لما ياني نصيبي بالزواج صار في عقبات تعالو ساعدوني ؟؟؟

[الزين 85]

الفرق مو وايد 3 سنوات عادي

وصراحه ماشوف فيها شي ملجة فترة 6 او 7 عادي وأذا سألوج قولي يعدل وضعه ويدرس ويتخرج عقب مده قصيره

وأنتي دامج مقتنعه بالولد عادي أشتريه ولاتهتمين بكلام الناس

انا اعرفهم بنات ملجوا عليهم سنه وسنتين ومايابو المهر ألا قبل العرس بشهور عادي الوضع

حياتي أذا أنتي طيبه بتكسبين أهله ودام اخته تحبج خلاص أكيد بحبووونج ويرتاحووون لج


وأذا عالعصبيه تكفين منو فينا مايعصصب

وأذا طولت فترة الملجة سنه حاولي تدشين معهد تطبيقي أو جامعه خاصه وعدلي مستواج الوظيفي

وصدقيني دام التفاهم موجود خلاص لاتخافين من شي

موفقه يالغلا

 

[وردة-الكويت]

العمر وفتره الملجه والاصل موعائق اهم شي الاستخاره ف الموضوع

استخيري وتوكلي على الله

 

[( المـلاك )]

حبيبتي من رايي انا اشوف انها فرصه ما تتعوض
يعني انتي ادرى انج بنت و بهالعمر فرصه الزواج عندج صعبه
واهم شي انتي مرتاحتله و اهو مرتاحلج
وبالنسبة للراتب الضعيف حبيبتي اهو انشالله بعد الدورة تتعدل اموره
فمافيها شي تنضغطين اقل من سنة وبعدين الله يفرجها بويهكم انشالله
ومن ناحيه حضر وبدو وخاصه انهم متحضرين فهذا الموضوع لا تشيلين همه ماكو فرق واضح بتحسينه
وعلى طاري المهر حبيبتي اهو اجباري يدفعه لج وقت الملجه ولا مايصير
والله يوفقج يارب

 

[amoona89]

حبيبتي داامج مرتااحه له
هالعقباات عااديه تقدرين تتجاوزينها ما اشووف انها اسباب كبيرره وممكن تخليج ترفضين
بالعكس
استخيري والله يكتب اللي فيه الخير

 

[غرق بالماي]

اب اب

 

[أم خشم]

فيه جم شغلة لازم نتطرق لها ,,
العمر يالله ,, نقدر نتجاوز عنه ,, بحالة وحدة اذا حسيتي انه ناضج وهالشي ما يبين من الكلام ,, لا من تصرفاته ,, روتينه اليومي ,, طلعاته و سفراته ,, نوعية اهتماماته ,,
ثاني شي سالفة بدو و حضر ,, شوفي اهلهم و طريقة تفكيرهم ,, لا تاخذين على كلام اخته او كلامه و عصبيته طبع ,, عادي المهم ان ما توصل فيه ان يطق او يؤذي لا اهني شي ثاني
و اهم شي لالالالالالالالالاتتنازلين ,, خلي موقفج قوي ,, لا تفكرين بهالطريقة السلبية والله انا فرصي قلت ومن هالحجي ,, كل وحدة الله كاتب لها تتزوج بتزوج و بالعمر اللي الله كاتبه لها ,, شي قلتي اي
و المهر ضروري يندفع مع الملجة و الا اشلون يصير العقد ,,
بس انا راح اقولج لازم تشوفين حياتهم من نظرتج انتي هل حياتكم و اسلوبكم يتماشى معاهم ,, ولا لا ,, لا تشوفين حريم اخوانه لان تقولين ماخذين من القبيلة يعني ما فرقت معاهم ,, بس انتي متحضرة يعني في امور اكيد بتختلف عنكم,, انتي شوفي الوضع ككل و تبين معاج الصورة لان حتى لو تكيف مع اخوانج واهلج ما راح يغير عاداته اللي تربى عليها ,,
ديري بالج و فكري عدل ترى هذا زواج و عشرة عمر مو يوم يومين ولازم تعرفين الناس اللي انتي مقبله عليهم
واخته ليش تقولج خليها بس خطبة من غير ملجة ,, خلوا الملجة طويلة علشان تعرفين اهله عدل
صدقيني اذا تنازلتي بيقولون قطت عمرها و اهلها قطوها ومن هالكلام اللي يحر القلب , ,
خلي موقفج قوي و لا تحسسينهم انج مو مصدقة انه يبيج
انا فاهمة موقفج و عارفة احساسج بس ما ابيج تتهورين بقرار تندمين عليه بعدين
والله معاج و يوفقج و يكتب لج الرجل الصالح للي تتمنينيه و تفرح فيج قريب ان شاء الله و لاتنسين الدعاء
قولي اذا فيه خير قربه يا رب و اذا فيه شر اصرفه يا رب ,, والله بيسر لج كل الخير

 

[:: Diva ::]

الله يكتب لج الي فيه الخير
استخيري يا عمري

 

[Denya-3'areeba]

اهم شي انتي تكونين مقتنعه باللي بتسوينه
انا مااهتم للعمر لان وايد ناس كبار بالعمر بس للاسف عقولهم صغيره والعكس صحيح
اذا الموضوع فيه خير لج الله يوفقج واذا الله ماكتب نصيب ربي يكتبلج الافضل
موفقه وان شاءالله قريب نسمع اخبار حلوة منج

 

[cuteness]

انا ادري ان الاختلاف اهو الي ممكن يضايقني انا غيييير انا حتى عباية ما البس ولا خواتي واهما خواته وحريم اخوانه يلبسون فاخاف يقعد يقارن واحنا عادس عندنا نطلع مع الريل بفترة الملجة واهما جنه سمعت انه اخته لما ملجت بس يزوها بالبيت ما تطلع مره كانت بتطلع واخوانها اعفسو الدنيا اخاف يقولون هذيل فري اي شسوي احنا عاداتنه غير عنكم
واهو يصلي ويخاف الله وملتزوج بصلاته هذا الي شوي مريحنى ابي واحد يخاف الله فيني بس احس انا اعقل منه بالحوار مادري حسيت بجذي

ام خشم صاجة في اشياء اسمعها ولا تقولها اخته اقول بقلبي احنا ماعندنا جذي اخاف ما ارتاح معاهم واناا اخاف من عصبيته انه يكون من النوع الي يطق ولا شي مادري صراحة هذي اشياء ما تنعرف قبل الزواج وانا موتي وسمي الريال يمد ايده هذا يوم ما اقعدله

انا كل شي ممكن اتاقلم معاه بس طبعه مخوفني امس اصر انه يكلمني ببعض الامور يقول حق اخته مابي وسيط ليش ماتعرف تتكلم وكلمته واختلفنا من اولها على جم نقطه وعصب جنه طايحه الميانه ولا من عمر اكلمه انصدمت جان يقولي انا ادري طبعي شين ومحد يتحملني وعصبي بس شسوي طالع على ابوي اي شيييييييي عاد الشماعه هذي الي ماحبها قلت له الي يبي شخص يتغير للاحسن عشانه انا اتحمل ماعندي مانع بس تحاول تتغير مو تحاول وتقول بس ماقدر انا ماقدر صراحة شجابرني عالشقي

وانا الحمدلله مافاتني القطار بالنسبه لي بس على قولتهم وساويس البنات يروح اهو ايي عشر غيره بس انا حسيت اني ارتحت له انا ولله الحمد مو حلوة بس جميلة براي الكل وشكلي نتفه واهو يقولي انا طول عمري اتمنى وحدة بمواصفاتج الشكلية وعمري ما لقيت ولما شفتج حسيت انه هذي الي ابيها قلت الشكل مو كل شي يقول حتى اسلوبج وهدوئج والكلام الي سمعته عنج لي الحين مريحنى ما طلعت له الوجه الاخر ههههههههههههه

انا ماكان لي علاقات وربي شاهد على صاينه نفسي حق هالزوج المنتظر عشان جذي ودي بملجة نطلع ونروح ونرد جدام اهلي واكلمه وما اخاف من شي هذا ريلي وبالحلال على سنة الله ورسوله وابي اعرفه اكثر بالخطبة بتكون العلاقة محدودة



والي تسال شنو هالدورة الي هالمدة اقولها مقدم يكمل دراسته عن طريج دوامه دازينه معهد بالكويت وتابع التطبيقي يكمل الدبلوم واذا اخذ الشهادة منهم يزيد راتبه عرفتو

انا امس فاتحت عماتي ثنتين بالموضوع اهما وحدة اكبر مني ب 7 سنين والثانية العوده بالاربعين شوي امون عليهم بهالامور اكثر من امي اقدر اناقشهم وقالو وانهم بيساعدوني اذا خطب انهم يناقشون امي وابوي ويقنعونهم اذا في اي شي بس المهر لازم يندفع بالملجة شلون نعرف ان جاد اخاف يبي يملج ويروح ويرد وبعدين ها لا مادري شنو تقولي انتى المهر اخذيه وخشيه لين وقت الي بتجهزين جهزي منه واذا اهو شاريج ما عندنا مانع احنا نشتري ريال بس خل يخطي وكل شي يتسهل


تبون الصج انا من زمان اخاف من الزواج انا ملكة عن اهلي اخاف اروح عالم ثاني ياذيني ولا ما ارتاح معاه ومثل الاخت العضوة (رحيق انثى) الي قالت لي لازم تعيشين بنفس مستواج اى صح انا ابي نفسه انا مو فوق فوق لا وسط ليش اجذب واهو يقولي تري انا ماحب سوالف ماعرف اشتري الا غالي وماركات انا ماقدر على جذي قلت له انا من كل المستويات اشتري بس عالذوق اهو مادري طريقته وايد جاد خوفني منه


لازم استخير بكل وقت احس متردده انا عندي اقعد طول العمر عند اهلي ولا اروح واردلهم الله لا يقول

دعواتكم لي

 

[ام خالد.]

حبيبتي البنات قالو كل حاجه بس حبيت اقلك ان فرق سنتين في المرحله العمريه دي عادي لانه بيبقي نفس النضج تقريبا
سنتين تفرق لو انتي 20 وهو 18 لكن في سنكم ده مش فارقه واهم حاجه الارتياح وربنا يريح قلبك ويهديكي للي فيه الخير يارب ويجعل ليكي في الخير نصيب
والعصبيه دي بيتهيالي مفيش راجل علي وجه الارض مش عصبي بس من واقع تجربتي العصبيين دول فثانيه بيتراضو والزوجين بيطبعو بعض بطباع بعض اتمني تكوني فهمتيني
البدويه والحضريه دي مفهمش فيها بس اللي اعرفه ان فيه ناس بتجوز من جنسيه تانيه خالص وبيعيشو زي العسل مع بعض اهم حاجه تتفاهمو وتتعاملو مع بعض صح
ويارب ازغرطلك قريب بس متنسيش تعزميني

 

[cuteness]

ام خالد حبيبتي والله جزاك الله خير يارب تعالي الكويت واعزمك عالفرح عشان تزغرطيلي ولا احنا انييكم بشهر العسل انا احب اروح مصر

 

[ام خالد.]

تنوريني والله واعملك هنا احلي واجب دنا اعملك فرح من اول وجديد وزفه وشموع وهيصه

 

[cuteness]

حبيبتي والله يا ام خالد خلاص ماراح اسوي عرس بالكويت انطر الزيطه الي حتعمليها لي بمصر هههه مشكور عالردود الي تفرح

 

[barbya_q8]

صلى استخارة وبالتوفيق

 

[كيآن روحي]

عآدي حبيبتي توكلي على الله وآستخيري الله يوفقك يآرب وتبشرينآ بيوم ملكتك
وآنو آكبرمنك العمر موعيب مآفيهآ شي الرسول عليه الصلاة والسلام كآن متزوج السيدة خديجه وآهي آكبر منة
والله فيه قصه قريتهآ لشخص في منتدى وآحد متزوج بنت عمه وآهي آكبرمنة 10او 9ويقول الحمدلله حيآتي معهآ كآنهآ جنة
والقبيله عآدي مآفي شي آسمه بدو حضر كلنآ وآحد ورآح تتآقلمين معآهم وتتعودين عليهم ولاتسمعين كلام آحد
وآذآ على العصبيه شوي شوي صدقيني تخف عصبيته
وآخوي مآفيه مثله عصبي ويخوف سبحآن الله كيف الحين صآر مع زوجته مآكآنة آهو صآر معهآ على كيفهآ
عليك بالدعآء والاستغفآر بنيه التوفيق
موفقه آن شآء الله00

 

[a7la-elbanat]

انا من رايي انج تسوين بمقولة الاستخاره قبل الاستشاره
يعني استخيري وتوكلي على الله ماكو مانع لا من حيث العمر حمدلله مو حيل فرق كبير بينكم وحتى سالفة بدوو وحضر كلنا حمدلله طيبنه وحده وهذا زواج والرسول صلى الله عليه وسلم قال : ان جائكم من ترضون دينه وخلقه فزوجوه

والزواج ستر وصحيح معيار الحاله الاجتماعيه والوضع الاجتماعي والعمري مهم لكن بالنسبه لج ماحس ان في فرق من هالمبدأ

والله يوفقج بالنصيب الصالح يارب

 

[جوف الليل]

كل شيي من ربج وله حكمته

 

[فوق الثريا محلي]

الله يسهل امورج ان شاء الله

 

[ام كوشه منكووشه]

حبيبتي الله يوفقج ويجدم اللى فيه الخير لج ان شاءالله

استخيري ربج وشوفي راي امج حاولي تجيسين النبض

لكن من راي انا ان الفرووق اللى تقوالين عنها مااظن انها سبب كاافي لرفضه طالما انج تعرفين اهله واهما يعرفونج

 

[cuteness]

مادري بنات احس بفكر وايد وايد بعد موشي امس صليت وعقبها كلمت اخته على بعض الامور وه قالها بيكلمني و كلمته مادري احس نفسي كشيت اسلوبه يبط الجبد سبحان الله الواحد ما يحكم من الشكل ولا كلام احد عن احد الا لما نسمع باذونه وايد يتفلسف يحليله مايدري انه اهلي ممكن ما يرضون بس لو انا اقتنعت ممكن احاول فيهم قاعد يتشرط اى ميخالف بس لا تشد حيلك وايد انطر علي خل اتعود عليك اقتنع واسلوبه وايد حاد جنه بيتهاوش على اي شي اقول بقلبي يمكن هذي نتيجة الاستخارة سبحان الله تري والله ماعندي اي مشكله هذا نصيب يروح اهو الله خاشلي الاحسن والافضل ربي عارف انا شنو وانا موكله امري لرب العالمين اهو ادرى بمصلحتى وبما تخفي القلوب