[لاتمثلين احتياجج لي وانتي بحضن غيري مقزرتها ] بقلمي .,

[وروده المطيري]

مشكووووووره واااايد
الروايه وواااايد حلوه
استمري بالكتابه
موفقه ................يارب

 

[❣ alZen●Kilah ❣]

مشكوووره عالبارت بس ليش تعذبين قلوب العذاره هههه


شنو الشالفه و اخوه و ولده و اهوه هههه !

 

[ابي قطوة ميوووو]

بسسس خلااااص فهمممت الساالفة
عليوووي كاان ناااايم عند عممممه الي انذبببح
فام اشواق عبالها هذا ولده بي اهوا ولد اخووه
همممممممممم اوو
انه عليوووي ولد اخو بو علي واهما متبنيينه
بس المهم انه عليوي يكون لد محمد
وييييه جاااااك حرااام ماات

 

[دكتواره]

ap ap

 

[❣ alZen●Kilah ❣]

up


up

 

[DF.JB]

.. up

 

[❣ alZen●Kilah ❣]

وينج عنا اليووووم :*

ولهنا عليج ههه

 

[om sa3ad]

ناطرينج

 

[دلعي انا نادر]

يلا قلبي ويينج ناطرين

 

[Doza karoza]

KaMmmmmmmli wanaasa ))

 

[بنت الجادي]

وااااي حبيبتي روايتج عجيبة او انا متابعه يديه او نبي البارت اليديد

 

[mss.86oo6a]

up
up
up
up
upp
up
up
up
up
up
upp
up
up
up
up
up
up
up
up
up

up
up
u
up
up
u

 

[كلي أحزان وهموم]

ويينج زهوور

 

[DF.JB]

up up

 

[كويتية عز 93]

ويييينج حبيبتي زهراء

 

[كويتية عز 93]

Up
Up
Up
Up

 

[زهراء*]

البارت الرابع والثلاثون​

:eh_s(22)::eh_s(22):​

..............​

( الساعه 9 ليلا .. نيويورك .. بالتحديد بيت جون وآشلي )​

جراح ( توني راد بين جون وأشلي .. ومحضر لهم مفاجأة .. بس المفاجأة راح تكون بغيابي .. بردتي حق الكويت .. طبعا وصلت والبيت كان فاضي ... وأهم عادتهم من الساعه 9 بليل من كل يوم لي الساعه 12:30 يطلعون يتمشون .. ويتعشون وبعدها يمرون الكنيسة يتعبدون .. فخذيت راحتي بالبيت .. قعدت أشتغل على مفاجأتي من الساعه 9 لي الساعه 12 .. وبعد ماخلصت طلعت مسرع من البيت وطاير حق المطار .. تأخرت .. وتركت لهم رسالة أودعهم فيها .. )​

بعد نص ساعه وصل جون وآشلي البيت​

آشلي : آآه لقد تعبت كثيرا ..​

جون : وأنا أيضا​

آشلي : سأذهب للأطمئنان على جراح​

جون : حسنا .. انا سأشاهد التلفاز ​

آشلي صعدت غرفة جراح مالقتة بالغرفة .. ولا تشوف الرسالة الي حاطها على فراشة ويودعهم فيها .. نزلت الصالة وقطت الرسالة على جون​

: أنظر .. لقد رحل من غير أن يقوم بتوديعي ​

جون : ههههه .. وان يكن ..​

آشلي : وأن يكن .. يبدو أنه بدأ يكرهني ويشك بأمري ​

جون : كيف ..​

آشلي : يبدو أنه عرف بأمر جاك .. عرف بأننا من قمنا بقتله .. ​

جون : لا أعتقد ​

آشلي : انا أعتقد .. بابا قبل أن يقوموا بقتل جاك أخبروني بأنه كان يتحدث بالهاتف .. يبدو أنه كان يتحدث مع جراح​

جون : ولكنه أذ كان يعرف لماذا لم يواجهنا بالحقيقة ..​

آشلي : اعتقد بانه يخشى بأن نقوم بقتله أيضا .. هناك طريقة واحدة لأعرف ذلك​

جون: كيف .. !!​

آشلي : سأسافر للكويت ​

جون : ماذا ..​

آشلي : نعم سأسافر للكويت .. لدي عنوان منزلهم وهاتفه النقال هناك .. ​

جون : وبعد ذلك .. ماذا ستفعلين .. ​

آشلي : لا أعلم بابا .. لا أعلم .. ولكني أعرف نظرات الحب التي يرمقني بها جراح .. ولكن في قبل يومين عندما ذهبت لأقدم له الأفطار لم يرمقني بتلك النظرات .. أحسست بانه بدأ يكرهني .. أريد أن أتأكد أذ مازال يحبني .. ​

جون : لا أعلم يا أبنتي .. لقد سئمت من هاذا الموضوع .. متى سننتهي .. أفعلي مايحلو لك ولكن خلصينا منه للأبد .. ​

آشلي : دع الأمر لي يا أبي .. لاتقلق .. أنا سأتكفل بكل شيء ​

............................................................................................................................​

( الطيارة الي فيها ثنيان وهوازن )​

بالطيارة ​

هوازن وثنيان قعدوا بالكراسي .. وبعد دقيقتين ..​

المضيفة : تفضل لوسمحت .. هاذا مقعدك​

سعد :شكرا​

هوازن ( لفيت ويهي ولا أشوفة قاعد يمي .. لأ .. مستحيل الي قاعد يصير .. هاذي ثاني مرة أصادفة .. شنو السر ورى هالصدف .. أنتبه أني قاعدة يما ولا يسلم علي )​

سعد : هوازن ​

هوازن ساكتة​

سعد : والله الدنيا صغيرة .. هاذي ثاني مرة أصادفج .. شلونج شخبارج​

ثنيان : يما منو هاذا .. ​

هوازن : سعد أنت شنو تبي مني ماتقولي .. أنت أكيد قاعد تراقبني .. ​

سعد : أراقبج .. حق شنو أراقبج .. صدفة .. ولا أنتي ماتؤمنين بالصدف​

ثنيان بصوت حاد : أنت منو وشتبي بأمي​

سعد : امك .. !​

هوازن : ثنيان يما .. بعدين انا أفهمك كل شي​

سعد : أنت أكيد مشاري ولدي .. أي .. أنت مشاري صح .. مشاري انا سعد أبوك​

ثنيان : يما هاذا شفيه مينون .. أي مشاري أي بطيخ .. الظاهر أنت مظيع​

هوازن : ثنيان يما قتلك خلاص بعدين أفهمك​

سعد : هوازن .. أذا هاذا مومشاري ولدي عيل هاذا منو .. !! .. أنتي .. أنتي تزوجتي من بعدي ​

هوازن : أي تزوجت .. شنو كنت تبيني أسوي .. من وين بعيش ولدك ماتقولي .. بعدين أنا موملزومة أبرر لك الي صار لي .. انا تطلقنا وصار الي صار .. وأرجوك سعد أبتعد عم حياتي .. خلني لو مرة وحدة اتهنى بحياتي .. ​

سعد : ويييه يهوازن .. لهالدرجة كارهتني .. ​

هوازن : وأكثر ​

ثنيان : يما أمشي خل نغير مقاعدنا ​

هوازن : مايصير يما . .. راح نطر نتحمل الوضع لين نوصل .. اشوة كلها ساعتين ونص ويمكن أقل ​

سعد : والله دنيا هوازن .. ​

هوازن : اللهم طولج ياروح ,,​

ثنيان ( طول الرحلة وأنا حدي منقث من الموقف الي صار .. والله الحشيمة مو حقة حق أمي .. بس صدمة عمري يوم عرفت انا هذا أبو مشاري .. ويييه حدا فرق بينة وبين مشاري .. )​

هوازن ( غيرت مكاني مع ثنيان لاني ماراح أقد أتحمل نظرات سعد .. قطيعه .. ليلحينة يطالعني بنفس النظرات الي كان يطالعني فيها قبل 20 سنة .. فرق بين نظراتة ونظرات جاسم الحنونة .. آآه جاسم .. متى نرجع الكويت ونتزوج .. مليت من هالحياة بهالطريقة .. الله يسهل أنشاءالله .. )​

بعد ساعتين ونص وصلت الطيارة مطار دبي الدولي ..​

هوازن : يلا يما ثنيان ... ييب الأغراض من فوق وخل نمشى .. وأخيرا وصلت الرحلة ​

ثنيان : حاضر يما على أمرج​

سعد : هوازن .. أي شي تبين أو تحتاجين رقمي ماغيرتة ..​

هوازن تطالعه من طرف عين وماترد ​

ثنيان : يلا يما مشينة ...​

وصلوا ثنيان وهوازن الكاونتر .. خردوا جوازاتهم وأجروا تكسي .. توجهوا حق واحد من هالفنادق الفاخر عشان يريحون .. ​

ثنيان : يما بتقولين حق مشاري انج شفتي أبوه​

هوازن : لا من صجك .. اخاف يقولي بروح أعيش عنده .. انا ماقدر أفارق أخوك قلبي مايتحمل ​

ثنيان : أسم الله على قلبج يما .. مادري شلون تحملتيه .. شكلة أنسان تافه ومتكبر ​

هوازن : أييه يما .. ذقت الظيم معاه .. كان دايما يعايرني بفلوسة .. ويم حملت بمشاري قلت يمكن يتغير بس ماتغير .. كان يطقني ويهيني .. ولا عمرة حسس مشاري بالحنان .. بس انا نفذ صبري ورفعت عليه قضية طلاق .. وتطلقت وتحررت منه .. ​

ثنيان : آآخ يما .. وايد عانيتي ​

هوازن : ان الله مع الصابرين يما أذا صبروا .. الحمدالله على كل حال .. يلا خل نحدر الفندق .. حيل تعبت​

ثنيان : أوكي .. أنا بدق على حيدر أقولة يدق على مشاري يشوفة وين ساكن ..​

هوازن : أوكي يما .. وبعدها أنت بعد حط راسك وأخذلك غفوة الرحلة كانت طويلة حيل ​

............................................................................................................................​

( بيت جاسم )​

قمر : بابا خل نمر بالأول محل الورد بشتري ورد حق جراح ..​

جاسم : أخاف نتأخر أشتري من المطار .. خو المطار كل شي عندهم .. الله يعزج ياكويت .. ​

قمر : خلاص اوكي .. يلا أنت روح السيارة وأنا لاحقتك بس ألبس الجوتي تكرم ..​

جاسم : أنشاءالله بس لاتطولين​

..​

( مطار الكويت الدولي )​

قمر ( رحت محل الورود وشريت باقة ورد حمرا حق جراح .. واي حدي متحمسة عشان أشوفة من زمان ماشفتة .. حيل حيل مشتاقتلة .. خذيت الورود ووقفت يم أبوي .. ماشاءالله المطار كان مزدحم حيل ... الناس كلها بتسافر لان عطلة الصيف أبتدت .. الي بيسافر يغير جو .. والي بيسافر عشان أشغال .. محد يقعد بالكويت بعطلة الصيف .. شفت بشاشة الرحلات طيارة المتوجهة من نيويورك وصلت .. الناس كلها قاعد تطلع والأهالي يستقبلونهم .. صار ربع ساعه وجراح ليلحين ماطلع .. حسيت بخيبة أمل .. وبعد دقيقتين رفعت راسي ولا أشوفة جدامي .. ركضت نفس اليهال وطبيت عليه .. لميتة حيل ولاشعوري نزلت دمعتي .. دموع الفرح .. دموع الشوق .. دموع الوله .. وأهو بدورة حضني وباسني على راسي .. )​

قمر : جذي جراح تغيب عنا 5 سنين .. والله لك وحشة ياخوي​

جراح : وأنتوا واحشتوني أكثر والله .. شلونج وشلون الدراسة ..​

قمر : والله الحمدالله وتخرجنا وأخيرا .. بس ناطرة النسبة​

جراح : عاد أنشاءالله قررتي تدرسين بجامعتي ..​

قمر : لاااا ماعوزك .. ماأتحمل الغربة أنا ...​

جراح : هههههه .. حاصلج أصلن الشرف ... يلا أمشي خل نسلم على الوالد​

قمر : ههههههه .. يلا مشينة​

جراح مشى لين وصل عند جاسم .. وبس شاف جاس لمة حيل ​

جاسم : حمدالله على السلامة يبا ..​

جراح : الله يسلمك يالغلي .. شلونك شخبارك​

جاسم: الحمدالله .. قرت عيونا بشوفتك يا يبا .. وأخيرا وصلت الديرة وبتستقر هني ​

جراح : اي شفت شلون يبا ..​

جاسم : الحمددالله .. يلا خل نرد البيت ونسولف على راحتنا ​

جراح : يلا مشينا ..​

.........​

( بيت جاسم )​

جاسم : توة مانور البيت بوصقر ..​

جراح : بوجود هلة ..​

قمر : جراحوو عندي لك خبر صاروخي ​

جراح : شنوو هالخبر ​

قمر : أبوك رجع مراهق بالخمسين .. يبي يتزوج​

جراح : اووه أوووه .. من صجك بوجراح بتتزوج .. متى وشلون وليش آنا آخر من يعلم ..​

جاسم : هههههه .. أنتي مادري متى تفتكين من طبع اللقافة​

قمر تطلع لسانها :p: بابا ..​

جراح : الحين خلك من قمر ... منو هاذي سعيدة الحظ​

جاسم : وييه منو هاذي .. هاذي سالفة طويلة .. بعدين قمر تقولها لك ..​

جراح : ناطر السالفة على أحر من الجمر .. وانا بعد عندي سالفة لكم ..​

جاسم : شنو هاذي السالفة .. ​

جراح : السالفة أنا .....​

............................................................................................................................​

( بيت أشواق )​

طق جرس باب البيت .. طلعت أشواق تبطل الباب ولا عادل ​

آشواق : أنت شتبي .. شيايبك .. ماكفاكم انت وأهو بلي سويتوه فيني وبأمي .. أطلع براا ​

عادل : أشواق سمعيني .. بس ​

أشواق : أطلع براا .. مابي أشوف رقعه ويهك .. أطلع براا ..​

عادل : أنا بس ياي أتطمن عليج .. أبوج ولهان عليج .. حرام عليج ألي قاعد تسوينة فيه .. روحي زوريه .. مريه السجن ترى قلبة تقطع عليج​

آشواق : قولة ماعاد عندك بنت أسمها أشواق .. يلا برا ..​

صكيت الباب بويها وطردتة برا البيت .. المصايب قاعد تتحذف على راسي من كل صوب .. تعبت .. تعبت من كل شي .. تعبت ..أبي أرتاح .. أبي أرتاح .. خلاص مليت ..​

............................................................................................................................​

 

[زهراء*]

( بيت علي )​

علي : حيدر من صجي أنا واحد مابي درجاتي وبايعها .. والدكتورة تدري أنا في مشاكل بيني وبين دلال .. ​

حيدر : أنزين مثل ماقالت خل المشاكل على صوب .. ترى البروجيكت عليع 40% من المعدل موشوية يعني ​

علي : حيدور أنت تدري شراح يصير بيني وبينها ... مو راضية تفج عني .. يا اخي ماكو كرامة .. ​

حيدر : أنزبن وعشاني ... عشاني تحملها .. ترى مابقى شي على الكورس كلها أقل من شهر ونخلص ..​

علي : خلاص عشانك بس بوحسين .. بس قولها انا بصوب وأهيا بصوب ..​

حيدر : خلاص دلال خلها عليي .. ماراح تقرب منك .. لاتحاتي ​

أم علي توها رادة من بيت أشواق واهي حيل مستانسة ​

أم علي : السلام عليكم ​

علي : حيدر يلا حبيب قلبي عن أذنك​

حيدر : الله وياك .. مع السلامة​

سكر علي التلفون​

أم علي : ترى السلام لله .. ولا بنت أبليس خلتك بعد ماتخاف الله ..​

علي : يما لين متى ماراح نخلص من هالموضوع ​

ام علي : لين باجر .. على فكرة أنا توني رادة من عندها .. سمعتها جم كلمة وعطيتها كف بالطريج عشان تعرف السنع​

علي فتح عيونه على الآخر ورفع صوتة : أنتي من صجج ولا قاعد تتغشمرين .. يما شنو هالحركات والله عيب الي قاعد تسوينة .. البنت مالها ذنب .. انا الي حبتها .. ولدج الخروف الي قاعد يركض وراها مو اهي الي قاعد تركض وراه .. يما طلعي من حياتي وخليني اعيش مثل مابي أعيش .. حرام عليج الي قاعد تسوينة​

ام علي : اووه ماهمني كلامك .. باجر بتقول قالت أمي .. خل أوح أنجب الغدى تبي أحطلك صحن ولا متغدي بالجامعه​

علي : يارباااه مومن صجج .. أحر ماعندي أبرد ماعندج .. أنا طالع .. ​

أم علي : الله وياك ​

طلع علي من البيت وراح بيت أشواق ..​

.......​

طق جرس بيت أشواق ويوم بطلت الباب ولا علي بويها ​

أشواق ( بطلت الباب وشفت علي واقف جدامي .. مادري شنو المشاعر الي تملكتني بهاللحظة .. حسيت ودي أفجر نهر الدموع المحبوس بداخلي .. بس كبريائي ماسمحلي .. ناظرني بنظرات كلها رجاء أني ماأعطيه ظهري .. كأنة كان يقولي أنا آسف .. وتم يناظرني عند باب البيت لين قتلة تفضل .. قعدنا وليلحينة ماشال عينة عني .. وبعد لحظات حط أيدة على خدي .. بالتحديد مكان الكف الي أمة عطتني أياه .. غمض عيونة )​

علي : آآآه يا أشواق .. ياليت ايد أمي أنمدت على خدي ولا وصلت خدج .. والله لو كنت أدري أنها بتيي جان وقفت بويها وماسمحت لها تمد أيدها عليج​

أشواق : تعودت .. هاذا مو أول كف آخذة من هالدنيا .. هالدنيا بكل دقيقة تمر علي تعطيني فيها كف .. أنت لاتحاتيني أهم شي أنك تكون مرتاح وسط أهلك​

علي : أنتي ليش تقولين جذي أشواق .. أشواق أنتي قطعه من قلبي والي يمسج يمسني ​

أشواق : علي انا قررت أطلع من حياتك .. من دخلت بحياتك وأنت قاعد تمر بمشاكل بسببي .. مابي أشوفك متظايق وتكدر عشاني ​

علي : كلامج هاذا أهو الي يكدرني .. وألي يكدرني أكثر أنج ليلحين موعارفة غلاتج عندي .. ​

أشواق : علي اليوم أبيك تنام عندي .. نفس ذاك اليوم .. آنا وأنت بروحنا على السطح .. أبي أشبع منك .. بتم بحضنك طول الليل .. أبيك تعطيني كل حنانك .. ​

علي : أفاا عليج .. غالي والطلب رخيص .. ​

أشواق : وأبيك تسامحني على كل شي ظايقتك فيه .. ولو شنو يصير لاتنساني .. لاني مستحيل أنساك​

علي : أشواق شنو هالكلام .. بعدين شنو مناسبتة .. ترى أنا مستحيل أتخلى عنج .. وعبالج الحركة الي سوتها أمي راح تخليني أتخلى عنج .. انا ماخذج ماخذج .. ولو أكبر خشم وقف بويهي ​

أشواق : الله كريم .. ​

............................................................................................................................​

( بيت آشلي وجون .. نيويورك .. بالتحديد الصالة )​

جون : لقد أتصل الرئيس وأخبرني بأن القاعدة قامت بعمليات أرهابية في فلسطين وقاموا بقتل عدد كبير من المسلمين هناك​

آشلي : أني أطمح للذهاب الى هناك وتفجير بعض المباني المقدسة لديهم .. ستكون العملية أسهل من الأيقاع بجراح وجوان .. ​

جون : هههههه ... لا الوضع خطير هناك .. آآه لقد نسيت أيضا .. اخبرني الرئيس بأنه أرسل مخططات العملية أليك عبر البريد الأكلتروني ..​

آشلي : ولكني قمت بتحديد المكان المناسب .. ​

جون : نعم أخبرته ولكنه رفض .. قال بأنه سيكون أفضل لو قام بتفجير دار العبادة لان المسيح سيعتقدون بان المسلمين لا يحترمون الديانة المسيحية .. ​

آشلي : حسن ٌ .. سأقوم بطياعه المخطط لأقوم بدراستة .. ولكن الرب سيعاقبنا أذ قمنا بتمير دار العبادة​

جون : لا لقد أخبرنا القسيس وقال لابأس سنقوم بدفع كفارة .. وأننا نقوم بهذا العمل من أجل المسيح​

آشلي : حسنا .. ​

............................................................................................................................​

ثنيان : أوكي يعني سكن باتلانتس .. متى آخر مرة كلمتة ​

حيدر : قبل تقريبا 6 ساعات .. ​

ثنيان : مشكور حيدر وسامحني أذيناك معانا وايد​

حيدر : لا شدعوة .. هاذا مشاري ماعندي أغلى منة .. بس أنت خلة يرجع الكويت ويرجع عقلة معاه ​

ثنيان : أفا عليك ..​

وبعد ماسكر ثنيان التلفون من حيدر حط راسة على المخدة ونام نومة عميقة .. وبهالنومة حلم بقمر .. ​

قمر : ثنيان أنا والله أحبك ​

ثنيان : ومشاري .. يعني خلاص .. شلتيه من قلبج​

قمر: اي شلتة من زمان ..​

ثنيان ( وتمت كلمة شلتة من زمان تتردد على مسامعي وماصحيت من النوم الا على صوت امي وأهي تقولي .. )​

هوازن : ثنيان .. ثنيان يما آآ قوم​

ثنيان فز من النوم : هاا .. ( بصوت مبحوح ) : هلا يما آآ شفيج صاير شي​

هوازن : ههههه .. ماشفت روحك وأنت نايم ... قاعد تسولف مع عمرك ..​

ثنيان متوهق : ها .. شنو كنت قاعد أقول ​

ثنيان : كنت قاعد تقول احبج .. أحبج .. أحبج .. منو هاذي الي تحبها ها .. من ورانا ..​

ثنيان : أشوة ماسمعتي شي ثاني .. هههههه​

هوازن : ههههه .. لو مو مقعدتك جان قطيت خيط وخيط .. المهم .. كلمت حيدر ​

ثنيان : اي كلمتة .. قالي انا نزل بفندق أتلانتس .. بعدين الساعه الحين جم .. ​

هوازن : الساعه 11 .. قوم خل ننزل تحت نشوف أي مطعم ناكل حدي يوعانة​

ثنيان : اي والله وانا بعد يوعان .. بس وين المطاعم تفتح هالحزة .. يما آآ ترى موقاعدين بلكويت خدمة 24 ساعه .. الله يعزج ياكويت ديرة الأحباب .. والله مومقصرة معانا بأي شي .. حتى لو الساعه 4 الفجر أدق على برجر كنج ولا هارديز ويوصلون الطلب حار برسم الخدمة​

هوازن :ههههه شكلك قاعد تتحلم بالأكل .. لهالدرجة اليوع مأثر فيك ..​

ثنيان : اي والله عند البطون تعمى العيون ​

هوازن : يلا بسك قرقة .. غير ملابسك وخل نتمشى .. مليت من قعدة الفندق​

ثنيان : ثواني وأكون جاهز​

............................................................................................................................​

بيت أشواق .. الساعه 2 الفجر ​

أشواق ( فرشت لنا فرش انا وعلي على السطح .. الجو كان خطير وحيل حلو .. قعدنا نشوف النجوم قرابة ساعه .. وقعد علي يتغزل فيني .. ويقط أشعار .. )​

أشواق : ههههههه .. من وين طالع هالكلام .. يما آآ منك عليوي حركات ..​

علي : ههههه .. أظبطج .. أنا من عرفتج وبديت أكتب هالأشعار .. بس ماحصلتلي الفرصة اني أرويهم لج ..​

أشواق ( حطيت عيني بعينة وناديتة ) : علي ​

علي : عيونة .. ​

أشواق : علي .. أنا .. آنا أحبك ..​

علي : وانا اعشقج وأحبج وأهواج .. أنتي كل شي .. انتي حياتي ودنيتي والهوى الي أتنفسة .. ( وقفت على حيلي ورفعت راسي وصارخت ) : أحبج أشواااااق والله أحبج​

أشواق : هههه .. أوووش فظحتنا لايسمعنا احد ..​

علي : خل الكل يسمع .. أبي الكل يسمع ​

أشواق : اليوم ماني شايلة عيني عن عينك .. بشبع من عيونك ..​

علي : وانا بعد .. ( حطيت ايدي على ويها ولمست بشرتها الناعه .. قربت منها حيل وبستها على خدها .. حسيت بحرارة خدودها .. ويها صار أحمر .. ) : يماآآ فديت الي يستحون آنا ​

أشواق : بس علي .. لاتسوي جذي ترى والله أبجي​

علي : ههههه .. ليش تبجين​

أشواق : مادري .. حاسة هاذي آخر ليلة أعيشها معاك .. ​

علي : شنو هالكلام .. أشواق لاتعكرين مزاجي عاد .. ترى الحين أعظج ..​

أشواق : ههههههه .. ( طلعت أبر الحياكة وخيوط الصوف وعطيتهم له ) : تفضل​

علي : شنو هاذا​

أشواق : بعلمك الحياكة .. عشان باجر كل ماتتذكرني تحييك بلوزة حق عيالنا ... وجذي نوفر سعر البجايم والملابس ​

علي : هههههههههههه .. افا عليج .. أقول شتصيرلج الوالدة .. تحب توفر حق كل شي .. ​

أشواق : هههههههههه .. يلا أسكت وشوفني شلون أحييك ​

علي : حاظر عمتي ​

أشواق ( وقعدت اعلم علاوي شلون يحييك الصوف ... لين طلعت الشمس وأهو موعارف يظبط السالفة .. تعبنا .. وبعدها غفت عيني وعينة .. نمنا واحنا لامين بعض .. وطلعت الشمس ... شمس قصة حبنا )​

...........................................................................................................................​

 

[زهراء*]

صباح اليوم الثاني
الكويت
( بيت جاسم .. )
غرفة قمر
جراح ( قعدت من النوم ونزلت الصالة أتريق ... كليت لقمة وبليت ريجي ماي .. ماكو شغل .. روتيني كلة تغير .. صعدت غرفة قمر وطقيت باب غرفتها .. ماردت .. فتحت الباب وقعدت يم راسها عى الفراش .. قعدت أمسح على شعرها واتأمل ملامح ويها البريئة .. وأنا أمسح على شعرها ولا تنتبه .. بطلت عيونها ولا أصبح عليها )
جراح : صباح الخير ياحلوة .. ياقمر البنات
قمر بدلع : صباح النور .. الساعه جم
جراح : الساعه 8 الصبح ..
قمر : اووولة وشمقعدك هالحزة ..
جراح : والله ماكو .. ماياني النوم
قمر : اي روتينك متغير أكيد .. يلا خل اغسل ويهي وألحقك الصالة ..
جراح : اي زين تسوين .. أبيج بموضوع ..
قمر : وييه هالأيام جنة كثرت مواضيعك أنت والوالد ... لايكون أنت بعد بتتزوج
جراح : هههههه .. قالولج جاسم مراهق بالخمسين
قمر : عن الغلط بالأربعين
جراح : هههههههه
............................................................................................................................
( فندق أتلانتس )
مشاري ( أيباا .. قعدت من النوم ولبست الشورت ونزلت حوض السباحه .. أجنبيات وشقر على كيف كيفك .. يحلاتهم والله البيض والشقر .. أحسهم نفس قطع الكيك .. ههههه .. لا والله ماكو على بنات ديرتنا .. جمال وأخلاق وأدب سنع .. وبنات الخليج بعد ماكو مثلهم .. المهم .. نزلت وفصخت لبلوزة وتميت بالشورت .. طبعا انا مجسم ألعب حديد .. البنات الي بالحوض عيونهم طارت على جسمي .. قاعدين يتحرشون فيني .. بس طبعا انا ماعطيتهم ويه .. سويت روحي ماشوفهم .. بعدها طلعت وقعدت على الكرسي وحطيت سيلف تان .. اليوم بتنتن .. وانا مندمج ومغمض عيوني ولا أسمع واحد قاعد بالكرسي الثاني يمي قاعد يتكلم عن البورصة والأسهم .. شكلة جخ ولد فلوس .. لفيت ويهي ولا عبرني .. بس شكلة مألوف مشبه عليه مادري وين .. )
سعد : محمد بيع بيع يبا .. أنا جم مرة أقولك أذا أرتفع سعر السهم بيع ..
مشاري : ههههه .. انا حظي هالأيام قايم .. ماأتصادف الى مع عيال التجار ..
مشاري ( بعد ساعه الشمس حرقتني .. صرت فحمة مو مشاري .. صعدت غرفتي أتروش .. ههههه قلبت أماراتي .. فديت اهل الأمارات نفر نفر .. وتروشت .. وبعدها نزلت أتغدى .. خلصت امن الغدى طلعت أتمشى بالفندق .. )
بطرف ثاني
ثنيان : يلا يما .. هاذا الفندق ..
هوازن : ماشاءالله .. الفندق على الطبيعه وايد أحلى من الصور
ثنيان : اي شعبالج ..
هوازن : بس مشاري من وين له هلفلوس الي سكن بهالفندق .. الظاهر متسلف
ثنيان : ههههه كل شي جايز ..
هوازن : يلا خل ندخل ونسأل عن أخوك ..
دخلت هوازن وثنيان الفندق .. ونطروا عند اللوبي ولا مشاري قاعد يتمشى باللوبي
ثنيان : يماا مو جنة هاذا مشاري
هوازن ( بس شفت ثنيان جدام عيوني حسيت قلبي فز من مكانة ) : اي يما آآ هاذا أخوك مشاري ..
ثنيان : خل نروحلة يلا شناطرة
هوازن : خلة اهو يلتفت ويشوفنة
مشاري ( كنت واقف عند الكاونتر بكنسل الحجز لشهر وبخليه بس أسبوعين .. لفيت ويهي ولا أشوفها .. أمي .. حلوة اللبن .. حسيت بشعور ماينوصف .. حسيت بفرحة .. حسيت أني طاير بس مادري ليش .. ركضت عندها وطحت على ريولها .. مسكت أيدها وبستها وطلبت منها تسامحني .. لمتني حيل لصدرها وقعدت تبجي .. )
هوازن : أنت سامحني يما آآ مو آنا الي أسامحك .. أنا قريت الورقة الي كتبتها لي .. آآه يما .. كل هالكلام يطلع منك .. ههههه .. ماجذب عليك صدمتني
ثنيان : مشاري حركات ... والله طلعت تعرف تصفف الكلام عدل
مشاري : اظبطك .. يما آآ شلونكم شخباركم ..
هوازن : والله يايما البيت ظلم بدونك .. مرة ثانية لاتسويها فيني .. أهون عليك تسافر وتخليني .. ماغمضت لي عين لين عرفت مكانك ..
مشاري : وأنتوا شلون عرفتوا اني منيه .. لايكون
ثنيان قاطعه : ههههه .. بوحسين فيه غيرة ..
مشاري : أنا قلت هالريال ماينحط عنده سر .. بس ماعليه .. لمن أرد الكويت بكسر راسة
ثنيان : هههه حرام عليك
مشاري طلع عظلاتة : ثنيانو تعال بوس الباي ..
ثنيان : شنو يبيع الباي
مشاري : يعني تعال بوس عظلاتي ياخرطي .. شوف مو جنة كبرانين .. طحت على نادي حديد منيه عجييب سجل حق شهر بس حسافة راح عليي التسجيل لاني راد الكويت
ثنيان : يعني انت مقرر أنك ترجع قبل لا نييك
مشاري :اي والله أشتقت لكم وأشتقت حق تراب الكويت .. صج الغربة صعبة ..قعدت أسبوعين وماقدرت .. لا والوالدة تقولي بعد أدرس بأمريكا .. يصير خير
هوازن : هههه .. خو ابي الزين لكم .. عشان باجر ينادوني أم الدكتور مشاري
ثنيان : يصير خير يما آآ .. هاذا ويها آآ ويه دكتور .. انا بصيرلج دكتور ولا يهمج ..
هوازن : ههههههه
مشاري : طايح من عينك مع ويهك .. أنا راح أثبت حق العالم كلة أني مو فاشل ..
هوازن : من قال أن فاشل يما آآ .. مالك شغل بثنيان يتحرش فيك
ثنيان : ماقتلك مشاري منو شفنا بالطيارة
هوازن تدوس على ريول ثنيان : هيهيهيي ..
مشاري : منو شفتوا
ثنيان : ايييه شفنا هاذا الممثل الكويتي ماعرف شسمة الي طلع بمسلسل جرح الزمن
هوازن : اي يقصد أبراهيم الصلال
مشاري : ايييه .. على راسي والله .. عاد شنو أحب تمثيلة والله مبدع ..
ثنيان : اي والله طافك ...
هوازن : الحين شلون يما مشاري بترد معانا الديرة ..
مشاري : اي أكيد يما .. بس شرايكم نقعد جم يوم وبعدها نحجظ تذاكر نرد الكويت
هوازن : يما منك توك تقول ماتتحمل الغربة وبترد الكويت .. مسرع ماتغير رايك .. عيارة
مشاري : ههههه ريحتكم فيها ريحة الكويت ..
ثنيان : هههههههههههه .. صاير شاعر هالجم يوم .. ظبطنا
............................................................................................................................
( زنزانة بو أشواق )
عادل : ايه والله من صجي .. انا قررت اتزوج
بو أشواق : ومنو بتاخذ
عادل : باخذ بنت عمي ..
بو أشواق : وجم عمرها
عادل : فيها 22 مادري 23 سنة .. مومتأكد بالظيط
بو أشواق : موجنها صغيرة وايد عليك
عادل : صل على النبي .. أنت عبالك لأني مرافجك يعني انا كبير .. ترى توني داش ال 30 يعني كلها جم سنة .. وأنا ألف من تتمناني ..
بو اشواق : اي أكيد الف من تتمناك .. مال .. جمال .. عقارات .. أملاك .. بس ياريت شغلك كلة بالحلال ..
عادل : أقول حميد .. جنك صاير مومظبوط هالجم يوم ..
بو أشواق : لا يبا أتغشمر وياك ..
عادل : اي عبالي بعد .. اي ترى أمس مريت بنتك وطردتني برا البيت .. وعصبت وصارخت مادري شسالفتها
بو أشواق : ماعليه .. طالعه على أمها .. بس شلونها أنشاءالله مرتاحة
عادل : لاتخاف عليها .. قطو أم سبع أرواح ..
بو أشواق : صل على النبي لايصير في البنت شي من ورى عيونك ..

 

[Ms.MrMr]

اخيييه على علاوي صج تستاهله اشواق واشواق تستاهله .. احلى اثنين الله يخليهم حق بعض

وهوازن ان شاء الله تتزوج جاسم .. امبي يلا شن ضربتك القاضية يا جراح هيااااا
ههههههههههههه حدي مندمجه بالببيات يلا خل يخلصهم الحيونات الله يخسف فيهم :s يبطوون الجبد

اماااانة ناااطرينج ابببببببببببببببببببب اببببببببببببببببببببببب