لما ياني نصيبي بالزواج صار في عقبات تعالو ساعدوني ؟؟؟

[3emya_Berry]

اول شي المخر لازم يندفع مع الملجه ولا ما يملجونج اصلا ثاني شي بحكم اني خطابه هالعقبات كلهااااااااااااااااااااا اهلج بيوقفووووووووون بويهكم واهله طبعااااااااااااااااااا خصوصا العمر وحظر وبدوووو لان وايد وايد صادفتني هالشي بشغلي وقمت اهد عني هالعوايل الي تتفقق تقول حضر وبدو واصيل مو اصيل والي يبي الشي بالحلال ايني ماقول الا الله يوفقج حبيبتي اب هالزيجه

 

[Zen&7ala]

حبيبتي احنا بدو بس متحضرين و الملجه تتم سنه و ساعات اكثر و بالعكس وايد احلى و تتذكرين الأيام هذي

بس المهر عقب الملجه بشهر بالكثير

 

[YA B3DHUM]

فديتج الله يوفقج ان شاء الله
ودامج مرتاحه معاه توكلو على الله خو
وان شاءالله يارب اهلج يرضووون يارب يارب

وادعيلي اخذ الي ابيه :$

 

[رحيق انثى]

اسم الله عليج شكلج انسانه ثقيله وحكيمه الله يزيدج من فضله
انا ما اشوف اي مشكله بالموضوع اذا نوعج تقدرين تتأقلمين مع بيئه غير بيأتج

واعتقد امج بعد انسانه فاهمه وتعرف بنتها عدل وواثقه منها فالافضل انج تفاتحينها بالموضوع واخذي رايها لانه رضاها ضروري ورايها بعد ضروري

وصلي استخاره قبل كل شي وادعي الله ان يسددج بالقرار الصحيح

بس لي تحفظ على مده الملجه احس وايد طويله !! ما راح تقدرون تصبرون !! راح تملوون

وانا برايي واايد ضروري انج تعيشين بنفس مستوى معيشتج الحين لان بعد فتره من الزوااج لما تروح السكره اتيي الفكره

وعسى الله يسخرلج الزوج الصالح الي يسعدج ويستاهلج عاجلا غير آجلا يا رب

 

[الغلا كله لبوي]

ربي يوفقج ويكتب لج الخير

 

[Seleena]

الله يوفقج يااارب واييسر الامور لكم ان كان فيها الخير

 

[~@عيون الحب@~]

شوفي مساله العمر مو مهمة كثير بنات تزوجو شباب اصغر منهم وعايشين ومتونسين ولا همهم احد ولاكلام الناس ....كلام الناس مو فيدك لا راخ العمر وانتى تنتظرين المناسب....


الحاله المادية حطي ذا قدام عينك خذوهم فقراء يغنيهم الله

وبعدين انتى ما شاء الله موظفة يعنى اقلها تقدرين تلبين احتياجتك الضرورية ...حتى لو راتبك قليل

الملكة مهمة اذا صار نصيب لازم ملكة وطبعا يدفع المهر عند العقد هذي عادات القبائل واصري انتى على الشئ ذا

وسبع شهور ملكة مهى فترة طويله مره يعنى تقدرين تتعرفين عليه وتفهمينه ويفهمك بس لاتكثرين من الطلعات و الزيارات عشان ما يميل

والعصبية...ترى اغلب الرجال كذا


والله يوفقك ويرزقك ويتمم لك ويرزقنا

 

[•Brown•Sugar•]

ربي يكتب لج اللي فيه خير لج واللي تتمنينه
دام الريال 26 سنه يعني انسان ناضج هذا اهو اهم شي

 

[مون..]

بقووولج باختصااااار حل لكل هالامووووور!!!!


صلــــــــــــــــــــي استخـــــــــــــــاره !!!
واذا كان فيه خير الله بسهل كل شي واذا لا ترى نصيب ويمكن تتأذين وياه >> الله لاقال

انا من فتره انخطبت الصفات الي ابيها كانت فيه بس بعد ماصليت استخااره رفضووه اهلي وانا ماسألت السبب لان اعرف ان هالشي خير حقي >> اتمنى فدتج بشي ^^



اختج : اماراتيه

 

[Tom ♥ Jerry]

.,،


شوفي لا تنطرين آحد ! و انتوآ ليلحينكمـ بالبر على قولتهم !
أول شي استخيري يا قلبي
مآ ضاع من استخار ؛*** .، و آدعي ربج آذا كآن خير لج يقربه
و اذا شر يبعده (=

ثاني شي .،

بالنسبه للـ عقبات ؟
1/ العمر عآدي دآم آنتي و اياه رآضيين مو مشكله .
2/ عآدي جدآ سالفه الحضر و البدو وآيد بنات مآخذين بدو و العكس و مستانسين
آهم شي الشخص مو الـ ناس .، آنتي بتعيشين وياه
مو ويه آهله (=
3/ اعتقد هاذي المشكله الأكبر بالموضوع .، و لآزم تآخذين رآي و موافقه آبوج و آمج
مو بس انتي .، هم ابوج و آمج لأزم يقولون رآيهم .، يا اذا زين تنطرينه
أو اذا مآ يبونج تنطرين أحد خلاص مآ يعلقونج يمكن اييلج وآحد آحسن منه و تكون خيره لج (=
4/ الـ عصبيه عآد بـ ذكاء الزوجه يا قلبي .، عرفي شنو الاشياء الي مآ يحبها
و الي تخليه يعصب و تجنبيها رآح توآجهين مشاكل أول سنه أو سنتين زوآج و هاذا شي طبيعي
كلنآ عانينه منه بس بالنهايه انتي و ذكائج رآح تقدرين تخففين من عيوبه " العصبيه و غيره " ؛**


و انا بـ صراحه مع رآي رفيجتج الي تقول خلكمـ بس خطبه مو ملجه
لانه مآ تدرين شنو يصير بالظروف
يمكن تملجون و سبحآن الله مآ ترتاحين له طول هالـ فتره الي تنطرينه فيه
تطلقين مثلا ؟!
لا بالعكس عشان مآ تتدبسين فيه .، مو قاعده اخوفج بس الحذر وآجب على قولتهم (=

موفقه يا قلبي .، و الراي بالنهايه لج و لـ آمج و آبوج
لا تبنين اشياء و آحلام قبل لا تآخذين رآيهم
شوفي وجهه نظر آبوج و آخوآنج و آمج بالموضوع و بعدين يصير خير
و آعيد و آكرر آهم شي " آستخيري " ؛)

 

[*بسبوسه*]

الله يفوققج انشالله

باختصار العمر مو مقياس كلللللللللللللللللللللللللللللللش ملش فشيلي سالفت العمر من راسج خير شر

حضر بدو سنه شيعه خلاص عاد تطورو شوي..بما انه متحضر ورجال ياكل ويشرب نفس خلق الله شخايفه منه وانتم بتسكنون بروحكم ..وانتي رافجتي اخته تعرفين طريقة عيشتهم ,,ممكن تختلف عليج طريقة عيشتهم عن طريقة عيشتكم بس مع الوقت بيصير كل شي عادي..دام الرجال كويتي وولد ناس خلاص تحرروو من سالفت حضر وبدو

عصبي وطيب..حطيتي الداء والدواء مع بعض..بذمتج في كويتي مو عصبي شنسوي من الحر ياربي الله يجيرنا انشالله من نار جهنم دام تجملين جهنم الدنيا
اذاا عصب خليه يعصب وبعدها بيطخ...واااااااااااااااي عاد لا تدورين بالورد عيب... فكيها شوي

نجي لسالفت الدوره والمهر والملجه

اممممممم
الراي اول وتالي لبوج طبعا اهوا يقعد مع الولد ويتفاهم بهالشي
واحنا البدو ماعندنا البنت تطلع بالملجه حدها اذا باعتها تستقبله بالبيت يزورها وبس ومو كل العوايل تسويها..

انا مستغربه شهالدوره اللي بتعرقل زواجهه بيسافر مثلا ولا عسكريه حبس
شوفي حبيبتي انتي صبرتي 10 سنين نقول من يوم عمرج 20 لي 30 وانتي تنطرين المعرس بعد ما ياج مو قادره تصبرين 7 شهور عالاقل بهال7 شهور اهتمي بنفسج وبيضي ونعمي ..عاد من سوالف هالبنات ضبطي نفسج وتسنعي للريل

والمهر طبعا دامنه ملج لازم يجيبه هذا سلم البدو عشان البنت تجهز نفسها
اما اذا اهوا بيتعذر ماعنده فلوس اظن قرض الزواج الحين 6000 حلو
وبالسبع شهور يضبط شقته

طبعا سالفت المهر لا تشيلين همها لان ابوج ابخص بهالسوالف انتي عليج انج تحصلين الريال وتوقعينه بشباكج لي متي ياربي بننطر خلاااااااااااااااااااااص


وانشالله نسمع عنج اخبار حلوه

 

[ber00]

وااااااااي يانج مسويه من الحبه قبه

حبوبه ابدي جهزي حق زواجج والله يتمملك على خير:yaaaaaarb:

وصدقيني اسعد الزواجات اهي الى البنت اكبر من الرجال

انا خالتي ماخذ ولد عمي وهي اكبر منه ب5 سنين وماشاء الله تبارك الرحمن مسبوطه معه

وعندها 3 اطفال منه وكلش اوكي


توكلي على الله يابنت الحلال بس



وعقبالي يارب وعقبال كل البنات الى يبون الستر:yaaaaaarb:

 

[الناصرة]

انتي شتحسين فيه تبينه او لا؟
انا اقول استخيري والله يوفقج

 

[*((كـارينـا))*]

انــا اشــوف بالاول استخيري .. والله يكتب لج الخير ان شاء الله

و اذا ع العمر و القبايل ما اتوقع فيها شي عادي .. المهم تكونين انتي مرتاحه معاه

و دام بتعيشون مو بييت اهله معناته اريح و اسهل لج ان شاء الله

و اذا على سالفه المهر لازم يدفع بفتره مو حييييل طويله و لا قبل عرسكم ب شهر و لا شهرين

و انتي لا تحاتين موضوع تجهيز الشقه و هالحجي لان هذه مسؤوليته و اهله بيتصرفون و ما راح يقصرون معاه

و موفقه يا رب

 

[المرتاحة]

حبيبتي من ناحية العمر بالنسبة لرايي الشخصي ان العمر مجرد رقم اهم شي طريقة تفكير و المنطق اللي هو يتكلم فيه و عقله و ثقله كل هالاشياء تخليكم متفاهمين مع بعض

والبدو والحضر ماكو فرق بينهم اذا صار في تفاهم بينكم وكل واحد يحترم الثاني

اما سالفة انج تملجين الحين و عقب سنه الزواج انا اقول لج لا تستعيلين 7 شهور او سنه ترى مده وايد طويله.. خلوا الملجه اذا تخرج و تدل وضعه ذيج الساعه يصير خير و بالوقت الحالي خلوها بس خطبه

وبالنسبه لمساعدتج له بالمعاش طيعيني و اخذيها مني و هالكلام من بنات مجربين و من كلام خبراء بنفسية الريال في العلاقات الزوجيه .. في بداية الزواج لا تعطينه و لا فلس حمر علبو انه كاسر خاطرج و بتساعدينه و محتاج صح انه راح يقدر هالشي منج في البدايه بس هالشي مع المده بيرجع عليج عكسي ووايد راح تتعبين .. خليج انتي الاميره او الملكه و اهو اللي يصرف عليج و يتحمل هالمسؤوليه.
بداية الزواج لا تعطينه فلوس ولا حتى هدايا ليمن تعرفينه زين مع العشره بعد سنه او اكثر اهني ممكن انج تعطينه هدايا بالمناسبات

والله يوفقج يا رب و يكتب لج اللي فيه خير ولا تنسين يا حبيبتي الاستخاره

 

[كوكيية]

حبيبتي وافقي و توكلي على الله الريال مو بعمره بعقله و ما فيها شي اذا طالت فترة الملجة بالعكس احسن عشان تعرفينه عدل و الله يوفقج

 

[> Miss M6ereiah <]

الله يفوققج انشالله

باختصار العمر مو مقياس كلللللللللللللللللللللللللللللللش ملش فشيلي سالفت العمر من راسج خير شر

حضر بدو سنه شيعه خلاص عاد تطورو شوي..بما انه متحضر ورجال ياكل ويشرب نفس خلق الله شخايفه منه وانتم بتسكنون بروحكم ..وانتي رافجتي اخته تعرفين طريقة عيشتهم ,,ممكن تختلف عليج طريقة عيشتهم عن طريقة عيشتكم بس مع الوقت بيصير كل شي عادي..دام الرجال كويتي وولد ناس خلاص تحرروو من سالفت حضر وبدو

عصبي وطيب..حطيتي الداء والدواء مع بعض..بذمتج في كويتي مو عصبي شنسوي من الحر ياربي الله يجيرنا انشالله من نار جهنم دام تجملين جهنم الدنيا
اذاا عصب خليه يعصب وبعدها بيطخ...واااااااااااااااي عاد لا تدورين بالورد عيب... فكيها شوي

نجي لسالفت الدوره والمهر والملجه

اممممممم
الراي اول وتالي لبوج طبعا اهوا يقعد مع الولد ويتفاهم بهالشي
واحنا البدو ماعندنا البنت تطلع بالملجه حدها اذا باعتها تستقبله بالبيت يزورها وبس ومو كل العوايل تسويها..

انا مستغربه شهالدوره اللي بتعرقل زواجهه بيسافر مثلا ولا عسكريه حبس
شوفي حبيبتي انتي صبرتي 10 سنين نقول من يوم عمرج 20 لي 30 وانتي تنطرين المعرس بعد ما ياج مو قادره تصبرين 7 شهور عالاقل بهال7 شهور اهتمي بنفسج وبيضي ونعمي ..عاد من سوالف هالبنات ضبطي نفسج وتسنعي للريل

والمهر طبعا دامنه ملج لازم يجيبه هذا سلم البدو عشان البنت تجهز نفسها
اما اذا اهوا بيتعذر ماعنده فلوس اظن قرض الزواج الحين 6000 حلو
وبالسبع شهور يضبط شقته

طبعا سالفت المهر لا تشيلين همها لان ابوج ابخص بهالسوالف انتي عليج انج تحصلين الريال وتوقعينه بشباكج لي متي ياربي بننطر خلاااااااااااااااااااااص


وانشالله نسمع عنج اخبار حلوه

العمر مو مقياس طبعا اكبر واشرف مثال سيدنا محمد عليه الصلاة والسلام والسيدة خديجة رضي الله عنها
والباجي سهالات ... بالنسبة لنا البنت طبعا ماتطلع معاه بعد الملجة لو شنو وانا حيل عاجبتني هالشغلة يعني بقعد سنة كاملة طالعة رادة معاه احس مو حلوة ويمكن نمل من بعض
والله يوفقج ان شاء الله وندش على موضوعج وتقولين انكم ملجتوا خلاص :yaaaaaarb:

 

[راقية بذوقها]

اللي اقدر اقوولة ربي يوفقج ويسعدج باللي فيه مصلحتج صلي استخاره وبس ترتاحيين وافقي ربي يتممها على خيير يارب ونشوفج احلى عروووس

 

[ღ❤سـنــيـــڪـرز❤ღ]

حبووبه ربي يوفقج ويسعدج وعقبال مانشووفج عرووس واحلى عروس وربي يرزقج الذريه الصالحه المعافاه يارب

حبيبتي اذا على العمر وحده من جماعتي متزوجه وءهـــي اكبر من زووجها بــ3 او4 سنيييين ياحليلهم ماشاءالله

ومرتااحين استخيري وادعي ربج والله كريم

الله يسخرج له ويسخره لج ياارب

ودعي بهدعاء
((اللهم ياجاامع اجمع مابيني وبين ..وبين فلان..بلحلال على ماتحب وبماتحب وجعلني عنده من المكرمين اللهم اعمي بصره وبصيرته وقلبه وعينه عن غيري من النساء اللهم اني أرته بلحلال فلاتحرمني حلالكات
اللهم صب حبي في قلبه صبا وأرني ذلك الهم اقنعه وأهله بي وسخرني لهم واقنعني واهلي به وسخره لنا ياقادر ياكريم))

ادعيلي ربي يسرأمري ويحقق لي مااتمنى

 

[رواضي قطر]

الله يتتم لك على خيرر بس نصيحه استخيررررررري مرتين وثلاث وموفقه يالغلا