- وايد بنات تزوجوا عن حب هذا مو معناته الشباب زينين ترى الشباب 10% مننهم يتزوجون الي ايحبونهم فا هل تحسين ان الي تكلمينه من هل 10 !!!!!!
- لاتحبين واحد مو من مذهبج ولا يناسبج وتكملين معاه وانتي عارفه ان مالكم نهايه اذا كملتي بقولج شي باذونج ..."انتي تعدين من البنات القليلات الادب " اسفه بس هذا الصج قاعده تلعبين معناته قاعده تستمرين بعلاقه فااشله .
انا ضد تكوين العلاقات بين الشاب والبنت,,بس انا مو ضد الحب بين الشاب والبنت,,
البنات اللي ايكونون علاقات\
بنات ليش مستعيلين على كل شي؟؟
تبين حجي حلو تبين طلعات حلوة تبين مشاعر حلوة..........كل هذيل راح اتجربينهم لما تتزوجين.فليش العيلة مع شاب غريب؟؟
يايريت كل بنت تغازل وتقول حق رفيجها احبك ياعمري تتخيل امها ولا ابوها جدامها,,
تتوقعون شنو بيكون شعورهم!!
شنو تتوقعون شعور ابوج ولا امج اللي كل املهم ايشوفونج بقمة الحيا..
وانتي قاعدة تتغزلين بواحد غريب او واحد قاعد يتغزل فيج وانتي بقمة سعادتج..؟؟
مافكرتي فيهم؟لا حبيبتي كلما تكلمتي مع رفيجج اتذكري ابوج وامج.حزتها راح تعرفين اللي اتسوينه صح ولا غلط.وشوفي ضميرج.
ولاتقولين الحب مو حرام اي صح الحب مو حرام بس مو بهالطريقة وهذا مو مبرر حق علاقتج مع واحد غريب عنج.
وعندي تعقيب على كلام صاحبة الموضوع,,
بخصوص الهدف من موضوعج بصراحة هدف رائع تشكرين عليه,,
بس عندي تعقيب على كذا شغلة,,
شخصيا اعتبر العلاقات غلط بس في علاقات قاعدة تنتهي بزواج,,بس البنت مو ضامنة هالشي واصلا هالطريج غلط.
بس انا استغربت من نسبة 10% مادري من وين مصدر هالنسبة هل اهيا من دراسة ولا توقع من عندج؟
اما بخصوص اللي اتكون علاقة مع واحد مو من نفس مذهبها,,وان مالهم نهاية!!
منو قال هالشي؟؟
يمكن انتي اصغيرة بالعمر ومامر عليج اثنين متزوجين من مذاهب مختلفة بس ترا كلامج مو صحيح..
واشمعنه عند هالنقطة اعتبرتيها قليلة ادب!!وباجي الامور عادي!!
اذا الاسلام حلل الريال يتزوج من ديانات اخرى,,فشلون عيل من مذاهب مختلفة؟؟
وللعلم امي وابوي من مذاهب مختلفة وعمرهم ماتخانقوا على هالشغلة وغيرهم وايدين,,
بصراحة نقطة المذاهب حدها داشة عرض.
موضوعج حلو بس كان يحتاج دقة اكثر بطرح الافكار.
ويعطيج العافية.
