامح نفسي .. ​

 

[O+L=love]

القصه حدها اتينن وعجيبه واتوقع مشاري بيصير انسان زين وبيشوف ابوه بس ابوه بيوزه على امه وراح يخلي ابوه يولي لووووول ومابغا جراح يوخر عن الخايسه وهوازن بتتزوج جاسم واشواق بتوخر هن علي بس الايام بتجمعهم واممممممم وقمر بتتعدل ان شالله

 

[DF.JB]

مششكورة حبيبتي ع البارت

اتوقع سعد يشوف هوازن وتصيير مشكله

up up

 

[زهراء*]

منورين بنات ..,

أنشاءالله البارت الياي راح أنزلة على الساعه 10 أو 11 على حسب ..

لاني عندي جم شغلة لازم أخلصها ..,

 

[كلي أحزان وهموم]

ثانكس على البارت زهوور هالأيام في بارتات وايد
أشواق صح بتتعب وتصيرلها مشاكل بس بالأخير راح تصير حياتها مثل ماتبي لازم ماتتخلى عن علي وتوقف بويه الكل عشانه
ووجراح مبرووك أعترفت حق جوان بحبك واخيرا مابغيت
وراح تصير سالفة بين هوازن وسعد اذا درا انها بتتزوج جاسم ومادري بعد يعني راح تصير خلافات وايد بينهم :eh_s(4):
وكمممملي نـــاطريييينج على نار :ggdw::eh_s(17):

 

[دلعي انا نادر]

عجيييبه روايتج واشواااق مسكينه الله يعينها
وعلي عاجبتني شخصيته واخلاقه
اما دلالو هذي الي بااطه جبدي اخخخ بس

 

[دلعي انا نادر]

** * * * * * * up up up up up up up*
** * * * * * * * * * * * * * * * * * * * * * up*
** * * * * * * * * * * * * * * * * * * * * up*
** * * * * * * * * * * * * * * * * * * *up*
** * * * * * * * * * * * * * * * * * up
** * * * * * * * * * * * * * * * up
** * * * * * * * * * * * * * up*
** * * * * * * * * * * * *up up up up up up





** * * * * * * up up up up up up up*
** * * * * * * * * * * * * * * * * * * * * * up*
** * * * * * * * * * * * * * * * * * * * * up*
** * * * * * * * * * * * * * * * * * * *up*
** * * * * * * * * * * * * * * * * * up
** * * * * * * * * * * * * * * * up
** * * * * * * * * * * * * * up*
** * * * * * * * * * * * *up up up up up up





** * * * * * * up up up up up up up*
** * * * * * * * * * * * * * * * * * * * * * up*
** * * * * * * * * * * * * * * * * * * * * up*
** * * * * * * * * * * * * * * * * * * *up*
** * * * * * * * * * * * * * * * * * up
** * * * * * * * * * * * * * * * up
** * * * * * * * * * * * * * up*
** * * * * * * * * * * * *up up up up up up





** * * * * * * up up up up up up up*
** * * * * * * * * * * * * * * * * * * * * * up*
** * * * * * * * * * * * * * * * * * * * * up*
** * * * * * * * * * * * * * * * * * * *up*
** * * * * * * * * * * * * * * * * * up
** * * * * * * * * * * * * * * * up
** * * * * * * * * * * * * * up*
** * * * * * * * * * * * *up up up up up up

 

[زهراء*]

ثانكس على البارت زهوور هالأيام في بارتات وايد

خخخخ أظبكم ..,

لان الأمتحانات يايتكم .. ويايتني .. قلت أعوضكم ألحين أخاف تلهون وأنا بعد الهى عنكم ..,

والسبب الرئيسي بخلص الرواية بسرعه ببتدي بلي بعدهاا ..,

** * * * * * * up up up up up up up*
** * * * * * * * * * * * * * * * * * * * * * up*
** * * * * * * * * * * * * * * * * * * * * up*
** * * * * * * * * * * * * * * * * * * *up*
** * * * * * * * * * * * * * * * * * up
** * * * * * * * * * * * * * * * up
** * * * * * * * * * * * * * up*
** * * * * * * * * * * * *up up up up up up

حياتي والله مشكورة على الرفع ..,

منورة الرواية يقلبي ..,

 

[3115]

خخ طلع جراح غرام الكل و فديت الأسم والله

اول شي تعليقاتي
شسمه لمن بالمطار سعد راح يشوف هوزان

والزفتا دلال جبااح باطه جبدي والله بس اشوفه ادوس ابطنه هل زهيوي قطيعه << حيدر عجييب يقول حكم فطيته خخ

وشكلا جي ياني احساس انا اشواق راح اتزوج عادل عشان تنسا علاو فارسها المغوار واهوا بعد راح يتزوج دلال عشان ينساها

وااشلي وجون اكييد بيسون شي حق جرووح المسكين

وشسمه هاذا الي قاعد ادورا اشواق الي امها اذبحت ولدهم يصير حق علي

لأن ام اشواق شبهت علا علي. وعلي يوم قالت له اشواق بالأسم الي تدور عليه. قال جني سامع الأسم وابو علي اخوه متوفي
فآنا ربطت الاحداث انشالله صح خخخخ

وشمه بعد خخخ اشواق ذكرتني بريم بروايه اذرف دمعي خخ<< معلقا علا الروايه القديمه مادري شفيني خخخخخ