- إنضم
- 21 يناير 2012
- المشاركات
- 29
- مستوى التفاعل
- 0
- النقاط
- 0
السلام عليكم ورحمة الله وبركاته
شلونكن يالغاليات وشخباركن ؟ :eh_s(7):
بأختصار بقول لكن قصتي وبالتالي بقول لكن شنو المساعدة المطلوبة بكلمتين
أنا يا اخواتي كبيرة بالعمر يعني أواخر العشرين وحلوة وجامعية لكن ظروفي صعبة
وامي حابستني من سنتين بالبيت ما شفت ولا احد ولا اطلع وممنوعه اتوظف
وحياتي من اولها لأخرها مأسي طبعاً مابي أقص لكم قصة حياتي من باب الشكوى لغير الله مذله
وأنا تعبت وانا أشكي للبشر لدرجه قاموا يشوفوني حنانه وشكايه وأنحاشوا عني فقررت بان لا أشكي ألا لله :eh_s(7):
المهم ما جتني خواطيب ومحد خطبني أبد لان محد يعرفني باختصار وما اطلع وماكو نصيب للحين
فحلي الوحيد للتخلص من وضعي هو الزواج ..
طبعاً انا لله الحمد احاول ما أقصر بعباداتي وعندي ثقة بالله لهذا متحمله وضعي بأبتسامه :eh_s(7):
يعني حتى النت بايقته الله المستعان . .
المهم انا كل هالسنين اللي مصبرني هو ثقتي بالله وتوكلي عليه وواثقة ان في يوم من الأيام بيجي
اللي يتزوجني ويخاف الله فيني واثقة لدرجة ما تتخيلونها لدرجة مرات ودي اجهز جهازي حق العرس قبل لا اعرف منو المعرس وقبل لا يخطبني
ثقتي مو نابعه من أشخاص او احد معين لأ . . لكن عارفة الله ما راح يرد اديني خايبه اللي رفعتها له والناس نيام
و لا راح يتخلى عني بعد كل دعاويي والامور اللي سويتها فعشان جذي متعشمه بيوم أفضل بإذن الله ..
اللي صار ان في احد من معارفنا من بعيد عندهم ولد من زمان انا شايفته يمكن من 5 سنين بصور عرس وبفيديو عرس عمي ..
وبدا عمي يتكلم عنه ومدحه بأخلاقه وتربيته وكل شيء ماشاء الله . .
وانا من ذاك الوقت متعشمه أو ظانه بالله ظن حسن ان هالشخص بيخطبني فيوم من الأيام
شلون ما ادري بس طول هالخمس سنين حاسه هالاحساس . .
مع اني لا اعرفه ولا بحياتي شفته ع الطبيعه ولا حتى سمعت صوته وامه ما شفتها بحياتي غير
3 مرات اخر مره قبل 4 سنين وما لي علاقة قويه فيهم . .
المهم سمعت بهاليومين أنهم قاعدين يدورن له ويبي يتزوج مجرد يدورون يعني ما خطبوا احد
وانا منها لا ليلي ليل ولا نهاري نهار بس أستغفر وأسبح وادعي وخايفة :eh_s(2):
لآن خايفة ما يخطبوني وطبعاً شايفين انها شبه مستحيله إنهم يخطبوني يعني عمرهم ما جابوا لي خبر ولا شيء
انا من حالي متعشمه
لكن متوكلة ع الله وأقول ما فيه شيء على الله مستحيل . .خايفة إذا ما خطبوني انتكس ويطلع املي ما كان بالله لكن بالشخص نفسه
يعني انا مثل الغريق اللي تعلق بوهم
ويا ليت عاشقته ولا عاشقني ولا اكلمه لأ لأ أبد انا مو راعية خرابيط انا وحده متربية على الصراط المستقيم امشي
لكن جذي من حالي عجبني كزوج فأحسنت الظن بالله أنه راح يرزقني أياه بعينه
وألحين يوم جت الصجيه خفت وأحس ثقتي مدري يمكن انهزت ؟؟؟؟؟
~~~
بنآآآآت أرجوكن محد يحس بالنار الا رجل واطيها
.. بنآآت تكفون حطوا روحكم مكاني وبوضعي وماني شارحته بالضبط لآن حياتي كسيفه وكئيبة . .
بنات تكفووون لا تقرينه وانتي ماشيه ولا همج موضوعي . .
بنآآآآت تكفون مابي منكم ولا شيء ولا شيء غير شيء واحد سهل سهل . . . .
((( أبيكم تدعون لي الله يكتبه لي ويجعل فيه الخير وييسر لي أمري ويجعل لي من كل ضيق مخرجاً ويفرجها علي بفرج جمييل من عنده عاجل غير اجل )))
لعل وحده فيكم لها دعوة مستجابه
لعل فيكم من إا أقسمت ع الله أبرها
والله يكتب الأسباب اللي تخليهم يخطبوني او ييسر لي عبد من عبيده
يمشون بهالموضوع او يطرحوني كخيار لهم او يذكروني عندهم
. .أرجوكم يا بنات دعوة صاادقة ومنتم مضطرين انكم تدعون من ورى قلوبكم انا مو جابرتكم ع الدعوة
ان بغيتي اجر ويكون لك مثل الدعوة ادعي لي .
..انا بإذن الله توكلي على الله وحده وانا مو مقصره بالدعاء
لكن بغيت تكثر الدعاوي لعل الله يستجاب لوحده منكن وتكون سبب
وما توكلي الا بالله
انا بظل بهذا الموضوع لين ينتهي الامر ويقضى وأبشركن :
- يا اما فرج من عند الله
- يا اما أبتلاء وصبر جميل من عندي
بنفسج . .
التعديل الأخير:
