[لاتمثلين احتياجج لي وانتي بحضن غيري مقزرتها ] بقلمي .,

[Doza karoza]

بأاااك لوؤول. امبيه من وين طلعلنا عمر هذا ماتوقعت بيكون اخو ورؤؤد ودلال جلبة والله جلبة ودي اشوفها جدامي اطلع مهاراتي بكراتيه عليها جلبة وصخة. تبي تضيع عددرية البنات ابرياء ياما سمعت وايد عن هالاشكال وامثال فاطمة للاسف قذرة. زوووز كملي دلال وعمر لازم ياخذون جزاتهم انشالله عادل يطقها طق كل يوم لؤوؤل. كملي زوز للنهاية. وقمر. لازم تغير خطها بشرعه. لاللحين مامداها تكلم هالزفت عمر من اولها يهددها الله يعينها. كملي اب اب اب

 

[Doza karoza]

سوري قصدي امثال دلال موفاطمة. ياما سمعت عن اشكال وامثال دلال. اعودبالله من هالاشكال

 

[زهراء*]

ههه عيل خلااص بطلع كل شي بقلبي بس راح احتفظ بالشرااييين و الاورده >> يا ملقي:bbbiu:

وي عيل خلااص كل مره بتلقين رد اطول مني

و لو العفو :$ }~

+

ترى متاابعتج هني و بمنتدى ثااني

هههه اي أفا عليج

يبا فديت ملاقتج والله طثري منها عسل على قلبي ..,

أنشاءالله بشوف ردود لاتقطعين عاد أوكي ..,

..............

:d

البارت الثاني والخمسون الخمسون ​

:$:$​

..​

بعد مرورشهر ​

( لوسأنجيلوس .. العناية المركزة .. غرفة جراح )​

الدكتور :المريض مع الفحوصات بين أنا قاعد يستجيب حق محادثتكم معاه .. ويوم عن يوم حالتةقاعد تتطور وجسمة يستجيب حق العلاج .. كثروا من زيارتكم له وتكلموا معاه .. يمكنبأي لحظة يبطل عيونة ​

جاسم :الحمدالله رب العالمين​

قمر : عاداليوم أنا ماراح أهد جراح راح أقرق وأقرق فوق راسة لين يمل من سوالفي ويبطل عينة​

جوان :هههعاد أنتي قرقتج والقبر .. شوي شوي على ريلي هاا .. ​

هوازن :اييه ماترضى على ريلها ​

قمر : أقولنحن هنا ترى هاذا يكون أخوي قبل لايصير ريلج وأنتي بقتيه مني ​

هوازن: هههأشتعلت نار الغيرة عاد بين الحريم شنو يطفيها الحين​

قمر :ههههه لا أتغشمر معاج لايكون زعلتي​

جوان :هههه جب .. شكو أزعل مع ويهج أدري تتغشمرين أصلن لو من صجج جان علمتج​

قمر :فديتها مرت أخوي قلبها عليي ​

هوازن :أنا نازلة الكافتيريا تبون شي ​

جاسم : أناوياج ​

هوازن :يلا عيل سرينا ​

..​

بالكفتيريا​

جاسم :وييه مالاحظتي أنا من زمان ماخصصنا وكت حق نفسنا أنا وياج بروحنا ​

هوازن : ايوالله من زمان ماقعدنا مع بعض نفس الناس .. بس كل شي يهون عشان جراح ​

جاسم :الله كريم .. أممم أنزين بسألج وين بخاطرج تروحين بهاللحظة وشنو ودج تسوين​

هوازن :الي صج ودي أسويه بهاللحظة أني أسكن بواحد من هالفنادق الي بكل غرفة في حوض سباحةخاص .. وأنط رواسي بالماي وأنتعش ​

جاسم :انزين وبعد ​

هوازن :بعدها تدخل مالت المساج وتسويلي احلى مساج ريلاكس أصفي مخي ​

جاسم :وبعدها ​

هوزان :وبعدها ودي تدش المطبخ تسويلي عشى من أيدك ونشرب نخب عيد زوانا ​

جاسم :ههههه .. اي اليوم الي تعرفنا فيه على بعض أهو عيد زواجنا ​

هوازن : ايبعد يومين عبالي ناسي​

جاسم : لامو ناسي أفا عليج شلون أنسى​

هوازن : ايعبالي ​

جاسم :أنزين وأذا طباخي طلع مو حلو​

هوازن : كلشي من أيدك حلوو ​

جاسم:أنزين وبعدها ​

هوازن :بعد العشى ودي نقعد على البحر ونحط بساط وفراش على الرمل ونام وأحنا نراقب النجوم ​

جاسم :هههه ماعبر على الرومانسية .. خل نصعد عند الشباب لاألحين تقلبين المستشفى شموعوأغاني عبدالحليم حافظ​

هوازن تطقجاسم على جتفة : جسووم تطنز عليي هاا ​

جاسم :كربونش والله .. فديتا أنا المعصب ​

هوازن :خلاص لاتحرجني عاد​

جاسم :ههههههه​

............................................................................................................................​

( بيت بوهوازن )​

أم هوازن :اليوم راح تيي أم علي ولعيال وبو علي ​

ثنيان : ايزين من زمان مو زايرين ومن زمان مو شايف فطوم بعد ومو متحرش فيها ​

بو هوازن :خل البنت بحالها ترى كبرت عيب هالحركات​

ثنيان :شفيك بابا عود هذاك زمان أول كبرت ومادري شنو أذا ماتحرشت ولعبت مع بنت خالتي أنشاءاللهبلعب مع منوو ​

أم هوازن :اي والله حجي خلهم بحالهم بعد أنت ليش مدخل روحك بين اليهال تعال أنت بعد ألعبوياي ​

بو هوزان :هههه الظاهر الحجية خرفت .. شلعب وياج صيدة مصيدة ولا لبيدة ​

أم هوازن :لبيدة .. هههه تذكر ايام أول يوم كنت أتلبد عنك بالكبت وتسهر طول الليل تدورنيماتلقاني أيام ​

بو هوازن :اي والله أيام ​

ثنيان :والله حركات حجي .. شهالسوالف من ورانا ​

طق بابالبيت​

أم هوازن :ماما ميري بطلي الباب ​

ميري :أوكي ماما ​

أم علي :السلام عليكم​

الكل :وعليكم السلام ​

بو علي :ياالة ​

بو هوازن :تفضل حياك ​

فاطمة داشةبعصبية : ثنياانوو ويعاا .. ​

ثنيان :الله أكبر .. شفيج داشة بشرج ​

فاطمة :تسوي روحك يعني مادري​

ثنيان : لاماأدري ​

فاطمة :شنو هالبي سي هاا ... تقصدني صح .. ​

ثنيان : لاكلش منو يقول .. ​

بو هوازن :شنو يعني بسبي ​

ثنيان :هههه حجي بي سي .. يعني برودكاست​

أم علي :هههه .. يبا يعني رسالة بالتلفون​

بو هوازن :اي قولو جذي من أول ​

أم هوازن :بو هوزان انا أبي آنفون​

بو هوازن :شنو هاذا بعد ​

فاطمة :تلفون بابا عود .. بس مو آنفون آيفون حجية .. ولييه أنتوا يبيلكم ترجمة ​

بو علي :هههه عيب فطوم لاتكلمين بابا عود جذي ​

بو هوازن :خلها يبا هاذا جيل 2012 تطوروا وعبالهم فاهمين الدنيا أحسن منا .. وين جيلنا جيلالأبيض والأسود أييه أيام .. وبيوت الطين .. الحياة كانت بسيطة والدنيا بخير وامان.. ماكو فرق لابين مذهب ولا بين غني وفقير .. الكل كان تهمة مصلحة الكويت وبس ..مو هالزمن الكل اللهم نفسي .. الدنيا تغيرت .. تطورنا وأنفتحنا على العالم بسعقولنا وأفكارنا ماأنفتحت بالعكس صارت أردى من الردي .. الله كريم يارب ..​

بو علي :اي والله يعمي بهالنقطة أنا وياك .. للأسف في ناس قاعد تلعب بلكويت لعب .. مسويةالديرة سمردحة .. وقاعد يفرقون بينا مايبون الكويت تكون على قلب واحد بس اللهيثبتنا وكلنا أخوان وكلنا واحد ​

ثنيان :خوش محاضرة والله ​

 

[زهراء*]

فاطمة : اي والله خوش محاضرة .. كثروا منها ​

أم هوازن : عاد أنتوا حيل هالوكت شنو يفهمكم خلكم على البس بس ​

فاطمة : بي سي ​

أم هوازن : هاذا أهو .. شحالتنة قبل نتواصل بالرسايل الكتابية بخط الأيد .. ​

فاطمة : الدنيا كلها تطورت تطوري أنتي بعد ماما عودة ​

أم هوازن : أنشاءالله من عيوني ​

أم علي : يلا ما نجبوا الغدى حدي يوعانة ترى ​

أم هوازن : أنشاءالله من عيوني ​

أم علي : اي صج هوازن ماأتصلت ​

بو هوازن : بلة أتصلت قبل يومين .. وتقول حالتة الريال قاعد تتحسن أنشاءالله ​

أم علي : الحمدالله رب العالمين​

فاطمة : ثيوون بطلع زهقت ​

ثنيان :اي والله حدا .. شرايج نتغدى وبعدها نروح الآفينيوز بشتري ملابس من زمان ماشريت ملابس​

فاطمة : اووف حدا حتى آنا خلاص اوكي ​

ثنيان : وبعرفج على شخص ​

فاطمة : شنو ياقليل الأدب بتظبطلي صاحبك هاا​

ثنيان : أوووش قصري صوتج بالخبلة .. بعرفج على ورود الي قتلج عنها ​

فاطمة : هههه .. اي استعبط .. أوكي حدي متشوقة عشان أشوفها بس أنت مو قلت أخوها جكها وحبسها بالبيت .. وأنت أنطقيت بسبتها ​

ثنيان : الطق عسل على قلبي دام يا من طرفها .. بعدين اليوم بتطلع مع أمها يعني راح تقدر تزرق ​

فاطمة : مادري والله .. لو تنسى الموضوع أحسن .. ماعتقد السالفة تصير .. وذا اخوها حتج مو زين يشوفك​

ثنيان : يعني تهقين أكنسل .. والله زهقت من هالحالة .. فونها مو عندها .. وتشبك بالأيبود وأهيا مزرقتة .. مايصير جذي .. ​

فاطمة : اممم تبي أظبطكم .. أنا أدق عليها عساس بكلمها وأعطيك السماعه أنت تكلمها ​

ثنيان : صج إن كيدكن عظيم .. خلاص صار ​

فاطمة : بس على شرط تعزمني اليوم على فيلا فيروز حدي مشتهية تبولة ورق عنب على أنغام صوت فيروز ​

ثنيان : هههه جنج عشتي الدور وايد​

فاطمة : بعدين تعويض عن البي سي الي دزيتة .. الحين انا تشبهني بامية أم السناسين هاا .. ​

ثنيان : ههههه اي والله من كنا صغار وأنتي خشمج كلة مسنسن .. خل ارد أقرى البي سي ​

( بس بلكويت الياهل لا حاشتة فلاونزا سنسوناتة توصل لي حلجة ويشفطهم بعد مثل حالة فطوم بنت خالتي بامية أم السناسين ) كاااااااااااااااااااااااااااااااااااك​

فاطمة بوزت : جب مالت عليك أراويك والله أن ماأردها لك ماكون أنا فاطمة وبتشوف .. صج مشاري شلونة مع أبوه ​

ثنيان : والله جنة يازتلة القعدة مناك .. حوض سباحة وجاكوزي .... ​

فاطمة : مطولة أقامتة​

ثنيان : والله شكلة .. بعدين على قولتة مايبي يثقل على أحد .. ومايبي يقعد في بيت واحد غريب ​

فاطمة : وبيت بابا عود​

ثنيان : شدراني .. كلم أمي وصارت سالفة .. وأمي عصبت .. ​

فاطمة : أوووولة وأهو ليش أتخذ هالقرار يعني ​

ثنيان : يقول أحسن أني اكون بين أبوي هالفترة أبي أتعرف عليه أكثر ​

فاطمة : يه يه .. ​

ثنيان : وطلعت عنده أخت أسمها لمى ​

فاطمة : لا والله .. ​

ثنيان : بس بعد أمها مطلقة .. على قولتة بجابل أختي محتاجتني ​

فاطمة : ههههه عيااارة .. شسالفة أبو مشاري كلة يطلق .. الظاهر فيه عقدة طلاق ​

ثنيان : ههههه الظاهر ​

بو هوازن : صبي ليش قاعد تظحك​

ثنيان : منو آنا ​

بو هوازن : في صبي ثاني غيرك بالبيت​

ثنيان : اي عمي بوعلي .. شوفة شحلاتة شزينة جنة توة داش ال 20​

بو علي أنحرج : أحم أحم .. خل يسمعون بعض الناس ​

ام علي : وانا بعد ليلحيني حلوة وصغيرة عدل يما آآ ثنيان​

ثنيان : عدل خالتي أنتي باربي حياتي والله​

أم علي : ههههه الله يخس سوالفك ​

ثنيان : هههه .. يلا حجية قومي خل نتسحب قبل لايجكونة ومايخلونة نطلع ​

فاطمة : أوكي أنا ألقاك بالسيارة بطلع من الباب الوراني ​

​

............................................................................................................................​

( بيت سعد أبو مشاري )​

غرفة مشاري ​

مشاري : قمر ردي .. وينج ​

لمى تطق الباب ​

مشاري : منو ​

لمى : أنا لمى ​

مشاري : حياج ​

لمى : الله يحيك​

مشاري : نعم خير لمى شنو بغيتي ​

لمى : متمللة حدي قوم خل نطلع ​

مشاري : وين بتروحين​

لمى : خل نروح الآفينيوز​

مشاري : لا لا .. لايحووشك الآفينيوز اليوم الخميس وحدا أزدحام ومصبنة مالي خلق واحد يتحرش فيج بعد ​

لمى : من زين ويهي يعني عشان يتحرشون فيني يعني ​

مشاري : شوفي أهو صج مومن زينة بس شباب هالأيام حشاج لو نعال يتحرشون فيها وانا أذا فقدت أعصابي يمكن أسوي شي مو زين ​

لمى : اووولة اووولة خلاص يبا كنسل المشرروع​

مشاري : أممم كسرتي خاطري .. حق شنو كنتي بتروحين الآفينيوز​

لمى : بروح أدش سينما نزلوا فلم توايلايت​

مشاري : وييع يرحم أمج شنو هالذووق الهندي .. الفلم سخيف وانا شارية سي دي كلة راح يتقطع بالسينما أختاري فلم أكشن ​

لمى : خلاص يبا أي فلم بس خل نطلع زهقت من البيت​

مشاري : خلاص نطلع بس ها ترى ماراح نروح الآفينيوز راح نروح الفنار سينما حلوة وماكو مصبة كثر الآفينيوز​

لمى : خلاص ماشي أتفقنا ​

مشاري : وبعد شرط ثاني ..​

لمى : ولييه شنو كلة شترط .. ترى أقدر آخذ سيارتي وأطلع بس قلت أغير جو أطلع وياك​

مشاري : كيفج .. انا بكشخج بالكورفت ​

لمى : أقووول روح انت والكورفت .. أنا بكشخك بالبانوميرا​

مشاري : واااك ذلفي ​

لمى : تطنز يعني .. انزين شنو الشرط​

مشاري : ماتترسن ويهج مكياج حدج كحل وقلوس خفيف .. طبقات الأساس هاذي ماقو ماقو ماقو .. وعدسات جنج قطوة ماقو .. وحمرة حمرة جنج ماكلة ياهل ماقو ​

لمى : مليييييق .. شنو هاذا .. يعني تعرفني ماحب اطلع بدون مكياج ​

مشاري : تحملي .. باجر لاخطبج ولد الحلال ينصدم بخلقتج ​

لمى : لا خطبني يصير خير .. بعدين أنا مسوية حملة مع البنات لا للزواج .. شنبي بالزواج ماتقولي .. كل علاقات الزواج الي شهدتها فاشلة .. ​

مشاري : علاقات منو ​

لمى : أبوك وامك .. بعدها أبوي وأمي .. وخالتي وريلها .. وبنت عمي وريلها .. كلهم حالات طلاق .. تعقدت​

............................................................................................................................​

( بيت عمر )​

عمر ( وانا أحوس بفون ورود دشيت على الأستيديو .. وشفت صور الغبي أخو مشاري .. ليلحين حاقد عليه ماشافيت غليلي .. بس انطر عليي يامشاري هاذا أول اللعبة .. عبالك خوفتني بهالبكس .. أن ماأحرق قلبك مثل ماحرقت قلبي .. المهم قعدت أمس صور الزفت .. ولا تطلع صور قمر مع ورود .. اييه قمر ماغيرها .. قمر الي عبالها أنها ذلتني .. صارلي الحين شهر أتصل على نقالها الجهاز مغلق .. مادري وين أختفت فجأة .. وصورة ورى صورة .. طرت على بالي فكرة .. بس بالأول أبي أعرف علاقة قمر بمشاري .. وأكيد الزفت ورود تدري .. ركضت غرفتها .. وكانت قاعدة على جدام الجامة تطل على الشارع .. تليتها ولا أدزها على الأرض بكل قوتي )​

: يا حمارة أنا جم مرة قايل لج لاتطلين من الدرايش الرايح والراد يشوفج .. ماتسمعين الكلام​

ورود بالغصب قامت وأهيا تصارخ وتبجي : خلاص .. انا زهقت .. مليت .. ليش قاعد تعاملني جذي .. ترى حتى انت غلطت وليلحينك تغلط .. ولا حرام عليك أنت تلعب بشرف غيرك وماتبي احد ياخذ أختك بالحلال ​

عمر ( نرفزتني .. رفعت أيدي وعطيتها كف على ويها ) : جب ​

ورود : اي عبالك هاذي الرجولة أنك تطق أختك .. جان طلعت رجولتك على مشاري مو عليي أنا .. بس أنت مو رياال .. تعرف شنو يعني مو ريال ​

عمر دزها على الأرض وقعد يطقها : أنا أعلمج الرجولة شلون .. ياكلبة .. انا لو ذابحج بيدي مو احسن ( طرااخ طاااخ طراااخ )​

ورود : أأي وخر عني ..يما آآ يما آآآ​

 

[زهراء*]

أم عمر : شصاير .. قوم عن أختك قووم لاتذبحها


عمر : أنا بعلمها الرجولة .. انا موريال يا حمارة ..


ورود : يما آآ لحقي عليي ( ركضت بحضن أمي وطحت على صدرها قعدت أبجي .. وينك ثنيان تشوف شلي قاعد يصير معاي .. )


عمر : شوفي يما آآ أذا بنتج ماأحترمت روحها والله لذبحها بيدي ..


أم عمر : عمر دام أنا موجودة وأشم الهوى أنت مالك شغل بختك .. انا الي أربيها سامعني


عمر : لا مو سامع أنا ريال البيت .. انا ريال البيت


أم عمر : قول حاظر يما آ


عمر بأستسلام : حاظر يما آآ حاظر .. ( تليت ورود من أيدها ورحنا الغرفة الثانية بعيد عن أمي )


أم عمر : وين ماخذ أختك


عمر : أبيها بموضوع .. لاتخافين يما آآ ماراح أسوي فيها شي .. بكلمها وبتفاهم وياها


أم عمر : أي زين


..


عمر حاط أيدية عل ريولة وبكل هدوء : شوفي أنا سكت عنج وماحبست بالبيت .. خليتج تطلعين مع أمي ومع بنات خالاتج على الرغم من الي سويتيه .. فألحين لازم تتعاونين معاي وتساعديني


ورود : على شنو أساعدك


عمر بطل التلفون وطلع صورة قمر : على هاذي


ورود : قمر .. ( بعصبية ) : أنت شتبي بالبنت .. وبعدين من سمح لك تتعبث بتلفوني والله عيب .. ترى قمر مو نفس البنات الزبالة الي تعرفهم بتسلم روحها لك .. أصحى بابا هاذي قمر ..


عمر : والله لكسر شوكتها هالقمر


ورود : أنت تعرفها


عمر : معرفة سطحية


ورود : وشتبي مني بالظبط


عمر : بعرف كل شي عنها .. عنوان بيتهم .. رقم أخوها .. رقم أبوها .. وين تروح .. وين تيي .. شنو علاقتها بمشاري


ورود : مشاري ..


عمر : اي مشاري .. لاتسوين روحج غبية ماتعرفين شي


ورود : أنا مالي شغل .. ومالي خص .. طلعني من الموضوع


عمر : شوفي تبين تتحجين بالطيب ولا أطلع الكلام من بلعومج بالغصب


ورود : لو شنو تسوي ماراح أقولك شي .. قمر رفيجتي وانا ماراح أخليك تظرها بشي .. وادري أنك بتنتقم منها لانها ماعطتك ويه .. بس تدري تستاهل


قرب منها ولا يحط أيدة الثنتين على رقبتها : شوفي أذا ماتكلمتي بالطيب واله أذبحج وأمج مادرت عنج .. ترى أنا مو خسران شي .. أقطج بالبر أخلي لذياب ياكلونج ..


ورود ( موقادرة اتنفس .. قاعد أعافر بين أيدية مثل الدياية .. موراضي يوخر عني .. حسيت روحي بتطلع .. ويهي صار أحمر شوي وينقطع نفسي ولا يوخر عني ) : كح ككح ككح l


عمر : أذا أمج درت بلي صار وراح يصير ترى ماراح أتردد أني أعيد الحركة .. بس المرة الياية ماراح أوخر أيدي .. سامعه


ورود تهز راسها من الخرعه .. : سامعه سامعه ( سامحيني قمر .. سامحيني ) : شنو بتعرف بالظبط


عمر : كل شي عنها .. كل شي أقدر أسستفيد منا


ورود : ......... ( وبديت أقولة كل شي عن حياة قمر .. عن أبوها وعن أخوها جراح .. وعن زواج أبلة هوزان من أمها .. وانها كانت تحب مشاري وماكان يعطيها ويه بس الحين علاقتهم صارت قوية ويمكن يتزوجون )


عمر : حلووو .. حلوو ..


ورود : عمر اترجاك وخر عن قمر والله ماتستاهل


عمر : لا تستاهل .. وحدة مثل هاذي ياية تقزرها على أفااي .. أنا أعلمها شلون التقزورة عدل


ورود : أترجاك عمر .. أبوس ريولك


عمر : وخري زين ..


............................................................................................................................


( الستشفى .. لوس أنجيلوس .. الساعه 1 الفجر )


قمر ( كنت نايمة على الكرسي .. وجوان حاطة راسها على فراش جراح ونايمة .. ولا فجأة )


جراح بصعوبة يتكلم : ججج .. جججوا .. جوان


جوان ماحست


جراح ( بطلت عيوني .. شفت جوان حاطة راسها يمي .. رجعت أناديها مرة ثانية وبصعوبة اتكلم .. الشعور الي كنت أحس فيه أني مخدر .. بعدين ماكنت أدري أنا وين ولا شنو صار .. غمضت عيوني بطلتها ولا ألاقي نفسي نايم بلفراش وحواليني أجهزة وعلى جسمي أجهزة ) : ججج.. جوان


جوان ( وانا نايمة ولا أحلم أنا جراح يناديني .. ججج .. جوان .. كان بصعوبة يتكلم .. حاولت أني ماقوم من النوم عشان لايخلص الحلم .. بطلت عيوني ولا يطلع هاذا صوتة .. صوت جراح حبيبي .. يناديني جوان .. مو قادرة أصدق . جراح صحى ياااناااس جراااح صحى .. بعد هالمدة الطويلة ريلي صحى .. مثل الهبلة قعدت أصاارخ .. جراااح صحى .. وطلعت بالمممرات وأنا أصارخ جراح صحى .. قمر قامت مخترعه من النوم وقامت تناقز وراي .. )


جوان : جراح حبيبي .. جراح حياتي ( طحت عليه بحضنة وقعدت أبجي ) : خرعتني يانظر عيني لاتعيدها .. لاتخليني بروحي .. أخاف أعيش بدونك .. بدونك ماحس بالأمان .. وأخيرا قمت .. وأخيرا بطلت عيونك .. قلت لهم أنك راح تسويها .. قتلهم ريلي وانا أعرفة .. حبيبي أنت والله أشتقت لك .. الدنيا خالية بدونك


قمر ركضت وطاحت على صدر أخوها : جرااااح ياملييق ليش زوغت قلوبنا .. ليش سويت فينا جذي .. والله بقيت اموت من سمعت بالخبر ..


جراح : أنا وين


جوان : ههههه كليناك ماعطيناك نفس تتكلم ..


الدكتور : ماشاءالله .. الحمدالله رب العالمين .. حمدالله على السلامة جراح .. ماتشوف شر


جراح : أنا وين دكتور


دكتور : أنت كنت بغيبوبة .. والحمدالله لفضل الله ثم أهلك صحيت منها


جراح : شكثر صارلي بالمستشفى ..


الدكتور : تقريبا 4 شهور وشوي


جراح : ....


جوان : الحين مو مهم جم قعدت .. المهم أنك قمت .. المهم انك طلعت منها ورجعت لنا .. يا حياتي


جراح بصعوبة يتكلم : ج.. ججوان .. أنن .. انتتتيي قعدتي معع .. معااي مافارقتيني ووولا للل .. للحظة


جوان : شلون بفارقك يانظر عيني . أنت ريلي وحبيبي .. و .. ( بقيت أقولة أبو عيالي .. بس لساني رجع مكانة .. ولدنا راح .. ماعاد في ولد .. الله كريم .. )


جراح نزلت دمعته : جججج ... جوان ..


جوان : ياعيونها


جراح : أ.. أأأحح.. أأحبج


جوان ( حسيت الدنيا موشايلتني آآخ ياني مشتاقة حق هالكلمة .. عسل طالعه من حلجة .. وانا أحبك والله انا روحي فدوة لك .. فدوة ياروح جوان أنت )


جاسم وام أحمد وأحمد دشوا الغرفة


جاسم طاح على جراح وقعد يبجي : حمدالله على سلامتك يبا .. الحمدلله على السلامة .. خرعتني عليك يابوك . لاتسويها مرة ثانية فينا


جراح : ييي.. يييبا .. شفففت أممميي


جاسم : آآه يا أم جرااح .. الله يرحمج .. شقالت لك أمك


جراح : قق.. ققربت مننن .. منيي وقققاالتتتلي قووو..قققوم أبببوك وأخخختك محح.. ( كح كح ) محتاجينك .. ووو .. وومرتك أأنفففطر قلببب.. قلبها عليك


جاسم خنفتة العبرة ​

الدكتور : يلا كافي اليوم .. ياجماعه ممكن تطلعون برا شوي المريض الحين لازم يرتاح .. والكلام الوايد مو زين له ..


الكل طلع ببرا


أم أحمد : حمدالله على سلامة جراح .. قرة عينك بوجراح


بو جاسم : الله يسلمك أنشاءالله


أحمد : قرة عينك بوجراح


جاسم : الله يخليك بو نجم .. يعطيكم العافية على وقفكم معانا والله أنكم ناس أجاويد مادري شلون نطلع من يزاكم .. لو مو وقفتكم هاذي الله يعلم بحالي


أم أحمد : أحنا أهل يا بو جراح .. والي مافيه خير لأهلة مافيه خير للناس .. وجراح ولدنا مثل ما أهو ولدك .. وهاذا واجب


قمر تركض عند جاسم طبت عليه ولمتة : اليوم يبا .. اليوم بنرجع البيت وبناخذ جراح معانا


جاسم : مايصير بابا .. شلون اليوم بعدين الحين شايفة الساعه جم الساعه1


قمر : مالي شغل اليوم بنرد الكويت ولا ترى راح أعفس المستشفى عليهم


أحمد : هههه مايصير باباتي .. لازم على الأقل يقعد أسبوع عشان الفحوصات وباجي العلاج .. أنشاءالله بتشوفينة طالع من المستفى واهو يمشى وراكب الطيارة للكويت


أم أحمد : صج الغربة صعبة .. صعبة .. الأنسان دبون وطن مثل البحر بدون ملح .. الله يعين عيالنا الي يدرسون بالخارج على 5 و6 سنين .. صج الله يكون بالعون .. أحنا صارلنا جم شهر وتعبنا أهم شلون ..


جاسم : ايه والله صدقتي .. الغربة حيل صعبة .. الله يوفقهم يارب


قمر : أنا بعد قررت أني اقعد مكاني وأدرس بلكويت .. ماقدر أطلع برا وافارقكم أخاف بعد يصير فيني شي ومحد يدري عني


جاسم : أصلن أنتي حبيبة البابا ( باسها على راسها ) : من قال بخليج تطلعين تدرسين برا .. لازم تكونين جدام عيوني


قمر تدلع : أبي بوسة ثانية


جاسم : باسها على خدها


هوازن توها رادة من المصلى


جاسم : تقبل الله


هوازن : منا ومنك


جاسم : جراح قام بالسلامة ​

 

[زهراء*]

هوزان قعدت تناقز من الفرح : واااي الحمدالله رب العالمين ( ولمت جاسم حييل .. وقربت من أذونة ساسرتة ) : قرت عينك حبيبي ..


جاسم ( آآخ ياهوازن .. ملاك نازل عليي من السما .. الحمدالله .. )


............................................................................................................................


( الآفينيوز )


ورود ( بعد الطق والسب والأهانات الي حصلتها من عمر يعني حب يتأسف مني بطريقتة الخاصة الا وهي اأنا بيوديني سينما نغير جو .. دخلنا الفلم ولا ألمح ثنيان ومعاه وحدة .. معقولة بهالسهولة تخلى عني ثنيان .. ماهقيتها منك ياثنيان ماهقيتها منك .. مشكوور .. طول الفلم وانا أفكر منو هاذي الي خذت مكاني بقلب مشاري .. والدمعه بطرف عيني .. ماقدرت أنزلها عشان لايحس عمر فيني .. ولا شوي ثنيان قام من الكرسي ومعاه البنت .. أستغليت الفرصة قلت حق عمر بروح الحمام .. ورحت ركضت وراهم ولا انادي ثنيان )


: ثنيان .. ثنيان


ثنيان ( سمعت صوت ورود ولا ألتفت عليها .. وبكل شوق ) : ورود .. هلا .. هلا حبيبتي أنتي وينج خرعتيني عليج والله


ورود ( نزلت دمعتي ماقدرت أحبسها ) : لا تقولي حبيبتي .. ولاتجذب أكثر أنا عرفت كل شي


ثنيان : شنو عرفتي


ورود : ليش ثنيان تخليت عني بهالسهولة .. أنا شسويت لك .. قصرت معاك بشي .. ولا نظامك أنك


ولا فاطمة توها طالعه من الحمام


فاطمة : يلا ثنيان خلصت


ورود : الحين أنت هادني عشان هاذي .. من صجك .. شلي فيها مو فيني هاا .. ماتقولي


ثنيان : هههههههههه .. لا مو صج .. والله فديتها الي تغاار لهالدرجة تغارين عليي .. ورود


ورود بصوت مبحوح : ليش تظحك .. مابي لاتكلمني أنت خاين وغدار ماحبك .. أنسى شي أسمة ورود


فاطمة : هههههه .. ثنيان لايكون هاذي


ثنيان : هههههه ايييي ..


ورود :بعد قايلها عني .. أنا خلاص راح أطلع من حياتك والله يهنيك مع الي أختارها قلبك


فاطمة لمت ورود وباستها : وأخيرا شفتج .. حدي كنت مشوقة عشان أشوفج .. أنا فاطمة بنت خالة ثنيان أكيد قالج عني


ورود ( أمبييه ويهي قام يقط ألوان مادري شقول .. أنحرجت صج .. وانا كليت الريال بالأخير طلعت بنت خالة مووصج )


ثنيان : هههه .. ورود أنتي بقلبي ومستحيل وحدة ثانية تسكن بقلبي غيرج فاهمتني ولا لا


ورود قربت من ثنيان ولا تهمسلة : أحبك .. والله أني احبك وأعشقك ..


ثنيان أنحرج


ورود : أنا لازم أرجع لايحس فيني أخووي


فاطمة : أنزين شرايج أيي وياج اكلم أخوج


ورود : ليش


فاطمة : عشان لايشك فيج ليش طولتي .. بسلم عليه وبقولة أني رفيجتج وعشان يعرفني لمن أدق على بيتكم يخليج تكلميني وأنا وجذي ثنيان راح يستلم الفون وانتي تكلمينة بدالي شرايج


ورود : واااي فطووم مشكورة .. مشكورة حياتي


فاطمة : ولو .. يلا أمشي بسرعه قبل لا نتاخر


..


عمر : هاذي شفيها طولت .. بعدين تعال يا غبيي أنت شلون خليتها تروج بروحها الحمام .. خل اروح أشوف شقاعد تلعب من وراي خو لي غاب القط ألعب يافر ( وانا نازل من الدري بروح الحمامات ولا يتبطل الباب كانت ورود ومعاها وحدة .. )


ورود : عع.. عمر


عمر : أنتي وينج تأخرتي


ورود : كنت مع رفيجتي .. عمر هاذي رفيجتي فاطمة


عمر ( هالبنت أنا مشبه عليها ...بس شفيها متنحة فيني .. شوي ولا أشوفها ترجف ودموعها تنزل .. مافهمت شسالفتها ) : السلام عليكم


فاطمة ( هاذا أهو .. أهوو .. لا ياربي ..لا أرجوك ياربي .. وقفت متنحة .. لاشعوري دموعي نزلت .. تجمدت بمكاني .. وحسيت برجفة بجشمي .. كنت حيل خايفة .. ركضت عند ثنيان وحطيت راسي بحظنة وقعدت أبجي وثنيان حاول يعرف مني شنو الموضوع بس ماقدرت أقولة )


عمر : حمدالله والشكر شفيها هاذي ..


وورد : مادري


عمر : ليش طولتي بالحمام .. لايكون عريتي هني هناك


ورود : اي عريب أي بطيخ .. وانا بالحمام ولا أشوف رفيجتي قلت اسلم عليها وكاني على طول رديت


عمر : هاذي شسمها وبنت منو


ورود : هاا ..


عمر : قتلج شنو أسمها وشنو عايلتها


ورود توهقت : أي أسمها ..


عمر : اي أسمها شفيج تصروعتي


ورود : شتبي بأسمها لايكون بعد تبي تفتح معاي محضر تحقيق


عمر : أنتي مو ويه الواحد يعطيج ويه .. قتلج شنو أسمها


ورود : ف.. فاطمة


عمر : وعايتلها


ورود : مادري .. البنت صارلي فترة قصيرة أعرفها ماسألتها عن عايلتها


عمر : متأكدة


ورود : عمر ممكن ماتعكر مزاجي أكثر من ماأهو متعكر .. قمر وخلصنا منها .. لاتلف على غيرها تكفى


............................................................................................................................


( بيت أشواق )


أشواق : يما آآ حدي خايفة ..


أم فيصل : لاتخافين يما آآ من شنو بتخافين خو الريال ماراح ياكلج وأشوة أنج تعرفينة هاذا علي


أشواق : يما آآ مو مصدقة أني بكون مع علي في بيت واحد وتحت سقف واحد .. حدي ماني مصدقة


أم فيصل :لاصدقي يما .. البيت راح يصير خالي بدونج


أشواق : لا يما آآ أنا راح أقول حق علي أني ماراح أهدج أذا يحبني صج يسكن معاي هني عندج بالبيت


أم فيصل : صج يما آآ راح تسكنين عندي


أشواق : اي صج . انا ماصدقت على الله تطلعين من السجن وتنورين البيت .. ألحين تبيني أطلع وأخليج بروحج لا مستحيل ..


ام فيصل : الله يخليج لي يايما .. ولا يحرمني منج يارب قولي آمين


أشواق : أمين يما آآ أمين


أم فيصل : أنا قلت حق خالتج أم أحمد على الخطوبة وحيل أستانست .. ظربت بعلي الأمقال قالت عنه أخلاق وأدب ولد أجاويد


أشواق : هاذا علي يما آآ علي .. أكيد بيكون أدب واخلاق .. هاذي حبيبي انا .. مرة ثانية يما آآ ماني مصدقة .. والله ودي أصارخ بالشارع واقول اني حلالة .. حلالة .. علي لي وانا لعلي .. علي صار من نصيبي .. والله أحبك يا علي أحبك


أم فيصل : الله يديم هالمحبة أنشاءالله


أشواق : يما آآ احس أني مقموتة


أم فيصل : ليش يما آآ


أشواق بظيقة : أبووي


أم فيصل : شفيه


أشواق : كنت أتمنى أنا علي يخطبني من أبوي مثل باجي البنات .. تمنيت أبوي يوقف يمي بهاليوم مثل باجي البنات .. تمنيت وتمنيت وتمنيت وكلها أماني يايما آآ ولا رااح تتحقق .. يما آ أنا الحين صارلي قريب سنة مازرت أبوي .. والله أني مشتاقة لها على كل الي صار .. وأجذب عليج أذا قتلج أني ماأحبة وأكرهة ومستانسة على الي صار فيه .. كل يوم قلبي يحترق عليه أكثر


ام فيصل : يماآآ هاذا الي الله كاتبة .. وابوج وايد غلط بحياتة .. ودخلولة السجن يمكن يكفر شوية من هالذنوب .. خليه .. خليه يتخمر يمكن يتعدل شوي .. وكلها جم سنة وراح يطلع من السجن


أشواق : يما آآ ليش مانروح نزوة أنا وياج


أم فيصل : أنا .. أنا وياج .. لا لا لا .. ماقدر .. لاتحميليني فوق طاقتي .. هالشي ماقدر عليه


أشواق : بس يما آ


أم فيصل : هالموضوع مافيه نقاش .. انتي تعرفين شنو شعور أنج تشوفين انسان بعد 20 سنة .. أنسان كان السبب بدخولج السجن .. شنو تتوقعين بتكون ردة فعلي .. يمكن أذبحة بيدي الثنيتن .. ماراح اتحمل الوضع ماراح أقدر


أشواق : الله كريم يما آآ الله كريم


............................................................................................................................


( بيت عادل )


دلال : دانة مو من صجج ..


دانة : شنو أنا بعد أبي أستفيد مو بس أنتي .. مثل مارسمتي على المليونير أنا بعد من حقي أستفيد ولا أنا غلطانة .. تعرفين حالتي صعبة وانا محتاجة فلوس .. يعني لازم تدبرين لي فلوس


دلال : دانة لاتطلعيني من طوري .. قتلج ماعندي ماعندي شنو أقص عليج


دانة : أي تقصين عليي .. هالكلام قوليه حق غيري يا ماما .. قبل شهر معطيتني 500 دينار وريلج بنك مركزي .. دبري لفلوس الحين أبيهم


دلال : قلتيها 500 دينا ر.. شنو أنتي ماتشبعين


دانة : اي مااشبع .. لمن أنتي تشبعين أنا اشبع


دلال :لا موومن صصجج صح


دانة : لا من صجي


دلال : وشنو بتسوين أذا مايبت لفلوس لج


دانة :راح تندمين والله راح تندمين .. ولا نسيتي ماضيج الوصخ .. تبين أذكرج


دلال : أنتي شتبين بالظبط .. يعني ياية تهدديني


دانة : اعتبريه الي تعتبرينة .. وهاذا آخر انذار .. أبي 600 دينار ولا ترى أييبهم بنفسي وأخليج تندمين​

 

[زهراء*]

دلال : دانو أنا دلال شفيج قلبتي عليي ​

دانة : ماسمعتي بالمقولة الي تقول أحذر من صديقك ألف مرة ​

دلال : أنتي حقيرة والله أنج حقيرة​

دانة : اي حقيرة شتبين ​

دلال : خلاص راح أدبرها لج بس نطري شوي أطلع له عذر ​

دانة : عندج أسبوع .. سامعه أسبوع ( وسكرت التلفون بويها )​

دلال : شنو هالبلشة الي أبتلشت فيها .. هاذي غبية ومتهورة عادي تسوي أي شي عشان لفلوس .. معقولة تعطي عادل الصور وتقولة عن كل شي .. معقولة تفظحني .. والي في بطني شسوي فيه .. آقطة بالشارع .. يارب .. يارب ساعدني شسوي ​

............................................................................................................................​

​

​

​

بنات الأسك مفتوح لكم حق الي عندها تعليق ولا شي على الرواية ولا تبي سؤال أو هيك ..,

أو عندها أنتقاد ..,

وقراءة ممتعه أتمنى البارت نال أعجابكم

http://ask.fm/zozosnfora

 

[زهراء*]

آآب آآب آآب

 

[واحشني مووووت]

up
up
up​

 

[om sa3ad]

ناطرينج

 

[ام ناصر 80]

تسلم الأيادي ناطرينج

 

[كلي أحزان وهموم]

عجيييييب البارت يعطيج ألف عافية حدي ولهت عالرواية وحمدالله على قومة جراح مابغى قرت عينج جوان الله يخليهم لبعض وثنيان وورود انشالله ماتصير بينهم مشاكل ويفترقون بسبت عمر ويييع من وين طلع هذا حده مو وقته وأشواق بعد عمري الله راح يجمعها مع علي بيت واحد الله يهنيهم شكثر احداث طافتني جان نطرتيني لووول ^_^
نااطريييينج على ناار

 

[princess-m]

الحمدلله ع سلامه جراح
عمرر اكرررررررررهه
ومشكورره ع البارت ​

 

[mss.86oo6a]

اكسررررررررت خاطري فطوووووووووم عندس احسااس قوووي انه عمر راح يتحسف على الي سواه وراح يحب فطوم
ويختي على مشاري طلع عنده اخت ياعشتووووووووو ههههههه
وجرااااااااااااح واخيرا قااام وناااااااااااااااااااااسه
وعااشو عاشو عاشت زوزو عاشت عااااااااااشو عااااااااشو
up
up
up
up
up
up
up
up
up
up
up
up
up
up
up
up

 

[مع الأيام]

مشكووورة على هالبارت رووووووووووووووووعة

 

[3115]

وه وه وه ج لي قالو كل اافه الله يسلط عليها اافه اشوه هالدانه من وين اطلعت علا دلاال

وعمر قهرني ورود عساااج متي قبل لا ينطق لسانج بكلمه عن قمر عساج متي

وجرااح يبووي فديته واااي موصج لمن تحجا اخييييييه مادري شقول والله

وقمر << يالك الموت ياتارك الصلاة
بتاكل ضييييم بس ترجع والي بياكله اكثر مشاري حرام

وفاطمه مو صج موقفها مع عمر شعور يخرع والله

ومشاري من وين اطلعتلا اختا هاذا ومسرع ما طيح الميانه معاها ككككك

 

[زهراء*]

up up

 

[ام ناصر 80]

نبي بااااااااااااااارت

 

[A7laa kuwaitia]

زووووووووووز اشتقتلج واايد

ناطرينج

 

[ابي قطوة ميوووو]

zoooooz
3> missss yaaa so much
وسامحييني على الغييبة بس الامتحانات ولووويه والنتايج
شنو خلصت الروااية!؟
انا نسيت باي بارت كنت
من وين ابدي now !
ee zahoor 3adi tswely follow b twitter 3shan a8dr atw9l m3ach lana ana praivte ;$
ok?
@NzO62
;*