"لا يسخر قوم من قوم عسى أن يكونوا خير منهم"

[عهود الحب]

انا ما اقصد الاستهزاء فيها
مو حرام الواحدة تبي معرس راهي وولد الاسرة
بس الحرام انها تشهر بنفسها وباهلها

اي انا جربت ظلم الاهل ومافي مانع اني مريت بظروف صعبة على قولتج اختي
بس العقل نعمة هذي مصختها


انا ما استهزء
ولو بيدي اكلمها شخصيا اكلمها


صدقيني الانسانة هذي محد قاعد ينصحها بصراحة
انا ما الوم المحامي
انا الومها هي مهما كان ليش سوت جذي

ولو كانت ممكن تتراجع لتراجعت بعد كلامها بجريدة الراي


انا ما اغتبتها انا عبرت عن رايي
وان كان رايي يزعلكم فاسمحولي اختلاف الاراء لايفسد للود قضية


وهي سودت وجه بنتها
محد فكر ببنيتها ؟؟؟؟؟؟؟؟؟؟؟؟؟؟؟؟؟؟؟
شنو ذنب البنت !

 

[.jana.]

السلام عليكم كويتيات
اول شي يعطيج العافيه حبيبتي على طرح هالموضوع وعلى فكره انا يديده بالمنتدى و هذي اول مشاركه لي
انا شفت الحلقة امس ورديت شفت الاعاده اليوم بعد, و ما اجذب عليكم اول المقابلة قمت اضحك بس بعدين حسيت انه اهي مو طبيعيه و استغفرت ربي و حمدته والله يشفيها انشاالله.
بس انا عندي سؤال بسيط شلون يمعت هالاصوات ترا اصواتنا كانت امانه برقبتنا حق ديرتنا الكويت وهذا الشي الي كان المحامي خالد العبدالجليل يبي يلفت نظرنا حقه

 

[أخصائية تغذيه]

اي والله يا بنات الحجي الي قلتوا كله صح وعين العقل..
خالد مو عارف شنو يقول ولقى سلوى يحطها بحلقته وأنا اعرف ناس من اهلها شخصيا ان اسرتها اسره طيبه وعريقه بالكرام والطيب والاخلاق وللعلم بنات ان ابوها من المصلين ومن حفظت القران وامها الله يرحمها برحمته الواسعه والنعم فيها بصراحه والمنطقه كلها تعرفها بطهارتها وعفتها وكانت أمها تقرأ القران على المرضى وخاصه الاطقال وأنا مالي مصلحه بصراحه من الحجي لكن لازم الحجي الصح ينقال عشان ابري ذمتي لان انا اعرفها وما كتبت الا لم قريت كل الردود والمسجات..
واي سؤال عنها انا اقولكم لاني اعرف أهلها صج..
واما بالنسبه لخالد فالحوبه ما تروح وحرام الي سواه وطنز عليها العالم وحطيت الحلقه بامكانك انك ترفض بأي طريقه انت محامي وتعرف ولك الاسلوب والحيل انك تبرر نفسك وتحاول انك ترفضه وبشده وحط في بالك يا خالد الي سويته حرام فالبنت وأهلها الطيبين الخيرين..وأنت دايم تتكلم عن الحوبه وتضرب الأمثال والأخلااق الحميده بس للأسف هذي الحلقه اكشفت كل شي...
وهذا الي اقدر اقوله..

 

[شمعة ليل]

مشكله هالجليل من زمان طاح من عينى يوم حلقة الشايب اللى يدعى انه بناته طاردينه
جذب فى جذب يحب الشهره الاخ

 

[miss-pinksh]

مسكينه اهيا مو مينونه و لا قالت شي يدل على انها مينونه و لا فيها مشكله نفسيه اهيا احلام حلمت فيها وقالتها

و الغلطه مو غلطة البرنامج و لا القناة غلطتها اهيا اللي حطت نفسها بهالموقف و اهيا اللي طلبت منهم انه يقابلونها مع انا مقابلته مالها اي هدف و المفرووض تحتفظ باحلامه لانا ماادري شنوو استفادت من هالمقابله غير الضحك اللي انضحك علييها

وشكرا

 

[عاشقة الكاكاو]

بنااات انا شفت الاعاااده لان ماكنت شايفه الحلقه

بصراااحه قنااة الوطن مالها ذنب ولا خالد له ذنب

هي تبي تطلع وتتكلم

اذا مو قناة الوطن عندها مليووون قناة

سكوب وفلاش وكلهم يدورون الفضااااااايح

بس هي اللي اختاارت هالقنااة والاعلام والصحااافه مهمتهم يدورون الخبر قبل كل شي

شلوون اذا الخبر يااايهم بريوووله >>> فرصه ويستغلوونها اذا ما سووا جذي مليووون قناااة بتسوي

الله يشفييها بصرااااحه كسرت خاااااااااااطري

 

[أخصائية تغذيه]

السلام عليكم كويتيات
اول شي يعطيج العافيه حبيبتي على طرح هالموضوع وعلى فكره انا يديده بالمنتدى و هذي اول مشاركه لي
انا شفت الحلقة امس ورديت شفت الاعاده اليوم بعد, و ما اجذب عليكم اول المقابلة قمت اضحك بس بعدين حسيت انه اهي مو طبيعيه و استغفرت ربي و حمدته والله يشفيها انشاالله.
بس انا عندي سؤال بسيط شلون يمعت هالاصوات ترا اصواتنا كانت امانه برقبتنا حق ديرتنا الكويت وهذا الشي الي كان المحامي خالد العبدالجليل يبي يلفت نظرنا حقه

أختي انا في نفس منطقتها واحنا من النوع الي يصير عندنا خذف للأصوات اشرحلج يعني...
بالقبائل يصير تحالفات بس ساعات ما يصير تحالف 100% يعني يعطيج 3 أصوات والرابع يحذفه على المرشح الضعيف وهي كانت بالنسبه لدائرتنا الوحيده من النساء فكانت ضعيفه ومثل ما سمعتيها تقول ان دائرتنا صعب افوز لان الكثر شي الرجال فهي ضعيفه وبحذفون الاصوات عليها عرفتي...وانشالله اكون فدتج...

 

[jolie_q8]

هي تبي تطلع وتتكلم

اذا مو قناة الوطن عندها مليووون قناة

سكوب وفلاش وكلهم يدورون الفضااااااايح

بس هي اللي اختاارت هالقنااة والاعلام والصحااافه مهمتهم يدورون الخبر قبل كل شي

شلوون اذا الخبر يااايهم بريوووله >>> فرصه ويستغلوونها اذا ما سووا جذي مليووون قناااة بتسوي

الله يشفييها بصرااااحه كسرت خاااااااااااطري

مشكورة اختي على شهادتج بأنه هالقنوات هابطة ويدورون الفضايح وانا شخصيا اتفق معاج 100%

وبجذيه اتفقنا بأنه اللقاء تافه وماي ليق بالمشاهد الكويتي

وبالتالي مقدم البرنامج قدم برنامج هابط لشعب الكويت والعالم بما انها فضائيىة

شفتي شلون طلعتي متفقة مع الكلام اللي نقوله من الصبح

يزاج اله خير على كلمة الحق

 

[الزين والحلا]

لا حول ولا قوة إلا بالله ،،

فعلا،،من بعد ما ضحكت كسرت خاطري واستغفرت واااايد

 

[حبيبته آنا]

ان شاءالله استجواب وزير الاعلام قادم لمحاسبتهم على سماحهم بعرض هذي المهازل اللي تتحفنا فيهم قناة الوطن وقناة سكوب

والاستاذ خالد دايما ينهي كلامه يا ديرة ما مثل اهلج ديرة !! استغل اهل الديرة للضحك والاستهزاء

شكو يستجوبون وزير الاعلام؟؟؟؟ اي عطسه تصير يستجوبون وزير الاعلام؟؟؟ليش اهم حاطين لقطات مخله بالاداب؟؟؟؟ شنو هالتفكير يعني عسى ماحطو شي سيده تطالبون بالاستجواب !!! الشي اللي صار غلط وانا اايدج بهالشي وانا من اشد المتابعين للبرنامج لكن اللي صار بهالحلقه طيح البرنامج من عيني لان مبين على المسكينه انها فيها ازدواج بالشخصيه او ما يسمى انفصام فاهي مقتنعه بالكلام اللي قالته وترا اهي فعلا تكون تشوف وتسمع هالاشياء لان يكون الخيال عندها مختلط بالحقيقه وعسى الله يشافيها يااارب والمفروض ليدام ان اهو محامي والكل يعرفه اقل مافيها لما سجل وياها اللقاء وكان هذا كلامها اقل شي يكلم احد من اهلها يودونها الطب النفسي يعالجونها ومايعرض الحلقه
والله العظيم قطعت قلبي تكسر الخاطر وهو فالح بس يستهزأ

 

[عهود الحب]

طيب خلونا ناخذ كل شي ونتقبله
بس شلون اهي مصلحة اجتماعية وتشتغل بالاستشارات الاسرية
ممكن احد يوضح لنا هالنقطة ؟؟؟؟؟

 

[||الجـــواهـــــر||]

الله يهديها انشالله ويشافيها اذا صج فيها شي
في بعض البنات يلومون خالد ليش استضافها ؟ ترى محد غصبها على اللقاء اهيا اللي تحن عليهم وقال جم مرة تتصل مصممه على اللقاء وعطاها طاف وكلم تلفزيون الوطن ومالقولها بال جم مرة وهم مصممه على هاللقاء محد جبرها
بصراحه والله شي يفشل لها ولهلها الله يعينهم والله
الحمدلله والشكر بس على نعمة العقل

 

[اتعبني غروري 7]

ما تدرون شكثر عورني قلبي عليها لمن طلعت اللبس الي شاريته

والله حرااام عليهم

 

[ZooZooWa]

اهو مو محامي ألحين؟ المفروض ماله شغل باللقاءات
وبعدين شنو يعني ألحت علينا؟ يقدر يرفض أو بعد اللقاء يقررون بعرض الحلقة أو عدم عرضها

سواء صاحية وإلا فيها شي شنو الهدف من الحلقة؟ إذا كان صج يبينا نعرف منو نعطيه صوتنا ليش ماسألها بالسياسة, برنامجها الانتخابي, أهدافها بالمجلس, واحنا راح انعرف شنو اهي... مو حلقة كاملة واهو يسألها(شنو حلمتي.. وبعد شنو حلمتي..وبعد في حلم ثاني!!!!!)

سؤال خالد عبد الجليل له سوابق الكل يتكلم عنها ..سواء صحيحة وإلا غير صحيحة..هل يقبل أحد يسويله لقاء يستهزء فيه ويشهر فيه؟؟؟!!!

 

[فوفو22]

جزاكم الله خير يا بنات على الردود والدعاء لها

لله الحمد الرساله وصلت

بفضل تفاعلكم ومتابعه نائبة المديره

 

[CUTE ENGINEER]

أعتقد إنها مسكينة وااايد مصدقة الأحلام اللي ذكرتها لدرجة إنها طلعت بالتلفزيون لعمل دعاية لنفسها للزواج من أحد أبناء الأسرة
للأنها مقتنعة إنها لازم تسوي جذيه بس المفروض المحامي ما يستغل طيبتها ويعمل معاها هذا اللقاء وطول الوقت يقول مابي أعلق شوفوا بنفسكم
كأنه قاعد يقول تراهي مينونة الله يسامحه بس والمسكينة الله يعينها

 

[نووووونا]

لا حول ولا قوة الا بالله



الله يرحم حالها ,,

 

[طوق البنفسج]

الله يشفيها و لا يبلانا

و الله يسامح قناه الوطن و خالد عبدالجليل الي استغلوا هالمقروده عشان شهره