[لاتمثلين احتياجج لي وانتي بحضن غيري مقزرتها ] بقلمي .,

[om sa3ad]

ناطرينج

 

[زهراء*]

واحشني مووت على مشكورة على الملاحظات ..,

أووه طوفي وايد أغلاط عندي .. من السرعه .. لاا فضة خالة قمر وجراح ..,

وهالبات لعيونكم ..,

بنات ترى المجال مفتوح حق الي بتسجل بلقرووب فقط بنات ..,

..

البارت السابع والثلاثون​

:$:$...​

.............​

​

بو علي : هلا هلا .. صج ماتستحين على ويهج .. ​

هوازن مصدومة : بوعلي ..​

بوعلي : اي بوعلي .. أنتي صج ماعندج ذرة حيى .. أستحي على ويهج وصلتي الاربعين وليلحينج على سوالف الموراهقة .. عيب عليج​

جاسم وقف من على الكرسي وبصوت حاد : أنا ماأسمحلك تتكلم معاها بهالطريقة ​

بوعلي : وانت منو عشان تسمحلي ولا ماتسمحلي​

جاسم : أنا خطيبها .. وعن قريب راح نتزوج​

بوعلي : ماشاءالله .. صج المثل الي يقول لي غاب القط ألعب يافار ..​

جاسم : ممكن ألحين تتفضل وتخلينا ناخذ راحتنا​

بو علي : أخذوا راحتكم .. وأنتي .. عقلي بلا هالحركات .. ترى عيب عيالج صاروا طولي والله عيب ​

وتعدى بو علي ​

جاسم : هزوون شفيج يبا ليش قاعد تبجين​

هوازن : راح يفظحنا بو علي .. راح يفظحنا ​

جاسم : ليش شمسوين .. لاهو عيب ولا حرام الي سويناه .. ريال وخطيبتة وقاعدين مع بعض ​

هوازن : لا جاسم .. اذا مشاري عرف بلي صار يمكن يغير راية .. يمكن ​

قاطعها جاسم : حياتي لاتتشائمين .. ومشاري عقلة مو صغير لهالدرجة ​

هوازن : الله يستر .. الله يستر أنشاءالله​

............................................................................................................................​

( بيت جاسم .. )​

بالتحديد غرفة قمر ..​

قمر ( الجو حدا جيب .. بطلت دريشة غرفتي وقعدت أستنشق الهواء الطلق .. شفت جراح قاعد بالحديقة وحيل مستانس .. بقيت أخرب عليه الجو الي عايشة بس قلت لا أصير حقيرة .. وبعد دقايق قام من على الكرسي وركب سيارتة وطلع .. صرت بروحي بالبيت .. وحدا ظايق خلقي .. بطلت المرينا أف أم وقعدت أسمه برنامج ريفريش .. واااااي علي نجم معذبني .. صوتة .. أسلوبة .. كل شي فيه حلو .. ومادرس ليش يذكرني بمشاري .. مشاري .. ها .. مشاري .. لا لا .. أنا شلتة من بالي من زمان .. اي نسيتة .. بس .. الحين راح يربطنا شي أقوى .. راح نعيش في نفس البيت .. يارب صبرني .. بعد ماخلص البرنامج حطوا أغنية راشد تعال.. (تعال ومابقى لي يوم، بغيابك يصبرني
أخاف آموت من شوقي وإنت مطوِّل إغيابك

تعال وكل شئ صار في بُعْدك يذكرني
دروبك ضحكتك طاريك وريح العطر بثيابك

أنا من غبت عن عيني وخياك مايفارقني
تصدق حالتي صعبه وعمري ضاع بأسبابك

ياأجمل من سكن قلبي وعمَّرني ودمَّرني
تعال وشوف إش سوَّى حنين الشوق بغيابك

أنا وين أبتعد عنِّك وعيونك تحاصرني
أنا وين أهجرك وآروح وأنا سجني أهدابك

ياكل إحساس هالدنيا والله الشوق غيِّرني
أحبك ليه لاتسأل وأنا آموت بترابك
) ... أندمجت حدي وتنحت .. وأنا متنحة ولا يطق جرس البيت .. نزلت أبطل الباب .. كنت لابسة شورت جينز .. وبلوزة برشلونة وشعري مسويتة كريلي .. وعيني خاطتها بالكحل .. بطلت الباب ولا أتتح مرة ثانية .. ثنيان كان واقف عند باب البيت .. ومشاري معطيني ظهرة .. )​

قمر : ثثثث ...ثثنيان​

ثنيان بنظرات شوق : هلا قمر ​

قمر : شلونك .. انت رجعت من السفر ​

ثنيان : اي اليوم رجعنا ​

قمر : حمدالله على السلامة ​

ثنيان : الله يسلمج .. ( يأشر على مشاري ) : شوفي منو يا معاي ​

قمر : منو ​

مشاري ( لفيت ويهي وطاحت عيني بعينها .. ) : يعني منو مثلا يني الفريج .. أنا مششاري​

قمر بتوتر : حمدالله على السلامة​

مشاري بنفسية : الله يسلمج .. يعني شنو بتخلينا نوقف عند باب البيت .. ماتعلمتي السنع​

قمر ( مادري شقولة .. أرد عليه .. ولا آخذة على جوة .. أصير قليلة الأدب معاه .. ولا أتكلم بأدب .. ماقدرت أرد .. كل مابي أرد أحس دقات قلبي تزيد .. ولساني يمنعني من الكلام .. ) : تفضلوا ​

مشاري درعم : وين الصالة .. ​

 

[زهراء*]

قمر : تفضلوا حياكم ​

ثنيان : مشاري أنشاءالله مو جذي تكلم البنت .. شوي شوي عليها​

مشاري : أقول لاتطلعلي فيها وتصير محاميها ​

ثنيان : بس​

قاطعه مشاري : حجية قمر .. ماتبين تظيفينة .. عصير ماي جاي .. حليب كاكاو .. حليب موز​

قمر ( أستجمعت كل قواي .. خلاص هاذا مو طبعي .. وايد سكت .. ورا ح أنفجر أذا سكت أكثر ) : أنشاءالله يعني ماتستعيل .. عطني مجال عشان أظيفكم .. من دشيت وأنت ماكلني بشراع وميدرا .. أصبر شوي .. ثنيان شنو تشرب​

ثنيان : أمم .. ماي ​

قمر : ثواني والماي عندك​

تعدت قمر بدون ماتسأل مشاري​

مشاري : شنو هالقلة أدب .. ماعلمها أبوها السنع​

ثنيان : مشاري ترى أحنا مويايين نتهاوش مع البنت .. يايين نسلم ونطلع ..​

مشاري : أنا بطلع أدخن .. عطها السلسلة وتعالي السيارة .. أذا قعدت أكثر راح أنفجر ​

ثنيان : اوكي ماشي​

مشاري ( طلعت برا بيتهم .. ركبت الكمارو وطلعت التلفون وأتصلت على قمر .. الشحرورة جاري الأتصال .. )​

قمر ( رحت المطبخ وماني قادرة أكبت مشاعري أكثر .. أجذب على عمري أذا قلت ماأحبة .. والله أحبة واعشقة وأموت فيه بعد .. وانا أحط الماي بالصينية ولا يرن تلفوني .. الحب يتصل .. رديت على طول وبدون مقدمات )​

: ليش .. ليش .. !​

مشاري بصوت حنون : أذا ... أذا .. ​

قمر : أذا شنو ..​

مشاري : أذا تعزيني .. لاتكسرين بقلب ثنيان .. ترى ثنيان يحبج .. ​

قمر : بس انا قلبي معاك​

مشاري بصوت حاد : أنتي شنو ماتفهمين .. قتلج أنا ويهي مو ويه حب .. فهمي يابنت الناس .. بعدين لو تكونين آخر بنت بالدنيا مستحيل آخذج .. / وسكر التلفون بويها ​

(«®°•.¸.•°°•.¸¸.•°°•.¸.•°®»محروم«®°•.¸.•°°•.¸¸.•°°• .¸.•°®»

محروم انا يا زين محروم من البسة سهران ما انام الليل ما بين شقا ودمعه
طيفك يعذبني ما ارجعت بعيد
اضحك انا للناس وبالسر انا شمعه
احساس غريب غريب)​

قمر وأهيا تبجي : بس انا أحبك .. أحبك .. ( مسحت دموعي وطلعت حق ثنيان ) : تفضل ​

ثنيان : دام فضلج ​

قمر : وين مشاري ​

ثنيان : راح السيارة​

قمر : أي صج .. مبروووك .. طلعت الأول على الدفعه من قدك​

ثنيان : أنتي سمعتي الخبر ​

قمر : اي النتايج طالعه صارلها يومين .. تستاهل .. وين بتقدم ​

ثنيان : أكيد طب .. وأنتي ​

قمر : أنا كنت مفكرة طب .. بس شكلي ماراح أتحمل جو الطب فبدش حقوق ​

ثنيان : اي زين حلو ..​

قمر : وبقيت أشكرك الفضل لك .. لو مو وقفتك معاي جان مايبت هالنسبة​

ثنيان : ولو .. هاذا واجبنا .. أمممم .. قمر انا يايب لج سلسلة من الأمارات .. شفتها وعجبتني وحبيت أشتريها لج​

قمر : ليش كلفت على نفسك​

ثنيان ( طلعت السلسلة .. وقفت وقربت منها .. رفعت شعرها ولبستها السلسلة .. قعدت يمها على المطرح وطاحت عيني بعينها .. مسكت أيدها ومادري شلون الكلام طلع من حلجي .. )​

: قمر هاذي السلسلة كل ماتشوفينها تذكرني .. انا حطيت قلبي بين أيدج .. وأرجوج أنج ماتكسرينة .. أنا أدري أنج كنتي تحبين مشاري .. ومادري أذا كنتي ليلحينج تحبينة​

قاطعته قمر : لا .. ​

ثنيان : شنو الي لأ​

قمر ( بالغصب طلعت الكلمة من حلجي ) : أنا .. أنا ماحبيت ولا راح أحب مشاري ​

ثنيان أستانس : عيل قلبي بيت أيدج ... حفظي وصونيه .. وأذا تبين تبدين معاي بداية يديدة قوليلي ألحين وأذا كنتي لا بعد قوليلي .. وانا ماأجبرج على شي .. أذا كنتي ماتحبيني موغصب .. بس أبيج تعرفين شكثر أنا أحبج .. ​

قمر : أحبك .. ( دمعت عيني ) .. أي صح .. أنا أحبج .. وماراح أحبك غيرك​

ثنيان أستانس : وانا بعد أحبج .. والله أحبج .. أنزين انا ألحين تأخرت على مشاري .. بينة كول ​

قمر : أنشاءالله​

 

[زهراء*]

ثنيان ( مومصدق ألي صار .. يعني قمر صج قمر تحبني .. أي أكيج تحبني .. بعدين شنو الفرق بيني وبين مشاري . أصلن ماكو فرق .. وصلت السيارة .. ومن فرحتي )​

: قلتلي أحبك .. قمر تحبني مشاري​

مشاري يتصنع اللامبالاه : أنزين وخير ​

ثنيان : أنت ليش جذي .. ليش مو مستانس لي ..​

مشاري : لاني قتلك مو قمر الي مناسبة لك .. هاذي قمر .. ​

ثنيان قاطعه : بس لاتكمل .. حفظت أسطوانتك .. ​

مشاري : يلا مشينا عيل .. خل أقطك البيت وبعدها بمر حيدر .. ​

ثنيان : أوكي .. أنزين وانت ماتبي ترتاح .. ماتبي تنام لو شوي .. ​

مشاري : لا ​

ثنيان :عيل توكل على الله ..​

............................................................................................................................​

( بيت بوعلي )​

أم علي وعلي وفاطمة قاعدين بالصالة يشوفون تلفزيون .. ولا بوعلي داخل البيت بشرة ..​

بو علي يصارخ : أم علي .. أم علي ​

أم علي : هلا بوعلي .. خير شصاير .. شفيك معصب​

بوعلي : شفيني معصب .. تعالي الغرفة وأقولج شفيني معصب ​

أم علي : خير أنشاءالله .. يلا توكلنا ​

بعد ماصعدوا الغرفة ..​

علي : تهقين شفيه الوالد​

فاطمة : والله مادري علمي علمك .. بس السالفة شكلها جايدة ..​

علي : أول مرة أشوف الوالد معصب جذي ​

فاطمة : اي والله أنا بعد ​

رن فون علي ​

حيدر : كااااااااااااااااااااااااااااااااااااااااااااك​

علي : شفيك حيدور .. ليش فاصل على أفاي ​

حيدر : تتوقع منو توة ساد التلفون مني ​

علي : منو ​

حيدر : دلال ​

علي : ولييه .. وشتبي بعد .. المشروع وقلنا باجر بنسوي ميتنق​

حيدر : لا موجذي .. عازمتني وعازمتك على عرسها ​

علي : كاااااااااااااااااااااك ..أهم شي .. صج أن لم تستحي فأفعل ماشئت .. حمدالله والشكر أستخفت البنت​

حيدر : أنت لاتشوف ويهي شلون صار علامة تعجب .. تنحت ولا أقولها يصير خير​

علي : لايكون بتروح عرسها ​

حيدر : لا من صجك .. وين قاعدين .. اصلن أذت كان فيه عرس .. الظاهر سوت هالحركة عشان تبيك تغار يعني ​

علي : يخسي الى يغار على هالأشكال ​

حيدر : هههههه .. بس والله فصلت عليها .. الله يشافيها أنشاءالله ..​

علي : الله يسمع منك ​

حيدر : يلا عيل أنا بطلع مع الأهل بس قلت أدق أقولك الخبر ..​

علي : ههههه .. سلم على الوالدة​

حيدر : يوصل ​

علي : والله وكبر راسج يادلال ​

فاطمة : شنو شنو .. أبي أظحك شصاير ​

علي : ولا شي سوالف رياييل شكو تحشرين خشمج بالنص ​

فاطمة : أدري عرفت السالفة .. دلال بتتزوج​

علي : هيي أنتي عن اللقافة .. ومنو قال من وين يبتي هالكلام​

دلال : حيدر صوتة ماشاءالله مكرفون .. شرايك نحضر العرس ونبارك لها ​

علي : ولي زين .. بعدين فطوم ياويلج أذا قربتي من هالبنت​

فاطمة مخترعه : أهم شي .. وانا شكو فيها .. اصلن من صارت سالفتكم وانا مادري عنها مسحت رقمها وكل شي ..​

علي : اي عبالي بعد ..​

فاطمة : أممم .. ألا شلون أشواق ..​

علي : الحمدالله زينة .. تسلم عليج​

فاطمة بنفسية : الله يسلمها ​

 

[زهراء*]

علي : وشفيج منفسة هاا ​

فاطمة : لا ولا شي .. ​

علي : أنزين انا طالع أذا امي سألت قوليلها بمر مشاري بسلم عليه ​

فاطمة : أوكي ​

( غرفة بوعلي )​

أم علي : خير شصاير ​

بو علي : أختج .. يعل أنشاءالله تفنقش ونفتك من فظايحها ​

أم علي : شمسوية بعد​

بو علي : تخيلي قاعدة مع العاشق الولهان وجدام العموم والله تفشلت من بوخالد .. وبكل جرأة يقولي الحبيب أنا خطيبها .. شنو خطيبها .. هاذي ينت ولا خرفت على آخر عمرها .. شوفي عاد أذا أختج تزوجت هالريال بتكون نهاية الحياة بيني وبينج​

أم علي : شقصدك يعني ​

بو علي : يعني قصدي راح أطلقج ..​

أم علي أنصدمت : شنو .. بعد هالعشرة يا بوعلي بتطلقني عشان هاذي .. والله ماهقيتها منك​

بو علي بعد ماهدت اعصابة : آآه .. سامحيني أم علي الكلمة طلعت من حلجي بالغلط .. بس أختج نرفزتني بصراحه .. عيب الي قاعد تسويه .. الناس شنو بتقول ..​

أم علي ودموعها أربع أربع : وانا شنو ذنبي .. حياتها وأهيا حرة فيها .. وأهيا موياهل عشان أطقها على أيدها واقولها قعدي عاجل .. ​

بوعلي : لاتبجين يانظر عيني .. ترى عورتي قلبي .. قتلج مو قصدي .. وانا ماقولج طقيها على أيدها .. وقفي بويها انتي وأمج مثل ماوقفتوا بويها قبل 20 سنة ..​

أم علي : بس هالمرة غير .. هالمرة أكيد ماراح تتخلى عنة ​

بو علي : عيالها .. مشاري .. ترسي راسة بأفكار تخليه يوقف ضد أمة ..​

أم علي : خلاص اليوم راح أروح البيت وأشرشحها وأخلي أمي توقف معاي ​

بو علي : اي زين تسوين​

أم علي : أنا أسوي المستحيل بس أنت ترضى عليي .. كل شي ولا زعلك يالغالي ​

بوعلي : تسلميلي يالغالية​

​

............................................................................................................................​

( بيت أشواق )​

أشواق ( قعدت أفتر بالبيت وأودع كل زاوية فيه .. ذكرياتي فيه كلها ذكريات مؤلمة .. ولا عمري عشت فيه لحظة حلوة .. من وعيت على الدنيا وأنا ماذقت طعم السعادة .. ويوم قربت من السعادة بغمضة عين فقدتها .. لميت أغراضي ولبست عباتي .. أتصلت على عادل وقتلة يمرني .. وقبل لا أطلع من البيت شفت سيارة علي سافطة عن بيتهم .. أنخشيت ورى الشجر وشفتة ركب سيارتة .. لآخر مرة ناظرت عيونة من غير لايحس .. ودعته وخليت قلبي عندة .. بس قبل لا أمشي كتبت رسالة له .. وحطيت الظرف بجيس ومعاه التلفون .. مادري شلي خلاني أوقف عند باب بيتهم .. طقيت الجرس وكان قلبي يرقع .. خفت أمة تطلع بوهي .. بس الحمدالله طلعت الخدامة .. عطيتها الجيس وقتلها تسلمة حق علي .. وبعدها تعديت عن بيتهم ورحت عند باب بيتنا .. قفلت الباب ونطرت عادل يمرني .. بعد ربع ساعه وصل عادل البيت .. حطيت أغراضي بالسيارة وركبت السيارة من غير لا أشوف باب البيت .. يمكن أذا شفت باب البيت أتراجع .. وانا مابي اتراجع عن قراري .. وطول الطريج كان الوضع صامت .. وبعد هالصمت الطويل .. )​

أشواق : عادل​

عادل : هلا​

أشواق : تفضل هاذا مفتاح البيت .. أمانة عندك .. وصلة حق الوالد وقولة أشواق تسلم عليك​

عادل : أشواق شفيج ترى أنتي ماتبين تسافرين .. قاعد تتكلمين وجنج ماراح ترجعين مرة ثانية .. صدقيني أقل من شهر وراح تشتاقين حق مكانج وتقوليلي عادل ردني البيت​

أشواق : لا ماعتقد .. ​

عادل : خلاص لاتحاتين راح أوصل الأمانة ..​

أشواق : موتنسى .. أمممم .. وين راح تسكني بأي منطقة​

عادل : بصراحة أنا كلمت أهلي وقتلهم اني بسكنج في بيتنا​

أشواق : لا لا عادل .. أنا قتلك بوحدة من عماراتك .. لاتفشلني مع أهلك​

عادل : هههههه .. شفيج أشواق .. ترى بسكنج بشقة أجار .. يعني ماكو فرق .. منيه أجار ومناك أجار .. وبعدين موبنفس البيت .. في بيت لازق في بيتنا .. وانا أسميه بيتنا ​

أشواق : مشكور عادل على وقفتك معاي .. ماراح أنساها لك​

عادل : ولو .. أنا بعوضج عن كل شي .. بعدين ماخبي عليج أشواق .. دخلة ابوج السجن وايد غيرتني .. ​

أشواق : شلون​

عادل : لمن شفت أصرارج وحبج حق أبوج رغم كل الي سواه فيج وايد كبرتي بعيني وحسيت أني صغير جدامج .. كرهت نفسي شلون سمحت لها تتعدى عليج .. أنا الي أبي أشكرج لانج عطيتيني فرصة أصلح حالي وأبتدي بداية يديدة ..​

أشواق : أنا ماسويت شي .. انت بداخلك أنسان نظيف .. بس الشيطان شاطر .. قدر يلعب بعقلك وخلاك تسلك هالطريج .. وها ماوصيك .. دير بالك على بنت عمك .. ​

عادل : أفاا عليج .. انا حتى المشروب قطعته .. وقمت أصلي وأتصدق حالي حال خلق الله​

أشواق : سبحان مغير الأحوال .. انشاءالله دوم مو يوم ..​

 

[زهراء*]

عادل : الله كريم .. يلا وصلنا ..​

اشواق : هاذا البيت​

عادل : اييه .. شرايج​

أشواق : ماشاءالله وايد كبير وحلو .. ​

عادل : البيت الثاني اهو البيت الي راح تسكنين فيه .. روحي وأختاري الشقة الي تعجبج .. وأنشاءالله من أشواق : أنا ماسويت شي .. انت بداخلك أنسان نظيف .. بس الشيطان شاطر .. قدر يلعب بعقلك وخلاك تسلك هالطريج .. وها ماوصيك .. دير بالك على بنت عمك .. ​

أشواق : سبحان مغير الأحوال .. انشاءالله دوم مو يوم ..​

اشواق : هاذا البيت​

أشواق : ماشاءالله وايد كبير وحلو .. ​

أشواق : مادري شقولك .. بس مثل ماقتلك .. راح ادفع الأجار بس أستلم المعاش ​

باجر راح أخليج تداومين بالشركة وراح ينزل لج معاش ​

أشواق : مادري شقولك .. بس مثل ماقتلك .. راح ادفع الأجار بس أستلم المعاش ​

عادل : أوكي .. على راحتج .. وأي شي تبين هاذا التلفون عندج .. أنا حفظت رقمي فيه .. لاتستحين .. وأنشاءالله بس أعرس راح أعرفج على مرتي ​

أشواق : أنشاءالله .. يلا عيل عن أذنك .. انا حيل تعبانة أبي أروح أريح شوي ​

عادل : أذنج معاج .. ​

أشواق ( صعدت الدور الأول وأخترت شقة .. الحارس عطاني مفتاح الشقة .. كانت حيل راقية ومرتبة .. الفرش يديد .. والأثاث يديد .. والألوان تفتح النفس .. الوان البيج ودرجاتة .. الشقة كانت كبيرة عليي .. بس الوسع زين .. رتبت ملابسي وحطيتهم بالكبت .. وبعدها فصخت عباتي وحطيت راسي على المخدة ونمت نوم عمييق .. )​

............................................................................................................................​

( ديوانية حيدر )​

حيدر : شفيك متظايق .. احسك شايل هموم الدنيا كلها على راسك ..​

مشاري بصوتة الحنون : قالها علي بحر البارحة قلبي زادت مواويله ,والعين والعبرات تسرح تناديله
يا ناس مكتوبي منهو يوديله,لاشكيله عن حالي سهران كل ليله

الناس لي نامت ,هاضت بي جروحي,حتى القمر لي غاب ضليت انا بروحي
لي قلت انا بنساك,تفضحني دموعي,ويزيد في قلبي الشوق وتزيد همومي

محتار انا وياه,شتت ليه افكاري,ليتني انا انساه,او تنطفي ناري​

حيدر مندمج : أخيييه والله على الوتر الحساس بو صقر يبتها ​

مشاري : أبي أنساه .. أبي انساه​

حيدر : مشاري لاتقول أنك قمت تحب .. ​

مشاري : هاا ... انا .. لا من صجك .. أي حب أي خرابيط .. أنت عمرك شفتي مسكت التلفون وكلمت بنت​

حيدر : ههههههههههههه .. غير مس هنادي لآ​

مشاري : كاااااااااااااااك .. ذكرتني بمس هنادي .. هاذي كانت تقزورة مع شامتها الي جنها بطيخة بحنجها .. لاتذكرني احس أني برجع .. والمشكلة مصدقة أني احبها .. مادري شلون كنت أصفف الكلام ​

حيدر : هههههههههه .. الله يعافي قمر .. أهي تكتب لك الكلام على ورقة وأنت تصففة لها .. وعيوز النار بدقيقتين تييب اوراق الأمتحان لكم .. والله خبول .. ​

مشاري : هههههههه .. قمر .. ​

حيدر : اي صج شخبارها .. ليلحينها رافعه خشمها عليك .. ​

مشاري : فيها خير .. ​

حيدر : الله يعينك باجر .. بتسكنون بنفس البيت​

مشاري : هاذا الي مظايقني .. تدري مفكر أتصل على أبوي وأسكن عنده​

حيدر : أبووك .. من صجك أنت .. نسيت الي سواه فيك .. عطاك رفسة أنت وأمك وطردكم برا البيت .. فما بالك عقب هالسنين كلها .. بيستقبلك بالأحضان ​

مشاري : يمكن .. أنا ماني ولدة .. بس حيدر مادري ليش موقادر أتذكر شكلة .. ​

حيدر : أكيد يعني كان عمرك سنتين مادري 3 سنين .. شلون يتتذكر ​

مشاري : بس أكبر حسنة سواها .. لو ماأنتقلنا بيت ماما عودة جان ألحين أنا ماعرفك ..​

حيدر : ههههههه .. اي والله وأنت الصاج .. الا ماقتلي ألحين شنو راح تسوي .. وين بتقدم أوراقك على أي جامعه​

مشاري بأستهزاء : جامعه .. من صجك .. أنا بشتغل على طول ​

حيدر : وين .. منو بيوظفك من غير شهادة ..​

مشاري : أقولك طحت على واحد يشتغل بشركة عقارات يوم كنت بالأمارات وسولفنة شوي .. حسيت من كلامة أنا شركتهم محتاجين موظفين ​

حيدر : أنزين وبدون خبرة .. مشاريو مو من صجك .. منو بيوظف واحد توة متخرج من الثانوية وماعندة شهادة ..​

مشاري : أنت خلني أجرب حظي .. صارت صارت .. ماصارت .. أشوفلي أي كلية أقزرها سنتين وأتخرج ..​

رن تلفون مشاري .. علي يتصل​

مشاري : ولييه .. والله مفتشل من الريال مادري شلون أرد عليه​

حيدر : منو ​

 

[زهراء*]

مشاري : علي ولد خالتي .. عقب الي صار مفتشل أحط عيني بعينة​

حيدر : رد .. ترى علي مو نظام الي يشي بقلبة .. تلقاه نسى الموضوع ولا ليش داق يعني ​

مشاري : ألووو ​

علي : هلا والله .. هلا بوصقر .. توة مانورت الكويت .. حمدالله على السلامة​

مشاري : حبيب بو علوة .. الله يسلمك .. بوجود أهلها .. ​

علي : وينك .. أنا مريت البيت قالولي انك مو موجود ​

مشاري : تعال مر ديوناية حيدر أنا قاعد عندة ​

علي : خلاص صار .. دقايق وأكون عندكم أشوة ماطلعت من الفريج​

مشاري : ناطرينك​

علي : مع السلامة ​

.................................................................................................................................​

( بيت بوهوازن )​

هوازن : السلام عليكم​

أم هوازن : وعليكم السلام والرحمة .. ​

بوهوازن راح عندها ولمها : حمدالله على السلامة يبا .. وين كنتي جان رديتي البيت وأرتحتي ​

هوازن : مريت وحدة من رفيجاتي ​

ام هوازن : ماتعرفين تهجعين بالبيت​

هوازن من غير اهتمام حق كلام أمها : يبا وصل ثنيان​

بو هوازن : اي وصل .. صعد غرفتة ونام​

هوازن : يلا عيل أنا صاعدة الغرفة بعد حيل تعبانة ​

طق جرس البيت وهوازن تصعد الدري .. أم علي داشة وأهيا تصارخ ​

أم علي : وينها هاذي سودة الويه الي ماتستحي على ويها ​

ام هوازن : منو هاذي ​

أم علي : بنتج المراهقة .. عبالها ليلحينها 14 سنة شخلت حق المراهقين ..​

هوازن لفت ويها وأول مرة ترفع صوتها على أختها : أذا عندج كلام انا واقفة منيه .. لاتوجهين الكلام حق أمي ​

بو هوازن : أستريحوا يبا .. وتعوذوا من أبليس ​

ام علي : اهي خلت فيها أبليس .. أهيا أبليس بعينة وعلمة​

هوازن : أنتي شتبين مني بالظبط .. أكيد وصلج الخبر من ريلج .. ​

أم علي : وبكل وقاحة تتكلمين ​

أم هوازن : أم علي ترى ليلحين ماقلتي شصاير ​

أم علي : بنتج الأنسة المصون​

قاطتها هوازن : راح أتزوج جاسم .. وهالمرة محد بيوقف بوهي ... لا أنتي يايما ولا أنتي يا أختي العودة يا أم علي ​

أم هوازن بققت عيونها : شنووو .. بو هوازن تسمعها ​

بوهوازن بكل برود : ومتى بيتقدم لج ​

هوازن : بس خل نرتب الوضع بين لعيال وأنشاءالله بعطيك خبر قبلها ​

بو هوازن : الله يكتب الي فيه الخير ​

ام علي بعصبية / يبا أنت راضي بلي قاعد تسويه .. بكل جرآة متواعدة معاه بمكان عام وبكل وقاحة يقول حق بو علي هاذي خطيبتي .. وين الاخلاق .. وين المبادىء وين القيم الي تربينا عليها .. كلها راحت بلوشي ​

أم هوازن : هالزواج ماراح يتم .. ​

هوازن : يما .. انا أتخذت قراري .. وهالمرة ماراح أتخلى عن سعادتي لأي سبب كان .. طعت مرتين وخسرت عمري .. المرة الأولى طمعتي بفلوس سعد وشوفي النتيجة .. والمرة الثانية خفتي أطيح بجبدج وتزوج المرحوم وشوفي النتيجة .. بس هالمرة القرار بيكون بيدي .. وبسوي عرس بعد .. وبكل فخر أقول أني تزوجت للمرة الثالثة بالأنسان الي أحبة​

أم علي : والله عيب .. آخر عمرنا نصير حجوة بحلوج الناس ​

أم هوازن : أذا بتتزوجين لا أنتي بنتي ولا أنا أمج ​

أم علي : وانا بعد بتبرى منج .. وعيالج أستحي على ويهج .. مافكرتي فيهم​

هوازن : عيالي موافقين .. ويتمنون السعادة لي ​

أم علي : بوعلي يقول أذا تزوجتي هالريال راح​

هوازن عصبت : بوعلي .. بوعلي .. بوعلي .. لين متى بوعلي .. خلي عندج شخصية .. بعدين بوعلي لايستشرف فوق راسي .. نسى الى سواه بأخوه .. بسببة أخوه راح ضحية تجارة المخدرات .. ونسيتوا المسكينة الي قطيتوها بالسجن وماندري اذا كانت ليلحينها عايشة ولا ميتة ..وعلي ولدج .. نسيتي أنا بقى ينذبح بعد بسببكم .. هاذا بوعلي ريلج .. راح ولا رد بيكون تاجر المخدرات .. عيشكم بحرام .. وكليتوا بفلوس الحرام .. ولبستوا بفلوس الحرام .. وتعلمتوا بفلوس الحرام .. على الأقل جاسم ماغلط بحق أهلة .. ووقف على ريولة وأسس نفسة بالحلال .. ولا عمرة دخل الحرام في بيتة ..​

أم علي قربت منها وعطتها كف على ويها والدمعه على عيونها ​

أم علي : بوعلي ألي موعاجبج ظفج أنتي وعيالج بهالبيت .. عزج ورزج .. والأنسان مو معصوم .. عرف غلطتة وتندم .. ( تلت جنطتها ) : انا ماشية يما .. بس كلمة أخيرة بقولها .. حسبي الله ونعم الوكيل ​

أم هوازن : صج أنج ماتستحين .. عقب وقفتهم معاج تسمين قلب أختج بهالكلام .. روحي تزوجي يعل أنشاءالله ماتعيشين يوم فرح في بيته .. يعلج أنشاءالله بكل دقيقة يذوقج السم الي ذوقتيه أختج ​

 

[زهراء*]

بو هوازن : أم هوازن ..​

هوازن قاطعتها بصوت مبحوح ودموعها أربع أربع : أنا يا يما تدعين عليي هالدعوة .. ماني بنتج .. أنا بعرف أنا بنتج مثل ما اهيا بنتج ولا عدوتج .. حرام عليج .. مرة وحدة تمني لي السعادة .. أهي الي خلتني أطر أقط هالكلام .. أشوف يوم كانت تعايرني وتقولي يامطلقة وبعدها يا أرملة ماكنتي تدعين عليها .. ويوم كانت تعايرني وتقولي ياأم الرياييل ماتكلمتي وبطلتي حلجج بكلمة ... وبشنو وقفت معاي ماتقوليلي .. نسيتي المذلة الي عشتها أنا وعيالي .. الأكل كانت تحسبة علينا .. وبكل دشة وطلعه تسمعني جم كلمة تقثني .. مشكورة يما .. الله يسامحج ( قربت من أبوها وباست راسة ) : الله لايخليني منك يا يبا .. محد مريحني بهالبيت ألا أنت .. أنا صاعدة أنام تمسي على خير ​

أم هوازن : نومة مابعدها قومة​

هوازن ( مستحيل .. مستحيل تكون هاذي أم .. الله يسامحها .. لفيت ويهي ونزلت دمعتي وأنا أطالعها .. بدون أهتمام عفست ويها جنها شامة ريحة مو حلوة وردت مرة ثانية وقالت .. نومة مابعدها قومة .. كسرت قلبي أمي .. صعدت غرفتي ودموعي كانت الي تسليني لين غفت عيني .. )​

.................................................................................................................................​

( غرفة فاطمة )​

فاطمة : ألوو يالقاطعه .. أشوفج ماتتصلين .. اي شكلج لاهية مع غيرنا ​

دلال : هههههه .. لا بس الجامعه ماخذة وكتي ..​

فاطمة : الجامعه ولا الزواج​

دلال : الزواج .. !! زواج منو​

فاطمة : لاتخشين .. ترى انا عرفت كل شي .. توة رفيج علي داق عليه وقالة أنج بتتزوجين وعازمتهم .. اي تعزمينهم وتنسيني هاا ..​

دلال : ماشاءالله عليه أخوج وكالة كونا ​

فاطمة : مو أخوي .. رفيجة حيدر .. صوتة مكرفون .. قاعد يكلم عليوي وانا قاطة أذوني .. الحين خلينا مبرووك ..​

دلال : الله يبارك فيج حياتي .. الفال لج .. دام عرفتي الخبر نوريني عيل ..​

فاطمة : والله ودي بس ​

دلال : بس شنو ... مدارس وخلصتي شنو عذرج​

فاطمة : مادري خليني أشوف واقولج ..​

دلال : أوكي .. أنزين حياتي أنا الحين لازم اخليج ​

فاطمة : أوكي ..​

دلال : اي صج شخبار حبيبة أخوج​

فاطمة : وع لاتييبين طاريها .. عفست بيتنا .. علي متزاعل مع امي بسببها ..​

دلال : صج ماتستحي .. أنا أراويج فيها باخذ حقج منها لاتحاتين .. اهي وين ساكنة صج​

فاطمة : يم بيتنا بالظبط جيرانة ​

دلال : لا والله صج .. حلو حلو .. أنزين فطوم دزيلي عنوان بيتكم .. ​

فاطمة : ليش شنو بتسوين​

دلال : بعدين تعرفين .. يلا مع السلامة حوبي​

فاطمة : الله يسلمج ​

.................................................................................................................................​

​

​

​

 

[الفصله soso5]

روااايه نااااااااايس

كمليها ناطرينج

 

[زهراء*]

اب اب اب

 

[ام ناصر 80]

يعطيييييييج مليون الف عافيه على الروايه الحلوه تسلم الأيادي

 

[دكتواره]

ليش اسم رواية لاتمثلين احتياجج لي وانتي بحضن غيري مقزرتها مجرد اسم ولا شنو ؟جاوبي وكملي بارت

 

[MeeMeeYoo_2]

انشالله بس الي بياخذها عادل ما تطلع دلال !


يعطيج العافيه

 

[واحشني مووووت]

أول شي زووز لا تزعلين مني لاني قلت ملاحظاتي على البارت بس لان نا اندمج بالقصه فاكون دقيقه عرفتي:eh_s(7):​

بارت36​

بوعلي:ياكرهي خير أنته شكوو قطيعه.
هوازن وجاسم:الله ونااااااسه أبي جذي بس أحس أن هالشي مايدومدام أم علي و بوعلي بحياتهم.
مشاري:منو يحب بالضبط!!!!!حيرني هالولد.
ثنيان:فقير كاسر خاطري أحس ان قلبه بينكسر.
قمر:أنا أساسا اتفاعل مع قصص الحب إلا اهيا مادري ليش موقادره ابلع قصتها.
دلال:امبييييه مو من صجها تضحكعازمه الشباب:krkrkr:.
أم علي:أحسن زين سوا فيج مو بس ودي يطلقج ودي يقطج قطت الجلاب:rgewrg:/وااااي بعد ما توب تقول بروح أشرشحها لا لا لا مالها حل مالت عليج و على ريلج مادري على شنو تبينه يرضا عليج مادري اهوا ربج أستغفر..أوفيه حاسه أحساس قوي أنها راح تنقرص قرصه سنعه:rerrerek:.
عادل:ماشاء الله سبحان مغير الأحوال الله يثبته .
أشواق:والله الله يحبها ساعدت الكل و محد ساعدها الله يكون بعونها انشالله .. بس الله راح يعوضها خير .
حيدر:ياربي مادري ليش أحب هالولد يمكن لأن مثل أسم ولدي.
مشاري و علي : يا حلاتهم والله مشاري طيب من داخله بس الله يسامح الزمن.
أم علي و أم هوازن: شنو هالقلوب القاسيه حرام عليكم خافوا الله.
بوهوازن:أحس ان بيصلح غلطته عن كل الي سواه بهوازن.
فاطمة:دلال اااااخ من دلال راح تضيعج والله وخل قلب أمج يحترق وتعرف منو الي بتنزل راسها بالارض اهيا و لا هوازن.
دلال:خلاااااص خلااااااص لي متى الحب مو غصب.
بوعلي:اويليييييي طلعت سالفته سالفه من تحت لي تحت يستشرف.:rgewrg::rgewrg:​

ملاحظاتي على هالبارت​

ملاحظة وحده ماكو غيرها اغنية تعال يغنيها رويشد مو راشد الماجد​

وشكرا زووز ادري بتذبحيني على تعليقاتي:krkrkr::krkrkr:​

 

[om sa3ad]

ناطرينج

 

[زهراء*]

أولا منورين ..,

ثاني شي ..,

الرواية مو بس أسم لا .. راح تصير أحداث تدل على الاسم

 

[سـونـي "q8"]

تسلمين ع الباارت :*

وبعديين دلال وويع شتبي بعد خلااص مو بتزووج خل تذلف قططيعه

كااااااااك ضحكتني تبي العنواان ما تدري اانا اششواق طلعت كااااك مسويتلي فيها القويه دلااااال

 

[A7la 7oorya]

Up uup up up
upupup
upup
upupupup
up
up
up
up
upupupupup
uppp
up







El rwyaaa 3jeeebaaaa ^^
up
up
up
up
up

 

[ابي قطوة ميوووو]

وااااااااااااااااااااااااااااااااااااااااااااااااااو
ببجي
وااااايد اشياااء تعور القلب
وشيسموونه عليوي اهوا الي ام اشواق بغت تذبحه صححح !!
ما شاء الله عليي كنت عاارفة >>مداح نفسه يبيله بووسة :$

 

[أووص بس]

توقعاتي ::
ان الكلام اللي قالته هوازن لأم علي تقصد فيه اششواق واهلها ..
أم فيصل هي اللي ذبحت شسمه الساعد اخو ابو علي وانسسجنت ..
وكانت تبي تذبح علي ..
واشواق تدوور على السساعد او ابو علي علششان يتنازلون عن القضيه ..