لبسج بالسفر

[Sweet Angle]

ياقلبي الموضوع عجييييب وحيل حلوو =)

عاد صج يبيلنا نخطط

ان شاء الله مسافرة على لندن بس بيكون على شهر 8 او 9 ان شاء الله .. جدامي واااايد

نزلت جم موديل , ابي افصل مثله لو تبون احطلكم من عيووني تامرون امر

انا البس عباية ..

علشان جذي لازم البس لبس ساتر حييل .. يسترني مثل ستر العباية

واستفدت من تجاربكم وان شاء الله راح استفيد اكثر

يعطيكم العافية يارب :**

 

[al joory]

انا عادة البس سكني جينز و قميص طويل و شيل ملونه

و البس جوتي مسكر يكون فلات

و الاكسسوار ما احط اكتفي بساعه راقيه

و حتى الشنط قمت ما اشل اكتفي بالمسنجر باق الا يوم نسير لمطعم لازم شنطه ماركه

بنات الكويت ياريت تحطون لنا ستايلاتكم فالسفر بالصور

و ياريت تخبرونا عن المحلات لاني يمكن قريب بزوركم

مشكورات الغوالي

 

[fat]

انا من رايي نلبس لبس عملي ذرب يعني من دير اند دير وديربي ومن هل محلات الحلوة وابي محلات تكرمون للجواتي كل وحدة تقول ملابسها من اي محل ولجناط صح كروس بس اي ماركه ذربه

 

[أمانيQ8]

اهلا وسهلا بالغاليه فات اشلونج وشخبارج
اول شي ياطويلة العمر انا هالجوتي عزكم الله مااستغنى عنه بالسفر من اكتشفوا وانا امطيحه حظه مريح وايد:eh_s(15):

ثاني شي البلايز لازم تكون واسعه وطويله خبرج من كثر ماهو جسمي رشيق وعجيب لازم اخشه بالهدوم الواسعه اخاف ينضلوني:eh_s(4):

والجنطه وحده كروس والثانيه كشخه الكروس حق المهايل والمطارد والكشخه يمكن نسهر مكان او تصير مناسبه اخذها

وسلامتكم

 

[ذبحهمـ وجوديـ]

الموضوع حددده عجيييييييييب وجا بوقته انا ماعندي مشاكل باختيار الملابس لاني احب انوع
بالنهار البس سبورت شيك حق الرحلات والالعاب وبالليل ارد الفندق واكشخ ونروح مجمعات ومطاعم. ونسهر
بس فيه شغله وحده ياليت اللي تعرفها تقولي ابي طريقة الحجاب اللي نفس القبعه ماعرف اشرح بس شفت وااجد خليجيات
الصيف اللي طاف بالنمسا مسوينها وحدها عجبتني وراقيه بس ماعرفت اسويها يكون الحجاب كله ملفوف عالراس واعتقد يستخدمون سكارف كبير مثلث
مو حجاب عادي ياريت اللي تعرف تقولي وسوري عالهذره هههههه

 

[fat]

هلا يا اماني شلونج شخبارج وين ناويه تسافرين هسنه ؟

 

[gasmen]

يعطيكم العافيه الموضوع وااايد حلو
لأن الي تبي تسافر تاخذ الكبت كله وباللأخر نعلق علي شي وااحد
انا احب القمصان القطن الطويله مع بنطلون خفيف وفلات او جوتي رياضه
لأن بالسفر البساطه حلو ومريحه
لا يوقف الموضوع

 

[gasmen]

في بنات يقولون ماركة سكتشر للجواتي عزكم الله مريحه
ماعليكم امر ممكن اعرف وين احصلها
شكرا

 

[فوفه 82]

انا من الحين استعد للسفر وسفرتي ان شاء الله شهر7 شريت قمصان طويله وبشتري من بي اج اس بنطروناتهم مريحه الرماديه وبروح لنقره وبشوف بعد،،، اهم شي ساتر وسيع خامته راقيه وناعمه

 

[zqertya]

انا اول مره بسافر النمسا بشنو تنصحوني البس وياريت لو تحطون صور مو شرط صوركم اي شي؟

 

[BARBI]

عني انا احب البلايز الوسيعه اللي لي الركبه واهم شي تكون قطن تحصلينهم عند ريفر والشوز فلات
الجنطه كروس عمليه الملافع احبها قطن اخذ ساعه ماركه مع دبلتي وميك اب خفيف
انا طبيعتي بالسفر من اول ما اقعد من النوم اتريق واطلع من الفندق وتنطلق رحلتي ما ارد الا باليل بس ما اشوف ابي الفراش وانااااام
نادرا مالبس بدلتين باليوم

*

 

[حمرة الورد]

انا ابي عبايات حلوه او مانتوهات حلوه وغريبه من وين بنات

 

[ابنت ابيها]

امتعتوووني

 

[ENG.NuNu]

بالنسبة للقمصان تحصلينهم بزارا / نيولوك ومن هالمحلات عاد هالايام السوق كله سيل روحي اخذيلج

و الجوتي وانتي بكرامة رياضه نايك و لا بوما و الحين تومز هابين فيهم مريح و عملي

الجنطة كروس من dkny

الملافع قطن أخذي معاج ٣ و خليهم ألوان فاتحه عن الشمس و الحر

ولا تكثرون ملابس عشان لا تتوهقون بالرده خاصه عقب التسوق

 

[بكيزة هانم]

القليل بيكفي اكيد

 

[fat]

اب اب اب ابي ترينج مخمل من وين

 

[دانه الخليج]

خوووش موضوع صراحه بس انا استايلي بالسفر قمصان وبلايز طويله حيل وبناطيل وجوتي فلات وملافع قطن وجنطه كروس عاديه وساعه وكحل وكلوز ودومتم سالمييييييييييييييييييين

 

[دانه الخليج]

:krkrkr:ونسيت اقولكم اخذ معي تريننق عدد اثنين معي حق االريوق بالفندق عشان بسرعه ادرع فيهم وننزل ....

 

[ريحة الكويت]

قمصان طويله وبنطلونات مريحه وجوتي اديداس وملافع ساده واخذ بدلتين كخشه حق الطلعات الكشخه وجنطه كروس

 

[المهفة]

الموضوع حده بوقته وسؤالا ياحلوات وحليوات وين التقى ترينجات طوال بس مو سوالف اسواق شعبيه لا. اذكر مرة شفت محل فى٣٦٠ عنده ترينجات راقيه وغاليه وماكانت حزة سفر تحسفت ماخذت منهم ولا حتى اذكر اسم المحل . بنات اللى تجاوبنى بدعيلها من قلب قلبى