لو انتي مكاني شنو تسوين؟؟؟؟

[بـ ع ـثرة آحاسيس}~]

اعتبري سكوتج عليها بهالموقف انه انتي اكبر عقل واخلاق منها وعلى اجر يارب

بس مره ثانيه حآوليه توقفينها عند حده بنظره اوكلمه تهزها وتهز اهلها

ولاتركيها تتكلم وامشي وقولي لها بس يكبر عقلج ويستعدل لسانك بجلس اتكلم معك واسولف

....

 

[زوجة ضابط طيار]

رد : لو انتي مكاني شنو تسوين؟؟؟؟

شوفي ريما المؤمن القوي عند الله

خير من المؤمن الضعيف وفي كلن خير

بس فيه عدة امور مهمه تحطينها في بالج قبل تردين

اولا عمر اللى جداامج اذا مره كبيره ولا بنت كبرج ولا صغيره

ثانيا المكاان نفسه اذا بسوق بحفله بروحكم
يعني اذا مره كبيره مااكو غير انج تطنشنها
اما اذا كبرج او اصغر منج لا والله ماا اسكت انا عموما حتى لو مره كبيره ماا اسكت بس كثرت سكوتج رااح تخليهم يطمعون فيج ويتماادون اكثر
لكن لا تغلطين بالافااظ يعني غلط لما قلتيلهاا ياتربية الشووارع استخدمي الالفااظ المتعاارف عليه
حق الردح الكلاسيكي مثل نعم ياماما بصوت عالي خير ان شاء الله شسويت يمه هم بصوت عاالي نعم نعم نعم بصوت عالي هيه انتي هيييييه مع مد اخر الكلمه وطبعا الكعب والموبايل خليهم احتيااطي اذا تطور الوضع لتشاابك بالاياادي بس اهم شي لا تسكتين وموفقه

 

[دعابة الشـتاء]

رد : لو انتي مكاني شنو تسوين؟؟؟؟

عزيزتي ريما اللي ما تحترم امج واهلج وماتستحي هاذي المفروض ماتعبرينها ولا تسلمين عليها
ليما اهي تسلم عليج وترد عليها السلام وبس مرة ثانية اذا كلمتج جذي قدام الناس والا عند الاهل
احسن شي اذا مو مجهزة رد اتزفينها جنج مو شايفتها ولا جنج دريت اصلا شنو قالت وتمشين بكل هدوء
ولو قالتلج هي اكلمج رديها عليها انا ما ارد على وحدة مو محترمة تصارخ قدام الناس وامشي على طول لا تنطرين منها رد
ولا تهتمين اذا فشلتج لان انتي تدرين انها مو محترمة على كلامج

 

[foshia girl]

والله من طيب معدنج انج مارديتي عليها

خليها لا تردين انتي ارقى منها ولا تنزلين لمستواهااا

موفقه يارب ​

 

[دنيتي راحت]

صدقيـــــني انتي واااايـــــــد احسن منها لان البنت اللي هذا أسلوبهــــا وما تحترم المكان اللي اهيا فيه فهذي وحده مو متربيه مهما كانت المشكله الحوار الراقي يدل على شخصيه البنت وتربيتها وعقلها واذا أهي قليله ادب ما تعاملينها بالمثل علشان تاخذين حقج لأ ارتقي باسلوبج لان لا أهي ولا امثالها تنزلين نفسج لي مستواها وبعد انتي يا ريما تقولين قمه الاحراج ؟ أحراج على منو الاحراج لها أهي انتي ارقى منها عبالها شطاره جدام الناس هالتصرف صج هيلقيه ووووع مـــــا احب هالنوع من البنات احسهم ياييين من كوكب ثـــــاني​

 

[فجر@@]

رد: رد : لو انتي مكاني شنو تسوين؟؟؟؟

ريما حبيبتي مو لازم تردين بوقتها ........ اذا انتي ترتبكين ردي عليها لما تهدين ...... الله يسلم التليفون شيلي السماعه وقولي لها كل اللي بخاطرج وبردي حرتج ........ وقولي لها سكوتج مو ضعف بس بنات الحمايل مو قدام الناس يتكلمون ...... بالله شخلينا لشباب اذا بتناقش ويا الخلق بالشارع
وعالعموم موفقه يالغاليه
وتقبلي مروري

صح صح صح صح
قوليلها بنات الحمايل المتربيين ما يردحون جدام الناس

 

[شندوخه]

حبوبه المثل يقول
لحيتن احشمها ولحيتن احشم نفسك عنها

حقريها واهيا تحاول تستفزكم بأي طريقه بس سكوتكم وحقرانكم لها اهو اللي مستفزها

 

[reeza22]

رد : لو انتي مكاني شنو تسوين؟؟؟؟

نفسي واللة ما اعرف ارد ع الناس ...اسكت احسن

 

[نجمة كويتية]

والله انتي نفسي

يا حظج اخذتي حقك وبردتي جبدج

اما انا ناااطرة ناااطرة والحين سبحان الله قاع اشوف علامات من الله انه راح ياحذ حقي منها

ماراح اياس من رحمة الله فوضت امري له هو العادل وحسبي الله ونعم الوكيل

البنات اللي يقولن ردي وردي طيب علمونا شلوون شنو نقول حق هالاشكال اللي تستقوي علينا لان متربين ومالنا السان علموووووووووونااا والله قهرررررررر :"(​

 

[ريماR]

مشكورين بنات على ردودكم
انا نسيتها ومالي شغل فيها
ومثل ماقلو بعض البنات هذي تربيتها

 

[ZIKO_FDEETA]

هيييي سوري بس عصبتيني والله اخليها تكره عيشتها اخليها تبجي مثل ما فشلتج قولي لها لو تستحين ما يطلع صوتج ترى انتي انثى لووول قهرتني ااااه انا بنت دزتني بالمدرسه علقتها بالطوف كلش ولا حقج ترى والله عفوا بس باجر الناس ادوس عليج والله
نصيحه قالت لج كلمه ردي بعشر

 

[cat-girlq8]

ياحياتي بقولج مثل
ان لم تكن ذئبا ... اكلتك الذئاب
انا اسامح اوكي معاج بهالموقف بس علي حسب الموقف يعني بصراحه موقف اللي تصيرلج حده خايس شنو جدام الناس تقعد تكلمني بهالطريقه لا ما اسمح لها اوقفها عند حدها
المفروض تقولين لها ماله داعي هالكلام عيب تكلميني بهالطريقه جدام الناس هذي اصلا مو حاسبتلج حساب
كلللش مو سنعه ولا عجبتني مع احترامي لج هذي عقيديه ولا تعرف اتكلم ولا تعامل مع احد الله يعين زوجها اذا امج تقول عنها حصان من بعد ماسوت العمليه الناس اتحمد بالسلامه وتاخذ وتعطي هذي كلش ماتعرف حتي تعبر نفس الناس
صج اللي قال زلة لسان تفقدك انسان

 

[sh_mashael]

همن انا ما اعرف ارد


بس اذا شي قوي قوي قوي

اتوقع راح ارد
خصوصا اذا تعرضوا لـ امي

و منكم نتعلم

 

[Japanese]

بالعكس قمه الآدب انه ماتنزلين مستواج لهالآشكال ولا تراددينهم!!

انا شكبري وبعد مثلج لما احد يتكلم معاي بآسلوب مب شي ولا كلام مب محترم ماآرد

تدرين ليش؟

اقعد اجوف امي قدامي تقولي يمه انا ماربيتج على جذي!! لاتعطين الناس فكره اني ماعرفت اربيج بيتطنزون علي انا مب بس عليج

هني انا ابلع حرتي واسكت مااآآقدررر اتخيل موقف انه حد يقول لآمي ماربيتي بنتج

وحتى لمن حد يقل ادبه علي اقصىىى شي ممكن اقوله اني اسآلهم اذا امهاتهم ربوهم جذي! هالجمله تسكت اللي مايسكت :/

لآنها صج جنها طراق عالويه!!

وغير جذي احسبيها دينيا وانوي من ورا السكوت الآجر بعدم جرح وعدم سب وماراعاه لمشاعر الناس وانج بتكونين احسن منهم

وسعي صدرج ولا يهمج احد​

 

[حبيبه ببي]

-------------------------

 

[Aloolah]

ولا تييني وتمسكني من جتفي وتقولي انتي ماتستحين مالت عليج ماتسلمين ماتقولين هذي بنت عمي


^^^^^^^^^^^^^^^^^^^^^^^^^^^^^^^^^^^^^^^^^

مو هذا الي قالتلج


انا لو منج اشيل ايدها من جتفي و اقولها نزلي ايدج و ضحك و اكلمها ببرود و اقول و ليش لمن يتيني و سحبتيني ما قلتي بنت عمي و لازم احترمها ها منو طلع فينا الي ما يستحي على ويهه و بس عطيها ابتسامه و امشي

 

[♥MaSteRiyA♥]

السلام للَـــــــــــــــــــــه حبيبة قلبي..
اذا انتي رحتي سلمتي عليها هذا راح يزيد من قدرج وما راح ينقص منج شي
بالعكس هذا يبَين لها انج انتي متربية أحسن منها...​

وبعدين لا تردين ليش تردين عليها.. القوة بكظم الغيظ حبي
مو بالصوت العالي والكلمات الجارحة..
والله يهديها ان شالله..​

 

[قمرية الفيس]

بالعكس حبيبتي اتني سويتي عين العقل يعني قوليلي بالله تبين تتلاسين وياها وهي تمد لسانها اكثر وتفاضحون بالشارع وتصيرون فرجة
ياعمري الله قال في كتابه العزيز ( واذا خاطبهم الجاهلون قالوا سلامة )

 

[معصبه وايد]

انتي مريضه نفسيا وفيج مرض الجذب والحش ياماما روحي عالجي نفسج حالتج ميؤوس منها بسج جذب موضوع العن من الثاني انا مادري شاللي خلاني ادش على مواضيعج كتبت بقوقل عن اشياء تضحك وفجأه شفت ردود على مواضيعج وقلت بدش عشان اشوف هذي شسالفتها مسويه شو حدج بالمنتدى ويع ياكرهي هالفئه اللي يجذبون ويعيشون الدور :krkrkr:

 

[أم مهره وميثاء]

قصه غريبه...