لو لقيت تاجره تبيع شغله ب 30 ؟؟ و أنا بره شايفتها ب 5 ؟؟ اتكلم و إلا أسكت ؟

[ريم^الفلا]

صج انه شي يقهر بس اذا تكلمتي بتصير السالفه عليج
انا والله اشوف اشياء واسكت ومره وحده تعاملت معاها والله ياسمحها عالنصب اللي سوته والحين لو شنو ما اطلب شي وادري بتقولون اصابعج مو سواا بس اللي انقرص شعوره يكون جذي

 

[زهرااا]

حبيتي انتي لازم تقولين اسماء التاجرات عشان نعرف ...
و لا اشكره غش عيني عينك و احنا ساكتين !

 

[غير كل الناس]

قطع الاعناق ولا قطع الارزاق

 

[Super_Star]

انا معاج في اشياء اسعارها مبالغ فيها وايد بالمول

و اللي يبط الجبد اكثر سالفة التوصيل على دينارين و ثلاثة

يعني اذا تفويلة السيارة 3 او اربع دنانير و الحمدلله البانزين رخيص عندنا و المناطق يم بعض ابي افهم على شنو التوصيل ب 3 ؟؟

يعني اذا تسويلها خمس مشاوير باليوم هاذي 15 دينار فوق الطلب و اكيد مشاويرها اكثر من جذي

انا ما اقول لا تستربح من تجارتها بس النصب حرام يعني ما يضر اذا سوت التوصيل بربع او نص تراها هم ربحانة بس بالمعقول و طلعت فلوس البانزين و معاش المندوب مالها بس من غير جشع

وانا ما اقول هالكلام من باب الحسد لا الحمدلله عيني متروسة بس ما احب الاستغفال

 

[عمة فاتو]

حبيبتي... مردها الشارية بتدري.... وماتسوى تدعي عليها... ذاك اليوم زبونه دقت علي تطلب.. قعدت تسولف وتدعي وتحسب على وحدة بايعتها شغله

 

[3aboora]

اي و الله حبيبتي كلامج عدل فيدتج .. انا شفت كذا شغله بالمول اسعارهم دبل اللي بره وايد كان ودي اتحجى و اقول بس الواحد يخاف من الهجوم اللي يسوونه .. بس شنسوي مانقدر نتكلم .. و انا اقول البعض مو الكل
.. و تسلمين

 

[ام الحلوه والمزيون]

انا وياج ياذبانه بنت اخوي شاريه لمبات الوان من تايلند بميتين فلس لقيتها عند معرض الروضان بخمسه دنانير اضعاف السعر الاصليه الصراحه حييييل الحريم يبالغون بسعر

 

[tmtmt]

انا معاج في اشياء اسعارها مبالغ فيها وايد بالمول

و اللي يبط الجبد اكثر سالفة التوصيل على دينارين و ثلاثة

يعني اذا تفويلة السيارة 3 او اربع دنانير و الحمدلله البانزين رخيص عندنا و المناطق يم بعض ابي افهم على شنو التوصيل ب 3 ؟؟

يعني اذا تسويلها خمس مشاوير باليوم هاذي 15 دينار فوق الطلب و اكيد مشاويرها اكثر من جذي

انا ما اقول لا تستربح من تجارتها بس النصب حرام يعني ما يضر اذا سوت التوصيل بربع او نص تراها هم ربحانة بس بالمعقول و طلعت فلوس البانزين و معاش المندوب مالها بس من غير جشع

وانا ما اقول هالكلام من باب الحسد لا الحمدلله عيني متروسة بس ما احب الاستغفال

حبيبتي التوصيل مو على كييف التاجره على حسب التاكسي وعلى فكره انا ما اوصل ب 3
ب 1.5 للقريب و 2 للبعيد والله غصب يرضى
وانا بعد اذا في منطقة بيان بلاض

بس لنه من صج مو على كيف الوحده التوصصيل

 

[خاشووقه]

الأغلبيه يلاحظون ويسكتون

 

[بنــت ** الشيخ]

اي والله صاجه انا مره شفت وحده تبيع اله مساج ب 15 على شكل نحله وجذي وانا شاريتها من مركز سلطان حولي ب 1.500 فقط لاغيييرر اي استغلال هذا

 

[انصاريه قمره]

انا مو ضد الفايده بالعكس يا التاجره من حقج تستفيدين بس سالفة انج تبالغين بالسعر وتدوبلينه الف مره هذي كلش مو مقبوله

 

[katko0ota]

القناعه حلوه

و كل واحد براسع يعرف خلالالالاصه

 

[! كويتيه خطيره !]

ربي بيحاسبها على استغفالها لناس حطي ربح معقووووول مو دبـــــــل؟؟؟؟

 

[EnG.SaMoRa]

بليز قوليلي اسمها عالخاص
لاني حدي مطيحه هني ومابقى شي ماشريته بس اغلب الي شريته فناتق اشياء مو بالكويت وملابس حلوة اعجبتنياو خلطات
بس مافكرت اشتري بجامات السوق بينبط منهم

 

[سلسبيل 2008]

عموما انا ما احب اشتري من الحريم امي محذرتني منهم من زمان لان كان عندنا حريم يشترون بضايع من الامارات

ويبعونها حق بنات العائله بدبل اخر شي لقت خالتي بضايعهم بسوق الجمعه تنباع علي دينار ونص ومن يومها امي ما

تحب تشتري من الحريم ويا ويلها الي تشتري منهم تذبحها امي

وتصدقين شايفه تاجره تبيع اجناط علي 90 و 80 ولقيتهم بمنتدي ثاني نفس الصور ونفس الموديلات تبيعهم وحده ثانيه

علي 20 دينار وبمنتدي كويتي

والله صدقوني كل شي موجود بالكويت ديرتنا ديره خير كل شي فيها بس الثلج ما ينزل فيها :dddds:

 

[ام الغالين]

مشكوره على التنبيه لان انا دايما اشوف شغلات يبيعونها بالمول وبرا ارخص وهي مثلها

 

[:: Diva ::]

احسنوا الظن يا بنات
ترا التجاره الشخصيه وااااااااايد صعبه
اكيد مو مثل المحلات الي اتييهم كونتيرات


يعني مثلا انا اذا بطلع شي واحد
لازم اضيف عليها من 6 الى 10 دنانير رسوم على ما توصل لي
بجم ابيعها ؟
و اهي جم سعرها اصلا ؟

و اكيد المحلات ما يواجهون هالمشكله لان جمله و ترخيص وغيره
البنات الي يطلبون بالنت عارفين هالمعمعه و هالمصاريف
و يمكن تعرضت لنصب وحده باعت لها غالي مايصير تعرضهم بخساره مع ان وااايد
تاجرات عارضين بخساره

و في نات ما يدرون ان هالشي موجود بالديره !
فلا تقولين افضل

انتي لو تروحين الصالحيه و تشوفين شيله بالسعر الفلاني و تلاقينه بالرايه بسعر ثاني
تناشيبنهم ؟ و لا حتى تقولين لهم ؟
شي عجبج تقدرين عليه اشتريه ما تبين حياج الله غيرج اكيد يبيه




موفقين بنات

 

[تعويذه الحب]

حبيبتي التاجره من حقها تحط السعر اللي تبيه والزبونه من حقها تشتري صح في تاجرات يبالغون بالاسعار بس هم التاجر ما تغصب الزبونه على المشترى

 

[:: Diva ::]

انا معاج في اشياء اسعارها مبالغ فيها وايد بالمول

و اللي يبط الجبد اكثر سالفة التوصيل على دينارين و ثلاثة

يعني اذا تفويلة السيارة 3 او اربع دنانير و الحمدلله البانزين رخيص عندنا و المناطق يم بعض ابي افهم على شنو التوصيل ب 3 ؟؟

يعني اذا تسويلها خمس مشاوير باليوم هاذي 15 دينار فوق الطلب و اكيد مشاويرها اكثر من جذي

انا ما اقول لا تستربح من تجارتها بس النصب حرام يعني ما يضر اذا سوت التوصيل بربع او نص تراها هم ربحانة بس بالمعقول و طلعت فلوس البانزين و معاش المندوب مالها بس من غير جشع

وانا ما اقول هالكلام من باب الحسد لا الحمدلله عيني متروسة بس ما احب الاستغفال

حبيبتي علبالج ان التاجره في فلس من التوصيل يدخل بجيبها ؟
انتوا مو عارفين الاليه

انا ما اطلع اودي الطلبات للبيوت
و ما عندي سايق

ما امانع انج اتيين تاخذين غريضاتج او تطرشين السايق
بس ما تقدرين ولا اقدر شنو الحل ؟


تتعاملين مع تاكسي او مناديب
مو انتي الي تحددين السعر بالعكس انتي تحت رحمتهم !!
يقدرون يوصلون ولا لا
و تترجينهم بعد
و المناديب الحريم توصيلتهم وحده 3 دنانير
شنو الحل ؟

انتي قولي لي حبيبتي

 

[fatomy]

اممممممممممممممم كلامج عدل مدل