لحقووووني والله ببجي من القهر

[NauGhty nuRse]

عادي يا حبوبه
الريال ما قال شي غلط ويبيج تغيرين ستايلج
احسن من غيره
اقل شي يي ويقولج يبي يشوفج بستايل جديد وانتي حاولي كثر ماتقدرين تغييرين(قوليله ادفع وانا اغير ستايلي اشوف بعد شهر يي ويقارنج ب فلانه وعلانه ولا لا يسكت بس عشان ما يدفع لوووووووووووول)

 

[بحرينية@ماركة]

صح اهوه قاعد يقولج شنو يبي وشنو بخاطره ليش ماتسويين لومايحبج جان مابيقولج ..
غيري استايلج وسوي الي يبيه مو عيب ولا غلط

 

[جوري 2007]

كلامه يحر ويثير الغيرة ، المفروض يراعي مشاعرج ، على الاقل يقول لبسيلي هالشي انا احب جذي ولاالمفروض يقولج فلانه تلبس وعلانه شوفيها اشزينها
بس امبين ان ريلج طيب وعلنياته واللي بقلبه على لسانه
قوليله اذا مرة ثانية عاجبك شي قولي بدون ماتذكر الشخص اللي مسويه
والدور عليج انج تملكين قلبه بالانوثة لانه هالجانب وايد يثيره
التنانير والبيبي دولات والمكياج وصبغ الاظافر والكعوب والاكسسوارات والصبغات وشيل الشعر على طول والنعومة
الله يعينج ريلج متعب بس سايريه لانه وايد يلاحظ

 

[ام شموخ]

لييييييييش الزعل حبيبتي سوي اللي يبيه وزياده بعد ولا تخلين احد احسن منج

 

[al-musk]

غيري ستايلج وشوفي شنو يحب .. وقعدي عاد لاحظي ان بين بعينه وغض النظر ولا لا

 

[بنت ام قلب ابيض]

حبيبتي طولي بالج هذا ريلج ويبي يشوفج احلى وحده فما عليه تحمليه هذا ريلج وحبيبج ومالج غنات عنه انتي شوفي اهوه شلون يحب يشوفج وقوليله بس بهداوه رجاً لاتقارني باحد والله يهديه انشالله واصبر

 

[بنت ام قلب ابيض]

حبيبتي طولي بالج هذا ريلج ويبي يشوفج احلى وحده فما عليه تحمليه هذا ريلج وحبيبج ومالج غنات عنه انتي شوفي اهوه شلون يحب يشوفج وقوليله بس بهداوه رجاً لاتقارني باحد والله يهديه انشالله والصبر

 

[ريماس77]

اول شي غلط انج تهدين البيت وثانيا دام انج موعاجبته غيري ستايلج لبسي نفس ماهو يبي لبسي نفس مرت اخوووه حتى لو ماتحبين شتسويين مع الخيل ياشقرا وشوفي بالنهايه شنو الحجه

 

[طالبة1990]

حلو الزوج ينبه زوجته ويقول لها عن اللي بخاطره

خوفج من السااكت واللي يشيل بقلبه وينقد من داخله

 

[ام بديير]

حبيبتي اكيد يبيج تغييريين ستايلج ومو عارف شلون يقولج ,., وقوليله كل وحده ولها ستايلها ,., وانتي غيري ستايلج ,., بس مو اشكره شوفي هاذي شلابسه ومكياجها!!

 

[مس لوتس]

الله يعينج

 

[3emya_Berry]

انتو رحتو لسالفه الستايل ونسيتو انها محتره من شنو ان ريلها يطالع فلانه وعلانه ويبيها تسوي مثلهمممممممممممم
انتي حبيبتي قوليله اذا القصير حلو عليها يمكن مو حلو علي بس البسلك ما عندي اشكال اذا الكستنائي حلو عليها انا يمكن مو حلو علي وغيري بلوكج وسوي اشياء تعجبه فراح يطالع انتي ومحد غيرج حبيبتي

 

[LaLi chocolate]

اول شي الله يهديه حبيبتي وريلج من النوع الصريح قاعد يقول جدامج خوفج الي يسكت ولا يتكلم ريلج حبيبتي

يحب التغيير فانتي ليش اتخلينه يشوف الي بره ويقولج لبسي جذيه وصبغي هاللون قلبي سبقيه انتي بالشغلات

الي يحبها كل بين مده صبغي شعرج قصيه واللبس حبيبتي اشكال مره قصير نقشي جسمج حجزي فندق سويله

اكشن ريلج يحب جذيه واهو يحبج جان ماقلج سويلي جذيه صيري شاطره وشبعيه خليه بعد مايقدر يتكلم

ونصيحه من اخت لي اختها المره ما تطلع من بيتها لو شنو يصير هذه كلمة امي الله يخليها .

 

[قمر2009]

بالعكس حبيبتي ليش تزعلين ياليت كل الرياجيل مثل زوجج كان ماصارت خيانات وااجد الصراحه مطلوبه واحنا دايم ندري


انه الصراحه تجرح عشان جذي سموها صراحه انتي حاولين تهتمين بنفسج اكثر وتغيرين نيولكج بين فتره وفتره واذا كنتي


وياه بشقتج حاولي تلبسين له تنانير قصيره حيل وتصبغين واذا مو حابه تصبغين اشتري هالبواريك اللي متروسات بالسوق


الوانهم حلوه وهو لومايحبج ماقالج غازل وكلم من وراج وانتي ماتدرين كبري عقلج حبيبتي سويي تغيير بلكج بس لاتنبهينه


خلي هو اللي يتكلم بالتغييير​

:080402ask_prv:

 

[s_m_r_al]

صح شي يغث بس عااادي انتي شووفي شنوو اهو يحب وسوووووووووووويه يعني لما يقووول شعرها حلوووي ابتسمي واسكتي ومن وراه روحي سووووي اللي قال عنه عادي وخليج واثقه من نفسج ..... وبعدين شنو المشكله سووي اللي يقووول لبسي الي بخاطره لا يرووح منج يااا حلــوه ترى غيرتج بطيره منج وغيرج فاتح حلجه حق الرجال افتحي عينج لزوووجج وصير ذكيه


والله يوووفقج ياارب ويسخررررررره لج يارب


ويرزقني ياااااااااارب بلي في خاطري اللهم امين

 

[ام ساره 4]

حبيبتي لا تضايقين ولا شي وزوجج ماطلب المستحيل روحي الصالون قصي شعرج وصبغيه وحطي مكياج ولبسي نفنوف قصير وغيري بستايلج شوي سوي شي ماشافه عليج من قبل صدقيني إنتي بيدج تقدرين تسدين حلجه وتصكرين عيونه عن الحريم ولو شنو مايقارنج بأي وحده فيهم الشغله مايبيلها شي مولدرجة تهدين البيت وتروحين لأهلج سوي اللي يبيه وبس

 

[قلبين وسهم]

حبيبتي اغلب الرياجيل عيوونهم زايغه بس الحلوو بزوووجج انه لما يشووف شي يعجبه يقوولج سوي جذي لانه حاب يشووفه عليج مو على غيرج

الله يخليكم لبعض ويسخركم لبعض لاتزعلين ولا تاخذين بخاطرج عسى ربي يوفقكم

 

[مــســك]

الله يعينج يا اختي .. بس مثل ما قاالو خواتي ما ازيد عليهم .. إملي عيونه بكل الي يبيه عشان ما يتحجى ..


واذا ماتغير طبعه .. انتي سوي مثل مايسووي .. قولي يا حلات اخوك مدلع مرته مثلا ياريتك مثله .. او قولي يا حلوو شاربه ليش ما تسوي مثله .. لـووول والله الرجال ما يجون الا بالعين الحمرااا @_@

وصدقيني اذا سويتي جذي راح يحس بالغيرة مثل ما انتي حسيتيهاا ..

 

[سنيوره قمر]

غيري من استايلك
بس مو مثلهم خلي عندك استايل خاص فيك

 

[SaD FaCe]

سويله اللي يبيه

وشي زين ان يقولج في رياييل ما يقولون ويخشون بقلبهم عاد تعالي شوفي المشاكل اللي تصير ..