لبسج بالسفر

[بيرلا ستور]

ياحلات الموضوع الحين شفته

مشكورة صاحبة الموضوع

بنطلوناتي من اتش اند ام روعه ما استغنى عنهم

 

[_زينه_]

الموضوع حده بوقته وسؤالا ياحلوات وحليوات وين التقى ترينجات طوال بس مو سوالف اسواق شعبيه لا. اذكر مرة شفت محل فى٣٦٠ عنده ترينجات راقيه وغاليه وماكانت حزة سفر تحسفت ماخذت منهم ولا حتى اذكر اسم المحل . بنات اللى تجاوبنى بدعيلها من قلب قلبى

غاليتي المهفه اتوقع تقصدين محل جوسي كوتور لان اهوه موجوده في مول 360 وغالي و تريننقاته اتينن وذربه وعمليه وايد

 

[_زينه_]

خوووووووووووووووش موضوع مشكوره وايد يا صاحبه الموضوع

انا صراحه ما كنت اكشخ يعني نفسكم بدلات بناطيل وقمصان ملوت زارا + فلات مريح و جنطه كروس لكن الحين صراحه بغير ستايلي و بكشخ لان وايد اشوف الكويتيات يكشخون بالسفر طبعا مو الكشخه الاوفر عاد يعني اقصد يحطون اكسسوراات حزام مع البدله و ميك اب ناعم و بعد شنو ياربي اي و سكارفات و هالسوالف عشان التصوير بعد لا تنسون لازم نطلع بكامل اناقتنه لووول وحجابات قطن او سكارفات تنلف عالراس هم حلو مع تغطيه الرقبه طبعا بهاينيك

انا هذا كان ستايلي السنه اللي طافت بالسفر

خذيت 5 بدلات و تريننقين بس فقط لا غير و اكرر عادي والبدلات كانو نفانيف زارا مع بناطيل

اي واذكر خذيت جمب سوت على هبتته السنه اللي طافت اي و جنطه وحده كانت البيج اللي بتطلع بالصور حبيتها لان تصير كروس وتصير على الايد و تصير عالجتف كل شي لوووول وكبيره وتكفي كل قشي وخذيت فلات و نعل حشاكم و بوت شريته من هناك ولبسته بالمناطق البارده

وهذا بعض ستايلي بالسفر










الاماكن اللي فيها لعب و رحلات و مو مال كشخه البس تريننق اريح





هني خذيت جاكيت ابوي مت مت برد ادري داش عرض



البوت عجيب باخذ معاي هالسنه لان مريح بالمشي وايد ويليت نصادف برد عشان البسه وايد لان واييييد واااايد مريح ويدفي بعد

واذا عجبكم ستايلي بحطلكم صور بعد من بعد اذن صاحبه الموضوع واعذريني عالاطاله :$

 

[fat]

عليج بالعافيه لبسج مرتب وحلو وكلج ذوق بس المشكله انا الحين ابي بوت ماني لاقيه وابي جاكيت خفيف وين احصل المشكله البضاعه الي بالسوق كلها صيفيه

 

[اخت خالتهم]

انا كله ألبس قطنيات و شوي سبورت أحلى أريح رايحين سيـاحه مو تكشخ
انا عن نفسي ألبس بنطرون قطن بني أو أسود أو رمادي
و بلوزة طويله مع توينز طويل
و جوتي ريـاضة
بس للحين الشيلة " الملفع " موو قـادره احدد شي مريييح والطن مو حلووو علي

 

[بيرلا ستور]

زينة ماشاء الله ذوق
عجبني الجاكيت البيج الخفيف من وين؟؟ كنتي ماخذتيه؟

انا اشجعج كملي يالغلا نبي نشوف والف شكر

 

[batool H]

انا البس اقمصه لين الركبه وبنطلون جينز .. مخمل ,, قطن اي شي حسب القميص والحجابات اخذ من ماكس وسنتر بوينت قطن وساده او نقشه بسيطه افضل شي واذرب باللبس
واللبس جوتي او فلات حسب اللبس ولاني مقيمه الباق احب صغيره وعالكتف قليل البس كبيره وفخمه والديره الي انا فيها مو مال كشخه يعني ماخب حالي وايد لوول

ياليت تفيدونا بالاماكن الي نحصل فيها الاقمصه الطويله غير الماركات واسعاره حلوه لاني اعرف بنت لبسها كله منهم ودوم تمدحهم حلوين ومو تقليدين بس استحيت اسأل من وين الي تعرف تقول لنا

 

[_زينه_]

عليج بالعافيه لبسج مرتب وحلو وكلج ذوق بس المشكله انا الحين ابي بوت ماني لاقيه وابي جاكيت خفيف وين احصل المشكله البضاعه الي بالسوق كلها صيفيه

الله يعافيج حبيبتي مشكوره

شوفي اذا فيج سفره هالسنه اخذي من هناك انا خذيت بوتي اذكر من ايطاليا ولبسيه بالسفره :eh_s(9):

اذا قصدج تونزات روحي زارا ترا ايننون

وهذا سايت زارا ووانا حاطه البليزرز ان شالله يعجبج وهالبضاعه موجوده حاليا بالسوق :eh_s(7):


http://www.zara.com/webapp/wcs/stores/servlet/category/kw/en/zara-S2012/189502/Blazers


وهذا سايت ريفير ايلاند فيه اشياء تحصلين وموجودين حاليا بالسوق وعلى فكره جناطهم مريحه للسفر

http://www.riverisland.com/Online/women


واعذريني خذيت مساحه بموضوعج عن جد اعذريني
تسمحيلي احط ستايل للسفر :eh_s(22):

 

[_زينه_]

زينة ماشاء الله ذوق
عجبني الجاكيت البيج الخفيف من وين؟؟ كنتي ماخذتيه؟

انا اشجعج كملي يالغلا نبي نشوف والف شكر

حبيبتي انتي مشكوره من ذووقج :eh_s(17):

هذا خذيته 2010 من ايطاليا ميلان

ان شالله من عيوني من بعد اذن صاحبه الموضوع :$

ولو

 

[Patcholli]

الموضوع مفيد .. بس بنات الي بتتنقل يعني اكثر من ديره شتسوي ..
العام رحت المانيا ورحت سويسرا المانيا كانت خيسه حر وسويسرا كانت برد موت ..
الصراحه عباله باخذ معاي شتوي وصيفي :<
وهالشنه قلت ماني ماخذه جينزات ماحبهم صايرين يظايقوني باللبس صايره كله ابي قطنيات و لقنزات

يالليت تحطولنا ستايلات تفيدنا بالسفر ..
وماني مكثره هدوم هالسنه ان شاء الله العام اشكثر خذيت وعلقت على 4 ابدل بس

 

[Patcholli]

وباخذ معاي جوتي تومز الكعب حق اهناك ماني ماخذه رياضه وفلاتات .. شرايكم جوتي واحد يكفي ؟؟ العاده اخذ معاي 3 .. بس ابي اخفف هالمره مابي وايد قش

 

[بيرلا ستور]

مشكورة حبيبتي زينة ناطرينج

باتشولي الجوتي وايد كافي 3 او 2 حتى وانا ما ابي وايد قش

والقطنيات روعه بالسفر والجينز الاسترش الخفيف لقيت واحد ب بي اتش اس ايام التنزيلات كانت اخر حبة يهبا وبارد

وخامته ولونه خيال

بعد ابي جمب سوت وبلبس فوقه جاكيت خفيف

يالا خلونا نتفاعل اكثر وندل بعض

 

[شذى الدعوه]

اهلا وسهلا بالغاليه فات اشلونج وشخبارج
اول شي ياطويلة العمر انا هالجوتي عزكم الله مااستغنى عنه بالسفر من اكتشفوا وانا امطيحه حظه مريح وايد:eh_s(15):

ثاني شي البلايز لازم تكون واسعه وطويله خبرج من كثر ماهو جسمي رشيق وعجيب لازم اخشه بالهدوم الواسعه اخاف ينضلوني:eh_s(4):

والجنطه وحده كروس والثانيه كشخه الكروس حق المهايل والمطارد والكشخه يمكن نسهر مكان او تصير مناسبه اخذها

وسلامتكم

حبيبتى من وين ماخذه هالجوتى وبجم

 

[شذى الدعوه]

والله لما كنت عند أهلى بدلات للمطاعم الراقيه
وجنزات وبلايز قمصان ناعمه وراحه ونتحرك على كيفنا
ألحين عند الزوج لو اروح مو أمريكا لو القمر لازم عبايه كتف وزين رضى بالكتف
وياليته مطوع الا بدل رياضيه وراحه وانا بالعبايه
شنو نسوى لو الزمان ماطاع طيعه
فستايلى واحد عبى وماتكون ملونه ولافيها شى عاديه

 

[كويتية و لكن]

واله صح القطنيات كثير مريحة بالسفر والفلات عزكم الله

 

[Patcholli]

ليدي انا لو بيدي اخذ معاي تريننقات بس زوجي مايرضى ..

فمادري شراح اخذ بدور بلايز خفيف تكون ساده ويا جيب كلوتات شرايكم ؟؟

خاصه الحراير احس حيل باردين ومريحين
احسن من الجينز اففف اكرهه ثقيل وحار ويحك .. واذا بتحكين ماتوصلين للمكان حيل عازل لوووووووووووووول

 

[بيرلا ستور]

ههههههه يقطع ابليسج لووووووول باتشولي ماشي وين نلقى غير الجينز ياريت احصل

 

[Patcholli]

بيرل انا شكلي بمر محل ريفا واخذ السكيني مالوتهم ستريجات وعندهم ملونين .. معني زهقت منهم وقطعتهم تقطع بس مريحين شكلي باخذهم معاي شسوي بعد اخف شي ..

بنات جم قطعه تاخذون وياكم حق 20 يوم ؟؟
العام بدعت جريب ال 15 بدله ومالبستهم كلهم بس وزن وتشنقل عالفاضي هالمره باخذ حده حده .. حتى الشيلات ودي اشكثر وعلقت على القطن مالبست الباجي ..
ابي اكون خفيفه هالمره مابي وايد خماجير

 

[بيرلا ستور]

اشوف ريفا ليش لأ
ماتعرفين باتشولي وين القى جمب سوت صيفي حلو ووسيع مو ضيج !!

تعبت وانا ادور حلو وسعر معقول

والملابس جد لا تكثثرين كلنا ناخذ وايد وبالاخر يالا نلبس 3 او اربع بدلات

انتي سوي مثلي انا للحين جهزت ثنتين كاملين باقيلي 2 او 3 بعد وبس وحتى الشنط بس اثنين باخذ وحده عمليه وكبيرة ووحده حجم عادي

والجوتي واحد مسكر وواحد مفتوح وواحد رياضي

هذة خطتي

 

[اخت خالتهم]

بنات انا السنة اللي طافت تريننقات
واي صدمني ريلي يقول ماااكو
شلبسسسسسسسسس !