لو انتي مكاني شنو تسوين؟؟؟؟

[MiSsY HottY]

دايما اذا ماتقدرين تتكلمين بالموقف نفسا او ماتييج رده فعل سريعه

حطي ببالج انه اللي جدامج خليه يتكلم ويتكلم ويتكلم ويصارخ وانتي عطيه ابتسامه حقيره وهزي راسج يعني سامعته
اخر شي قوليله ببرود.. خلصت ؟ يعطيك العافيه
وهديه وامشي
اصلا انتي راح تكبرين بعين نفسج لانج تحرقينها زود

صدقيني عن تجربه

انا مثلج ماعرف ارد او الرد ايني لما تنتهي السالفه اقول جان زين قلت جذي وجان زين قلت جذي وتحترين زود

وترى تربيه الوالده الله يحفظها اهي السنع وشرط باجر لي ولدتي ويبتي بنات راح تقولين لهم نفس اللي امج قالته لج
ما اتوقع راح تقولين لهم اللي يطقكم طقوه واللي يسبكم حطو حيلكم فيه عدل!

نفس اللي كنت بقوله والله يعينج والله انقهرت هفففففففففففف

 

[اكابر]

تدرين شنو اللي كان يقهر خالتي ام ريلي ؟؟

تقول للناس تبط جبدي ما ترد .. تخيلي اهي تعصب وتقلب الدنيا وانا ساكته .. وان رديت فبكلمه او كلمتين ..

فتنقهر زياده خلج جذي بالعكس مافيج شي ..

 

[فرقى ولايف ..]

أنا لو مكانج أنبرص وأسكت مثلج
لأني ما أعرف أتصرف مع الهيلق !!
ولو تحجيت بقط بدليات لي الراس هذي مشكلتي لما اتنرفز لوول
بس ابتسم ببرود و أسوي نفسي غبية فاهمة غلط >_<
فيرتفع ضغطهم زيادة..

 

[فرقى ولايف ..]

لا تنسين تتحسبين عليها وتدعين ربي يكافيكم شرها
يمه منها عوبة تخوف هههههههههه

 

[سـلام العـشق]

انا ما احب ارد على هالاشكال

مو لاني ما اعرف بس ما انزل لمستواهم

عادي انتي يوم شفتيها تصرخ وجذي

ابسط حل عطيتيها طاف ومشيتي لا تسمعينها

 

[دلع الدواسر]

هههههههههههههههههههههههه زين سويتي فيها
عيل ادق عليكم هههههههههههههههههههههههههههه تبي تتهاوش
هههههههههههههههههههههههههههههههه اتخيل شكلها ميته من الحره هههههههههههههههههههههههههههههههههههه

 

[انا حبه للابد]

رد : لو انتي مكاني شنو تسوين؟؟؟؟

الله يعينج على هالاشكال عندنا وعندج خير

 

[كلي حب وحنان]

هلا اختي الغاليه ..

خليني انا مكانج ماراح اتهاوش معاها لان نحن بمكان عام ..

بقولها بس كلمتين انتي بنت عمي من لحمي ودمي على عيني وراسي والكلام اللي قلتيه عنا انتي تعرفين انه مب صحيح وانا مابسامحج ليوم الدين وتروحين من عندها ..
عاد اهي بتحس بهالكلمه وبتفكر الله يهديها ويهدينا معاها ..دعواتج للجميع ..

 

[كراميلا مرة]

بالعكس انتي الحين رديتي عليها رد قوي
لانه باخلاقك وتسامحك خلاها تنقهر اكثر
بدليل انها زيدت كلام ومسبات
موشرط اني اصارخ واسب واشتم عشان اخذ حقي
انتي الحين احسن منها

 

[!الجادل الصعب!]

مآتعرفين تردين آمنآ بالله .. شكو تقولين لهآ آنا احبج ..!
تولي بس .. آقل رد اذا مآتعرفين شتسوين ..
تقول ليش مآ قلتي .. قولي مآبي آقول .. ليش مآسويتي .. مو شغلج ..!
بكل بسآطه جعميها بطريقة انها مآتتدخل
موفقه ..!

 

[ريماR]

اول شي يا زين ردودكم الله لايحرمني منكم ولا من منتداي الحبيب
ريري1 : ايه اسكت لانه لسانها تقولين رشاش الله لايوريج وحده مثلها قولي امين

خالة برونزيه : تسلمين ياقلبي اسم الله عليج من القهر

اكابر : ايه صح الصمت احسن شي بس اخذت حقي لما دقيت عليها

فرقي ولايف : ياليتني مثلها هيلقيه ماحد يقدر عليها عووووبه

سلام العشق : وقتها ترا ماتعرفين شلون تردين ولا تفكرين من الصدمه الله لايوريج الصدمه

 

[ريماR]

دلع الدواسر : الله يخلي التلفون من بعيد اخذ حقي
لا اقولج شي يفطس ضحك بعد مادقيت عليها وقلت لامي مسكينه امي ماتبي مشاكل قفلت باب الشارع وقلت لخدمات اي احد يطق الباب لا تكلمون

انا حبه للابد : مايعيش بالدنيا هذي الا الاشكال هذي

كلي حب وحنان : الكلام اقولها اذا جدامي وحده تستحي مو هذي ويها مغسول بمرقه

كراميلا مرة : اهي تحس بخلاق وتسامح اهي اقرب شبه لها وانتي بكرامه الكلب المسعور ماتحس

الجادل الصعب : زين اني تكلمت نص كلامي تلعثم

 

[يا عيون جدي]

من صجج تسكتين لها

هالاشكال ما تنعطى وجه ردي عليها بكلام قوي ولا تقولين بنت عمي وبنت عمي
انتي بعد ينت عمها ليه ما احترمتج والله الحين بالهوقت الكل يقول نفسي وبس تفسي وبس

 

[amoona89]

والله مثلي يووم وحده تزفج ولسانها شطووله مااتردين
ابي ارد احااول بس ما اقدر اسكت بس يوم اقعد بيني وبين نفسي اقوول ليش ماقلت لها جذيه ليش ما رديت
بس بيئتي والبيت اللي تربيت فيه ربااني انى ما ارد على اللي يغلط عليي وانى ما اواجه المشكله بمشكله
هذا الشي اللي يحسسنني انه حقي مهضوم وانى ضعيفة الشخصيه

 

[ناسكة]

رد : لو انتي مكاني شنو تسوين؟؟؟؟

سامحيها اختي واهنيج على امج الله يخليها لج
اللي تشجعج على الخير وحسن الخلق

 

[Petite]

تقول عن أمج حصان وتسكتين ؟؟

جان قلتيلها حصان اللي يرفسج ويفجج عظامج

قهرتيني

انا مثلج ما أعرف أرد على الوقحين والوقحات

بس اذا وصلت السالفه امي وابوي أصير مينونه

 

[هنووفوو]

الطيب ماله مكان بهالزمن
لسانج اهو الي بعيشج

 

[حلاوه تمشي]

رد : لو انتي مكاني شنو تسوين؟؟؟؟

ريما r انتي نفسنا خواتي مانعرف نرد على احد وصاروا الناس يتطاولون علينا

 

[حلاوه تمشي]

رد : لو انتي مكاني شنو تسوين؟؟؟؟

بس سلكي سلكي سلكي الحياة من غير تسليك ماتصلح عطيهم على قد عقولهم

 

[! هُوْ وِينِه !]

وجبي إلي يوجبج
وبس
مآلج شغل بتشرهآت آلنآس
وطنشي لآ تردين على آلنآس جذي يغتآضون زيآدة