للعرايس اللي خلصوا من جهازهم كله ...قولولنا شنو شريتوا من عطور وميك وشوية شغلات ؟

[قيم واخلاق]

ثاني شي شريت قمصان النوم الساتره حق اول يوم ابيض ثلاث قطع وواحد اصفر حيل حلو شكله نفس الفراشه بأشرطه ستان ودانتيلات ويجي طويل وله ذيل وبعد اثنين طوال نظام قطعتين والباقي بيبي دول وشريت اطقم ستيان مع كلوت اشكال بناتيه وبنفس الوقت جذابه وستيان وسروال حق اول يوم العرس وسراويل قطنيه حق الاستعمال اليومي اللي تجي نص فخذ وسراويل حفر للدوره وشلحات داخليه وهيلهوبات شفافه لامعه ونقش ومشبكه الوان

 

[قاهره عذالي]

تحلا ايامج والله يجملج بعين زوجج وانا مثل ماحب لبنتي هم احب لكم وحبيبتي ترا توج عروس والله اعرف بنات وحريم بكبري عوضو اللي انحرمو منه في تجهيراتهم وماشاء الله الحين كل شي حلو ورخيص وانا عندي خبره وحابه افيدكم واعتبروني اختكم الكبيره اي استفسار انا حاضره وكل البخورات والعطور اللي حاطتهم حيل حلوين واكيد راح يستفيدون بنات كثير من الموضوع ربي يرزقج على نيتج الطيبه ويجملج بعيون زوجج ولي عوده اكمل باقي التجهيز بإذن الله وانصح بمعمول حنان رخيص وريحته نفس مستوى القرشي وامل الكويت من عبدالمحسن

هذا انا اعوض اللي ما كنت اعرفه بجهازي وما شريته وابحث عن اشياء حلوه
وصاجه معمول حنان +عطر حنان+ خلطة الفراش حنان روعه وحلوه تشترينهم مع بعض
وهم عطر حور بـ3دك من العبدالمحسن حلو خلصته كثر ما رشيت منه وحلو كعطر نهاري اكثر وفريش للصبح تحسينه ريحة نظافه
واشكر تواجدج الحلو حقيقه انا استفدت لتواجدج الحلو اثريتي موضوعي بمشاركاتج القيمه شكرا لج حبيبتي:eh_s(7):

 

[قاهره عذالي]

قاهرة عذالي روحي عسى الله يحقق لج كل امانيييييييييييييييييييييييييييج

الله يجزاج خير على هالدعوه الحلوه ولك بالمثل :eh_s(7):

 

[قاهره عذالي]

ثاني شي شريت قمصان النوم الساتره حق اول يوم ابيض ثلاث قطع وواحد اصفر حيل حلو شكله نفس الفراشه بأشرطه ستان ودانتيلات ويجي طويل وله ذيل وبعد اثنين طوال نظام قطعتين والباقي بيبي دول وشريت اطقم ستيان مع كلوت اشكال بناتيه وبنفس الوقت جذابه وستيان وسروال حق اول يوم العرس وسراويل قطنيه حق الاستعمال اليومي اللي تجي نص فخذ وسراويل حفر للدوره وشلحات داخليه وهيلهوبات شفافه لامعه ونقش ومشبكه الوان

انا اذكر شريت قميص اول ليله من نعومه اوف وايت لونه وطويل ونظام روب مع قميص طويل وحلو كان والقمصان الطويله ع الاقل عشر قمصان وتكون من جميع الالوان اصفر اسود عنابي تعرفين ع الاقل حق اول اسبوع العرس والبيبي دول هم حلو واشكال والوان عندي احلى من القميص اللي يجي قصير ونظام روب وقميص قصير:eh_s(7):

 

[قيم واخلاق]

صح كلامج وبعد نفانيف قصيره ناعمه للشقه انا شريتهم على رسومات وبعضهم لا بس حيل حلوين كتغير عن الروتين /وشريت بجايم حرير من سيتي ماكس طويله وقصيره وبجايم قطنيه بدي علاق مع شورت وبجايم قطنيه طويله وبناطيل جنز عده الوان وموديلات وبديات وشورتات جنز باشكال حلوه و تنانير قصيره حيل جنز وغير الجنز للشقه مع بديات كيوت وذربين

 

[قاهره عذالي]

صح كلامج وبعد نفانيف قصيره ناعمه للشقه انا شريتهم على رسومات وبعضهم لا بس حيل حلوين كتغير عن الروتين /وشريت بجايم حرير من سيتي ماكس طويله وقصيره وبجايم قطنيه بدي علاق مع شورت وبجايم قطنيه طويله وبناطيل جنز عده الوان وموديلات وبديات وشورتات جنز باشكال حلوه و تنانير قصيره حيل جنز وغير الجنز للشقه مع بديات كيوت وذربين

ترا اكثر ما تستهلك العروس بشقتها البجايم
صراحه استهلاك وعندج البرمودات والبجايم الحراير والدراريع القصيره حق البيت لو من محلات شحليله موجوده عندنا بالجهرا بالعالميه مول فوق
انا هم من غلطات تجهيزي ولاني كنت ما اعرف اني ما كثرت بجايم ونوعت فيهم صراحه استهلاك هالبجايم
وسبحان الله طلع زوجي يحب البجايم اكثر من قمصان النوم
وقمصان النوم اللي تعجبه اللي تكون حرير ونظام بجامه او قميص نوم طويل نفس حق اول ليله
واللي نظام بيبي دول :eh_s(7):

 

[قيم واخلاق]

شوقتيني اجرب عطر حور احب ريحه النظافه والمسك مشكوره يالغاليه

 

[قاهره عذالي]

شوقتيني اجرب عطر حور احب ريحه النظافه والمسك مشكوره يالغاليه

لا هو مافيه ريحة مسك
ريحته نظافه وتحسينه جنه ريحة صابونه فيها عطر فرنسي مثل كامي او لوكس احس قريب من ريحتهم
اذا تبين عطر ريحته مسك بمسك
عندج عطر وصال من اجمل
وعطر بخاخ مسك الفايز من الفايز للعطور صراحه يهبل
وهم اذا تبين عطر مسك هادي للصبح وبعد الشور
عندج عطر جوفان وايت مسك تلقينه بالجمعيات على 3 وربع
خن احط لج صورته

:eh_s(7):

 

[قيم واخلاق]

عاد تدرين انا من الجهرا حياج الله بنت منطقتي والله الحين مثل ماقلتي يحبون البجايم والنفانيف القصيره اكثر من البيبي دول خصوصا الحراير وهم اكثر شي استهلاك عشان هالشي انا كثرت لها منهم ونوعت

 

[قاهره عذالي]

عاد تدرين انا من الجهرا حياج الله بنت منطقتي والله الحين مثل ماقلتي يحبون البجايم والنفانيف القصيره اكثر من البيبي دول خصوصا الحراير وهم اكثر شي استهلاك عشان هالشي انا كثرت لها منهم ونوعت

زين والله
عشان ادليج ع المجمعات واخذ راحتي
عندج محلات شحليله فوق بالعالميه مول وهم في محلات دراريع حلوه بنفس الدور
احب اشتري البجايم والدراريع القصيره اللي للبيت منهم
وهم عندهم دراعات حلوه بس غاليه وجاهزه ومشكلتها لازم تحرصين على القياس :eh_s(7):

 

[قيم واخلاق]

قاهره بسرعه دليني على جوفان مسك من اي جمعيه بالضبط ادور عليه من زمان عطري المفضل بعد عرسي هههه عندي احلى من هالماركات كلها

 

[قاهره عذالي]

قاهره بسرعه دليني على جوفان مسك من اي جمعيه بالضبط ادور عليه من زمان عطري المفضل بعد عرسي هههه عندي احلى من هالماركات كلها

انا اشتريه من جمعيه النسيم اللي بتيماء ق7
بس احفظي الصوره عندج
مكتوب عليه بالانجليش
Jovan
white
musk
for wowen
لان هناك في انواع واجد بس اللي حطيت لج صورته احلى نوع ومو مخلوط بس ريحة مسك وفي مكتوب عليه للرجال for men
هناك بالجمعيه تلقينه بستاند بروح يم الكلونيا ويمه بعد الكلينكس وشغلات البيت

 

[قيم واخلاق]

انتظروني يوم السبت ان شاء الله راح احط لكم باقي التجهيز لاني بكره مسافره

 

[قيم واخلاق]

مشكوره قاهره عسا ربي يبارك فيج

 

[قاهره عذالي]

انتظروني يوم السبت ان شاء الله راح احط لكم باقي التجهيز لاني بكره مسافره

تروحين وترجعين بالسلامه ان شاء الله وموفقين
:yaaaaaarb:
وناطرين مشاركاتج الحلوه بهالموضوع
اللي حقيقه اثريتيه وانا شخصيا مع اني عروس سابقه قاعده استفيد وافيد :eh_s(7):
وجزاج الله خير وقواج الله

 

[قاهره عذالي]

مشكوره قاهره عسا ربي يبارك فيج

العفوووووووووووووو :eh_s(7):

 

[قاهره عذالي]

اب اب

 

[عزوتي طنايا]

قواج الله يا قاهره


انا شريت بالعطور الفرنسيه والعربيه
طقم فرزاتشي

طقم من كريس ادمز

طقم رين دروب من اجمل

عطر اليسا

عطر الفراشه من العربيه

عطر هوت كوتير

عطر فلنتينو روك

وعطر ثاني من فلنتينو نسيت اسمه

عطر امير القلوب من الفايز

عطر ذهب من سيد جنيد

دهن عود فرنسي اسمه نواعم من سيد جنيد

مجموعة التوت من بدي سنتر

مجموعة الفراوله من بودي شوب


خمس خلطات من الفايز

واربع خلطات من دار زكيه

مسك العروس من القرشي

ومسك الختام

ومكعبات المسك من القرشي

ولوشن جسم روووعه للعرايس من زهور الريف يسوونه لج


(وباقيلي بعد

ابي كلونيا اشرقت وجم خمريه ولواشن من الرووقي)



البخور

بخور الملكي من القرشي

بخور المعاريس من امل الكويت

بخور ملكي من الفايز

بخور نسيت اسمه من الشايع

بخور معجون الذهب من الروقي

وعود مبخر من اجمل

وجم بخور عادي

ومتاكده اني ناسيه شعلات بالبخور والعطور


صج شريت بودرات من اجمل فظيعين انصح العرايس يشترونهم

روحو وجربو


وقواج الله ياقاهره وابي تقييمج للي شريته

 

[قاهره عذالي]

قواج الله يا قاهره


انا شريت بالعطور الفرنسيه والعربيه
طقم فرزاتشي

طقم من كريس ادمز

طقم رين دروب من اجمل

عطر اليسا

عطر الفراشه من العربيه

عطر هوت كوتير

عطر فلنتينو روك

وعطر ثاني من فلنتينو نسيت اسمه

عطر امير القلوب من الفايز

عطر ذهب من سيد جنيد

دهن عود فرنسي اسمه نواعم من سيد جنيد

مجموعة التوت من بدي سنتر

مجموعة الفراوله من بودي شوب


خمس خلطات من الفايز

واربع خلطات من دار زكيه

مسك العروس من القرشي

ومسك الختام

ومكعبات المسك من القرشي

ولوشن جسم روووعه للعرايس من زهور الريف يسوونه لج


(وباقيلي بعد

ابي كلونيا اشرقت وجم خمريه ولواشن من الرووقي)



البخور

بخور الملكي من القرشي

بخور المعاريس من امل الكويت

بخور ملكي من الفايز

بخور نسيت اسمه من الشايع

بخور معجون الذهب من الروقي

وعود مبخر من اجمل

وجم بخور عادي

ومتاكده اني ناسيه شعلات بالبخور والعطور


صج شريت بودرات من اجمل فظيعين انصح العرايس يشترونهم

روحو وجربو


وقواج الله ياقاهره وابي تقييمج للي شريته

البخور لو تشترين 3 انواع كافي لان خصوصاا انج شاريه البخور الملكي من القرشي اللي علبتين والثالثه مجانا بيظل معاج سنه وبخور المعاريس من امل الكويت خوش اختيار
وصراحه خلطات الفايز تجنن وعطر امير القلوب من الفايز حلو وهم عندج عندهم عطر الزين وعطر فجر وعطر مسك الفايز ودهن عود سكيب يجنن ريحته فرنسيه
عطورج الفرنسيه حلوه بس لو تضيفين لها عطر شوبارد يهبل وناعم وهم عطر لاليك الاسود
يعني حاولي عطورج الفرنسيه 6 عطور ع الاقل
يبيلج دهن عود سنع شوفي دهن العود العتيق من اجمل او دهن عود القرشي حلوين
ومجموعات الجسم نصيحه لاتكثرين اللي ريحتهم تكون فواكه ونكهات ترا الرجاجيل مايحبونهم حيل
من بودي شوب لو شاريه مجموعة جابانيز شيري او مجموعة المسك يهبلون
وعندج من بدي سنتر مجموعة زهرة النرجس او المجموعة البنفسجيه تواليت جنه اسمها هم حلوه
زهور الريف عندج مجموعة سويت كاميليا روعه يحبها زوجها ( عطر+شاور جل+بدي سبراي+لوشن) مجموعة صج حلوه من احلى المجموعات اللي جربتها
من اجمل لو هم شاريه مجموعة وصال وعطر ساكريفايس وعطر غرامي بعد حلو وطبعا باقيلج كلونيا اشرقت
خمريات الشعر عندج الروقي حلوين وعندج خمرية الشايع بعد حلوه
ماشاء الله اغراضج حلوه بس ناقص كم عطر حلوين ولو تزودين عطر او عطرين فرنسي لو انهم من الرصاصي مثل :"عطر رصاصي بور فيم - عطر رومانس - عطر خلطة العود-عطر دلع بنات )هذول اسعارهم من دينارين الى 5 دك وحلوين وهم عندج عطر المحبه حلو وريحته فرنسيه بـ7 دك من الرصاصي
الخلطات ماشاء الله كفيتي ووفيتي فيها
والبخور ترا ماقصرتي فيه كامل ومايحتاج تضيفين خلاص بيكفيج
اللواشن ما انصحج من الروقي اشتري من نكتار من زهور الريف من بدي سنتر بس مو الروقي
الروقي صج عندهم عطر ضي جايه ريحته على فراوله يهبل
وربي يوفقج ماشاء الله تجهيزج حلو
من ناحية البخور والخلطات كفيتي ووفيتي
بس ناقص الكلونيا والخمريات وجم طقم جذي 3 اطقم او طقمين زياده للجسم بس تكون ريحتهم ازهار مو نكهات للتغيير مثل سويت كاميليا من زهور الريف وجابانيز شيري من بدي شوب او زهرة النرجس من بدي سنتر
وشوية عطور خفيفه وفرنسيه من الرصاصي وحلوه
وعليج بالعافيه يارب والله يوفقج :eh_s(7):


بالاخير نصيحتي لج
الخلطات الفراش وقفي خلصتيهم
البخور خلاص بعد لاتشترين ماقصرتي واجد
مجموعات الجسم محتاجه 2 او 3 زياده لان بس شاريه مجموعتين
عطورج اشتري كم عطر من الرصاصي من اللي ذكرتهم لو 3 او 4 عطور + عطرين من اجمل وصال وساكريفايس او غرامي
وطبعا خمريات الشعر من الروقي او خمرية الشايع حلوه
وكلونيا اشرقت
تكونين خلاص كفيتي ووفيتي

 

[فيونكة_وردية]

يااارب تسهل علينا انا باقيلي بلااويي للحين ما خلصت لاني توني مبلشه بس بقولكم شنو شريت ولا تبخلون علي بالنصاايح الصراحه ماقصرتوا
اول شي شبكة العرس خذيت طقم الماس وذهب ابيض كامل قلب وتراجي وخاتم وسواره حلو فخم وناعم بنفس الوقت يعني اقدر البسه للبدله البيضا وما يضيع حلوو وعزلتلي فلوس ليوم العرس والنفنوف والصالون التصوير الخ الخ من تبعات يوم العرس
وخذيتلي ساعتين بس غالين والماس
روشاس ذهبيه وشيروتي سلفر ( هذول الماس )
والباقي طقه ماركو فلانتينو خذيت ساعه ذهبيه منه وخذيت تقليد الهرمز (( ايرميه على قولتهم )) درجه اولى سوده تهبل تهبل شوي عليها وغريبه نضام سواره جلد وقفل ذهبي معلق غريبه وتنلف لفتين عالايد حيل حبيتها ودي ادرع فيها من الحين بس طبعا امي وراي تقفل وتشيل ههههههههههه
وشريتلي اكسسوارات خفيفه عمليه تراجي وخواتم وهم يبيلي بعد لانهم شوي وخذيتلي علبه للكسسوارات اهي الصراحه صندوق كبير مو علبه جلد عنابيه فيها ادراج تهبل من سنتر بوينت بنات لا يطوفكم صناديقهم رووعه

خذيتلي جنطتين من الماسه سوده بذهبي ماركه كابوتشي وبيج بذهبي باوف وايت ماركو فلانتينو مع بواكتهم وخذيت جنطه بيضه بذهبي من بيار كاردان ب 250 دك مع فلاتها ب 60 دك الله لايخسر حنوا علي اخذها ما عجبني السعر المهم (( جيكوا عالذهبي لووووول )) احب الذهبي يانااس
وبس هم يبيلي بعد لان الباقي خذيت شي عملي مارح اسافر بشي غالي نصيحه اذا انباق بتحترين عليه اخذوا اللي يصير تقليد وفيه سعره ماعليه حسوفه تقليد ماركات خذيت جوسي بنفسجيه بذهبي تونس ب 25 دك وبرادا بني بذهبي ب 20 دك وجنطه من محل اسمه اماري يجيب شغل من بره حدها كيوت وتونس مع ساعه نفس اللون لونها فوسي تقليد جيمي تشوو حيل حلوه ب 25 دك الساعه تقليد الكارتير
خذيت كعوب من اكثر من مكان اتش اند ام وبازار ونيو لوك ومحل بالجهرا نسيت اسمه بالمنار مول بنت خالتي الله يخليها لي جهراويه دلتني عليه والله سوقت الجهرا تونس وفيها كل شي يبيلي ارووح ان شاء الله
وفلاتات عمليه للسفر من بازار مريحين درجه اولى خذيت ثنين بيج وواحد ابيض كافي
خلصت البجايم وقمصان النوم خذيت من اوشيو ولاسنزا وماكس وسنتر بوينت شكلت بجايم شورتات وتنانير وبنطلونات حلويين حيل حرااير واقطان واللي تصير خامتهم بارده طبعا خلاااص بجايم وقمصان واندر ويير حدي بدعت واايد شريت حسيت اني فسفست البجايم يمكن40 بجامه اشكال والوان امي عصبت علي هههههههههههههه ماكنت احسب اللي اشتريه بعدين عاد قمت اركز واكتب واحط بكبت شرته لي والمفتاح عندها لووووووووووووووووول

مكياج خذيتلي من استي لودر باليت شدو فيه 30 لون حلوين وخمس حمر و4 بللشرات برونز ووردي ومشمشي ودرجه بين الوردي والمشمش واربع اقلام كحل اسود ورمادي وبني وازرق وفرشهم كان عرض نازله ست كبيره بجنطه ذهبيه بدبنهامز انا ما ذبحني الا الذهبي واستغليت الفرصه وخذيتها ب 30 دك
خذيت من ميك اب فور ايفر حمره كرزيه مع تحديدها وبودره تناسبهم من ماك خذيت حمره مشمشيه مع قلوسها
وخذيت شدو نيبو باليتين واي لاينر محمود سعيد الاسود انصح الكل فيه يهبل يا بنات والله احسن من لانكوم
خذيتلي ماسكرا ماستر بيس من ماكس فاكتور
خذيت كريم اساس من شانيل اسمه ليفت لومير خفيف وحلو ب 20 دك بنات
انا غرامي الميك اب وادماااان في سوالف واجد يبيلي لان اللي عندي راثعه فيه من كثر ماحط
صج ذكرت في مثبت كل ما ارشه يسالوني وين طاقه خدودج اوشنو كريم اساسج والله والله والله شاهد علي انه سعره بدينار ونص من زلزله محل مكياج هندي بس شنو يصك على الوجه ويعطي نضاره يهبل مع الكريم اساس روعه مو طبيعي هذا عقب الكريم ارشه هو مثل البخاخ واهف على وجهي بمهفه لين ينشف ويصك يهبل اسمه لووور وراسه مدوره ذهبيه ولونه شفاف ومنقوش عليه بالذهبي يجنن نصيحه لاتنسونه روعه

وبرووح اجرب كريم اساس من لايبراري اسمه ساندبيج او هوني بيج للمناسبات واحد منهم ان شاء الله يطلع حلو مدحوه لي حيل وناويه اخذه بس بشوف الدرجه وباخذ كريولاين كريم اللي يصير دائري للمناسبات واول الايام لانه ثقيل شوي يصلح لهالسوالف
وكريم اساس للايام العاديه باخذ كريم لندن خفيف وطبيعي عند الهنود تحصلونه احطه دايمه للكليه بس حول عيوني خفيف طبيعي حده حلوو ما يقلب رمادي نفس الكريمات الثانيه مع الحر
ويبيلي بعد ميك اب ما خلصت يعني لي عوده ان شاء الله

خذيت عطر امنيه وبخور السلطانه من امل الكويت
من الجزيره خذيت عطرين حلوين واحد منقش بذهبي واسود والله نسيت اسمه مربع صغير وثاني اسمه خلطه الجزيره نفس عطر كريد الابيض روووعه
عطر بنفسج من سيد جنيد
عطر كيم كارداشيان الاسود
عطر ماري مي من لافين
وعطر كوبيسم معاه بخاخ للجسم من محل بالعربيد يبيع سوالف اصغر علي وسيد جنيد
وهم يبيلي عطور ناويه لولا من مارك جيكوبس وتريزور من لانكوم وفي اي بي من 212 سيكسي
هذول الفرنسي والعطور العربيه باخذ من القرشي خلطه القرشي ورامان اللي فيه كرستال احمر من القرشي ومن الجزيره بروح اخذ عطر دايموند وعود وعنبر لونه وردي قرشته ستيل ووحده نسيت اسمها لونها عنابي باحمر وعطر النخبه 360 اسمه هم منهم
وان شاء الله بمر اجمل والرصاصي فيه عطور دشو مزاجي مدحتوهم
خذيتلي للجسم مجموعه جابانيز شيري من بودي شوب كامله وخذيتلي من فيكتوريا سيكرت مجموعه ساداكشن اللي لونها بنفسجي على كرزي تهااااااابل وهم يبيلي لوووووووووووووول امبيه افشل
شريت هدوم للشقه جنزات وشورتات وتنانير جنز قصيره وبديات وتركيبات حلوه عليهم وقمصان ذربه وناعمه ونفانيف وجامب سوت يونسون شغل دلع وطبعا كل شي مع اكسسواره وشغلات ناعمه وهم يبييلي ولي عوده ان شاء الله
اي صج للعبي محلات الفروانيه تهبل في محل اسمه زوغه
وووحده مطيريه اسمها عبايات الاسطوره شغلها للعرايس يهبل ان شاء الله بروحلها
وباقيلي البدل مادري متى اخلص لا اله الا الله محمد رسول الله

ادعولي تكفون عسى ربي يوفقنا كلنا ياارب بهالاذان توه ماذن العشا ياربي انك تبارك لكل بنت بمهرها وتعينها على انها تخلص شغلها من غير ما تنسى شي وتسخر لها زوجها وتباركلها بحياتها وتهنيها يارب ةتسعدها وترزقها الذريه الصالحه وتكفيها شر العين والحاسدين وكل حسود تحط كيده في نحره
وتغنينا من فضلك يا واسع الفضل ياكريم
اللهم امين
والله ولي التوفيق والله يعين الجميع
ولي عوده
بارك الله فيكم
​