للحريم السنعات بس شتسوين اذا جاج ضيف فجأه؟؟

[دراما كوين]

اب اب

 

[كتكوته غنوجه]

عندي شي دايم اسوي لأمي اذا ترهقت بس مابي اقوله كاااااااااك<<<< ليش تردين ههههههه





احنا مانستغنى عن السمبوسه والكبب المجمده اقليهم وصففهم بصحن وكيك امريكانا في طريقه اسويها يعطيعا طعم ويخليج تحتارين اهي امريكانا الجاهز ولا شغل بيت<<< الطريقه بس جيبي فرشااه وعصير منجا او برتقال وامسحيه من فووق وهو راح يتشرب شوي من داخل لاتكثرين عصير شوي علشان يبقى ناشف

يسلمووووووووو وحلوة فكرة الكيك:rerrerek:

يا هلا حبيباتي
هالايام مافي احد يجي على غفله .. بس المره السنعه واللي يجيها ضيف فجا عادي تتصرف بلباقه اول شىء اتخدر شايها وقهوتها طبعا مافي بيت يخلا من الشاي والقهوه وبالنسبه للحلو احيانا يتاخر عليج فهالشىء يحرج بس عادي قدمي " تمر " مع القهوه

وبالنسبه لي مريت بهالموقف وما كان عندي تمر هههههه .. بس على طول رحت فرع الجمعيه ويبت صحن حلو صحن فطاير " من الباب الوراني "

هههههه
يامجرمه من الباب الوراني:krkrkr:
يسلمووووووووو

 

[كتكوته غنوجه]

دراما
رفع الله قدرج
وفرج همج......

 

[صآعده تحت}..]

موضوع قممه

استفدت منه وااااااااجد

والي بقوله قالوه البنات ماقصرتو واللهـ

مشكوره صاحبه الموضوع

 

[نور مغليها]

انا على طول يجوني ضيوف
لان عندي ولد يسوي عمليات لقلبه كل سنه الله يشافيه والناس بين مودع وبين مستقبل وبين بيشوف وهذي انا على اعصابي بالنهار ليما يخلص وقت الزياره

لو بطلب بيخلص المعاش ولو بسوي من يقعد عتد الظيوف

انا اسوي كل يوم جاهو شاي وقهوة ووورق عنب
يجون يتميلحون ويمشون

ويوم الاجازات ازهب عشا

مره دجاج شوي
ومره شوي سمك
ومره مرق سمك
ومره مرق لحم

وهذا انا والحمد لله كلاسبوع اجيب الشبره

والحين انا بلندن وبس ارجع ارد على نفس الموضوع

الله يعين

شكرا يا قلبي خليتني احجي

حبيبتي اسأل الله العظيم بالثلث الاخير من الليل إنه يشششافي ولدج من كل مرض ويعافيه ويخليه لج وتشوفينه بأحسن صحه وعافيه يارب ...
وان شاء الله ربي يطول عمرج وتشوفين عيال عيال عياااله يارب

 

[كتكوته غنوجه]

صاعده تحت
تسسسسسسلمين ياذوق

نور مغليها
جزاج الله خير

 

[كتكوته غنوجه]

============

 

[Dalal.al3tibi]

يسلموا

 

[ورود كويتيه]

قوه ,,,,,,,,,,,

بالنسبه لي لما أروح للجمعيه (طبعا ماطب الجمعيه الا مره وحده بالشهر) :krkrkr: >>>>حكم الأوي ....
أشتري كرتون بسكوووت وانوع آخذ كذا نوووع مو بس واحد
وآآخذ معمول اللي بالتمر واللي بالجوز والفستق اكثر منهم
و السمبوووسه ضروريه >>>>>>>>> اذا طبوا علي لازم قبل كل شي الطيب والبخووور ترا الريحه أهم من الاكل ~~~
اضبط القهوه والشاي والخدامه تقلي السمبوسه سريع ~~وواقدمهم
وسهالات

 

[كتكوته غنوجه]

دلال الله يسلمج حياتوووووو
ورده>>تسلمييييييييين ياذوووووووووووووق

 

[كتكوته غنوجه]

ااااااااااااااااااااااااااااااااااب

 

[عقدلولو]

موضوع رااااااااااااااااااااائع لايوقف​

 

[.،:"$الـعـوبــــة$":،.]

روووووووووووووووووووووعه خوش موضوع ،،:eh_s(15):

بعدي الحريم الجيدات ،،

عندكم حلا سههههههههل ولذيذ واذا ضبطتيه صار شكله فنتق ،

تطحنون شوي بسكوت دايجستف ، وحطونه بصواني السيراميك الذربه اللي تجي طواليه احلى ،

وتكورون تمر وتصفونه فوق البسكوت ،

بعدين تخلطون نص نستله مع نص قيمرر كي دي ددي الكبير مع ظرف دريم ويب ،

وتصبونه فوق التمر ،

بعدين تغزون بكل تمره عود اسنان ،

وانا شاريه فناتق صغار مثل اللولو او الفراشات الصغار او الورود الصغار ،

واكون مجهزتها من زمان وانا فاضيه واذا مالي خلق خليت خدامتي تجهزهم وتحطهم بعلبه بلاستيك على طرف لوقت الحاجه ،

جربوها وشوفوا حتى شكلها مو بس طعمها ،

وعندكم بعد طريقة الصمدي ،

عصير منجا وفواكه مقطعه وفوقها ملعقه كبيره بريد فانيليا مع هيرشي الفراولة مو الكاكاو ،

واممممممم بعد شنو ؟؟

اي كيك سارالي تقصونه وتصفونه بصينيه وتحطون فوقه خلطه تخلطونها بالخلاط ( 2 قيمر و2 بودرة كريم كراميل و2 دريم ويب وتصبونها فوقها )
وتحطونها شوي بالثلاجه اتماسك وتطلعونها تحطون مربي التوت ، التوت المعلب اللي يجي جاهز بالعلب الخضرا الامريكي بالجمعيات نسيت اسمه !

اذا اللي جايينكم ميانه ومو اهل قهوه وشاي ،

يعني رفيقاتك سووا نسكافيه او كابتشينو او قهوة المارس وهيك ،

وبس موفقين يارب ،،

ولي عوده باذن الله ،:eh_s(7):​

 

[مخدددده]

رووووووووووووووووعه الموضوع تســــلم ايدج

استفـدت منـكم وايــد الصــراحــه احـب هالســوالــف

 

[أخت أخواني]

بف بايستري تقطعينه بالطول وتمسحينها بالقيمر ونرش عليها شوي دارسين
وعقب تبرمينها وندخلها الفرن لي ماتحمر وعقب مانطلعها نحط عليها حليب مركز ومكسرات مطحونه
وبالعافيه ..

وبعد عندي كيك سرالي نقصه بالعرض يعني نحشيه بـ 2 قيمر كويتي ونوتيلا نخلطهم مع بعض
ونحطه فوق الكيك ونحشيه داخل وازينها بـ فليك

 

[meram]

انا ديما مجهزه عندى كل انواع الفواكه و الحلويات و العصائر للطوارىء و لانى بيجينى ضيوف باستمرار

 

[dimples99]

صح كلامج "تصبر!!" ما احد يطب فجاة الا اذا يمون على اهل البيت
واللي دايما موجود بالبيت مكسرات - تمر - عصاير

في حلو بسيط وسريع ولذيـــــــذ !!! ذوبي اي نوع كاكاو بحمام مائي (الصيداوي القوالب احسن شي) على ما يذوب قصي توست لمثلثات صغار وغمسيهم بالكاكاو وبعدين بجوز هند

طعمه روووعه !! وفي انواع بعد بس هذا اسرع شي

 

[لسعة شقاوة78]

لا انا اطلع عجينة السمبوسة واقطعها مربعات صغنونة
واقليها بالزيت واحط عليها اما شيرة او حليب نستلة وانثر شوية قرفة
واذا عندي بف باستري سويت داخله قيمر او جبن كيري واحطه بالفرن
والمكسرات تكون جاهزة عندي لان الحريم يحبن الحب علشان الحش فاعطيهم
مجال كاااااااك
واروح للمطبخ اسوي دجاجاتي والمرقة واغليها عالنار واجي اجلس شوي
وارجع اسوي الحشو واجبس العيش واحط الدجاج بالفرن
وسلامتكم

 

[futooosh]

مطعم ماكو كلام

 

[هيللو كيتي]

حلو موضوعج تسلممممين...

وتصير شكثر لان انا فبيت حمولتي ويصدف مرات يزورونا خالات او عمات ريلي بيسلمون او زوجي يمرة احد ومرات لنا احنا اهل البيت نبي نحلي بشي
.

اول شي اقدم عصير او ماي .. علا ماتخلص القهوة والجاي واجهزهم ..

وبهالوقت اقدم من الموجود
مرات تمرر احط فوقه جوز مفتت واصب هردة للتزيين واقدمة مع شوك او ابططهم باعواد مرات عشان بسرعه تنووكل...

واقددم مكسررات وجوكليت جالكسي جواهر او مجففات من مذحنة الفوز او كستانيا لان هذيل موجودين بداري ع طول.. هذي في حالات الززززنقه زنقه..

اوووو

اقدم حلو الفوندو الصحن عندي واقصص موز او فراوله واحط مارشميلو وصحن كيك وصحن بسكوت اللي متوفر عندي ومرات اطلب من البقاله ويجيني بسررعه..
واذوب كاكاو مارس مع جالكسي كراميل وقيمر صغير وشوي حليب سائل بس يخففها واحطها بالميكرويف بلا حمام مائي بلا خرابيط وعقب مايذوبون اخلطهم بالشوكه واقدمه..

اووووو

اقطع كيك او ااكسر بسكوت ماري وارصه بصحن واصب عليه نفس خلطة الكاكاو المارس وارشها فليك واقدمها بس احطها بالفريزر 5 دقايق..

اووووو

اقدم الكيك المافن احفرة شوي من النص واحط داخله كاكاو سايح وفوقه كرة برد واقدمة..

اوووو

اقطع كيك صغا واحطة بصحن تقديم واصب عليه من الكاكاو السايح وارش فوقه فوريرو روشيه او جوز هند او فليك ..

هذي وصفات للكاكاو السايح حييل سهله ولذيذة.. اتمني تعجبكم