[لاتمثلين احتياجج لي وانتي بحضن غيري مقزرتها ] بقلمي .,

[زهراء*]

البارت السادس والخمسون ​

الجزء الأول من البارت​

:* :*​

...​

( بيت بوهوازن )​

مشاري راجع البيت وأهو معصب ​

بو هوازن : شفيك يبا معصب ​

مشاري : شفيني بعد .. خلها على الله بس ​

بو هوزان : شفيك يبا شصاير ​

مشاري : ابوي بيشغل واحد خسيس وواطي بالشركة ويوم نصحتة وحذرتة صرخ بويهي وطردني من الشركة جدامة ​

بو هوازن : يبا أحنا شنو قلنا لك .. مو قنالك خلاص لاتقرب منة .. هاذا أبوك مايبي الا المشاكل .. ولا تظن بيوم بيحبك .. ترى كل الي سواه عشان يحرق قلب أمك بس ماأقول الا الله يهديه​

مشاري : يبا انا رايح أقدم أستقالتلي ماني مشغل عنده بالشركة وبالصدفة شفت هذاك عنده​

بو هوازن : خلاص أبعد عن الشر وغنيلة .. والله كريم أنشاءالله​

مشاري : الله كريم .. أنا أستأذن يبا بروح أطل على أمي شوي ​

بوهوازن : الله وياك سلم على الوالدة​

مشاري : الله يسلمك​

( وانا طالع من الصالة ولا ثنيان بويهي )​

ثنيان : مشاري ​

مشاري : هلا ​

ثنيان : وين رايح ​

مشاري : بروح أمي أمرها أخاف تبي شي شيات ​

ثنيان : أخذني معاك عيل ​

مشاري : يلا توكلنا عيل​

بعد ماوصلوا .., مشاري طق جرس البيت ولا قمر تفتح الباب ​

قمر : أهلا أهلا .. توة مانور البيت​

مشاري : بوجود أهلة​

هوازن : يما قمر منو على الباب ​

قمر : خالتي مشاري وثنيان​

هوازن :حياكم يما .. ​

مشاري : هلا يما شلونج شخبارج​

هوازن : الحمدالله يما .. أنتوا شلونكم ​

مشاري : حمدالله تمام .. قلت أيي أتطمن عليكم شوي .. ناقصكم شي شيات​

هواززن: لاحبيبي الحمدالله أمورنا كلها تمام​

مشاري : عيل سولفيلي عن السفرة ..شصار معاكم شماصار ​

ثنيان دز مسج حق قمر ( تعالي الحديقة أبيج بموضوع )​

بالحديقة ​

قمر : خير شصاير ثنيان خرعتني​

ثنيان : قمر .. منو عمر ​

قمر توهقت .. : شنو ... هاا .. منو عمر .. انا ماعرف واحد أسمة عمر .. ثنيان بعدين شقصدقك بهالسؤال .. ​

ثنيان : قمر خليج واضحة معاي عشان أكون واضح معاج​

قمر : ثنيان شفيك .. قتلك ماعرف واحد أسمة عمر ​

ثنيان : قمر أنتي تحبين مشاري .. ولا مشاري بعد نزوة من نزواتج .. أنتي لين متى بتمين جذي .. متى تتعدلين .. ترى والله حرام عليج تعلقين الناس فيج وتطعنينهم من ورى ظهرهم خلصتي منو حولتي على مشاري .. وخلصتي من مشاري حولتي على عمر .. قوليلي منو عمر ولا ترى بقول حق مشاري كل شي .. ​

قمر واهيا تبجي : لا لا أترجاك ثنيان .. أترجاك لاتوصل شي حق مشاري .. ماقدر أقولك ألحين شي أخاف مشاري يشك .. خلنا نتواعد باجر وراح أقولك كل شي​

ثنيان : خلاص ماشي .. مسحي دموعج الحين ودشي الصالة لايشكون بشي .. ​

قمر مسحت دموعها: ثنيان بس أترجاك لاتقول حق مشاري شي .. والله اني ماخنتة والله أني احبة وأنت تدري ​

ثنيان : خلاص يا بنت الحلال ماني قايل له شي لاتخافين​

قمر : ...​

..​

( مطار الكويت الدولي )​

أم فيصل ودموعها على خدها : يما آآ علي دير بالك على أشواق وحطها بعيونك .. دير بالك تزعلها ولا تظايقها ترى شواقة حياتي كلها والي يمسها يمسني ​

علي : خالتي أشواق بعيوني لاتحاتين ومستحيل عيني تغفل عنها دقيقة هاذي عين السيح​

أشواق ( ماني قادرة أتحمل الموقف .. بعد الفراق الطويل الي دام بيني وبين أمي بنرد نفترق مرة ثانية شهرين ماراح أشوفها .. ركضت ولا ألمها حيل وأبجي بحظنها ): يماا آآ راح أشتاقلج .. أحبج يما آآ والله أحبج ديري بالج على روحج​

أم فيصل : وأنا أحبج يا يما آ وأنتي بعد ديري بالج على روحج​

أم علي قربت من علي وباستة على خدة : دير بالك على روحك يما آآ وحط أشواق بعيونك لاتقصر وياها ..​

علي : شفيكم اليوم كلكم توصوني على أشواق .. وانا مالي رب ​

أم فيصل : هههه بدت الغيرة​

علي أنحرج : اي قمت اغار من أشواق ​

أشواق : هههههه​

النداء الاخير للمسافرين على الرحلة رقم .. الخطوط الجوية الأماراتية​

علي : يلا هاذا النداء الأخير لنا .. لاتطير عنا الطيارة .. مع السلامة يما آآ وسلمي على أبوي وبوسي فطوم عني ​

أم علي : الله يسلمك يما آآ من كل شر .. سافر ولاتحاتي شي ..​

أشواق : مع السلامة .. مع السلامة يما آآ​

أم فيصل : الله يسلمج يانظر عيني .. الله يسلمج​

علي : الحين راح نركب الطيارة انا وأنتي وراح نقط كل شي ورانا ونبتدي حياتنا من يديد .. راح نبتدي من الصفر ​

أشواق : أنشاءالله راح نبتدي من الصفر .. أنا وأنت بس وماراح نفكر بأحد غير بنفسنا .. هالشهرين راح يكونون بس لي ولك .. ​

علي مسك أيد أشواق : بس لي أنا وأنتي .. قربي شوي ​

قربت أشواق ولا يبوسها على راسها .. أنحرجت أشواق ولا تنزل راسها.. ركبوا الطيارة وبدت رحلة العمر ​

..........................................................................................................​

بعد مرور ساعات ​

قمر : ثنيان فاضي ​

ثنيان : اي فاضي ​

قمر : عيل تعال مرني ستاربكس جمعية الزهراء .. موقادرة أصبر أكثر لازم أقولك المووضوع​

..,​

بستاربكس ​

قمر : أول شي قولي أنت من وين تعرف عمر ​

ثنيان : أنتي جاوبيني أول ​

قمر : ثنيان أنت قولي عشان أعرف من وين أبتدي ​

ثنيان : أممم .. عمر يصير أخو ورود .. وأمس ورود يوم شافتني قالت لي حذر قمر من عمر ترى ناوي عليها .. أنتي شنو مسوية حق عمر الي ناوي عليج .. ومن وين تعرفينة​

قمر ( ورود .. وعمر .. اي صح .. انا أقول وين شايفة عمر .. مرة مر المدرسة وأخذ ورود .. شلون مافكرت فيها .. يعني أكيد الصور ماخذها من ورود .. و ورود تبي تنتقم مني عشان جذي عطت أخوها الصور .. أنا اعلمج يا ورود )​

ثنيان : هووب وين رحتي ​

قمر : أنطر عليي شوي أنا براويك بورود​

ثنيان : قمر شفيج .. البنت شنو سوت لك​

 

[زهراء*]

قمر والدمعه بطرف عينها : عمري ماتخيلت أنها تصير حقيرة لهالدرجة وتبيع رفيجتها .. رفيجة عمرها .. ​

ثنيان : ليش شصاير قمر تكلمي​

قمر : خلني أقولك من وين اعرف قمر وبعدين أقولك سالفة ورود​

تذكر يوم خالتي هوازن عطتني سيارتها ودعمت فيها ​

دريت عن الي بيني وبين مشاري​

ثنيان : اي ​

قمر : الي دعمتة أهو عمر .. وبعدها عطاني رقمة عشان أحد يتفاهم معاه .. ويات خالتي هوازن وأنهت الموضوع .. وهالوكت أهو حاول يرقمني بس أنا ماخذيت رقمة ولا عطيتة ويه .. بعدها تذكر يوم دريت بلي بيني وبين مشاري​

ثنيان : اي ​

قمر : أنا كنت حيل متظايقة فخذيت سيارة مشاري ورحت البحر وهناك شفت عمر مرة ثانية بالصدفة و رقمني عمر .. وانا والله ماكنت ناوية أني أكلمة .. بس لاني كنت حيل متظايقة من مشاري .. وماكلمتة أصلن ولا صارت بينة لاعلاقة ولاشي بس دقيت عليه مرة وحدة وبعدها قام يدق ويشكل بيشوفني .. ويوم قتلة خلاص ماقدر أكلمة قعد يهددني ..​

ثنيان : وبعدين​

قمر : بعدها صارت سالفة جراح أخوي وسافرت وغلقت جهازي .. وقبل لا أرجع الكويت بيوم وصلتني مسجات ومس كولات من عمر . وكان يهددني .. ويوم فتحت أخر مسج ولا صورتي وانا لابسة .. ( أختنقت ماقدرت أكمل .. شقول حق ثنيان .. شقووول .. ماقدر أقول شي .. بس دموعي الي كانت تتكلم عني )​

ثنيان : وبعدين .. صورتج شفيها ​

قمر : دزلي صورتي وانا لابسة ملابس النوم .. ومحد عنده هالصورة غير ورود .. أكيد أهيا الي عطتة الصورة عشان ينتقم مني ​

ثنيان : لا لا ورود ماتسوي جذي ​

قمر : أمبلة .. تبي تنتقم مني على الحركة الي سويتها فيك .. بس انا اراويك فيها ..​

ثنيان ( حاشتني حالة صدمة .. معقولة .. معقولة ورود تسوي جي .. لا ماصدق .. ورود ماتطلع منها .. ومهما يكون قمر رفيجتها من عمر .. أكيد قمر قاعد ترقع الموضوع وتبي تفرق بيني وبين ورود أكيد ) : أنتي جذابة​

قمر : شنوو .. انا جذابة .. ثنيان والله هاذا الي صار ​

ثنيان : انتي تبين تفرقين بيني وبين ورود وانا أدري ​

قمر : ثنيان أصحى ..شكو أفرق بينك وبينها .. أنت منخدع فيها .. ​

ثنيان : لا .. انا أنخدعت فيج انتي وأنقرصت منج مرتين .. وهالمرة ماراح أكرر غلطتي​

ومشاري لازم يعرف كل شي ​

قمر : لا ثنيان .. أترجااك .. اترجاك لاتقول حق مشاري والله هاذا الي صار ​

ثنيان : بحالة وحدة .. راح أدق على ورود وأواجها . والي تقولة ورود راح أصدقة .. أذا أهيا عطت أخوها الصور راح أصدقها .. واذا قالت انها مو أهيا راح أصدقها بعد .. وأقول حق مشاري كل شي ​

قمر : أكيد راح تجذب .. أكيد بتبرر روحها وتطلع روحها مو غلطانة .. ثنيان .. ​

ثنيان : أوووش .. خلاص .. أنا قلت الي عندي ... دقي على ورود ألحين وعطيني أكلمها ​

قمر : بس ثنيان​

ثنيان : بتدقين أنتي ولا أنا أدق ​

قمر : خلاص أنا بدق ​

طوووط .. طووط .. طووط ​

ولا ترد وورود ​

ورود : قمر حبيبتي شلونج​

قمر بعصبية : الحين صرت حبيبتج أنتي وحده حقودة ومنافقة .. أنتي مو كفو ثقة .. الله يسامحج وياخذ حقي منج ياخاينة​

ورود : قمر والله ماسويت شي شفيج ..​

ثنيان:عطيني التلفون​

الوو​

ورود : ثنيان حياتي .. شفيها قمر ​

ثنيان : وصلت لها الرسالة الي قلتيها لي ​

ورود : عمر أخوي سوالها شي​

ثنيان: اخوج قاعد يهددها وماسك عليها صورتها ..​

ورود : صورتها .. !!​

ثنيان : اي صورتها ​

ورود : من وين له صورتها .. اييييه .. الله ينتقم منك ياعمر ( وقعدت تبجي ) ثنيان قول حق أشواق والله مالي شغل . أهو هددني وبقى يذبحني .. قالي يبي يعرف كل شي عنها .. وشنو علاقتها بمشاري .. وأخذ تلفوني مني .. وأكيد يوم أخذ تلفوني أخذ صورها .. والله أنا مستحيل اسوي شي مثل هاذا .. أنت تعرفني ثنيان .. قمر رفيجتي ومستحيل أوصل لهالدرجة من النجاسة والخسة وأبيع شرفها .. ​

التلفون كان سبيكر ​

قمر قعدت تبجي : ورود .. الحين أنا شسوي .. أخوج قاعد يهددني بصورتي .. يقولي راح أكسر خشمج وخلي التكبر ينفعج​

ورود : حبيبتي قمر .. أنا الغلطانة .. المفروض اوقفة عند حدة .. بس والله هددني وبقى يذبحني لدرجة وصلت فيه أنا بقى يخنقني .. سامحيني قمر ..​

قمر : خلاص ورود .. الحين ماينفع هالكلام .. الحين لازم نلاقي حل حق هالمصيبة​

ورود : خلاص .. خليها عليي .. أنا راح أعرف شلون أتصرف​

قمر : شنو بتسوين​

ورود : اليوم راح أواجهة بكل شي .. وراح أخليه يمسح الصورة من تلفونج ​

قمر : لا لا .. لاتسوينها .. الحين بيقولج قمر شعرفها أني أخوج .. راح يعرف أنج كلمتي ثنيان​

ورود : خل يدري .. انا خلاص مليت من هالعيشة الزفت معاه .. أهو خل يففكر يمد أيدة عليي وانا أعرف شنو بسوي .. راح أكتبة تعهد .. بس نطري عليي ​

قمر : لا ورود .. لاتسون جذي .. مابي أسبب لج مشاكل مع أخوج​

ورود : قمر .. أخوي قاعد يلعب بعرض بنات خلق الله .. مايصير .. مثل ماأرضاها على نفسي ماأرضاها عليج .. ​

قمر : حبيبتي ورود .. بس حاولي تسايسينة .. كل شي بهالداوة ​

ورود : لاتحاتي حبيتي .. رفيجتج شقردية .. انا الحين لازم أسكر لا الحين يطيح عليي أكلمج .. وراح أقولج عن كل شي لاتحاتين حبيبتي​

قمر : مشكورة ورود .. ساامحيني شكيت فيج .. ​

ورود : لاعادي لو كنت مكانج كنت بتصرف نفس هالتصرف​

..,​

قمر منحرجة : كرهت نفسي أني بلحظة شكيت أنة ورود تسوي جذي​

ثنيان : خلاص الموضوع طاف .. بس الحين أنشاءالله يمسح الصور من تلفونة .. ​

قمر : أهو بينتقم مني لاني ماكلمتة .. ​

ثنيان : مالج شغل فيه هيااط على الفاضي ​

فاطمة ياية الكافيه ولا تشوفهم قاعدين مع بعض ​

أوووه شنو هالصدفة الحلوة​

ثنيان تصروع : هلا .. هلا فطوم .. شيايبج هنييه​

فاطمة : ماكو قلت أغير جو وحدي مشتهية موكا ​

ثنيان : ههههه ماتيوزين ​

فاطمة : هلا قمر شلونج​

قمر : الحمدالله بخير ​

فاطمة : الا مشاري وين .. ناقصكم​

ثنيان : اي مشاري بالبيت مابغى يطلع قاعد عند ماما عودة​

شوي ولا الصدمة القوية ​

..​

بنات شوي وأنزل الجزء الثاني من البارت .,​

وبقولكم شغلة .. الرواية قربت تخلص .., ​

يعني مابقى شي على البارت الأخير ​

يلا قراءة ممتعه ​

​

​

 

[m!ss shosha]

يعطيج العافيه

 

[زهراء*]

up

up

 

[مع الأيام]

تسلمين ياااقلبي ع هالبااارت الحلو
اتوقع ورود بتمسح الصورة من جوال اخوها او بتكسر الجوااال

 

[شوق95]

كملييي
اب
اب اب
ناطرينج هع

 

[ام ناصر 80]

ناطرينج

 

[أنا دلوعه]

يسلموؤؤ زوزو << ع الباآآررت

و ناآآطررينج << بالتكملهــ

عشاآآن نقوؤؤل التوؤؤقعاآت ~~

 

[كلي أحزان وهموم]

يعطييييييييييج الف عافية عالبارت زهوور البارت روووعة مثلج:eh_s(22):
بس عندي سؤال يقرقع بقلبي؟؟
شكثر باقي على الرواية؟؟

 

[شوق95]

نبي بارررت
اب
اب
اباب
اب
لعيوونج الحلووه

 

[زهراء*]

البارت السادس والخمسون​

..,​

شوي ولا الصدمة القوية​

عمر توة داش ستاربكس ولا نظر قمر وثنيان وفاطمة عليه .. وعمر عيونة طاحت بعيونهم .. وكل واحد كان له ردة فعل أتجاه عمر ..,​

قمر ( أول ماشفتة ولا أركض عندة وقفت ولا أطالعه بنظرة أشمئزاز رفعت أيدي بعطيه كف ولا يمسك أيدي بقوة ويدنيها بقوة )​

ياحقير يانذل .. عبالك يعني بتخوفني .. لاحبيبي الظاهر أنت ماعرفتني .. أنا قمر بنت جاسم المهناز سامعني أنت بالنسبة لي حشرة ... وكت مابي أدوسك​

عمر بأستهزاء : خير شقلتي ​

ثنيان قرب من عمر : أنت ماتستحي على ويهك .. ماعندك خوات .. أستح على ويهك ريال طول بعرض تبوق الصور من تلفون أخت وتقعد تهدد في بنات خلق الله..​

عمر بقق عيونة : أنتي هيي .. لاتييب سيرة أهلي على لسانك لا أقصة لك​

ثنيان :يعني ماترضى على أهلك بس ترضاها على بنات خلق الله​

بهاللحظة فاطمة كانت تمر بحالة صدمة .. ومتنحة بمكانها ​

قمر : أمسح الصورة الحين جدامي لا والله أوديك بداهية ​

عمر بكل حقارة بطل التلفون وقعد يفر الصور صورة ورى صورة .. : ياكتكوتة .. شنو بتكون ردة فعل مشاري لمن يشوف صورج عندي .. ​

قمر : ياحقيير .. أمسح الصور .. وأنت شتبي بمشاري .. وشنو تبي مني .. أنت من وين طلعت لي من وين.. ماتقولي .. ​

عمر : أبي أحرق قلب مشاري مثل ماحرق قلبي .. ( رفع جم قميصة وطلع جرحة ) : شفتي هالجرح الي بيدي بذوق مشاري طعم هالجرح الي ذوقني أياه .. ​

فاطمة : أنت .. أنت .. ماراح أسامحك على الي سويتة ​

عمر : وانتي بعد منوو .. ​

فاطمة قربت وفتحت عيونها على الأخر ودموعها بطرف عينها : شوفني عدل .. تمقل فيني عدل .. أنا فاطمة .. أي أنا فاطمة ​

عمر : فاطمة !! أنتي أخت علي .. اي تذكرتج .. وأكتملت المجموعه .. يحلاتكم وانا أفر عليكم واحد واحد .. أحرق قلب أخوج وقلب ولد خالتج .. والله راح أستمتع​

ثنيان : أنت تعتبر نفسك ريال .. هاذي رجولة ​

عمر : أووش بابا قصر حسك .. فظحتوا روحكم الي بالكافيه كلهم عرفوا سالفتكم​

ثنيان : خل يسمعون عشان يعرفون خستك ونذالتك .. أنا أعرف شلون أتصرف وياك​

عمر : أقوول يا كتكوت أنت روح أقعد بحظن أمك .. لاتخليني ألحين أعطيك بكس أطيرك ​

ثنيان : الكلام معاك ظايع .. يلا بنات مشينا ​

قمر : حسابي معاك بعدين​

عمر : يما آآ خوفتيني تصدقين ...​

... بالسيارة​

قمر : الحين شنو راح نسوي .. ​

ثنيان : الحل بسيط راح نرفع عليه قضية ​

قمر : قضية شنو​

ثنيان : نسيتي أنا صورج عندة .. ورود راح تكون شاهد .. ونقدر نثبت هالشي بعد من عندج ... المسجات الي قعد يهددج فيهم هاذا دليل كافي .. ​

قمر : بس ثنيان أنا خايفة السالفة توصل حق مشاري ..​

ثنيان : أنتي لاتحاتين أنا رفيجي محامي راح يوقف معانة وراح افهمة المووضع كلة​

قمر : مشكوور ثنيان ​

فاطمة بصوت واطي : راح أذبحة .. راح أذبحة .. ماراح اخليه عايش أنا أعلمة .. ​

ثنيان : فطوم شفيج ​

فاطمة ماتحملت : شفيني .. شنو تبي أقولك .. أقولك أنا هالأنسان حاول يعتدي عليي .. أقولك هالأنسان بقى يسلب أعز ماأملك .. والحين عقب هلسنين كلها أشوفة جدام ويهي ويقولي بكل برود راح أحرق قلب أخوج وولد خالتج .. منو أهو عشان يقولي هالكلام .. ( وأهيا تصرخ ) ماراح أخلييه والله ماراح أخليه أنا أعلمة .. ​

ثنيان : فاطمة .. شنو هالكلام .. أنتي شقاعد تقولين متى صار هالحجي​

فاطمة ودموعها أربع أربع : صار وخلص .. ​

ثنيان : خلاص فطوم لاتحاتين ..راح ندخلة السجن ونفتك من شرة .. هالأنسان أكيد له سوابق .. ​

فاطمة : أبوي رافع عليه قضية هتك عرض .. وطلع منها مثل الشعرة من العجين وظاع حقي .. هالانسان ذييب .. ويعرف شلون يتصرف .. بس الحل عندي .. لازم يموت .. تعرف شنو يعني لازم يموت ​

..........................................................................................................​

مشاري ( وانا طالع أغير جو ولا يوصلني مسج من رقم غريب )​

بالأول راح أبتدي بثنيان وبعدها حبيبة القلب قمر وأنتهي بالكتكوتة فاطمة .. وسلاام​

" منو هاذا .. وشنو يبي .. وشعرفة بقمر وفاطمة وثنيان .. شقصدة " ​

وبعدها رن تلفون مشاري ولا أختة لمى ​

لمى : ألوووو مشاريووو حبييبي هلااااو​

مشاري : هلا هلا .. ياهلا بلي لفانة ياهلا به .. ​

لمى : شلووونك يالقاطع وينك صارلي يومين أتصل عليك وماترد .. وين مختفي ولا مع منو لاهي .. أعترف يلة​

مشاري : ههههه .. والله ماكو بس الدنيا وأشغالها .. أنتي طمنيني عليج .. شخبارج .. شلون أبوج وياج ..​

لمى : على حطة أيدك .. ماتغير .. ليلحين معاملتة زفت .. ولمن يبي يطيب خاطري حطلي جم ألف بحسابي وقالي روحي طلعي فسفسي فلوسج​

مشاري : الله يهدييه .. أستغفر الله العظيم من كل ذنب عظيم .. هاذا أبوو ..والله حسافة عليه هالكلمة​

لمى : ماعلييه .. ايي ماقتلك باااركلي ويبب لي بالطريج​

مشاري : مبروووك وكوولووولييشووو ههههههه انشاءالله خوش يبااب بيظ الويه​

لمى : اي أفا عليك خوش يباب مشارية ههههه​

مشاري : يلة عاد عطيتج ويه وايد .. أنا مشاري بوصقر مو مشيرية شنو شايفتني جنس ​

لمى : لا حشىى .. رجال وأنا أشهد ​

مشاري : المهم شنو الخبر الحلو​

لمى : وأخيرا راح أتزوج .. راح أطلع من قفص أبوي وأدش قفص ريلي ​

مشاري :زيين على البركة مابغيتي تتزوجين .. ومنو تعيس الخظ الي بياخذج​

لمى : لا والله تبي الفكة مني .. مشكوور​

مشاري : ههههه فديتها الي مبوزة .. لا يبا والله أتمنى لج كل خير .. خلاص ولاتزعلين منو سعيد الحظ الي خطبج وبتدشين قفصة الذهبي​

لمى : واحد يشتغل عند أبوي بالشركة .. قالي انا خوش ريال ولد أجاويد .. وكان يدور بنت الحلال ونعتوني له ​

مشاري : يالله زين .. معني ماأثق بلي يشتغلون مع أبوج .. كلهم من طقتة ​

لمى : ههههه لا لا حرام عليك .. قعد معاي وقعدت معاه ​

مشاري :أووه بعد .. متى صار كل هذا وانا أخر من يعلم​

لمى : كل شي صار بسعه بسرعه .. المهم وأسلوبة حلو ماشاءالله عليه ومبين عليه عنده خلفية بالحياة​

مشاري : ههههه .. بعد .. ماشاءالله نوريني شنو أسمة وشنو عايلتة​

لمى : أسمة عمر محمد ال ....​

مشاري عصب : شنووو .. أنتي متأكدة​

لمى : اي ليش ..!!​

مشاري : يخسي .. يخسي هالحيوان صج جلب ومايستحي على ويهة قليل الادب .. بعد له عين يخطبج​

لمى : مشاري شنو هالكلام .. ليش تقول عن الريال جذي ​

مشاري :لانة مو ريال ..هاذا واحد يلعب بأعراض بنات خلق الله .. من صجج ترتبطين بواحد مثلة​

لمى : بس أبوي يقول ​

مشاري : أبوج وأبوج وأبوج .. بعدي انتي عقب الي سواه فيج أبوج تثقين فيه .. هاذا يبي يفتك منج بأي طريقة قال أصرفها أزوجها وأفتك من حنتها ​

لمى : لا مشاري .. عاد أنا مو لهالدرجة رخيصة عند أبوي .. مهما يكون أنا بنتة ترى .. ومستحيل يقطني بيد ريال مو ثقة​

مشاري : لمى أنا قلت لج .. ديري بالج ترتبطين فيه والله هالريال موزين .. أنا أعرفة كان صاحبي وموخوش ريال .. وانتي توج صغيرة والطريج جدامج .. لاتظيعين شبابج مع واحد مثل عمر .. باجر راح تندمين ترى .. وتقولين قال أخوي مشاري ​

لمى : بس مشاري ​

مشاري : لمى حبيبتي سمعيني .. قتلج هالريال موزين .. تعرفين شنو يعني مو زين .. أنا أخوج وأبي مصلحتج .. ​

لمى سكتت​

مشاري : لمى تسمعيني ​

لمى بخيبة أمل : اي أسمك​

مشاري : اليوم حطي راسج على المخدة وفكري بكلامي عدل وأنتي تدرين أني اعزج وأبي مصلحتج .. وانا أخوج مو عدوج​

لمى : اي صح كلامك .. أممم مشاري انا أستأذن عندي أشغال لازم اخلصها ​

مشاري : اخذي راحتج .. يلا مع السلامة كتكوووت​

لمى : الله يسلمك .. ودير بالك على روحك ​

مشاري : من عيوني​

..........................................................................................................​

أما في بيت أم عمر الوضع كان متكهرب بالنسبة حق ورود .. ناطرة عمر يرجع البيت وتبي تفاتحة بالمووضع .. وبعد ساعات عمر داش البيت بشرة .. وأهو يصرخ وينادي ورود ​

( حسيت قلبي كلة يرجف .. أكيد عمر كلم قمر .. بس أنا راح أصير قوية .. راح أوجهة )​

ورود : وصلك الخبر صح​

عمر وأهو مبقق عيونة وبكل عصبية : أنا مو قايل لج أذا كلمتيه راح أذبحج .. أنتي شنو بايعه عمرج ولا شنو .. أنتي ماتفهمين ​

ورود : أنت الي حديتني على هالشي .. ولا شنو تاخذ صور البنت من تلفوني وتقعد تهددها فيها ​

عمر : وانتي شكو ​

ورود ( ماوعيت الا وأنا مبطلة عيوني وحواليني السسترات والي تحط لي درب والي تعدل الأبرة .. والدكتور يكلم الشرطي الي واقف عند راسي .. وأمي قاعدة على الكرسي تبجي وتقرى قرآن على راسي .. وبعدها قرب مني الدكتور وفتح معاي محظر تحقيق .. منو الي سوى فيج جذي .. وليش سزى فيج جذي .. ومن هالكلام .. ماقدرت أسكت .. قلت كل الي بقلبي .. طلعت كل الي بخاطري .. أدري عمر اخوي ويمكن بعضكم يقول شلون قلبج طاوعج بس عمر لازم ينقرص عشان يتوب .. وادري انا بيطلع منها مثل ماطلع منها قبل .. بس .. مالقيت جدامي غير هالحل .. وبعدها غمضت عيوني ونمت .. )​

..........................................................................................................​

نهاية البارت ..,​

​

هاذا البارت الي قبل الأخير .. نطروني في البارت الأخير .. أتمنى اني كنت ظيفة خفيفة عليكم ..,​

أحس في شي راح أفقدة وأهو شخصيات الرواية بصراحه أناا كلش ماتمنيت انا الرواية تخلص لاني حبيت الشخصيات وتعودت عليها .. وكل شخصية جسدت فيها جزء من شخصيتي أنا .. وبس حاولت قد ماأقدر أختصر الأحداث لانة وايد طلبوا مني أني اخلص الرواية وملوا من المتابعه وانا الرواية طولت فقررت أني أختصر الأحداث في البارت الأخير .. وسامحوني على القصور لنا عودة في البارت الاخير .. وقراءة ممتعه جميعا ​

​

 

[ام ناصر 80]

تسلمين ناطرين البارت

 

[زهراء*]

up

up

 

[Engineer A]

لا عفيه زهور لا تخلص

 

[أنا دلوعه]

يسلمووز زوزو ع الباآآررت الروؤؤعهــ <<
و صج صج بنفقددج <<
و ناآطررينج بالباآآررت الأخيرر <<

و توقعاآتي :

علي و اشووااق << راآآح يتعاآلج علي و يووقف ع الرجولهــ و اتوووقع راآح تحمل اشواآق و لماآ يردوون راآح ترووؤح للسجن بس ما راآح تلقى ابووهاآ لاأنهــ ماآت و يمكن يجيهاآ انهياآر عصبي او يغمى عليهاآآ

مشاري و قمرر << اتوؤؤقع مشاآآرري راآح يدررري بالسالفهــ و قمرر راآح تفهمهــ يمكن يعصب بالأووؤل بس بيتفهم و يوؤقف ضدد عمرر

ثنياآن و ورود << ثنيااآن بيساآعدد قمرر و فطووؤؤم و راآح يدشش العمرر السجن و اتوؤقع بعدهاآ بيخطب ورود ام ورود بتواآفق

فطووؤؤم << عنددي توؤؤقع انهــ بتسووؤؤي لعمرر شي بس بالضبط ماا ادرري شنوو

جررااآح و زووجتهــ << اتوؤؤقع بيررد للكووؤؤيت و راآح يجيبوون ياآهل بيسمووؤنهــ جسووؤؤم ^^

و سووؤؤري طووؤؤلت بالتوقعااآت << ^^
ناآآطررينج زوز و لاآ طووؤؤلين عليناآآ <<

 

[زهراء*]

منورين ..,

أنشاءالله بتشوفوني برواية يديدة ..,

بس هالمرة ماراح أنزلها الا لمن أخلصها كاملة عشان لا أعلقكم مثل هالرواية ..,

مشكورين على المتابعه و آآب آآب حق الي ماقروا البارت

 

[أنا دلوعه]

ناآطررينج و كملي ابداآعج

 

[احبك ليش؟]

يعطيج العافيه على هالبارتين و ناطرين البارت الاخير

 

[ابي قطوة ميوووو]

نننننطر البااارت الاخيييير حدددي متشوووقة :d
:$

 

[شوق95]

ككككملي روعه