لحقووووني والله ببجي من القهر

[..البندري..]

يمكن هو على نياته يحب يشوف اي شي يعجبه عليج

 

[Miss.KSA]

حبيبتي مايخالف تحملي اسلوبه زوجك شكله صريح ومن النوع اللي يقول اللي في خاطره وهذا الشي حلووووووو بحد ذاته
احسن من اللي يبصبص من تحت لتحت ويجامل ويسكت ولا يعلق ولا يتحلى على زوجته
خافي من الأشكال اللي تسكت
انتي لاتشدين معاه بالكلام .. البسي له اللي يبي وجددي شكلك بين فتره وفتره
اصبغي شعرك وخلي ستايلك غير عن حريم اخوانه
مو معقول ياقلبي تتركين البيت وتروحين لبيت اهلك علشان قالك يبي مكياج وصبغ وقصير.. تحملي حبوبه
وحطي مكياج وعدسات واصبغي شعرك والبسي شورتات وتنانير قصيره له في البيت
غيري شكلك ترا الرجال يحبون التغيير
الله يوفقك يارب ويستر عليك ويجملك بعينه يارب

 

[Gatwa]

غيري ستايلج موحلو تثبتين على ستايل واحد

 

[صوت المطر؟]

3 صفحات وصاحبة الموضوع لي الحين ماردت

بصرحه البنات كفو و وفو ماعندي غير اقولج الله يزينج بعينه ولايشوف مره احلى منج

والله يهديه يارب

 

[اشتياق]

ليش ماعندي لسان اروح بيت اهلي؟؟

يكون اخر يوم بحياته يقارني بأحد والله لو يقارني بسعلوه..

اخاااف صج..

عطيتيه ويه يقولج فلانه وفلانه

لو يقولي شفتي لبس فلانه بقول اي قصير ولاحيا ولامستحا وزوجها مافيه غيره عليها ولا هي خايفه من ربها<<اعطيه رايي قبل لا يتكلم

ماخليله مجال يعبر آآكله

ودامه يقولي راييه بوقاحه اصير اوقح اسمحيلي,,..

انا اوقفه عند حده لا اهله ولا اهلي ليش شناقصني؟؟

يعني كستنائي حلو على وحده بالدوام اقوله وينك عن غض البصر!!وماشاء الله متمعن بشعر المره لاحيا ولا خوف من الله

استغفر الله واقول صج رياييل مايملا عينهم الا تراب ذاك اليوم مرت اخوك يايه تقولي زوجها يقولها قلدي فلانه<<عني

وانت مو شايف النعمة اللي عندك صج سبحان الله مايملا عين بني ادم الا التراب<<هالحجي كله له ترى من ضمن النفشه لوووووووووووووووووول


والله اثرتي قريحتي

 

[المدينه]

ماقال شي سوي اللي يبيه وغيري من نفسج وبدعي وخليج احسن منهم

 

[new^mom]

حلو الريال صريح معاج خلاص سويله الي يحب ما فيها شي

 

[Sugar Bunny]

حبيبتي قوليله ليش ماتسويلي نيوووولوووك حط لك قفل و لا ادخل نادي شد جسمك ,, بصراااحه شفت فلاان و شكله اينن عجبني و ابيك تسويييييلييييي مثله

و شوفي ردت فعله اذا عصب قوليله ,,,,, بعد عمري شفيييييييييييك زعلت ؟؟ مو انت كلا تقارني مع غيرييي ليش معصب ماله داعي و قوليهاا ببراءه و ضحكه خفيفه :eh_s(6):

و تلقينه من داخل محتررررررررر لانج شفتي غيره و بعدها بيحس فيج وما يعيدهااا مره اخرى

:tongue22:

 

[فـلـفـلـهـ]

سوييله كل اللي بخاطره
وزين انه قاعد يتكلم ويقول هذا معناته الريال شفاف و ماعنده شي يخشه
هالنوع صراحه مريح
بس اهوا الله يهداه الي يحر فيه انه يقطها بالويه ويقولها بطريقه مباشره
حاولي تفهمينه واضح ان ريلج صريح وايد
قوليله انا بسويلك كل اللي تبيه بس بدون ماتقول لي سوي مثل فلانه و علانه لان هالشي يجرحني مافي مرا بالدنيا ماتضايق لما تعرف ان ريلها اعجبه ستايل او صبغة او لبس وحده غيرها

تعليقي نفس تعليق المهره

 

[brettey]

سوي نفس الشي
قولي له شوف اخوك اشلون يعامل زوجته يا بختها ليش انت ماتعاملني جذي
او زوج رفيجتي مدللها سفرات وطلعات خلف الله عليي ليش ماتوديني وتونسني
ذوقيه من نفس الكاس عشان يحرم
واذا عصب قولي له النفس وماتشتهي مثل مانتي تقارني بحريم خوانك انا بعد من حقي اقارن اذا شفت قصور منك
الله يهديه ويسخره لج

 

[الفدنه]

الحلو بالموضوع مبين ان زوجج طيب وعلى نياته ويحب يشوفج دايما كاشخه
بس اللي يبط الجبد اسلوبه يققققققققققققققققققققققققققققققققققهر
الله يكون بعونج شكله من النوع اللي يبيج 24\7 كااااااااااااااااشخه ومتمكيجه
اللي انصحج فيه انج تطلعين له كل فتره بستايل

 

[" ميــــــنو "]

شدعووه قلبوؤو ما توصل لهالدرجه ..

بغدين يمكن زوجج يحب المره الي تهتم بانوثتها حيييييل ..

وشي حلو ان المره تغير من نفسها وستايها وتهتم بانوثتها حيييييل ..

ويمكن زوجج صج عجبته هالشغلات وما يبي يطالع غيرج ويبي يملي عينه ببيته ..

وهو ما صارحج الا لانه مو قاصد شي ..

وموفقه قلبوؤو ..

 

[tunaQ8]

هذا احن يالحريم الزعله عند الباب اللهم يكافي بسرعه نزعل حتى لو الغلط من صوبنه حمدي ربج يصارحج جدامج
موشين انج طيبين خاطر ريلج . صدغيني الاهمال منج ترسي عينه وهذا واجبج . الللللللله يهديج

 

[بدوره 22]

بالعكس قولي الحمدلله ان قاعد يقولج , يمكن طريقته مو حلوه بس هم الحمدلله ..

وهذا معناته ان زوجج يلاحظ ويهتم ويحب التغير .. طبعه متعب لان يبج دوم متجدده وانتي قدها وقدود ان شاء الله

 

[tmtmt]

امس رديت عليج بس كان معلق المنتدى :\

قوليله خل يقولج شنو يحب
مثلا شاف شي لا ايي يقول شفت فلانه سوي نفسها لاااااا
يقولج مشتهي عليج هاللون .. مشتهي عليج هاللبس وبس

لا يقول فلانه وعلانه
صجججج شي يغث

 

[بدوره 22]

بالعكس قولي الحمدلله ان قاعد يقولج , يمكن طريقته مو حلوه بس هم الحمدلله ..

وهذا معناته ان زوجج يلاحظ ويهتم ويحب التغير .. طبعه متعب لان يبج دوم متجدده وانتي قدها وقدود ان شاء الله

 

[kramilah]

شوفي حبيبتي صح انا مو متزوجه لكن لو تقارنين مشكلتج بمشكلة وحده متزوجه غيرج تهون عليج مشكلتج
ترا الرجال ماقال شي حب انه يبدي رايه لج صدقيني ماقال هالكلام الا انه حب يشوف زوجته وشريكة عمره باحسن
مايكون ومشكلتج حلها جدا بسيط السوق كبببييييير وبكل بمكان وبتلاقين اشياء حيل حلوه روحي واصبغي شعرج
والبسي اذا مالبستي وكشختي لمنو تلبسين...؟ حبيبتي الانترنت عندج موجود بتلاقين افكار وحركات حلوه ومنتدى كويتيات
بعض مايقصر انا اتمنى يوصلج ردي باسرع وقت وتتقبلين رايي ولا تهدمين حياتج بايدج لمجرد سبب تافه
وجهة النظر حق وماقال شي صدقيني ولا تقهرين عمرج ولا تشيلين بخاطرج عليه..واذا صعب عليج اي شي
انا واللي بالمنتدى موجودين ومابنقصر معاج..

وبالتوفيــــــــق..

 

[غالية زمانها]

ماقال لج جذي الا يبيج تلبسين وتكشخين له ..
صج شي يزعل ويضايق .. بس ماقصر قالج شنو يبيج اتسوين له !!
انا اقول قعدي معاه وقولي له .. شنو تبيني اسوي لك عشان ماطالع غيري
قوليله انا ابي اشبعك من كل شي من شعر من لبس من مكياج ..

 

[pretty-mama]

ماقصروا البنات ولا تكبرين السالفه ترسي عينه وخليه ما يطالع غيرج

 

[غنج اهلها]

غيري شكلج تفنتكي ابرزي جمالج

حتي لايكون عندة عذر تزوغ عينة اويقارنج باحد