لحقووووني والله ببجي من القهر

[سآموو]

السلام شلونكم شخباركم والله انا وآيد حبيت هالقسم ومتابعه المنتدى من زمآن لاكن توني
اسجل فيه فلاتخآفون مني لووووووووووووووووووول
بنآت انا زهقت وطقت جبدي من هالريال؟
تكفوون شوفولي حل ويآه
زووجي يقآرني بحريم اخوآنه؟
يعني مره كآنت مرت اخوه لابسه قصير وتتمشى مع زوجهآ
ييني مآد البوز اقووله شفيك عسا مآشر؟؟؟؟
يقوول مآشفتي مرت اخوي شلابسه؟
قلت ايه شفتها
يقوول وليش مآتلبيسن لي جذي؟؟؟
انا انصدمت شلون يعني يقارنني بوحده ثانيه.؟ظ
قلت خل اطوفها واقول مايخآلف
والا ييني ثآني مره يقول مآشفتي فلانه شلوون مكيآجهآ قلت ايه وبعدين قالل اووف يآيت
عندي وحده نفسها؟؟؟؟؟
عاد انا هنيه طقت جبدي صراحه وعصبت عليه
جآن يقوولي يعني شلون ماتبيني اعبر عن رايي ؟؟؟
قلت له مو بهآلطرقه قال اوكي مآيتكرر
وامس ردت حليمه لعادتها القديمه؟
يآني قال صبغي شعرج كستنائي قلت له ليش؟
جآن يقوول وحده معآي بالدوآم صابغه شعرها ووآيد عجبني
عااد انا والله شوي وابجي بنات بلييييزز
شالحل معاه؟
اهدله البيت؟
والا اكلم اهلي
لاني انا بصراحه غيوووره حيل
ومآاحب جذي يصيرلي فشووروا علي شسوي؟؟؟[/FONT

 

[جذابه بنت ذيابه]

من صجج تبين تروحين بيت اهلج ..!!! عشان يقارنج بغيرج

انا غيوره ويمكن اغار اكثر منج على زوجي بس مو لهدرجه تخلين له البيت
عشان غيرررج


حبيبتي خلج وااااااثقه من نفسسسج .. وقوليله هذول البنات اللي تقارني
فيهم لهم استايلهم وانا لي استاايلي ومن وراه سوي اللي يبي ..


غيري شكلج سوي انيولوك كل يوم اطلعي له بملابس جديده واستايل جديد

وخليه ينذهل منج ومن مكياجج ومن ملابسج ومن استااايلج بشكل عام
وزين منه انه يقول لج مو يسكت ويروح لغيرج وانتي ماتدرين ..


وعسى ربي يهديه لج يارب ويوفقج معاه ​

:eh_s:

 

[يوآش يوآش]

حبيبتي عادي مبين ان ستايلج مو عاجبه غيريه ..
واذا زودها شوفيلج حل بس عاد مو سيده بتزعلين :eh_s(7):

 

[q8hadaya]

وليش ماتلبسين له قصير وليش ماتحطين له مكياج يحبه وليش ماتصبغين لون شعرج شنو المشكله
بالعكس الريال يبى شى سويه شنو المشكله

انا مو شايفه الريال قال شى غلط الى بحاله وحده .. انج تلبسين قصير جدام خوانه
لكن اذا بينج وبينه شنوالمشكله

ويمكن انتى معاه بروحكم ماتلبسين له شى يحبه

 

[^^المهره^^]

سوييله كل اللي بخاطره
وزين انه قاعد يتكلم ويقول هذا معناته الريال شفاف و ماعنده شي يخشه
هالنوع صراحه مريح
بس اهوا الله يهداه الي يحر فيه انه يقطها بالويه ويقولها بطريقه مباشره
حاولي تفهمينه واضح ان ريلج صريح وايد
قوليله انا بسويلك كل اللي تبيه بس بدون ماتقول لي سوي مثل فلانه و علانه لان هالشي يجرحني مافي مرا بالدنيا ماتضايق لما تعرف ان ريلها اعجبه ستايل او صبغة او لبس وحده غيرها

 

[رااميس]

سوويله كل شي عشان مايقاااااااارن بينج واحد ثاني

 

[bride 2010]

هذا أسدل ان انتي بنظره مو سوائل فا ليش تزعلين من الانتقاد !!!
غيري بنفسج بدال لاتكلمين اهلج واهله والمعمعه اللي ماراح تفيد بشي غير انه مايتكلم ويشوف غيرج
اهوا لانه بحبك يحب يشوف كل شي يليه فيج ... يبيح الأحسن بعينه
يلي اللي يحبه بحلاله ...

غيري ستايلج كل فتره ولبسي كل شي الطويل القصير الضيج الوسيع البيرم السارين الاسود الثلجي الأحمر غيري ستايلااتج حبيبتي وماراح تخسرين

 

[روحي تحبه غصب]

لاتزعلين من ريلج لانه صريح ويحبج لو ماكان يحبج جان ماقالج انه يحب يشوفج
نفس باقي الحريم تغيرين لبسج وصبغة شعرج
يمكن تقولين يجرحني ليمن يغارني بغيري يمكن الريال ستاسلج موعاجبه ومايبي يقولج وتزعلين
فعباله ليمن يقولج شوفي فلانه انج بتغارين وتتعلمين
ريلج يحب يشوفج لابسه قصير ويحب الشعر المصبوغ فانتي غيري عشانه يستاهل لانه ماسكت وحطها بقلبه وتضايق
وقعد يخزز في بنات الناس وانتي حلاله ودايما قباله ماتعرفين شنو اللي يعجبه ويغريه

 

[chcoq8]

بالعكس احسن ان زوجج يقول الي بخاطره سوي الي يبيه علشان ما يقارن بينج وبينهم زطلعيله بنيو لوك حلو

 

[انصاريه قمره]

الله يهديه وانتي بعد لا تعطينهخ مجال يقارنج بغيرج غيري ستايلج ولا تعطينه مجال يشوف فلانه وعلانه

 

[أسيرة_أحزاني]

الله يهديه ويسخره لج ومايشوف غييرج يارب

 

[كتكات احمر]

اشدعووووووووووووووا بتروحين بيت اهلج شصاير اختي ؟؟ لووووووول

يبا سويله الي يبي وبعدين غيري من شكلج على طول لا تنطرينه يقولج فلانه وعلانه سوت وحطت شفيج كبري عقلج :eh_s(12):

 

[سارووونه22]

انا اقول ماله داعي تزعلين بس غيري من لوكج يمكن صارلج فترة مومغيره سويله حركات وقصات وصبغ ولبس ومكياج وكل شي غيري فيج وبعدين اذا اهوه قال لج جذي قصده يشوفج احلى منهم مو مثلهم

 

[meen_ana]

حبووبه لا تاخذين موضوع بحساسه يمكن ريلج صريح وللي يحب يشووفه عليج يطلب منج احسن من مايشووف غيرج وسوي للي ريلج بخااطره عشان لا يشووف بره

 

[قلبي سلومي]

اشدعوا يقارن
حبيبتي خلج دوم ستايل وفاشن
ولا تخلين له مجال يقارنج باحد
واذا جا وقالج فلانة عجبتني عشان شعر ولا لبس
قولي هذا انا وهاذي هي
عيب تقارني باحد واذا مو عاجبتك انا
ليش ماخذني على الاقل
اذا عندها شي انا عندي شي
يميزني عنها طيبتي واخلاقي اللي لو تدور الدنيا ماتلقى مثلها
والله يعينج ووخلج دائما متجددة

 

[om...al3ess]

شوووفي الي ييبه وسووويله مافيها شي يمكن يقولج جذية عشان انتي تفطنين على عمرج

 

[miss_jamsheer]

انا رايي من راي البنات بس صج فشله شنو بعد يقعد يتمقل بمرت اخوه شلابسه ومولابسه ومكياج فلانه يعني عيب حرمه الغير حتى لو اهم راضيين على نفسهم بس مهما كان مرت اخوه ولبسيله قصير بس موجدام الناس شنو عيب مايغار

 

[G!RLooNa]

بالعكس اهوا قاعد يقولج شنو يبي ...كلش ما تسوى السالفه تهدين البيت ولا تقولين حق اهلج يعني اهوا لو ما يحبج جان ما قالج سوي لي جذي وجذي أحسن من لا يخش بقلبه لما يطق و ينفجر عادي سويله اللي يبي

 

[حجيه هيونه]

انا اقول ماله داعي تزعلين بس غيري من لوكج يمكن صارلج فترة مومغيره سويله حركات وقصات وصبغ ولبس ومكياج وكل شي غيري فيج وبعدين اذا اهوه قال لج جذي قصده يشوفج احلى منهم مو مثلهم

اتفق معاها

ويمكن اهو يحب التجديد وايد عشان جذي يعجبه هالاشياء فما فيها شي حاولي تكشخين اكثر من قبل لا يطلب

اهو صح مو حلو يقولج سوي نفس فلانه بس شتسوين بعد الله يعينج

 

[بحرينية@ماركة]

صح اهوه قاعد يقولج شنو يبي وشنو بخاطره ليش ماتسويين لومايحبج جان مابيقولج ..
غيري استايلج وسوي الي يبيه مو عيب ولا غلط