لـ عشاق الآكل الهندي اللذيذ " جكن بتر " بين ايديكمـ ؛)

[Tom ♥ Jerry]

ماااشاءالله تبارك الله ...

شوفو الدجاج نفسه كيف احمررر

نجي للمقادير والطريقه بالتفصيل

دجاج منزوع الجلد مقطع ثمان قطع ومشرط شرطات خفيفه بالسكين
نضع نصف ملعقه صغيره ملون الطعام ( احمر ) <هذا السر مع ربع ملعقه ملون الطعام اصفر( كركم) ويخلط مع ملعقة زيت ونصف كاس ماء ويخمر الدجاج مدة عشر دقائق بالمحلول ،،
( ونحتاج بعدين تقريبا بياله من المحلول خليه على جنب )..
(وهنا بهالمرحله تقدرين تخلينه تندوري يعني تنقعينه بالمحلول مع بهارات هنديه وتشوينه) للي يبغى تندوري
اما الي تبغى المسالا تكمل الطريقه

نضع بالخلاط :
2طماطم كبيره
3فصوص ثوم
قليل من الكزبره الطازجه على حسب الرغبه اذا تبغينها نكهتها طالعه كثري
3ملاعق صلصة طماطم
نصف علبة زبادي
نخلطهم بالخلاط مع بعض

الطريقة :
1- نحمس بصله كبيره مفرومه مع زيت حتى يصبح البصل اشقر
2- نضع الدجاج المخمر ( من دووون المويه ) على البصل ويقلب الدجاج مع البصل
3- نضع ملعقتين كبيرة بهارات مسالا الدجاج وملعقه كاري ونصف حبة ماجي وملح حسب الرغبه ويقلب
4- نضع عليهم ربع كاس ماء ويترك قليلا حتى يتسبك لمده خمس دقائق على نار متوسطه
5- نضع مقادير الخلاط على الدجاج ويترك نصف ساعه على نار هادئه حتى يستوي مع اضافه بياله واحده من المحلول ( الي خمرنا فيه الدجاج )<طبعا هذا السر الي يخلي المسالا احمر
او اكثر شوي من بياله يعني لين توصلين للون الاحمر الي تبغينه
6- اذا قرب الدجاج ينضج افتحي القدر خلي مويته تخف شوي وتثقل وبعد مايثقل شوي صبي عليه ثلاث ارباع بياله كريمة خفق وتقلب خمس دقائق وطفيه وبس..

ياسلاااام على الريحه

وهنا ..

وهنا ..

بالنسبه للرز
عادي انا حطيت رز ابيض واخر شي تحطين فوقه كركم وشوي من المحلول الاحمر خطوط عشان التلوين بس

.

ومعه سلطه خس وجزر مبشور وخيار شرائح

.
.
.

وهذي صور لبهارات المسالا و الكاري و صبغة الطعام الحمراء

ونفس الشي لمسالا اللحم بس تزودين مدة طبخ اللحم لين يستوي

جربوها وربي ماراح تصدقون النتيجه
ان شاءالله عجبتكم



منقول من " مرت زوجي " > للآمآنه :eh_s(22):

 

[جارة القمر]

مشكووووووووووووووووره حبيبتي

 

[العابده لله]

والله شكله يشهى مشكوره وتسلم ايدينج

 

[ضحكة الدنيا]

عجييييبه هالاكله
مشكوووره عالنقل الحلوووو
وتسلم ايدج

 

[ABEER FLOWER]

يسلملي منقووووووووولج الشهي

: )​

 

[أحلى همبه كويتية]

شكرا لج على المنقول اللذيذ


بس الصور مو طالعة

 

[a7la jojoo]

يسلموووووووووووووو

 

[يحبنى الله *]

حلوة بس الصور كبار صغروهم لو سمحتو

 

[فديت الكويت..]

شكلها يشهي
يم يم

بجربها ان شاء الله

يسلمؤ دياتك قلبو ^.^

 

[سعووديه كوول]

يعطيكي الف عااااااااافيه يالغلا

 

[ANGELICA]

لي عوده يسلموووووووو

 

[رشيديه كووول]

وووواااااي شكلها عجيبــــــــــــــــــــــــــب

 

[دانة قطرية]

شكلها لذيذ يعطبج العافية عالنقل الحلو

 

[aṕriliå]

غرامي الاكل الهندي

تششكرات

 

[الحبيبه الدبيبه]

يعطيج العافيه انا مغرمه بالطبخ الهندي
بس في شغله فرت راسي انتي كاتبتها
منقول من مرت زوجي ؟؟؟؟؟؟؟؟؟

 

[احنا عشقناها]

مشكووووووووووورة

يسلموووووووووووو

 

[ودعتك الله !]

عوافي

 

[شاطىء الذكريات]

روووووووووعه يسلموا خيتووو

 

[Reem 92]

ذقتها في مطعم هندي لذييييييذه
يسلمممووووووو

 

[شوكولاته مقرمش]

ماشاءالله ايجنن عليش بالعافيه