[لاتمثلين احتياجج لي وانتي بحضن غيري مقزرتها ] بقلمي .,

[princess-m]

waiting ​

 

[3115]

ناطرينج زووز

 

[زهراء*]

البارت التاسع والاربعون ​

:$:$​

..​

( بالمطاار )​

هوزان ( ركضت عند جاسم ولميتة حيييل .. وأهو لمني بعد حيل .. ويه كان تعبان .. وجسمة هزلان .. ) : حمدالله على السلامة يانظر عيني .. ​

جاسم : الله يسلمج حبيبتي .. شلونج​

هوزان : خلك مني أنت الي شلون .. الحين قولي كل شي مو قادرة أصبر أكثر .. ​

جاسم : خل نركب السيارة وأقولج ​

هوازن : أنشاءالله ​

( بالسيارة )​

هوازن ( جاسم كان منزل راسة وموراضي يتكلم .. الوضع كان هادي تقريبا ربع ساعه بعدها حط عينة بعيني ودمعته نزلت .. )​

جاسم : جراح بالعناية المركزة وحالتة خطرة بين الحياة والموت​

هوازن ( هاذا الي سمعته بالحرف الواحد من حلج جاسم .. حسيت أنا احد عطاني كف على ويهي ... ويهي لونة تغير ونطرتة يكمل )​

جاسم : وجوان كانت حامل و .. ( خذى نفس ) ​

هوازن بعفوية وخرعة : شصار بالياهل .. ​

جاسم تم ساكت ​

هوازن ( نزلت راسي وفهمت أنها خسرت الياهل .. نطرت شوي وأستجمعت قواي وسألتة ) : شلون صار كل هاذا ​

جاسم مخنوق : ( بدى جاسم يشرح لها السالفة من الأول لي الأخير )​

هوازن : وقمر .. الحين شلون بنقول حق قمر .. شراح يصير فيها ولا شنو بتكون ردة فعلها ​

جاسم : مادري هوازن .. مادري شلون بوصل لها الخبر .. أخاف يصير فيها شي أنتي تدرين أهيا شكثر متعلقة بجراح اخوها خاصة بعد وفاة أمها .. ​

هوازن : يحياتي ياقمر .. أخيييه على قليبج يا بنيتي ​

جاسم : أنا تعبان هوازن حييل تعبان​

هوازن : أسم الله على قلبك من التعب يانظر عيني .. خل نرجع البيت ولاتفكر بشي .. بس حط راسك على المخدة ونام .. قمر خلها عليي .. وأنشاءالله بأذن الله جراح راح يقوم بالسلامة ومرتة أنشاءالله بتحمل وبتترس البيت يهال ​

جاسم : الله كريم .. وأحنا مايأسنا من رحمة الله .. كل يوم ياهوازن أحمد الله أنج معاي .. بدونج مادري شلون كنت راح أعيش .. الحمدالله أنا ربي رزقني فيج ​

هوازن أستحت : الحمدالله رب العالمين الحمدالله ​

...........................................................................................................................​

( بحر فرايديز )​

علي : ماشاءالله شارين فلافل وبطاط وقاعدين على بحر فرايديز شنو هالمزاج الصاروخي ​

ثنيان : هههه اي والله .. مزاج عجيب ​

بطرف ثاني ​

دلال : خلاص تعبت .. ماني قادرة أمشي صارلنا من الساعه 6 الصبح وأحنا نتمشى .. ​

عادل : زين المشي حق الحامل .. أمي قالت ​

دلال : أسمحلي عيل أمك ماتعرف شي .. خو أنا مو على ويه ولادة عشان أمشي .. تو الناس ..​

عادل : أمشي يلا ماعليه عشان ولدي يطلع سبورتي يحب الرياضة​

دلال : لا أنا أبي ولدي يطلع جميل يطيح بنات الكويت كلهم ​

عادل : شدعوة .. خفي علينا أنتي ويا ولدج عبالج شاروخان هههههه وأنتي أمة ميري ههههه​

دلال : تطنز هاا أنا أروايك لاتخليني ألحين أنبطح على بطني وافقص ولدك ​

عادل : هههه لا كل شي ولا الولد .. انتي فقصي روحج بس الولد لاتقربين صوبة​

..​

علي : أنزين قولي ثنيان .. شسالفة قمر .. نظراتك لها فيها نوع من ال ... ​

ثنيان : نوع من الحب .. الكره .. الأمل .. كل شي ​

علي : وحدة وحدة ​

ثنيان : سالفتي أنا وقمر سالفة معقدة .. وانا خلاص آمنت بالله أنا مستحيل تكون لي ​

علي : شلون​

ثنيان : ونظرات قمر .. ماحسيت فيها حب وأنجذاب حق مشاري ​

علي : بصراحة لا​

ثنيان : عيل خل اقولك السالفة .. بالأول أيام لسكول كانت قمر تتفق مع مشاري عليي ويمصخروني جدام العموم بالمدرسة .. وانا كنت أسكت ماعندي شخصية ولا أقدر أرد عليهم .. وكلة يطنزون على شكلي ويقولولي جنس ومن هالسوالف .. وكل شي كان يهون .. أهم شي كان عندي أني أشوف قمر جدامي .. ​

علي : انزين وبعدين ​

ثنيان : وبعدين أنا قررت أغير من شكلي عشان اثبت حق الكل أني لاجنس وانا عندي شخصية .. وصار هالشي وتوقعت انا قمر راح تحبني لاني غيرت من شكلي .. بالبداية أستلطفتني وقامت تعطيني ويه وهالشي صار بفضل مشاري طبعا لانة قلبة حن عليي وكسرت خاطرة​

علي : كسرت خاطرة على شنو ​

ثنيان : مرة من المرات قمر عطتني كف جدام الكل .. وصرت حديث السكول .. والظاهر على حسب كلام رفيجتها أنا مشاري أتفق وياها أنها تبني علاقة وياي أذا كانت تحبة وتعزة .. يعني قمر ومشاري بالضبط أستغلوني .. وكل واحد كان له سببة .. مشاري عشان يعوض عن كل لحظة جرحني فيها وقمر عشان ماتخسر مشاري ​

علي : يعني الحين قمر ومشاري يحبون بعض ​

ثنيان : أول أمس .. يوم رحت الحمام شفتهم بالصالة .. قمر كانت شوي وتقعد بحضن مشاري .. ويوم دخلت عليهم قمر قالت حق مشاري قولة وثنيان عرف السالفة بس مشاري نكر هالشي .. وماعترف أنا يحبها ​

علي : أنزن يمكن مشاري صج مايحبها ​

ثنيان : لا يحبها .. انا هالشي كنت شايلة من بالي .. لانة مشاري كان مايعطي قمر ويه واهيا كانت تركض وراه عشان يبعد الشبهات .. وكل ماقتلة ساعدني عشان أتقرب من قمر قالي ماتنفع لك ومادري شنو .. بس الشي الي مظايقني انهم أثنينهم مثلوا عليي ووهموني أنها تحبني وخلوني أحط امل .. ​

علي : أمممم قصتكم حيل غريبة .. ​

ثنيان : خلها على الله ​

علي : أنزين عادي أبدي رايي بالموضوع ​

ثنيان : اي ​

علي : انت المفروض من البداية ماتحط أمل .. ومبين أنها ماتفضل نوعك أسمحلي بس مو قصدي أهينك .​

ثنيان : هههه لاعادي كمل ​

علي : أنا يوم واحد قعدت مع البنت عرفت شخصيتها ... هالبنت تحب الريال الي عنده كلمة وعنده شخصية قوية .. تحب الريال المتزمت وبنفس الوكت رومانسي بس مايطلع هالرومانسية الا بوكتها .. وعليه حركات شيطانية ونكيت وفصلة .. ولا تفهمني غلط ثنيان .. بس أنت شخصيتك كلش تختلف عن شخصية مشاري .. أنت من يوم كنا صغار وأنت حريص حيل ماتخطي خطوة الا عامل لها الف حساب .. عكسي أنا ومشاري طاقين الدنيا بالطوفة .. وبعد كان كل أهتمامك بالدراسة وبالأشياء الي تخص العلم .. يعني أشياء مملة نوعا ما ​

ثنيان : ههه ماشاءالله عليك .. حللت شخصيتي بعد​

علي : يبا أنا ماخذ كورس علم نفس شعبالك​

ثنيان : وهالمواصفات كلها موجودة بمشاري ​

علي : اي نعم .. وأكبر غلط أنك صدقت أنها ممكن تحبك بعد لسطار ألي عطتة لك .. وبعد ماكنت تدري انها تركض ورى مشاري .. ​

ثنيان : مادري ياعلي .. قلت يمكن تغيرت مثل ما أنا تغيرت​

علي : بعدين صدقني هالبنت مو من نوعك .. الحين أنت غيرت شخصيتك وصرت شوي فني .. وتعرف شلون تتكلم وتعبر عن الي بداخل وهاذا تطور كبير .. أصلن أنا مستغرب منك شلون فتحت قلبك لي .. لو أنك ثنيان القبلي جان كتمت بقلبك لين أنفجرت​

ثنيان : اي والله .. انا غيرت من نفسي لاني حسيت أني صج أملل .. الله كريم ياخوي .. والله يرزقنا انشاءالله في بنت الحلال ​

علي : أنشاءالله ​

..​

دلال : حياتي خل نقعد على الطاولات الي مناك ​

عادل : يلا مشينا ​

دلال ( وأحنا نمشي بنقعد على الطاولة ولا أطق بريك قوي .. نزلت النظارة من على عيوني ولا أشوفة .. أي هاذا جنة علي .. بس ليش قاعد على الكرسي .. أويلي شصاير .. كان ودي أركض له أشوف شالسالفة بس ماقدرت لانة عادل واقف يمي .. )​

عادل : شفيج صاير شي ​

دلال : لا لا .. عبالي شفت رفيجتي ​

عادل : خرعتيني ​

دلال : انزين حبيبي خل نرجع البيت خلاص حيل تعبت​

عادل : على راحتج يلا مشينا ​

دلال : مشينا ​

..​

ثنيان : وانت علي .. مافي وحدة ماخذة قلبك منيه مناك​

علي : أنا .. هههه لاوين .. انا قلت حق الحب بااي باااي ​

ثنيان : اي أحسلك .. بس ليش ​

علي : شوف ثنيان .. أنا عشت تجربة حب حلوة كانت بالبداية .. ونيتي ماكانت أني ألعب على البنت بالعكس نيتي زواج .. وكلمت أمي وأمي وعدتني تكلم أمها .. وبنفس اليوم وانا طالع ولا أنصدم من البنت .. طلعت تكون علاقات عابرة .. يعني بأختصار كنت تقزورة وانا مادري .. وهالسبب أختياري الخاطىء .. يعني الي بوصل له .. انا أحنا الي قلوبنة طيبة بسرعه ننخدع بالناس .. فلازم تكون حذر وأنت تختار شريك حياتك عشان لاتندم بعدين .. وليس كل مايلمع ذهب .. وحط قاعدة .. لاتدور أنت الحب .. خل الحب أهو الي يطق باب قلبك ​

ثنيان : هههههه .. بعد شاااعر .. كل يوم تفحمني ..​

علي : ههههه .. الدنيا علمتني الي ماتعلمتة من طلعت من بطن امي .. خلها على الله بس .. والله كريم ​

ثنيان : اي والله .. الله كريم​

 

[زهراء*]

...........................................................................................................................​

( بيت بو هوازن )​

مشاري دخل البيت وأهو معصب ويتحلطم ​

بو هوازن : الناس من تدخل البيت وتشوف ناس قاعدة بالصالة تسلم بالأول ولا أنا غلطان​

مشاري : سامحني بابا عود .. بس ياي وأنا حدي شاب نار ​

بو هوازن : خير شصاير ​

مشاري : توني راد من مقابلة الوظيفة الي قتلك عنها .. طلع أبوي راعي الشركة وانا مادري ​

بو هوازن : أبووك شعد ​

مشاري : اي أبوي سعد .. لا وبكل وقاحة يقولي تفضل يبا .. يعني شكلة من البداية مخطط حق هاللقاء .. وانا أقول شلون في شركة رضت توظفني وانا ماعندي الا ثانوي وشركة واصلة بعد .. ​

بو هوازن : أستهدي بالله .. لاتعصب .. يمكن هالنقة أجابية .. وخيرة من الله​

مشاري : أي خيرة أبوي .. خيرة انا يتكلم على امي بالشينة ​

بو هوازن : أقص لسانة من تكلم على امك ​

مشاري : لاتخاف عطيتة جزاه وأكثر ​

بو هززان : صج الدنيا تدوور .. ​

مشاري : بس ليش عقب هلسنين لييش .. يعني بصدق قلبة حن عليي .. انا أدري يبيني أوقف بصفة ويبي يغريني بمنصب بشركتة عشان أترك أمي وأعيش وياه .. يبيني أحرق قلب أمي بس يصير خير .. مستحيل أسويها ​

بو هوازن : مالك شغل فيه خلاص يبا .. أنا بدور لك مكان عند واحد من الربع ومايصير خاطرك ألا طيب ​

مشاري : والله عكر مزاجي من صباح الله خير ​

رن تلفون مشاري ولا قمر داقة .. ​

مشاري : عن أذنك يبا ​

..​

مشاري : نعم قمر .. ماخلصنة يعني من هالموضوع ​

قمر : لا ولا راح نخلص .. مشاري والله أنا تعبانة .. ليش تسوي فيني جذي .. ​

مشاري : قمر خلاص .. قتلج احنا مو مكتوبين حق بعض .. ورجاءا سكري الموضوع​

قمر : أبيك تحلف أنك مرتاح بدوني ​

مشاري : والله أني ماذقت طعم النوم وانتي بعيدة عني .. قمر انا بعد أحبج .. بس علاقتنا مايصير تستمر وثنيان بوسط علاقتنا ​

قمر : مشاري هاذي حياتنا .. لاتظحي بحبنا عشان ثنيان .. الحب مو بالغصب .. ثنيان بيلاقي البنت الي تسعده .. الحين ولا بعدين ​

مشاري : لاتأكدت انا ثنيان لقى البنت الي يحبها وتحبة ذيك الساع ماراح يوقف شي بويه علاقتنا .. بس انا ماقدر أكون معاج وأدري أنا أخوي يحبج ويبيج .. خلج مكاني شنو بيكون موقفج ​

قمر : راح أضحي بالكل لاني أحبك .. وأعرف شغلة وحدة الي أهيا أني أحبك ومستعده اتخلى عن أهلي عشانك ​

مشاري : لاتقولين جذي . أهلج بالمقام الاول والي مافيه خير لهلة مافيه خير للناس ​

قمر : أدري اهلي بالمقام الأول بس أنت غير .. أنت كل أهلي وناسي ​

مشاري ( مو قادر أتحمل اكثر .. أخاف أضعف من كلامها .. لازم أسكر الموضوع ) : أنزين بابا انا بيت يدي ماقدر أكلمج .. لمن أرد البيت أتفاهم وياج ​

قمر : يعني في مجال نتكلم بالموضوع وتغير رايك ​

مشاري : لا .. يلا باي ​

قمر : بااي .. ( دايما تسكر السماعه مني وتخنقني بكلامك .. الله يسامحك مشاري .. الله يسامحك .. )​

شوي ولا يرن تلفونها​

قمر : ولييه .. أنا شكو بلشت عمري خل .. # الووو​

عمر : هلا والله .. عاش من سمع هالصوت​

قمر : عاشت أيامك​

عمر : صباح الورد يا وردة البيت​

قمر : صاح النور ​

عمر : شلونج بوي أنتي شخبارج​

قمر : تمام الحمدالله​

عمر : بقيت ادق اتطمن عليج .. صارلج جم يوم مو داقة ​

قمر : مشغولة شوي بزي بعد تعرف ​

عمر : ههههه .. محسستني أنج أمرآة أعمال ​

قمر : اي هاذا الصج . انا أدير شركة أبوي ​

عمر : اووه أووه يا بنت لفلوس عطينا ويه شوي ​

قمر : مابي ​

عمر : أفاااا أنا عمر ​

قمر : هههههه .. خلاص هاك ويهي كلة ​

عمر : لا انا جذي ماقدر ​

قمر : أممم .. ​

عمر : شنو .. أحس بداخلج كلام وايد ​

قمر : شعندك اليوم .. زهقانة ودي أطلع​

عمر : والله انا أنسان فاضي ​

قمر : خلاص عيل شرايك نلتقي​

عمر : أوكي .. بس وين تبين نلتقي ​

قمر : تدل بحر الفنطاس ​

عمر: اي أدلة ​

قمر : نلتقي مناك على الساعه 2 ​

عمر : خلاص صاار ​

قمر : يلا الحين باي ​

عمر : باااي ​

بهالأثناء ​

هوازن : أنت ادخل من الباب الخلفي لايشوفونك لعيال ​

جاسم : خلاص أوكي ​

هوازن : انا شوي واصعد لك​

جاسم : اوكي حبيبتي ​

هوازن : يلا ​

..​

غرفة قمر ​

هوازن تطق الباب ​

قمر : منو ​

هوازن : أنا هوازن​

قمر : تفضلي خالتي ​

هوازن : دام فضلج يما ​

قمر : اوووه خالتي قاعدة مبجر اليوم شصاير ​

هوازن : نازل عليي النشاط فجأة شفتي شلون​

قمر : هههه .. لا عندج شي مو خالية​

هوازن ( مسكت أيدها وقعدتها على الفراش . مادري شلون أقولها الخبر بس عطيتها مقدمات .. )​

قمر : خالتي شفيج .. ليش جذي ويهج تغير ​

هوازن : يما قمر .. أنتي كبيرة وفاهمة .. والكلام الي بقولة لج مابيه يأثر عليج وابيج تسمعيني لي الآخر ​

قمر : خالتي شصاير ..​

هوازن : لاتخافين حبيبتي .. بس انتي عارفة انا الدنيا قضاء وقدر ومانقدر نغير شي ​

قمر والدمعه بطرف عينها : خالتي أبوي صار فيه شي ​

هوازن : لا لا .. أبوج مافيه شي ​

قمر : عيل ​

هوازن : جراح ​

قمر وقفت على حيلها : جراح أخوي شفيه .. ​

هوازن : ...​

قمر تصارخ : جراح أخوي شفيه ​

هوازن : جراح أخوج سوة حادث سيارة أهو ومرتة والحين أهو بالعانية المركزة ​

قمر : لا لا .. مو صحيح .. أبوي أمس كلمني وقال جراح راح يرجع الكويت مع مرتة​

هوزان : يما آآ قمر .. ابوج قالي نفس الكلام ... بس اليوم صدمني وقالي هالخبر ​

قمر : الحين بتصل علييه​

هوازن : أبوج بغرفتة ​

قمر ( ركضت غرفة أبوي وكان قاعد على الكرسي ومنزل راسة .. ركضت عنده وطحت على ريولة وقعدت أبجي .. هالموقف نفسة صار يوم توفت أمي .. ونفس الكلام قالولي .. امج سافرت وراح ترجع .. الفلم الي صار بوفاه أمي صار الحين مع جراج .. )​

: يبا قول انا جراح أخوي مامات .. قول انا راح يرجع .. ماراح يخليني مثل ماخلتني أمي ​

جاسم لمها حيل وقعد يبجي : راح يرجع أخوج بأذن الله .. راح يرجع​

قمر : يبا أنت مو قاعد تجذب عليي صح .. ترى أنا الحين كبرت ماني قمر أم 5 سنين.. الحين أنا عمري 18 .. لاتقولي أخوي بيرجع وبعدين تصدمني ​

 

[زهراء*]

جاسم : لا يبا مو قاعد أجذب عليج .. أهو الحين بالعناية المركزة وأنشاءالله راح يطلع ​

قمر : ودني له الحين .. بشوفة الحين​

جاسم : مايصير يبا ماكو رحلات هالحزة​

قمر : الحين تروح تحجزلي رحلة .. حتى لو بالنت ماقدر أنطر بشوف أخخوي ​

جاسم : أنشاءالله الحين أدش وأدور حجز​

............................................................................................................................​

( لوس أنجيلوس )​

غرفة جراح بالعنياة المركزة ​

جوان : جراح قوم شوف .. زينت الغرفة كلها لك .. حطيت لك فراشات الامل .. وحطيت لك بالونات الشوق .. ورسمت لك ورود الحب .. بطل عيونك وشوف .. اليوم عيد ميلادك حياتي .. يلا قوم حبيبي قوم ​

أم أحمد : خلاص يما آآ لاتعذبين روحج​

جوان : شفيج يما آآ راح يقوم .. اهو وعدني أنا ماراح يخليني ​

أم أحمد : أنشاءالله بيقوم بس لاتظقطين على روحج​

جوان : خلاص أنتوا شتبون خلوني بروحي أنا ويا ريلي .. كل ساع واحد ياي يتفلسف على راسي ​

أم أحمد : أفاا يما آآ أنا تقوليلي هالكلام​

جوان طاحت بحض ام أحمد : سامحيني يما آآ والله مو قصدي بس نفسيتي صايرة زفت .. ​

أم أحمد : امس عمج سافر وأحتمال يقول حق بتة ومرتة على الي صار ​

جوان : متى سافر .. ​

أم أحمد : أمس ​

جوان : يعني بيقول حق قمر .. أخييه ياقمر على قلبج من تشوفين أخوج امدد على لفراش مايتحرك .. آآه يما آ ليش أنا وجراح .. ​

آم أحمد : تعوذي من أبليس هاذا قضاء وقدر رب العالمين​

جوان مسكت أيد جراح : الله يقومك بالسلامة .. جراح أسمعني عمي وقمر راح أيوون .. بطل عيونك حق قمر .. لاتكسر قلبها سامعني ​

** جراح ظقط على ايد جوان​

جوان : يما آآ جراح ظقط على ايدي .. يعني قاعد يسمعني ..​

أم أحمد : الحمدالله .. الحمدالله والشكر لك يار​

جوان : جراح حبيبي أنت تسمعني .. أذا تسمعني أظقط مرة ثانية على أيدي ​

جراح رد ظقط على أيدها ​

جوان : يما آآ رد مرة ثانية ظقط على أيدي .. يعني جراح قاعد يسمعني .. الحمدالله لك ياارب الحمدالله ..​

عيل شوف أمس شنو كتبت لك بمناسبة عيد ميلادك​

شقدملڪ يآ آغلى من خلق ربي !
في عيّد آلورد آقدم ورد ؟ ’
في عيد عمري آقدم جزء من عمري ؟
في عيد آلحب آقدم حب ؟ ’​

​

آقدم هدآيآ مآ تسوآڪ ؟ يآ آغلى من خلق ربي ’
[ يآ ڪل آلعمر - يآ آحلى ورد - يآ آغلى حب ]​

​

ڪل عآم و آنت في آلحشى آغلى مآ خلق ربي ..​

​

- يآ عمّري يفدآڪ عمري -
آمر تدلل و آنآ لڪ آلبي ~ يآ آحلى عمّر و ڪل آلورد و آجمل حب في عمري !​

​

​

............................................................................................................................​

( السجن المركزي )​

... : زيارة حق أم فيصل ​

أشواق : زيارة لج بعد .. ياترى منو بيزورج يما آآ ​

أم فيصل : الله أعلم​

أشواق ( أم علي وبو علي .. معقوولة الي أنا قاعد أشوفة .. لا مو مصدقة .. أم علي ركضت وطاحت على ريول امي وقعدت تتأسف منها .. لا هاذي أم علي الي أنا أعرفها مو معقولة ... وبو علي منزل راسة بالأرض ومنحرج .. سبحان مغير الأحوال .. اما أمي كانت ظايعه بالطوشة ماتدري شنو الموضوع )​

أم فيصل : أختي أنتي منو ​

ام علي : أنا .. شوفي ويهي عدل وتذكريني ​

ام فيصل : ...​

أم علي : ماعرفتيني .. شوفيني عدل .. شوفي عيوني ​

أم فيصل : أنتي .. أنتي الي​

أم علي : أي أنا .. انا السبب بدخلتج السجن .. كنت غبية .. 20 سنة حرمت من بنتج وحرمتج من حياتج .. يايتلج السجن أطلب من انج تسامحيني .. والله حوبتج ماتعدتني لا أنا ولا عيالي .. ولدي طاح طيحة جايدة وتحرول .. وريلي طلقتني .. حياتي كلس ماكانت مبتاركة لاني كل يوم أحط راسي على المخدة ومرتاحة بوكت الي أنتي تحطين راسج فيه على المخدة وتتحسرين على عمرج وشبابج الي ظاع ورى هالقضبان .. هاذا ريلي وراح نتنازل عن القضية​

أم فيصل والدمعه على طرف عينها : انتي ام علي ​

أم علي : اي أنا ​

أم فيصل : علي ولدج ذهبة .. ونعم التربية ..​

أم علي : @@​

أم فيصل : تدرين أنا هاذي أشواق بنتي صح​

أم علي : توني عرفت انها بنتج ​

أم فيصل : وتدرين أنا الي يمس شعرة من راسها شسوي .. أقطعه بسناني ​

أم علي : أدري .. أنتي أم وااعرف شكثر الظنى غالي عند امة .. أشواق بنيتني سامحيني على كل شي .. ياريت أيدي أنقطعت ولا مديتها عليج​

أشواق ( ركضت عندها ولميتها ) : حشاج خالتي حشاج ..​

أم علي : سامحيني يما أشواق .. فرقت بينج وبين ولدي علي .. حرمتة من أعز مايملك .. لو يرجع الزمن لي ورى جان ماسويت الي سويتة​

أشواق : لاتقولين جذي خالتي لاتقولين .. هاذا قضاء الله وقدرة .. ويمكن هالشي خيرة .. انا أصلن مو مصدقة أنج خالتي أم علي الي واقفة جدامي .. معقولة تغيرتي جذي ​

ام علي : الحمدالله انا الله فتح عيوني على وايد أشياء كنت غافلة عنها .. كنت أنانية ومافكربنفسي .. قلت حق بو علي أحس نهايتي قربت .. أبي أسعد كل الي حواليني والغالين قبل لا تغفى عيني من هالدنيا ​

أشواق : أسم الله عليج خالتي لاتقولين جذي .. لج طولة العمر ​

أم علي : أم أشواق .. أحنا كلمنا المحامين وأنشاءالله راح تنفتح القضية ونقدم تنازل .. ​

أم فيصل : الحمدالله رب العالمين .. بس انا بقول حق بو علي لاتعتقد أني سامحتك .. ليلحين منقهرة على ولدي الي ظاع وعلى شباب أخوك الي فنى .. لو أنك​

أشواق : يما آآ خلاص ​

أم فيصل : أنا راح أسكت بس عشان أشواق بس أنت الله بياجازيك​

أشواق : يما آآ خلاص ​

أم فيصل : ....​

أم علي : أشواق انا أدري انا علي ماراح يسامحني بهالسهولة .. كلميه عشاني .. أبيه يسامحني .. ​

أشواق : لا خالتي كلميه أنتي بنفسج وعلي قلبة كبير ومو معقولة أنا بيشيل عليج طول هالمدة .. والي صار الله كاتبة .. وبعدين أهو بس عتبان عليج لا أكثر ولا أقل .. ​

أم علي : أنشاءالله .. انشاءالله ​

............................................................................................................................​

( ديوانية حيدر )​

حيدر : هلا بو المش ​

مشاري : أنا شوي وياك الديوانية أبيك بموضوع​

حيدر : حياك بوي أنت​

مشاري : لايكون فيه أحد عندك بالديوانية​

حيدر : الحين لا ماكو احد بس الشباب على الساعة 4 بيتيمعون عشان بنحدر بنروح الخيران​

مشاري : خلاص مسافة الطريج​

حيدر : حياك​

..​

بعد ماوصل مشاري​

حيدر : هلا بالحبيب​

مشاري : هلا فيك​

حيدر : ها شصاير ​

مشاري : أنت قول شلي ماصار ​

حيدر : أوووف أوووف السالفة جايدة​

مشاري : اي والله جايدة .. تخيل الشركة الي قدمت عليها طلعت شركة الوالد​

حيدر : لا والله صج ​

مشاري : اي والله ​

حيدر : وبعدين شصار ​

مشاري : محادثة لطيفة بين أبو وولدة الي شافة آخرة مرة يوم كان عمرة 3 سنين​

حيدر : ومن وين طلع لك أبوك .. ​

مشاري : مادري لا تسألني حيدر .. ​

حيدر : والحين شنو بتسوي .. بتتوظف عنده​

مشاري : لا من صجك .. الحجي بيدور لي مكان أتوظف فيه​

حيدر : اي احسن اك ​

مشاري : والسالفة الي موراضية تسكن على خير ثنيان درى بكل شي .. وعرف أنا قمر تحبني ​

حيدر : أووف اوووف وبعدين​

مشاري : رقعت الموضوع .. وقتلة انا هالشي مو صحيح .. بس الريال مو مصدق​

 

[زهراء*]

حيدر : أنزين مو هالشي الي كنت تبيه أنا يعرف ​

مشاري : كنت أبيه يعرف اييه بس مادري شلون .. ماقدر أبني علاقة مع البنت واخوي يحبها .. ماقدر حيدر ​

حيدر : بس الحب مو بالغصب .. ومرحلة وتعدي .. هاذا حب مراهقة وثنيان توة داش بال 18 ​

مشاري : والله مادري حيدر .. قاعد أتعذب والله .. بس تصدق الظاهر هاذي خيرة من الله أنا أبوي طلع جدامي .. أنا ماراح أقدر أسكن وياهم بنفس البيت وانا قايل حق أمي من البداية​

حيدر : شلون خيرة​

مشاري : وبعد بيت يدي ماني ساكن لانة خالتي هناك وأدري راح تصير مشاكل لا رحت هناك .. فشكلي بسكن عند أبوي ​

حيدر : لا لا مو من صجك .. توك تذم فيه ومادري شنو الحين تبي تسكن معاه​

مشاري : ماعندي غير هالحل ​

حيدر : أنت قاعد تستوعب .. أبوك يعتبر غريب يعني أنت ماتعرف عنة شي .. ويمكن يطلع متزوج بعد شدراك .. شلون بيسكنك مع مرتة وعيالة​

مشاري : أنا ولدة بعد .. كيفهم عاد ​

حيدر : مشاري فكر عدل بالموضوع لاتتهور ​

مشاري : مخي مشوش موقادر أركز​

حيدر : لاتفكر وايد خل الموضوع على الله وبس .. أنزين ليش ماتيي تغير جو ​

مشاري : مادري واللله​

حيدر : شنو مادري ... تعال وييب معاك علي وثنيان بعد ​

مشاري : خلني أشوف .. ​

رن تلفون حيدر​

مشاري : منو داق ​

حيدر : عمر ​

مشاري : يوووووه هالريال ماأشتييه ولا أطيق أشوفة شيبي بعد​

حيدر : أكيد داق بيشوف الشباب وصلوا ​

..​

عمر : ألووو​

حيدر : هلا عمر ​

عمر : ها بالديوانية أنت أمرك​

حيدر : اي تعال مر​

عمر : يلا دقايق وعندك ​

حيدر : حياك​

..​

مشاري : لايكون بيي معاكم الشاليه​

حيدر : اييه نسيت أنا خالد يصير ولد عمة والشاليه شاليه خالد ​

مشاري : خلاص عيل كنسل .. أشطبني من القائمة​

حيدر : يلا عاد بوصقر .. ​

مشاري : صج صج أنتي تدري أني لاشفتة أحس أني ودي أذبحة ليلحين مانسيت الحركة القذرة الي سواها وحتى لو علي يشوفة يمكن يذبحة ​

حيدر : مالوم علي صج .. بس أنتوا مالكم شغل فيه .. يعني خلاو وجودة وعدمة واحد ​

مشاري : ماعتقد علي لا درة أنا موجود بيي الشاليه .. بس خلني أحاول أشوف ​

دخل عمر ​

عمر : السلام عليكم​

حيدر : وعليكم​

عمر : أووه بوصقر هنيه​

مشاري قام على حيلة : يلا حيدر انا ماشي تامرني على شي ​

حيدر : لا حبييب بس لا بغيت تسير عطني خب ​

عمر : شدعوة ب صقر وين على الله​

مشاري : أنا ماقعد بمكان فيه ناس نجسة والحشيمة حق صاحب المكان .. السموحة حيدر ​

حيدر : مسموح​

مشاري : مع السلامة ​

عمر : حمدالله والشكر .. شفيه صاحلك​

حيدر : يعني شفيه​

عمر : أشوة انا السالفة ماتخصة ​

حيدر : خلاص ممكن تسكر الموضوع .. ​

عمر : لا صج .. ترى السالفة ماتخصة .. ​

حيدر : عمر سكر الموضوع لانك غلطان وغلطان وبعد غلطان وتخيل أنك مكان علي ومشاري شنو بيكون موقفك هاا​

عمر : أقطع روسهم والله ​

حيدر : عيل أسكت .. شفت السالفة يوم حاشت أهلك صرت بتقطع روسهم .. غير الموضوع ​

عمر : اي والله خل نغيرة .. المهم حدي واصل ومشتهي بيبسي أذا ماعليك أمر ​

حيدر : دقايق ويكون البيبسي عندك​

عمر : أوووه الساعه جم الحين ​

حيدر : الساعه 1 ونص ​

عمر : لا عيل كنسل مشروع البيبسي .. نسيت اني مواعد ​

حيدر : أستغفر الله أنت ماتوب .. لين متى بتلعب بأعراض بنات خلق الله .. خف شوي ياريال ترى انت وراك أهل وخوات ​

عمر : أقول حيدر لاتطلعلي فيها وتصيرلي واعظ ديني .. وبعدين الي يقرب من أهلي وخواتي يسلم على عمرة​

حيدر : عجيب أمركم شباب هاليوم .. تتحرشون وتلعبون بأعراض خلق الله وماتبون أحد يقرب من عرضكم بس حط في بالك ترى كما تدين تدان ​

عمر : خلصت​

حيدر : نصحتك وكيفك​

عمر : مع السلامة .. وانا أخلص وعلى الأربع أييكم ​

............................................................................................................................​

​

بنات الرواية شارفت على الانتهاء .. يعني يمكن تقريبا 10 بارتات .. والله راح أفقد الشخصيات .. البارتات الياية راح يكون فيها وايد أحداث وآكشنات .. يلا قراءة ممتعه

 

[3115]

لاااا ليش قلتي بتخلص اويلي راح اشتاقلهم وانشالله لن تخلص جوان وجراح رادين الديره مع جاسم ولدهم ياارب

شسمه واضاهر مشاري وعلي مايحبون عمر يمكن عمر متحرش بفطوم اخت علاو.
وبعدين امشاري الزفت شنو يبي يروح يسكن عند ابوه شنو موضوعه بضبط
وهاذي قمر اهيا الوحيده الي لازم تموت والله فرقت بين ثنيان ومشاري والحين بتكسر قلب مشاري يخيانتها مع عمر
وام علي وابو علي عسى عسى دوووم انشالله من هل حال واحسن يارب
وانشالله ام فيصل ترجع مع بنتها وتشوفها عروس

وبس ناطرينج زووز

 

[زهراء*]

حياتي أنونوو أنا بعد راح أفقد الرواية والله ..

يلا حق الي ماقرت آآب آآب

 

[.الطيب.]

واااااااااي
شسالفة عمر و شمسوي ؟؟؟ :/
حسيت ان ورااااه قصة !!!! و قمر بيصير فيها شي مع عمر و مشاري بيشوفهم مع بعض و بتصير سوالف هيك
و عقب ما راح يتزوجها ...

مشاري كان عندي احساس ان بيعيش عند ابوووه و بيخلي امه !!

جوان كاااااسره خااااطري
و ان شاااااااااااء الله يقووووم جراااح !! < عندددي امممل

ام فيصل بتطلع من السجن و بتعيش مع اشواق
و بو فيصل بياهذ جزاه اهو و بو علي

و بسسس/:
هذا اللي ببالي الحين ... بس قلتي باقي عشر بارتات وقف ككلشي بمخي -.-
يعطييييج العاااافيه

 

[زهراء*]

هههه شووش حياتي أهو تقديريا 10 بارتات .. يمكن يطولون يمكن يقصرون أنا أصلن حاسة البنات تمللوا لانة السالفة طولت عرفتي منورة حياتي

 

[أهات أحزان]

بقووووووووووووووووووووووه ملل نسينا أحدداثها

 

[princess-m]

الحمدلله ع سلامه جراح
وكسرت خاطري جوان وقمر
وشنو مسوي عمر بـ علي ؟ :/
ومشكوره ع البارت ...​

 

[om sa3ad]

ناطرينج

 

[دكتواره]

انا كنت متابعه رواية بصمممت بس تبين الصج ابدااااااااااااااااااااااااااااااااااااااااااااااااااااااااع واتوقع قمر بالاخير راح تزوج مشاري او يفترقون

وهوزان وجاسم راح يعيشون حياة سعيده

وجوان راح تحمل اتوقع وجاسم راح يطلع بالسلامه انشاءالله

وعلي راح يسامح ام علي و ابو علي راح يردها وراح يدخلون السجن

واشوواق راح تاخذ علييييييييييي

وثنيان اتوقع راح يكره قمممر او اي شي يخصها

ودلال راح تبجي وعادل راح يدخل سجن وراح يكون موولود ينولد


وهاااااااااااااااااااااااذي توقعاتي


ولاطولين علينا بصراحه بديت امل

دكتواره

 

[MiSs^^3OoBa]

ابدددددداع
البارتات

ناطريينچ

 

[شموع الفرح]

Waiiitiiiinnnggg

 

[Ruwaishdawya]

وااااي
يا قلبي الروايه
تبجي عوورت قلبي

مشاري و ثنيان
ذكروني بأغنية يا صاحبي وش فيك لووول :$

يعطيج العافييه و ناطرينج :*

 

[أغلى حبيبه]

اب عشان زهووره

 

[شموع الفرح]

yalla wainch rwaytch tshaweg na6rench 3la a7r mn el.jmer

 

[mss.86oo6a]

up up up up up up up up up
up up up up up up up up
up up up up up up up
up up up up up up
up up up up up
up up up up
up up up
up up
up