لكل بچريه أهديك هالموضوع وأبيج تدعيلي

[7laty]

السلام عليكم ورحمة الله وبركاته

حبيبتي الحامل البچريه ......:eh_s(7):
خايفه من الولادة ؟

تحاتين التجهيز والنفاس ؟!

تحسين بكآبة مرات وانتي حامل ؟

تحسين انج ضايعه ومحتاره ؟!

كل يوم تسإلين وين أولد ومنو اختار من الدكاترة والمستشفيات؟

تحسين مرات إنج تسإلين وايد وما تلاقين الإجابه

​

الشافيه ؟!




والله حاسه فيج :ggdw:


أنا من زمان أتابع هالقسم لكن توني اسجل عشان اشارككم بتجربتي في بچري سواء بالحمل او النفاس

ما ابي منكم الا دعاء لي بظهر الغيب ربي يحفظ بنووووتي ويشافيها ويجعلها قرة عين لأهلها


ان شاء الله راده لكم وعسا ربي يفيد بهالموضوع كل حامل كانت محتارة مثلي

 

[7laty]

راح ابللش بالحبوب اللي خذيتها :

١- اول ما حللت << حبوب فوليك أسيد من المستوصف ( ومعروفة فوائدها)

٢- من الشهر الثالث << حبوب برينقابلان+ حبوب كالسيوم

٣-زادت لي الدكتورة حبة حديد لأن فيني نقص

 

[7laty]

من خلال البحث بالنت + تجارب بنات من جماعتنا قررت أراجع عند الدكتورة ( ناهده العلي )

ملاحظاتي عالدكتورة وقت المراجعة :

- دكتورة حبوووبة وصبورة وتخليج تاخذين راحتج بالاسئله .
-دقيييقه وبالذات بالسونار، قالتلي فيني بنوتة من اخر الشهر الثالث .
-بوقت الفحص الداخلي بالشهر التاسع ايدها خفييييييفه تبارك الرحمن ما حسيت بعوار مثل الدكاترة الباقي ،سوت لي فحص داخلي باخر أسبوعين .
-تشخيصها دقيق بالذات للالتهابات ،والعلاج اللي توصفه جداً فعال ،يعني بالمختصر تعرف شغلها

العيوب اللي لاحظتها :

- لازم موعد قبلها بأيام
-وايد زحمة بعيادتها تبارك الرحمن
- مرات يتكنسل الموعد لان عندها ولادة فتتأجل المواعيد


نصايح :
- اذا اخترتي دكتورة ناهده العلي :
روحي قبل موعدج بساعه، واذا بخاطرج سؤال لا تترددين



ملاحظاتي عالدكتورة وقت الولادة :

١- وااااااااايد مرييييحه وتحسسج بالأمان
٢-تقرا آيات وتذكرج بالله ،كانت تقولي ادعي يا بنتي
٣- كانت تعلمني اثناء الولادة اشلون اتنفس وقت الطلق وشنو اسوي بالتفصيل ،كانت تتنفس معاي وتقولي سوي نفسي <<< هههههه اذيتها وايد
٤- ما تستعيل كللش وتصبر عليج
٥-زارتني الغرفة قبل وبعد الولادة تتطمن علي




طبعا ولادتي كانت بمستشفى دار الشفا اخترته بعد بحث طويييل ،ولان الدكتورة وايد تمدح ستاف السسترات فيه وفعلا شفت هالشي الحمد لله ، خذيت غرفة خاصه وخذيت إبرة ظهر ما تحملت العواااار


وااااي بنات إبرة الظهر= نعمة من الله عز وجل

طبعا الإبرة اسمها الطبي (ابيديورال) وايد قريت عنها ولا كنت ناويه أخذها لين شفت مقطع باليوتيوب للدكتور فواز أديب ادريس ،يتكلم عن أبره الظهر ،عجييييييب شرحه وكل المقاطع اللي يتكلم فيها جداً مفيده أنصحك فيها

 

[7laty]

بالنسبة للنصائح اثناء الحمل انصصصصصصصصصحكم تبطلون يوتيوب وتكتبون (رولا قطامي ) اختصاصيه أمومة وطفولة أردنيه

وااايد استفدت منها بوقت حمالي والنفاس ،احلا مقاطع كانت :

-التغذيه وقت الحمل
-نوم الحامل وطريقة جلستها
-المشاكل اللي تتعرض لها الحامل مثل الحارج والثقل
-نصايح قبل الولادة ونزول الطفل للحوض
-بفترة بعد الولادة
-الرضاعه الطبيعيه
-تحميم البيبي
-الغازات عند الرضع
- يوم الولادة


وواااايد مقاطع مفيده ،تختصر كل الاسئله اللي تدور في بال الام

ولها موقع للمركز اللي تشتغل فيه يعطون كلاسات للحوامل

 

[7laty]

حبيباتي راح اكمل لكم بإذن الله باقي تجربتي قريب،اعذروني وايد مشغولة


وأي سؤال او استفسار أنا حاضر .

 

[sosowaty]

يزاااج الله خير حبيبتي و ماقصرتي

 

[mi corazon]

جزاج الله خير أختي موضوعج مرتب وقيم ماشالله ويتبارك ماياكم يارب

فعلا أختي مدحت ناهده وايد وأختي كانت فيها سكر حمل والبيبي كبير ماشالله كان المفروض قيصري بس هم صبرت عليها ماشالله

ودار الشفا معروفه عنايتهم والسسترات معروفين ما يفرقون بين غرفة كشخه من عاديه بس تدقين الجرس أيون مؤ نفس السلام علشان كنت بغرفة عاديه خمس مرات أطق الجرس يسكرونه ويالله سألوا فيني الله يسامحهم


ورولا قطامي فعلا بحمالي وايد حبيت فيديوهاتها عاليوتيوب واستفدت منها وحطيت موضوع فيه فيديوهات تفيد الحامل من قبل الحمل ليمن بعد الولادة


مشكوووووووره

 

[قلوب الروح]

مشكووووووره حبيبتي
خوش موضوع

 

[مذهــلــه]

الله يجزاج الخير حبيبتي ويعطيج الف عافيه

 

[لمى الهاجري]

طيب في بنات متعودين يبعلون حبوب ما يعرفون بس بشربون ادوية بهالحلة هل ممكن تبدل الحبوب بالدوا شراب ولا ما ينفع انا مو متزوجة بس حابة اسال لان وصل عمري 21 ولامرة بلعت حبوب ماعرف

 

[جمالي مو صج]

مشكوره موضوع مفيد

 

[Mesho323]

مشكوووووووره وجزااااااج الله خير

مووضوع مفيييييد

 

[حياتي كلها زوجي]

تسلمين حبي والله انشاالله يخليج لزوجج ولعيالج بس بغيت اسألج الابره تأذي

 

[أم معاذ الكندري]

يزاج الله خير

 

[كستنائيـة ع ـسل]

جزاج ـَٱللـّھ خير

 

[زمردة مشعة]

up]
up
up

 

[7laty]

يزاااج الله خير حبيبتي و ماقصرتي

وياج يا قلبي:eh_s(7):

 

[q8 knosha]

خوش موضوع بنتظارج حبيبتي

 

[7laty]

جزاج الله خير أختي موضوعج مرتب وقيم ماشالله ويتبارك ماياكم يارب

فعلا أختي مدحت ناهده وايد وأختي كانت فيها سكر حمل والبيبي كبير ماشالله كان المفروض قيصري بس هم صبرت عليها ماشالله

ودار الشفا معروفه عنايتهم والسسترات معروفين ما يفرقون بين غرفة كشخه من عاديه بس تدقين الجرس أيون مؤ نفس السلام علشان كنت بغرفة عاديه خمس مرات أطق الجرس يسكرونه ويالله سألوا فيني الله يسامحهم


ورولا قطامي فعلا بحمالي وايد حبيت فيديوهاتها عاليوتيوب واستفدت منها وحطيت موضوع فيه فيديوهات تفيد الحامل من قبل الحمل ليمن بعد الولادة


مشكوووووووره

تسلمين حبيبتي وحياج الله

 

[7laty]

طيب في بنات متعودين يبعلون حبوب ما يعرفون بس بشربون ادوية بهالحلة هل ممكن تبدل الحبوب بالدوا شراب ولا ما ينفع انا مو متزوجة بس حابة اسال لان وصل عمري 21 ولامرة بلعت حبوب ماعرف

هلابج حبيبتي
بصراحه ما عندي فكرة
بس اعتقد فيه ابر فيتامينات